ဝင်းငြိမ်း နှင့် စာရေးဆရာများ အပိုင်း (၃၉)

ဝင်းငြိမ်း နှင့် စာရေးဆရာများ အပိုင်း (၃၉)

      (ဒီတော့ ဆရာတို့လည်း အက်ဆေးဆိုတဲ့ စကားကိုပဲ မွေးစားလိုက်ရင် မကောင်းဘူးလား။ အက်ဆေး ဆိုတာကို ကျောင်းသားတိုင်း လည်း သိကြတာပဲ မဟုတ်လား") ကို ဆက်ဖတ်ရန်..

" စာညွန့်ကကော ဆရာ "
" စာညွန့်က အက်ဆေး မဟုတ်ဘူး၊ သူက ကဗျာဆန်ဆန် ရေးတဲ့ စကားပြေပဲ။ သူ့ကို ကျစ်ကျစ်လျစ်လျစ် ရေးရတယ်။ စကားတွေရဲ့ အဓိပ္ပာယ် လေးနက်ရတယ်။ အခုဆရာ Guardian မဂ္ဂဇင်းထဲမှာ ရေးတဲ့ Buddhist Vignette ဆိုတာ ရှိတယ်။ အင်္ဂလိပ်မှာ သူတို့ ဘုန်းကြီးတွေက ပုံနှိပ်တဲ့စာအုပ် မပေါ်ခင်မှာ စာလုံးလှလှ ပပကလေးတွေ ပန်းစာလုံးတွေ ကျမ်းစာကို ရေးရတာ ရှိတယ်။

အသွင်သဏ္ဍာန်အားဖြင့်လည်း လှတယ်။ အဓိပ္ပာယ်အားဖြင့်လည်း ကောင်းတယ်။ အဲဒါကို Vignetteလို့ ခေါ်တယ်။ ဆရာတော့ စာညွန့် ဆိုတာ အဲဒါနဲ့ တူတယ်လို့ ထင်တယ်"
" ကျွန်တော်တို့ သိထားကြတဲ့ ခေတ်စမ်းစာပေဆရာ သိပ္ပံမောင်ဝ ကို ဆရာက "ဒိုင်ယာရီရေးသမား" အဖြစ်နဲ့ပဲ မြင်တယ်လို့ ရေးတာ ဖတ်ခဲ့ဖူးပါတယ်။ ဘာဖြစ်လို့ပါလဲဆရာ "
" ဒီလို ... သိပ္ပံမောင်ဝ ရေးတာတွေက သူ သွားတာ၊ လာတာ၊ မြင်တာ၊ တွေ့တာတွေကို ရေးတာပဲ။ ရက်စွဲ မတပ်ရုံတစ်မည်ပဲ သူ ရေးခဲ့တယ်။ ဒီနေ့ ဘယ်ရွာ သွားတယ်၊ ဘယ်သူနဲ့ တွေ့တယ်၊ ရုံးမှာ ဘာကိစ္စ လုပ် တယ် စသဖြင့် ရေးခဲ့တာပဲ။ ဥပမာ - တပေကုလားရွာ ရောက်တော့ ကုလားလေးက တစ်ပေ ပဲ ရှိသလား၊ ဘာလားစသဖြင့် သူ စိတ်ဝင်စားတာ ရေးခဲ့တာပဲ။ သူ ရေးခဲ့တာတွေက အက်ဆေး သဘောပဲ။

ဒါပေမဲ့ ဆရာက သူ့ကို ဒိုင်ယာရီ ရေးသမားလို့ သဘောထားတာဟာ အကြောင်းရှိတယ်။ အင်္ဂလိပ်စာပေ မှာ ရှေးခေတ်က "ဝေါလ်တာပိတ်တား" ဆိုတာ သိပ်နာမည်ကြီးတယ်။ ဘာအဖြစ်နဲ့ နာမည်ကြီး သလဲဆိုတော့ ဒိုင်ယာရီ ရေးသမားအဖြစ် နာမည်ကြီးတာပဲ၊ သူ့ခေတ်မှာ မြင်တာ၊ တွေ့တာ၊ ကြုံတာတွေ ကို ရေးသွားတယ်။ ဥပမာအားဖြင့် ဒီနေ့ ရှင်ဘုရင် နန်းတတ်တယ်။ ဘယ်လို အခမ်းအနားကြီးတွေ လုပ်တယ် စသဖြင့် ရေးသွားတယ်။ ဆရာက သိပ္ပံမောင်ဝကို "ဒိုင်ယာရီရေးသမား" အဖြစ် ရေးခဲ့တာက ဝေါလ်တာ ပိတ်တား လို ချီးမွမ်းချင်တဲ့သဘောနဲ့ ရေးခဲ့တာပါ။ နှိမ်ချတဲ့သဘော မဟုတ်ပါဘူး"
" ဆရာ့ဆောင်းပါးတွေမှာ "၀တ္ထုရေးဆရာ"နဲ့ "စာရေးဆရာ" ဟာ မတူဘူးလို့ ခွဲခြားရေးထားတာ တွေ့ရပါ တယ်။ ဘယ်လို ကွဲပြားပါသလဲ ဆရာ"
" ဒါက ဒီလိုရှိပါတယ်။ အကြမ်းဖျင်းအားဖြင့်တော့ စာရေးတဲ့သူတွေကို စာရေးဆရာလို့ ခေါ်ကြပါတယ်။ ဒါပေမဲ့ သူတို့ဆီမှာတော့ စာရေးဆရာနဲ့ ၀တ္ထုရေးဆရာဟာ မတူဘူး၊ ၀တ္ထုရေးဆရာတောင် နှစ်မျိုး ရှိတယ်။ အများကြိုက် ၀တ္ထုရေးတဲ့ စာရေးဆရာက တစ်မျိုး၊ အများကြိုက် မဟုတ်ဘဲ စာပေအရာဝင်တဲ့ ပညာသား ပါပါ ၀တ္ထုရေးတဲ့သူက တစ်မျိုး။

စာရေးဆရာနဲ့ ၀တ္ထုရေးဆရာ ကွာပါတယ်။ သူတို့ဆီမှာ ၀တ္ထုရေးဆရာဟာ ၀တ္ထုပဲရေးတယ်။ ဒီ့ပြင်စာ မရေးဘူး။ ဆရာတို့ဆီမှာတော့ စာမျိုးစုံ ရေးကြတာပဲ။ သူတို့ဆီမှာ ၀တ္ထုရေးဆရာတွေဟာ အသက်အရွယ် ကြီးလာတဲ့ အခါမှာ သူတို့ရေးတဲ့ ၀တ္ထုတွေ၊ တခြားသူတွေရေးတဲ့ ၀တ္ထုတွေနဲ့ ပတ်သက်ပြီး ဝေဖန်စာတွေ အကဲဖြတ်စာ တွေ ရေးကြတယ်။ စာအကြောင်း ပေအကြောင်းလည်း ဗဟုသုတအဖြစ် ရေးကြတယ်။
"ဆန်းမားဆက်မော်(မ) " ဆိုရင် ငယ်ငယ်က ၀တ္ထုတွေ ရေးတယ်။ အသက် တော်တော်ရလာပြီး ၆၀၊ ၇၀ လောက် ရောက်လာတော့ ဝေဖန်စာတွေ ရေးတယ်။ Ten Best Novel and Their Authors ရယ်၊ Summing Up ရယ် ဒီလိုစာတွေ ရေးတယ်ူ။ ၀တ္ထုရေးဆရာဟာ စာရေးဆရာ မဟုတ်ဘူးလို့တော့ မဆိုနိုင်ဘူး။ သို့ပေမဲ့ ခွဲခြားလို့တော့ ရတယ်။ စာရေးဆရာဆိုတာ စာမျိုးစုံ ရေးတဲ့သူ ဆိုပါတော့ကွယ်။ ၀တ္ထုရေး ဆရာ က ၀တ္ထုပဲ ရေးတယ်ပေါ့။

တချို့ကျတော့ စာရေးရင်း ၀တ္ထုလိုလို ဘာလိုလို ဖြစ်သွားပေမယ့် သူ့ကိုယ်သူ စာရေးဆရာလို့ မခေါ်ဘူးကွ။ ဆရာ သာဓကတစ်ခု ပြောပြမယ်။ ဟိုအရင်တုန်းက Jade Snow Wong က Fifth Chinese Daughter ဆိုတဲ့ ၀တ္ထုဆန်တဲ့ အတ္ထုပ္ပတ္တိကို ရေးတယ်။ သူက အမေရိကန် တရုတ်မ။ သူ့အဖေရဲ့ အတ္ထုပ္ပတ္တိ ရေးတာ ပါပဲ။ ဒီစာအုပ်ဟာ ဒုတိယကမ္ဘာစစ်အတွင်းတုန်းက စစ်သားတွေ တော်တော် သဘောကျလို့ ရှေ့တန်းစစ် မျက်နှာတွေကို စာအုပ်တွေ အများကြီး ပို့ခဲ့ရတယ်တဲ့။ ဆရာတို့ဆီမှာတောင် ဆရာတင့်တယ်က "မယင်းနှင်းဖြူ" ဆိုတဲ့ နာမည်တပ်ပြီး ဘာသာပြန်ဖူးတယ်။ အဲဒီစာရေးဆရာမက မြန်မာပြည် ကိုလည်း လာဖူးတယ်။

ဆရာ အမေရိက ရောက်တော့ သူနဲ့ ဆန်ဖရန်စစ္စကိုမှာ သွားတွေ့တယ်။ စကားပြောရင်းနဲ့ ဆရာကပဲ အမှတ်တမဲ့နဲ့ ခင်ဗျား စာအုပ်တွေ ဘာတွေ နောက်ထပ်မရေးဘူးလားလို့ မေးလိုက်တော့ သူက "I'm not a writter, I'm only a ceramic artist" လို့ ပြန်ပြောတယ်။ သူက ပန်းကန်ပြားပေါ်မှာ ပန်းချီဆွဲတဲ့အလုပ် လုပ်တကိုး။ သူ့ကို စာရေးဆရာလို့ ပြောတာ ခံကို မခံဘူး။ ကျွန်မ စာရေးဆရာ မဟုတ်ဘူးတဲ့။ စာအုပ် ရေးတာ ရေးလိုက်တာပဲ။ ဒါပေမဲ့ စာရေးဆရာ မဟုတ်ပါဘူးတဲ့။ သူတို့ဆီမှာ အဲဒီလို သဘောထားရှိတယ်"
" ဘယ်လို စာရေးဆရာမျိုးကိုမှ စာပေစိတ် ရှိတယ်လို့ သတ်မှတ်နိုင်မလဲ ဆရာ"
" စာပေစိတ်ရှိတယ် ဆိုတာက လူအများ၊ လူသားပေါ့ကွယ်။ အဲဒီလူသားနဲ့ လူ့လောကရဲ့ အကျိုးကိုပြုဖို့ အမြဲလိုလား တဲ့ စေတနာနဲ့ ရေးတဲ့သူ၊ ပြီးတော့ စာရေးတဲ့နေရာမှာ ကိုယ်ရေးတဲ့ ဘာသာစကားကိုပဲ လေးလေးနက်နက်၊ လေးလေးစားစား လေ့လာပြီး တတ်ကျွမ်းအောင် လုပ်ပြီးမှ ရေးတဲ့သူ၊ သူတစ်ပါး ရေးတဲ့ စာတွေကိုလည်း လေးလေးစားစား ဖတ်ရှုလေ့လာရမယ်။

တခြားနိုင်ငံတွေမှာက စာရေးတော့မယ်ဆိုရင် ၀ါကျမှန်အောင် ရေးတတ်ဖို့ကိုပဲ အရင်သင်သေးတယ်။ စာရေးတာ ကို အနုပညာအနေနဲ့ရော၊ အတတ်ပညာအနေနဲ့ပါ လေးလေးစားစား လုပ်ရမယ့် အလုပ်ပဲ။ ဒီလို လူမျိုးတွေက စာမရေးဘဲကို မနေနိုင်ဘူး။ ငွေကြေးရမှချည်း မဟုတ်ဘူး။ ရရင်လည်း ယူတယ်။ မရဘူးဆို လည်း စေတနာမပျက် ရေးတယ်။ ဒီလိုလူမျိုးကို စာပေစိတ်ရှိတဲ့လူလို့ ဆရာတေြာ့ဖင့် ခေါ်ချင် တာပဲ "
" ဆရာ့အတွေ့အကြုံအရ စာရေးဆရာ အပါအ၀င် အနုပညာသမားတွေဟာ မေတ္တာဝါဒီတွေလို့ ဆိုနိုင်ပါ သလား"
" ဆရာ့ အတွေ့အကြုံအရကတော့ တကယ့် အနုပညာသမားတွေဟာ သိမ်မွေ့ကြပါတယ်။ ဆိုရှယ်လစ် နိုင်ငံသွားသွား၊ ကွန်မြူနစ်နိုင်ငံသွားသွား၊ အရင်းရှင်နိုင်ငံပဲ သွားသွား စာရေးဆရာဟာ သူများထက်ပိုပြီး နူးညံ့သိမ်မွေ့တာချည်းပဲ တွေ့ရပါတယ်။ ပြီးတော့မှ မှန်သမျှကို ခင်တယ်။ ဆရာ အရှေ့ရော အနောက်ကပါ စာရေးဆရာတချို့နဲ့ တွေ့ဖူးပါတယ်။ သူတို့အနေနဲ့ ၀ါဒ ကွာချင်ရင်သာ ကွာမယ်။ မူအနေ နဲ့ ဝေဖန်ချင် ဝေဖန်မယ်။ လူကိုတော့ လူအနေနဲ့ခင်ကြတယ်။ ၀ါဒအရ လူတန်းစား ခွဲမြင်တာတော့ တခြားပေါ့။

ဒါကြောင့် အနုပညာသမားဟာ မေတ္တာဝါဒီလို့ ဆရာ ဆိုချင်ပါတယ်။
ငွေရရင်ပြီးရောဆိုပြီး ပရိသတ်ကို အညှီအဟောက်တွေ၊ အဆိပ်တွေ ပေးပြီး ရေးဆွဲသူကတော့ အနုပညာသမားလည်း အနုပညာသမားလည်းမဟုတ်ဘူး။ စာပေစိတ်ရှိတဲ့သူလည်း မဟုတ်ဘူး။ သူတို့မှာတော့ ဒါမျိုးကို Fictioneer လို့ခေါ်တယ်၊ Novelist လို့မခေါ်ဘူး၊ Best Sellet စာရင်းဝငတဲ့ သူတွေ တောင်မှ Novelist စာရင်းမ၀င်ဘူး။ သူတို့က ၀တ္ထုရေးပြီး ရောင်းစားတဲ့သူတွေ၊ "စာကုန်သည်"တွေပေါ့။ ဒီလို ပြောလို့ သူတို့ကလည်း မမှုပါဘူး။ ဟုတ်တယ်၊ ကျုပ်တို့က စီးပွားရေး အတွက် စာရေးတဲ့ သူတွေပဲလို့ပြောတယ်။ ပြောင်ပြောင်ပဲ။ "လုဒ်လင်" တို့လို ရောင်းရတွင်ကျယ်တဲ့ ၀တ္ထုတွေ ရေးတဲ့သူတွေက ဒီလိုပဲပြောတယ်"

" ကျေးဇူးတင်ပါတယ်ဆရာ၊ ကျွန်တော် ဖတ်လာခဲ့တဲ့အထဲမှာ ဆရာ ရေးခဲ့တဲ့ "အချစ်နဲ့ စိတ်ပညာ" ဆိုတဲ့ စာအုပ်လည်း ပါပါတယ်။ ဒီစာအုပ်ကတော့ ဒီနေ့ လူငယ် စာဖတ်ပရိသတ်နဲ့ တော်တော် အလှမ်းကွာနေလောက်ပါပြီ။ ဒါကြောင့် ဒီစာအုပ်ထဲက တချို့ အချက်အလက်တချို့ကို လူငယ် စာဖတ်ပရိသတ်ကိုယ်စား မေးမြန်းခွင့်ပြုပါ ဆရာ။
ဆရာက "အချစ်"နဲ့ "အကြိုက်" မတူဘူးလို့ ရှင်းပြထားဖူးပါတယ်။ အဲဒါကို ပြန်ပြောပြစေချင်ပါတယ် ဆရာ"
" အချစ်နဲ့ အကြိုက်က အပေါ်သယံနဲ့ အတွင်းသားလိုပဲ ကွာခြားပါတယ်။ အကြိုက်ဆိုတာက ကိုယ့်ရဲ့ လိုလားချက်၊ မျှော်လင့်ချက်၊ တောင့်တချက်နဲ့ ကိုက်ညီတာကို အကြိုက်ကျတယ်လို့ ဆိုတယ် မဟုတ်လား။ အင်္ဂလိပ်လို ပြောရရင်တော့ Love နဲ့ Like ကွာသလိုပေါ့။

ယောက်ျားကလေးတစ်ယောက်ကပဲ ဖြစ်ဖြစ်၊ မိန်းကလေးတစ်ယောက်ကပဲ ဖြစ်ဖြစ် ကြိုက်တယ်ဆိုတာ သူ့ အရည်အချင်း၊ သူ့ရုပ်ရည် စသဖြင့် နှစ်သက်တာကို ကြိုက်တယ်လို့ ပြောတာပဲ။ ကြိုက်တယ်ဆိုတာ အပေါ်ယံပဲ။ သမီးရည်းစား ဖြစ်ဖို့ရယ်လို့လည်း မဟုတ်ဘူး။ သူ့နေပုံထိုင်ပုံ ကြိုက်ချင်ကြိုက်မယ်၊ ပြောပုံဆိုပုံ ကြိုက်တာ ဖြစ်ချင်လည်း ဖြစ်မယ်။
ကြိုက်တယ်ဆိုတဲ့ စကားနဲ့ ပတ်သက်ပြီး ဆရာဥာဏက ဆောင်းပါးတစ်ပုဒ်မှာ ရေးဖူးတာ မှတ်မိနေသေး တယ်။ သူ့မိန်းမဟာ သူ့အကြိုက်မှာ ရှိတယ်တဲ့။ ဘယ်လိုလဲဆိုရင် စာရေးဆရာ မိန်းမ ပီသတယ်၊ ပိုက်ဆံရ လာရင် ယောက်ျားကို ဖွယ်ဖွယ်ရာရာ ချက်ပြုတ်ကျွေးတယ်။ သားသမီးတွေနဲ့ ပျော်ပျော် ရွှင်ရွှင်နေတတ် တယ်။ ပိုက်ဆံ ရမလာတဲ့နေ့တွေကျတော့လည်း ယောက်ျားကို ဆူဆူပူပူ မလုပ်ဘူး။ ရေသောက် ဗိုက်မှောက် အိပ်နေတတ်တယ်။ ဒီလို စာရေးဆရာ ဇနီး ပီသမှုကြောင့် သူ့ဇနီးကို သူက ကြိုက်တယ်တဲ့။ ချစ်တယ် လို့တော့ မပြောဘူးနော်။

ချစ်တယ် ဆိုတာကတော့ စိတ်ထဲကကို ဖြစ်ပေါ်လာတာ။ စိတ်ပညာ ဆရာကြီးတစ်ယောက်က ပြောဖူးတယ်။ သူတို့နှစ်ယောက်ဟာတဲ့ ခွဲလို့လည်းမရ၊ ဘယ်လိုပဲ တားတား ဒုက္ခတွေ ကျော်လွှားပြီး အတူ တူနေချင်ကြတယ်။ တစ်ယောက်အတွက် တစ်ယောက်က ဘယ်လောက် အနစ်နာခံရဦးတော့ မမှုဘူး။ အဲဒါ ... အချစ် ဆိုတာများလားလို့ မပြောတတ်ဘူးလို့ ဆိုဖူးတယ်။ ချစ်တယ် ဆိုတာမှာ မေတ္တာဆိုတဲ့ သဘော အများကြီးပါတယ်။ အများကို ဖြန့်ဝေတဲ့ မေတ္တာမျိုးပဲ။ ဒါပေမဲ့ တစ်ဦး တစ်ယောက်တည်းဆီမှာ ပိုပြီး စုပြီး သက်ဝင်နေတာ ဖြစ်တယ်။
အချစ် အတွက် အသက်စွန့်သွားတာတွေရှိတယ်။ အချစ်အတွက် အနစ်နာခံသွားကြတယ်။ အချစ်အတွက် ကိုယ်က လက်လွှတ်လိုက်ပြီး အနစ်နာခံသွားကြတာတွေရှိတယ်။ ဒါကြောင့် အချစ်ဆိုတာ အဓိပ္ပာယ်ဖော်ရ ခက်တဲ့ စကားပါ"

" မေတ္တာစကားဆိုမယ် ဆိုတဲ့ ဆောင်းပါးမှာ တစ်ဖက်သတ် အချစ်ဟာ သူချစ်ကိုယ်ချစ်ထက် အချစ် ပိုပြီးပီသတယ်လို့ ဆိုထားပါတယ်။ ရှင်းပြစေချင်ပါတယ် ဆရာ "
" အချစ်ပိုပြီး ပီသတယ်၊ မပီသဘူးဆိုတာကတော့ ပြောရခက်ပါတယ်။ သို့ပေမဲ့ စိတ်စေတသိက်အရ ချစ်တယ် ဆိုတာက ချစ်တဲ့သူဆီမှာ ပေါ်တာ၊ အချစ်ခံရတဲ့သူက သိချင်မှတောင် သိမယ်။ တချို့ဆိုရင် မသိ လိုက်ဘူး၊ ချစ်တဲ့သူကသာ ချစ်ကန်ရစ်တာ အဲဒါမျိုးတွေရှိတယ်။

နှစ်ယောက် အပြန်အလှန် ချစ်တာ မရှိဘူးလားဆိုတော့ ရှိတော့ရှိပါတယ်။ သို့ပေမဲ့ လူမှာ မာနရှိတယ်။ ငါက တော့ ချစ်လိုက်ရတာ၊ သူကတော့ ငါ ချစ်သလောက် မချစ်ဘူးဆိုတဲ့ ဟာလေးတွေ အတိုက်အခံ စိတ်၊ အပြိုင်စိတ်တွေ ၀င်လာတယ်။ ပဋိပက္ခဖြစ်လာတယ်။ လင်မယား နှစ်ယောက် ချစ်တာပဲ။ ချစ်တော့ အချစ် ချင်းပြိုင်လာကြတယ်။ ဒါ သဘာဝကို ပြောတာ။ ဒါမျိုးတွေ ၀တ္ထုတွေထဲမှာလည်း မင်းတို့ အများကြီး ဖတ်ဖူး မှာပါ။ ဒီလို အချစ်ပြိုင်တဲ့အခါမှာ ပဋိပက္ခ၀င်လာတယ်။ ပဋိပက္ခတိုင်းဟာ တိုးတက်မှုကို မဖြစ်စေနိုင်ဘူး။ တစ်ခါတလေမှာ ၀ုန်းဒိုင်းဝုန်းဒိုင်းတွေ ဖြစ်စေနိုင်တယ်ကွဲ့၊ ဟုတ်လား။

တစ်ခါတုန်းက ပြောင်းထားတဲ့ ၀တ္ထုလေးတစ်ပုဒ် ရှိတယ်။ ဆရာတောင် ဘာသာပြန်ထားပါသေးတယ်။ ၀တ္ထုနာမည်တော့ ဆရာ မမှန်မိတော့ဘူး။ "ချစ်လှချည်လား ဟရို့" လို့ ဆရာက ခေါင်းစဉ်တပ်လိုက်တယ်။ လင်မယားနှစ်ယောက် တစ်ယောက်နဲ့ တစ်ယောက် အချစ်ချင်း ပြိုင်ရာကနေ ၀ုန်းဒိုင်းဝုန်းဒိုင်း ထသတ်ကြ တာလေးပါ။ အဲဒီဝတ္ထုလေးကို ရေဒီယို (မြန်မာ့အသံ)မှာ ထည့်ဖူးတယ်။ ကြာတော့ ကြာပြီ"
" မြန်မာ စာရေးဆရာတွေဟာ အသက် ငယ်ရွယ်စဉ်မှာ အချစ်ဝတ္ထု၊ အချစ်ကဗျာတွေ ရေးခဲ့ကြပြီး အသက်ကြီးလာတော့ ရေးရမှာ လက်ရှက်လို့ မရေးကြတော့ပါဘူး။ အနောက်တိုင်းက စာရေးဆရာကြီး တွေ ကတော့ အသက်အရွယ် ကြီးလာချိန်မှာ အတွေ့အကြုံ ပြည့်ဝလာတဲ့အတွက် အချစ်ဝတ္ထုတွေ ပိုပြီး ပီပီပြင် ပြင် ရေးနိုင်လာကြတယ်လို့ သိရပါတယ် ဆရာ။ ဘာကြောင့် ဒီလို ကွာခြားတာပါလဲ၊ ဆရာ့အမြင် သိပါရစေ"

" လူတွေဟာ အချစ်ဆိုတဲ့ ဝေါဟာရကို အမှတ်တမဲ့ သဘောထားပြီး အလွဲသုံးစားနေကြတယ်။ အချစ်ဆိုတာ ကာမရာဂကိစ္စကိုချည်း ဆိုလိုတာ မဟုတ်ဘူး။ အချစ်ရဲ့ အဓိပ္ပာယ်ရင်းကတော့ "တွယ်တာ ခြင်း"ပဲ။ သံယောဇဉ်ပဲ။ အခုတင်ပဲ ပြောခဲ့ပြီလေ။ အချစ်အတွက် ကိုယ်ကျိုးမငဲ့ဘဲ အနစ်နာခံတာမျိုးတွေ အများကြီးရှိတယ်။ ပုထုဇဉ်လူသားတွေဟာ အချစ်နဲ့ မကင်းကြဘူး။ အရိယာ မဖြစ်သေးသမျှ တွယ်တာမှု ရှိနေဦးမှာပဲ။ အဲဒီတွယ်တာမှုဆိုတာ "သမုဒယ"ပဲ။ အခြေခံသစ္စာတရား တစ်ပါးပဲ။ ဒီအကြောင်းကို စာရေး ဆရာတွေ အရွယ်မရွေး ရေးသင့်တယ်။ ဘ၀အတွေ့အကြုံများပြီး အတွေးအခေါ် ကျယ်ပြန့်ရင့်ကျက်တဲ့ စာရေးဆရာတွေ ရေးရင် အချစ်ရဲ့ အဓိပ္ပာယ် ပိုပြီးလေးနက်မယ်။ အဲဒါကိုမှ ရေးရမှာ ကလောင် ရှက်တယ် ဆိုတာကတော့ မဟုတ်သေးပါဘူး။

မရေးချင်လို့ မရေးတာက တခြားပဲ"
" ကျေးဇူးတင်ပါတယ် ဆရ။ ဆရာနဲ့ ကြုံကြိုက်တုန်းမှာ ဘာသာပြန်ကိစ္စလေးတွေ ကျွန်တော် မေးချင်ပါ တယ်။ ဆရာ့အနေနဲပဆိုရင် ဆရာ့ စာပေသက်တမ်းတစ်လျှောက်လုံးမှာ ဘာသာပြန်တွေ ရေးခဲ့တာ တော် တော်များခဲ့တာပဲ။ ဒီလိုပါ ဆရာ ...
ဒီနေ့ စာပေဈေးကွက်မှာ ပင်ကိုရေးတွေထက် ဘာသာပြန်စာအုပ်တွေက ပိုပြီး နေရာရနေပါတယ်။ ပရိ သတ် ကလည်း တော်တော်လေး အားပေးကြပါတယ်။ ဒါပေမဲ့ တချို့ တချို့သော ဘာသာပြန် ဆရာတွေဟာ (အားလုံးကို ကျွန်တော် မဆိုလိုပါဘူး) ဘာသာပြန်တဲ့ နေရာမှာ မူရင်းအတိုင်း ဘာသာပြန် ရင် စာအုပ်ထူ သွားမှာ စိုးရိမ်ပြီးတော့ (ဒါ ကျွန်တော့်အထင်ပြောတာပါဆရာ) မူရင်းအတိုင်း ဘာသာ မပြန်ဘဲ အကျဉ်းချုံး ဘာသာပြန်ကြတာ တွေ့ရပါတယ်။ တချို့ကလည်း လိုတိုးပိုလျှော့ ကိုယ့်အာဘော် တွေ ဖြည့်ကြတယ်။ ဒီလို ဘာသာပြန်တွေနဲ့ ပတ်သက်ပြီး ဆရာ ဘယ်လို မြင်ပါသလဲ"

" ဘာသာပြန်တဲ့ အလုပ်ဟာ ပင်ကိုရေးတာထက် ခက်တယ်။ ဘာဖြစ်လို့လဲဆိုတော့ ဘာသာပြန်သူက ဘာသာ စကားနှစ်ခုကို ကူးပြောင်းပေးရတာကိုး။ တချို့ ပညာရှင်တွေက ဘာသာပြန်အတတ်ပညာ ဆိုတာ ဟာမဖြစ်နိုင်တဲ့ အလုပ်တစ်ခုလို့တောင် ဆိုကြတယ်။ ဘာသာပြန်သမားက မူရင်းအာဘော်ကို ပျက်သွား အောင် လုပ်ရင် မူရင်းစာရေးဆရာကို စော်ကားရာကျတယ်။ တစ်ခါ ... ကိုယ့်ရဲ့ဘာဘော် ထည့်ဖို့ ဆိုတာက လုံးဝ မလုပ်သင့်တဲ့ ကိစ္စပါ။

မူရင်း အာဘော်ကို မပျက်အောင် ဘာသာပြန်နိုင်ဖို့ဆိုတာ ကိုယ့်မှာ ကိုယ်ခံအားကောင်းဖို့ လိုတယ်။ ဥပမာ ... အင်္ဂလိပ်ကနေ မြန်မာလို ပြန်မယ်ဆိုရင် နှစ်ဘာသာစလုံး ကောင်းကောင်းတတ်ရမယ်။ ပြီးတော့ အင်္ဂလိပ်ရဲ့ ယဉ်ကျေးမှုနောက်ခံအကြောင်း သိရမယ်။ မြန်မာလိုလည်း ပိုင်ပိုင်နိုင်နိုင် ရေးတတ်ရမယ်။ ဘာသာစကား အနေနဲ့ မြန်မာစကားကို ပိုင်ရမယ်။ ဘာဖြစ်လို့လဲဆိုတော့ ဟိုဘာသာစကားကို ကိုယ်က မြန်မာမှု ပြုရမှာကိုး။ အဲဒီလိုပြုတဲ့ အကူးအပြောင်းမှာ သယ်ရင်း သယ်ရင်းနဲ့ လက်ကြားက ယိုကျသလို အများကြီး လျော့သွားနိုင်တယ်။ မယိုရအောင် အကွက်စေ့အောင် သယ်နိုင်ဖို့ဆိုတာ အင်မတန် ခဲယဉ်းပါ တယ်။ ဟိုဘက်ကဟာကို ဒီဘက် ကူးပြောင်းရာမှာ အဓိပ္ပာယ် လျော့နည်းသွားရင် ဒါဘာသာပြန်သမားရဲ့ အားနည်းချက် ပဲ။ သူ တာဝန်မကျေပွန်ဘူးပေါ့။

ဆရာပွင့်ပွင့်လင်းလင်း ပြောရရင် အခု ဘာသာပြန်စာအုပ်တွေက ပေါ်ပင်တွေများပါတယ်။ ဆရာ မြင်ချင် တာကတော့ ကမ္ဘာ့ဂန္ထ၀င်စာအုပ်ကြီးတွေရှိပါတယ်။ ဒါတွေကို ဘာသာပြန်ကြစေချင်တယ်။ ဒါတွေကို ဘာသာပြန်ရင်ကော စာဖတ်ပရိသတ်က ဖတ်မလား။ ခုနက မောင်ရင် ပြောတဲ့ စာဖတ်ပရိသတ်က အားပေး တယ်ဆိုတာ ပြန်စိစစ်ဖို့ လိုလိမ့်မယ်။ သူတို့ အားပေးနေကြတာတွေက ပေါ်ပင်တွေပဲ။ ဒါတွေက ခဏပါပဲ။ မကြာခင် ပျောက်သွားတဲ့ ကိစ္စတွေပဲ။ ဂန္ထ၀င်စာအုပ်တွေ ဆိုတာက အမြဲတမ်း ကျန်ရစ်မယ့် စာအုပ် တွေ။ ဒါတွေကို ပြန်ကြည့်ပါ။ ဒါတွေကို ၀ယ်ကြတယ်ဆိုမှ အားပေးတယ်လို့ ဆိုနိုင်ပေမယ်။

ဆရာလည်း ဘာသာပြန်နဲ့ ပတ်သက်လို့ တစ်သက်လုံး လုပ်လာခဲ့တာပဲ။ ဖြစ်စေချင်တယ်။ ကမ္ဘာ့ဂန္ထ၀င် စာပေတွေ ပြန်ကြစေချင်တယ်။ လုပ်နိုင်တဲ့သူတွေလည်း ရှိပါတယ်။ အခု ဘာသာပြန်ကြတဲ့သူတချို့က မြန်မာစာ ကိုလည်း ကျွမ်းကျွမ်းကျင်ကျင် မတတ်ဘူး။ အင်္ဂလိပ်စာကိုလည်း လုံးဝနီးပါး မတတ်တဲ့သူတွေရှိ တယ်။ ဒါ ဆရာရှင်းရှင်းပြောတာ။ စိတ်မဆိုးကြနဲပ။ အာဃာတနဲ့ ပြောတာ မဟုတ်ပါဘူး။ ဒါကြောင့် ဒီနေ့ စာဖတ် ပရိသတ်ဖတ်နေကြတယ် ဆိုတာ ပေါ်ပင်အကြောင်းကလေးတွေကြောင့် ဖတ်ကြတာပါ။ ဘာသာပြန် ကြောင့်တော့ မဟုတ်ဘူး။ ဟိုက "ဘက်စ်ဆဲလာ"မို့ ဒီမှာ ရောင်းရတာ။

ဒါမျိုးကို ဆရာ တန်ဖိုး အတည်အမြဲ မရှိဘဲ ခဏနဲ့ ပျောက်သွားမယ့် ဘာသာပြန်တွေကိုတော့ အားမပေး ချင် ဘူး။ တိုးတက်တဲ့ နိုင်ငံတွေမှာ (ဆိုပါတော့ ဂျပန်) အဲဒီမှာ ရှိတ်စပီးယား၊ ဘားနဒ်ရှော၊ တော်လ်စတွိုင်း စတဲ့ ကမ္ဘာကျော် စာရေးဆရာကြီးတွေကို အင်္ဂလိပ်စာ မတတ်တဲ့ ဂျပန်တွေတောင်မှ သိကြတယ်။ တို့ဆီမှာ ဘယ်လောက် သိသလဲ။ ရှိတ်စပီးယားဆိုတာ ဘယ်သူလဲဆိုတာ ဘွဲ့ရပြီးတဲ့ သူတွေ အားလုံးက သိကြရဲ့လား။
သူတို့ဆီမှာက ဒီလို ဂန္ထ၀င်တွေကို ပညာရဲ့ ထုထည်အောက်ခံအနေနဲ့ ထားတယ်။ ပေါ်ပင်တွေက ခဏပဲ၊ ပျောက်သွားမှာပဲ။ ဒါကြောင့် ဂန္ထ၀င်စာပေတွေကို ဘာသာပြန်ကြပါ။ စာဖတ်ပရိသတ်ကလည်း အားပေး စေချင် ပါတယ်"

" သူတို့ မဂ္ဂဇင်းတွေမှာ ပါတဲ့ အင်တာဗျူးတွေနဲ့ ကျွန်တော်တို့ဆီက အင်တာဗျူးတွေ ဘယ်လို ကွာခြားပါ သလဲဆရာ"
" ပင်ကို သဘာဝချင်းကလည်း မတူ၊ အကြောင်းအရာချင်းကလည်း မတူတော့ ကွာခြားကြတာပေါ့။ ဥပမာ-အခု မောင်ရင် အင်တာဗျူးလုပ်သလို စာရေးဆရာကို အင်တာဗျူးလုပ်တယ် ဆိုပါတော့။ သူတို့ဆီမှာ မေးတာက "ခင်ဗျား ဟိုစာအုပ်ကို ရေးတယ်၊ အဲဒီအထဲမှာ ဘယ်ဇာတ်ကောင်ကိုဖြင့် ဘယ်စရိုက် နဲ့ဘာ ကြောင့် ဖန်တီးတာလဲ" စသဖြင့် မေးကြတယ်။ ဖြေတဲ့သူက သူ့ဇာတ်ကောင်ကို ဘာကြောင့် ဖန်တီးတယ်၊ ဘယ်သဘောတရားကို ကိုယ်စားပြုတယ်၊ အဲဒါမျိုးတွေရှိတယ်။ ဆိုပါတော့ နှိုက်နှိုက်နှဲနှဲ ရှိတယ်ပေါ့။ တို့ဆီ မှာတော့ နုသေးတာကိုး။

ဒီလို အင်တာဗျူးတွေ လုပ်ဖို့ မဂ္ဂဇင်းတွေကို ဆရာ အကြံပေးတာ ကြာပါပြီ။ ဘယ်သူကမှ စိတ်မ၀င်စားခဲ့ကြ ဘူး။ အခု ပေဖူးလွှာက ဒီကဏ္ဍလုပ်လာတာ ကျေးဇူးတင်ပါတယ်။ သူတို့ဆီမှာ လုပ်တာတွေ မောင်ရင် သိအောင် ဆရာပြမယ်။ ဟောဒီ Paris Review ဆိုတာ သူတို့ဆီမှာ စာပေအဆင့် အတော်မြင့်တဲ့ မဂ္ဂဇင်းပဲ။ ပဲရစ်ရီဗျူး ဆိုပေမယ့် အမေရိကမှာ ထုတ်တာပါ။ သူက စာပေအနုပညာနဲ့ ပတ်သက်ပြီး တော်တော် အဆင့် မြင့်တယ်။ ပန်းချီ၊ ပန်းပု၊ စာပေနဲ့ ပတ်သက်တာတွေပေါ့။ အဲဒီမှာ အပတ်တိုင်း အင်တာဗျူးတစ်ခုပါတယ်။ အထူးသဖြင့်တော့ စာရေးဆရာ အင်တာဗျူးပါတယ်။
အဲဒီလို အပတ်တိုင်း ပါပြီးရင် အင်တာဗျူးတွေကို ပေါင်းပြီး စာအုပ်ထုတ်တယ်။ ဆရာတို့ဆီမှာလည်း အဲဒီလို ပေါင်းထုတ်တာမျိုး ရှိသင့်တယ်။ ဘာဖြစ်လို့လဲဆိုတော့ ဆရာကို မောင်ရင်တို့တစ်တွေ မရှိတော့တဲ့ နောက် တစ်ခေတ်မှာ စာပေ သုတေသနသမားတွေအတွက် အသုံးဝင်နိုင်တယ်။ မြန်မာပြည်ရဲ့ စာရေးဆရာ တွေ အကြောင်း၊ စာရေးဆရာတွေရဲ့ အထင်အမြင် အယူအဆတွေကို တစ်စုတစ်ပေါင်း တည်း တွေ့နိုင်မယ်။ တို့ခေတ် စာပေရဲ့ အခြေအနေကို သုံးခွင့်ရကြမယ်။ ဒါဟာ အများကြီး လိုအပ်တဲ့ အချက်ပဲလို့ ဆရာ ထင် တယ်။

စာရေးဆရာတွေဟာ စာသာ ရေးနေကြတာ၊ သူတို့ရဲ့ ထင်မြင်ယူဆချက်ကို ပြောဖို့ အခါအခွင့်ကြုံခဲတယ်။ စာပေဟောပြောပွဲမှာ ပြောတာက ခဏပဲ။ ဒီလို ပုံနှိပ်ထားတာက ကာလကြာရှည်ခံမယ်။ အယူအဆတွေ ပြောနိုင်ဖို့အတွက် အင်တာဗျူးဟာ အကောင်းဆုံး အခွင့်အလမ်းပါပဲ။ အခု မောင်ရင် မေးသလို ဆစ်ဆစ်ပြီး မေးလိုက်တော့ အယူအဆ တော်တော်များများ ထွက်လာနိုင်တာပေါ့"
" ကျေးဇူးတင်ပါတယ် ဆရာ။ ဆရာနဲ့ ဆွေးနွေးရမယ်ဆိုရင် နောက်ထပ် ဆွေးနွေးချင်တာလေးတွေ ရှိပါ သေးတယ်။ ဆရာ အမိန့်ရှိသလို စာရေးဆရာများနဲ့ တွေ့ဆုံခန်းကို စုပြီး တစ်ပေါင်းတစ်စည်းတည်း စာအုပ် ထုတ်ဖို့ ပေဖူးလွှာမှာ အစီအစဉ် ရှိနေပါတယ်။ ဒါပေမဲ့ ကျွန်တော်တို့မှာကလည်း အခန်းကဏ္ဍတွေ များတော့ နေရာ ကန့်သတ်ချက်ကလေးတွေ ရှိနေလို့ ဒါလောက်နဲ့ပဲ ကျွန်တော် ကျေနပ်လိုက်ပါဦးမယ်။ ဒီကဏ္ဍမှာ ပါဝင်ကူညီပေးတဲ့အတွက်နဲ့ ဆရာ့အယူအဆတွေကို မှတ်တမ်းတင် ဂါရ၀ပြုခွင့်ရတဲ့အတွက် ကျေးဇူးတင်ပါ တယ်ဆရာ "

ပေဖူးလွှာမဂ္ဂဇင်စး၊ အမှတ်-၃၉၊ သြဂုတ်လ၊ ၁၉၈၄ ခုနှစ်။

ဆက်ရန်

Credit:shwezinu.blogspot.com