ဝင်းငြိမ်း နှင့် စာရေးဆရာများ အပိုင်း (၄၁)

ဝင်းငြိမ်း နှင့် စာရေးဆရာများ အပိုင်း (၄၁)

        (တစ်ပုဒ် ပြီးသွားတဲ့နောက်ပိုင်း ရက်တော်တော်ကြာကြာ စာမရေးဖြစ်တော့ပါဘူး။ အဲဒီရက် တွေမှာ စာဖတ် ပါတယ်။ အချက်အလက်တွေ စုပါတယ်။ ဖတ်ရက် တွေးရက် ကြာလာတော့ ရင်ထဲမှာ ခံစားမှုလေး တွေ ပြည့်လာပြန်ရော။ အဲဒီတော့ နောက်တစ်ပုဒ်ကို စ ရေးပြန်ရော ပေါ့လေ "
" သွားလေရာကို မှတ်စုစာအုပ် ယူသွားတတ်ပါသလား။ တွေ့မြင်တဲ့ အချက်အလက်တွေကို "ဒါလေးတော့ ၀တ္ထုထဲ ထည့်သုံးလိုက်ရင် ကောင်းမယ် " ဆိုတဲ့ စိတ်ကူးမျိုးနဲ့ မှတ်သား ထားတတ် ပါသလား ") ကို ဆက်ဖတ်ရန်....

" ခရီးရှည် ထွက်တဲ့အချိန်ကလွဲလို့ မှတ်စု မကိုင်ပါဘူး။ စာရေးတဲ့သူဆိုတော့ ဖြစ်ရပ်မျန်ပေါ် မူတည်ပြီး စိတ်ကူးယဉ်ကြရတာ ဆိုတော့ ပတ်ဝန်းကျင် လက်တွေ့ဘ၀ရလာတဲ့ အချက်အလက်လေးတွေကို ကြုံရင် ကြုံသလို ခေါင်းထဲတော့ ထည့်လိုက်ရင်ပေါ့ရှင်။ ကွင်းဆင်းလေ့လာရတဲ့ ဖြစ်ရပ်တွေကျမှ စာနဲ့ပေနဲ့ ရေး မှတ် ဖြစ်ပါတယ်"

" ဆရာမ ၀တ္ထုဖတ်လေ့ရှိပါသလား။ နိုင်ငံခြားဝတ္ထုတွေကော ဖတ်ပါသလား။ ဆရာမ ၀တ္ထုတွေမှာ ဆရာမ ဖတ်လေ့ဖတ်ထရှိတဲ့ စာရေးဆရာ တစ်ယောက်ယောက်ရဲ့ "ဟန်"၊ "ပုံစံ" မျိုး ၀င်လာတတ်တာ ရှိပါသလား"

" ကျွန်မက "အဖတ်" ကို "အရေး" ထက်တောင် ပိုဝါသနာပါပါသေးတယ်။ စာမရေးဖြစ်တဲ့ ရက်တွေမှာ ၀တ္ထု တွေ ဖတ်ဖြစ်ပါတယ်။ မြန်မာဝတ္ထု ထွက်သမဗ ကလောင်ဟောင်း ကလောင်သစ် အကုန် ဖတ်ပါတယ်။ နိုင်ငံခြားဝတ္ထုကျတော့ မြန်မာဝတ္ထုတွေလောက် မဖတ်ဖြစ်ပါဘူး။
ဆစ်ဒနီရှဲလ်ဒန်နဲ့ ဘာသာဟေလီ ကို ကြိုက်ပါတယ်။ ဇာတ်အိမ် ခိုင်မာခြင်း၊ ဇာတ်ကွက်စိပ်ခြင်း၊ ဇာတ်လမ်း ကျယ်ပြန့်ခြင်း ဆိုတာတွေကို သဘောကျပါတယ်။ အဲဒီဟန်နဲ့ ပုံစံတွေ ကျွန်မ ၀တ္ထုတွေထဲကို ထိုးဖောက် စိမ့်ဝင်ပါတယ်"
" စာရေးဆရာတိုင်းမှာ ကိုယ်ပိုင်ဟန်နဲ့ ကိုယ်ပိုင်ပုံစံ ရှိသင့်တယ်လို့ နိုဘယ်လ်ဆုရ စာရေးဆရာကြီး "ဖရန်ဆွာမောရယက်ခ်" က ဆိုခဲ့ပါတယ်။ ဆရာမ ဘယ်လို ယူဆပါသလဲ"

"မှန်ပါတယ်။ ကျွန်မဆိုရင် လုံးချင်းလောကထဲ စ ၀င်ကတည်းက ကျွန်မအတွက် ဟန်နဲ့ပုံစံကို တည် ဆောက် ပါတယ်။ ဒီလိုပါ၊ ဘ၀ဇာတ်ခုံမှာ လူသားတိုင်းအတွက် ကိုယ်စီ ဇာတ်လမ်းငယ်လေးတွေ ရှိ နေပါတယ်။ အဲဒီ ကိုယ်ပိုင်ဇာတ်လမ်းငယ်လေးတွေ တစ်နေရာမှာ ပေါင်းဆုံပြီး ဇာတ်လမ်း ခွင်ကျယ်ကြီး ဖြစ်သွား တတ်ပါတယ်။ ဒါဟာ လူ့လောကရဲ့ တကယ့်ဖြစ်စဉ်ပါ။ ဒါကြောင့် ကျွန်မ ၀တ္ထုတိုင်းမှာ ဇာတ်ကောင် များပါတယ်။ ဇာတ်အိမ် ကျယ်ပါတယ်။ ဇာတ်လမ်းရှည်ပြီး ဇာတ်ကွက် စိပ်သွားတတ် ပါတယ်။ သဘာဝနဲ့ အနီးစပ်ဆုံး ဖြစ်အောင် ဖန်တီးချင်လို့ပါ။

နောက်ပြီး ကျွန်မတို့ တိုင်းပြည်မှာ မိန်းမသား ဦးရေက ယောက်ျား ဦးရေထက် ပိုများပါတယ်။ မိန်းမသား တွေအနေနဲ့ အားနွဲ့သူပါရှင် လုပ်နေရင် လူဦးရေတစ်ဝက်ကျော်ကျော်ဟာ ပျော့ညံ့သူတွေဖြစ် လာပါမယ်။ တိုင်းပြည်နဲ့ ချီပြီး နစ်နာမယ့် အဖြစ်မျိုးပါ။ ဒါကြောင့်မို့ မိန်းမသားဆိုတာ ကြိုးစားရင် ယောက်ျားတွေထက် မညံ့ပါဘူးဆိုတဲ့ စံမျိုးနဲ့ ကျွန်မရဲ့ ဇာတ်ကောင် အမျိုးသမီးတွေကို သရုပ်ဖော်ပါတယ်။
 

ပြီးတော့ ကိုယ့်တိုင်းပြည်နဲ့ ကိုယ့်လူမျိုးကို ချစ်ဖို့၊ မြန်မာမလေးတွေ မြန်မာ့ယဉ်ကျေးမှု စည်းဘောင်ထဲက ကျော်လွန်မသွားဖို့ အမြဲသတိထားရေးပါတယ်။ အဲဒီလို မူချထားတဲ့ အချက်တွေလည်း ရှိပါတယ်။
မူချ၊ လိုင်းရွေး၊ ဟန်နဲ့ ပုံစံပါ စိတ်တိုင်းကျ တည်ဆောက်ပြီးမှ ကျွန်မ လုံးချင်းလောကထဲကို ၀င်ခဲ့တာပါ။ အလျဉ်းသင့်လို့ ကြုံကြိုက်တုန်း ပြောရမယ်ဆိုရင် ကျွန်မ၀တ္ထု တွေ ၂၅ နှစ်မြောက်ခဲ့ပါပြီ။ မိန်းကလေးက စပြီး ချစ်ရေးဆိုတာမျိုး ဘယ်စာအုပ်မှာမှ မပါခဲ့ပါဘူး။ ဒါဟာ မြန်မာ့ယဉ်ကျေးမှုနဲ့ ကန့်လန့်ကြီး ဖြစ်နေတဲ့ အချက်ပါ"

" အဲဒီ ဆရာကြီးကပဲ စာရေးဆရာဆိုတာ အတွေ့အကြုံရင့်ကျက်လာပြီးတဲ့ အသက်အပိုင်းအခြား ရောက် မှသာ အောင်မြင်တဲ့ စာရေးဆရာ ဖြစ်လာနိုင်တယ်။ ဒါကြောင့် လူငယ် စာရေးဆရာတွေမှာ အောင်မြင်ဖို့ အခွင့်အလမ်း နည်းပါးတယ်လို့ ဆိုတယ်။ ကျွန်တော်တို့ နိုင်ငံမှာတော့ လူငယ်စာရေးဆရာတွေရဲ့ စာတွေ ကို ပိုပြီး ဖတ်ကြတော့ ပိုပြီး အောင်မြင်တယ်လို့ ပြောရင် ရနိုင်မလားဘဲ။ ဒီတော့ ကျွန်တော် သိချင်တာက ဆရာကြီး ရဲ့ အဆိုအမိန့်နဲ့ ကျွန်တော်တို့ဆီက အခြေအနေ ကွာခြားနေတာ ဘာကြောင့်ပါလဲ။ ဆရာမ အမြင် သိပါရစေ"

" ဆရာကြီး ဖရန်ဆွာမောရယက်ခ်ရဲ့ အဆိုအမိန့်ကို ငြင်းစရာ မရှိပါဘူး။ ယေဘုယျမှာ လူကြီးတွေက အတွေ့အကြုံများပြီး ပိုရင့်ကျက်ပါတယ်။ ဒါပေမဲ့ ကျွန်မတို့ တိုင်းပြည်မှာ ဒီနေ့ ရသစာပေဖတ် ပရိသတ် အများစု က လူငယ်တွေ ဖြစ်ပါတယ်။ ရေးသူနဲ့ ဖတ်သူ အသက်အရွယ်ချင်း ညီသလို၊ ခံစားမှုပိုင်း အတွေးအခေါ်ပိုင်း မှာလည်း ပိုမိုနီးကပ်ပါလိမ့်မယ်။ ဒီတော့ လူငယ်စာရေးဆရာတွေကို ပိုလက်ခံတဲ့ သဘောပါ"
"၀တ္ထုတစ်ပုဒ် ရေးပြီးသွားချိန်မှာ အဲဒီဝတ္ထုထဲက ဇာတ်ကောင်တွေနဲ့ ပတ်သက်ပြီး ဆရာမ ရင်ထဲမှာ စွဲလမ်း နေတတ်ပါသလား "

" စရေးချိန်ကတည်းက စပြီး စွဲလမ်းတာပါပဲ။ ရေးပြီးတော့လည်း မထွက်ပါဘူး။ ဒါပေမဲ့ ဇွတ်ကို နှင်လွှတ်လိုက်ရပါတယ်။ ဒီလိုမှ နှင်မလွှတ်ရင် နောက်တစ်ပုဒ် စရေးလို့ မရတော့ပါဘူး။ စာဖတ်ပရိသတ် အနေနဲ့ ကလည်း ကိုယ် နှစ်သက်တဲ့ စာရေးဆရာကို မကြာခဏ ဆိုသလို ဖတ်ချင်ကြပါတယ်။ ဒီဆန္ဒကို ဖြည့်ဆည်း ပေးရမယ့် တာဝန်လည်း ရှိပါတယ်။ စာရေးသူဟာ ရေးပြီးသားဝတ္ထုထဲက ကိုယ့်ဇာတ်ကောင်နဲ့ ကိုယ့် ဇာတ်လမ်း ကို စွဲလမ်းနေရင် နောက်ဝတ္ထုအသစ်တစ်ပုဒ် ရေးဖို့ရာမှာ အခက်အခဲတွေ့မှာပဲ "
" ဆရမ ပရိသတ် နဲ့ ပတ်သက်ပြီး ပြောချင်တာများရှိရင် … "
" ဟုတ်ကဲ့။ ကျွန်မ ပြောချင်တာက ကျွန်မဆီကို ရေးလာကြတဲ့ စာတွေနဲ့ ပတ်သက်လို့ပါပဲ။ ကျွန်မရဲ့ စာအုပ် တွေကို ဝေဖန်ရင် လက်ခံပါ့မလားဆိုတဲ့ သံသယ၀င်နေတဲ့ စာချစ်သူတွေကို ပြန်ကြားချင်ပါတယ်။

ကျွန်မရဲ့ ခံစားမှု အတွေးတွေကို "၀တ္ထု"အဖြစ်နဲ့ စာချစ်သူတွေထံ ပို့ဆက်ပါတယ်။ အဲဒီအခါမှာ စာချစ်သူ များထံက "ဝေဖန်အကြံပြုစာ" များကို ကျွန်မက ပြန်လည် လက်ခံရရှိပါတယ်။ ခံစားချက်ချင်း၊ အတွေး ချင်း၊ ဖလှယ်နှီးနှောကြတယ်လို့ ကျွန်မ ခံယူပါတယ်။
ကျွန်မ ရေးလိုက်တဲ့စာအုပ်နဲ့ ကျွန်မ ပြန်လည် ရရှိတဲ့ စာတွေဟာ ကျွန်မနဲ့ ကျွန်မ ပရိသတ်ရေးသူနဲ့ ဖတ်သူ အကြားမှာ ဆက်သွယ် တွယ်နှောင်းထားတဲ့ ပေါင်းကူးတစ်ခုရဲ့ အသွားနဲ့ အပြန်လမ်းလို့ ကျွန်မ မြင် ပါတယ်။

ဒါကြောင့်မို့ ကျွန်မ စာအုပ်တစ်အုပ် ထွက်ပြီးတိုင်း ဝေဖန်အကြံပြုစာများကို ကျွန်မ မျှော်လင့်နေပါတယ် ဆိုတဲ့အကြောင်း ပြောချင်ပါတယ်။ နောက်တစ်ခုက လုံးချင်းလောကထဲကို ၀င်လာတဲ့အချိန်ကစပြီး နေနွယ်ဇင်မြင့် ဆိုတဲ့ နာမည်တစ်ခုတည်းနဲ့ပဲ ကျွန်မ ရေးပါတယ်။ ကျွန်မမှာ ကလောင်ခွဲ မရှိပါဆိုတဲ့ အကြောင်းပါပဲ။
ကျွန်မကို စာချစ်သူတွေရဲ့ ကိုယ်စား တွေ့ဆုံခြင်း ပြုလုပ်ပေးတဲ့အတွက် ကိုဝင်းငြိမ်းနဲ့တကွ ပေဖူးလွှာ ၀ိုင်း တော်သားတွေကို ကျေးဇူးအများကြီးတင်ပါတယ်"
" ကျေးဇူးတင်ပါတယ် ဆရာမ၊ ကျွန်တော်ကလည်း ပေဖူးလွှာရဲ့ စာတည်းအဖွဲ့နဲ့ ဆရာမရဲ့ စာဖတ်ပရိသတ် ကိုယ်စား ကျေးဇူးတင်တဲ့အကြောင်း မှတ်တမ်းတင်ပါရစေ"

ပေဖူးလွှာမဂ္ဂဇင်း၊ အမှတ်-၄၀၊ စက်တင်ဘာလ၊ ၁၉၈၄ ခုနှစ်။

စာသားမဲ့သီချင်း၊ အကြောင်းအရာမဲ့ ပန်းချီကား၊ ကာရန်မဲ့ကဗျာ
ဒေါင်းနွယ်ဆွေ

ကာရန်မဲ့ ကဗျာ၊ ကာရန်မဲ့ ကဗျာမဲ့ အပြောများလာကြတဲ့ အချိန်မို့ ဒီလ ကျွန်တော်တွေ့ဆုံပေးရမယ့် ကဗျာ ဆရာကြီး ဒေါင်းနွယ်ဆွေ နဲ့ တွေ့ရချိန်မှာ ကာရန်မဲ့ကဗျာ အကြောင်းကပဲ တိုက်ရိုက် စ မေးလိုက်မိ ပါတယ်။

" ဒီနေ့ ကဗျာလောကမှာ ကာရန်မဲ့ကဗျာနဲ့ ပတ်သက်ပြီး တော်တော်လေး လှုပ်လှုပ်ရှားရှား ဖြစ်လာကြပါ တယ် ဆရာ။ ဆရာနဲ့ ပတ်သက်ပြီး ကျွန်တော် လေ့လာလို့ ရခဲ့သလောက် အထဲက ပြောရရင် ကာရန်မဲ့ ကဗျာ ကို ဆရာက စ ခဲ့တာလို့ သိရပါတယ်။ ဒီတော့ ကာရန်မဲ့ ကဗျာကို ဘာကြောင့် ဆရာ ဖန်တီး ခဲ့တာ လဲ ဆိုတာက စပြီး သိချင်ပါတယ် ဆရာ " 

" ကိုဝင်းငြိမ်းက ကျွန်တော် သိပ်ပြောချင်တဲ့အကြောင်းက စ လိုက်တော့ ပြောရတာပေါ့။ ကာရန်မဲ့ကဗျာနဲ့ ပတ်သက်ပြီး သိပ်ပြောချင်ပါတယ်။ ဘာဖြစ်လို့လဲ ဆိုတော့ ဒီလ ထွက်တဲ့ အထူးထုတ်မဂ္ဂဇင်းကြီးတစ်ခုထဲ မှာ ကာရန်မဲ့ကဗျာကို တော်တော် အားပေးတယ် ဘာညာ ပြောထားတယ်။ တကယ် ဖတ်ကြည့်တော့ ကာရန်မဲ့ တစ်ပုဒ် မှ မပါဘူး။ ကာရန်တွေ ချိတ်ထားတဲ့ ကာရန်ပျက်ကဗျာတွေပဲ တွေ့တယ်။ ကာရန်မဲ့ ကဗျာ ဆိုတာ ကာရန်တစ်လုံးမှ မပါရဘူး။ ဒါမှ ကာရန်မဲ့ ခေါ်တယ်။ အခုဟာက ကာရန်တွေ ချိတ်သုံးထား ကြတာ တွေ့ရတယ်။

ကျွန်တော် ပြောချင်တဲ့ ကာရန်မဲ့က ဒါ မဟုတ်ဘူး။ ကာရန်မပါတဲ့အတွက်ကြောင့် သူက ပိုပြီး ခက်ခဲတယ်။ ကာရန်မဲ့ ကဗျာ ကို ကျွန်တော် ဘယ်တုံးက စ သုံးခဲ့သလဲဆိုတော့ ၁၉၅၉ ခုနှစ်က ရှုမ၀တိုက်ကနေ "ကဗျာ့ ပုလဲကုံး" ဆိုတဲ့ စာအုပ် ထုတ်တယ်။ ကဗျာ၊ ၀တ္ထုတွေ ရေးရတာ ငြီးငွေ့တုန်း အာရှ-အာဖရိက စာရေးဆရာ ညီလာခံအတွက် ကျွန်တော် ဆိုဗီယက်ကို ပါသွားတယ်။ အဲဒီမှာ ကာရန်မဲ့ကဗျာ ဖန်တီးဖို့ စ ခဲ့တာပဲ။

ဟိုမှာ ဘာတွေ့ရသလဲဆိုတော့ စန္ဒရားဆရာမကလေးတစ်ယောက် စန္ဓရား တီးပြတယ်။ သီချင်း မဟုတ်ဘူး။ သူ တီးချင်တာ တီးနေတာပဲ။ မုန်တိုင်း တိုက်တယ်၊ သစ်ရွက်ကြွေတယ်၊ လေတွေ ငြိမ် သွားတယ်၊ မြင်းခွာသံ တွေ ဖြစ်ချင်ဖြစ်လာမယ်။ ပြောရရင် Song Without Words ပေါ့။ ကျွန်တော်တို့ မြန်မာဂီတ မှာလည်း တယောနဲ့ ပတ်သက်ပြီး ရှိပါတယ်။ ဘိုးတံအဖျားကနေ အရင်းအထိ ထိုးချင်သလို ထိုးသွားတာ၊ နွဲ့သွားတာ၊ ဘယ်လူးညာလှည့် ၀င်ချင်သလို ၀င်လာတာတွေ။ စန္ဒရားမှာ သူ အဲဒီလို လုပ်ချင် သလို လုပ်သွားတယ်။
နောက်တစ်ခါ ဘာတွေ့ရပြန်သလဲဆိုတော့ ဘဲလေးကကွက်။ ကချင်တာ ကသွားတာပဲ၊ ဇာတ်လမ်း မရှိဘူး။ Bellet Without Plot ပေါ့။ ဘဲလေးကကွက်တော့ ဟုတ်တယ်၊ ဒါပေမဲ့ ဇာတ်လမ်း မရှိဘူး။ နောက်ဆုံး ကျတော့ မှ ဒီကကွက်ရဲ့ နာမည်ကို စာတန်းထိုးပြလိုက်တယ်။ Thief တဲ့။ သူခိုးပေါ့။

Painting Without Subject ဆိုတာလည်း ရှိတယ်။ အကြောင်းအရာမဲ့သော ပန်းချီကားပေါ့။ နောက် Sculpture Without Object ပန်းပုရုပ်တော့ ပန်းပုရုပ်ပဲ။ ဒါပေမဲ့ ဘာရုပ်မှန်းတော့ မသိဘူး။ Abstract ဆန် ဆန်ပေါ့။ အကြောင်းအရာတွေ ပျောက်သွားတယ်။ ဒါပေမဲ့ လွတ်လပ်စွာ ကွန့်မြူးခွင့်ဆိုတာတော့ ပါတယ်။ နောက် Country Without Border နယ်နိမိတ်မဲ့သောနိုင်ငံ ဆိုတာတွေလည်း ရှိသေးတယ်။
အဲဒီအကြောင်းအရာတွေကို ကျွန်တော် သဘောကျပြီးတော့ ကဗျာမှာ တီထွင်ကြည့်ချင်လို့ ပြန်လာတော့ (ရှုမ၀)ဦးကျော်ကို ပြောပြတယ်။ ကျွန်တော် ဒီလို ရေးချင်တယ်လို့၊ ဦးကျော်ကလည်း ရေးပါဆိုတာနဲ့ ကျွန်တော် ရေးဖြစ်သွားတယ်။ "မိုးသောက်ပန်းကဗျာများ" ဆိုပြီး သီးသန့်ကဏ္ဍ ထည့်ထားပါတယ်။ အဲဒီမှာ ကဗျာတွေအောက်က ဘာကြောင့် ဒီကဗျာ ဖန်တီးတယ်ဆိုတာ မှတ်ချက်တွေ ထည့်ခဲ့ပါတယ်။ " စောင်းသမား နှင့် မုန်တိုင်း" ဆိုတဲ့ ကဗျာအောက်မှာ ကျွန်တော် ဒီလို ရေးခဲပပါတယ်။ (ကာရန်မပါသော ကဗျာစာတမ်းနု ကို ၀တ္ထုကဲ့သို့ ရေးသားသီဖွဲ့သဖြင့် ဤကဗျာကို ကာရန်မဲ့ကဗျာဟု စမ်းသပ် အမည်ပေးခြင်း ဖြစ်ပါသည်) အဲဒီလို ရေးခဲ့တယ်။

ဒီတုန်းက ၀ိုင်းဆဲခဲ့ကြတာ ခေါင်းတောင် မဖော်နိုင်ခဲ့ပါဘူး။ ဒါ ၁၉၅၉ ခုနှစ်က အဖြစ်အပျက်။ ဒီနေ့ ၁၉၈၄ ခုနှစ် ဆိုတော့ နှစ်အစိတ် ရှိခဲ့ပါပြီ။ အခု ကာရန်မဲ့ကဗျာ ပြန်ပေါ်လာတယ်။ ဒါပေမဲ့ ဟိုလူ လုပ်သလုလို၊ ဒီလူ လုပ်သလိုလို ဖြစ်နေတယ်။ အူမှန်က မှတ်တမ်းမှတ်ရာနဲ့ ရှိခဲ့တာပဲ။ သူတို့ ဆက်လုပ်လာကြတာ တွေ့ရတော့ ကျွန်တော် ၀မ်းသာပါတယ်။ ဒါပေမဲ့ သူတို့ လုပ်နေကြတာတွေက ကာရန်မဲ့ကဗျာဆိုပြီး ကာရန် တွေ ချိတ်နေတယ်။ ကာရန်ပျက်တွေ ဖြစ်နေတယ်။ ကလေးတွေ လိုက်ရေးရင် ဒုက္ခရောက်ကုန် မယ်။ လွယ်လွယ်ကူကူနဲ့ ရေးတာမျိုးတွေ ဖြစ်နေတယ်။
ကာရန်ပျက်ကဗျာတွေရဲ့ အန္တရာယ်က တော်တော်ကြီးပါတယ်။ ကာရန်မဲ့ဆိုတာ ကျွန်တော် ပြောပြမယ်။ ဟောဒါ ကာရန်မဲ့။ ကဗျာနာမည်က "မွှေးလွန်းသောအဆိပ်"။ ကာရန်တစ်လုံးမှ မပါဘူး။ ကျွန်တော် ဖတ်ပြ မယ်။

အချစ်ဟာ ငါရဲ့ နန်းတော်
အချစ်ဟာ ငါ့ရဲ့ ရဲတိုက်
အချစ်ဟာ ငါ့ရဲ့ ရထား
အချစ်ဟာ ငါရဲ့ လှေကား
အချစ်ဟာ ငါရဲ့ တံခါး
အချစ်ဟာ ငါရဲ့ ပလွေ
အချစ်ဟာ ငါရဲ့ သီချင်း
အချစ်ဟာ ငါရဲ့ စမ်းချောင်း
အချစ်ဟာ ငါရဲ့ အိပ်မက်
အို … အချစ်ဟာ သေမင်း လက်ထဲက
ငါ့အတွက် မွှေးကြိုင်ဆုံး အဆိပ်ပန်း။

ဘယ်မှာလဲ … ကာရန်၊ တစ်ခုမှ မပါပါဘူး။ အခု ရေးနေကြတဲ့ ကာရန်မဲ့ ကဗျာ ဆိုတာတွေက ကာရန်တွေ ပါနေကြတယ်။ ဒီကြားထဲမှာ ကာရန်မဲ့ကဗျာကို "လွတ်လပ်ကာရန်" ဆိုပြီး ခေါ်တဲ့လူက ခေါ်တယ်။ "ဗလာ ကဗျာ" လို့ ခေါ်သူက ခေါ်သေးတယ်။ ဆောရီးပါပဲ။ ကျွန်တော် ယူကတည်းကိုက အင်္ဂလိပ်စာလုံး Without ဆိုတာကို တိုက်ရိုက်ဘာသာပြန် ယူထားတာပဲ။ တခြားစကားလုံး အစားထိုးလို့ ဘယ်နည်းနဲ့မှ မရနိုင်ပါဘူး။ Free Verse ဆိုတာလည်း ကျွန်တော် လက်မခံပါဘူး။ Free Verse ဆိုတာ မရှိဘူး။ Blank Verse ပဲရှိတယ်။ ဂျပန်မှာလည်း လုပ်တော့ လုပ်ခဲ့ကြသေးတာပဲ။

ဆက်ရန်

Credit:shwezinu.blogspot.com