ငါရှက်တယ်
ငါရှက်တယ်
ကဗျာကို ကဗျာလို ခံစားရင်
သိပ်ကောင်းမှာပဲ။
စကားလုံးတိုင်းကို ဘာသာမပြန်နဲ့။
လိုရာဆွဲတွေးလိုက်ရင်
အဓိပ္ပါယ်တွေ ရွေ့ကုန်မယ်။
ကဗျာဟာ မင်းထင်သလောက်တော့
မပေါ့ပျက်ဘူး...
မသေးသိမ်ဘူး...။
နန်းတော်မှာ တံခါးစောင့်ရှိသလို
ကဗျာခြေအဆင်းမှာ ငါရှိတယ်။
ငွေကြေး၊ လက်ဆောင်၊ ရလိုမှု
တံခါးစောင့်မှာ ရှိနိုင်ပေမယ့်
ငါ့ရင်ထဲမှာ ကဗျာတစ်ခုနဲ့ ပြည့်တယ်။
သေးသိမ်မနေတဲ့ စိတ်ဓာတ်တွေအကြောင်း
မပြည့်စုံပေမယ့် လုံခြုံနေတဲ့
ဘဝတွေအကြောင်း
မင်းမသိဘူး...။
ဘဝဟာ
ပိုလျှံနေတဲ့ အချစ်ကြောင့်
ဒုက္ခရောက်သူတွေများတယ်...။
ဘဝမှာ
လိုအပ်ချက်နဲ့ ကြိုးစားမှုကြောင့်
နေ့သစ်ရာက်လာတာကြားတယ်...။
ဘဝအကြောင်း မသိတဲ့မင်း
ငါ့အကြောင်း မသိတဲ့မင်းကြောင့်
ခု...စကားသုံးလုံးကို
စိတ်နှစ်လက်နှစ် အော်နေရတယ်
" ငါရှက်တယ်…"
ရှဥ့်ညိုလေး
https://web.facebook.com/htooaungwintt/
(၂၁.၃.၂၀၁၇ နံနက် (၈း၂၈)မိနစ်)
Comments
Post a Comment