တစ်ရက်ပြီး တစ်ရက်
မိုးလင်းတာနဲ့ မျက်နှာသစ်၊ သွားတိုက်နဲ့ တစ်ကိုယ်ရေ တစ်ကာယ အလုပ်တွေကိုနေ့စဉ် လုပ်တယ်။
သွားနေကြ လက်ဖက်ရည်ဆိုင်ကို သွားတယ်။
စားနေကြ အစာတွေကို မရိုးနိုင်ဘဲ စားတယ်။(ရိုးနေရင်လည်း စားစရာက ဒါပဲရှိတာကို...ပလာတာ၊ ထပ်တရာ၊ အီကြာကွေး၊ မုန့်တီ၊ မုန့်ဟင်းခါး၊ ခေါက်ဆွဲ၊ ထမင်းကြော်၊ ထမင်းဆီဆမ်း၊ အစာအိမ်အတွက် မဖြစ်မနေ ဖြည့်နေရတယ်။)
တွေ့နေကြလူတွေနဲ့ အရင့်အရင်နေ့တွေက ပြောခဲ့ကြတဲ့အတိုင်း တောင်စဉ်ရေမရ ပြောမယ်။
ကြားပြီးသား သတင်းကို ဦးအောင်ပြောတဲ့သူကြောင့် မသိရသေးဟန်နဲ့ ဝိုင်းပြီး နားထောင်ပေးတယ်။
ရယ်ခဲ့ဖူးတဲ့ ဟာသကို တစ်ဦးတစ်ယောက်က ပြန်ပြောနေတာမို့ တချို့ ကိုယ်တွေ ယိမ်းထိုးလို့ ရယ်တယ်၊ လက်ခုပ်လက်ဝါးတီး ရယ်တယ်။ တချို့ ငွေ့ငွေ့လေး ပြုံးတယ်။
နောက်တော့ အိမ်ပြန်၊ နားရက် ရုံးပိတ်ရက် မဟုတ်ရင် အလုပ်သွား အစီအစဉ်အတိုင်းပဲ။
ရုံးရောက်တော့ နှုတ်ဆက်၊ ပြုံးပြ၊ လုပ်နေကြ အလုပ်တွေ လုပ်၊ နောက်တော့ ..........၊ ရုံးဆင်း၊ အိမ်ပြန်။
အဲလိုအချိန်မှာ ကိုယ့်ဇယားအတိုင်း၊ ကိုယ့်တေဘယ်လ်အတိုင်း သွားကြတာ များတယ်။ ရေမိုးချိုး၊ တချို့ ဘီယာဆိုင်ပေါ့။
နောက် အွန်လိုင်းသုံးသူတွေ သုံးတယ်။ သတင်းစာဖတ်သူတွေ ဖတ်တယ်။ ရုပ်ရှင်ကြည့်သူတွေ ကြည့်တယ်။ (ဒါမှ မနက်ဖြန်အတွက် ပြောစရာ စကားရမှာပေါ့...)
မိုးချုပ်တော့ အိပ်ယာဝင်၊ မိုးလင်းတော့ ပျင်းကြောတွေဆန့်လို့ ထခဲ့ကြရော။
ဒီလိုနဲ့ တစ်ရက်ပြီး တစ်ရက် စားနေကြ၊ သွားနေကြ၊ လုပ်နေကြတွေလုပ်ရင်းနဲ့ (၃၆၅)ရက်ကို (၃၆)ကြိမ်ဖြတ်ပြီးပေါ့။
လေးစားစွာဖြင့်
ထူးအောင်ဝင့်
Comments
Post a Comment