စိတ်နေမြင့်သူ
ချစ်တဲ့သူငယ်လေ၊
သူငယ်ချင်းကောင်း ယောင်းမတို့ရေ ...
ပန်ပါရလို၊ ပန်ရလျှင်လဲ
ပန်းများသခင်၊ ဂေါ်သဇင်ဟု
ပင်ဆင့်ပေါက်သည်၊ ရွက်မြှောက်ရိုးတံမှသာတဲ့။လိမ်းပါရလို၊ လိမ်းရလျှင်လဲ
ရွှေနှင့်နှိုင်းတူ၊ တောင်ငူနနွင်း
ငွေနိုင်းချင်းသည်၊ ဝင်းထိန်ထိန်ငယ်၊
အချိန်ခြောက်ကျပ်သားမှသာတဲ့။
ကြင်ပါရလို၊ ကြင်ရလျှင်လဲ
ရေမြေ့သခင်၊ အရှင်စက်ရင်း
ရွှေတိုက်တော်မှာ စာရင်းသွင်းသည်
ခြင်းခြင်းတောက်တဲ့ လူမှသာတဲ့။
အပျိုဖြူငယ်ကကျွမ်း၊ မယ်လွမ်းလှတယ်လေး။
ကဗျာအမျိုးအစား - အိုင်ချင်း
စာဆိုရှင်အမည် - အမည်မသိရှေးစာဆို
Comments
Post a Comment