ဝင်းငြိမ်း နှင့် စာရေးဆရာများ အပိုင်း (၃၅)

ဝင်းငြိမ်း နှင့် စာရေးဆရာများ အပိုင်း (၃၅)

      ( အဲဒီလို ရုန်းကန်နေရင်း တစ်ခါတော့ လာတာပြင်မှာ ခုန်တက် ပေါက်တတ်တဲ့ ငါးပျံနဲ့ အဆက်မပြတ် အော်တတ်တဲ့ ဘုတ်ငှက်ကို သတိရလာတယ်။ ငါးပျံနဲ့ ဘုတ်ငှက်တို့က ဘယ်သူ့ကိုမှ ဂရုမစိုက်ဘူး။ သူတို့အစွမ်းကိုသာ သူတို့ပြပြီး ငါတကော ကောနေကြဟန် ဖွဲ့လိုက်ရင် "သူ့ကိုယ်သူလျှင်၊ ဘာထင်လေ မသိ" ဆိုတဲ့ အတွေး ထင်ပေါ်လာမယ်လို့ ယူဆပြီး အဲဒီအတိုင်း ဖွဲ့ဖို့ ဆရာ ဆုံးဖြတ်လိုက်ပါတယ်။ ဒါပေမဲ့ ဆရာ့စိတ်ထဲမှာ အားမရ သလိုလို ဖြစ်နေသေးတယ်။ ကိုယ့်အစွမ်းကိုသာ ကိုယ်ပြနေကြတဲ့ ငါးပျံနဲ့ ဘုတ်ငှက်တို့ကို ဖွဲ့လိုက်ရုံနဲ့ ဆရာ့အတွေးဟာ ထင်ပေါ်လာကောင်းပါတယ်။ ဒါပေမဲ့ ကြွတက်လာအောင် ပြုနိုင်ဦးမှ ကောင်းမယ်။ တစ်ခုခုနဲ့ အားဖြည့်ပေးစရာ လိုနေသေးတယ်လို့ အထင်ရောက်လာတယ်။ လတာပြင်မှာ ငါးပျံ ဆော့ချင်တိုင်း ဆော့နေတာကို မြင်ကြည့်တယ်။ ဘုတ်ငှက် ဆူချင်တိုင်း ဆူနေတာကို ကြားကြည့်တယ်။ မျက်စိရှုပ်လာတယ်။ နားငြီးလာတယ်။ အဲဒီအခါမှာ ဆရာ ကြည်နူးခဲ့ဖူးတဲ့ ညနေ နေစောင်းချိန် နေလုံးနီနီ ကို သတိရလာတယ်။) ကို ဆက်ဖတ်ရန်...

နေနီနီ ရှုခင်းဟာ မမှိန့်တမှိန်လည်း ဖြစ်တယ်။ ငြိမ်လည်း ငြိမ်တယ်။ အနီရောင်သန်းနေတဲ့ တိမ်တွေနဲ့ လှလည်း လှတယ်။ သူ့ကို နောက်ခံကားအဖြစ် ထည့်လိုက်ရင် ဆော့ချင်တိုင်း ဆော့နေပုံ၊ ဆူချင်တိုင်း ဆူနေပုံတို့ဟာ ကြွတက်လာနိုင်စရာ အကြောင်းရှိတယ်။ 

နေလုံးနီနီဟာ ကြည်နူးစရာ ဖြစ်သင့်တယ်။ ကြည် နူးစရာ နောက်ခံမှာ ငါးပျံနဲ့ ဘုတ်ငှက်တို့ရဲ့ အမူအရာများဟာ မေးငေါ့စရာ ဖြစ်သင့်တယ်။ ဆရာ အဲဒီလို ယူဆပြီး ယူဆတဲ့အတိုင်း ဆုံးဖြတ် လိုက်ပြန်တယ်။ ဒီတော့မှ ဆရာ့ စိတ်ရုန်းကန်မှုဟာ ငြိမ်သလိုလို ဖြစ်လာပြီး ထွက်ပေါက်ရသလို ဖြစ်လာ တယ်။

အဲဒီအခါကျမှပဲ ရေးဖို့ အားထုတ်ပါတော့တယ်။ ရေးဖို့ အားထုတ်တဲ့အခါမှာ ရုန်းကန်မှု အသစ်ကို တွေ့ရ ပြန်တယ်။ ဒါပေမဲ့ အဲဒီရုန်းကန်မှုက အတွေးရုန်းကန်မှု မဟုတ်၊ ပုံပေါ်အောင် ဖော်ရတဲ့ အရေး ရုန်းကန်မှု သာ ဖြစ်ပါတယ်။
ပထမဦးဆုံး ပုံကြမ်းလောင်းလိုက်တယ်။ ရပြီ။ ဒါပေမဲ့ အချောမကိုင်ရသေးခင်မှာဘဲ ကိုယ့်စာကို ကိုယ် သဘောမကျနိုင်သလိုလို ဖြစ်လာတယ်။ ပုံကြမ်းကို သဘောမကျတာ မဟုတ်ဘူး။

ပုံကြမ်းကို အချောကိုင် လိုက်ရင် ချောလာမှာ သေချာတယ်။ ကိုယ့်အတွေးကိုကိုယ် သဘောမကျ နေခြင်းသာ ဖြစ်ပါတယ်။ " သူ့ကိုယ်သူလျှင်၊ ဘာထင်လေမသိ" သူတစ်ပါးကိုသာ ငါက ကဲ့ရဲ့နေခြင်းသည် မှန်နိုင် ပါ့မလား၊ သင့်နိုင် ပါ့မလား။ ဆရာတွေဝေပြီး ဖြစ်ခဲ့ရတယ်။ ဒါကြောင့် အချော မကိုင်သေးဘဲ ဆိုင်းထား လိုက်ရတယ်။

အရေး ကိုသာ ဆိုင်းထားလိုက်ရတယ်။ အတွေး ကတော့ တဒိုင်းဒိုင်း မြည်လာတယ်။ အရင်က ထွက်ပေါက် က ထွက်လာနိုင်ခဲ့တဲ့ ဆရာဟာ အတွေးနယ်ထဲကို ပြန်ဝင်လာတယ်။ ၀င်လည်း ၀င်ခဲ့တယ်။ သွားရင်း၊ လာ ရင်း၊ လုပ်ရင်း၊ ကိုင်ရင်း အခွင့်ရတိုင်း ၀င်ခဲ့တယ်။ ၀င်တိုင်း ၀င်တိုင်းမှာ သူတစ်ပါး ငါတကော ကောနေတာကို ငါက ကဲ့ရဲ့နေသည်မှာ မှန်ပါရဲ့လား။ သင့်ပါရဲ့လား။ ဆရာ့စိတ် ရုန်းကန် နေရတယ်။ နှစ်ရက်လောက် ရုန်းကန်နေခဲ့ပါတယ်။ နှစ်ရက်အကြာမှာ "သူတစ်ပါးကိုသာ ငါက ကဲ့ရဲ့ချင် ရသည်မှာ ငါက ငါ့ကိုယ်ငါ ဘာထင်နေလို့လဲ " ဆိုတဲ့ အမြင်ကိုရလာတယ်။ ဆရာ ၀မ်းသာလို့ မဆုံး တော့ဘူး။

ဝမ်းသာခြင်း ဖြစ်လိုက်တာက တခြားကြောင့် မဟုတ်ပါဘူး။ ဒီအမြင်ဟာ စိတ်မောစရာတစ်မျိုး ပါလားလို့ ငိုအားထက် ရယ်အားသန်လိုက်မိတာကြောင့် ဖြစ်ပါတယ်။ ဟုတ်တယ်။ ငါ့အမြင်မှန်လာပြီ၊ သင့်လာပြီလို့ ဆုံးဖြတ် လိုက်ပြန်တယ်။ ထွက်ပေါက် ရလိုက်ပြန်တယ်။ အဲဒီကစပြီး ရေးလက်စ ပုံကြမ်းကို ဆက်ကိုင် နိုင်လို့ နောက်ဆုံးမှာ သေချာစိတ်တိုင်းကျ ရလာပါတယ်။ ဒီလိုနဲ့ ကမ္ဘာ့သတင်း ဗမာ့သတင်းတို့ကြောင့် ဆရာ တစ်ဦးတည်းမှာသာ ဖြစ်ပေါ်ခဲ့တဲ့ စိတ်မောခြင်း၊ စိတ်လှုပ်ရှားခြင်းတရားဟာ လှုပ်ရင်းရှားရင်း ရုန်းရင်းကန် ရင်း ပွားများလာပြီး စိတ်ကူးဥာဏ်ဘ၀ကို ရလာတယ်လို့ ထင်ပါတယ်။

အဲဒီ စိတ်ကူးဥာဏ်ကပဲ ကျူရိုးရှင် မျှော်ငေးနေပုံကိုလည်းကောင်း၊ အဲဒီအခါ လတာပြင်မှာ ငါးပျံကလည်း ကျွမ်း ကိုချည်း ပစ်ပြနေပုံကို လည်း ကောင်း၊ ဘုတ်မကလည်း အလွမ်းကိုချလို့ ဟစ်ပြနေပုံကို လည်းကောင်း၊ အဲဒီအခါ ကျူရိုးရှင်ဟာ မကြည် နူးနိုင်တဲ့အတွက် ငါးပျံနဲ့ ဘုတ်မတို့ကို ကဲ့ရဲ့လိုက်ပုံကို လည်းကောင်း၊ အဲဒီအခါ ဗေဒါက ကျူရိုးရှင်ကို ဝေဖန်လိုက်ရုံကိုလည်းကောင်း ဖန်တီးပြီး ဇာတ်လမ်း ဆင်နိုင်ခဲ့တယ်လို့ ထင်ပါတယ်။ ဒါက "နေလုံးရယ်နီ" အစချီတဲ့ ဗေဒါလမ်းကဗျာအတွက် ဆရာ့စိတ်ကူးမှာ စိတ်ကူးဥာဏ် ၀င်လာပုံကို ပြောပြတာ ဖြစ်ပါတယ်။

ဒီလို ပြောပြလိုက်တာက ကိုဝင်းငြိမ်း မေးတဲ့ ကဗျာတစ်ပုဒ်နဲ့ဆိုင်တဲ့ စိတ်ကူးဥာဏ် ဖြစ်ပေါ် လာပုံအကြောင်း သက်သက်သာ ဖြစ်ပါတယ်။ စိတ်ကူးဥာဏ် ၀င်လာပုံမှာ စာရေးဆရာ တစ်ဦးနဲ့ တစ်ဦး တူချင်မှ တူပေလိမ့် မယ်။ စာရေးဆရာ တစ်ဦးတည်းမှာတောင် စာတစ်ပုဒ်နဲ့ တစ်ပုဒ် စိတ်ကူးဥာဏ် ၀င်လာပုံ တူချင်မှ တူလိမ့် မယ်။ အခု ဆရာ ရခဲ့တဲ့ စိတ်ကူးဥာဏ် ၀င်လာပုံကို ဆင်ခြင်ကြည့်ရင်

(၁) အာရုံတစ်ခုကို မြင်ရ ကြားရ သိရလျှင်သော် လည်းကောင်း၊ အရေးကိစ္စတစ်ခုခုနဲ့ ကြုံရလျှင် သော်လည်းကောင်း၊ ခံစားမှုတရား တစ်ခုခု ဖြစ်ပေါ်လာတတ်တာကို သိသာပါတယ်။

(၂) ခံစားမှုတရား ဖြစ်ပေါ်လာရင် စိတ်ချမ်းသာသော ခံစားမှုကြောင့် သော်လည်းကောင်း၊ စိတ်ဆင်းရဲ သော ခံစားမှုကြောင့်သော်လည်းကောင်း ၀မ်းမြောက်ခြင်း၊ ၀မ်းနည်းခြင်း၊ နှစ်သက်ခြင်း၊ ကရုဏာ ဖြစ်ခြင်း၊ စက်ဆုပ်ခြင်း၊ အားတက်ခြင်း၊ စိုးရိမ်ခြင်း၊ အံ့သြခြင်း၊ ငြိမ်းချမ်းခြင်း စတဲ့ စိတ်လှုပ်ရှားမှု တစ်ခုခု ဟာ အကြောင်းအားလျော်စွာ ပေါ်လာတတ်တာ သိသာလှပါတယ်။

 (၃) စိတ်လှုပ်ရှားမှု တရား ပေါ်လာတာနဲ့ တစ်ပြိုင်နက် စိတ်ကူးဥာဏ်ရှိတဲ့ စာရေးဆရာရဲ့ စိတ်မှာ ဘ၀အသိ တစ်ခုခု ရလာသလိုလို ဖြစ်တယ်လို့ ထင်ပါတယ်။

(၄) အဲဒီအခါမျိုးမှာ စာရေးဆရာရဲ့ စိတ်မှာ နောက်ထပ် လှုပ်ရှားလာတတ်သေးသည်မှာ အရင်က မမှတ်မိဘူး လိုလိုနဲ့ မှတ်မိနေတတ်တဲ့ ဒါမှ မဟုတ် မှတ်ဥာဏ် တစ်နေရာရာမှာ ခိုနေ အောင်းနေ၊ ငုပ်နေတတ် တဲ့ ရုပ်ဆင်းသဏ္ဍာန် အသံ အဖြစ်အပျက် တို့ဟာ သဘာဝစိတ်ကို မှီပြီး ၀ိုးတ၀ါး ပေါ်လာ တတ်ကြတယ်။

(၅) အဲဒီနောက် စာရေးဆရာရှဲ့စိတ်မှာာ အဲဒီအသိတရားတို့ဟာ သဘာဝစိတ်ရဲ့ အင်အားကောင်း သလောက် ပွားများလာပြီး ပုံသစ် အသွင်သစ်ကို ရယူဖို့ ရုန်းကန်တတ်ကြတယ်လို့ ထင်ပါတယ် "

" ကျေးဇူးတင်ပါတယ် ဆရာကြီး၊ ပြည့်ပြည့်စုံစုံနဲ့ ပြောပြသွားတဲ့အတွက် ကဗျာဝါသနာရှင်တွေအတွက် အထောက်အကူရပါလိမ့်မယ်။ ဆရာကြီး မင်းသုဝဏ်ရဲ့ ကဗျာတွေထဲက "ပျဉ်းမငုတ်တို" ရေးခဲ့ပုံကို သိခွင့် ပြုပါဦး ဆရာကြီး ခင်ဗျား "

ဆရာမင်းသုဝဏ် - "ပျဉ်းမငုတ်တိုကဗျာ ပေါ်လာပုံကို တစ်နေရာမှာ ဆရာ ရေးဖူးပါတယ်။ အခု ကိုဝင်းငြိမ်း က ထပ်မေးလာလို့ ပြောပါဦးမယ်။ စစ်ကြီးပြီးစ တက္ကသိုလ် ကျောင်းဝင်းအတွင်းကို ပြန် ရောက်တော့ တက္ကသိုလ်တစ်ဝိုက်ဟာ ခြောက်ကပ်ကပ် ပါ။ တက္ကသိုလ် ရိပ်သာလမ်း နံဘေးက မြောင်း တွေထဲမှာ လူဦးခေါင်းခွံ၊ အရိုး၊ စစ်သား သံခမောက်၊ ကျည်ခွံဆိုတဲ့ စစ်ကြီးရဲ့ အမွေအနှစ်တွေကို တွေ့ နေရပါတယ်။

ညနေ လမ်းလျှောက်ထွက်တဲ့အခါ စစ်ဒဏ် ခံလိုက်ရလို့ မွဲခြောက်ကျိုးပြတ်နေတဲ့ သစ်ပင်တွေကိုလည်း တွေ့ နေရပါတယ်။ သည်အထဲမှာ ပျဉ်းမငုတ်တိုကြီးတစ်ခု။ လင်းတကြီးလို အရုပ်က ဆိုးပါဘိ။ ဆရာ လင်းတ ကို (လင်းဒ)လို့ ဖတ်ပါ၊ (လဒ)လို့ မဖတ်ပါနဲ့၊ အဲဒါကို မြင်ရတော့ ဖုထစ်ရွက်တွေ၊ ငှက်လင်း တသို့ ... ဆိုတဲ့ ဥပမာ စကားစုကလေး ပေါ်လာပါတယ်။

အင်္ဂလိပ် ကဗျာဆရာတစ်ဦး ရေးတာကို ဖတ်ရဖူးတာကတော့ ကဗျာတစ်ပုဒ်ရဲ့ ဗီဇ ကလလ ရည်ကြည် ဟာ ဘာနဲ့ တူသလဲဆိုရင် "ပုလဲမိ" (Mother of Pearl)  လို့ခေါ်တဲ့ ပုလဲကမာကောင်ရဲ့ ကိုယ်ထဲကို ရောက်သွား တဲ့ သဲကြမ်းပွင့်နဲ့တူသတဲ့။ ကမာကောင်ဟာ အသားထဲကို သဲပွင့် ရောက်လာတော့ ယားကျိကျိ နဲ့ အနေရခတ်ပြီး ပုလဲရည်တွေ ထုတ်ပေးသတဲ့။ အဲသည် ပုလဲရည်က သဲကြမ်းပွင့်ကို ဖုံးအုပ် သတဲ့။ အနေရခက်လိုက်၊ ပုလဲရည်ထွက်လိုက်၊ သဲကြမ်းပွင့်ကို ဖုံးအုပ်လိုက်နဲ့ ကြာတော့ သဲကြမ်းပွင့် ကလေးဟာ ပုလဲလုံးကလေး ဖြစ်လာခဲ့တာပဲ။

ကဗျာမှာလည်း လက်ဦးဆုံး ကာလလရည်ကြည် ဆိုရမယ့် စကားကလေး တစ်လုံး၊ စာကလေးတစ်ပိုဒ် ပေါ်လာတယ်။ အဲသည် စကားတစ်လုံး စာတစ်ပိုဒ်က လှုပ်ရှားတော့ ရေးသူရဲ့ ဥာဏ်ထဲမှာ အနေရခက်ပြီး ပုလဲရည်နဲ့ တူတဲ့ ကဗျာအရည်တွေ ထွက်ပြီး အုပ်ဖုံးလာတယ်။ နောက်ဆုံးမှာ ကဗျာပုလဲလုံးကလေး ဖြစ်လာတော့ တာပဲတဲ့။
ဆရာ့ ကဗျာအတွက်လည်း ဖုထစ်ရွက်တွေ၊ ငှက်လင်းတသို့ ... က စလိုက်တာ နောက်ဆုံးမှာ ပျဉ်းမငုတ်တို ကဗျာ ဖြစ်သွားတာပါပဲ "

" ဒီနေ့ ကဗျာတော်တော် များများဟာ "အချစ်" ကဗျာတွေမှာပဲ ၀ဲလည်နေကြတာ တွေ့ရပါတယ်။ ဒါကြောင့် တချို့က မြန်မာကဗျာတွေဟာ အကြောင်းအရာပိုင်းမှာ ကျဉ်းမြောင်းတယ်လို့ ဆိုကြပါတယ်။ ဆရာကြီး တို့ အမြင် သိပါရစေ ခင်ဗျား "

ဆရာမင်းသုဝဏ် - "အချစ်ကဗျာတွေ ရေးနေကြတယ် ဆိုတာ သဘာဝကျပါတယ်။ ကဗျာဟာ သိင်္ဂါရ ရသ ကို ဖော်ပြဖို့ ယာဉ်တစ်ခုပါပဲ။ ကဗျာရေးသူဆိုတာ အများအားဖြင့် ရင်ထဲမှာ သိင်္ဂါရ ရသတွေ ဆူပွက် နေ တတ်တဲ့ ကာလသား၊ ကာလသမီးတွေ များပါတယ်။ သည်တော့ အချစ်ကဗျာကိုပဲ ရေးတော့တာပေါ့။ တကယ်လို့ သည်ကဗျာဆရာကလေး တွေဟာ ရေရှည်ဆက်ရေးနေမယ်ဆိုရင် အသက်နဲ့အတူ အတွေ့ အကြုံတွေလည်း ရင့်ကျက် ပြောင်းလဲလာပြီး အကြောင်းအရာတွေလည်း ထူးလာ မှာပါပဲ။ ကျယ်ပြောလာမှာပါပဲ။

ဆက်ရန်

Credit:shwezinu.blogspot.com