လက်ဆောင်

လက်ဆောင်

          လက်ဆောင်ဆိုတာကို စွယ်စုံကျမ်းထဲမှာ ဘယ်လိုအဓိပ္ပါယ်ဖွင့်သလဲတော့ မသိဘူးဗျ။ ကျွန်တော်ထင်တာတော့ တစ်ဦးတစ်ယောက်အတွက် အကျိုးရှိစေတဲ့၊ အသုံးဝင်စေတဲ့အရာ၊ ဒါမှမဟုတ် အမှတ်တရပစ္စည်း တစ်ခုခုပေါ့။ တစ်ဦးတစ်ယောက်အပေါ် အမှတ်တရရှိကြောင်း၊ အလေးအနက်ထားကြောင်း ပြသတဲ့နေရာမှာသုံးတဲ့ ကြားခံတစ်ခုပါ။

          ဒီနေ့အချိန်အထိ လက်ဆောင်အမျိုးမျိုး ကျွန်တော်ရဖူးတယ်။ အဲဒီလိုပဲ ကျွန်တော်ကလည်း လက်ဆောင် အမျိုးမျိုးကို ပြန်ပေးဖူးတယ်။ အနည်းဆုံးတော့ အထိမ်းအမှတ်နေ့တစ်ခုခုမှာ

သူငယ်ချင်းကို ဖုန်းဆက်ပြီး (Wish) လုပ်တာမျိုးပေါ့။ သိပ်အလေးအနက် မထားတဲ့ သူငယ်ချင်းတချို့လည်း ရှိတယ်။ ဘာပဲပြောပြော ကျွန်တော်က ငွေကြေးတတ်နိုင်သူတစ်ဦး မဟုတ်လို့ ကျွန်တော့်လက်ဆောင်တွေကလည်း အမှတ်တရတစ်ခုအနေနဲ့ကလွဲပြီး တန်ဖိုးမကြီးနိုင်ဘူးဆိုတာ ခန့်မှန်းမိပြီးသားနေမှာပါ။

          လုပ်ဖော်ကိုင်ဘက် ညီငယ်တစ်ဦးကို မွေးနေ့လက်ဆောင်အဖြစ် နာရီတစ်လုံး ဝယ်ပေးဖူးတယ်ဗျ။ သူ့မှာလည်း နာရီတစ်လုံး ရှိပြီးသားပါ။ ဒါပေမယ့် အပြောင်းအလဲပေါ့။ ဒီခေတ်ထဲမှာ ဇနီးမယားကလွဲလို့ ကျန်တာတွေကို နှစ်မျိုးသုံးမျိုးသုံးနေကြတာပဲလေ။ ရည်းစားတောင် နှစ်ယောက်သုံးယောက်မက တစ်ပြိုင်တည်း တွဲနေကြတဲ့ခေတ်ကြီးပဲဟာ။ ချွင်းချက်တော့ ရှိတာပေါ့လေ။ လုပ်ဖော်ကိုင်ဘက် ညီငယ်လေးကလည်း ချွင်းချက်ထဲမှာ ပါသဗျ။ ရည်းစားသာ ခြောက်လတစ်ဖြတ် ပြောင်းချင်ပြောင်းမယ်။ နာရီကိုတော့ ပြောင်းဘူးဗျ။ ဟိုလေ အလည်းအလှယ်နဲ့ကို မပတ်ဖြစ်ဘူး ပြောတာပါ။ ကျွန်တော် သိလိုက်တယ်။ ကျွန်တော့် နာရီလေးက သူ့အတွက် အပိုဒုက္ခဖြစ်သွားပြီဆိုတာ သိလိုက်တယ်။ ခင်ဗျားက ပြောမယ်။ ပေးလိုက်တဲ့ပစ္စည်းကို စိတ်မပြတ်လို့ဆိုပြီးပေါ့။ ပေးလိုက်ကတည်းက စိတ်ပိုင်းဖြတ်ပြီးသားပါ။ ဒါပေမယ့် ကျွန်တော်ပေးလိုက်တာ သူ့ကိုလေ။ သူသုံးဖို့ ပေးလိုက်တာ။ ထားပါ။ ပြီးသွားတာတွေက ပြန်မလာနိုင်တော့ပါဘူး။ ပဲ့တင်သံအဖြစ်ကလွဲလို့ပေါ့။

          သူငယ်ချင်း စာရေးဆရာတစ်ယောက်က စာအုပ်လက်ဆောင် ပေးဖူးတယ်။ စာရွက်လေးတွေကို စုချုပ်ထားတာပါ။ ကတ္တူအပြာလေးဖုံးလို့ပေါ့။ သူ့လက်ဖြစ်လေးလေ။ ငွေကြေးတန်ဖိုးနဲ့ တိုင်းတာလို့ မရပါဘူး။ ကျွန်တော် တန်ဖိုးထားပြီးသုံးတယ်။ အဲ့ဒီ စာအုပ်ထဲမှာ ရေးဖြစ်တဲ့ စာတိုလေးတွေက နှစ်ထောင့် ဆယ့်ခြောက်မှာ ပုံနှိပ်စာလုံးအဖြစ် မြင်ရတော့မယ့် စာတွေ။ ဘယ်လောက် ကောင်းသလဲ ကျွန်တော့်အတွက်။ သူငယ်ချင်းလည်း သူ့လက်ဆောင်လေးတန်ဖိုးထားတဲ့အတွက် သဘောကျမှာပါ။

          ခုနောက်ပိုင်းတော့ စာအုပ်လေးတွေပဲ လက်ဆောင်ပေးဖြစ်တယ်။ ကျွန်တော်နှစ်သက်တဲ့ စာအုပ်လေးတွေပါ။ အရင်တုန်းကတော့ သူတို့နှစ်သက်မယ်ထင်တာလေးတွေပေါ့။ ဟိုတစ်နေ့က သူငယ်ချင်းတစ်ယောက်အိမ် အလည်သွားတယ်။ သူ့အဖေဆီကိုပါ။ ထိန်လှိုင်ဦး ကလောင်အမည်နဲ့ ပြစ်မှု မဂ္ဂဇင်းတွေမှာ ဟိုးတုန်းကရေးတယ်။ ခုတော့ စာပဲဖတ်ဖြစ်နေတာပေါ့။ ကျွန်တော် ရေးပြီးသမျှ စာတိုလေးတွေ ပေးဖတ်ပြီး အနှောက်အယှက်ပေးနေရတဲ့ ဆရာကြီးတစ်ဦးပါ။ အလည်ရောက်သွားတော့ ဆရာ(ယက္ခ)ရဲကြီးရဲ့ အက်ဆေးစာအုပ်လေး ဖတ်နေတာတွေ့ရတယ်။ ကျွန်တော် သဘောကျသွားတယ်။ အစားကောင်းစားရင် ချစ်သူခင်သူကို သတိရ ဆိုသလို ကျွန်တော် ကြိုက်တဲ့စာအုပ်လေးကို အကြိုက်တူသူတွေ့ရတော့ ပျော်တာပေါ့ဗျာ။ နောက်ပြီး ပေးထားတဲ့လက်ဆောင်လေးက သူ့အတွက် အပိုမဟုတ်ဘူး။ သူလည်း သဘောကျတယ်ဆိုတဲ့အတွက် ပိုပျော်မိရုံလေးပါ။

          ဒီနေ့လည်း လယ်ယာစိုက်ပျိုးရေးရုံးတစ်ရုံးက ညီငယ်တစ်ယောက်ဆီ မတွေ့ဖြစ်တာကြာလို့ အလည်သွားတယ်။ ဒုတိယအကြိမ်ပေါ့။ ပထမအကြိမ်က သူရုံးမလာလို့ မတွေ့ခဲ့ရဘူး။ ဆရာ(ယက္ခ)ရဲကြီးရဲ့ စာအုပ်လေးလည်း လက်ဆောင်ပေးလိုက်တယ်။ သွားတုန်းကတော့ လက်ဖက်ရည်ဆိုင်လေး၊ ဘာလေး ထိုင်မလားဆိုပြီး သွားတာပါ။ ဟိုရောက်တော့ သူတို့ရုံးက ကထိန်ပွဲနဲ့တိုးနေလို့ ငြင်းမရတာနဲ့ စားခဲ့လိုက်တယ်။ စာအုပ်လေး ထမင်းနဲ့လဲစားသလိုများ ဖြစ်နေသလားတောင် စဉ်းစားမိသေးရဲ့။

          ဘာပဲပြောပြော သူလည်း စာအုပ်ချစ်သူတစ်ယောက်ပါ။ စာအုပ်လေးကို သေချာသိမ်းပြီးမှ ဧည့်ခံတဲ့ဆီကို ခေါ်သွားတာပါ။ လူစုံဆိုတော့ လက်များပြီး နွမ်းမှာ၊ စုတ်မှာ စိုးလို့ထင်ပါရဲ့။ နောက်ပြီး အက်ဆေးချစ်သူမို့ စာအုပ်လေးကြည့်ပြီး ကျေနပ်သွားတာလည်း သေချာပါတယ်။ ကျွန်တော်လည်း ပျော်ပါတယ်။ ကျွန်တော် မျှဝေလိုက်တဲ့အရာလေးက ပျော်ရွှင်ကျေနပ်မှုကို သယ်ဆောင်လာတဲ့အတွက်ပါ။ အဲဒါလေးကို ကျွန်တော်တို့အားလုံး တညီတညွတ်တည်း ခေါ်ခဲ့ကြတာက ….

          “ လက်ဆောင် …”