အံ့ဖွယ်အောင်ဆန်း ပြည်ချစ်ပန်း
အံ့ဖွယ်အောင်ဆန်း
ပြည်ချစ်ပန်း
ဇာနည်အောင်ဆန်း
ပြည်ချစ်ပန်းကား
လန်းစွတင့်တယ်
အသွင်ထည်လျက်
ဘယ်သူ့မကြောက်
ဒူးမထောက်ဘဲ
အောက်ကျမှာစိုး
တို့အမျိုးကို
ရိုးဖြောင့်မှန်တော်
သစ္စာဖော်ဖြင့်
မော်တံခွန်လွှင့်
အောင်ပန်းတင့်ခဲ့…။
နိုင်ငံအရေး
မြော်မြင်တွေးလျက်
ဝေးကြညီစုံ
" ဖွဲ့စည်းပုံ " ကို
ယုံကြည်ခိုင်စွဲ
ပြည့်ရင်ထဲသို့
မြဲတည်စေအောင်
ရည်ရွယ်ကောင်းခဲ့ …။
"
စစ် " နှင့် " စိုးရ " နှစ်ဌာနကို
စတင်ခွဲခြား
စံပြုထားဖို့
နားခဲ့
" စစ်ဝန် " တို့သခင်သည်
မင်စုံမမက်
တိုင်းပြည်တွက်တဲ့ …။
သခင့်လူဖြစ်
တွက်စစ်ကြည့်သော်
နှစ်နှစ်ကျော်စွန်း
သုံးဆယ်ပွန်း၏…။
မွမ်းထောက်ဂုဏ်မြောက်
သခင့်လောက်ကို
အောက်ထက်ကြေညာ
ဘယ်မှာရှာလည်း
ငါစမင်းသူ
ထိုထိုလူတို့
တူယောင်ဝေးစွ
အရိပ်မျှပင်
မမြင်ခဲ့ကြာ
နှစ်တစ်ရာပါ …။
"
သေသောသူ ကြာရင်မေ့ " တဲ့
လောကထုံးပြု
စကားစုသည်
ခုတော့မမှန်
အကြောင်းဖန်၏
တန်ပြန်မေတ္တာ
ပြည့်ကြင်နာဖြင့်
ခါစဉ်တမ်းတ
လွမ်းဆွတ်ကြ၏ …။
သြော်
…
ရာထောင်သောင်းသိန်း
နှစ်တွေကိန်းလည်း
ဟိန်း၍မြည်မည်
အောင်ဆန်းဂုဏ်ရည်…။
ကြာလည်းမမေ့
ရှာလည်းမတွေ့
ပွေ့ပိုက်ကာထွေး
ဂုဏ်နံ့မွှေးသည်
ဝေးဝဠာနှံ့
ကြူသင်းပျံ့ပြီ
အံဖွယ်အောင်ဆန်း
ပြည်ချစ်ပန်း …။ ။
(၇၁ နှစ်မြောက် အာဇာနည်နေ့ကို
ဂုဏ်ပြုလျက် …)
ညိုဝင်း(ချစ်မြေ)
(တနင်္ဂနွေ၊ ဇူလိုင် ၁၅၊
၂၀၁၈ မြန်မာ့အလင်း၊ စာမျက်နှာ ၁၇)
Comments
Post a Comment