သူငယ်ချင်းတွေကို အားနာလိုက်တာ
သူငယ်ချင်းတွေကို အားနာလိုက်တာ
သားကြီး။ ။ ဖေဖေ၊ ဖုန်းကို ဖေဖေ့ပုံကြီး ဘာလို့တင်ထားတာလဲ။
ကျွန်တော်။ ။ ဘာဖြစ်လို့လဲ သားရဲ့။
သားကြီး။ ။ ရှေးပုံကြီးနဲ့တူလို့။ မြူတွေဆိုင်းနေသလိုကြီး ဆိုတော့လေ။
ကျွန်တော်။ ။ သားက မကြိုက်ဘူးလား။
သားကြီး။ ။ အင်း၊ မကြိုက်ဘူး။
ကျွန်တော်။ ။ အေးအေး၊ ဖယ်လိုက်မယ်နော် မတင်တော့ဘူး။
ကိုယ့်ဖုန်းမှာ ကိုယ့်ပုံတင်တာတောင် သားကရုပ်ဆိုးလို့ မကြိုက်ဘူးတဲ့။ ကိုယ့်ဝေါလ်မှာ ကိုယ့်ပုံတင်တာပဲဆိုပြီး ဓာတ်ပုံတွေခဏခဏတင်တိုင်း (Like/Comment) ပေးရတဲ့ သူငယ်ချင်းတွေကို အားနာလိုက်တာ။ ဘယ်လောက်စိတ်ဆင်းရဲကြမလဲ။
ရှဉ့်ညိုလေး
(PS: ဒီအကြောင်း မဒီစံကိုပြောပြတော့ ကိုယ့်အခြေအနေ ကိုယ်သိတဲ့ ငိငိ။)
Comments
Post a Comment