ဝင်းငြိမ်း နှင့် စာရေးဆရာများ အပိုင်း (၄၃)
ဝင်းငြိမ်း နှင့် စာရေးဆရာများ အပိုင်း (၄၃)
မန္တလေးက
ဦးကြည်မြ
"စာဖတ်သူများနှင့် တွေ့ဆုံပေးခြင်း" ကဏ္ဍအတွက် ဒီလ ရွေးချယ်ထားတဲ့သူကတော့ မန္တလေးမှ သတင်း စာ ဆရာ၊ စာရေးဆရာ ဆရာဦးကြည်မြပဲ ဖြစ်ပါတယ်။
ဆရာ ဦးကြည်မြက ၀တ္ထုတိုနဲ့ ကဗျာတွေပဲ ရေးပါတယ်။ ၀တ္ထုရှည်ကိုတော့ (၁၉၄၅-၄၆) လောက်ကပဲ ရေးခဲ့ဖူးတာ ဆိုတော့ ဒီနေ့ လူငယ် စာဖတ်ပရိသတ်များအနေနဲ့ ဆရာ့ ၀တ္ထုရှည်တွေကိုတော့ ဖတ်နိုင်ခွင့် မကြုံခဲ့ကြပါဘူး။ ၀တ္ထုတိုတွေကတော့ သောင်းပြောင်းထွေလာ၊ ရှုမ၀ စတဲ့ မဂ္ဂဇင်းတွေမှာ မကြာခဏ ပါခဲ့ပါတယ်။ ဒီလ ကျွန်တော်ုတိ့ ပေဖူးလွှာမှာလည်း စာဆိုတော်လ အထူးအစီအစဉ်အဖြစ်နဲ့ ရေးပေးထား တဲ့ "ငယ်ပေါင်းယဉ်ဟန်ကြွယ်တဲ့" ကို ဖော်ပြပေးထားပါတယ်။
ဆရာ ဦးကြည်မြက ကျောင်းသားလှုပ်ရှားမှုတွေမှာ ခေါင်းဆောင်ပိုင်းက ပါဝင်လှုပ်ရှားခဲ့ဖူးသလို
ကျောင်း ဆရာ၊ နိုင်ငံရေးသမား၊ သတင်းစာသမား၊ တော်လှန်ရေးအစိုးရ အကြံပေးအဖွဲ့ ဥက္ကဋ္ဌ၊ ပြည်သူ့
တရားသူကြီး အဖွဲ့ အဖွဲ့ဝင် စတဲ့ နိုင်ငံတော် တာဝန်တွေကိုလည်း ဦးလည်မသုန် ထမ်းဆောင်ခဲ့ပါတယ်။
အခုတော့ နိုင်ငံ့ ဂုဏ်ရည် ပထမဆင့် ချီးမြှင့်ခံရပြီး အငြိမ်းစားဘ၀နဲ့ မွေ့လျော်နေပါတယ်။
" စာစ ရေးဖြစ်တာကတော့ ကဗျာတစ်ပုဒ်က စတာပဲ။ အဲဒီ ကဗျာက စစ်ပြီးခေတ်မှာ မန္တလေးသားတွေ အနေနဲ့ အမြတ်တနိုးထားတဲ့ နန်းတော်ကြီး မီးလောင်ခံရတော့ ဒီနန်းတော်နဲ့ ပတ်သက်ပြီး ရေးခဲ့တဲ့ ကဗျာ ပါပဲ။ "ပြာဖုံးတဲ့နန်း" လို့ ခေါင်းစဉ် တပ်ထားတယ်။ ဒီကဗျာရေးတာက ၁၉၄၅ ခုနှစ်ပေါ့။
ပြီးတော့ "သဲကြွေလုဖန်"ဆိုတဲ့ ၀တ္ထုရှည်တစ်ပုဒ် ရေးတယ်။ သုတ ဖြန့်ချိရေး(မန္တလေး)က ထုတ်တာ။ ၀တ္ထု နဲ့ ပတ်သက်လို့တော့ ဒါ ပထမဆုံးပေါ့ "
" ဆရာ ဘယ်အရွယ်လောက်က ရေးပါသလဲ "
" အသက် ၂၅ နှစ်လောက် ရှိပါပြီ။ အဲဒီနောက် ရဲဘော်က ထုတ်တဲ့ မဂ္ဂဇင်း၊ ပြည်ညွန့်မဂ္ဂဇင်း၊ ဘ၀သစ် ဂျာနယ်တွေမှာ မဂ္ဂဇင်းဝတ္ထုတွေ၊ ကဗျာတွေ ရေးခဲ့တယ်။ အယ်ဒီတာ ၀င်လုပ်သေးတယ်။ ဆရာကြီး မြမျိုး လွင်တို့ တစ်မတ်တန်ဝတ္ထုရေးနေတဲ့ အချိန်တုန်းက မန္တလေးက ထုတ်တဲ့ ပြည်ညွန့်မဂ္ဂဇင်းပေါ့။ မန္တလေးက ကိုဘညွန့်ဆိုတဲ့ ပုဂ္ဂိုလ်က ထုတ်ခဲ့တာ။ အဲဒီမှာ ကိုဘသောင်း (အရင် လုပ်သားသတင်းစာ အယ်ဒီတာ)က အယ်ဒီတာ၊ ကိုယ်က သူ့တွဲဖက်ပေါ့။ ပြည်ညွန့်မှာ အယ်ဒီတာလုပ်နေတဲ့ အချိန်မှာ ကိုယ်က နိုင်ငံရေးလုပ် နေပြီ။ လူငယ်အစည်းအရုံး လုပ်နေပြီ။ အဲဒီတုန်းက ရှုမ၀က ဆိုက်သေးသေးလေးပဲ ရှိသေးတယ်။ ရှုမ၀တို့၊ ပဒေသာမဂ္ဂဇင်းတို့ကိုလည်း ၀တ္ထုတွေ၊ ကဗျာတွေ လှမ်းပို့တယ်။ သွေးသောက်လည်း ပို့တယ်။ အဲဒီတုန်းက ထွက်သမျှ မဂ္ဂဇင်းတွေမှာ ကိုယ့်စာတွေ ပါဖူးတာချည်းပါပဲ။ ဒါပေမဲ့ တကယ် ၀ါသနာပါတာက နိုင်ငံရေးပဲ ဆိုတော့ ၀တ္ထုကို သိပ်မရေးဖြစ်ဘူး။
ကိုယ် ပြောချင်တာ၊ ဖြစ်စေချင်တာတွေကို ကဗျာတွေ၊ ၀တ္ထုတွေက တင်ပြချင်လို့သာ စာရေးဖြစ်တာကိုး။ ဒါကြောင့် ကိုယ်ရေးတဲ့ စာတွေဟာ အကြောင်းမဲ့ရေးတာ မပါဘူး။ ကိုယ့်ခံစားချက်၊ သို့မဟုတ် တစ်ယောက် ယောက် ရဲ့ ဖြစ်ပျက် ခံစားချက်ကို ကိုယ်စား ရေးပေးတာပဲ ရှိတယ် "
" ဆရာနဲ့ ခေတ်ပြိုင်ရေးခဲ့ကြတဲ့ စာရေးဆရာတွေက ... "
" ကိုယ်နဲ့ ခေတ်ပြိုင် ရေးခဲ့ကြတဲ့ သူတွေက ကိုသာဓု၊ သော်တာဆွေ၊ မင်းရှင်၊ မင်းရှင်နောင်၊ သန်းဆွေက တော့ နည်းနည်းနောက်ကျတယ်။ နောက် မိုးဝေ၊ သူတို့က ကိုယ်နဲ့ ခေတ်ပြိုင် စာရေးဆရာတွေပဲ။ သို့သော် သူတို့က ရန်ကုန်မှာနေပြီး ရေးကြတဲ့သူတွေ။ ကိုယ်က မန္တလေးမှာ။ မန္တလေးက နှင်းဦး၊ မာလာ တို့လည်း ကိုယ်နဲ့ ခေတ်ပြိုင်ပဲ။ ကိုယ့်ရည်ရွယ်ချက်ကိုက စာပေနဲ့ အသက်မွေးမယ်လို့ ရည်ရွယ်ချက် မရှိဘူး။ ကြုံတဲ့ အခါမှာ ကိုယ် ရေးမယ်ဆိုတဲ့ သဘောမျိုးပဲရှိတယ် "
" ကြုံကြိုက်တုန်းမှာ တစ်ခု မေးပါရစေ ဆရာ။ ဆရာတို့ခေတ်ကရော ဒီနေ့ခေတ်မှာပါ မန္တလေးက စာပေ အသိုင်းအ၀ိုင်း နဲ့ ရန်ကုန်က စာပေအသိုင်းအ၀ိုင်းဟာ တော်တော်လေး အလှမ်းကွာနေပါတယ်။ အဲဒီ တော့ မန္တလေးက စာပေ၀ါသနာတွေအတွက် ကျယ်ကျယ်ပြန့်ပြန့် လှုပ်ရှားလို့ရအောင် ဘယ်လို စီစဉ်ရင် ရနိုင်မယ် ထင်ပါသလဲ "
" မလွယ်ဘူးကွ။ စာပေလုပ်ငန်းနဲ့ ပတ်သက်ပြီး ဂျာနယ်၊ မဂ္ဂဇင်း၊ လုံးချင်းကိစ္စ အားလုံးက ရန်ကုန်မှာပဲ ရှိ နေတာကိုး။ ပြီးတော့ မန္တလေးမှာက စာပေ၀ါသနာရှင်တွေအတွက် ကလောင်သွေးနိုင်မယ့် အခြေခံ Platform မရှိဘူး။ ကိုယ်ကိုယ်တိုင်ပဲ ဒီနေ့ထိ ၀တ္ထုရေးတာ အပုဒ်ကိုးဆယ်၊ တစ်ရာလောက်ပဲရှိမယ်။ ဘာ ကြောင့် နည်းရသလဲဆိုတော့ မပို့ဖြစ်တာကြောင့်ဘဲ။ ပို့လိုက်ရင်လည်း ပျောက်တာနဲ့ ဘာနဲ့ ကြာတော့ စိတ်ပျက်ပြီး မပို့ဖြစ်တော့ဘူး။ မန္တလေးမှာ ကိုယ်ပိုင်ပုံနှိပ်စက်တို့ ဘာတို့ ရှိရင်တော့ လုပ်ဖြစ်ချင် လုပ်နိုင် လိမ့်မယ်။ ဥပမာ - ကိုချစ်ညိုတို့လိုပေါ့။
စာပေနဲ့ အသက်မွေးမယ်ဆိုရင်တော့ မန္တလေးမှာ နေတာထက် ရန်ကုန်က ပိုကောင်းတယ်။ ဘာကြောင့်လဲ ဆိုတော့ ဒီနေ့ စာပေရဲ့ နယ်ပယ်ဟာ ရန်ကုန်မှာပဲရှိတယ်။ ဟိုတုန်းက ဆိုရင် လူထုဂျာနယ်တို့ ဘာတို့ ရှိ နေတယ်။ ပြီးတော့ သတင်းစာတွေလည်းရှိတယ်။ ခုတော့ ဒါမျိုး မန္တလေးမှာ လုံးဝ မရှိတော့ မန္တလေးက စာပေသမား တွေအတွက် စာပေနယ်ဟာ ကျဉ်းသွားသလိုပဲပေါ့ "
" ဆရာ သတင်းစာအယ်ဒီတာ လုပ်ရာကနေ ... "
" အဲဒီကနေပြီး ကိုယ်က ၀တ္ထုရေးရင်း၊ ကဗျာရေးရင်းနဲ့ပဲ သတင်းစာ အယ်ဒီတာ ၀င်လုပ်တယ်။ နောက်ပိုင်း ကိုသန်းမောင် နဲ့ ကိုယ် ၀ါဒချင်း မတူတော့ တခြားစီ ဖြစ်သွားကြတယ်။ ၁၉၄၉ ကနေ ၁၉၅၇ လောက်ထိ မြန်မာ့လမ်းစဉ်မှာ ကိုယ် လုပ်ခဲ့တယ်။
နောက် အာရှ-အာဖရိက စာရေးဆရာ ညီလာခံ တက်ခွင့်ရခဲ့တယ်။ မန္တလေးက ကိုယ်ရယ်၊ ကိုချစ်ညိုရယ် တက်ခွင့်ရတာ။ ကိုချစ်ညိုက ရန်ကုန်ရောက်မှ စိတ်ပျက်ပြီး ပြန်သွားတယ်။ ကိုယ်နဲ့ အတူတူ စိန်ခင်မောင်ရီ၊ ဒေါင်းနွယ်ဆွေ၊ ကိုဘ၀င်း၊ တက္ကသိုလ်မြတ်သူ၊ ဆရာကြီး ဇေယျ၊ ကိုသာညွန့်တို့ သွား ကြတယ်။
ပြန်လာတော့ ၀တ္ထုရေးလိုက်၊ ကဗျာရေးလိုက်နဲ့ နေလာလိုက်တာ ၁၉၆၀ ပြည့်နှစ်မှာ အကြောင်းလေး တစ်ခု ကြောင့် တရားရိပ်သာကို ရောက်သွားတယ်။ ရိပ်သာမှာ ဒုလ္လဘရဟန်းခံပြီး လူ ထွက် လာတော့ ဗဟိုစည် သတင်းစာမှာ ရိပ်သာက အတွေ့အကြုံကို အပတ်စဉ် ရေးလာလိုက်တာ စာဖတ်ပရိသတ်က ဒါကို လုံးချင်း ထုတ်ပါလို့ တိုက်တွန်းကြတာနဲ့ "မဟာဗောဓိမြေမှ သံသရာတိုက်ပွဲ"ဆိုတဲ့ နာမည်နဲ့ ဘာသာရေး စာအုပ် ထုတ်ခဲ့ဖူးတယ်"
" ဆရာ ရေးခဲ့တဲ့ စာတွေထဲမှာ ၀တ္ထုတို ရေးတာ များတယ်နော် "
" ဟုတ်ပါတယ်။ အတိုရေးတာပဲများတယ်။ ဒါပေမဲ့ အခု ရှာမတွေ့တော့ဘူး။ မန္တလေးက ၁၉၄၇ ခုနှစ်လောက် မှာ ထုတ်ခဲ့တဲ့ "ဂွဂျာနယ်" ထဲက "သြော် စီးကရက်" ဆိုတဲ့ ဟာမျိုးလေးတွေဆိုရင် ပြန်လိုချင် တယ်။ ဒီဝတဍ္ဍထုက အင်္ဂလိပ်၊ အမေရိကန် ပြန်ဝင်လာတဲ့အချိန်မှာ ဒီးကရက်တွေ သိပ်ပေါ တော့ ဗမာဆေး လိပ်ခုံတွေ ပျက်စီးသွားတယ်။ ဆေးလိပ် လိပ်ပြီး အမေနဲ့ မောင် ညီမလေးကို လုပ်ကိုင် ကျွေးမွေးနေရတဲ့ ဆေးလိပ်သမလေး ဘ၀ပျက်ပြီး "ကြက်တန်း" ရောက်သွားတာ ရေးထားတာပဲ။
ဆက်ရန်
" စာစ ရေးဖြစ်တာကတော့ ကဗျာတစ်ပုဒ်က စတာပဲ။ အဲဒီ ကဗျာက စစ်ပြီးခေတ်မှာ မန္တလေးသားတွေ အနေနဲ့ အမြတ်တနိုးထားတဲ့ နန်းတော်ကြီး မီးလောင်ခံရတော့ ဒီနန်းတော်နဲ့ ပတ်သက်ပြီး ရေးခဲ့တဲ့ ကဗျာ ပါပဲ။ "ပြာဖုံးတဲ့နန်း" လို့ ခေါင်းစဉ် တပ်ထားတယ်။ ဒီကဗျာရေးတာက ၁၉၄၅ ခုနှစ်ပေါ့။
ပြီးတော့ "သဲကြွေလုဖန်"ဆိုတဲ့ ၀တ္ထုရှည်တစ်ပုဒ် ရေးတယ်။ သုတ ဖြန့်ချိရေး(မန္တလေး)က ထုတ်တာ။ ၀တ္ထု နဲ့ ပတ်သက်လို့တော့ ဒါ ပထမဆုံးပေါ့ "
" ဆရာ ဘယ်အရွယ်လောက်က ရေးပါသလဲ "
" အသက် ၂၅ နှစ်လောက် ရှိပါပြီ။ အဲဒီနောက် ရဲဘော်က ထုတ်တဲ့ မဂ္ဂဇင်း၊ ပြည်ညွန့်မဂ္ဂဇင်း၊ ဘ၀သစ် ဂျာနယ်တွေမှာ မဂ္ဂဇင်းဝတ္ထုတွေ၊ ကဗျာတွေ ရေးခဲ့တယ်။ အယ်ဒီတာ ၀င်လုပ်သေးတယ်။ ဆရာကြီး မြမျိုး လွင်တို့ တစ်မတ်တန်ဝတ္ထုရေးနေတဲ့ အချိန်တုန်းက မန္တလေးက ထုတ်တဲ့ ပြည်ညွန့်မဂ္ဂဇင်းပေါ့။ မန္တလေးက ကိုဘညွန့်ဆိုတဲ့ ပုဂ္ဂိုလ်က ထုတ်ခဲ့တာ။ အဲဒီမှာ ကိုဘသောင်း (အရင် လုပ်သားသတင်းစာ အယ်ဒီတာ)က အယ်ဒီတာ၊ ကိုယ်က သူ့တွဲဖက်ပေါ့။ ပြည်ညွန့်မှာ အယ်ဒီတာလုပ်နေတဲ့ အချိန်မှာ ကိုယ်က နိုင်ငံရေးလုပ် နေပြီ။ လူငယ်အစည်းအရုံး လုပ်နေပြီ။ အဲဒီတုန်းက ရှုမ၀က ဆိုက်သေးသေးလေးပဲ ရှိသေးတယ်။ ရှုမ၀တို့၊ ပဒေသာမဂ္ဂဇင်းတို့ကိုလည်း ၀တ္ထုတွေ၊ ကဗျာတွေ လှမ်းပို့တယ်။ သွေးသောက်လည်း ပို့တယ်။ အဲဒီတုန်းက ထွက်သမျှ မဂ္ဂဇင်းတွေမှာ ကိုယ့်စာတွေ ပါဖူးတာချည်းပါပဲ။ ဒါပေမဲ့ တကယ် ၀ါသနာပါတာက နိုင်ငံရေးပဲ ဆိုတော့ ၀တ္ထုကို သိပ်မရေးဖြစ်ဘူး။
ကိုယ် ပြောချင်တာ၊ ဖြစ်စေချင်တာတွေကို ကဗျာတွေ၊ ၀တ္ထုတွေက တင်ပြချင်လို့သာ စာရေးဖြစ်တာကိုး။ ဒါကြောင့် ကိုယ်ရေးတဲ့ စာတွေဟာ အကြောင်းမဲ့ရေးတာ မပါဘူး။ ကိုယ့်ခံစားချက်၊ သို့မဟုတ် တစ်ယောက် ယောက် ရဲ့ ဖြစ်ပျက် ခံစားချက်ကို ကိုယ်စား ရေးပေးတာပဲ ရှိတယ် "
" ဆရာနဲ့ ခေတ်ပြိုင်ရေးခဲ့ကြတဲ့ စာရေးဆရာတွေက ... "
" ကိုယ်နဲ့ ခေတ်ပြိုင် ရေးခဲ့ကြတဲ့ သူတွေက ကိုသာဓု၊ သော်တာဆွေ၊ မင်းရှင်၊ မင်းရှင်နောင်၊ သန်းဆွေက တော့ နည်းနည်းနောက်ကျတယ်။ နောက် မိုးဝေ၊ သူတို့က ကိုယ်နဲ့ ခေတ်ပြိုင် စာရေးဆရာတွေပဲ။ သို့သော် သူတို့က ရန်ကုန်မှာနေပြီး ရေးကြတဲ့သူတွေ။ ကိုယ်က မန္တလေးမှာ။ မန္တလေးက နှင်းဦး၊ မာလာ တို့လည်း ကိုယ်နဲ့ ခေတ်ပြိုင်ပဲ။ ကိုယ့်ရည်ရွယ်ချက်ကိုက စာပေနဲ့ အသက်မွေးမယ်လို့ ရည်ရွယ်ချက် မရှိဘူး။ ကြုံတဲ့ အခါမှာ ကိုယ် ရေးမယ်ဆိုတဲ့ သဘောမျိုးပဲရှိတယ် "
" ကြုံကြိုက်တုန်းမှာ တစ်ခု မေးပါရစေ ဆရာ။ ဆရာတို့ခေတ်ကရော ဒီနေ့ခေတ်မှာပါ မန္တလေးက စာပေ အသိုင်းအ၀ိုင်း နဲ့ ရန်ကုန်က စာပေအသိုင်းအ၀ိုင်းဟာ တော်တော်လေး အလှမ်းကွာနေပါတယ်။ အဲဒီ တော့ မန္တလေးက စာပေ၀ါသနာတွေအတွက် ကျယ်ကျယ်ပြန့်ပြန့် လှုပ်ရှားလို့ရအောင် ဘယ်လို စီစဉ်ရင် ရနိုင်မယ် ထင်ပါသလဲ "
" မလွယ်ဘူးကွ။ စာပေလုပ်ငန်းနဲ့ ပတ်သက်ပြီး ဂျာနယ်၊ မဂ္ဂဇင်း၊ လုံးချင်းကိစ္စ အားလုံးက ရန်ကုန်မှာပဲ ရှိ နေတာကိုး။ ပြီးတော့ မန္တလေးမှာက စာပေ၀ါသနာရှင်တွေအတွက် ကလောင်သွေးနိုင်မယ့် အခြေခံ Platform မရှိဘူး။ ကိုယ်ကိုယ်တိုင်ပဲ ဒီနေ့ထိ ၀တ္ထုရေးတာ အပုဒ်ကိုးဆယ်၊ တစ်ရာလောက်ပဲရှိမယ်။ ဘာ ကြောင့် နည်းရသလဲဆိုတော့ မပို့ဖြစ်တာကြောင့်ဘဲ။ ပို့လိုက်ရင်လည်း ပျောက်တာနဲ့ ဘာနဲ့ ကြာတော့ စိတ်ပျက်ပြီး မပို့ဖြစ်တော့ဘူး။ မန္တလေးမှာ ကိုယ်ပိုင်ပုံနှိပ်စက်တို့ ဘာတို့ ရှိရင်တော့ လုပ်ဖြစ်ချင် လုပ်နိုင် လိမ့်မယ်။ ဥပမာ - ကိုချစ်ညိုတို့လိုပေါ့။
စာပေနဲ့ အသက်မွေးမယ်ဆိုရင်တော့ မန္တလေးမှာ နေတာထက် ရန်ကုန်က ပိုကောင်းတယ်။ ဘာကြောင့်လဲ ဆိုတော့ ဒီနေ့ စာပေရဲ့ နယ်ပယ်ဟာ ရန်ကုန်မှာပဲရှိတယ်။ ဟိုတုန်းက ဆိုရင် လူထုဂျာနယ်တို့ ဘာတို့ ရှိ နေတယ်။ ပြီးတော့ သတင်းစာတွေလည်းရှိတယ်။ ခုတော့ ဒါမျိုး မန္တလေးမှာ လုံးဝ မရှိတော့ မန္တလေးက စာပေသမား တွေအတွက် စာပေနယ်ဟာ ကျဉ်းသွားသလိုပဲပေါ့ "
" ဆရာ သတင်းစာအယ်ဒီတာ လုပ်ရာကနေ ... "
" အဲဒီကနေပြီး ကိုယ်က ၀တ္ထုရေးရင်း၊ ကဗျာရေးရင်းနဲ့ပဲ သတင်းစာ အယ်ဒီတာ ၀င်လုပ်တယ်။ နောက်ပိုင်း ကိုသန်းမောင် နဲ့ ကိုယ် ၀ါဒချင်း မတူတော့ တခြားစီ ဖြစ်သွားကြတယ်။ ၁၉၄၉ ကနေ ၁၉၅၇ လောက်ထိ မြန်မာ့လမ်းစဉ်မှာ ကိုယ် လုပ်ခဲ့တယ်။
နောက် အာရှ-အာဖရိက စာရေးဆရာ ညီလာခံ တက်ခွင့်ရခဲ့တယ်။ မန္တလေးက ကိုယ်ရယ်၊ ကိုချစ်ညိုရယ် တက်ခွင့်ရတာ။ ကိုချစ်ညိုက ရန်ကုန်ရောက်မှ စိတ်ပျက်ပြီး ပြန်သွားတယ်။ ကိုယ်နဲ့ အတူတူ စိန်ခင်မောင်ရီ၊ ဒေါင်းနွယ်ဆွေ၊ ကိုဘ၀င်း၊ တက္ကသိုလ်မြတ်သူ၊ ဆရာကြီး ဇေယျ၊ ကိုသာညွန့်တို့ သွား ကြတယ်။
ပြန်လာတော့ ၀တ္ထုရေးလိုက်၊ ကဗျာရေးလိုက်နဲ့ နေလာလိုက်တာ ၁၉၆၀ ပြည့်နှစ်မှာ အကြောင်းလေး တစ်ခု ကြောင့် တရားရိပ်သာကို ရောက်သွားတယ်။ ရိပ်သာမှာ ဒုလ္လဘရဟန်းခံပြီး လူ ထွက် လာတော့ ဗဟိုစည် သတင်းစာမှာ ရိပ်သာက အတွေ့အကြုံကို အပတ်စဉ် ရေးလာလိုက်တာ စာဖတ်ပရိသတ်က ဒါကို လုံးချင်း ထုတ်ပါလို့ တိုက်တွန်းကြတာနဲ့ "မဟာဗောဓိမြေမှ သံသရာတိုက်ပွဲ"ဆိုတဲ့ နာမည်နဲ့ ဘာသာရေး စာအုပ် ထုတ်ခဲ့ဖူးတယ်"
" ဆရာ ရေးခဲ့တဲ့ စာတွေထဲမှာ ၀တ္ထုတို ရေးတာ များတယ်နော် "
" ဟုတ်ပါတယ်။ အတိုရေးတာပဲများတယ်။ ဒါပေမဲ့ အခု ရှာမတွေ့တော့ဘူး။ မန္တလေးက ၁၉၄၇ ခုနှစ်လောက် မှာ ထုတ်ခဲ့တဲ့ "ဂွဂျာနယ်" ထဲက "သြော် စီးကရက်" ဆိုတဲ့ ဟာမျိုးလေးတွေဆိုရင် ပြန်လိုချင် တယ်။ ဒီဝတဍ္ဍထုက အင်္ဂလိပ်၊ အမေရိကန် ပြန်ဝင်လာတဲ့အချိန်မှာ ဒီးကရက်တွေ သိပ်ပေါ တော့ ဗမာဆေး လိပ်ခုံတွေ ပျက်စီးသွားတယ်။ ဆေးလိပ် လိပ်ပြီး အမေနဲ့ မောင် ညီမလေးကို လုပ်ကိုင် ကျွေးမွေးနေရတဲ့ ဆေးလိပ်သမလေး ဘ၀ပျက်ပြီး "ကြက်တန်း" ရောက်သွားတာ ရေးထားတာပဲ။
ဆက်ရန်
Credit:shwezinu.blogspot.com
Comments
Post a Comment