Learn To Die Well
Learn
To Die Well
ကျွန်တော် တရားနာရတာ ကြိုက်ပါတယ်။ ဒါပေမယ့်
တရားပွဲ သွားပြီး မနာဖြစ်ပါဘူး။ ဘုန်းစိုးကျောင်းတိုက် အရိယာဝါသ ဗိမာန်တော်ကြီးမှာ
ကျွန်တော့်မိဘတွေ တရားပွဲလှူဒါန်းတုန်းက တစ်ခါနာဖြစ်ပါတယ်။ သီတဂူဆရာတော် ဒေါက်တာအရှင်ဉာဏိဿရ
ပါ။ နှစ်တိုင်း တရားပွဲလှူဖြစ်ပေမယ့် အဲဒီတစ်ခါပဲ သွားနာဖြစ်ပါတယ်။ နောက်တစ်ခါက ကျွန်တော့်ယောက်ဖ
အလှူမှာ တရားပွဲလှူတုန်းကပါ။ မုံရွာ တင်ဝင်းထွန်းဗိမာန်မှာပါ။ အဲဒီတုန်းက သုံးရက်လား၊
ငါးရက်လား မသိဘူး တရားသွားနာဖြစ်ပါတယ်။ မှတ်မှတ်ရရ အဲဒီနှစ်ကြိမ်ပါပဲ။ လူစုလူဝေးထဲ
သွားရတာ မကြိုက်တာလည်း ပါမယ်ထင်တယ်။
တရားနာတာကတော့ ဦးကောသလ္လတို့၊ ဦးသုမင်္ဂလတို့၊
ဦးကောဝိဒတို့၊ မေတ္တာရှင်(ရွှေပြည်သာ)တို့ နာဖြစ်ပါတယ်။ ဟိုတယ်မှာ အလုပ်လုပ်တုန်းက ညပိုင်းစာရင်းစစ်ရင်း
နာဖြစ်တာ ဒေါက်တာအရှင်ဉာဏိဿရ တရားတွေပါ။ ဆရာတော် ဦးကောဝိဒရဲ့ မွေခံထိုက်သူဖြစ်ပါစေ
နာဖြစ်ပြီး နောက်ပိုင်း ဆရာတော်တရားတွေ ဆက်နာဖြစ်တယ်။ မွေခံထိုက်သူဖြစ်ပါစေကတော့ မိဘနဲ့
အယူအဆ မတူတိုင်း၊ မိဘပြောတာကို လက်မခံချင်ဖြစ်လာတဲ့ အခါတိုင်း ပြန်နာဖြစ်ပါတယ်။ တီဗီရှေ့မှာထိုင်ပြီး
တရားနာဖို့ အချိန်မပေးနိုင်တော့ ဖုန်းထဲကူးထည့်ထားတဲ့ တရားတွေပဲ နာဖြစ်တယ်။ အဲဒီတော့
မှတ်သားစရာတွေကို ကူးမှတ်ချင်ရင်လည်း လွယ်တယ်။ နောက်တော့ အက်ဖ်အမ် လိုင်းပါတဲ့ တရားစပီကာလေးနဲ့
နာဖြစ်တယ်။ အသံပိုကြည်တယ်။ တစ်ခုပဲ အားနည်းချက်ရှိတယ်။ မှတ်ချင်တာရှိရင် ရပ်ထားလို့ရပေမယ့်
ပြန်ရစ်နာလို့ မရတာပါ။ ပြန်ရစ်လိုက်ရင် တရားအစ ပြန်ရောက်သွားရော။
အခုလောလောဆယ် ပါမောက္ခဆရာတော် ဒေါက်တာနန္ဒမာလာဘိဝံသရဲ့
တရားတွေ နာနေပါတယ်။ အပုဒ်ကိုးရာကျော် ရှိပါတယ်။ နောက်ထပ် အပုဒ်(၁၉၀၀)ကျော် နာပြီးသွားရင်
ဆရာတော်ဘုရားများရဲ့ အလုပ်ပေးတရားတွေ နာပါမယ်။ အလုပ်ပေးတရားစာအုပ်တွေ ဖတ်ပါမယ်။ အခုဖတ်နေတာက
မေတ္တာရှင်(ရွှေပြည်သာ)ရဲ့ စာအုပ်တွေပါ။ (၂၀၀၈)ကတည်းက ဦးစားပေး ဖတ်ဖြစ်ခဲ့ပါတယ်။ တချို့တွေက
ဝေဖန်ပုတ်ခတ်နေကြပေမယ့် အခုချိန်ထိ ကြည်ညိုနေဆဲပါ။ စာအုပ်ကိုဖတ်ကြည့်ရင် စာရေးသူရဲ့
စေတနာကို အထင်းသားမြင်နိုင်ပါတယ်။ ဘာသာရေး စာအုပ်တွေထဲက ဆရာတော် ဦးဇောတိက(မဟာမြိုင်)၊
ဆရာတော် အရှင်ဝီရိယ(တောင်စွန်း) တို့လည်း ဖတ်ဖြစ်တယ်။ မိတ်ဆွေ သူငယ်ချင်းတွေကို အကြံပြုချင်ပါတယ်။
စာအုပ်မဖတ်နိုင်ရင်၊ စာဖတ်ဖို့ခဲယဉ်းရင် ဆရာတော် ဘုရားများရဲ့ တရားများကို နာစေချင်ပါတယ်။
တရားဓမ္မ မရရှိခဲ့ရင်တောင် စာဖတ်သလို အသိပညာဗဟုသုတတွေ ရနိုင်ပါတယ်။ ကိုယ့်စိတ်ကိုယ်ချိန်ထိုး
ပြန်စစ်နိုင်ပါတယ်။
ကျွန်တော့်မှာ စိတ်ကူးထားတဲ့ အစီအစဉ်လေးတွေ
ရှိပါတယ်။ ကျွန်တော့် အိမ်စီးပွားရေးလေး အဆင်ပြေသွားပြီဆိုရင်၊ အသက်(၆၀)ထိ နေခွင့်ရသေးရင်
ဘုန်းကြီးအပြီးဝတ်ပါမယ်။ အခု (၃၉/၄၀) ဆိုတော့ ကြားထဲမှာ နှစ်(၂၀)လောက် အချိန်ရပါတယ်။
အိမ် စာအုပ်စင်မှာ ရှိတဲ့စာအုပ်တွေ(တစ်ထောင်တော့ ကျော်မယ်) အကုန်ဖတ်မယ်။ ရှဥ့်ညိုလေး
ကလောင်အမည်နဲ့ ရသစာတမ်းတွေ၊ ဝတ္ထုတိုတွေ ရေးမယ်။ စာအုပ် (၅)အုပ်လောက် ထုတ်မယ်။ ထူးအောင်ဝင့်
ကလောင်အမည်နဲ့ ဆောင်းပါးတွေ ရေးမယ်။ ဟိုတယ်နဲ့ ပတ်သက်တာတစ်အုပ်၊ စကားပြောနဲ့ ပတ်သက်တာတစ်အုပ်၊
လူငယ်ဆောင်းပါး သုံးအုပ်လောက် ထုတ်မယ်။ အသက်(၅၀)နောက်ပိုင်း ဘာသာရေးနဲ့ပတ်သက်တာ (ဗုဒ္ဓနဲ့ပတ်သက်တဲ့
အကြောင်းအရာမှန်သမျှ) ရနိုင်သလောက် လေ့လာဖတ်မှတ်မယ် (ဘုန်းကြီးဝတ်တဲ့အခါ လိုက်နာကျင့်ကြံနိုင်အောင်လို့)။
အသက်(၅၀)ကနေ (၅၅)အတွင်း စာအုပ်ထဲကရယ်၊ တရားခွေထဲကရယ် အလုပ်ပေးတရားတွေထဲက နည်းနာခံပြီး
အိမ်မှာတင် တရားထိုင်မယ်။ (၅၅)ကနေ (၆၀) အတွင်း တရားစခန်းတွေ အဆင်သင့်သလို ဝင်ရင်း အလေ့အကျင့်ရအောင်
ကျင့်မယ်။ အသက်(၆၀)ပြည့်ရင်တော့ ဘုန်းကြီးအပြီးဝတ်မယ်လို့ စိတ်ကူးထားတာပဲ။
သူငယ်တန်း/တစ်တန်း လောက်တုန်းက ကိုရင်တစ်ခါဝတ်တယ်။
နောက် (၆)တန်း၊ (၇)တန်း၊ (၈)တန်း၊ (၁၀)တန်း စာမေးပွဲပြီး ကိုရင်ဝတ်တယ်။ (၂၀၁၈) သင်္ကြန်မှာ
ဘုန်းကြီးတစ်ခါဝတ်တယ်။ ရခဲတဲ့အရာ(၅)ပါးထဲမှာ ရဟန်းဘဝလည်း ပါတယ်။ ဘဝကူးတဲ့အခါတော့ ဒီဘဝ
တရားထူးမရသေးတောင် ရဟန်းအဖြစ်နဲ့ပဲ ဘဝကူးချင်ပါတယ်။ ကျွန်တော့်အဖေလည်း ဒီနှစ် ဒီဇင်ဘာ
(၆၃)နှစ်ပြည့် မွေးနေ့မှာ လုပ်ငန်းတွေပြီးပြတ်ရင် ဘုန်းကြီးအပြီးဝတ်ဖြစ်မယ် ပြောပါတယ်။
ဖေဖေ့အစ်ကိုကတော့ အသက်(၅၀)ကျော်ကတည်းက ဘုန်းကြီးအပြီးဝတ်သွားတာ ရဟန်းဘဝနဲ့ပဲ ဘဝချုပ်သွားပါတယ်။
ကျွန်တော်လည်း ဦးလေးတို့၊ အဖေတို့
ခြေရာနင်းပြီး ဘုန်းကြီးဝတ်နိုင်မလားတော့ မသိသေးဘူး၊ အစီအစဉ်တော့ ချထားတာပဲလေ။ အခုလောလောဆယ်တော့
(၅.၅.၂၀၁၂) ကနေ ယနေ့ထိ ပဋ္ဌာန်း(၅)ကျမ်းကို ပူဇော်နေပါတယ်။ ဒီနှစ် နှစ်စကနေပြီး ပဉှာဝါရကိုလည်း
(၁၀၈)ရက် တစ်ကြိမ်နှုန်းနဲ့ အဓိဋ္ဌာန်ဝင်ထားပါတယ်။ တစ်ရက်နီးလာပြီ၊ တစ်ယောက်ထဲသွားရမယ့်ခရီး
သင်သတိထားမိရဲ့လား (Learn to die well) ဆိုတဲ့ (Asahi Karate) အသင်းရဲ့ ဆောင်ပုဒ်လေးကို
စွဲကိုင်ရင်း အခုနေ ငါသေသွားခဲ့ရင် ဆိုတဲ့စိတ်နဲ့ (၂၀၂၀)နှစ်ဦးက စလို့ ပြင်ဆင်ခဲ့ပါတယ်။
မိတ်ဆွေ သူငယ်ချင်းတို့လည်း
“ ငါဘာလုပ်နေလဲ ”
ဆိုတဲ့ သတိလေးကို အမြဲကပ်နိုင်ပါစေ။
အမြဲဆင်ခြင်နိုင်ပါစေ။
“ ငါ ဘာလုပ်မှာလည်း ”ဆိုတဲ့
အတွေးတစ်ခုကို၊ မေးခွန်းတစ်ခုကို ရင်ထဲမှာ
ထည့်ထားနိုင်ပါစေ။
ရှဥ့်ညိုလေး
(၂၂.၄.၂၀၂၀ နေ့လည် ၁၂း၄၇
မိနစ်)
Comments
Post a Comment