Facebook ဟာ ကျွန်တော့်ရဲ့အိမ်

Facebook ဟာ ကျွန်တော့်ရဲ့အိမ်

          ဖေ့ဘွတ်ခ်ဟာ ကျွန်တော့်အိမ် ဖြစ်တယ်။ အဲဒါကြောင့် ကျွန်တော့်အိမ်လေးထဲမှာ နှစ်သက်ရာ ပစ္စည်းလေးတွေ အားလုံးကို စုစည်းထားတယ်။ နောက်ပြီး စနစ်တကျ ချခင်းထားတယ်။ တချို့တွေကိုတော့ စတိုထဲမှာ (Save)ထားတယ်။

          ကျွန်တော့်အိမ်လေးထဲမှာ ပစ္စည်းပစ္စယတွေက သိပ်ကိုများတယ်။ ဂိမ်းနဲ့ ပတ်သက်တာတွေ မရှိတာကတော့ ချွင်းချက်ပေါ့ဗျာ။ ကျွန်တော့်အိမ်ရှေ့မှာ စိတ်ခံစားချက်နဲ့ ပတ်သက်တဲ့ အရာလေးတွေ၊ ကျွန်တော်နှစ်သက်တဲ့ အတိုအစလေးတွေကို ချခင်းထားတယ်။ အများသိသင့်တယ်ထင်တဲ့ အကြောင်းအရာလေးတွေကို (Share) ထားတယ်။ ကျွန်တော်နှစ်သက်တဲ့ အကြောင်းအရာလေးတွေကို ရောပေါ့။ တချို့တွေက နိုင်ငံရေးနဲ့ ပတ်သက်တဲ့ သရော်စာလေးတွေ၊ ကာတွန်းလေးတွေကို (Tag) တွဲပြီး အိမ်ရှေ့မှာ ချခင်းပေးတယ်။ သရော်စာကို သဘောကျနှစ်ခြိုက်ပေမယ့် တစ်ဦးတစ်ယောက်ကို လှောင်ပြောင်နှိမ့်ချထားတဲ့ ခပ်ရိုင်းရိုင်းအောက်လုံးတွေကိုတော့ ချက်ခြင်းပဲ တံမြက်စည်းလှည်းပစ်တာ များတယ်။ အမုန်းပွားစေမယ့် လှုံ့ဆော်စာတွေ ကျွန်တော့်အိမ်ရှေ့မှာ ကြော်ငြာအကပ်မခံနိုင်ဘူး။ တချို့ကို (Hide) ဆိုပြီး တံမြက်စည်း အနုနဲ့လှည်းတယ်။ တချို့ကိုတော့ (Remove) ဆိုပြီး တံမြက်စည်းကြမ်းနဲ့ လှည်းချလိုက်တယ်။ အလွန်နည်းတဲ့ တချို့ကိုတော့ (Unfollow) ဆိုပြီး သံဘရပ်ရ်ှနဲ့ တိုက်ချပစ်လိုက် တယ်။

          ကျွန်တော့်မိတ်ဆွေ သုံးရာကျော်ထဲမှာ တချို့တွေက ဆိုက်ကို ဖြစ်တယ်။ သွေးရဲရဲ သံရဲရဲနဲ့ မတော်တဆဖြစ်စဉ်များကို ပို့စ်လိုက်တင်နေသူတွေပေါ့။ ကျွန်တော်လည်း ဆိုက်ကိုပဲ မဟုတ်လား။ ဒါ့ကြောင့် အဲဒီလိုမျိုးပို့စ်တွေကို ချက်ခြင်း (Hide) ပစ်လိုက်တယ်။ သူငယ်ချင်းတချို့က နိုင်ငံရေးသမားတွေ ဖြစ်တယ်။ အများစုက စာရေးဆရာတွေဖြစ်တယ်။ အားလုံးနီးပါးကို ကျွန်တော်က လေးစားချစ်ခင်စိတ်၊ အားကျစိတ်နဲ့ မိတ်ဆွေလှမ်းဖွဲ့ဖြစ်တယ်။ တချို့တွေက သူငယ်ချင်းဟောင်းတွေ၊ တချို့တွေကတော့ လုပ်ဖော်ကိုင်ဖက်တွေ ဖြစ်တယ်။ တချို့တွေကို ကျွန်တော်က (Request) လုပ်တယ်။ တချို့တွေက ကျွန်တော့်ကို (Request) လုပ်တယ်။

          သူတို့တတွေ ကျွန်တော့်ကို ဘယ်လိုစံနှုန်းနဲ့လက်ခံတယ်ဆိုတာ မသိပေမယ့် ကျွန်တော်လက်ခံတဲ့ စံနှုန်းလည်း ရှိတယ်။ (Profile) ပုံမှာ ကိုးယို့ကားယားပုံတွေတင်ထားရင်၊ (Wall) ကို ဝင်ကြည့်လို့ ကိုယ်တိုင်ရိုက် ဓာတ်ပုံမင်းသား၊ မင်းသမီး ဖြစ်နေရင် လက်မခံပါဘူး။ တချို့တွေက ပါးလေးဖောင်း၊ မျက်စိလေးစောင်းပြီး စမီးလှလားငင်ဆိုတာတွေ၊ မဲသည်းနေတဲ့ ဟင်းတွေရိုက်ပြီး စားပါဦးလားဆိုတဲ့ ပို့စ်တွေနဲ့ ကိုယ်ရေးကိုယ်တာတွေကို အချိန်တိုင်းတင်သူတွေ များတယ်။ အဲဒါက သူတို့တွေရဲ့ လွတ်လပ်ခွင့် ပါ။ ကျွန်တော့်လွတ်လပ်ခွင့်အရ အဲလိုလူတွေနဲ့ သူငယ်ချင်းမတော်ချင်လို့ သူငယ်ချင်းအဖြစ်လက်မခံပါဘူး။  

          တချို့တွေကတော့ ပရဟိတ သမားတွေ။ သူတို့တွေတင်တဲ့ပို့စ်တွေကိုတော့ ကိုယ်တိုင်လိုက် မလုပ်နိုင်ပေမယ့် လေးစားအားကျစိတ်နဲ့ အများသူငါသိအောင် (Share) ဖြစ်ပါတယ်။ သုတရစရာ တစ်ခုခုဆိုရင်လည်း ကျွန်တော် (Share) ပါတယ်။ ကျွန်တော် (Request) လုပ်ပေမယ့် လက်ခံမပေးနိုင် လောက်အောင် မိတ်ဆွေများနေတဲ့ လေးစားအားကျသူများကိုတော့ (Follow) လုပ်ထားလိုက်တယ်။ နောက်ပြီး ချစ်ခင်အားကျရတဲ့ ဆရာ၊ ဆရာမများရဲ့ (Page) မှာ တင်ထားတဲ့စာတွေဖတ်နိုင်ဖို့အတွက် (Like) ဆိုတဲ့ ဝင်ခွင့်ကတ်လေးကို ကိုင်ထားလိုက်တယ်။ တချို့(Page) တွေမှာ (Member) အဖြစ်ခွင့်ပြုချက်ရထားတော့ သူတို့ခွင့်ပြုထားတဲ့ စည်းမျဉ်းနဲ့ညီတဲ့ ပုံတွေ၊ အကြောင်းအရာတွေကို တင်ခွင့်ရှိတယ်။ တချို့(Page) တွေကတော့ အလှည့်ကျစနစ်နဲ့တင်ရတာမျိုးတွေပေါ့။

          ကျွန်တော့်ဖေ့ဘွတ်ခ်အိမ်ငယ်လေးမှာ ပုံပြောခန်းလေးတစ်ခန်းကို သီးသန့်စီစဉ်ထားတယ်။ အဲဒီ (Page) လေး နာမည်က ရှဥ့်ညိုလေးနှင့် သူ၏ပုံပြင်များ ဆိုတဲ့အမည်နဲ့ ဖြစ်ပါတယ်။ ပုံပြောခန်းလေးထဲမှာ ရှဥ့်ညိုလေး၏ နှလုံးသားသစ်သီးများမှ ကဗျာတွေရွတ်တယ်။ ရှဥ့်ညိုလေးနှင့် သူ၏အက်ဆေးများမှ အက်ဆေးလေးတွေ တင်တယ်။ မဂ္ဂဇင်းစာမျက်နှာထက်မှာ တင်ကျန်ဖူးတဲ့ဝတ္ထုတိုတချိုနဲ့ စာမျက်နှာထက် ဖြတ်သန်းသွားဖို့ ကြိုးစားနေတဲ့ဝတ္ထုတိုတချို့၊ မဖြတ်သန်းတော့ပါဘူးလို့ ဆုံးဖြတ်ထားတဲ့ ဝတ္ထုတိုတချို့ ရှိတယ်။ ဖတ်ဖူးခဲ့တဲ့ ပုံပြင်တွေကို ဘဝသင်ခန်းစာအမည်နဲ့ နံပါတ်စဉ်တပ်ပြီး တင်နေတဲ့ ပုံပြင်တွေလည်း ရှိတယ်။ အဲဒီပုံပြောခန်းလေးကို အလည်လာဖို့ သူငယ်ချင်းမိတ်ဆွေများကို လေးလေးစားစားနဲ့ (Invite) လုပ်ပါတယ်။ တချို့တွေက (Accept)၊ တချို့တွေက (Ignore)။ အလုပ်တွေ သိပ်များတော့ ပုံပြင်နားထောင်ဖို့ အချိန်မရှိကြတော့လို့ဆိုတာ ကျွန်တော်နားလည်ပါတယ်။ တချို့တွေကတော့ တစ်ဆင့်ကြားနဲ့ (Like)။ ဘာပဲပြောပြော အားလုံးကို ကျေးဇူးတင်ပါတယ်။ နောက်ပြီး အဲဒီပုံပြောခန်းလေး ထဲကနေ တစ်ခြားတစ်နေရာမှာ ကျွန်တော်ဆောက်ထားတဲ့ ကျွန်တော့်ရဲ့ စာကြည့်တိုက်လေးကိုလည်း ချိတ်ဆက်ထားပါသေးတယ်။ http://shintnyolay.blogspot.com ဆိုတဲ့ ကျွန်တော့်ရဲ့စာကြည့်တိုက်လေး ထဲမှာ ကျွန်တော့်ရဲ့စာတွေအပြင် လေးစားချစ်ခင်အားကျရတဲ့ ဆရာ၊ ဆရာမတွေကို ခွင့်တောင်းပြီး တင်ထားတဲ့ စာတွေလည်း ရှိတယ်။ ပုံပြင်လာနားထောင်တဲ့ သူငယ်ချင်းတွေ စာကြည့်တိုက်သွား စာဖတ်နိုင် အောင် ချိတ်ဆက်ထားခြင်းလည်း ဖြစ်ပါတယ်။

ကျွန်တော့်ရဲ့ ဖေ့ဘွတ်ခ်အိမ်လေးမှာ စာကြည့်ခန်းလေးလဲ ရှိပါတယ်။ အချိန်တော်တော်များများ ကျွန်တော်ရှိနေတတ်တဲ့ နေရာလေးလည်း ဖြစ်တယ်။ (Note) လို့ခေါ်တဲ့ အဲဒီစာကြည့်ခန်းလေးထဲမှာ မိတ်ဆွေသူငယ်ချင်းများရဲ့ စာတွေရှိတယ်။ တစ်ခါတစ်ခါ အဲဒီစာကြည့်ခန်းလေးထဲမှာ ကျွန်တော် စာတွေရေးဖြစ်တယ်။ စာဖတ်နေတုန်း၊ တစ်ခါတစ်ရံ စာရေးနေတုန်း (Chat Box) ကနေ စာတွေဝင်လာ တတ်တယ်။ ဖုန်းမှာ (Missed Call) နှစ်ကောအထက်ဆိုရင် ဖုန်းပြန်ခေါ်တတ်သလို (Chat Box) မှာ စာနှစ်ကြောင်း သုံးကြောင်းဝင်လာရင် ပြန်ပြောဖြစ်တာများတယ်။ ဖုန်းအကြာကြီးပြောရတာ မနှစ်သက် သလို (Chat Box) မှာ အကြာကြီး စာမရိုက်နိုင်တာ ကျွန်တော့်အားနည်းချက်ပါ။ တစ်ခါတစ်ရံ သိချင်တာလေးတွေရှိလို့ မိတ်ဆွေတစ်ယောက်ယောက်ကို (Chat Box) ကနေ မေးရရင် အချိန်အများကြီး မယူမိအောင် ကိုယ့်ကိုယ်ကိုယ် သတိပေးဖြစ်တယ်။ ဘာ့ကြောင့်လဲဆို ကျွန်တော် ပျော်နေချိန်မှာ သူစိတ်ညစ်နေချိန်လည်း ဖြစ်နိုင်တယ်။ ကျွန်တော် စိတ်ညစ်နေပေမယ့် သူပျော်ရွှင်အူမြူးနေချိန်လည်း ဖြစ်နိုင်တယ်။ နောက်ပြီး ကျွန်တော် အားလပ်နေပေမယ့် သူ့မှာ အလုပ်များပြီး အချိန်လု လုပ်နေရတဲ့ အချိန်လည်း ဖြစ်နေနိုင်တယ် မဟုတ်လား။ အဲဒီယဉ်ကျေးမှုကို ကျွန်တော် ကျင့်သုံးနိုင်ဖို့ ကြိုးစားနေ ပါတယ်။

ကျွန်တော့် ဖေ့ဘွတ်ခ်အိမ်လေးကို အလည်လာဖို့ အားလုံးကို ဖိတ်ခေါ်ပါတယ်။ မိုက်ရိုင်း ညစ်ညမ်းတဲ့အမှိုက် (Comment) တွေ ချသွားတတ်ကြတဲ့ သူတွေကလွဲလို့ပေါ့။ တစ်ကြိမ်၊ နှစ်ကြိမ်ချသွား တဲ့ အမှိုက်တွေကို (Delete) လုပ်ပြီး လွှင့်ပစ်လိုက်ပါတယ်။ သုံးကြိမ်မြောက်ဆိုရင်တော့ သူမလာနိုင်အောင် တံခါးသော့ခတ်ရတော့တာပေါ့။ သန့်ရှင်းတဲ့ ကျွန်တော့်အိမ်လေးထဲမှာ ဘယ်လိုလူမျိုးမှ အမှိုက်ချတာကို ခွင့်မပြုနိုင်ပါဘူး။ စိတ်လိုလက်ရ တံခါးပိတ်(Block) လိုက်ရတဲ့သူ နှစ်ဦးပဲ ရှိခဲ့ဖူးပါတယ်။ တစ်ဦးက ကာကွယ်ဖို့အတွက်၊ တစ်ဦးကတော့ ညစ်ညမ်းအမှိုက်တွေ ချတတ်လွန်းတဲ့အတွက်ပါ။

လူတိုင်းမှာ အားနည်းချက်၊ အားသာချက် ကိုယ်စီရှိတယ်။ ကျွန်တော့်မှာလည်း ရှိပါတယ်။ ပုဂ္ဂိုလ်ရေးတိုက်ခိုက်မှုတွေကို အသိအမှတ်မပြုပါဘူး။ ဒါပေမယ့် ကျွန်တော့်အိမ်လေးထဲမှာရှိတဲ့ စာတွေနဲ့ ပတ်သက်လို့ အမှားပါသွားရင်၊ လမ်းကြောင်းလွဲသွားတယ်လို့ ယူဆရင် ချက်ခြင်းထောက်ပြဝေဖန် လမ်းညွှန်ဖို့ ဖွင့်ထားတဲ့ နှလုံးသားနဲ့ ဝမ်းမြောက်ဝမ်းသာ ကြိုဆိုပါတယ်။ ကျွန်တော့်အပေါ်မှာ စေတနာထားလို့၊ ကျွန်တော်ပြောတာကို နားထောင်နေကြတဲ့ ပုံပြင်နားထောင်နေသူတွေကို စေတနာ ထားလို့ဆိုပြီး လမ်းညွှန်ထောက်ပြပေးသူ မည်သူကိုမဆို လေးစားစိတ်နဲ့ ဦးညွှတ်မိပါတယ်။

ခုနောက်ပိုင်း ဖောက်ထွင်းခိုးယူသွားတဲ့ သတင်းတွေ မကြာခဏ ကြားနေရပါတယ်။ ဒါ့ကြောင့် ကျွန်တော့်အိမ်ကလေးကို သော့ကောင်းကောင်းနဲ့ သေချာခတ်ပါတယ်။ တချို့တွေက သော့တု ဝိဇ္ဇာတွေ မို့လား။ တစ်ချိန် ကျွန်တော့်အိမ်ကလေး အဖောက်မခံရနိုင်ဘူးလို့ ဘယ်သူပြောနိုင်မလဲ။

တိုးပွားလာတဲ့ မိတ်ဆွေသစ်တွေနဲ့ ကျွန်တော့်အိမ်ကလေးက ပိုပြီးပျော်ရွှင်ဖို့ကောင်းလာတယ်။ သူငယ်ချင်း ထောင်ချီရှိနေကြတဲ့ မိတ်ဆွေတချို့အတွက် ကျွန်တော့်မှာရှိတဲ့ သူငယ်ချင်းသုံးရာကျော်ဆိုတာ မပြောပလောက်တဲ့ ပမာဏပါ။ ကျွန်တော့်အတွက်ကတော့ စိစစ်လက်ခံထားတဲ့ သူငယ်ချင်းတွေမို့ အားလုံးဟာ ရင်ဘတ်မိတ်ဆွေတွေချည်းပါ။ ဒါ့ကြောင့် ကျွန်တော့်မှာ (Close Friend) မထားဘူး။ တင်သမျှအားလုံးဟာ (Publish) အဖြစ်နဲ့ပဲ တင်တယ်။ ကျွန်တော်တင်တဲ့ ပို့စ်တွေကို သဘောထား မတိုက်ဆိုင်တဲ့ သူငယ်ချင်းတွေက ကျော်သွားလို့ရတယ်။ နောက်ပြီး (Hide)လုပ်လိုက်လို့လဲရတယ်။ အကြောင်းကြောင်းကြောင့် (Unfriend) လုပ်ပစ်လိုက်ရင်၊ ကျွန်တော်တင်တဲ့ပို့စ်တွေကြောင့် အနှောက်အယှက် ဖြစ်လို့ (Block) ပစ်ခဲ့လိုက်ရင် သူတို့ဆုံးဖြတ်ချက်ကို လေးစားစွာနဲ့ နားလည်ပေးရမှာပါ။

ကျွန်တော်ချစ်တဲ့ အိမ်လေးထဲမှာ နေပါတယ်။ အထူးသဖြင့် စာကြည့်ခန်းထဲမှာပေါ့။ အလုပ်ကို ရောက်နေရင်တောင် ကျွန်တော့်အိမ်တံခါးလေးကို ဖွင့်ထားတတ်သူပါ။ တက်လာမယ့် (Notification) လေးတွေနဲ့ (Chat Box)ထဲ ဝင်လာမယ့် သတင်းစကားလေးတွေကို တွေ့မြင်ချင်စိတ်သက်သက်နဲ့ပေါ့။ ချက်ခြင်းစာမပြန်ဖြစ်တာကတော့ လိုင်းဖွင့်ထားတဲ့ (Computer) ရှေ့မှာ ရှိမနေတတ်လို့ပါ။ ဒါကို (Chat Box) မှာ စာပို့ဖူးတဲ့ သူငယ်ချင်းတိုင်းသိတယ်။

ကျွန်တော်ချစ်တဲ့ အိမ်လေးထဲမှာ နှစ်သက်တဲ့အရာအားလုံးကို စနစ်တကျ သိုလှောင်သိမ်းဆည်း ထားတယ်။ ကျွန်တော်တန်ဖိုးထားတဲ့အရာတွေအားလုံး ဧည့်ခန်းမှာ ချိတ်ဆွဲထားတယ်။ ပေးချင်တဲ့ သတင်းအချက်အလက်အားလုံး အိမ်ရှေ့မှာ ချခင်းထားတယ်။ ကျယ်ပြန့်တဲ့ သုတသိုက်ကိုသွားဖို့ ချိတ်ဆက်ထားတဲ့ (Link)တွေ ရှိတယ်။ အဆုံးစွန်ပြောရရင် သူငယ်ချင်းမိတ်ဆွေတွေအားလုံး အိမ်လေးထဲ မှာ ရှိတယ်။ ကျွန်တော် ထပ်ပြောပါ့မယ်။

Facebook ဟာ ကျွန်တော့်အိမ်ဖြစ်တယ်။

                                                            ချစ်ခြင်းများဖြင့်

                                                                             သင့်ရဲ့

                                                                                     ရှဥ့်ညိုလေး

 

*****                                        *****                                        *****