ဝင်းငြိမ်း နှင့် စာရေးဆရာများ အပိုင်း (၄၄)

 

ဝင်းငြိမ်း နှင့် စာရေးဆရာများ အပိုင်း (၄၄)

     (" ဟုတ်ပါတယ်။ အတိုရေးတာပဲများတယ်။ ဒါပေမဲ့ အခု ရှာမတွေ့တော့ဘူး။ မန္တလေးက ၁၉၄၇ ခုနှစ်လောက်မှာ ထုတ်ခဲ့တဲ့ "ဂွဂျာနယ်" ထဲက "သြော် စီးကရက်" ဆိုတဲ့ ဟာမျိုးလေးတွေဆိုရင် ပြန်လိုချင် တယ်။ ဒီဝတဍ္ဍထုက အင်္ဂလိပ်၊ အမေရိကန် ပြန်ဝင်လာတဲ့အချိန်မှာ ဒီးကရက်တွေ သိပ်ပေါတော့ ဗမာဆေး လိပ်ခုံတွေ ပျက်စီးသွားတယ်။ ဆေးလိပ် လိပ်ပြီး အမေနဲ့ မောင် ညီမလေးကို လုပ်ကိုင်ကျွေးမွေးနေရတဲ့ ဆေးလိပ်သမလေး ဘ၀ပျက်ပြီး "ကြက်တန်း" ရောက်သွားတာ ရေးထားတာပဲ။) ကို ဆက်ဖတ်ရန်...

မန္တလေး "ဘ၀သစ်" ဂျာနယ်မှာပါဖူးတဲ့ "သြော် ဒီမိုကရေစီ"ဆိုတာမျိုးလည်း ပြန်လိုချင်တယ်။ ရှာမတွေ့ တော့ ဘူး။ သူက အများစု လုပ်တိုင်း မှန်သလား ဆိုတာ ရေးထားတာပါ။ တကယ့်အဖြစ်အပျက်ကလေးပဲ။ ဘယ် ကင်း ဆိုတဲ့ ရွာကလေးမှာ စစ်ပြေးလာတဲ့အရာရှိ အရာခံတွေရဲ့ သမီးလေးတွေ၊ ချောပေ့ဆိုတဲ့ ခြောက်ယောက် လောက်ကို ဂျပန်ကင်ပေက စပိုင်ဆိုပြီး ဆွဲလာတယ်။ နောက် ဆေးလိပ်လိပ်တဲ့ ကောင်မလေး တစ်ယောက်လည်း ဆွဲလာတယ်။ အားလုံး ကောင်မလေး ခုနစ်ယောက်ပေါ့။

ဂျပန်ဗိုလ်က တစ်ည တစ်ယောက် ထုတ်ထုတ်ပြီး ပျော်ပါးတယ်။ ခြောက်ယောက်လုံး ပျော်ပါးပြီးပြီ။ ဆေး လိပ်သမလေး တစ်ယောက်ပဲ ကျန်တော့တယ်။ သူ့မှာလည်း ရည်းစားရှိတယ်။ သူ့အလှည့်ကျတဲ့ ညမှာပဲ မမျှော်လင့်ဘဲ တံတားဦး (မန္တလေး) ဘက်က စစ်ကပြိုလာတော့ ကင်ပေတိုင် တွေထွက်ပြေးရတယ်။ ကောင်မလေး တွေ လွတ်လာကြတယ်။ အင်္ဂလိပ်ခေတ်ရောက်တော့ ကျောက်ဆည် တစ်မြို့လုံးက ဆေးလိပ် သမလေး ကို ဂျပန်နဲ့ ခုနစ်ရက်လုံးလုံး ဖြစ်ခဲ့တယ်ဆိုပြီး ၀ိုင်းသမုတ်ကြတယ်။ ဟို ခြောက်ယောက် က ဘာမှ အပြော မခံလိုက်ရဘူး။ တကယ်ဖြစ်တာက သူတို့ ခြောက်ယောက်ပါ။ ဒါပေမဲ့ သူတို့ က ညှိပြီး သတင်းလွှင့်လိုက်ကြ တော့ ဟိုကလေးမလေးခမျာ မဟုတ်ဘဲနဲ့ ခံလိုက်ရတယ်။ ရည်းစား ကလည်း မသတီလို့ မယူတော့ဘူး။ အဲဒီတော့ ခြောက်ယောက်နဲ့ တစ်ယောက် အများက ပြောတိုင်း မှန်ပါ့မလား ဆိုတာကို ရေးခဲ့တာပဲ။

ပြည်ညွန့်မှာလည်း "ကယ်ဖူးတယ်" ဆိုတဲ့ ၀တ္ထုတိုတစ်ပုဒ် ရေးဖူးတယ်။ ကိုယ်နိုင်ငံရေးလုပ်နေတုန်း ဆိုင်း တန်းဘက်မှာ ကောင်မလေးတစ်ယောက် မတရားချုပ်နှောင်ခံရပြီး ခိုင်းစားခံနေရတယ်လို့ စာပစ်ကြတာနဲ့ ကိုယ်တို့ ၀ိုင်းဖမ်းကြတယ်။ အရာရှိအရာခံ သားသမီးပဲ။ ရွှေဘိုက။ ဒါနဲ့ ကိုယ်တို့ထဲက ရဲဘော်တစ်ယောက် ကို တာဝန်ပေးပြီး ရွှေဘိုလိုက်ပို့ခိုင်းလိုက်တယ်။ လိုက်ပို့ခိုင်းတဲ့ ရဲဘော်က ပြန်မရောက်လာသေးဘူး။ ကောင်မလေး က တခြားအိမ် တစ်အိမ် ပြန်ရောက်နေတာ တွေ့ရတယ်။ အဲဒါလေး ရေးထားတာပါ"
" ဆရာက အဲဒီလို တွေ့ဖူး ကြုံဖူးတာလေးတွေချည်း ရေးတယ်ဆိုတော့ မှတ်စုနဲ့များ သီးခြား မှတ်ထား တတ်သလား"
" မရှိပါဘူး။ ခေါင်းထဲမှာ မှတ်ထားပြီး ကြုံလာမှ ဒါလေး ကောက်ရေးတာပဲ"

" စာရေးပြီးရင် တချို့ ပြန်ချော ပြန်ကူးလေ့ရှိတယ်။ တချို့ကတော့ လက်တန်းပဲတစ်ခါတည်း ရေးကြ တယ်။ ဆရာကော ဘယ်လို ရေးပါသလဲ "
" နှစ်မျိုးစလုံးပါပဲ။ တစ်ခါတလေကျတော့ ပြန်ချောတယ်။ တစ်ခါတလေတော့လည်း လက်တန်း ရေးလိုက် တာပဲ။ တစ်နေ့ ကပဲ ကိုယ်တွေ့ဝတ္ထုတစ်ပုဒ် ရေးလိုက်သေးတယ်။ ကားဝယ်တာ တပည့်တစ်ယောက်က ညာသွားလို့  "ကားဝယ်ရင် ကျွန်တော့်ကို တိုင်ပင်ပါ" ဆိုပြီး သောင်းပြောင်းမှာ ပို့ထားတယ်။ အဲဒါလေးက တစ်ထိုင်တည်း ရေးတာပဲ။ တစ်ခါတလေလည်း နှစ်ကြိမ်၊ သုံးကြိမ် ပြန်ရေးရတာတွေ ရှိပါတယ်"
" ၀တ္ထုဖြစ်ဖြစ်၊ ကဗျာဖြစ်ဖြစ် ရေးရင် တချို့ကတော့ အကြောင်းအရာက အဓိကကျတယ်လို့ဆိုပြီး တချို့ က တော့လည်း တင်ဆက်ပုံက အဓိကကျတယ်လို့ပြောတယ်။ ဆရာကကော ဘယ်ဟာကို ဦးစားပေး ပါသလဲ"
" လူတွေ ဖတ်ချင်အောင် ရေးတဲ့နေရာမှာ အကြောင်းအရာက သိပ်ပြီး အဓိကမကျပါဘူး။ အကြောင်းအရာ သေးသေးငယ်ငယ် မဖြစ်စလောက်ကလေးကိုပဲ ဖတ်ချင်စဖွယ်ဖြစ်အောင် ရေးတတ် ရင်လည်း ဖြစ်သွားတာ ပဲ။ ကိုယ့်အမြင် ပြောတာပါ။

ဘယ်လောက်ပဲ ခိုင်လုံတိကျတဲ့ အကြောင်းအရာဖြစ်ပါစေ၊ သူ့တင်ဆက်ပုံ မကောင်းရင် ဖတ်ချင်စဖွယ် ဖြစ်မလာ နိုင်တော့ဘူး။ ရုပ်ရှင်ကားတစ်ကားမှာ မင်းသား၊ မင်းသမီးကောင်းပါလျက်နဲ့ ဒါရိုက်တာက တင် ဆက်ပုံ မကောင်းရင် ကားကောင်းတစ်ကား ဖြစ်မလာနိုင်သလိုပါဘဲ။
နှစ်ခုစလုံး ကောင်းရင်တော့ အကောင်းဆုံးပါပဲ။ အကြောင်းအရာကလည်း ကောင်းမယ်။ တင်ဆက်ပုံက လည်း ကောင်းမယ်ဆိုရင်တော့ စာဖတ်သူအတွက် အကျိုးရှိတာမျိုး ကိုယ်တို့ကတော့ အဲဒီလိုပဲ ရေးတယ်။ ခိုင်လုံတဲ့ အကြောင်းအရာတစ်ခု ရှာတယ်။ ပြီးတော့ တင်ဆက်ပုံ ကွင်းဆက်ညီအောင် ရေးတယ်။ အဲဒီလို လုပ်မှလည်း ကောင်းမယ်လို့ ယူဆတယ်။
ဖတ်ချင်စဖွယ်ကောင်းအောင် ရေးကြမယ်ဆိုရင်တော့ တင်ဆက်ပုံ ကောင်းရမယ်ပေါ့။ လက်ထဲက မချနိုင် ဘူးဆိုတာမျိုးပေါ့။ ကိုမိုးသူတို့ ဘာသာပြန်တဲ့ စာအုပ်တွေဆိုရင် (သူလည်း ၀န်ခံထားပါတယ်) လက်ထဲ မချနိုင်လောက်အောင် တစ်ထိုင်တည်း ဖတ်ချင်ကြတာပဲ။ ပြီးသွားရင်တော့ ခေါင်းထဲမှာ မရှိတော့ဘူးပေါ့။

ရုပ်ရှင်များလိုပေါ့။ ဥပမာ ... တစ်နေ့က ပြသွားတဲ့ "မြင်းမိုရ်ထက်မြင့်သော" ဆိုရင် ဒီနေ့ထက်ထိ ရင်ထဲမှာ စွဲနေတယ်။ အကြောင်းအရာရော တင်ဆက်ပုံပါ ကောင်းတာကိုး။ တချို့ ရုပ်ရှင်တွေကျတော့ ရုံထဲမှာတော့ လက်ခုပ်သံ တဖြောင့်းဖြောင့်းနဲ့ စိတ်ကို ကြွစေတာကိုး။ ဒါပေမဲ့ ရုံပြင် ရောက်တာနဲ့ တစ်ပြိုင်နက် ဇာတ်လမ်းကို မသိတော့ဘူး။ ဘာမှ မကျန်တော့ဘူး။ အကြောင်းအရာနဲ့ တင်ဆက်ပုံ ကွာခြားမှု ကို ကိုယ် တော့ အဲဒီလိုပဲ မြင်တယ်"
" ဆရာ ရုပ်ရှင်ဇာတ်ညွှန်းလည်း ရေးဖူးတယ်နော် "
" ရေးဖူးပါတယ်။ "သက်ထားဆိုသော မိန်းမချော" ရုပ်ရှင်ကားက ကိုယ့်ဝတ္ထု"သက်ထား"ကို ရိုက်တာပဲ။ ဒီ ကားအတွက် ဇာတ်ညွှန်း ရေးပေးခဲ့တယ်။ ရုပ်ရှင်ဇာတ်ညွှန်းခြောက်ခုလောက် ကိုယ်တိုင် ခွဲပေးခဲ့ဖူးတယ်။ လေးပုဒ် လောက်ကတော့ ၀တ္ထုပဲ ပေးခဲ့တာပဲ"

" ဇာတ်ညွှန်း ရေးတဲ့ပုံစံနဲ့ ၀တ္ထုရေးတဲ့ပုံစံက မတူတော့ တချို့က ပြောကြတယ်။ ဇာတ်ညွှန်း ရေးပါ များလာရင် ၀တ္ထုရေးတဲ့ ပုံစံမှာ ထိခိုက်လာတယ်တဲ့။ ဟုတ်ပါသလား ဆရာ"
" ဖြစ်နိုင်တယ်။ ကိုယ်ကတော့ မဖြစ်ဘူး။ ဘာဖြစ်လို့လဲဆိုတော့ ဆက်တိုက်ရေးတာ မဟုတ်တော့ ဇာတ်ညွှန်း ရေးတဲ့နည်းက ၀တ္ထုရေးရာမှာ လာပြီး မလွှ့မ်းမိုးနိုင်ခဲ့ဘူး။ အများကြီး ရေးတဲ့သူအဖို့ကတော့ ပျက်သွား နိုင်ကြတယ်။
ကိုယ်ကတော့ စုံတယ်။ ဆောင်းပါးတွေလည်း အများကြီး ရေးခဲ့တယ် မဟုတ်လား။ ဆောင်းပါး ရေးသားပုံ က အကြောင်းအရာ တစ်ခုကို တင်ပြပုံနဲ့ ၀တ္ထုက တင်ပြပုံ မတူဘူး။ ဆောင်းပါးတွေ အများကြီး ရေးပြီး ၀တ္ထုရေးရင် တစ်မျက်နှာတောင် တော်တော်နဲ့ မပြီးတော့ဘူး။ အရေးအသားတွေ ခွကျကုန်တယ်။

ကိုဝင်းငြိမ်း မေးတဲ့ ရုပ်ရှင်ဇာတ်ညွှန်းနဲ့ ၀တ္ထုလည်း အဲဒီလိုပဲ ဖြစ်လိမ့်မယ်။ ကိုယ်ကတော့ အများကြီး ရေးတာ မဟုတ်လို့ မဖြစ်ဘူး။ ဥပမာ- တက္ကသိုလ်မောင်လှသူလို၊ ကိုကို လို များများစားစား ရေး လာရင်တော့ ဖြစ်မယ်ထင်တယ်။
ဆောင်းပါးများများ ရေးလာရင်တောင် ၀တ္ထုမှာ ခက်လာတယ်။ ဆောင်းပါးက နွဲ့နွဲ့ရေးတာမှမဟုတ်ဘဲ၊ ခပ်ပြတ်ပြတ် ရေးတာကိုး။ ဗဟိုစည် မှာတုန်းက တစ်လကို ဆောင်းပါး ဆယ့်ခြောက်ပုဒ်လောက် ရေးနေရာ ကနေ ၀တ္ထုတစ်ပုဒ်လောက် လုပ်စမ်းပါဗျာဆိုရင် ခက်ရော။ တော်တော်လက်သွေးယူရတယ်"
" ဆရာ ၀တ္ထုတို ရေးတာ များတယ်ဆိုတော့ ၀တ္ထုရှည်နဲ့ ၀တ္ထုတို ဘယ်လို ကွာခြားသလဲဆရာ"

" ၀တ္ထုတို က ခက်တယ်၊ အရှည်က ဒါလောက် မခက်ဘူး။ ၀တ္ထုတိုက ဖူးစကတ်စက္ကူ ဆယ်မျက်နှာလောက် အတွင်းမှာ အကြောင်းအရာကို မိအောင် ရေးရတာကိုး။ ဒီနေရာမှာ ကန့်သတ်ချက် ဘောင်အတွင်း ရေးတတ်ဖို့ သိပ်လိုတယ်။ ကိုယ်ရေးလိုက်တာကို ဖတ်တဲ့သူက ကွက်ခနဲ ကွင်းခနဲ မြင်အောင် ရေးနိုင်ရမယ်။
ဝတ္ထုရှည် ဆိုတာက စာမျက်နှာအများကြီး ရတဲ့ ရေးနည်းပဲ။ ကိုယ့်အတွေ့အကြုံအရတော့ ၀တ္ထုတိုက ခက်တယ်။ ၀တ္ထုရှည် ဆိုတာ အချိန်သာရရင် ရေးလို့ရတယ်"
" ဆရာ ဘာဖြစ် လို့ ၀တ္ထုရှည် မရေးတာလဲ "

" ရှင်းရှင်းပြောရရင်တော့ ပျင်းလို့ပါ။ အကြာကြီးရေးပြီး စောင့်နေရတာကို မလုပ်ချင်ဘူး။ ကိုယ့်ဝသီက တစ် မျိုးပဲ။ ကိုယ်ရေးတာကို ပါလာပြီးမှ နောက်တစ်ပုဒ် ရေးချင်တဲ့စိတ်ရှိတယ်။ ဒါကြောင့်လည်း မန္တလေး မှာ နေ တုန်းက ၀တ္ထုမရေးဖြစ်တာဘဲ။ "သက်ထား" ရေးတုန်းကဆို ဆရာကြီး မြမျိုးလွင်က ထုတ်တာ။ "ဟေ့ကောင် ရေးကွာ" တဲ့။ အဲဒီတုန်းကအိမ်မှာ ကလေးပုခက်လွှဲရင်းကို ရေးခဲ့တာပဲ။ သူက ထုတ်မှာ သေ ချာတာ ကိုး။ ကျောင်းက ပြန်လာ၊ ကလေးထိန်းလိုက်၊ ထမင်းချက်လိုက်နဲ့ပဲ ရေးခဲ့တာပဲ၊ ဒါ ကိုယ့် အကျင့်ပဲ။ မကောင်းဘူးပေါ့ကွာ"
" ကျောင်းက ပြန်လာတယ်လို့ ဆရာ ပြောလိုက်တာ ကျောင်းဆရာ လုပ်တာပြောတာလား "

" ဟုတ်တယ်၊ ဇော်ဝမ်း တို့ အမေ ဒေါ်မြမြ ထောင်တဲ့ တိုင်းချစ်ကျောင်းမှာ ကျောင်းဆရာ လုပ်တယ်လေ။ ဒီလိုကွ၊ ပထမ နိုင်ငံရေး လုပ်တယ်။ နောက် စစ်ပြီးခေတ် လွတ်လပ်ရေးရတော့ ကွဲကြပြဲကြနဲ့မို့ စိတ်ပျက် သွားပြီး နိုင်ငံရေး မလုပ်တေ့ဘဲ သတင်းစာဆရာ ၀င်လုပ်၊ ရတဲ့ပိုက်ဆံက မလောက်တော့ ကျောင်းဆရာ ၀င်လုပ် တာပဲ။ ၁၉၄၉ လောက်မှာ တိုင်းချစ်ကျောင်းဆရာလုပ်ခဲ့တာ ၁၉၆၅ ခုနှစ်အထိပဲ။ ဟိုတုန်းက ပရိုက် ဗိတ်ကျောင်းတွေဆိုတော့ နေ့မှာ နှစ်ကျောင်းပြပြီး ညမှာလည်း နှစ်ကျောင်း ပြေးပြ လိုက် သေးတာပဲ။ အိမ် မှာလည်း ကျူရှင်ပေးသေးတယ်။ အဲဒါ ၁၅ နှစ်လောက် ကြာခဲ့တယ် "
" ဒီနေ့ လူငယ်တွေ စာပေဘက်ကို တော်တော် စိတ်ဝင်စားလာကြပါတယ် ဆရာ။ ဒီလူငယ်တွေ အတု ယူနိုင် အောင် ၀တ္ထုတစ်ပုဒ် ရေးတော့မယ်ဆိုရင် အထူးသဖြင့် ၀တ္ထုတိုပေါ့ဆရာ၊ ဘာအရေးကြီးဆုံး ပါလဲဆရာ"

" ကိုယ့်အမြင် ပြောရရင်တော့ ဘာတင်ပြချင်သလဲဆိုတာ အရေးကြီးဆုံးပဲ။ တင်ချင်တာကို ပုံပေါ်အောင် တင်ပြတတ်ဖို့ပဲ လိုတယ်။ အကြောင်းအရာ မရှိဘဲ ရေးတာ တချိုက၀တ္ထုတွေကို ဖတ်လိုက်ရင် သူ ဘာဆို လိုမှန်းကို ကိုယ် မသိနိုင်ဘူး။ ဒါကြောင့် ၀တ္ထုမှာ အရေးကြီးတာက အကြောင်းအရာ၊ နောက် တင်ပြပုံပေါ့။
ကိုယ် ဘာကြောင့် စာရေးဖြစ်ခဲ့တယ်ဆိုတာ ပြောရရင် စာဖတ်များခဲ့လို့ပဲ။ ဘာကြောင့် ဖတ်ဖြစ်ခဲ့သလဲဆို ရင် ၁၉၃၆ ကနေ ၁၉၄၀ ပြည့်နှစ်ထိအောင် တရုတ်တန်းက တို့ဗမာအစည်းအရုံး စာကြည့်တိုက်မှာ စာကြည့်တိုက်မှူး လုပ်လာတာကိုး။ အဲဒီတော့ မဖတ်ချင်လို့ မရတော့ဘူး၊ နောက်ပြီး ကိုယ် ဆယ်တန်းတုန်း ကလည်း Optional Burmese အပို မြန်မာစာ ယူခဲ့တယ်။ မြန်မာစာ မှန်သမျှ မဖတ်ဖူးတာ မရှိတော့ဘူး။ အဲဒီလို အခြေခံရှိနေတဲ့အထဲမှာ နိုင်ငံရေးကလည်း ၀ါသနာပါတော့ "နဂါးနီ"က ထုတ်တဲ့ ဘာသာပြန် မှန်သမျှ ဖတ်တယ်။ ၀တ္ထုရော၊ နိုင်ငံရေးရော ဖတ်တာပဲ။

တို့ ခေတ်တုန်းက ပေါ်လာတဲ့ ဆရာကြီး သခင်ဘသောင်းရဲ့ "ပန်းသာမစာဥ" ကို မဟာဆွေရဲ့ ၀တ္ထုတွေ၊ ဆရာသိန်းဖေမြင့်ရဲ့ ၀တ္ထုတွေကို မလွတ်တမ်း ဖတ်တာပဲ။ တို့ကျောင်းသားတုန်းက ဇာတ်ကြီးဆယ်ဘွဲ့ဆို တာ ကျောင်းသင်ခန်းစာအဖြစ် ထည့်သင်ရတာပဲ။ ပျို့၊ ကဗျာ၊ အဲ၊ အန်တွေလည်း သင်ရတာပဲ။ အဲဒီလို စာဖတ်များလာတော့ ၀တ္ထုတစ်ပုဒ်တော့ ရေးဦးမှပဲလို့ စဉ်းစားမိပြီး စစ်အပြီးမှာ "ပြာဖုံးတဲ့နန်း" ကဗျာက စ ရေးဖြစ်တာပဲ "
" ဒါဆို စာရေးဆရာတစ်ယောက် ဖြစ်လာဖို့အတွက် ပတ်ဝန်းကျင် အခြေအနေအများကြီး လိုမှာပေါ့ "
" ဟာ ... လိုတာပေါ့။ ပတ်ဝန်းကျင် အခြေအနေ လိုသလို ကိုယ်ကိုယ်တိုင်လည်း ရေးနိုင်သားနိုင်တဲ့ အခြေ အနေ ရှိရမယ်။ အတွေးအခေါ်ပိုင်းကတော့ တစ်မျိုးပေါ့"
" ဆရာ စောစောက ပြောတဲ့အထဲမှာ ဆရာကြီး သခင်ဘသောင်း၊ ဆရာကြီး မဟာဆွေ ဆရာကြီး သိန်းဖေမြင့် တို့ရဲ့ ၀တ္ထုတွေ ဖတ်တယ်လို့ ပြောသွားတယ် "
" ဆရာကြီး ရွှေဥဒေါင်း၊ ဆရာကြီးမြမျိုးလွင်၊ ဆရာကြီး ပီမိုးနင်းတို့ စာတွေလည်း ဖတ်ခဲ့တာပဲ။ သူတို့ စာတွေ အတုခိုးခဲ့ရတာပဲ "

" ဒါဆို ဒီဆရာကြီးတွေရဲ့ စာပေသြဇာ သက်ရောက်မှု ဆရာ့စာတွေမှာ ရှိမှာပေါ့ "
" ရှိတာပေါ့။ နောက် ရှိသေးတယ်။ ဂန္ထလောက မဂ္ဂဇင်းက ဆရာဇော်ဂျီ၊ ဆရာမင်းသုဝဏ်တို့ရဲ့ စာတွေလည်း ဖတ်ခဲ့တာပဲ။ ဆရာ မင်းသုဝဏ်ရဲ့ "ဘကြီးအောင် ညာတယ်" ဆိုရင် သိပ်သဘောကျတာ ပေါ့။ ဒီ အတွေးအခေါ်တွေ အများကြီး ၀င်တာပေါ့"
" ဆရာက ကဗျာလည်း ရေးတယ်၊ ၀တ္ထုလည်း ရေးတဲ့သူဆိုတော့ အနောက်တိုင်းက ဆရာကြီး "၀ီလျံဖော့(က်)နာ"ရဲ့ အဆိုတစ်ခုကို ဆွေးနွေးချင်ပါတယ်။ ဒီဆရာကြီးက ဘာပြောခဲ့သလဲဆိုတော့ စာရေး ဆရာတိုင်းလိုလိုရဲ့ ပထမဆန္ဒက ကဗျာရေးတတ်ချင်ကြတာပဲတဲ့။ ကဗျာနဲ့ မတင်ပြနိုင်တော့မှ ၀တ္ထုတို ရေးဖို့ ကြိုးစားတယ်။ ၀တ္ထုတို မဖြစ်တော့မှ ၀တ္ထုရှည် ရေးကြတယ်လို့ ဆိုပါတယ်။ ဒီအဆိုနဲ့ ပတ်သက်ပြီး ဆရာ ဘယ်လို မြင်ပါသလဲ"

" လက်ခံပါတယ်။ ကိုယ်က ကဗျာစ ရေးတယ်။ ၀တ္ထုတို မရေးဖြစ်သေးခင်မှာ ၀တ္ထုရှည် ရေးဖြစ်သွားတာ ကတော့ ထုတ်မယ့်သူက အဆင်သင့်ရှိနေလို့ပဲ။ ကိုယ် စာရေးတာနဲ့ ပတ်သက်ပြီး ပြောစရာ ရှိတာကတော့ တကယ့်အဖြစ်အပျက် ခံစားချက် ရှိတော့မှပဲ ရေးလို့ ဖြစ်တယ် ဆိုတာပါပဲ"
" ဒါဆို ဆရာ့ကဗျာတစ်ပုဒ်နဲ့ ပတ်သက်ပြီး ကျွန်တော် မေးပါရစေ၊ ကဗျာနာမည်က"အတက်နဲ့အဆင်း" ပါ။

  အတက်နဲ့အဆင်း

    တစ်နေ့ဆီက
    ဗုဒ္ဓရွှေတိဂုံ

    လေးဆူဂုဏ်ကို
    အာရုံစိုက်စိုက်
    ဖူးလိုက်ချင်လို့သွားခဲ့၏။
    ကုန်းတော်ထက်သို့
    တက်ဖို့အစ
    ခြေလှမ်းအကြွ
    ပေးပါ့ကမ်းပါ့
    ဒုက္ခိတအို
    လှစ်ဟငိုကြွေး
    မျက်ရည်နွေးဖြင့်
    ငါ့ကို လင့်ရှာပါလေ၏။
    အတက်ခရီးမှာ
    ဆီးကြိုပြုံးပြ
    ၀ယ်ပါ့ ခြမ်းပါ့
    ပန်းလှခိုင်ခိုင်
    ဖယောင်းတိုင်ဖွေးဖွေး
    ရောင်းဈေးချိုချိုတဲ့။
    ပြုံးသူတွေက လက်လက်
    ခေါ်သူတွေက သွက်သွက်
    အားနာဖက်၍
    ပန်းခက်ပန်းနွယ်
    ၀ယ်၍အပြီး
    ထီးနဲ့ဖိနပ်
    ထိုဆိုင်အပ်သည်
    ကြည်ပြုံးရွှင်ရွှင် လက်ခံ၏။
    အဆင်းကျတော့
    ပြုံးပြမျက်နှာ
    ပျူငှာဖော်ရွှေ
    ရှိကြပေ၏။
    ပန်းက လှတယ်
    ထွန်းပါ ညှိပါ
    ဖယောင်းတိုင်ရတယ်။
    မွှေးပါ့ကြိုင်ပါ့
    ပူဇော်ရတယ်
    ခေါ်ကြ ငင်ကြ
    ကြိုဆိုကြ၏။
    ဒါပေမဲ့ ငါ့တော့ မဟုတ်ပါဘူး
    ထိပ်သို့ တက်သူ
    ထိုထိုသူသာ
    သူ ငါ ကြိုဆိုရခြင်းတကား။
    ထီးနဲ့ ဖိနပ်
    အပ်ခဲ့ဆိုင်နောက်
    ငါ ၀င်ရောက်လဲ
    အင်းအဲမလှုပ်
    ကျောက်ရုပ်ဆိုင်ရှင်မကလေး။
    သူ တွေးမျှော်မှန်း
    တက်သည့်လမ်းက
    လူများကို။
    ငါ့ထီး ငါ့ဆွဲ
    ဖိနပ်လဲယူ
    တူရှုအောက်ဆီ
    ဆင်းခဲ့၏။
    ငါ တက်စက
    ထမင်းမ၀
    ဟင်းမရ၍
    ပေးပါ့ ဆယ်ပြား
    တောင်းခံစားသည့်
    ထိုလူအို။
    ငါ ဆင်းခဲ့သည်
    ဆင်းသည် တက်သည်
    သူ မရည်ဘူး
    သူ ရည်သည်က
    လူမှန်သမျှ
    ဒါကြောင့် ငါ့အား
    ရည်မျှော်ထားပြီး
    ငါးပြား ဆယ်ပြား
    သနားပါတဲ့။
    ဆယ်ပြားတစ်စေ့
    နှိုက်၍ယူပြီး
    ခွက်အိုကြီးထဲ
    စွန့်ကြဲလိုက်သည်
    သဲထဲရေသွန်သည် မဟုတ်။
ဒီကဗျာ ရေးတဲ့ ခံစားချက်ကို ကျွန်တော် သိပါရစေ"

" ဒီအတွေးအခေါ်ကတော့ စာရေးဆရာညာဉ် ရှိတဲ့သူတိုင်းမှာ ရှိပါတယ်။ ဒီလို အတက်နဲ့အဆင်း ဖြစ်ပျက် တာမျိုးကို ဟိုကျောင်းသားဘ၀တုန်းက အင်္ဂလိပ်ကဗျာတစ်ပုဒ် ဖတ်ဖူးတယ်။ ဘယ်သူ ရေးတာလဲတော့ မမှတ်မိတော့ဘူး။ သူက ဒီသဘောတော့ မဟုတ်ဘူး။ မင်း လှေကားကို တက်ရင်တဲ့ တစ်ဆင့်တက်တိုင်း တက်တိုင်း အပေါ်က ဆင်းလာတဲ့သူတွေကို ပြုံးပြီး နှုတ်ဆက်ပါတဲ့။ အဲဒီလို မင်းပြုံးပြီး နှုတ်မဆက်ခဲ့ရင် မင်း ပြန်ဆင်းတဲ့အခါမှာလည်း နှုတ်ဆက်မယ့်သူ ရှိမှာ မဟုတ်ဘူးတဲ့။ ဒါ ကိုယ် ဆယ့်လေး ငါးနှစ်သား လောက် က ဖတ်ဖူးထားတာပါ။

နောက် ကိုယ် ရွှေတိဂုံဘုရားဖူးရင်း ပြုရင်းနဲ့ ဒီသဘောကို စဉ်းစားမိတယ်။ ဒီသဘောလေး ၀တ္ထုရေးရရင်၊ ကဗျာရေးရင် ကောင်းမှာပဲလို့။ ဒါပေမဲ့ မရေးဖြစ်ခဲ့ဘူး။ နောက် ရန်ကုန်မှာ လာပြီး ရှစ်နှစ် ဗွီအိုင်ပီ လာလုပ် ရတယ်။ အဲဒီတုန်းက ကိုယ်ကတော့ အားလုံးကို လက်ခံတွေ့ခဲ့တာပဲ။ ကူညီနိုင်တဲ့ကိစ္စဆိုရင် ကူညီခဲ့တာပဲ။ ဒါပေမဲ့ ကိုယ် ရာထူးလက်ကိုင် မရှိတော့တဲ့အချိန်မှာ ကိုယ် ကူညီခဲ့ဖူးသူ တချို့တွေက လမ်းမှာတွေ့ရင် တောင် မတွေ့သလို မမြင်သလို လုပ်လာကြတယ်။ မခေါ်ချင်သလို မပြောချင်သလို လုပ်လာကြတယ်။

ဆက်ရန်

Credit:shwezinu.blogspot.com