ကြယ်မြည်သံ
ကြယ်မြည်သံ ဇာတ်လမ်းကို အဆုံးသတ်သင့်ပြီ မဟုတ်လား။ ရှေ့ဆက်မရတော့တဲ့ ဇာတ်လမ်းတစ်ပုဒ်ကို သူရပ်တန့်ခဲ့တာ ကြာပြီပဲလေ။ ပိတ်လှောင်နေတဲ့အခန်းထဲကနေ အပြင်ကို ချောင်းကြည့်ဖို့ ပြတင်းပေါက်ကြီးကြီး မလိုပါဘူး။ လှောင်ပိတ်နေတဲ့ ခံစားချက်ကနေ လွတ်မြောက်ဖို့ဆိုရင်တော့ ဒီအခန်းထဲက ခေတ္တခဏထွက်သွားဖို့ လိုတယ် မဟုတ်လား။ အတွေးနှင့်အတူ ညနေစောင်းတုန်းက နေစူး၍ စေ့ထားသည့် ပြတင်းပေါက်ကို တွန်းဖွင့် လိုက်သည်။ သုတ်ခနဲဝင်လာသည့် လေအေးနှင့်အတူ ပြတင်းတစ်ချပ်က ပြန်ပိတ်လာသဖြင့် လက်နှင့်တွန်းထုတ်လိုက်ရသည်။ ပြန်ပွင့်သွားသည့် ပြတင်းတံခါးနှင့်အတူ အပြင်မှာ မြည်နေသည့် ပိုးကောင်မွှားကောင်တို့၏ အသံကို သတိပြုမိတော့သည်။ ခပ်လှမ်းလှမ်းမှ ကျစ်…ကျစ်…ကျစ်…ကျစ် နှင့် မြည်နေသော အသံကို ဟိုးကလေးဘဝတုန်းက ကြယ်မြည်သံဟု မည်သူမျှ မပြောဘဲနှင့် ထင်မြင်ခဲ့ဖူးသည်။