Single is the Best
" Single is the Best " တဲ့။ ကျွန်တော်တို့ လမ်းထဲက အပျိုကြီး ရပ်ကွက်ထဲက မင်္ဂလာဆောင်တိုင်းမှာ အဲဒီလိုပြောတယ်။ သူ့ဒီဇိုင်းက တကယ်လန်းတယ်။ စပန့်ဝမ်းဆက်တွေ ဝတ်တယ်။ အင်္ကျီလက်ပြတ်မှာ အနားတွန့်လေးတွေနဲ့။ ဘောင်းဘီကျတော့ ကွာတားကို လုံးဝမချွတ်ဘူး။ ဒူးဆစ်နားမှာ အနားကွပ် အတွန့်လေးတွေနဲ့။ တစ်ခါတစ်ခါ ကာတွန်းပုံပါတဲ့ ဘောင်းဘီတိုကြီးနဲ့။ ဒူးခေါင်းမဲကြီးနဲ့။ ထမိန်စွန်တောင်ဆွဲ ဝတ်တာကတော့ ရပ်ကွက်ထဲမင်္ဂလာဆောင် လာတဲ့အခါ မြင်မိတာပဲ။ ကျွန်တော် အိမ်ထောင်မကျခင် အမေ့ဈေးလိုက်ပို့ရင်း သူဈေးလာဝယ်တာ မြင်ဖူးတယ်။ စပန့်ဂါဝန်တောက်လျှောက်ကြီးဝတ်ထားပြီး အိပ်ယာထပုံစံနဲ့ အကြော်လာဝယ်တာ။
ခင်ဗျားတို့ကတော့ ထင်မယ်။ ဒီကောင် မိန်းကလေးတစ်ယောက်ကို ချီးမွမ်းချေကျောက် ရွဲ့ကန်းကန်းနဲ့ ရေးတယ်တို့ မြင်လိမ့်မယ်။ အမှန်က ကျွန်တော့် ကျေးဇူးရှင်လေး အကြောင်း ကျွန်တော်ပြောပြနေတာပါ။ သူကိုကျွန်တော် ကျေးဇူးတင်မိတာ တခြားမဟုတ်ပါဘူး။ သူ့ကြောင့် ကျွန်တော် အိမ်ထောင်ပြုဖြစ်သွားတာကိုပါ။ ဘာ့ကြောင့်လဲဆို သူ့ကိုရဲရဲမကြည့်(လုံးလုံးမကြည့်)တဲ့အတွက် အိမ်ထောင်ပြုဖြစ်သွားတာပါ။ သေချာကြည့်မိရင် ကိလေသာ မကုန်တောင် တဏှာတော့ ပြတ်လောက်ပါတယ်။ ခင်ဗျားတို့ ပတ်ဝန်းကျင်မှာလည်း တွေ့ရနိုင်ပါတယ်။ ခေတ်မီတာလိုလို၊ ခေတ်ဆန်တာလိုလိုနဲ့ ညဝတ်အိင်္ကျီကြီးဝတ်ပြီး ဈေးလာဝယ်တဲ့ မိန်းမတွေကိုလေ။ ခင်ဗျားက မိသားစုနဲ့ သိုက်သိုက်ဝန်းဝန်းနေချင်တဲ့သူဆို အဲဒီလိုမိန်းကလေးမျိုးမြင်ရင် ချက်ခြင်း မျက်နှာလွှဲလိုက်ပါ။ တစ်ယောက်ထဲပဲနေချင်တယ်၊ ဒါမှမဟုတ် ဘုန်းကြီးဝတ်မယ်များ စိတ်ရှိထားရင် သေချာကြည့်ထားလိုက်ပါ။ တချို့တချို့တွေဆို ချိုင်းမွေးတွေနဲ့ ဒီဘဝတင်မက သံသရာပါပြတ်လောက်ပါတယ်လို့။
Comments
Post a Comment