ငါတို့
ငါတို့
ဖြောင့်နေတဲ့ လမ်းတွေပေါ်
တည့်တည့်မလျှောက်နိုင်တဲ့ငါ
ကောက်နေတဲ့ လမ်းရောက်မှ
အတည့်လျှောက်ဖို့ ကြိုးစားချင်ခဲ့။
လမ်းမဟုတ်တဲ့ လမ်းကိုလျှောက်တော့
လမ်းမပျောက်ဘဲ
လမ်းဆိုတဲ့ လမ်းကိုလျှောက်မှ
လမ်းပျောက်ခဲ့ပြီ။
သိပ်မှန်တာပဲ
လုံးနေတဲ့ ကမ္ဘာမှာ
အတည့်လျှောက်ဖို့ ခက်သတဲ့။
တကယ်လို့
တကယ်လို့များ
ကမ္ဘာကြီး ပြားသွားရင်ရော
ငါတို့ အတည့်လျှောက်နိုင်ပါ့မလား
ငါတို့ အတည့်လျှောက်တတ်ကြပါ့မလား … ။
ရှဥ့်ညိုလေး
(၂၆.၅.၂၀၁၈ နံနက် ၁၀း၃၃ မိနစ်)
Comments
Post a Comment