မင်္ဂလာပါ သူငယ်ချင်းတို့...

မင်္ဂလာပါ သူငယ်ချင်းတို့...

နှစ်သစ်ဟာ ကျွန်တော့်ကို အပျော်တွေ၊ ရီစရာကောင်းတာတွေနဲ့ကြိုတယ်။ အဲဒါကြောင့် ဒီနှစ်တစ်နှစ်လုံး ပျော်စရာပို့စ်လေးတွေပဲတင်မယ်။ ရီစရာကောင်းတယ်လို့ ထင်တာလေးတွေပေါ့။ ပထမဆုံးပြောပြချင်တာတော့ ဒီနှစ်သင်္ကြန်မှာ ကျွန်တော် ရေမစိုဘူး။ Duty က Night Shift ဆိုတော့ မနက်(၇း၀၀)နာရီ Duty Out ပေမယ့် (၇း၃၀)(၈း၀၀)နာရီမှ အိမ်ပြန်ရတယ်။ အလုပ်ကနေ ဗိုလ်ချုပ်လမ်းမတလျောက်၊ နောက် သာစည်လမ်းမတလျောက်၊ နောက်ပြီး ရပ်ကွက်ဘုန်းကြီးကျောင်းထဲကဖြတ်ပြီး လမ်းသွယ်ထဲမှာရှိတဲ့ အိမ်ကိုရောက်တယ်။
သင်္ကြန်သုံးရက်လုံး ရေမစိုဘူးဗျာ...။ ရီစရာ ကောင်းဘူးလား။ အလုပ်ကနေ ဗိုလ်ချုပ်ကြေးရုပ်ထိ ရေကစားမဏ္ဍပ် နှစ်ခုပဲရှိတယ်။ သာစည်လမ်းမှာတော့ All Clear...။ ဈေးဘက်တော့ မဏ္ဍပ်ရှိတယ် ပြောကြတယ်။ သင်္ကြန်သုံးရက်လုံး ရေမစိုဘူး။ အဲဒါက ရီစရာတစ်ခု။

နောက်တစ်ခုက ဧည့်သည်ကားတစ်စီး ညကြီးကျမှ ရောက်လာတယ်။ ပရိုဘောက်လေးနဲ့ပေါ့။ နှစ်ယောက်စာပေးသွားပြီး အခန်းတစ်ခန်းယူတယ်။ တကယ်က ငါးယောက်။ ကားနောက်ခန်းမှာ ပုန်းပြီးလိုက်သွားတာက (၃၅)နှစ်အရွယ် ဘုန်းကြီးတစ်ပါးနဲ့ သီလရှင်တစ်ပါး၊ (၁၂)နှစ်အရွယ်ကလေးတစ်ယောက်ရောပါတယ်။ လုံခြုံရေးက သတင်းပေးတာနဲ့ အခန်းလှမ်းဆက်တယ်။ လူဦးရေနဲ့ကောက်တာမို့ နောက်တစ်ခန်းထပ်ယူဖို့နဲ့ ပေါင်းနေချင်လည်း နှစ်ခန်းစာကျမယ်လို့လဲပြောရော မှတ်ပုံတင်တွေ၊ အခန်းခတွေပြန်တောင်းပြီးထွက်သွားတယ်။ မသွားခင် လုံခြုံရေးကောင်လေးဘယ်မှာလဲမေးပြီး သူ့သဘောနဲ့သူ ပေးထားတဲ့ မုန့်ဖိုး(၅၀၀) ပြန်တောင်းသွားတယ်။ ဘာမှလည်း လုပ်ပေးတာမဟုတ်ဘဲနဲ့လို့လဲ ပြောသွားရဲ့။ အမျိုးသမီးက (India Elephant) ပါ။ အမျိုးသားကတော့ အခေါက်ထူထူ မျက်နှာပြောင်ပြောင်နဲ့မို့ စိတ်ဆိုးနေတဲ့ သူတို့မျက်နှာကြည့်ပြီး ရယ်ချင်လာရော။ မရယ်ဖြစ်ပါဘူး။ သူတို့ ဒိထက်စိတ်ဆိုးလာရင် မထိန်းနိုင်ဘဲ ရယ်မိမှာစိုးလို့။ သူတို့ထွက်သွားပြီးမှ တွေးပြီးရယ်မိတာ ကားနောက်ခန်းမှာ ပုန်းလိုက်သွားတဲ့ ဘုန်းကြီးနဲ့ ဆရာလေးကိုပါ။ (Reception) ရှေ့ကားရပ်ထားတော့ ငုံ့ပြီးပုန်းနေရမှာ။ နောက်ပြီး အခန်းရှိရာကိုသွားတဲ့လမ်းမှာ ပေ(၁၀၀)နီးပါးရှိတဲ့ သစ်သားတံတားလေးကိုလဲ ဖြတ်ရမှာ။ နောက်ခန်းထဲမှာလည်း (၁၂)နှစ်အရွယ် ကလေးတစ်ဦးပါလာတယ်ဆိုတော့ တစ်ဖက်ဖက်ကို ငုံ့ပြီးလှဲနေရမှာပဲ။ ဘုန်းကြီးလှဲတဲ့ဘက်ကို ဆရာလေးလှဲရင်၊ ဆရာလေးလှဲတဲ့ဘက် ဘုန်းကြီးလှဲရင် တစ်ဦးဖင်နား တစ်ဦးခေါင်းရောက်နေမှာ။ ဒါမှမဟုတ် ခေါင်းချင်းဆိုင် လှဲမိလို့ရှိရင် တံတားပေါ်ဖြတ်တဲ့အချိန် တစ်ပါးနဲ့တစ်ပါး ခေါင်းချင်းတိုက်မိသွားနိုင်တယ်လေ။ သူတို့တတွေ ဘယ်လိုများ စီးသွားပါလိမ့်တွေးမိပြီး ရယ်ချင်မိတာပါ။ ပြန်ထွက်သွားကြတော့ ဘုန်းကြီးနဲ့ ဆရာလေး ခုနကလို ပုန်းလျှိုးကွယ်လျှိုးမဟုတ်တော့ဘဲ မိန့်မိန့်ကြီးထိုင်သွားကြမှာ...။ အဲဒါက ရယ်စရာတစ်ခု...။ နောက်တစ်ခုက ကျွန်တော့်မမက (မမဆိုတာ ကျွန်တော့်အထက်လူကြီးပါ။ ချစ်ခင်မှုနဲ့ ကျွန်တော်တို့အားလုံး ကွယ်ရာမှာ မမလို့ပဲခေါ်တယ်) မနေ့ညက ကျွန်တော်တစ်ယောက်ထဲ Night Duty ဆင်းခိုင်းမလို့ဆိုတာ မနက်ကျမှသိရတာပါ။ ကျွန်တော်က အာပေါင်အာရင်းသန်သန်နဲ့ ဒီရက်ပိုင်းတစ်ယောက်ထဲ မဆင်းဝံ့ကြောင်း၊ မဆင်းနိုင်ကြောင်းပြောနေတုန်း မမရောက်လာတာပါ။ ကြား၊ မကြားတော့ မသိဘူး၊ ကျွန်တော်နဲ့ အသက်သိပ်မကွာတဲ့မမက အဲဒီအချိန်မှာ ကျွန်တော့အသက်နှစ်ဆလောက်ရှိသွားတယ်ဆိုတာ သူ့မျက်နှာကြည့်ရင်း ကျွန်တော်သိလိုက်တယ်။ သိတယ်မို့လား။ မဟုတ်တာလုပ်တဲ့သူဆိုတာ ခပ်တည်တည်ပဲလေ။ အဲဒါကြောင့် ကျွန်တော်လည်း ရုပ်တည်ကြီးနဲ့ နေလိုက်တယ်။ ရယ်စရာဆိုတာ အဖော်အပေါင်းနဲ့မှ ပိုရယ်လို့ကောင်းတာ မဟုတ်လား။ အဲဒါကြောင့် ချစ်တဲ့သူငယ်ချင်းတွေကို မျှဝေတာပါ။ ရီစရာမကောင်းဘူးလို့ ထင်ရင်လည်း ရယ်ချလိုက်ပါ သူငယ်ချင်းတို့ရာ။ ဒီလိုလေးတွေးပေါ့။ ရီစရာမဟုတ်တာကို ရယ်စရာလာပြောတာ ရယ်ဖို့ကောင်းလိုက်တာဆိုပြီးပေါ့။

နောက်ပြီး ရယ်စရာကောင်းတဲ့ ကြော်ငြာတစ်ခုကိုလည်း ပြောပြချင်ပါသေးတယ်။ ကျွန်တော် ထင်ရာမြင်ရာရေးထားတာလေးတွေကို shintnyolay.blogspot.com နဲ့ shintnyolay.weeby.com မှာ သွားရောက်ဖတ်နိုင်ပါတယ်လို့ ...။

မရယ်ရဘူးလား။ ကျွန်တော်ရယ်ချင်တဲ့နောက်တစ်ခုပြောပြဦးမယ်။ အတုံ့အလှည့်ဆိုတဲ့ ကိုရီးယားကားထဲမှာပေါ့။ ဘာသာပြန်တဲ့သူက သူခေါ်ချင်တဲ့အတိုင်း ဘာသာပြန်ထားတာ။ မောင်...တဲ့။ ကိုရီးယားဆို အိုပါး(အစ်ကို)လို့ပဲ တွဲသိထားတော့ ရယ်ချင်လိုက်တာ ဖတ်ဖတ်မော ရင်ဘတ်နောက်ကကျော ဆိုပြီး ရယ်လိုက်ရတာ။ မရယ်ရဘူးလား။ နောက်မှ ကျွန်တော်ရယ်ချင်တဲ့ အကြောင်းအရာလေးတွေ ထပ်တင်ဦးမယ်။ ခုတော့ Night Duty ထွက် အိပ်ရဦးမှာမို့.....။

                                                                                        ချစ်ခြင်းများဖြင့်

                                                                                                                သင့်ရဲ့

                                                                                                                            ရှဥ့်ညိုလေး

(၁၇.၄.၂၀၁၆ နံနက်(၁၀း၀၀)နာရီ)