ကျွန်တော့်မှာ မကောင်းတဲ့အကျင့်ရှိတယ်

ကျွန်တော့်မှာ မကောင်းတဲ့အကျင့်ရှိတယ်

          ကျွန်တော့်မှာ မကောင်းတဲ့အကျင့်ရှိတယ်။ အဲဒါ ခင်ဗျားတို့သိအောင် ပြောပြတာ။ အစွန်းရောက် လွန်းရင် ကျွန်တော်မုန်းတယ်။ ဆိုပါတော့ ဘယ်အသင်းအဖွဲ့ဖြစ်ဖြစ် စွပ်လော်နေရင် မျက်မုန်းကျိုးရော။ အမှန်တော့ ကိုယ့်အသင်းအဖွဲ့အတွက် ဂုဏ်ဖော်ရမှာ၊ မဲဆွယ်ရမှာပဲ။ ဘုန်းတော်ဘွဲ့ ဆိုနေသူတွေ၊ အနားပြာ တွေကို မုန်းတာပါ။

          ကျွန်တော်က ဟိုတယ်မှာ ဝန်ထမ်းအဖြစ် လုပ်ခဲ့ဖူးတော့ စွပ်ဖားတွေ၊ စွပ်ဖာတွေ၊ အနားပြာတွေကို မုန်းတယ်။ (V.I.P) ဆိုပါတော့။ ကျွန်တော်တို့ တကယ်အလေးထားခဲ့ပါတယ်။ သူတို့လာရင် ကိုယ့်ဝန်ထမ်းတွေ စိတ်ဖိစီးရပါတယ်။ သူတို့လာလို့ လစာမတိုး၊ ရာထူးမတိုး၊ မုန့်ဖိုးမရပေမယ့်…။ ထားပါ။ တချို့ (Complimentary) ပေးရတဲ့ သူတွေက ကိုယ့်ဝန်ထမ်းတွေအပေါ် တအားမောက်မာတယ်။ အိမ်စေလောက် ထင်ကြတာ၊ ဆက်ဆံကြတာပါ။ တကယ်က သူတို့ တည်းတဲ့၊ စားတဲ့ စားရိတ်တွေက ဝန်ထမ်းတွေရမယ့် (Service Money) ထဲက အသုံးပြုတယ်ဆိုတာ မသိကြဘူး။

          သူတို့ထက်ဆိုးတာက အနားပြာတွေပါ။ အနားမှာ ကပ်ပြာနေကြတာ။ တစ်ခါကဆို (V.I.P) နှစ်ဖွဲ့ဆုံတယ်။ ဌာနမတူဘူး။ နေပြည်တော်က လာကြမှာ။ အနားပြာတွေ ခြေချင်းလိမ်လို့။ နေပြည်တော်နဲ့ မုံရွာဘယ်လောက်ဝေးလဲ မသိကြဘူး။ ဟိုက ယာဉ်တန်းနဲ့ စထွက်လာပြီ ဆိုတာနဲ့ ဒီက ကွင်းထဲမှာ ဟိုပြေးဒီလွှား ဖြစ်နေကြပြီ။ ထွက်လာတာ တစ်နာရီနီးပါးလည်းရှိရော ဟိုတယ်အခန်းသော့ ပြေးတောင်းကြတဲ့ သူနဲ့၊ ဟိုတယ်ဂိတ်ဝပြေးကြသူနဲ့ (၇)ဧကလောက်ကျယ်တဲ့ ဟိုတယ်ဝန်းကြီးထဲမှာ ဖြစ်ပျက်နေကြတာ။ တစ်ခါ သော့လာတောင်းလို့ ဘယ်ဌာနဝန်ကြီးအတွက်ပါလဲဆိုလည်း မသိဘူး၊ ဌာနကနှစ်ခုဖြစ်နေလို့ပါ ဝန်ကြီးအမည် ဒါမှမဟုတ် (Booking) တင်ထားသူအမည် စသည်ဖြင့်မေးလည်း မသိဘူး။ သူတို့ပြောတာ လူကြီးတွေလာနေပြီ သော့ပေး၊ သော့ပေးပဲ။ အဲဒါကြောင့် (V.I.P) ထက် အနားပြာကို ပိုမုန်းပဲ။

          ခေတ်ပြောင်းရင် စနစ်ပြောင်းတယ် ဘာညာထင်ခဲ့ဖူးတယ်။ ဒါပေမယ့်…။ (V.I.P) တွေ ရှိတုန်းပဲ။ အနားပြာတွေ ရှိတုန်းပဲ။ ဒါ အမြဲတမ်းရှိနေမယ့် အမှန်တရားပဲ။ လက်ခံနိုင်ရမယ်။ လက်မခံနိုင်ရင် အမှားပဲ။ စက်ဘီးစီးပြတာ၊ လမ်းဘေးဖက်ခင်းစားပြတာ၊ လမ်းဘေးလက်ဖက်ရည်ဆိုင် ထိုင်ပြတာ၊ ပြီတီတီမျက်နှာ ကြီးတွေနဲ့ အလေးပြုပြတာ။ အဲဒီလိုဟာတွေကို အလွန်အကျူး ချီးကျူးပြတာတွေကိုကျ လက်မခံချင်ဘူး။

          တစ်နေ့က ကျန်းမာရေးနဲ့ပတ်သက်တဲ့ပို့စ်တစ်ခုအောက်မှာ ဘလူးမတ်ခ်နဲ့ လူကြီးတစ်ယောက်က မဲဆွယ်တာလိုလို၊ တခြားသူ ကဲ့ရဲ့တာလိုလို မန့်တွေ့မိတော့ အူယားရော။ အဲဒါနဲ့ဆက်စပ်ပြီး အခုရက်ပိုင်း ကျွန်တော့် (Facebook) မှာ ရွဲ့ကန်းကန်းပို့စ်လေးတွေ တင်လိုက်တယ်။ သူငယ်ချင်းသုံးရာကျော် ရှိတဲ့အထဲက တချို့တွေ ငြိမ်းငြိမ်းချမ်းချမ်း ထွက်ခွာသွားတယ်။ အခုဒီပို့စ်က အကောင့်ထဲမှာရှိကြတဲ့ သူငယ်ချင်းတွေ မသိကြမှာစိုးလို့ ကျွန်တော် မကောင်းတဲ့အကြောင်း အသိပေးလိုက်ရတာပါ။

(PS:ဒီစာကို ညီမလေးနန်းခင်စကား နားထောင်ပြီး အိမ်မှာနေရင်းရေးပါသည်။)

ထူးအောင်ဝင့်

(၂၈.၉.၂၀၂၀ နံနက် ၁၀း၂၆ မိနစ်)