ကျွန်တော့်ဘလော့ဟာ စာကြည့်ခန်းတစ်ခု
ကျွန်တော့်ဘလော့ဟာ စာကြည့်ခန်းတစ်ခု
ဘာလိုလိုနဲ့
(၂)နှစ်ရှိသွားပြီပေါ့။ လွန်ခဲ့တဲ့ (၂)နှစ် ဒီလိုနေ့(၃၀.၄.၂၀၁၅)မှာ ရှဥ့်ညိုလေး ဘလော့ကို
မလုပ်တတ်၊ လုပ်တတ်နဲ့ စ-လုပ်ပါတယ်။ အဲဒီတုန်းက အလုပ်က ညဂျူတီဆိုတော့
မနက်(၂)နာရီလောက်မှာ ဘလော့လုပ်ပြီးသွားတယ်။ ကိုယ့်မှာ ရှိတဲ့အကောင့်လေးလည်း
ပျက်သွား မှာစိုးတယ်။ (ခုတော့ ဘလော့လုပ်ရတာ လွယ်မှန်း သိသွားပါပြီ...)။
အဲဒီတုန်းက
ညဂျူတီအလုပ် တစ်ပိုင်းပြီးတုန်း ရင်တခုန်ခုန်နဲ့ ဘလော့တစ်ခုရဖို့
ကြိုးစားကြည့်နေတဲ့အရသာ မှတ်မိပါသေးတယ်။ တကယ်တော့ အဲဒီအချိန်မှာ တကယ့်ဆရာကြီးတွေ က
ဘလော့ မသုံးကြတော့ပါဘူး။ ဘလော့ခေတ်စားတာ (၂၀၀၆/၂၀၀၇)လောက်ကပါ။ ကျွန်တော်က
(၈)နှစ်လောက် နောက်ကျပြီးမှ ဘလော့စ-သုံးတာပါ။ ဖေ့စ်ဘွတ်ခ်ဆိုလဲ (၂၀၁၂)မှ
စ-သုံးတတ်တာပါ။ သူများတွေ သုံးပြီး (၅)လောက် နောက်ကျပြီးမှ သုံးတတ်တာပါ။
ကျွန်တော့်ဘလော့မှ
ပထမဆုံးတင်တဲ့ ဝတ္ထုတိုလေးက အသည်းကွဲပုစ္ဆာ ဆိုတဲ့ ဝတ္ထုတိုလေး ပါ။ (အဲဒီဝတ္ထုလေးက
ဘယ်မဂ္ဂဇင်းမှာ ပုံနှိပ်ခံရမှန်း ကျွန်တော် မမှတ်မိပါဘူး၊ တခြားစာရေးဆရာတွေ လို
တစ်လ လေးငါးပုဒ် လတိုင်းဖော်ပြခံရသူမဟုတ်ပေမယ့် လ- တော်တော်လေးကြာမှ ပါလာတတ်သူ ဆိုတော့
မေ့နေတာပါ။ စာအုပ်လက်ခံမရှိတာလည်း တစ်ကြောင်းပေါ့။ မဟေသီ/မုခ/မြို့နယ်မဂ္ဂဇင်း တစ်ခုခု
ဖြစ်မယ်ထင်တယ်။ ဒါမှမဟုတ် ချင်းတွင်းမဂ္ဂဇင်းအယ်ဒီတာ ဆရာနေမင်းသန်းက သူဖတ်ဖူးတော့
ပါပြီးသားလို့ ထင်သွားတာလည်း ဖြစ်နိုင်ပါတယ်။) ဘာပဲပြောပြော ကျွန်တော့်ဘလော့
(https://shintnyolay.blogspot.com) ခံစားချက်သင်္ကေတ=ရှဥ့်ညိုလေး ဘလော့ဟာ ဒီနေ့ဆို
(၂)နှစ်ပြည့်သွားပါပြီ။ နောက်ရက်တွေဆို (၃)နှစ်ထဲရောက်ပေါ့။
ဒီနေ့မှာ ကျွန်တော်တင်ပြီးတဲ့ ပို့စ်ပေါင်း (၄၃၃) ခု ရှိသွားပါပြီ။ ကျွန်တော့်
ဘလော့လေးမှာ
၁။ ကဗျာ
၂။ ခံစားမှုစာစု
၃။ စာပေရေးရာ
၎။ ရယ်မောပျော်ရွှင်
၅။ ရသစာတမ်း
၆။ ဝတ္ထုတို
၇။ အခန်းဆက် ဝတ္ထု
၈။ ဆောင်းပါး
၉။ နှစ်သက်မိသော စာများ
ဆိုပြီး ကဏ္ဍ(၉)ခု ခွဲထားပါတယ်။
ကဗျာထဲမှာဆိုရင်
ကျွန်တော်ရေးဖြစ်တဲ့ ကဗျာတွေပဲတင်ထားပါတယ်။ မှတ်မှတ်ရရ ဆရာထိန်လှိုင်ဦးရေတဲ့
ကဗျာနဲ့ ဗိုလ်ချုပ်ရေးခဲ့တယ်ဆိုတဲ့ ကဗျာတစ်ပုဒ်ကလွဲလို့ ကျန်တာတွေက
ကျွန်တော့်ကဗျာတွေပါ။ ကဗျာ ဆရာ/ဆရာမတွေအတွက် ကျွန်တော့်ကဗျာဆိုတာတွေက
ရယ်စရာဖြစ်ချင် ဖြစ်နေနိုင်ပေမယ့် ကျွန်တော့်စာဖတ်ပေးကြတဲ့ သူငယ်ချင်းတွေအတွက်တော့
ဖျော်ဖြေရေးတစ်ခု ဖြစ်မှာပါ။
ခံစားမှုစာစုမှာတော့
ကျွန်တော် ဖီလင်လေးတွေ(ပျော်ရွှင်တာတွေ၊ စိတ်ထိခိုက်မိတဲ့ အကြောင်းလေးတွေ၊ အမှတ်တရ
အကြောင်းအရာ အဖြစ်အပျက်လေးတွေ)၊ စိတ်အချဉ်ပေါက်တာ လေးတွေကို တင်ထားတဲ့ ကဏ္ဍလေးပါ။
စာပေရေးရာကဏ္ဍမှာတော့
ဆရာကြီး၊ ဆရာမကြီးများရဲ့ စာပေနဲ့ ပတ်သက်တာလေးတွေတင် ပါတယ်။ စာပေနဲ့ ပတ်သက်တဲ့
အယူအဆတွေ၊ ခံယူချက်၊ ခံစားချက်တွေ၊ မြန်မာစာနဲ့ပတ်သက်ပြီး လိုက်နာရမယ့်
စည်းကမ်းတွေ၊ စာရေးနည်းလမ်းညွှန်တွေ(ဆရာကြီး (ဦး)အောင်သင်းရဲ့
ဝတ္ထုရေးရာဆောင်းပါးများကို ကျွန်တော်စာစီနေပါတယ်။ ပြီးတဲ့အခါတင်ပေးပါ့မယ်။)၊
ဝတ္ထုတို/ရှည် စာတမ်းဖတ်ပွဲက စာတွေ၊ သတင်းစာမှာပါတဲ့ ဆရာမောင်ခင်မင်(ဓနုဖြူ)ရဲ့
စာပေဆောင်းပါးတွေကို တင်ပေးထားတဲ့ ကဏ္ဍလေးပါ။
ရယ်မောပျော်ရွှင်မှာတော့
ကျွန်တော်ဖတ်ပြီး ရယ်မောခဲ့ရတဲ့ ပုံပြင်တွေ၊ ဇာတ်လမ်းတွေကို ပြန်တင်ပေးတာပါ။
ရသစာတမ်းမှာတော့
ကျွန်တော်ရေးပြီးတဲ့ အက်ဆေးလေးတွေကို တင်ထားပေးပါတယ်။ တချို့အက်ဆေးတွေဆို
မဂ္ဂဇင်းမပို့ရသေးတဲ့ အက်ဆေးတွေပါ။
ဝတ္ထုတိုမှာလည်း
ကျွန်တော်ရေးထားတဲ့ ဝတ္ထုတိုလေးတွေပဲ တင်ပါတယ်။ ဒီကဏ္ဍမှာတော့ ကျွန်တော်ထပ်တင်ပေးရမယ့်
ဝတ္ထုတိုတွေ ကျန်နေပါသေးတယ်။ မဂ္ဂဇင်းမှာ ပုံနှိပ်ပြီးပေမယ့် ဘလော့မှာတင်ဖို့ကျတော့
ဇော်ဂျီနဲ့ စာမစီရသေးလို့ပါ။ ကျွန်တော် စ-ရေးတုန်းက စာစီတာ (win-innwa 70/
win-researcher) တွေနဲ့ စီထားဖြစ်လို့ပါ။
အခန်းဆက်ဝတ္ထုမှာတော့
မပြီးသေးတဲ့၊ ဝတ္ထုရှည်ရေးရန် ရည်ရွယ်ထားတဲ့ နှစ်ပုဒ်(၇)ပိုင်း တင်ထားပါတယ်။
နောင်ကို ဝတ္ထုရှည်များ ရေးနိုင်ခဲ့ရင် ဒီကဏ္ဍမှာ အပိုင်းလိုက်တင်မယ်ဆိုပြီး
ဖွင့်ထားတဲ့ ကဏ္ဍပါ။
ဆောင်းပါးမှာတော့
ထူးအောင်ဝင့် ကလောင်အမည်နဲ့ရေးထားတဲ့ ဆောင်းပါးလေးတွေ တင်ထားပါတယ်။
ချင်းတွင်းဂျာနယ်၊ ချင်းတွင်းမဂ္ဂဇင်း၊ Skynet Guide Book မှာ ရေးဖြစ်တဲ့
ဆောင်းပါးလေးတွေပါ။
နှစ်သက်မိသော
စာများမှာတော့ ကျွန်တော်ဖတ်ပြီး နှစ်သက်မိတဲ့ စာတိုင်း၊ ဝတ္ထုတိုတိုင်းကို
တင်ထားပါတယ်။ ကိုယ်ပြန်ဖတ်ချင်တဲ့အခါ အချိန်မရွေး၊ နေရာမရွေး ဖတ်နိုင်အောင်လို့
ရည်ရွယ်ပါတယ်။ ဝတ္ထုတိုနဲ့ပတ်သက်ရင် စာကြည့်တိုက်လေးအဖြစ်ကို ရည်ရွယ်ထားတ ကဏ္ဍလေးပါ။
ဘလော့ဟာ
ခေတ်မရှိတော့ဘူးလို့ တချို့တွေပြောနေကြပေမယ့် ကိုယ်ဖတ်ချင်တဲ့စာတွေ၊
ကိုယ်ချစ်တဲ့စာတွေကို တစ်စုတစ်စည်းထဲ သိမ်းထားနိုင်ခွင့်ဟာ ဘလော့မှာပဲ ရှိတာ
မဟုတ်လား။ ကျွန်တော့်ကတော့ ချစ်မြတ်နိုးစွာနဲ့ ဘလော့ကို ဖက်တွယ်ထားဦးမှာပါ။
ကျွန်တော့်ဘလော့ကို
အလည်လာကြဖို့ကိုလည်း ဖိတ်ခေါ်ပါတယ် သူငယ်ချင်းတို့။
ချစ်ခြင်းများဖြင့်
သင့်ရဲ့
ရှဥ့်ညိုလေး
(၃၀.၄.၂၀၁၇ နံနက် ၇း၃၄ မိနစ်)
Comments
Post a Comment