ဝင်းငြိမ်း နှင့် စာရေးဆရာများ အပိုင်း (၅၃)

 

ဝင်းငြိမ်း နှင့် စာရေးဆရာများ အပိုင်း (၅၃)

          " ထဘီကလေး တစ်ထည် "ထဲက မိဒိုးနဲ့ ညှိုးသူကို ကူဆောင်လို့ ထဲက မငွေမြိုင်တို့ ဟာလည်း ကျွန်မ တွေ့မြင်ကြုံကြိုက် ခဲ့ရတဲ့ ဇာတ်ကောင်တွေထဲက နှစ်ယောက်ပေါ့။ ခုချိန်ထိလည်း မငွေမြိုင် ဟာ အင်းဝမြို့ဟောင်းတွေကြားမှာ ထမင်းရှာစားနေဆဲပါပဲ။ ကို ဆက်ဖတ်ရန်...

မိဒိုးဟာ အပြင်ဘ၀မှာ ကျွန်မနဲ့ ကစားဖော် ဖြစ်ခဲ့ဖူးတယ်။ ငယ်ဘ၀ သူ့အဖြစ်ကလေးကို ငယ်စိတ် နဲ့ ကျွန်မ ရယ်မောခဲ့ဖူးပေမယ့် ခုချိန်မှာ ပြန်တွေးမိတော့ ရယ်စရာလို့ ကျွန်မ မမြင်တော့ဘူး။ ဒါ့ထက် ကျွန်မ သူငယ်ချင်း လို မိဒိုးလေးတွေ အများကြီးကို ကျွန်မ တွေ့လာရတဲ့အခါမှာ မြစ်ဆိပ်ကမ်းနားတစ်ခုက မိဒိုး တစ်ယောက် ကို ကြည့်ပြီး ကျွန်မ ခံစားရေးဖွဲ့ပါတယ်။

မြန်မာပြည်တွင်းက မြစ်ကမ်းရှိတဲ့ နေရာတိုင်းမှာ ကျွန်မရဲ့ ဇာတ်ကောင် မိဒိုးလို ရုန်းကန် လှုပ်ရှား နေရရှာတဲ့ အရွယ်မရောက်သေးတဲ့ မိဒိုးလေးတွေ ရှိနေလိမ့်ဦးမယ်လို့ ကျွန်မ ယုံကြည်ပါ တယ်"

" ပေဖူးလွှာမှာ ၀တ္ထု`၇ှည်အဖြစ် ဖော်ပြခဲ့တဲ့ "လေနုအေးက နော့ဆဲကို" နဲ့ ပတ်သက်ပြီး ကျွန်တော် ဆွေးနွေးချင် ပါတယ်။ မိန်းကလေး ဘော်ဒါဆောင်ကို ရောက်လာတဲ့ ဆွေဦးဆိုတဲ့ မိန်းကလေး တစ်ယောက် ပျက်စီးသွားရပုံကို ဆရာမ ရေးသွားတယ်။ ဆရာမ ရေးသွားတဲ့ ဇာတ်ကြောင်းအရဆိုရင် ဆွေဦး ဟာ ပတ်ဝန်းကျင် အခြေအနေကြောင့် ပျက်စီးသွားရတယ်လို့ ကောက်ချက်ဆွဲလို့ရမယ်ထင်တယ်။

ဒီနေ့ အပြင်လောကမှာ ဒီလိုပဲ ပျက်စီးနေတာတွေ ရှိပါတယ်။ ဒီလို ပျက်စီးနေကြတာတွေဟာ ပတ်ဝန်းကျင် ကြောင့်လား၊ "ဗီဇ" ကြောင့်ကော မဖြစ်နိုင်ဘူးလား "

" ကိုဝင်းငြိမ်း က ဒီမေးခွန်းကို မေးတယ်နော်၊ ကျွန်မ ဖြေမယ်။ ကိုဝင်းငြိမ်းမေးတဲ့ ဗီဇတိုတာ ဘာကို ဆိုလို တယ် ဆိုတာတော့ ကျွန်မ မသိဘူး။ ကျွန်မ သိတဲ့ မျိုးရိုးဗီဇသီအိုရီမှာတော့ အမွေဆက်ခံနိုင်တယ်၊ မဆက်ခံ နိုင်တယ် ဆိုတဲ့ အချက်တွေ ရှိပါတယ်။ မျက်လုံးအရောင်၊ အသားအရောင်၊ ဆံပင်အရောင်၊ ဦးခေါင်း ပုံစံ တွေကိုတော့ အမွေဆက်ခံနိုင်တယ်လို့ ခိုင်ခိုင်မာမာ ယူဆကြတယ်။ သဘောထားတွေ၊ ဟန်ပန် တွေ ၀ါသနာတွေ အချုပ်ပြောရရင် သင်ယူလေ့လာလို့ရနိုင်တဲ့ ခြင်းရာသတ္တိတွေကို အမွေ မဆက်ခံ နိုင်ဘူးလို့ ခိုင်ခိုင်မာမာ ယူဆကြတယ်။

ဂျေ-ဘီ-၀ပ်ဆန် (J.B. Watson) ဆိုတဲ့ အပြုအမူပညာရှင် (Behaviorist) က သူ့ရဲ့ Behaviorist Manitesto (အပြုအမူဝါဒီ ကြေညာစာတမ်း)မှာ " ကျန်းမာသန်စွမ်းသော မွေးခါစကလေးငယ်များကို ကျွန်ုပ် တို့ လက်သို့သာ ယုံကြည်စွာ အပ်နှံပါ။ သူတို့၏ မိဘမျိုးရိုး မည်သို့ပင် ဖြစ်စေကာမူ သူတို့ကို ဆရာဝန်၊ တရားသူကြီး၊ ကုန်သည် သို့မဟုတ် ဂျပိုး၊ သူခိုး၊ သူတောင်းစားဖြစ်အောင် ကျွန်ုပ် ဖန်တီး ပြပါ့မယ်" လို့ ရဲရဲ ၀ံ့ဝံ ပြောခဲ့တယ်။ ဒီအဆိုကို ကျွန်မ လက်ခံတယ်။ ကျွန်မ ဇာတ်ကောင် ဆွေဦးရဲ့ ဘ၀လေး ဟာလည်း ပတ် ၀န်းကျင်ကြောင့် ပျက်စီးသွားရရှာတာပါ။ ဗီဇကြောင့် လုံးဝမဟုတ်ပါဘူး"

" ကျွန်တော် ဆိုလိုတဲ့ ဗီဇဆိုတာကို ဆရာမ သဘောပေါက်ပြီးသားပါ။ ဆရာမပြောတဲ့ အပြုအမူဝါဒီ ကြေညာ စာတမ်း ကိုတော့ ကျွန်တော် မလေ့လာဖူးပါဘူး။ ဒါ ရိုးရိုးသားသား ၀န်ခံတာပါ။ ပတ်ဝန်းကျင် တစ်ခုတည်း ကြောင့်တော့ ဒါတွေ ဖြစ်မလာနိုင်ဘူးလို့ ကျွန်တော် ထင်ပါတယ်။ မြန်မာစကားတွေမှာလည်း ရှိသား ပဲ။ "မျိုးစေ့မမှန် ပင်မသန်" ကို "မစွမ်းရင်းကလည်း ရှိ၊ ကန်စွန်းခင်းကလည်း ငြိ" တို့ ဒါတွေ ကတော့ စကား အရ ပြောတာပါ။

ဒီအယူအဆနဲ့ ပတ်သက်ပြီး ကျွန်တော်က ဆရာမစမ်းစမ်းနွဲ့ (သာယာဝတီ)ရဲ့ အယူအဆနဲ့ ကိုက်ညီ တယ်။ သားစားတိရစ္ဆာန်မျိုးဖြစ်တဲ့ ကျားတို့၊ ခြင်္သေ့တို့ကို စိမ်းလန်းစိုပြည်တဲ့ မြက်ခင်းထဲမှာ ထားကြည့်ပါ။ သူတို့က အသားမစားရလို့ မြက်ကို စားမလား၊ မစားပါဘူး။ မျိုးရိုးဗီဇကိုက အသားစားမျိုးကိုး။ အဲဒီလိုပဲ မြက်မစား တဲ့ နွားစတဲ့ တိရစ္ဆာန်တွေကို မြက်မရှိတဲ့ နေရာမှာ တခြားတိရစ္ဆာန်တွေနဲ့ ရောထား ကြည့် ပါလား၊ သူတို့က မြက်မစားရတဲ့ အတွက် တခြား တိရစ္ဆာန်တွေရဲ့ အသားကို စားပါ့မလား၊ မစား ပါဘူး။

ကိုင်း ... ဒါတွေက တိရစ္ဆာန်တွေမို့ ထားလိုက်တော့။ လူတွေအကြောင်း ပြန်စဉ်းစားကြည့်၊ အောင်မြင် တယ်၊ ချမ်းသာတယ် လိုလေသေးသရွေ့ မရှိ လိုတရနေတဲ့ အမျိုးသမီးတချို့ ပျက်စီးနေတာကော၊ ဆရာမ ကြားဖူးမှာပေါ့။ သူတို့ကော ပတ်ဝန်းကျင်ကြောင့်လား "

" တစ်ထောင်မှာ တစ်ယောက်၊ တစ်သောင်းမှာ တစ်ယောက် ဖြစ်နေတဲ့ အဖြစ်အပျက်တွေကို ကျွန်မတို့ ထည့်တွက် ဖို့ မလိုဘူး ထင်ပါတယ်။ အများစု ဖြစ်နေတာကတော့ ပတ်ဝန်းကျင်ကြောင့်လို့ပဲ ကျွန်မ ယုံကြည် ပါတယ် ကိုဝင်းငြိမ်း"

" ပတ်ဝန်းကျင် နဲ့ ဗီဇကတော့ ငြင်းရမယ်ဆိုရင် မဆုံးနိုင်လောက်အောင် ရှိလိမ့်မယ်။ ဒီတော့ နောက် တစ်ခု ကျွန်တော်တို့ ဆက်ကြရအောင်။

ဒဂုန်မဂ္ဂဇင်းမှာ ပါခဲ့တဲ့ "ရေပေါ်မှာ လွှားပါလို့" ထဲက ဇာတ်ကောင် ခြူးနီ၊ ဒီဝတ္ထုဖတ်ရတာ ကျွန်တော် တော် တော် စိတ်ထိခိုက်မိပါတယ်။ ၀ါးထမ်းတဲ့ လူငယ်လေးတစ်ယောက် ဂျင်းအင်္ကျီတစ်ထည် လိုချင်ရှာလို့ ရေထဲ မြုပ်နေတဲ့ မော်တော်အင်ဂျင် ကို ဆင်းဆယ်ရာကနေ အသက်စွန့်သွားရတယ်။ ခြူးနီကို ဆရာမ ဘယ်လို ဖန်တီးခဲ့တယ်ဆိုတာ ပြေပြစေချင်ပါတယ်"

" ကျွန်မတို့ အင်းဝမှာ ၀ါးအရောင်းအ၀ယ် လုပ်တဲ့ တောင်တော် ဆိပ်ကမ်းဆိုတာ ရှိတယ်။ အဲဒီမှာ ၀ါး လာဝယ်တဲ့ ကားတွေ၊ လှည်းတွေပေါ်ကို ၀ါးထိုးတဲ့ လူငယ်လေးတွေ အများကြီးပဲ။ အဲဒီလူငယ်လေးတွေ ထဲက အမြဲ အင်္ကျီတုံးလုံးချွတ် နဲ့ နေတတ်တဲ့ ခပ်ကြမ်းကြမ်း ခပ်မိုက်မိုက် လူငယ်လေးတစ်ယောက်ရဲ့ စရိုက် နဲ့ ပိုက်ဆံ အတွက် မော်တော်အင်ဂျင် ဆင်းဆယ်ရင်း အသက်စွန့်သွားရတဲ့ လူငယ်တစ်ယောက်ရဲ့ တကယ့် အဖြစ်အပျက် ကို ပူးပေါင်းခံစားပြီး ခြူးနီကို ကျွန်မ ဖန်တီးခဲ့ပါတယ် "

" ဆရာမ အခု ၀တ္ထုတိုကော၊ ၀တ္ထုရှည်ပါ ရေးနေပြီဆိုတော့ ၀တ္ထုတိုနဲ့ ၀တ္ထုရှည်ရေးရတာ ဘယ်လို ကွာ ခြား ပါသလဲ "

" ၀တ္ထုတိုကတော့ အားအထုတ်ရဆုံးပါပဲ။ ၀တ္ထုရှည်ကတော့ အများအားဖြင့် ဇာတ်ကြောင်းကို ဆွဲဆန့်တာ မျိုး လို့ ပြောနိုင်ပေမယ့် ၀တ္ထုတိုတစ်ပုဒ်လို စည်းစည်းလုံးလုံး သိပ်သိပ်သည်းသည်းရှိပြီး ၀တ္ထုတိုကောင်း တစ်ပုဒ်ကို ဖတ်လိုက်ရတဲ့ အရသာမျိုး ပေးနိုင်တဲ့ ၀တ္ထုရှည်တွေလည်း ရှိပါတယ်။

ကျွန်မ အဲသလို ၀တ္ထုရှည်တွေကို အင်မတန် နှစ်သက်ပါတယ်။ ကျွန်မ ၀တ္ထုရှည်တွေကိုလည်း အဲလို ၀တ္ထု ရှည်မျိုး တွေလို ဖြစ်အောင် ကြိုးစားရေးပါတယ်။ ဒါကြောင့် ကျွန်မ အတွက်ကတော့ ၀တ္ထုတို အားထုတ်ရ သလိုပဲ ၀တ္ထုရှည်ကိုလည်း အားထုတ်ရပါတယ် "

" ဆရာမကို ကျွန်တော်က ဘ၀သရုပ်ဖော် စာရေးဆရာမလို့ ကင်ပွန်းတပ်မယ်ဆိုရင် ... "

" ဘ၀သရုပ်ဖော် ၀တ္ထုတွေကို ပီပြင်အောင် ကျွန်မ ကြိုးစားနေတုန်းပါပဲ ကိုဝင်းငြိမ်း "

" ဘ၀သရုပ်ဖော် ဇာတ်တွေ ရေးတဲ့သူတစ်ယောက်အနေနဲ့ တကယ်ပဲ ကိုယ်တိုင်က ဘ၀နာခဲ့ဖို့ လိုပါ သလား။ ဘ၀နဲ့ မနီးစပ်တဲ့၊ ကျွန်တော် ဆိုလိုတာက ဘ၀မှာ ဘာအခက်အခဲမှ ရင်မဆိုင်ခဲ့ရဖူးတဲ့ သူတစ် ယောက် အနေနဲ့ ဒီလိုစာမျိုး ရေးနိုင်ပါ့မလား "

" ကိုယ်တိုင်ဘ၀နာခဲ့ရတဲ့လူတွေက စာရေးတတ်မယ်ဆိုရင်တော့ သူတို့ဘ၀ထဲက တခြားသူ မသိနိုင်၊ မမြင် နိုင် တဲ့ ခံစားမှုတွေကို ပိုပြီး ရေးနိုင်၊ သရုပ်ဖော်နိုင်လိမ့်မယ်လို့ ကျွန်မ ထင်ပါတယ်။

ဒါပေမဲ့ ကိုဝင်းငြိမ်း၊ တော်လ်စတွိုင်းဟာ ပဒေသရာဇ် မိသားစုက ပေါက်ဖွားခဲ့တဲ့ မြေပိုင်ရှင် ကြီး တစ်ယောက် ဖြစ်ပေမယ့် အဖိနှိပ်ခံတွေဘက်က အမြဲ ရပ်တည်ပြီး ရေးသားခဲ့တဲ့ စာရေးဆရာ တစ်ယောက် ပါ။ ဂျက်လန် ဒန်ကျတော့ ဘ၀နာသူတစ်ယောက် ဖြစ်နေပြန်ရော။

ကျွန်မ ပြောချင်တာကတော့ စာရေးသူရဲ့ ရပ်တည်မှု၊ စာနာခံစားတတ်မှုပေါ်မှာ မူတည်နေတယ် ဆိုတာ ကို ပါတဲ့ "

" တချို့က ပြောတယ်၊ ဘ၀သရုပ်ဖော်စာပေ ဆိုတာ ဆင်းရဲတာ၊ ငတ်ပြတ်တာ၊ ကျပ်တည်းတာ တွေ ချည်းပဲ ရေးနေကြတာတဲ့။ ဒီလို ဆင်းရဲကျပ်တည်းတာကို သရုပ်ဖော် ရေးနေကြမယ့်အစား ဒီအကျပ်အတည်း က လွတ်မြောက်အောင် ဘယ်လို ရင်ဆိုင်ရုန်းကန်သင့်တယ် ဆိုတာတွေကို စာရေးဆရာ တွေအနေနဲ့ ရေးသင့် တယ်လို့ ဆိုတယ်။ ဒီအဆိုနဲ့ ပတ်သက်ပြီး ဆရာမ ဘယ်လို မြင်ပါသလဲ "

" ဒီနေရာ မှာ ဘ၀သရုပ်ဖော် စာပေဆိုတာ ဘာလဲ ဆိုတာကို ကျွန်မ ပြောချင်ပါတယ်။

ဘ၀သရုပ်ဖော်စာပေ ဆိုတာ စစ်မှန်တဲ့ လူမှုရေးဘ၀တွေကို ဖော်ထုတ်တင်ပြတဲ့ စာပေပါ။ Social Reality ပေါ့။ အဲဒီလို ဖော်ထုတ်ရေးသားကြတဲ့အခါမှာ လူမှုအဖွဲ့အစည်းမှာတွေ့မြင်နေရတဲ့ ဖြစ်ရပ်မှန်သမျှကို  ဣဋ္ဌာရုံပဲဖြစ်ဖြစ်၊ အနိဋ္ဌာရုံပဲ ဖြစ်ဖြစ် ရေးသားရမယ်။ လူနေမှု အဖွဲ့အစည်းတွင်းက လူမှု အစစ်အမှန် တရား တွေဟာ အခါခပ်သိမ်း မလှပနိုင်ဘူးလား။

ဒါပေမဲ့အဲဒီအမှန်တရားတွေကို အနုပညာတစ်ရပ်အနေနဲ့ တင်ပြတဲ့ နေရာမှာ ပုံတူကူးချသလို၊ သတင်းပေး သလို မဖြစ်သင့်ဘူး။ တင်ပြသူ အနုပညာရှင်ရဲ့ တီထွင်မှုနဲ့ စိတ်ကူး စိတ်သန်းတွေပါမှ အနုပညာလက်ရာ မြောက် မှာပေါ့။

ရုရှားရဲ့ သရုပ်မှန်ဝါဒဖခင် လို့ အသိအမှတ်ပြုထားတဲ့ စာရေးဆရာ ဝေဖန်ရေးဆရာ Belinsky က " အနုပညာ ဆိုတာ အနုပညာရှင်ဟာ ပြင်ပလောကကို မိတ္တူကူးပြီး တင်ပြတာဖြစ်ပြီး တီထွင်မှုပိုင်းမှာ အားနည်း နေတယ်။ အမှန်တရားကို ရောင်ပြန်ဟပ်တဲ့ နေရာမှာ အနုပညာရှင်ရဲ့ တီထွင်မှုပိုင်းဟာ ပါဝင်ရ မယ်" လို့ ပြောထားတာ ကျွန်မ ကြားဖူးပါတယ်။

သရုပ်မှန်ဝါဒ (Realism) နဲ့ ပတ်သက်တဲ့ စာတမ်းတစ်ခု ပြုစုတဲ့ ရုရှားစာရေးဆရာ၊ ဝေဖန်ရေးဆရာ Chery Shevsky ကလည်း "ဘ၀သို့မဟုတ် အနုပညာရှင်ရဲ့ စိတ်ကူး၊ စိတ်သန်းဟာ ပါဝင်နေတယ်။ အစစ်အမှန် တရားကို ရောင်ပြန်ဟပ်တဲ့နေရာမှာ သိပ္ပံပညာဟာ သိပ္ပံဆိုင်ရာ အသိပညာများကို အသုံး ပြုသလို အနုပညာ ဟာ အနုပညာဆိုင်ရာ နိမိတ်ပုံကို အသုံးပြုပါသတဲ့ "။

ဒါကြောင့်မို့ ကျွန်မ ရေးတဲ့ ၀တ္ထုတွေမှာ လူမှုဘ၀ အစစ်အမှန်တရားတွေကို ကျွန်မတွေ့ခဲ့၊ မြင်ခဲ့။ ကြုံခဲ့၊ ကြား ခဲ့တာတွေနဲ့ ကျွန်မရဲ့ တိထွင်မှု စိတ်ကူးစိတ်သန်းတွေကို ရောမွှေပြီး အနုပညာမြောက်အောင် ကြိုးစား ဖန်တီးပါတယ်။

တစ်နည်းအားဖြင့် "၀တ္ထုအတတ်ပညာ" လို့ ခေါ်နိုင်တဲ့ အနုပညာတီထွင်မှု စိတ်ကူး စိတ်သန်းတွေကို ဘ၀ သရုပ်ဖော် ၀တ္ထုတွေမှာ ထည့်တဲ့အခါမှာ အမျိုးမျိုးသော အနုပညာတီထွင်မှုတွေနဲ့ အနုပညာ လက်ရာ မြောက်အောင် ဖန်တီးထည့်သွင်းကြပါလိမ့်မယ်။

ကျွန်မကတော့ ကျွန်မ ၀တ္ထုထဲက ဇာတ်ကောင်တွေ သူတို့ရဲ့ ဘ၀တွေကို စာဖတ်သူက "ဒီလို ဘ၀တွေ ရှိပါလား" လို့ သိလာအောင် အဲဒီကတစ်ဆင့် သူတို့ဘ၀တွေကို စာနာတတ်လာအောင်၊ နောက်ဆုံးအဆင့် ကိုယ်ခံအား ကောင်းရင် ကောင်းသလို အတိုင်းအတာ တစ်ခုအထိ တွေးယူတတ်အောင် ကျွန်မ ကြိုးစား ဖန်တီး ပါတယ်။

နောက်တစ်ဆင့် ကိုဝင်းငြိမ်းပြောတဲ့ အကျပ်အတည်းက လွတ်မြောက်အောင် ဘယ်လို ရင်ဆိုင် ရုန်းကန်သင့်တယ်ဆိုတာမျိုးကို ရေးတာကတော့ Socialist Realismပေါ့။ ရုရှားစာရေးဆရာကြီး ဂေါ်ကီ က စတင်တွေ့ရှိခဲ့ပါတယ်။ ဆိုရှယ်လစ် သရုပ်မှန်ဝါဒဟာ ဆိုရှယ်လစ်အမြင်ကို လက်ကိုင်ပြုပြီး ဆိုရှယ်လစ် လူ့ဘောင် တည်ဆောက်ရေးကို ရှေးရှုတည်ဆောက်နေတဲ့ ၀ါဒတစ်ခုပါ။ ဒီလို စာပေမျိုးဟာ အလွန်အဆင့်မြင့်တဲ့ စာပေဖြစ်ပါတယ်။ ဆိုရှယ်လစ် သရုပ်မှန်ဝါဒဟာ သရုပ်မှန်နည်းစနစ်ပိုင်း Realist Methodကို အလေးမထားဘဲ အနုပညာရှင်များ ခံယူရတဲ့ သဘောထားပိုင်း (ဒါမှမဟုတ်) ဆိုရှယ်လစ်အမြင် ပိုင်း Socialist Outlookကို အဓိကထားသင့်တယ်လို့ "အန့်ဖစ်ရှာ" (Ernst Fisher) ကပြောခဲ့ဖူးတာပဲ။

အနုပညာဆိုတာ လူမှုစီးပွားရေးအခြေအနေနဲ့ ရောင်ပြန်ဟပ်ချက် ဖြစ်တယ်လို့ ပြောခဲ့ကြတယ်လေ။ ဒီလို စာပေမျိုးဟာ အဆင့်အတန်း အမြင့်ဆုံးစာပေပဲ။ ဒီစာပေမျိုးကို ကျွန်မ လက်ခံကြိုဆိုပါတယ်။ ဒါပေမဲ့ ဒီစာပေမျိုး ရေးခွင့်ရဖို့ ကျွန်မတို့အနေနဲ့ အများကြီး ကြိုးစားရဦးမှာပါ"

" လုံးချင်းဝတ္ထုတွေ မရေတွက်နိုင်အောင် ရေးခဲ့ပါတယ် ဆိုတဲ့ ဆရာတစ်ဦးက ဒီနေ့ မြန်မာစာပေ လောကမှာ လုံးချင်းဝတ္ထု ဈေးကွက် ကျဆင်းလာတာဟာ စာရေးဆရာတွေ ကိုယ်တိုင်က အရေးအသား ညံ့လာလို့လို့ ဆိုတယ်။ ဆရာမ ဘယ်လို မြင်ပါသလဲ "

" ဒီပြဿနာကို ကျွန်မ မစဉ်းစားဖူးသေးတဲ့အတွက် ကျွန်မနဲ့အတူ ကိုဝင်းငြိမ်းပါ စဉ်းစားကြည့်စမ်းပါလား၊ အရင်ခေတ်က ရေးခဲ့ကြတဲ့ စာရေးဆရာကြီးတွေရဲ့ စာတွေထက် ခုခေတ် ရေးနေကြတဲ့ ဆရာ။ ဆရာမတွေ ဖြစ်တဲ့ ဒဂုန်တာရာ၊ မောင်သာရ၊ ခင်ဆွေဦး၊ မိုးမိုး(အင်းလျား)၊ မစန္ဒာ၊ စမ်းစမ်းနွဲ့ (သာယာဝတီ) တို့ စာတွေက ပိုညံ့လာလို့လား၊ ကျွန်မတော့ မထင်ပါဘူး။ ကိုဝင်းငြိမ်းကော ဘယ်လို ထင်ပါသလဲ "

" လက်လှမ်းမီသလောက် ကျွန်တော်တို့ ဖတ်ခဲ့ရသလောက်တော့ ဒီနေ့ ဆရာ၊ ဆရာမတွေရဲ့ အရေးအသား၊ တင်ပြပုံ အကြောင်းအရာတွေဟာ ဟိုခေတ်က ဆရာကြီးတွေထက် ညံ့တယ်လို့ မထင် ပါဘူး။ အနုပညာကို ဘယ်လိုစံနဲ့ တိုင်းတာပြီး ဒီနေ့ ဆရာ ဆရာမတွေရဲ့ စာတွေဟာ "ညံ့"လာတယ်လို့ ပြောတယ် ဆိုတာတော့ ကျွန်တော်လည်း မစဉ်းစားတတ်တော့ဘူး။ တစ်ခုတော့ ရှိပါ တယ်။ အဲဒီ လုံးချင်းဝတ္ထု မရေမတွက်နိုင်အောင် ရေးခဲ့တဲ့ ဆရာရဲ့ ၀တ္ထုတွေ ဒီနေ့ ဈေးကွက်မှ မရှိတာတော့ အမှန် ပါပဲ။

ဆရာမက အခု တက္ကသိုလ်အ၀န်းအ၀ိုင်းမှာ လှုပ်ရှားနေတဲ့သူဆိုတော့ ဒီနေ့ တက္ကသိုလ်တွေမှာ စာပေလှုပ် ရှားမှုနဲ့ ဟိုတုန်းက လှုပ်ရှားမှု အခြေအနေ နှိုင်းယှဉ်ကြည့်ရင် ... "

" အရင်ခေတ် တက္ကသိုလ်ရဲ့ စာပေလှုပ်ရှားမှုဟာ မြန်မာနိုင်ငံရေးသမိုင်းနဲ့ တစ်နည်းမဟုတ် တစ်နည်း ဆက်စပ်နေတယ်လို့ ကျွန်မ မြင်ပါတယ်။ နယ်ချဲ့ဆန့်ကျင်ရေး၊ ဖက်ဆစ်ဆန့်ကျင်ရေး၊ အမျိုးသားလွတ် မြောက်ရေး၊ ဒီမိုကရေစီရေးတွေရဲ့ ရောင်ပြန်ဟပ်ချက်တွေဟာ တက္ကသိုလ်စာပေလှုပ်ရှားမှုမှာ ထင်ဟပ် နေခဲ့တယ်။ ရေးဝရာ ပလက်ဖောင်းကလည်း တက္ကသိုလ်ထဲမှာကို အများကြီးရှိတယ်။ ခုချိန်မှာတော့ ဌာနဆိုင်ရာ နံရံကပ်စာစောင်လေးတွေနဲ့ တစ်နှစ်တစ်ခါသာ ထုတ်ဝေတဲ့ တက္ကသိုလ်နှစ်လည် မဂ္ဂဇင်း ဆိုတာလေးကိုပဲ အားကိုးနေကြရတယ်။ ဘာပဲပြောပြော တက္ကသိုလ် စာပေလှုပ်ရှားမှုဟာ "အတိဇာတ အစဉ်အလာ" ရှိတယ်လို့ ကျွန်မ လေးလေးနက်နက် ယုံကြည်ပါတယ်"

" ဆရာမ ဘယ်သူ ရေးတဲ့စာတွေ ဖတ်လေ့ရှိပါသလဲ "

" အပေါစား အချစ်ဝတ္ထု၊ အပေါစား စုံထောက်ဝတ္ထု၊ သိုင်းဝတ္ထုစတဲ့ အပစ်အခတ် အညှစ်အသတ်၊ အညစ်အပတ် စာတွေကလွဲရင် တခြား ဘယ်သူရေးတဲ့ စာပဲဖြစ်ဖြစ် အားလုံးဖတ်ပါတယ်"

" ဆရာမကြီး ကြည်အေးရဲ့ စာတွေကော ဖတ်ဖြစ်ပါသလား။ ဆရာမရဲ့ တချို့စက္ကူတွေမှာ ကြည်အေးပုံစံ ၀င်လာတယ် လို့ မြင်ကြတယ် "

" စာရေးဆရာမကြီး ကြည်အေးရဲ့ စာတွေ၊ ကဗျာတွေအားလုံးကို ကျွန်မ ဖတ်ဖူးပါတယ်။ ဒါပေမဲ့ ခုချိန်မှ ဖြစ်နေကြတဲ့ "ကြည်အေး ရောဂါသည်" တွေထဲမှာ ကျွန်မ လုံးဝ မပါပါဘူး။ ကျွန်မမှာ ကြည်အေးရောဂါ သရိုးသရီ ကလေးတောင် မဖြစ်ပါဘူး။

ကျွန်မ စာတွေမှာ ကြည်အေးပုံစံ ၀င်လာတယ်လို့ မြင်ကြတယ်ဆိုတဲ့ အချက်ကတော့ ကျွန်မ စာတွေနဲ့ ပတ်သက်ပြီး မြင်ကြတဲ့ တုံ့ပြန်ချက်တွေမှာ အသစ်ပါပဲ။ သူတို့စာများ မှားဖတ်မိလေသလား၊ ဒါမှ မဟ်ုတ် စာတိုင်းကို "ကြည်အေး မျက်မှန်" တပ်ပြီး ဖတ်နေကြရော့သလား "

" ကျေးဇူးပါပဲ ဆရာမ၊ နောက်ဆုံးတစ်ခု မေးချင်ပါသေးတယ်။ ရှေ့လျှောက် စာပေနဲ့ ပတ်သက်ပြီး ထားရှိမယ့် ဆရာမရဲ့ ခံယူချက် "

" ကျွန်မကတော့ ဘ၀သရုပ်ဖော်စာပေတွေပဲ အစဉ်တစိုက် ရေးသားသွားမယ်လို့ ဆုံးဖြတ်ထားပါတယ်။ နောက်တစ်ခုက အဆင်ပြေနေတဲ့ မြို့ပြလူနေမှုဘ၀ထဲမှာ နေထိုင်သူ တချို့က ကျွန်မ၀တ္ထုတွေရဲ့ ဇာတ်ကောင်စရိုက်၊ ဘ၀၊ အဖြစ်အပျက်တွေဟာ တကယ်မရှိတဲ့ စိတ်ကူးယဉ် အဖြစ်အပျက်တွေ၊ စိတ်ကွန့် မြူးရေးသားချက်တွေလို့ ထင်ကြတယ်။ သူတို့ရဲ့ လက်ရှိဘ၀နဲ့ အလှမ်းကွာဝေးလွန်းတာကိုး။

အဲဒီသူတွေနဲ့တကွ အားလုံးသော ပြည်သူတွေကို ဒီလို ဘ၀တွေဟာ တကယ် ရှိပါလား။ တကယ်ဖြစ်ပျက် နေတာပါလား ဆိုတာကို ကျွန်မ သိစေချင်ပါတယ်။ တကယ်ရှိတဲ့ အဲဒီဘ၀တွေက လူသားတွေကို စာနာ တတ် စေချင်တယ်။

ဟိုသီချင်းထဲကလိုပေါ့ " သင် ကြုံကြိုက်လို့ ရောက်ရှိတဲ့အခါ ရှာကြည့်စမ်းပါ" လို့ ကျွန်မက ပြော ချင်တယ်။ မြင်တတ်ရင် သဲသဲကွဲကွဲ မြင်တွေ့နိုင်ပါတယ်။ ဒါပါပဲ ကိုဝင်းငြိမ်း ... ကျေးဇူးတင်ပါတယ် "

" ဟုတ်ကဲ့ ဆရာမ။ မေးခွန်းအားလုံးကို စိတ်ရှည်လက်ရှည် ဖြေပေးသွားတဲ့အတွက်ရော၊ ဆရာမ ခံယူထား တဲ့ စာပေဆိုင်ရာ အတွေးအခေါ်တွေကိုပါ တစ်စိတ်တစ်ဒေသ သိခွင့်ရလိုက်တဲ့အတွက် စာဖတ်သူ များ ကိုယ်စား၊ စာတည်းအဖွဲ့ကိုယ်စား ကျေးဇူးတင်ပါတယ် "

ပေဖူးလွှာမဂ္ဂဇင်း၊ အမှတ်-၄၈၊ မေလ၊ ၁၉၈၅ ခုနှစ်။

Credit:shwezinu.blogspot.com