လက်ထဲကလိမ္မော်ချို
လက်ထဲကလိမ္မော်ချို
မိဘမဲ့ကျောင်းကကြီးပြင်းလာခဲ့တဲ့ လူငယ်တစ်ယောက်က သူတွေ့ကြုံခဲ့ရတဲ့ အတွေ့အကြုံကို ဒီလိုပြောပြသွားခဲ့ပါတယ်။
ကျွန်တော်ငယ်ငယ်ကတည်းက မိဘတွေဆုံးပါးသွားခဲ့ပါလို့ ကျွန်တော် ၉ နှစ်သားအရွယ်မှာလန်ဒန်မြို့ကမိဘမဲ့ကျောင်းတစ်ကျောင်းမှာသွားနေခဲ့ရတယ်
မိဘမဲ့ကျောင်းလို့သာဆိုတယ်၊ထောင်နဲ့ကွာလှဘူး။နေ့အချိန်မှာ ကျွန်တော်တို့ ၁၄ နာရီလောက်အလုပ်လုပ်ရတယ်။
ပန်းခြံမှာစိုက်ပျိုးရတယ်။ မီးဖိုမှာကူရတယ်။ တစ်ခါတလေလယ်တွေထွန်ယက်ရတယ်။
ဒီလိုနဲ့ တစ်နေ့ပြီးတစ်နေ့ ကျွန်တော်တို့ရဲ့ဘဝတွေမပြောင်းလဲခဲ့ပါဘူး။
တစ်နှစ်ပတ်လုံးမှာ ကျွန်တော်တို့အတွက် နားရက်တစ်ရက်ပဲရှိ်ိတယ်။ အဲဒီနေ့ကခရစ္စမတ်နေ့ပဲ။အဲဒီနေ့မှာဘုရားသခင်ကို ပူဇော်တဲ့အနေနဲ့ လူတိုင်းလိမ္မော်သီးတစ် လုံးစီရကြတယ်။ခရစ္စမတ်နေ့မှာ ကျွန်တော်တို့အတွက်
အစားအသောက်တွေမရှိဘူး။ကစားစရာအရုပ် မရှိဘူး။ကျွန်တော်တို့ရဲ့ ဝေစုဟာ လိမ္မော်သီးတစ်လုံးပဲ ဖြစ်တယ်။တစ်နှစ်ပတ်လုံးအမှားမကျူးလွန်းတဲ့သူ၊ပြောသမျှနားထောင် ပြီးလိမ္မာတဲ့လူသာ လိမ္မော်သီးရတယ်။
ဒါကြောင့် ခရစ္စမတ်ရဲ့ လိမ္မော်သီးဟာ ကျွန်တော်တို့ တစ်နှစ်စာလုံးရဲ့မျှော်လင့်ချက်ဖြစ်ပါတယ်။
ဒီလိ်ုနဲ့ ခရစ္စမတ်ပွဲတော်ရက် ရောက်လာပြန်တယ်။ အဲဒီရက်က ကျွန်တော်အတွက် ကမ္ဘာပျက်တဲ့နေ့ပဲ။ ကလေးတွေအားလုံးလိမ္မော်သီးရဖို့ ကျောင်းအုပ်ကြီးရှေ့မှာတန်းစီး နေချိန်မှာ ကျွန်တော်က အခန်းရဲ့ထောင့်တစ်နေရာ မှာအပြစ်ပေးခံနေရတယ်။ဘာဖြစ်လို့လဲလည်း ဆိုတော့အဲဒီနှစ်နွေ တုန်းကကျောင်းကနေ ကျွန်တော်ထွက်ပြေးဖို့ ကြိုးစားခဲ့မိလို့ပါဘဲ။
လိမ္မော်သီးရပြီး ကလေးတွေခြံ ထဲကစားခွင့်ရတဲ့အချိန်မှာ ကျွန်တော်အိပ်ခန်းထဲမှာတစ်နေကုန်းလဲ လျောင်းနေတယ်။ ကျွန်တော်အရမ်းဝမ်းနည်းမိပါတယ်။ အရမ်းလည်းရှက်မိပါတယ်။ ဒီလောကမှာ ကျွန်တော်အသက် ရှင်နေတာ ဘာအဓ်ိပ္ပာယ် မျှ မရှိခဲ့ဘူး။
တစ်အောင့်ကြာတော့ ကျွန်တော့်အခန်းထဲကို ဝင်လာတဲ့ ခြေသံကို ကျွန်တော်ကြားလိုက်မိတယ်။ ကျွန်တော့်ကိုယ်နဲ့ လုံးထွေးနေတဲ့စောင်ကို လက်တစ်ဖက်က ဆွဲလှန်လိုက်တာကို ကျွန်တော် ခံစားမိတယ်။ ကျွန်တော် မျက်စိကို ဖွင့်ကြည့်လိုက်တော့ ဝီလီလို့ ခေါ်တဲ့ ကောင်ကလေးတစ်ယောက် ခုတင်ရှေ့မှာ ရပ်နေတာကို တွေ့လိုက်တယ်။ သူ့ ညာဖက်လက်မှာ ဆုပ်ကိုင်ထားတဲ့ လိမ္မော်သီး ကျွန်တော့်ကို ကမ်းပေးနေတယ်။ သူ့ဆီမှာ ဘယ်လိုလုပ်ပြီး လိမ္မော်သီး တစ်လုံး ပိုနေရတာလဲ။ ကျွန်တော်နားမလည်မခဲ့ဘူး။ ဝီလီကို ကြည့်လိုက် လိမ္မော်သီးကို ကြည့်လိုက်နဲ့ ကျွန်တော်ဇဝေဇဝါ ဖြစ်နေမိတယ်။
ဝီလီက လက်ကိုရှေ့တိုးပြီး ထပ်ကမ်းပေးလာပြန်တယ်။ အခွံနွှာထားတဲ့ လိမ္မော်သီးကို သေချာကြည့်လိုက်မိမှ အရာရာကို ကျွန်တော် သဘောပေါက်သွားတော့တယ်။ ကျွန်တော့ မျက်လုံးအိမ်မှာ မျက်ရည်တွေ ပြည့်လျှံလို့ လာပြန်တယ်။
ဝီလီ ကမ်းပေးလာတဲ့ လိမ္မော်သီးကို လက်နှစ်ဖက်နဲ့ ကျွန်တော် တယုတယယူလိုက်တယ်။ နို့မဟုတ်ရင် လိမ္မော်သီးက အစိပ်စိပ် အမြွှာမြွှာ ကွဲကုန်လိမ့်မယ်။ ဘာဖြစ်လို့လဲဆိုတော့ ဝေစုရတဲ့ ကလေးဆယ်ယောက်က ဒီခရစ္စမတ်မှာ ကျွန်တော့်ကိုလည်း လိမ္မော်သီးတစ်လုံး ပိုင်ဆိုင်စေချင်တဲ့ ဆန္ဒနဲ့ သူတို့ဝေစုထဲက လိမ္မော်သီးတစ်စိတ်စီကို ယူပြီး လိမ္မော်သီးတစ်လုံးဖြစ်အောင် ပေါင်းလိုက်တာပဲ ဖြစ်တယ်။ ကျွန်တော့်ဘဝမှာ အဲဒီလိမ္မော်သီးဟာ အချိုဆုံး၊ အကောင်းဆုံး ခရစ္စမတ်လက်ဆောင် ဖြစ်ခဲ့တယ်။ သူတို့ရဲ့ စစ်မှန်တဲ့ သူငယ်ချင်း ပီသမှုကို ကျွန်တော်ခံစားလိုက်ရလို့ပါ။
------------------------------------------
သူငယ်ချင်း မိတ်ဆွေဆိုတာ ဘဝမှာ အဖိုးတန်တဲ့ အပေါင်းအဖော်တွေပါ။ မတော်တဆ ပြောလိုက်မိတဲ့ စကားလေးတစ်ခွန်းနဲ့ အပြုအမူအတွက် သင် စိတ်ထိခိုက်နေလား။ သင့်လက်ထဲက လိမ္မော်ချိုလေး တစ်စိတ်ကို မျှဝေလိုက်ပါ။ နှလုံးသားရဲ့ ရယ်မောသံတွေကို သင်ပြန်ကြားပါလိမ့်မယ်။
Healthcare.com
Ref: နိုင်းနိုင်းစနေ
စမ်းချောင်းလေးရဲ့ ခရီးစဉ်မှ
(PS:ဒီစာစုလေးကို ဖတ်ပြီးတဲ့သူ များမယ် ထင်ပါတယ်။ မူရင်းစာရေးသူထံမှ လေးစားစွာပြန်ရှယ်ဖြစ်တာက ချစ်တဲ့သူငယ်ချင်းတွေကို လိမ္မော်သီးတစ်မြှောင်း ကမ်းလိုက်တယ်လို့ ယူဆမိလို့ပါ။ သူငယ်ချင်းများထံမှ ဝေမျှလာမယ့် လိမ္မော်သီးမြှောင်းလေးများကိုလည်း မျှော်လင့်နေပါတယ်)
Comments
Post a Comment