ဝင်းငြိမ်း နှင့် စာရေးဆရာများ အပိုင်း (၃၃)
ဝင်းငြိမ်း နှင့် စာရေးဆရာများ အပိုင်း (၃၃)
" ကဗျာဆိုတာ
ဘာလဲ။ အဲဒီအဓိပ္ပာယ်ကို နှိုက်နှိုက်နှဲနှဲ တိတိကျကျ မှန်မှန်ကန်ကန်စီရင် ဆရာ့မေးခွန်းရဲ့
အဖြေ ပေါ်လာပါလိမ့်မယ်။ ကဗျာဖွဲ့ထုံး အခြေခံ၊ သတ်စပ်က ကာရန်၊ ကဗျာအမျိုးအမည်နဲ့ မြန်မာဝေါဟာရ
တို့ကို ကျွမ်းကျွမ်းကျင်ကျင် မရှိတဲ့ သူက ကဗျာဖွဲ့ရင် အဲဒီကဗျာဆိုတာရဲ့ အဆင့်ကို ဝေဖန်
နိုင်ပါလိမ့်မယ်။ ယနေ့ခေတ် ကဗျာ ဝေဖန်ချက် ဆောင်းပါးတစ်စောင် ဓမ္မဓိဋ္ဌာန်ကျကျ ကျွန်တော်
ရေး ပြီး ဆရာတို့ မဂ္ဂဇင်းတိုက်ကို ပို့ပါရစေ"
" ကြိုဆိုပါတယ် ဆရာ၊ ရေးပါ။ ဆရာ့ဝတ္ထု တော်တော်များများ ရုပ်ရှင်ရိုက်ခဲ့တယ်လို့
သိရပါတယ်။ ဘယ်နှပုဒ် ရိုက်ပြီးပါပြီလဲ"
" ကျွန်တော်ဟာ ဇာတ်ညွှန်းရေးသူလည်းဖြစ်ပါတယ်။ ကျွန်တော့် ၀တ္ထုဇာတ်ညွှန်း ၁၉ ခုကို
ရုပ်ရှင်ရိုက်ကူး ပြီးပါပြီ။ ရိုက်ဆဲ နှစ်ကား ရှိပါတယ် "
" ဘယ်ကားကို အားရကျေနပ်ပါသလဲ "
" ကားတိုင်းလိုလို မဆိုးလှပါဘူး။ ဒါပေမဲ့ ပထမဆုံး ရုပ်ရှင်ကား ဖြစ်ခဲ့တဲ့
"မေတ္တာပုလဲသွယ်"ကို ကျေနပ် အားရ အဖြစ်ဆုံး ပါပဲ။ "အထိန်းက မတတ် စိမ်းဆတ်ဆတ်"၊
" ဘယ်ဆုတောင်းမလဲ ချစ်သူ"၊ "နေလို နတ်ကယ် လှသူရယ် "တို့လည်း မဆိုးပါဘူး"
" ဆရာ့အတွေ့အကြုံအရ ဒီကနေ့ ကျင်းပနေတဲ့ စာပေဟောပြောပွဲတွေဟာ ဘယ်လောက်အထိ စာပေ၀ါသနာ
ရှင်တွေအတွက် အထောက်အကူ ပြုနိုင်တယ်လို့ ထင်ပါသလဲ "
" မီးခဲ မေးခွန်းကြီးပါလား ဆရာဝင်းငြိမ်း။ ဒီမေးခွန်းကို မဖြေပါရစေနဲ့ ခင်ဗျား။
ကျွန်တော်ဟာ အသက် ၁၄ နှစ်သားကတည်းက ဟောပြောပွဲ စင်မြင့်ပေါ် တက်ခဲ့သူဆိုတော့ ခေတ်အဆက်ဆက်ကို
မီပါတယ်။ ကျွန်တော် ပြောရင် "ပြောပြန်ရင်လည်း အောင်မင်းလွန်ရာကျမယ်" ဆိုတဲ့
စကားလို ဖြစ်နေမှာစိုးလို့ မဖြေပါ ရစေနဲ့။ တစ်ခုတော့ ရှိပါတယ်။ ပင့်မိတဲ့ ဒေသက လူတွေ
အမွန်အမြတ်ထားပြီး ကျွေးတာကို ဗိုက်ကား အောင်စား၊ အခွင့်အရေးတွေ နင်းကန်တောင်း၊ လက်ဆောင်တွေ
အတင်းယူ၊ အရက်တွေ ဒလဟော သောက်ပြီး စင်ပေါ်တက် ဟောတာတွေကတော့ "ကုသိုလ် တစ်ပဲ၊ ငရဲ
တစ်ပိဿာ" ပါပဲ"
" ကျွန်တော် မေးချင်တာတော့ ပြည့်စုံသွားပါပြီ။ ဆရာ ဖြည့်စွက်ချင်တာများရှိရင်
ပြောပါ"
" ဒီမေးခွန်းနဲ့ အဖြေကတော့ "မျောက်သုံးကောင်" ပါပဲ။ တွေ့ဖူးပါလိမ့်မယ်။
မျောက်တစ်ကောင်က မျက်စိ နှစ်လုံး ကို လက်ဝါးနဲ့ ပိတ်ထားတယ်။ မျောက်တစ်ကောင်က ပါးစပ်ကို
လက်ဝါးနဲ့ ပိတ်ထားပါတယ်။ ကျွန်တော် ဖြည့်စွက်ချင်တာ ရှိသည်ဖြစ်စေ၊ မရှိသည်ဖြစ်စေ ကာလဒေသအရ
မျောက်သုံးကောင် ထုံးကို နှလုံး မူလိုက်ပါပြီ။ ကျေနပ်ပါတော့ ဆရာ ၀င်းငြိမ်း"
" ကျေးဇူးအများကြီးတင်ပါတယ် ဆရာ။ တပ်မတော် တာဝန်၊ မင်္ဂလာပွဲ တာဝန်၊ စာပေလုပ်သား
တာဝန်တွေ များလှတဲ့ကြားက အချိန်လုပြီး ဖြေပေးတဲ့အတွက် စာတည်းအဖွဲ့ ကိုယ်စား၊ စာဖတ်ပရိသတ်
ကိုယ်စားနဲ့ ကျွန်တော့်ရင်ထဲက မေးချင်တာတွေကိုပါ ဖြေသွားတဲ့အတွက် ကျေးဇူးပါ ဆရာ"
" ရပါတယ်ဗျာ။ လိုတဲ့ အကူအညီရှိရင်လည်း အချိန်မရွေးလာပါ။ ကျွန်တော် ဘိသိက်ဆရာဆိုတာ
ဆရာဝင်းငြိမ်း မေ့မထားနဲ့နော်။ ဘာသာစုံနဲ့ ဘိသိက်မြှောက်တတ်တယ်နော်"
" လိုအပ်တဲ့အခါ ... အဲ ... အထင်မကြီးလိုက်နဲ့ဦး ဆရာ။ သူငယ်ချင်းတွေ လိုအပ်တဲ့အခါ
ကျွန်တော် လာခဲ့ပါ့မယ် "
ကျွန်တော် တို့ နှစ်ယောက်သား ပွင့်ပွင့်လင်းလင်း ရယ်လိုက်မိကြပြီး ဆရာ့နေအိမ်ရှိရာ
အမှတ်-၃၅(ဘီ)၊ ကျိုက်ဝိုင်း ဘုရားလမ်း၊ မရမ်းကုန်းမြို့နယ်က ပြန်လည် ထွက်ခွာလာခဲ့ပါတော့တယ်။
ပေဖူးလွှာမဂ္ဂဇင်း၊ အမှတ်-၃၆၊ မေလ၊ ၁၉၈၄ ခုနှစ်။
ကူးတို့ရှင်နှစ်ဦး
ဇော်ဂျီ၊ မင်းသုဝဏ်
ဇော်ဂျီ၊ မင်းသုဝဏ်
(ပေဖူးလွှာမဂ္ဂဇင်းအမှတ်-၂၀၊ ၁၉၈၃ ခုနှစ်၊ ဇန်န၀ါရီလထုတ်မှာဆရာမင်းယုဝေက ) ကုတို့ရှင် ညီနောင် သို့" ဆိုတဲ့ ခေါင်းစဉ်နဲ့ ဆရာဇော်ဂျီနဲ့ ဆရာမင်းသုဝဏ်ကို ဂါရ၀ပြုဖူးပါတယ်။)
ကုတို့ရှင်ညီနောင် နှစ်ဦးရယ်က
ထူးပါဘိ စေတနာ
ကျွန်းညိုစခန်းဆီသို့
ကူးသန်းမယ် စာဆိုပြင်တော့
လှေပေါ်တွင် တင်ယူခဲ့ကာပ
ဦးပဲ့ ညီနောင်လှော်၍
ဒွေးနှစ်ဖော် ပို့ဆောင်ပေးတယ်
ဖေးမကူရှာ။
ညီနောင်နှစ်ပါးရယ်က
စွမ်းအားတဝေေ၀နဲ့
မြစ်ပြင်ရေ လှိုင်းလေထက်မှာလ
လှေတက်ခိုင်ခိုင်နဲ့
တူပြိုင်ကာ လှော်ခတ်သွားပြန်တော့
မြအလား ကျွန်းညိုပြာ
ကျွန်းသာယာ ငါ ရောက်သွား။
အို ... သာယာလှပါဘိ
ချိုမြတကျူကျူနဲ့
ငွေချိုးဖြူ ကူသံဆန်းလှချည့်
ပွင့်ပန်းကြိုင်လှိုင်ထုံ၍
သီးနှံစုံ အလွန်ပေါပါတဲ့
လှသော ကျွန်းညိုပြာ၌
စာဆိုမှာ တေးသီကျူးပါလို့
ခိုလှုံကာ ရွှင်ကြည်နူးရာမှ
ကျေးဇူးရှင် ထိုနှစ်ဖြာသို့
လှမ်းမျှော်ကာ လက်စံမိုးလို့ရယ်
ရှိုခိုးရတကား။
စာပေလောကထဲကို ပို့ဆောင်ပေးခဲ့တဲ့ ဆရာကြီးနှစ်ယောက်ကို ရှိခိုးဦးခိုက်ထားတဲ့ကဗျာဖြစ်ပါတယ်။ ဆရာကြီး နှစ်ယောက် ဟာ ဆရာမင်းယုဝေအတွက်သာမက ဒီနေ့ စာတွေ၊ ကဗျာတွေ ရေးနေကြတဲ့ သူတွေ အတွက် ခေတ်စမ်းစာ၊ ခေတ်စမ်းကဗျာတွေနဲ့ ဦးဆောင်လမ်းပြခဲ့တဲ့ စာပေလောကရဲ့ မီးရှူးတန်ဆောင် များ လည်း ဖြစ်ကြပါတယ်။ ဒါကြောင့် ကျွန်တော်တို့ ပေဖူးလွှာမဂ္ဂဇင်းရဲ့ တတိယမြောက် နှစ်ပတ်လည် အထူးထုတ်မှာ အထူးအစီအစဉ်အဖြစ်နဲ့ ဆရာကြီး နှစ်ယောက်စလုံးနဲ့ တစ်ပြိုင်တည်း တွေ့ဆုံပေးလိုက်ပါ တယ်။ ဂါရ၀လည်း ပြုလိုက်ပါတယ်။
" ဆရာကြီးတို့ကို ဂါရ၀ပြုတဲ့အနေနဲ့ ကျွန်တော်တို့ ပေဖူးလွှာရဲ့ တွေ့ဆုံပေးခြင်းကဏ္ဍမှာ တွေ့ဆုံပေးဖို့ စီစဉ်ထားပါတယ် ခင်ဗျား။ ကျွန်တော်တို့ တွေ့ဆုံပေးခြင်းကဏ္ဍမှာ အစဉ်တစိုက် တင်ပြခဲ့တာက တစ်ဦးချင်း ပါပဲ။ ဒါပေမဲ့ ဒီလမှာ ထူးထူးခြားခြားလည်း ဖြစ်ရအောင် ဆရာကြီးတို့နှစ်ယောက်ကလည်း ဆရာမင်းယုဝေ တင်စားခဲ့သလို ခွဲခွာမရအောင် စာပေအကျိုး သယ်ပိုးခဲ့ကြတဲ့ ညီနောင်နှစ်ယောက်လို ဖြစ်နေတာမို့ ဆရာကြီးတို့ နှစ်ယောက်စလုံးကိုပဲ တစ်ပြိုင်တည်း တွေ့ဆုံပေးဖို့ စီစဉ်လိုက်ရတာပါ။
ကျွန်တော် ပထမ သိချင်တာကတော့ ဆရာကြီးတို့ စာပေလောကထဲ ရောက်ရှိလာခဲ့ကြပုံတွေပါပဲ "
ဆရာဇော်ဂျီ - "ဆရာတို့ ခေတ်တုန်းကတော့ အခု ကိုဝင်းငြိမ်း ပြောလိုက်သလို "စာပေလောက" ရယ်လို့ မည်မည်ရရ မသုံးကြသေးပါဘူး။ ဒါပေမဲ့ ဆရာကြီး ရွှေဥဒေါင်း၊ ဆရာကြီး ပီမိုးနင်း စတဲ့ ဆရာကြီးတွေရဲ့ စာတွေကတော့ ထင်ရှားနေပါပြီ။ မစ္စတာမောင်မှိုင်းရဲ့ လေးချိုးကြီးတွေ၊ လယ်တီပဏ္ဍိတရဲ့ တေးထပ်တွေ လည်း ထင်ရှားနေပြီ။ အဲဒီစာတွေကို နှစ်သက်ပေမယ့် ကိုယ်တိုင် ရေးနိုင်စွမ်းတော့ မရှိသေးပါဘူး။
၁၉၂၁-၂၂ လောက်မှာ ဆရာတို့ အမျိုးသားကျောင်းမှာ ကဗျာစပ်နည်း သင်ကြားခွင့် ရလာပါတယ်။ မြန်မာစာဆရာ က သံပေါက်စပ်နည်း စ သင်ပေးတယ်။ သံပေါက်စပ်နည်းက မခဲယဉ်းလှပါဘူး။ "အစ လေးလုံး၊ အလယ် သုံး၊ အဆုံး ငါးခုမှတ်" လို့ ဆရာက ပြောပြပြီးနောက် စပ်နည်းကို ကျောက်သင်ပုန်းကြီး မှာ ရေးပြ တယ်။ သံနေသံထားနဲ့လည်း ဆိုပြတယ်။ နောက်နေ့တွေမှာ ကျောင်းသားတွေကို အတန်းထဲ မှာပဲ အစပ်ခိုင်း တယ်။ ဆရာက အစပ်ခိုင်းလိုက်၊ တပည့်တွေ ရေးလာတာကို ပြင်ပေးလိုက်နဲ့ တစ်ပတ် နှစ်ပတ်လောက် ကြာတော့ ကျောင်းသားအားလုံး စပ်တတ်လာကြတယ်။
သံပေါက်ကို နိုင်ရြင် တခြား ကဗျာအစပ်တွေ သိပ်မခဲယဉ်းတော့ဘူးလို့ ဆရာက ပြောပြီး ဒွေးချိုး၊ တြိချိုး၊ လေးချိုး၊ တေးထပ်၊ ရတု စပ်ပုံစပ်နည်းတွေ ဆက်သင်ပေးတယ်။ အစပ်လည်း ခိုင်းတယ်၊ ရွတ်သံ၊ ဆိုသံ ကို ဂရုပြုရမယ်လို့လည်း သတိပေးတယ်။ ဒီလိုနဲ့ တပည့်တွေ အားလုံး အစပ်မမှားအောင် စပ်တတ် လာကြတယ်။
၁၉၂၃-၂၄ ခုလောက်မှာ ဆရာ ရန်ကုန်က မြို့မ တိုင်းရင်းသားကျောင်းမှာ စာဆက်သင်တယ်။ ကျောင်းတက်နေရင်း နဲ့ အဲဒီခေတ်က ရေးလေ့ရေးထရှိကြတဲ့ မယ်ဘွဲ့၊ မောင်ဘွဲ့၊ ရာသီဘွဲ့တွေကို အတုယူ ရေးပြီး သူရိယမဂ္ဂဇင်းကို မရဲတရဲ ပို့ ကြည့်ဖူးတယ်။ တစ်ခါ တစ်ခါလောက် မဂ္ဂဇင်းထဲပါပြီး မပါတာက များ ပါတယ်။ ဒါပေမဲ့ ဆရာ စိတ်မပျက်ခဲ့ပါဘူး။ စပ်မြဲ စပ်နေတာပဲ။ ဆရာတို့ ကျောင်းက ထုတ်တဲ့ "၀ံသယုဝ" မဂ္ဂဇင်းမှာတော့ ဆရာ့ကဗျာ သုံးပေးလို့ အားတက်ရတယ်။
၁၉၂၅ ခုနှစ် ရန်ကုန်တက္ကသိုလ်ရောက်လာတော့ တက္ကသိုလ်မဂ္ဂဇင်းမှာ တစ်ခါတစ်ခါ "သ" ကလောင်အမည်၊ "ပန်းမြိုင်" ကလောင်အမည်တွေနဲ့ မယ်ဘွဲ့၊ မောင်ဘွဲ့၊ တောဘွဲ့၊ တောင်ဘွဲ့ ကဗျာတွေ ရေးပါတယ်။ ပါတာချည်းပဲ။ ၁၉၂၈ ခုနှစ်မှာ "ပိတောက်ပန်း" သံချိုကဗျာကို ပဲခူးကျောင်းဆောင်က လက်ရေးစာစောင်မှာ ပထမအကြိမ် ထည့်ပါတယ်။ ၁၉၃၀-၃၁ လောက်မှာ မင်းသုဝဏ် ရောက်လာတော့ ဆရာတို့နှစ်ယောက် ပေါင်းမိသွားကြပြီး ဆရာတို့ စာတွေကို "ဂန္ထလောက" မဂ္ဂဇင်း က သုံးလာတယ်။
အဲဒီအချိန်မှာ ခေတ်စမ်းကဗျာတွေ၊ ခေတ်စမ်းပုံပြင်တွေကို ပုတ်ခတ်လာကြတော့ သိပ္ပံမောင်ဝ၊ မင်းသုဝဏ် နဲ့၊ ဆရာ တို့ ကလောင်နာမည် အမျိုးမျိုးသုံးပြီး အယ်ဒီတာ ဦးထွန်းဖေရဲ့ မြန်မာ့နေ့စဉ် သတင်းစာကနေ ချေပခဲ့ကြပါတယ်။ အဲဒီတုန်းက ဆရာတို့ ချေပတယ်ဆိုတာက ရန်စကား မပါဘဲ ပြေပြေ ပြစ်ပြစ် အကျိုးအကြောင်းပြပြီး ချေပခဲ့ကြတာပါ။ နောက်တော့ခေတ်စမ်းစာပေကို ပုတ်ခတ်တဲ့သူတွေ ငြိမ် သွားတယ်။ ဆရာ မှတ်မိသလောက် ပြောရမယ်ဆိုရင် ပုတ်ခတ်သူ တချို့က ခေတ်စမ်းစာပေတွေဟာ ခမ်း နားမှု မရှိကြောင်း၊ အသေးအဖွဲ့လေးတွေကိုသာ ဖွဲ့တတ်ကြကြောင်း ကဲ့ရဲ့တဲ့အခါ ဆရာက "ထိုးသော်လဲ ထိုးသော် ကြိုးချော် ၍ သွား။ အဘွားအို အမြင်ကတ်တယ်၊ အပ်ရွှေနဖား"လို့ ပြန်ပြီး ချေပခဲ့တယ်။ အဲဒီလို ဆရာ တို့ သုံးယောက် လှုပ်ရှားခဲ့တာကို ကိုဝင်းငြိမ်းပြောတဲ့ "စာပေလောက"ထဲ ၀င်ရောက်စပြုပြီလို့ ဆိုချင်ရင် ဆိုနိုင်ပါတယ်"
ဆရာမင်းသုဝဏ် - "ဆရာကတော့ ကြောင်ဘားကြီး မြီးတံတို အမေ ဆိုသံကြားရလို့ ရွှေယုန်နဲ့ ရွှေကျား သက်ငယ်ရိတ် သွားတာကို အဘွား ပြောသံ ကြားရလို့ စာပေလောကထဲ စတင်ဝင်ရောက်လာတယ် ထင်ပါ တယ်။ လူမှန်း သိလာတော့ လူကြီးတွေ ဖတ်ပြတဲ့ ပြဇာတ်တွေ ကြားရပြီး စာပေ၀ါသနာကြီးလာတယ်။ ၁၉၂၁ ခုနှစ် ကွမ်းခြံကုန်းမှာ အမျိုးသားကျောင်း ထောင်တော့ ကျောင်းမှာ "ဦးအာကာသန်း" က ကဗျာရေး နည်းပြပေးလို့ ကိုယ်တိုင် ကဗျာ စ ရေးတာပဲ။ ၁၉၂၆ ခု မိုးရာသီ ဒဂုန်မဂ္ဂဇင်းစာစောင်တစ်ခုမှာ ဆရာ့ ကဗျာ ပထမ ပါလာတာပဲ။ ၁၉၂၉ ခု တက္ကသိုလ် ရောက်တော့ ကောလိပ်မဂ္ဂဇင်း မှာ "ခါနွေဆန်းတော့လွံမ်းမိတယ်" ရေးတယ်။ နောက် "ဘကြီးအောင် ညာတယ် " ရေးတယ်။ အဲဒီလိုနဲ့ပဲ စာပေလောကထဲ ကျွံဝင်လာတာ အခုတော့ နုတ်မရတော့ပါဘူး"
" ဆရာကြီး မင်းသုဝဏ်ရဲ့ အမည်ရင်းက ဦးဝန်လို့ သိရပါတယ်။ မင်းသုဝဏ် ဆိုတဲ့ ကလောင်နာမည် ခံယူခဲ့ပုံကို သိပါရစေ ဆရာကြီး "
ဆရာမင်းသုဝဏ် - "ပထမဆုံးကလောင်နာမည်က" ၀န်"ဆိုတာ ပါလို့ "မေဃ၀န်" ဆိုတဲ့ အမည်ကို ယူပြီး ရေးပါတယ်။ မန္တလေးကို ဘုရားဖူးသွားတော့ ဘုရားကြီးတိုက်က ကိုယ်တော်တချို့က "မေဃ၀န်ဆိုတာ မင်းကိုး၊ တို့က ဘုန်းကြီးမှတ်နေတာ" ပြောတော့မှ "ကွမ်းခြံကုန်း တောင်စုအစွန်က မောင်သုဝဏ္ဏ"လို့ ပြင် လိုက်တယ်။ နောက်တော့ စုံနံ့သာမြိုင် ရှာပုံတော်ကြီးထဲက မင်းသုဝဏ် ဆိုတာကို သဘောကျလို့ ယူလိုက် တာပဲ။
နာမည်က ခိုက်သလားတော့ မသိဘူး။ ငယ်ငယ်တုန်းက မြားပစ်တော့ အတော်ခံခဲ့ရပါတယ်။ ကဗျာ တစ်ပုဒ် တောင် ရေးမိပါသေးတယ်။ ဒီလိုပါ။
ဝေခွဲမရ စိတ်ဒွိဟ
ရှက်စိတ်ပေါ်၍
မတော်လောဘ၊ ထိန်းဖြစ်ရသည်
ဘ၀ကုသိုလ် ကျေးဇူးလား။
ကြောက်စိတ်ပေါ်၍
မတော်ဒေါသ၊ ထိန်းဖြစ်ရသည်
ဘ၀ကုသိုလ် ကျေးဇူးလား။
ကြောက်စိတ်ပေါ်၍
မတော်ဒေါသ၊ ထိန်းဖြစ်ရသည်
ဘ၀ကုသိုလ်ကျေးဇူးလား။
ဓားကြီးမိုးလျက်
ချိုးမည် ဖျက်မည်၊ ခုတ်စဉ်းမည်ဟု
မျက်ခြည်မပြတ်၊ သူ စောင့်ကြပ်၍
မလျှပ်ပေါ်သာ၊ မလော်မာပဲ
နေပါခဲ့ရ၊ ငါ့ဘ၀တွင်
မျှတသင့်တင့်၊ မြင့်ထက်မြင့်အောင်
ကြံကျင့်နေထိုင်၊ သက်မွေးနိုင်သည်
ဓားကိုင်သူ၏ ကျေးဇူးလား။
ဘ၀ကုသိုလ်ကျေးဇူးလား။
မဝေခွဲတတ်ပါတကား။
ဒါပေမဲ့ မိဘနျစ်ပါးကိုတော့ ရိုးမြေပြာကျ လုပ်ကျွေးနိုင်ခဲ့ပါတယ်။ "စန်းသော်တာ" ဆိုတဲ့ ကလောင်အမည် နဲ့ လည်း ရေးပါသေးတယ်။ ဆရာ ရေးခဲ့တာတွေကို ဒဂုန်မဂ္ဂဇင်း၊ ဒီးဒုတ်ဂျာနယ်၊ ဗြိတိသျှဘားမား မဂ္ဂဇင်းတွေမှာ ရှာကြည့်ရင် တွေ့ရပါလိမ့်မယ်"
" ဆရာကြီးက အမည်ရင်းက ဦးသိန်းဟန်နော်။ ဆရာကကော "ဇော်ဂျီ" ဆိုတဲ့ ကလောင်နာမည်ကို ဘာကြောင့် ခံယူခဲ့တာပါလဲ ဆရာကြီး ခင်ဗျာ "
" ဇော်ဂျီရုပ်သေးရုပ် ကို သဘောကျလို့ ဒီကလောင်နာမည်ကို ယူလိုက်တာပါ။ အကြောင်းထူး မရှိပါဘူး"
" ကျေးဇူးတင်ပါတယ် ဆရာ။ ကျွန်တော်တို့ ကဗျာနဲ့ ပတ်သက်တာလေးတွေ ဆွေးနွေးချင်ပါတယ်။ ကဗျာ ရေးတဲ့ နေရာမှာ တချို့က အကြောင်းအရာကို ဦးစားပေးသင့်တယ်လို့ ဆိုကြပြီး တချို့ကတော့လည်း ကဗျာမှာ ကာရန်ဟာ အဓိကလို့ ယူဆကြပြန်ပါတယ်။ ဆရာကြီးတို့အနေနဲ့ ဘယ်လိုများ ယူဆပါသလဲ ခင်ဗျာ "
ဆရာမင်းသုဝဏ် - "ကဗျာအဖို့ အကြောင်းအရာလည်း အရေးကြီးပါတယ်။ မြန်မာကဗျာအဖို့တော့ ကာရန် လည်း အရေးကြီးပါတယ်။ ဘယ်ဟာက ပိုအရေးကြီးတယ်လို့တော့ မပြောတတ်ပါဘူး။ အကြောင်းအရာနဲ့ ပတ်သက်ပြီး ပြောရရင် လျှောမွေးတစ်ကောင်နဲ့ ဗာရာဏသီချဲ့နေတော့လည်း အားထုတ်ရ ကျိုးနပ်ပါ့မလားလို့ စဉ်းစားနေမိပါတယ်။
ကာရန်နဲ့ ပတ်သက်လို့တော့ မြန်မာစကားမှာ ကာရန်အနေနဲ့ ၆၄ ပါး သတ်မှတ်ထားပါတယ်။ ယခုကာလ မှာ တော့ ကာရန်ကို သိပ်ပြီး အရေးမပေးပါဘူး။ အသံကိုပဲ အရေးပေးပါတယ်။ "၀ါဆိုလပြည့်၊ သောကြာနေ့" ဆိုတာမျိုးပေါ့။ အသံကလည်း မြန်မာစကားမှာ ၅၀ လောက် ရှိပါတယ်။ သည်တော့ မြန်မာတွေဟာ ကာရန် စပ်က ရှောင်ပြေးလို့ မရနိုင်သလို ဖြစ်နေပါတယ်။ ကျောင်းသားငယ်တွေတောင်မှ "ကျောင်းပြေး ကျောင်းပြေး နှုတ်ခမ်းမွေး၊ ဗာရာဏသီ ကြိုးနဲ့ချည်" လို့ ကာရန်ကို ပြေးရင်းလွှားရင်း ဆိုနေပါတယ်။ ဆရာက သည်လို ပြောလိုက်တဲ့အတွက် ကာရန်ပါမှ ကဗျာလို့ ဆိုလိုတာတော့ မဟုတ် ပါဘူး။
အမှန်အားဖြင့် ကာရန် မပါရင် ကဗျာ ဟုတ်ဘူးလို့လည်း မပြောရဲပါဘူး။ ဖတ်ဖူးတာလေး တစ်ခုကို သတိရလို့ ပြောပြပါရစေ။ အင်္ဂလိပ်ကဗျာလောမှာလည်း ကာရန်ရှိ ကာရန်မဲ့ ပြဿနာပေါ်နေတာပါပဲ။ သည်ရောဂါက သူတို့ဆီက ကူးလာတာပါ။ တစ်ခါတုန်းက အောက်(စ)ဖို့ဒ် တက္ကသိုလ်ကို ပညာတော်သင်ဆု ရ လို့ ပညာ လာသင်နေတဲ့ အမေရိကန် လူရည်ချွန်ကျောင်းသားတစ်ယောက်ဟာ "ရုဒ်ယာဒ် ကစ်ပလင်" (Rudyard Kipling) ဆီကို သွားလည်ပါတယ်။ စာပေဆွေးနွေးကြရင်း ကာရန်ရှိ ကာရန်မဲ့ ကဗျာ ပြဿနာအကြောင်းကို ရောက်သွားပါသတဲ့။
ဆက်ရန်
Credit:shwezinu.blogspot.com
Comments
Post a Comment