ဝင်းငြိမ်း နှင့် စာရေးဆရာများ အပိုင်း (၄၂)

 

ဝင်းငြိမ်း နှင့် စာရေးဆရာများ အပိုင်း (၄၂)

          (ဘယ်မှာလဲ … ကာရန်၊ တစ်ခုမှ မပါပါဘူး။ အခု ရေးနေကြတဲ့ ကာရန်မဲ့ကဗျာ ဆိုတာတွေက ကာရန်တွေ ပါ နေကြတယ်။ ဒီကြားထဲမှာ ကာရန်မဲ့ကဗျာကို "လွတ်လပ်ကာရန်" ဆိုပြီး ခေါ်တဲ့လူက ခေါ်တယ်။ "ဗလာကဗျာ" လို့ ခေါ်သူက ခေါ်သေးတယ်။ ဆောရီးပါပဲ။ ကျွန်တော် ယူကတည်းကိုက အင်္ဂလိပ်စာလုံး Without ဆိုတာကို တိုက်ရိုက်ဘာသာပြန် ယူထားတာပဲ။ တခြားစကားလုံး အစားထိုးလို့ ဘယ်နည်းနဲ့မှ မရ နိုင်ပါဘူး။ Free Verse ဆိုတာလည်း ကျွန်တော် လက်မခံပါဘူး။ Free Verse ဆိုတာ မရှိဘူး။ Blank Verse ပဲရှိတယ်။ ဂျပန်မှာလည်း လုပ်တော့ လုပ်ခဲ့ကြသေးတာပဲ။) ကို ဆက်ဖတ်ရန်...........

အဲဒီတော့ ကျွန်တော် ပြောချင်တာက ကာရန်မဲ့ကဗျာ ဆိုရင် ကာရန်လုံးဝ မပါပါဘူး။ ကာရန်ချိတ်ရေးပြီး ကာရန်မဲ့ ကဗျာ ပါလို့ ပြောရင် ပြောတဲ့သူလည်း မှားတယ်။ ရေးတဲ့သူလည်း မှားတယ်။ ကာရန်ကို မလိုချင် လို့ ကာရန်မဲ့ကဗျာ ကို ရေးခါမှ ဘာကိစ္စကာရန်က ပါလာရမှာလဲ။

ကာရန်မဲ့ကဗျာ ကို စောစောက ပြောသလို ၁၉၅၉ ခုနှစ်ကတည်းက ကျွန်တော် ထွင်ခဲ့တယ်။ အောင်မြင်ချင် လည်း အောင်မြင်မယ်၊ မအောင်မြင်ချင်ရင်လည်း မအောင်မြင်ဘူး၊ ဒါပေမဲ့ ဒီနေ့ ကာရန်မဲ့ ကိစ္စ လှိုင်းဂယက် ထလာတယ်ဆိုတော့ ကျွန်တော် အောင်မြင်တယ်ဆိုရမှာပေါ့။
ကာရန်မဲ့ ကဗျာ ဆိုပြီးမှ ကာရန်ပါလာရင် ကဗျာမှာ ဂုဏ်သိက္ခာအကျဆုံးပဲ။ ကျွန်တော်တို့ ကာရန် စည်းကြပ် ထားတဲ့အထဲ က ကာရန်ကို မတတ်သာလို့ ချိုးဖောက်တယ်ဆိုရင် ဒါက တစ်မျိုး။ အခုဟာက လွယ်လွယ် နဲ့ လျှောက်လုပ်နေပြီး ကာရန်မဲ့ကဗျာပါလို့ တပ်လာရင်တော့ ဆောရီးပဲ။ ကာရန်မဲ့ကဗျာက ပို ခက်တယ်။ စော စောက ပြောခဲ့သလို ကဗျာဝတ္ထုရှည်တွေ အများကြီး ရေးခဲ့ပြီးမှ ကာရန်မဲ့ကဗျာ ကျွန်တော် ရေးခဲ့တာပါ။

ရေးတဲ့နေရာ မှာ ကိုယ့်အတွေးအခေါ်ကို မှတ်တမ်းရေးသလို ရေးနိုင်တယ်။ ဒါသက်ငယ်အတွက် ကာရန်မဲ့ ကဗျာ ပဲ။ ကျွန်တော်တို့ ကိုယ်တိုင်လည်း ဒီလိုပဲ ရေးခဲ့တာပဲ။ ဒုတိယအဆင့်မြင့်လာတာက အတွေးအခေါ် မြင့်မြင့် ကို ကာရန်မဲ့ကဗျာအဖြစ် ရေးချင်ပြီဆိုရင် Theme ကြီးကြီးကို ရေးရမယ်။ ထုထည်ရှိတဲ့၊ အစိုင်အခဲ ရှိ တဲ့ အားရောမာန်ပါ ထည့်ရေးရတယ်။ ဥပမာတွေ၊ ရူပကတွေ၊ အလင်္ကာတွေ အများကြီး ထည့်ပြီးရေးရတယ်။

အထူးသဖြင့် လူတွေ မသိတာက ကာရန်မဲ့မှာ အသံစီးထားတယ် ဆိုတာပဲ။ ကာရန်ရှိပေမယ့် အသံ စီးတယ်။ သို့သော် အသံပျောက်တယ်။ အဲဒီအသံသြဇာကို စီးနိုင်ရင် ကာရန် ခံနိုင်တာနဲ့ အတူတူပဲ။ ဒါတွေကို တော် တော်များများ မသိကြလို့ ကာရန်ပါတဲ့ ကာရန်မဲ့ကဗျာ ရှိနေကြတာပဲ။ Without လို့ သုံးထားတဲ့ အတွက် "လုံးဝ" ကာရန်ပါလို့ မဖြစ်ပါဘူး။ ထင်ရှားအောင် ကဗျာတစ်ပုဒ် ကျွန်တော် ထပ်ပြမယ်။

ကုရာမဲ့ ဝေဒနာ

                         (၁)
        အချစ်ဟာ
        သမားတော်လည်း ဖြစ်တယ်။
                        (၂)
        အချစ်ဟာ
        ဆေးတစ်ပါးလည်းဖြစ်တယ်။
                        (၃)
        အချစ်ဟာ
        ဝေဒနာလည်းဖြစ်တယ်။
                        (၄)
        ဒါပေမဲ့
        အချစ်သမားတော်ဟာ
        အချစ်ဆေးနဲ့
        အချစ်ဝေဒနာသည်ကို
        ဘယ်တော့မှ ပျောက်အောင်
        ကုမပေးနိုင်ရှာဘူး။

ဒီမှာ ကာရန်မပါဘူး။ သို့သော် Theme ကျတော့ နက်တယ်။ အဲဒါကို ကာရန်မဲ့ ကဗျာလို့ ကျွန်တော် ခေါ်တယ်။ ကာရန်မဲ့ကဗျာသဘောပိုပြီး နားလည်သဘောပေါက်အောင် ပန်းချီဘက်က လှည့် ပြောရရင် ပီကာဆို ဟာ ပန်းချီအခြေခံပညာကို ကျေညက်ပြီး Fine art ပေါင်းများစွာ၊ Portrait ပုံတူပန်းချီ ပေါင်း များစွာ အကုန်လုံးကို တတ်ပြီးမှ ချိုးငှက်ကလေး တစ်ကောင်ရဲ့ ပုံကို ရေးခဲ့တယ်။ ပျံနေတဲ့ ချိုးကလေး တစ်ကောင်။ ဒီချိုးက တစ်ကမ္ဘာလုံးကို လွှမ်းမိုးသွားတယ်။ သိန်းသန်းချီပြီး တန်သွားတယ်။ ဘယ်လို ချိုးလဲ၊ ကာရန်မဲ့ ကဗျာ ပုံသဏ္ဍာန် ကွန့်မြူးထားတဲ့ချိုး။ ဒါကို သူက အခြေခံပညာတွေ တတ်ပြီးမှ ရေးတာ။ ကျွန်တော် ဆိုလိုချင်တာက ကာရန်မဲ့ ရေးတော့မယ့်သူဟာ အခြေခံကို ပိုင်နိုင်ပြီးမှပဲ ရေးနိုင်ပါ တယ်။

ခုလိုပုံနဲ့ ကာရန်ပျက်ကဗျာတွေစာ ဆက်ပြီး ကြီးစိုးသွားမယ်ဆိုရင် လူငယ်တွေ ပျက်စီးကုန်ကြလိမ့်မယ်။ နောင်တစ်ခေတ် မှာ လူတိုင်းဟာ ကာရန်မဲ့ကဗျာဆရာလို့ ဖြစ်လာကြလိမ့်မယ်။ ဒါ မဖြစ်နိုင်ပါဘူး။ ကာရန်မဲ့ ကဗျာ ရေးနိုင်ဖို့ အတွက် သူ့ရဲ့ talent သူ့ရဲ့ ကြိုးစားမှု၊ သူ့ရဲ့ ဆည်းပူးမှု၊ သူ့ရဲ့ အတွေ့အကြုံ၊ ပါရမီ၊ ဘာ ညာပေါ့။ နောက် အလင်္ကာ။ ဒါတွေ တတ်ဖို့ အများကြီးလိုပါတယ်။
ကျွန်တော် က ဒီလို ပြောလိုက်တော့ လူငယ်တွေ ကာရန်မဲ့ကဗျာ မရေးကြရတော့ဘူးလားလို့ မေးစရာ ရှိလာ မယ်။ မပိတ်ပင်ပါဘူး။ ရေးကြပါ။ သို့သော် စည်းမျဉ်းကာလကလေးနဲ့ ရေးကြမှ ဖြစ်လိမ့်မယ်။ ကာရန်တစ် လုံးစ နှစ်လုံးစ ပါသွားရင် ကာရန်မဲ့ရဲ့ အခြေခံ Fundamental လုံးဝူပျောက်သွားလိမ့်မယ်။

လူကြီးတွေ တော်တော်များများကတော့ ဒီကာရန်မဲ့ကိစ္စကို ရှောင်ကြတယ်။ သူတို့ စ လာတဲ့သူ မဟုတ်တော့ တရားခံ အဖြစ်မခံနိုင်ကြဘူးလေ။ ကျွန်တော်တို့ ကတော့ စ လုပ်ခဲ့ပြီဆိုတော့ တရားခံ ဖြစ်ချင် ဖြစ်ပါစေတော့၊ ပြောရတော့မှာပဲ။ ကိုယ် စ ခဲ့တဲ့ ဇာတ်ကို ကိုယ်ပဲ ရှင်းရတော့မှာပေါ့ "
" ဆရာ ရေးခဲ့တဲ့ စစ်နဲပြည်သူ ကဗျာဟာ ဆရာကြီးသခင်ကိုယ်တော်မှိုင်းရဲ့ ဆုရကဗျာလို့ သိရပါတယ်။ ဘယ်လို အထိမ်းအမှတ် နဲ့ ပေးခဲ့တာပါလဲ။ ဆရာကရော ဒီကဗျာကို ဘယ်လို ခံစားချက်နဲ့ ရေးခဲ့တာပါလဲ "

" ဒီကဗျာက တော်တော်စောပါတယ်။ ၁၉၅၄ ခုနှစ်က ရေးခဲ့တာပါ။ ငြိမ်းချမ်းရေး ညီလာခံမှာ ရေးခဲ့ တာပေါ့။ ကျွန်တော်တို့က နယ်ချဲ့ဖက်ဆစ်ကာလမှာ ကြီးပြင်းခဲ့ရတာကိုး။ ပြီးတော့ ပြည်တွင်းစစ်ကာလ စစ်တွေ ရဲ့ အနိဋ္ဌာရုံကို မြင်ပြီး ဒီကဗျာကို ရေးခဲ့တာပါ။ အဲဒီတော့ ကိုဝင်းငြိမ်း မေးတဲ့ ဆုကိစ္စ ပြောရရင် ကျွန်တော် ရခဲ့ တဲ့ ဆရာကြီးသခင်ကိုယ်တော်မှိုင်းရဲ့ ဆုက ပထမဆုံး ပေးတဲ့ဆု။ ပြီးတော့ ဒီတစ်ဆုပဲ ရှိတယ်။ အဲဒီဆုကို တခြား ဘာဆုနဲ့မှ ကျွန်တော် မလဲနိုင်ပါဘူး။ ဒီဆု ရတာ ကမ္ဘာ့နိုဗယ်လ်ဆုရ သလောက် ကျွန်တော် မြတ်နိုးပါတယ်။

ဒီကဗျာကြောင့်ပဲ ကျွန်တော့် ပုလဲကုံး ကဗျာစာအုပ်က ဆုနဲ့ လွဲခဲ့ရတယ်။ ဟိုခေတ်တုန်းကတော့ ဒီကဗျာ ကို ကွန်မြူနစ်ကဗျာလို့ မြင်ကြတာကိုး။ ဒီနေ့ ခေတ်ကျတော့ ဒါဆိုရှယ်လစ်ကဗျာ ဖြစ်သွားပြန်ရော "
" ဆရာနဲ့ ခေတ်ပြိုင် ရေးခဲ့ကြတဲ့ ကဗျာဆရာတွေ ဘယ်သူတွေ ရှိပါသလဲ ဆရာ။ အဲဒီခေတ်က ကဗျာ လောက အခြေအနေကို ဒီနေ့ လူငယ်တွေ သိရအောင် ပြောပြစေချင်ပါတယ်"
" ကျွန်တော်နဲ့ ခေတ်ပြိုင် ရေးခဲ့ကြတဲ့သူတွေကတော့ ဂုဏ်ဝင်း၊ နောင်၊ နွယ် (စစ်တွေ)၊ စစ်ကိုင်းနွယ်မြင့်။ အဲဒီ ခေတ်တုန်း ကတော့ ကျွန်တော် ဘာတွေ ရေးသလဲဆိုတော့ မေး၊ ကဗျာတွေရေးတယ်။ တော်လှန်ရေး ကဗျာတွေရေးတယ်။ အောက်တိုဘာတော်လှန်ရေးတို့ ဘာတို့ပေါ့။ အဲဒါတွေ ရေးတော့ ကျွန်တော် တို့ကို "အနီ" တွေ ဘာတွေ အပြောခံရတယ်။ သို့သော် ကျွန်တော်တို့ကတော့ လှိုင်းဂယက် ရိုက်ခတ် မှု မှာ မရွေ့ လျားဘူး။ အဲဒီတော့ ကျွန်တော်တို့ ကဗျာတွေက တော တောင် ရေ မြေကို ဖွဲ့ဆို နေကြရာကနေ နိုင်ငံရေး နယ်ပယ်ကို၊ လူ့ဘ၀၊ ပြည်သူထဲကို ရောက်လာတာပေါ့။

တော်လှန်ရေးအကြောင်း ရေးတော့ မီးလောင် ငုတ်တိုတို့၊ သွေးတို့ ပါလာတာပေါ့။ ဒီတုန်းက ဘာပြောကြ သလဲဆိုတော့ ဒေါင်းနွယ်ဆွေ ရေးရင် မီးလောင် ငုတ်တိုတို့၊ သွေးတို့ချည်းပဲ။ အနိဋ္ဌာရုံတွေချည်းပဲပေါ့။ ဒီကောင် ဒါက မတတ်တော့ဘူးလို့ ပြောကြတယ်။

အဲဒီမှာ ကျွန်တော်က "မာန်" တို့ ဘာတို့ အလှအပ ကဗျာတွေ ရေးပြလိုက်တယ်။ ကျွန်တော်တို့ ခေတ်ပြိုင် တွေ အားလုံး သာမန်ပုံစံ ကဗျာတွေထက်ကျော်ပြီး အတွေးအခေါ်ကို ယူဆောင်လာကြတယ်။ အားလုံး အတွေး ပီပြင်ကြတယ်။ အရေးရဲတယ်။ ဘာပဲပြောပြော တစ်ယောက်နဲ့ တစ်ယောက် သန့်သန့်ရှင်းရှင်း ရှိကြ တယ်။ ခုတ်တာ ထစ်တာ မပါဘူး။ ၀ိုင်းဝန်းကူညီကြတာပဲ ရှိတယ်။ ကဗျာဆရာ ဆိုတာလည်း အခု လောက် မပေါသေးဘူး။ ကဗျာဆရာ တစ်ယောက်နဲ့ တစ်ယောက် တွေ့ဖို့ကို တော်တော် ချိန်းယူရတယ်။

ကဗျာအပုဒ် နှစ်ရာ၊ သုံးရာလောက်က အလကား ရေးခဲ့ကြရတာချည်းပဲ။ ကဗျာဆရာ အသင်းက ဒီကဗျာ စာမူ ကိုတော့ စာမူခ ပေးသင့်ပါတယ် ဆိုမှ ဆယ့်ငါးကျပ်လောက်က စ ရတာ။ ဒါလည်း တော်တော် တိုက်ယူ ခဲ့ကြရတာပါ။
နောက် ကျွန်တော်နဲ့ ခေတ်ပြိုင်လို့ ပြောလို့ရတာ တစ်ယောက် ရှိသေးတယ်။ နေသွေးနီ။ သူက ကျွန်တော် တို့ထက် အသက်တော့ ငယ်တယ်ဗျ။ ဒါပေမဲ့ ခေတ်ပြိုင်လို့ ပြောလို့ရပါတယ် "
" ဆရာ့ ကဗျာတွေမှာ စာလုံးတူ ကာရန်အစပ်တွေ တော်တော် တွေ့ရပါတယ်။ ဥပမာ- "ရွက်ဝါကြွေ လွေလွေ လွင့်လွင့်လောင်းလောင်း" တို့ ဘာတို့ပေါ့။ အဲဒီလို အစပ်မျိုးတွေကို ဘယ်လို ခံစားပြီး ရေးခဲ့တာ လဲ သိပါရစေ"

" ဟုတ်တယ်။ ပထမပိုင်းမှာ ကဏ္ဍသုံးခုလောက် ရှိတယ်။ တစ်ခုက ဘာလဲဆိုတော့ ရိုးရိုးစကားလုံးနဲ့ လေးလုံးစပ် ရေးတယ်။ နောက်တော့ စကားလုံး ကွန့်မြူးလာတယ်။ နောက်တစ်ခုက အတွေးကွန့်မြူးလာ တယ်။ အတွေးကွန့်မြူးလာတယ်ဆိုတဲ့ အပိုင်းကျတော့ အကြောင်းအရာ ပါလာတယ်။ ကျွန်တော်တို့ စကား လုံးနဲပ ပတ်သက်လို့ကတော့ မြန်မာစကားမှာ စကားလုံးနှစ်လုံး ထပ်သုံးတာ တော်တော် များပါတယ်။ ဥပမာ- အင်္ဂလိပ်မှာတော့ The grass is tall လို့ပဲ ရှိတယ်။ The grass is tall tall မရှိဘူး။ ကျွန်တော်တို့ မှာကျတော့ "ရွာရွာလေမဆုံုး၊ အုန်းအုန်းရယ် ငြိမ့်ငြိမ့်၊ ခြိမ့်ခြိမ့်သဲသဲ" ဘာညာဆိုပြီး စကားလုံး တွေ ထပ်လို့ ရတယ်။

အဲဒီအချိန်မှာ စောစောက ကိုဝင်းငြိမ်းပြောတဲ့ ရွက်ဝါကြွေ လွေလွေလွင့်လွင့် လောင်းလောင်းတို့၊ လှိုင်းတွေ တလိမ့်လိမ့်လူးတို့ကို လက်တည့်စမ်းတဲ့ သဘောနဲ့ ယူလာခဲ့တာပဲ။ သို့သော် ဒီဥစ္စာတွေကို ကျွန်တော် တို့က တစ်နေရာမှာ သုံးခဲ့တယ်ဆိုတာ ကွန့်တဲ့သဘောပေါ့။ စကားလုံး ထပ်သုံးခြင်းအားဖြင့် အား ပိုရှိစေတယ်။ မြားတစ်စင်း ပစ်ပြီးတဲ့နေရာကို ထပ်ထပ်ပစ်တဲ့ သဘောပါ။ ဒါတွေကတော့ ရှေးအစဉ်အလာပါ။ မထိရောက် ဘူးလား ဆိုတော့ ထိရောက်ပါတယ်။ တစ်ချက် တစ်ချက်မှာ ဒါလေး သုံး လိုက်တာက လှသွားတယ်၊ ထိ သွားတယ်၊ ထပ်ဆင့်ပြီး ထိုးလိုက်တဲ့ လက်သီးချက်တွေလိုပါပဲ။
ဒါတွေက နုစဉ်အခါက သုံးခဲ့တာတွေပါ။ ဒီလို ပြောလိုက်လို့ ကြီးတဲ့အခါမှာကော မသုံးရဘူးလား ဆိုတော့ သုံး ရပါတယ်။ ကြီးတဲ့အခါမှာ သုံးတော့ စကားလုံးက ပိုတောင်လျသေးတယ်။ ကတဲ့ အကွက်ကလေးကို ပန်းချီ စုတ်ချက် တင်သလိုပေါ့။ ကျွန့်မြူးချက်ပါပဲ "

" ဆရာ ကဗျာဝတ္ထု ဘယ်နှပုဒ် ရေးခဲ့ဖူးသလဲ "
" လေးပုဒ် ရေးခဲ့ဖူးပါတယ်။ မာန်၊ လွမ်းလိပ်ပြာတောင်၊ အညတြ မြင်းခွာနွယ်၊ နောက် ကလျာ မိမိမုန်းကတော့ ကဗျာနဲ့ စကားပြေ ရောရေးထားပါတယ် "
" ဆရာ ၀တ္ထု ဘယ်နှပုဒ်လောက် ရုပ်ရှင်ရိုက်ပြီးပြီလဲ "
" အသည်းနဲ့ထပ်တူ၊ အသည်းထဲကဆူး၊ မင်း ဘယ်ပြေးမလဲ မိချိုသဲ၊ ချစ်တဲ့ရက်ကို ကြိုနေမယ်တို့ ရိုက်ပြီး ပါပြီ။ မျက်ရည်စိမ်း က ကျော်ဟိန်း နဲ့ ရိုက်ဖို့ စီစဉ်နေတယ်"
" ၀တ္ထု တွေကို ရုပ်ရှင်ရိုက်တော့ စာပေရသပိုင်းနဲ့ အနှစ်သာရချင်းဘယ်လို ကွာခြားသွားတယ်လို့ ထင်သလဲ"

" အခု နောက်ဆုံး ရိုက်သွားတဲ့ "ချစ်တဲ့ရက်ကို ကြိုနေမယ်" တစ်ကားပဲ အားရတယ်။ အကယ်ဒမီ သုံးယောက် ပါတယ်လေ။ ဇာတ်ကောင်နေရာ ထားတာက ကျွန်တော်နဲ့ တော်တော်လေး ညှိနှိုင်းပါတယ်။ ကျန် တာတွေကတော့ မမီဘူးဗျ။ ကျွန်တော် ထင်တယ် ဆယ့်ခြောက်ပုံ တစ်ပုံတောင် မမီနိုင်ဘူး။ မမီတဲ့အပြင် ဇာတ်အမြွှာ တွေ ထပ်ဖြည့် ဟာသတွေ လုပ်ရနဲ့ ၀တ္ထုရဲ့ရသ ပျက်သွားတာပဲ။ ဒါတော့ အပြစ် တင် လို့ မရဘူးလေ။ နည်းစနစ်ချင်း ကွာကြတာကိုး"
" အားနာနာ နဲ့ပဲ မေးခွန်းတစ်ခု မေးပါရစေ ဆရာ"
" မေးပါ ကိုဝင်းငြိမ်း မေးပါ"
" ပထမပိုင်းတုန်းကတော့ အပစ်အခတ် အညှစ်အသတ် ၀တ္ထုတွေကို ဆရာတော်တော်လေး ရှုတ်ချ ခဲ့ပါတယ်"
" ဟုတ်ပါတယ် "
" နောက်ပိုင်းမှာ ဆရာကိုယ်တိုင် အဲဒီဝတ္ထုမျိုးတွေ ၀င်ရေးလာတာ တွေ့ရတယ်။ ဘာကြောင့်ပါလဲ"

" တိုတိုဖြေရရင်တော့ စီးပွားရေးကြောင့်ပါ။ အယူအဆ ပြောင်းလာတာလည်း ရှိပါတယ်။ ကျွန်တော်ကိုက ဥပမာ … မာန် ဆိုပါတော့။ ရင်ကိုခွဲပြီး အသည်းကို ထုတ်ပြီးမှ ဂူကို ပက်တယ်ဆိုတာ ဖြစ်မှ မဖြစ် နိုင်တာဘဲ။ သဘာဝယုတ္တိကို လွန်ကဲပြီး သွေးနဲ့ သံနဲ့ ရေးရတာကို ကျွန်တော် တော်တော်ရေးခဲ့တယ်။ လောကမျက်ကန်း မှာ ဆိုလည်း မျက်လုံးဖောက် ချောက်ထဲချတာတောင် မသေဘဲ သူက ပြန် လက်စားချေတာကို ရေးခဲ့တယ်။ လွမ်းလိပ်ပြာတောင် မှာလည်း ခေါင်းဖြတ်တာတို့၊ ဘာတို့ ရေးခဲ့တယ်။ အဲဒီလို သွေးသံရဲရဲ ဇာတ် တွေကို နှစ်သက်တယ်။ လက်တွေ့ ဘ၀မှာလည်း အတိုက်အခိုက်၊ အသတ်အပုတ် တွေ အားပေးရတာ ၀ါသနာပါတယ်။ ဒါတော့ ကိုဝင်းငြိမ်း သိတဲ့အတိုင်း ဆရာကျား (ကျားဘညိမ်း) ရှိတုန်းက လက်ဝှေ့ခုံနားမှာ ကျွန်တော် အမြဲရောက်ခဲ့တာပဲ မဟုတ်လား။

တစ်ဖက်က ကျွန်တော် စီးပွားရေး လုပ်ရပါတယ်။ ကျွန်တော် စိုက်ချင်တာကတော့ နှစ်ရှည်လများ မွှေးကြိုင် နေမယ့် စန္ဒကူးပင်ပါပဲ။ ဒါပေမဲ့ လောလောဆယ် စားဖို့အတွက် ချဉ်ပေါင်ပင်လည်း စိုက် ရပါသေးတယ်။ ကဗျာသာ ရေးစားရမယ်ဆိုရင် ကိုယ့်သားမယားကို ကျွေးဖို့ထားလို့ ပုရွတ်ဆိတ်ကိုတောင် ကျွေးဖို့ လောက်မှာ မဟုတ်ပါဘူး။ ဟိုတုန်းကဆို ကဗျာတစ်ပုဒ် ဆယ့်ငါးကျပ်၊ နှစ်ဆယ်ပဲ ရတာပါ။ ခုမှ ပေဖူးလွှာ လို မဂ္ဂဇင်းကြီးတွေက ပိုမိုချီးမြှင့်တာကိုး။ ဒါပေမဲ့ ကျွန်တော် ကဗျာစာအုပ် ဆယ့်တစ်အုပ် ထုတ်ခဲ့ ပါတယ်။ ကဗျာနဲ့ ပိုက်ဆံလည်း တော်တော်ရခဲ့ပါတယ်။
ထမင်းစား ဖို့အတွက် ဘာရေးရမလဲ စဉ်းစားတော့ ထုတ်ဝေသူတွေက အထိုးအသတ် သွေးသံရဲရဲတွေ ရေး ခိုင်းတယ်။ ဆရာဒေါင်း ရေးမယ်ဆိုရင် ဖြစ်နိုင်ပါတယ်လို့ ၀ိုင်းပြောကြတယ်။ အဲဒီမှာ ချဉ်ပေါင်ရွက်ပင် စိုက် လိုက် တာပါပဲ။ အငှားဆိုင်တွေရဲ့ တံခါးကို ဖွင့်နိုင်ဖို့အတွက် ကျွန်တော် သဘာ၀၀တ္ထုရေးကြည့်တယ်၊ မရဘူး။ အထိုးအသတ် နဲ့ ဖွင့်တော့မှပဲ ရတော့တယ်။ အဲဒါပါပဲ"
" ဆရာ အခုဝတ္ထု တွေ ဘာဖြစ်လို့ ဆက်မရေးတော့တာလဲ "

" အသက်အရွယ်ကြောင့်ရယ်၊ တခြား အကြောင်းတွေကြောင့်လည်း ရှိတာပေါ့လေ။ ဒီအသက် ဒီအရွယ် ကျမှ အချစ်ဝတ္ထု ဆိုတာကလည်း ရေးလို့မကောင်းတော့ဘူး။ အထိုးအသတ်တွေလည်း မရေးချင် တော့ဘူး။ ရေးတုန်းက ရေးခဲ့ပြီပဲ။ အခု ကျွန်တော် ကဗျာပဲ ရေးချင်တော့တယ်။ စန္ဒကူးပင်ပဲ စိုက်ချင် တော့ တယ်။ ကျွန်တော့်ဘာသာ ကဗျာကဏ္ဍမှာပဲ နေချင်တော့တယ်။ ကဗျာနဲ့ပဲ တိုင်းပြည်အကျိုး ကျွန်တော် သယ်ပိုးချင်တော့တယ်"
" ဆရာ က အသက်အရွယ်ကြီးလာလို့ အချစ်ဝတ္ထုမရေးချင်တော့ဘူးလို့ ဆိုလိုက်တယ်။ အတွေ့အကြုံ ရင့်ကျက် လာတဲ့ ဒီအရွယ်မှ အချစ်ဝတ္ထုတွေကပိုပြီး ပီပြင်တယ်လို့ အနောက်တိုင်းက ဆရာတွေက ဆိုကြ တယ်။ ဆရာ ဘယ်လိုသဘောရသလဲ "

" အရှေ့နဲ့  အနောက် မတူဘူးလေ။ ဆမ်းမားဆက်မော(မ်)က အသက်ခုနစ်ဆယ်ကျော်အထိ အချစ်ဝတ္ထု ရေးတယ်ဆိုပေမယ့် ဟိုက အနောက်ပဲ။ အရှေ့မှာ ဒါမျိုး မဖြစ်နိုင်ဘူး။ ကျွန်တော် အချစ်ဝတ္ထုတစ်ပုဒ် ထွက် ပြီး မြို့ထဲ သွားတော့ လူငယ်လေးတွေ ဝေဖန်နေသံကြားရတယ်။ အဘိုးကြီးနှယ်ကွာ ... နှုတ်ခမ်းမွေး မှ အားမနာ၊ ဒီအသက် ဒီအရွယ်ကြီးနဲ့ အချစ်ဝတ္ထု ရေးနေလိုက်တာတဲ့။ ကျွန်တော် တော်တော် ရှက်သွားပါ တယ်။ အရှေ့နဲ့ အနောက် စရိုက်ချင်း မတူတဲ့အတွက် ဒီအသက် ဒီအရွယ် ရောက်မှ အချစ်ဝတ္ထုတွေလည်း မရေးချင်တော့ပါဘူး။ ရေးရမယ်ဆိုရင်လည်း သန့်ရှင်းစင်ကြယ်တဲ့ မေတ္တာ အကြောင်းပဲ ရေးချင်ပါတော့ တယ်"

" ကျေးဇူးပါပဲ ဆရာ၊ ကျွန်တော် မေးချင်တာလေးတွေတော့ တော်တော် မေးပြီးပါပြီ။ ကလောင်နာမည်နဲ့ ပတ်သက်ပြီး သိချင်ပါတယ်။ ဆရာ "ဒေါင်း" ဆိုတာကို ဘာဖြစ်လို့ ခံယူတာပါလဲ"
" ဒီလိုဗျ ကိုဝင်းငြိမ်းရ။ ပထမ ကျွန်တော့် ကလောင်နာမည်က "ဒေါင်းဒင်း"လို့ ယူထားတယ်။ "ဒဒွေး" နှစ်လုံးပေါ့။ ရှင်မဟာရဋ္ဌသာရရဲ့ ပျို့တွေ သိပ်ဖတ်လွန်းတော့ ဒီပျို့တွေ လွှ့မ်းမိုးခံရပြီး စာလုံးတူတွေ သိပ် ကြိုက်ခဲ့တယ်။ ကျွန်တော့်ဆရာက "ဟေ့ကောင်၊ ဒေါင်းဒင်ဆိုတာ တံငါတွေ လှေနံကို ခေါက်တဲ့အသံ ကွ၊ ဘာမှ အဓိပ္ပာယ် မရှိဘူး" လို့ ပြောတယ်။ ဘဒင် ဆိုတာလည်း လူမိုက်နာမည် ခပ်ဆန်ဆန်မို့ မယူချင် ဘူး။ ကျွန်တော့် အဘိုးက ဒေါင်းတွေ မွေးတယ်။ ဒေါင်းတွေကို ကျွန်တော် သိပ်ချစ်တယ်။ နောက်ပြီးတော့ ဆရာကြီးရွှေဥဒေါင်းရဲ့ နာမည်ကိုလည်း သိပ်ကြိုက်တယ်။ ကျွန်တော့်နာမည် တကယ်ပြောရရင်တော့ "ရွှေ ဥဒေါင်း"နဲ့ "မဟာဆွေ" နှစ်ခုကို ညှပ်ယူထားတာပါပဲ။

နေထဲမှာ ဒေါင်းတံဆိပ်၊ မြန်မာအလံမှာ ဒေါင်းတံဆိပ် ... ဒါတွေကို အစွဲပြုပြီး ယူခဲ့တာလည်း ပါပါတယ်။ "စင်ထရယ်လ်" ကျောင်းမှာ နံရံကပ်စာစောင်တွေ စ ရေးကြတော့ ဒေါင်းဒင်နဲ့ပဲ။ နောက်တော့မှ ဒေါင်းနွယ်ဆွေ ဖြစ်သွားတာပါ။ ၁၉၄၈ ခုနှစ်က စတာပေါ့ "
" ကျွန်တော် မှတ်တမ်းတင်ထားလို့ရအောင် ဆရာ စာပေနယ်ထဲ ရောက်လာခဲ့ပုံပြောပြပါဦး ဆရာ"
" စာပေလောကထဲ ရောက်အောင် ပထမဆုံး လှုံ့ဆော်ပေးခဲ့သူကတော့ ကျွန်တော့် အဘွားပဲ။ အဘွားက ဇိနတ္ထပကာသနီ တွေ ဖတ်ပြတယ်။ ပုံတွေ ပြောပြတယ်။ မှတ်မှတ်ရရ ပထမဆုံး ဖတ်တတ်ခဲ့တဲ့ စာ ကတော့ "ကိုပြုံးချို" ၀မ်းနုတ်ဆေး ကြော်ငြာပဲ။ အဘွားရေ ကျွန်တော် စာဖတ်တတ်ပြီလို့ ပြောတော့ အဘွား က ရယ် လိုက်တာ။

နောက် ဂျပန်ခေတ် ရောက်လာတော့ ကျွန်တော့် ဘကြီးတစ်ယောက်ဆီက ဒဂုန်မဂ္ဂဇင်းတွေ ဖတ်ရတယ်။ အဲဒီက ကဗျာတွေ စ လေ့လာတာပဲ။ ဗုံးတွေ ချနေတဲ့ကြားကပဲ ကဗျာ စ ရေးခဲ့တယ်။ ကိုယ့် ကိုယ် ကိုယ်တော့ ဟုတ်လှပြီပေါ့။ ကျွန်တော့်ကို ကဗျာမတတ်ဘူးလို့ လူရှေ့မှာ ပြောလိုက်လို့ အရှက် ရဖူးတာ ရှိတယ်။ ပြောလိုက်တဲ့ လူက "ဟံသာဝတီ ဦးဘရင်" ပေါ့ ဒီလူကြီးက ခေါင်းတုံးကြီးနဲ့ ဂျပန်ခေတ်မှာ ပွဲစား လုပ်နေတာကိုး။ သူ လာတော့ မေမေက သားရေ မင်းကဗျာတွေ ပြလိုက်ပါဦး ဆိုတာနဲ့ သူ့ကို ပြ လိုက်တယ်။

ဂျပန်စက္ကူ တစ်ဖက်လွတ်မှာ လျှောက်ရေးထားတဲ့ ကဗျာတွေ အများကြီး ရှိတယ်။ ကာရန် မပါဘူး။ ကျွန်တော့်ကိုယ် ကျွန်တော်တော့ ကဗျာသမားပေါ့။ ဥပမာ - ဗိုလ်ချုပ်အောင်ဆန်း၊ သူ့လမ်းစဉ်မှာ၊ နိုင်ငံရေး သတ္တိ ... ဘာညာနဲ့ ရေးထားတာ တစ်လုံးမှ ကာရန်မချိတ်မိဘူး။ ဆရာက ရယ်တယ်။ မင်းဟာ ကဗျာ မှ မဟုတ်ဘဲတဲ့။ ဟာ ... ဘယ့်နှယ်မဟုတ်ရမှာလဲ၊ ဒီမှာ လေးလုံးစပ် ရေးထားတာပဲလို့ ဆရာနဲ့ ခံငြင်းတယ်။ ဆရာက အဲဒီတော့မှ လေးလုံးစပ်ရေးတိုင်း ကဗျာမဖြစ်တဲ့အကြောင်း၊ ကာရန်ကြိုး ခတ်တာတွေ၊ နွယ်တာ တွေ ပါရမယ့်အကြောင်း ပြောပြတယ်။ ဒါကြောင့် ကျွန်တော့် ပထမဆုံး ဆရာဟာ ဟံသာဝတီ ဦးဘရင် ပဲ။ တကယ့်တကယ် ပြောရရင်တော့ အဘွားနဲ့ ဒဂုန်မဂ္ဂဇင်းက စ ခဲ့တာပေါ့လေ။

ဒုတိယဆရာက "သပြေညို"ပဲ။ ဆရာမင်းသုဝဏ်ရဲ့ ကဗျာလေ။ ကျွန်တော်တို့ကျောင်းမှာ ဒီကဗျာ သင်ရ တော့ အတန်းထဲမှာ ကျွန်တော်က ထထရွတ်ပြရတယ်။ ကဗျာရွတ်တာကို ကျွန်တော် ၀ါသနာပါတယ်။
ပြီးတော့ တစ်ခါ ကျွန်တော့် ကဗျာတွေကို ပါအောင် ထည့်ပေးလိုက်တာက စာရေးဆရာမ "ငွေတာရီ"ပဲ။ ငွေတာရီ က ကျွန်တော့်ကဗျာ တွေကို ဟံသာဝတီသတင်းစာမှာ ထည့်ပေးခဲ့တယ်။ ဒါကတော့ ကျွန်တော့် ကဗျာလမ်းကြောင်း ပါပဲ။ ၁၉၄၆ ခုနှစ်လောက်က စပြီး ကျွန်တော့် ကဗျာတွေ မဂ္ဂဇင်းတွေမျာ ပါခဲ့ပါတယ်။

" ကျေးဇူးတင်ပါတယ် ဆရာ၊ ခုလို ပြည့်ပြည့်စုံစုံ မှတ်တမ်းတင်ခွင့်ရတဲ့အတွက် ၀မ်းသာပါတယ် ဆရာ "
" ကိုဝင်းငြိမ်း ကသာ ပြည့်ပြည့်စုံစုံလို့ ပြောနေတာ ကျွန်တော်ကတော့ အားမရသေးဘူးဗျ"
" ဟုတ်ပါတယ် ဆရာ။ ပြောမယ်ဆိုရင် နောက်ထပ် ပြောချင်စရာတွေ အများကြီး ရှိပါလိမ့်ဦးမယ်။ ကျွန်တော်တို့ ဘက်က နေရာအခက်အခဲကြောင့် ကန့်သတ်ချက် ထားရတာမို့ ကျွန်တော်လည်း ဒါလောက် နဲ့ပဲ လက်စသတ်ရတာပါ။ နောက်တစ်ကြိမ် ဆုံခွင့်ရဦးမယ်ဆိုရင်တော့ ဒီထက် ပြည့်စုံတဲ့ အကြောင်း အချက် တွေ ပြောကြသေးတာပေါ့ ဆရာ "
" ဘာသာ လာခဲ့ပါဗျာ။ ကျွန်တော့်ဘက်ကတော့ အဆင်သင့်ပါပဲ "

ပေဖူးလွှာ၊ မဂ္ဂဇင်း၊ အမှတ်-၄၁၊ အောက်တိုဘာလ၊ ၁၉၈၄ ခုနှစ်။

Credit:shwezinu.blogspot.com