ကိုယ်နှင့် Idiom (စကားစမြည်)

ကိုယ်နှင့် Idiom (စကားစမြည်)
စာရေးသူ=ပြည့်ပြည့်

              Idiom ဆိုတဲ့ စာလုံးကို အဘိဓာန်တွေက ဒေသိယစကား၊ ဥပစာ စကားလို့အဓိပ္ပါယ်ဖွင့် ကြတယ်။ ဒေသတစ်ခု ၊ ပတ်ဝန်းကျင်တစ်ခု ဒါမှမဟုတ် လူမျိုးတစ်မျိုးအတွင်း အင်္ဂလိပ်စာ ကိုလေ့လာနေ သူတွေ ဒါမှမဟုတ် မိမိရဲ့ပထမဘာသာစကားမဟုတ်တဲ့ ဘာသာစကား တစ်ခုခုကို လေ့လာနေသူတိုင်း အဲ့ဒီဘာသာစကားရဲ့ Idiom တွေကိုလေ့လာကြရတယ်။ ဘာသာစကားတစ်ခုကို နည်းနည်းပါးပါးပြော တတ်ရုံ ရည်ရွယ်တယ်ဆို ကိစ္စမရှိပေမယ့် သေသေချာချာလေး အသုံးချမယ် ဆိုရင်တော့ idiom တွေကို မလွှဲမရှောင်သာပဲ တွေ့ရမြင်ရမှာ သေချာတာကိုး။

                  ပထမဆုံးသင်ယူထားတဲ့ ဘာသာစကားထဲက idiom အတော်များများဟာ အထူးလေ့လာစရာမလိုပဲ ပြောနေ၊ နားထောင်နေရင်းနဲ့ တီးမိခေါက်မိရှိနိုင်ပါတယ်။ ဒုတိယဘာသာစကား၊ တတိယ ဘာသာစကား တွေ သင်ယူတဲ့ အခါကျတော့ သူတို့ရဲ့ ဒေသိယစကား idiom တွေဟာ မသင်မဖြစ်သင်ယူရတဲ့ အရာ တစ်ခု ဖြစ်လာပါတယ်။ ဘာလို့လဲ ဆိုတော့ idiomတွေမှာ မူရင်းစာကပြောတဲ့အဓိပ္ပါယ်ကတစ်မျိုး၊ တကယ့်ဆိုလိုရင်းက တစ်မျိုးကိုး။ အဲ့ဒါတွေကို ကျက်လိုက်၊ မှတ်လိုက်၊ သတိရလား ပြန်စစ်ဆေးလိုက်၊ မေ့သွားလိုက်နဲ့ အတော့်ကို ဂွတီးဂွကျနိုင်ပါတယ်။ အမြဲတမ်းလည်း သုံးမနေရတော့ ပိုဆိုးတာပေါ့။
မြန်မာစကားမှာ "အမယ်လေး ပြောမနေပါနဲ့ဟယ်။ သူကအဖေ့အသဲကျော် တုန်တုန်တက်လေးလေ" လို့ပြောလိုက်တာနဲ့ မြန်မာတွေက "အသဲကျော်" ဆိုတာ "သိပ်ချစ်ရတဲ့" လို့ပြောတာ "တုန်တုန်တက်" ဆိုတာ "သိပ်ကိုပိုပိုသာသာအလေးထားတယ်၊ အထိမခံနိုင်ဖြစ်တယ်" လို့ပြောမှန်း သိတယ်။ ဒါပေမယ့် မြန်မာစကားက ပထမ ဘာသာမဟုတ်တဲ့ သူတွေကျပြန်တော့ "အသဲ (အသည်း) ဆိုတာ ဗိုက်ထဲမှာပါ ဘယ့်နှယ့် ထုတ်ပြီး ခွကျော်လိုက်ပါလိမ့်" "တုန်တုန်တက်တယ်" ဆိုတော့ "ဖျားနာနေလို့များလား၊ ချမ်းနေတာလားမသိဘူး" တွေ ဘာတွေ ဖြစ်ကုန်ရော။
ဒီလိုပဲ အင်္ဂလိပ်စာ သင်ယူနေတဲ့ သူတွေ အတွက်လည်း "She is the apple of her father's eyes." လို့ကြားလိုက်ရင် "သူမဟာ သူမအဖေရဲ့ မျက်လုံးထဲမှာတော့ ပန်းသီးကြီး ဆိုတာ ဘာပါလိမ့်" လို့ဖြစ်မှာပေါ့။ ဒါပေမယ့် ဆိုလိုရင်းက "သူမက အဖေ့အသဲကျော်လေ" ဆိုတဲ့ အဓိပ္ပါယ်ပါပဲ။
ခုပြောတာတွေကမှ ဆက်စပ်တွေးခေါ်လိုက်ရင် နားလည်ရလွယ်ပါသေးတယ်။ ဒါပေမယ့် "Hold the fort" ဆိုတာမျိုး ဆိုရင်တော့ ခေါင်းကုတ်ရမှာ အမှန်ပါပဲ။ "Hold the fort while I am away." ဆို ပြသနာ တက်ပြီ။ ငါမရှိတုန်း ခံတပ်လေးကို ကိုင်ထားပေးပါပေါ့။ "Hold the fort" ရဲ့ ဆိုလိုရင်းက "ကြည့်ထားပေးပါ။" "စောင့်ရှောက်ပေးထားပါ။" ဆိုတဲ့ သဘောပါ။ အဲ့ဒီ idiom လေး ပေါ်လာပုံကလည်း သမိုင်းကြောင်းလေးနဲ့။ ၁၈၆၁ ကနေ ၁၈၆၅ အတွင်း အမေရိကန် ပြည်တွင်းစစ်ဖြစ်တဲ့အခါ General Sherman က "Hold the fort, I am coming " လို့ စာပို့ရာက စတင်တယ် ဆိုပါတယ်။
တချို့ idiom တွေရဲ့ ပေါ်ပေါက်လာပုံ လေးတွေကလည်း အဲ့လိုမျိုး စိတ်ဝင်စားစရာကောင်းပါတယ်။
ဒီစာလေးကိုရေးတုန်းက စာအုပ်နှစ်အုပ်နဲ့ မိတ်ဆက်ပေးဖို့ရေးခဲ့တာပါ။ ဒါပေမယ့် စာကြမ်းပေးဖတ်ထားတဲ့ မိတ်ဆွေ တစ်ယောက်က ကိုယ့်ကို ဥပမာလေးတွေ ထပ်ထည့်ဖို့ပြောပါတယ်။ ဒီတော့ နည်းနည်း ထပ်ပြောလိုက်ဦးမယ်။ "Behind the eight ball" တဲ့။ ဒီ idiom ကျတော့ ဘိလိယက်နဲ့ စနူကာ idiom လို့ဆိုရမလားပဲ။ ကစားတော့ မကစားတတ်ပေမယ့် နံပါတ် ၈ ဘောလုံးနောက်မှာ cue (ထိုးဘောလုံး)ရောက်သွားပြီဆို ဆက်ထိုးမရလို့ရှုံးပြီ ဆိုပဲ။ ဒီတော့ "I'm behind the eigh ball." လို့များ ပြောလာခဲ့ရင် ဘယ့်နှယ့်ပါလိမ့်လို့တွေးမနေပဲ "သူဒုက္ခရောက်နေပြီ။ ရှေ့ဆက်ရခက်နေပြီ" လို့သာသဘောပေါက်လိုက်ပါတော့။
ဟိုးအရင်တုန်းက ဈေးတွေမှာ အထုပ်တွေထဲ ဝက်ကလေးပါသလိုလို၊ ယုန်ကလေးပါသလိုလိုနဲ့ ရောင်းလိုက်ပြီး အိမ်ရောက်လို့ဖွင့်ကြည့်လိုက်မှ ကြောင်ခုန်ထွက်လာတယ် ဆိုတဲ့ အဖြစ်မျိုးရှိသတဲ့။ ညာရောင်းတာပေါ့လေ။ အဲ့ဒီကနေ စပြီး "Let the cat out of the bag." ဆိုတဲ့ idiom ပေါ်လာခဲ့တယ်။ "ကြောင်ကိုဖွင့်ပြလိုက်စမ်းပါ" ပေါ့။ "လျှို့ဝှက်ချက်ကိုပေါက်ကြားစေပြီ" လို့ဆိုလိုပါတယ်။
ပြောတာကို ပြန်ကောက်ရရင် idiom တွေဟာ မှတ်ရခက်တာတော့ အမှန်ပဲ။ ဒါလေးများလို့ ထင်သူတွေလည်း ရှိမှာပါ။ သူတို့အတွက်လွယ်ကူနေတယ် ဆိုရင်တော့ ဝမ်းသာပါတယ်။ ကိုယ်ကတော့ ခဏခဏ ခေါင်းကုတ်ခဲ့ရတဲ့ အရာတွေကိုး။ idiom တွေ စလုပ်တော့ "Idiomatic American English" ဆိုတဲ့ အဝါရောင်စာအုပ်လေးနဲ့ပါ။ သိပ်လည်း မထူပါဘူး။ ဒါပေမယ့် အဲ့ဒီစာအုပ်ကို ကိုယ့်မှာရှိရှိသမျှသော အင်္ဂလိပ်စာလေ့ကျင့်ခန်းစာအုပ်တွေထဲမှာ အမုန်းဆုံး။ စာအုပ်တွေကိုကြည့်ပြီး ဘယ်စာအုပ်ထဲက အကြောင်းအရာတွေတော့ ငါဘယ်အချိန်တွေးတွေး မှတ်မိနေတယ်လို့ ကျေနပ်နေမိရင်တောင် အဲ့ဒီစာအုပ်ကိုမြင်ရင် စိတ်ထဲ အခဲမကျေနိုင်ဘူး။ ဖွင့်ကို မကြည့်ချင်ဘူး။ ပုံကိုတွေ့ပြီးရင် သိမ်းထားသမျှစာအုပ်တွေထဲ သူအစုတ်ဆုံး ဆိုတာယုံမှာပါ။ အဲ့ဒီလောက်လုပ်ခဲ့ပေမယ့် သူ့ကိုမပိုင်ဆုံး။ သူ့ကြည့်ရတာ တစ်ခါတစ်ခါ ကိုယ့်ကိုယ်ကိုယ် ယုံကြည်ချက်တွေလျော့ကျအောင် လုပ်မ်ိနေခဲ့သလိုပါပဲ။ ဖြစ်မှာပေါ့။ လုပ်လိုက် မေ့လိုက်ကိုး။
အဲ့စာအုပ်ထဲမှာ အခန်းကိုးခန်းခွဲထားတယ်။ ငွေရေးကြေးရေး ၊ ရည်မှန်းချက် ၊ ကိစ္စ အရှုပ်အထွေး စသည်ဖြင့်ပေါ့။ အဲ့အောက်မှာမှ သင်ခန်းစာတွေ ထပ်ခွဲလိုက်တာ အားလုံးပေါင်း ၁၀၀ ရှိတယ်။ သင်ခန်းစာ တစ်ခုစီရဲ့အောက်မှာ idiom လေးတွေ မပါဘူး ဆိုရင်တောင် ငါးခုလောက်ပါတယ်။ ရှင်းပြချက်တွေ၊ နာမူနာ အသုံးတွေ ၊ လေ့ကျင့်ခန်းတွေနဲ့ ဝေဝေဆာဆာပါပဲ။ လုပ်လိုက်ရတာ ဆိုတာ။ ဘယ်လောက်လုပ်လုပ် နောက်ဆုံးတော့ လေးပုံ တစ်ပုံတောင် ခေါင်းထဲ တင်မနေခဲ့ဘူး။ အကြောင်းကတော့ ရှေ့ကပြောခဲ့သလိုပါပဲ။ မူရင်း အဓိပ္ပါယ်နဲ့ ဆိုလိုရင်း ကွဲပြားတာရယ်၊ အသုံးချမှုနည်းနေတာရယ် ၊ မျက်စိထဲမြင် ခေါင်းထဲဝင် သိပ်မဖြစ်တာရယ်ကြောင့်ပါ။ ဘယ်ဝင်မလဲ။ "Don't beat about the bush." လို့ရေးထားတယ်။ အဲ့ဒါကြီးကို မှတ်ထားလည်း မေ့သွားတဲ့ အခါများဆို "အင်း… ချုံပုတ်ကို ပတ်ရိုက်မနေနဲ့ ဆိုတော့ ချုံထဲက အကောင်တွေ ဘလောင်တွေ သက်သက်မယ့် ငြိမ်ငြိမ်မနေရမှာ စိုးလို့ ဖြစ်ရမယ်။ ဒါဆို ငြိမ်နေတဲ့ ပြဿနာကိုသွားမဆွနဲ့လို့ပြောချင်တာပဲ" လို့ လျှောက်တွေးပြစ်လိုက်တာပေါ့။ တကယ်တော့ ဆိုလိုရင်း အစစ်အမှန်က "ဝေ့လည်ကြောင်ပတ်မလုပ်နဲ့။ ပြောချင်တာကို တည့်တည့်ပြော" ဆိုတဲ့ အဓိပ္ပါယ်ပါ။ ဆန်းတယ်နော်။ "ဝေ့လည်ကြောင်ပတ်" လို့ မြန်မာ idiom သုံးလိုက်ရင် နားမလည်တဲ့သူတွေ ဘာတွေများတွေးကြမလဲ သိချင်သေးတယ်။
အဲ့ဒီနောက်ပိုင်းမှာ idiom နဲ့ ပတ်သက်ရင် ကိုယ့်ကိုယ်ကိုယ် မယုံဘူး။ စိတ်မချဘူး။ "တစ်ယောက်ယောက်ကများ ငါ့ကို idiom နဲ့ ပြောချထည့်လိုက်ရင် ငါတော့ဂွိပြီ" ဆိုပြီး လည်းစိုးရိမ်နေတတ်ခဲ့သေးတယ်။ မှတ်မိတာတွေ သိတာတွေကို မမြင်ပဲ မသိတာကိုပဲ မြင်နေခဲ့တာလေ။ "ငါဆယ်ခုသိတယ်ကွ" လို့ မြင်ရမယ့် အစား "ငါ အခု ၄၀ တောင် မသိသေးဘူး" လို့ ထင်နေခဲ့ဖူးတာ။ ခုတော့ အဲ့ဒီအချိုးမျိုးတွေ ၊ မရရင် စိတ်ပျက်လက်ပျက် ဖြစ်နေတာမျိုးတွေကို လျော့လိုက်နိုင်ပါပြီ။ အရင်ကထက်တော့ ပိုပြီး အချိုးပြေလာတယ်ပေါ့။ ဒါပေမယ့် ကျေနပ်တတ်လွန်းတာလည်း အပျင်းထူစေတယ်လေ။
ဒီလိုနဲ့ပဲ ၂၀၁၂ လောက်တုန်းက သူငယ်ချင်းနဲ့ စာအုပ်သွားဝယ်ကြတယ်။ သူငယ်ချင်းနှစ်ယောက် လက်ဆောင်ပေးပုံက ထူးထူးဆန်းဆန်း။ ကိုယ်ရွေးထားတဲ့ စာအုပ်တစ်အုပ်ကို သူက ငွေရှင်းပေးတယ်။ သူရွေးထားတဲ့ တစ်အုပ်ကို ကိုယ်က ငွေရှင်းပေးတယ်။ အဲ့ဒီမှာ ကိုယ့်ကို သူဝယ်ပေးတဲ့ စာအုပ်လက်ဆောင်ကတော့ "Idioms in Action" ဆိုတဲ့ စာအုပ်ပါ။ "ROSALIND FERGUSSON" ဆိုတဲ့ သူကပြုစုထားပါတယ်။ Idiom တစ်ခုကို ကာတွန်း တစ်မျက်နှာနဲ့ သရုပ်ဖော်ထားတယ်။ ကာတွန်းလေးတွေက ရယ်စရာလည်း ကောင်းပြီး သရုပ်ပေါ်လွန်းတော့ ချက်ချင်းမှတ်မိတယ်။ အဲ့ဒီစာအုပ်ထဲ idiom အခု ၆၀ပါပြီး တစ်ထိုင်တည်းနဲ့ တစ်အုပ်လုံး ဖတ်လို့ပြီးသွားတယ်။ ပြီးမှ မာတိကာကို ပြန်လှန်ပြီး ပေးထားတဲ့ ခေါင်းစဉ်တွေကိုကြည့်၊ ကိုယ့်ကိုယ်ကိုယ် ဘယ်လောက်မှတ်မိသလဲ ၊ စာကြောင်းတွေထဲ ၊ ပြောမယ့် စကားတွေထဲ အဲ့ဒီ idiom တွေကို ဘယ်လောက် ထည့်သုံးနိုင်လဲ စမ်းကြည့်တယ်။ တကယ့်ကို ကျေနပ်စရာပါပဲ။ ၁၇ ခုပဲ မမှတ်မိဘူး။ ကျန်တဲ့ ၄၃ ခုစလုံး မှတ်မိတယ်။ အားတက်သွားတယ်။ နောက်တစ်ခါ ထပ်ဖတ်တယ်။ ထပ်စမ်းသပ်တယ်။ တဖြည်းဖြည်း အားလုံးမှတ်မိသွားတယ်။ နောက်တဆင့်အနေနဲ့ အသုံးတွေကို မြင်ရင်သိတာမျိုး မဟုတ်ပဲ အလွတ်ရအောင် လုပ်တယ်။ စာတွေကို မကြည့်ပဲ ပုံလေးတွေကိုပဲ ကြည့်တယ်။ စာတွေကို အလွတ်ပြောကြည့်တယ်။ အဆုံးမှာတော့ ကိုယ့်ကိုယ်ကိုယ် ကျေနပ်လောက်အောင် မှတ်မိသွားတယ်။ ရသွားပါတယ်။ မေ့သွားလည်း အဲ့ဒီစာအုပ်လေးကို ပြန်ကိုင်ပြီး ပြန်လှန်တော့တာပဲ။ ပြန်ကိုင်ဖို့လည်း နည်းနည်းမှ ဝန်မလေးဘူး။ အဲ့ဒီ "Idioms in Action" စာအုပ်က အတွဲလိုက်ရှိတယ်။ ကိုယ်ဝယ်တုန်းကတော့ book 3 အထိ ရှိပြီး ခုတော့ ဘယ်လောက်အထိ ထွက်နေပြီလဲ မသိပါဘူး။ ဝါသနာပါရင် လုပ်ကြည့်ဖို့တိုက်တွန်းချင်ပါတယ်။
အရေးကြီးတဲ့ အချက်လေးတွေ နည်းနည်းတော့ပြောဖို့လိုမယ်။
"Idioms in Action" ဟာ ကိုယ့်အတွက် အဆင်ပြေပြီး လွယ်ကူနေတယ်ဆိုတာ ရှင်းလင်းတင်ပြတဲ့ ဆရာရဲ့ အတွေးအခေါ် ကောင်းတာကြောင့် တစ်ခုတည်း မဟုတ်ပါဘူး။ ကိုယ်တိုင်ကလည်း ရှေ့စာအုပ်ကို အထပ်ထပ်လုပ်ထားပြီး idiom ကို တီးမိခေါက်မိ ရှိနေလို့ပါ။ အနှစ်နှစ်အလလ စုဆောင်းလာတဲ့ အသိတွေ လေ့လာမှုတွေဟာ အချိန်တန်တော့ အသုံးကျတဲ့ သဘောပါပဲ။ ကိုယ်က မေ့သွားပြီ၊ မတတ်ဘူး ထင်ထားတာက တကယ်တော့ ဦးနှောက်ထဲမှာ သူ့ဟာသူ သိုမှီးပြီးသားလေ။ သင်ယူကျက်မှတ်ထားတာတွေက အသုံးချစရာနေရာရှိနေသေးသ၍ အလကား ဖြစ်မသွားပါဘူး။ တနည်းနည်းနဲ့ အသုံးကျနေသေးတာပါပဲ။
နောက်တစ်ခုက idiom တွေကို တကယ်အသုံးချချင်တယ်ဆို "သည်" "၏" လွဲလို့မရပါဘူး။ in လေး of လေး on လေး ပဲ ဆိုပြီးလည်း တော်ရိရော်ရိလုပ်လို့မရပါဘူး။ အားထည့်ရပါတယ်။ ကျက်စရာလိုတဲ့စာဟာ ကျက်ကိုကျက်ရမှာပါ။
နောက်တစ်ချက်ကတော့ ပုံပြစာတွေဟာ ပညာရေးမှာ အင်မတန်အသုံးဝင်တာမှန်ပေမယ့် နေရာတကာ ဒါပါရင် ကောင်းမယ် လုပ်လို့တော့ မရကြောင်းလေးလည်း ဖြည့်စွက်ပြောချင်ပါသေးတယ်။

Credit:ပြည့်ပြည့်