အချိန်တွေက အကုန်မြန်လွန်းတော့
အချိန်တွေက အကုန်မြန်လွန်းတော့ ...
အချိန်တွေက ကုန်လွယ်လွန်းပါတယ်။ တချို့တွေရဲ့ ညည်းငြူသံကတော့ အချိန်တွေက ကုန်ခဲလိုက်တာပေါ့။ တကယ်တမ်းပြန်စဉ်းစားကြည့်မယ်ဆိုရင်တော့ ဆယ်စုနှစ်တစ်ခုက တစ်ခဏလေးပဲ ကျော်ဖြတ်သွားကြတာပါ။ ဆိုပါတော့ ကျွန်တော် အိတ်တီးဝမ်းမှာ မွေးတယ်။ အိတ်တီးအိတ်ဆိုတာ ကောင်းကောင်းမီလိုက်တော့ စာအုပ်စာတမ်းနဲ့ မမှတ်သားခဲ့ပေမယ့် တချို့ကိစ္စတွေက မနေ့တစ်နေ့ကလိုပါ။ အဲဒီလိုနဲ့ (၁၉၉၈) ရောက်တော့ ဆယ်စုနှစ်တစ်ခုဟာ ဖြတ်ခနဲပဲ။ (၁၉၉၁)ကို စ်ိတ်မှတ်မထားပေမယ့် (၂၀၀၁)ဟာ အမှတ်တရပဲ။ တက္ကသိုလ် ပထမနှစ်။ နောက် (၂၀၁၁)။ အလုပ်တွေ အမျိုးမျိုးပြောင်းရင်း (Life Style) တစ်ခု ချိန်းတယ်။ အခုဆို တက္ကသိုလ်ထဲရောက်သွားရင် ကိုယ်ဒီကျောင်းထဲစရောက်တာ (၁၈/၁၉)နှစ်တောင် ကြာပါပကောပေါ့။ (၂၀၀၀)ခုနှစ်လောက်ကတည်းက တက္ကသိုလ်ထဲ လျှောက်သွားနေတာလေ။ ဟိုးတစ်နေ့တုန်းက သူငယ်ချင်းသားသမီးတွေအလှူမှာ တက္ကသိုလ်တုန်းက မဘုတ်ဆုံတို့နဲ့ဆုံတော့ တွေးလိုက်မိသေးတယ်။ ဒီအန်တီကြီးတွေနဲ့ ကျောင်းတက်ခဲ့တာ နှစ်(၂၀) နီးပါး ရှိပါပကောပေါ့။ ဆိုလိုတာက နှစ်(၂၀)ဟာ သိပ်မကြာပဲ ရောက်သွားသလိုလို ခံစားလိုက်မိတာပါ။ အိမ်ထောင်ကျတာ (၂၀၀၄)။ (၂၀၁၄)ရောက်တော့ ဟမ် ငါအိမ်ထောင်ကျတာ (၁၀)နှစ်ရှိပေါ့လို့ အံ့သြမိပြန်ရော။ ကြည့်လိုက်တော့ သားနှစ်ယောက်ပါ ဘဝထဲမှာ။ အခုဆို အိမ်ထောင်သက် (၁၅)နှစ်ပြည့်တော့မှာ။ လက်ထဲမှာ ကိုယ်ပိုင်တာဆိုလို့ ငွေကြေး၊ စည်းစိမ် ဘာမှ မရှိသေးဘူး။ တခြားသူတွေမှာ သူဌေးကြီးတွေ၊ လုပ်ငန်းရှင်ကြီးတွေဖြစ်လို့။ အသက်ပြန်ကြည့်တော့ (၃၈)။ ဟမ် (၄၀) ပြည့်တော့မှာ။ လူ့လောကထဲရောက်တာ ဆယ်စုနှစ် (၄)ကြိမ် ပြည့်တော့မှာ။ ကိုယ်ဘာတွေ လုပ်ခဲ့ပြီးပြီလဲ၊ ကိုယ်ဘာတွေ လုပ်နေတာလဲ၊ ကိုယ်ဘာတွေ လုပ်ရမှာလဲ။ ဒီနှစ်အစကတည်းက ကိုယ့်ကိုယ်ကိုယ် အချိန်တိုင်း မေးဖြစ်ခဲ့တယ်။ ကျေနပ်စရာ မကောင်းပေမယ့် ဖြေသာတဲ့ အဖြေလေးတွေတော့ ရပါတယ်။ ထားပါ။ အခုလိုတွေးနေချိန် ကိုယ့်မိဘတွေ ရှိသေးတယ်။ သူတို့ အသက်(၆၀)ကျော်ပြီ။ ဘယ်အချိန်ကျမှ ပြုစုလုပ်ကျွေးနိုင်မှာလဲ။ ကိုယ်ဝန်ထမ်းနိုင်တဲ့အချိန် သူတို့ မရှိတော့ရင်(အဲဒီ အတွေးတွေးမိတိုင်း ကိုယ့်ကိုယ်ကိုယ် စိတ်နှစ်လက်နှစ် စိတ်ပျက်မိတယ်။) ကိုယ်ရည်သွေးတာ မဟုတ်ပါဘူး။ ကျွန်တော့်မိဘကို စားဦးစားဖျား၊ ဆိုပါတော့ အစားအသောက်နဲ့ ပတ်သက်ရင် ဂရုတစိုက်ကျွေးတယ်။ ဥပမာ မုန့်တစ်ခုခုစားရင် ရေနွေးလေးနဲ့ လိုက်ရင် ရေနွေးအသင့်ဖြစ်အောင် လုပ်ပေးတယ်။ ကိုယ်ရေသောက်မယ်ဆိုတိုင်း မေကြီး ရေသောက်ဦးမလားပေါ့(ဆီးချိုသမားဆိုတော့ မေမေက ရေခဏခဏ သောက်ဖို့လိုပါတယ်)။ အရင်တုန်းကတော့ မေမေ၊ ဖေဖေပဲ ခေါ်တယ်။ ခုနောက်ပိုင်းမှ မေကြီး၊ ဖေကြီး ခေါ်တော့တာ။ အမေ၊ အဖေ လို့ မခေါ်ဖူးဘူး။ သူငယ်ချင်းတွေကို မိဘအကြောင်းပြောရင် အမေတို့၊ အဖေတို့ စသည်ဖြင့် ပြောတယ်(တချို့က ပလီတယ် ထင်မှာစိုးလို့ပါ)။ အပြင်သွားပြီး မုန့်စားရင် မေကြီးနဲ့ သွားဖြစ်တာ များတယ်။ ဖေကြီးက ခရီးသမားမို့ သိပ်မသွားဖြစ်ဘူး။ သွားဖြစ်ရင်လည်း မိသားစုအစုံသွားကြတာပါ။ နောက်ပြီး ဆက်ပြောရရင် ထမင်းစားတဲ့အခါ ကိုယ်မဆာရင်တောင် အဖော်ရအောင် အတူဝင်စားပေးပါတယ်။ နောက် ရေချိုးတိုင်း မိဘအင်္ကျီလျှော်ပေးပါတယ်(အဲဒါကတော့ ကုသိုလ်လိုချင်လို့ပါ)။ အများအားဖြင့် အင်္ကျီနဲ့ ဘော်လီတစ်စုံစာလောက်ပါပဲ(ကုသိုလ်လိုချင်လို့ပါလို့ ပြောထားရတယ်)။ ရယ်စရာ ပြောရရင် တစ်ခါက ကျွန်တော် အလုပ်သွားကာနီး ရေချိုးခန်းထဲက အမေ့ဘော်လီနဲ့ အင်္ကျီတစ်စုံတွေ့တယ်။ အလုပ်ချိန်နီးနေလို့ တခြားသူလျှော်သွားမှာလည်း စိုးလို့ နောက်မှ လျှော်ပေးမယ်ဆိုပြီး ရေပဲချိုးလိုက်တယ်။ အမေ့အင်္ကျီနဲ့ ဘော်လီကိုတော့ ကျွန်တော့် ကွန်ပျူတာစင်အောက်က အံထဲမှာ သိမ်းထားလိုက်တယ်။ အလုပ်ရောက်တော့ အိမ်ကဖုန်းဆက်တယ်။ အမေ့အင်္ကျီပျောက်နေလို့တဲ့။ ဘော်လီထဲမှာ သော့သိမ်းထားတာကိုး။ အဲဒါနဲ့ သိမ်းထားတဲ့ နေရာပြောလိုက်ရတယ်။ ကျွန်တော် ဝန်ထမ်းလုပ်တုန်းကတော့ ငွေအနည်းအကျဉ်း ကန်တော့နိုင်သေးတယ်။ (ခုလောလောဆယ်တော့ မကန်တော့နိုင်တော့ဘူး... )။ လပြည့်၊ လကွယ် မှာတော့ အမြဲတမ်း ကန်တော့ဖြစ်ပါတယ်။ ပြောချင်တာက ဖြေတွေးမယ်ဆိုရင် ဒါလေးတွေက ဖြေတွေးလို့ ရနိုင်ပါတယ်။ ဒါပေမယ့် ကိုယ်အစွမ်းမကောင်းလို့ မိဘကို မထောက်ပံ့နိုင်တာ သိထားတော့ စိတ်ထဲမှာ ခံစားရတာ မကောင်းဘူး(လောလောဆယ်မှာတော့ ငွေကြေးအရ ထောက်ပံ့စရာ မလိုပေမယ့် သားသမီးဆိုတော့ ထောက်ပံ့ချင်တာပဲလေ)။ ကျွန်တော် (၅)တန်းမှာ သုံးရာတန် ကစားစရာ သေနတ်လေးကို စက်ချုပ်ပြီး လုပ်အားခနဲ့ ဝယ်ပေးတာ အမေပါ။ ကျွန်တော် (၅)တန်းတစ်နှစ်လုံး မြို့ထဲကျောင်းကို ခြေလျင်တက်ရလို့ စက်ဘီးဝယ်ပေးနိုင်အောင် သူသိပ်မြတ်နိုးတဲ့ ကျောင်းဆရာ အလုပ်က ထွက်ပြီး စီးပွားရှာခဲ့ရတာ အဖေပါ။ အခုထိ အဖေ အနားမယူနိုင်သေးဘူး(အနားမယူတာက အနားမယူချင်လို့ပါလို့ ကျွန်တော့်ကို ပြောဖူးတယ်)။ ဒါ ကျွန်တော် ညံ့လို့ပါ။ အချိန်တွေက အကုန်မြန်လွန်းပါတယ်။ အခု အသက်(၄၀)နားနီးမှာ မိဘ မထောက်ပံ့နိုင်လို့ ကျွန်တော် နောင်တမရပေမယ့် စိတ်မကောင်း ဖြစ်နေရပြီ။ နောင်နှစ်(၂၀) ဖြတ်ခနဲနဲ့ ရောက်လာမှာပါ။ အဲဒီအချိန် ပင်ပန်းစွာ ရုန်းကန်နေရတဲ့၊ မပြည့်စုံတဲ့ သားတို့တွေကိုများ ကျွန်တော် မြင်နေခဲ့ရမယ်ဆိုရင် ... ။ သားတို့ အမေလည်း စိတ်ဆင်းရဲမှာ သေချာတယ်။ အဲဒါကြောင့် ကျွန်တော် ပိုကြိုးစားရမယ်။ ကျွန်တော့် အသက်(၅၀) လောက်အထိတော့ ကုန်းရုန်းပြီး ရှာဖွေနိုင်ဦးမှာပါ။ နောက်ထပ် (၁၂)နှစ်ဆို ကျွန်တော့်အသက် (၅၀)။ ကံကောင်းမယ်ဆိုရင်တော့ အဲဒီအချိန်မှာ ကျွန်တော် အမောစေ့မှာပါ။ တခြားသူတွေနဲ့ မနှိုင်းယှဉ်ပါဘူး။ ကျွန်တော့်မိသားစု တင့်တောင့်တင့်တယ်ဖြစ်ဖို့ ကျွန်တော့်မှာ တာဝန်အပြည့်ရှိပါတယ်။ ကျွန်တော် ပိုကြိုးစားရပါမယ်။ ဘာ့ကြောင့်လဲဆို ...
" အချိန်တွေက အကုန်မြန်လွန်းတယ် မဟုတ်လား "
(PS:ဤစာသည် ကိုယ်ရည်သွေးလို၍ ဂုဏ်တင်ရေးဖွဲ့သောစာ မဟုတ်ပါ။ ကျွန်တော့်ကိုယ် ကျွန်တော် သံပတ်တင်းသော၊ မဲတင်းသော စာသာ ဖြစ်ပါသည်ဟု ရိုးသားစွာ ဝန်ခံလိုပါသည်။)
ရှဥ့်ညိုလေး
(၂၇.၈.၂၀၁၉ ည ၁၁း၀၉ မိနစ်)
Comments
Post a Comment