ဝင်းငြိမ်း နှင့် စာရေးဆရာများ အပိုင်း (၃၄)

ဝင်းငြိမ်း နှင့် စာရေးဆရာများ အပိုင်း (၃၄)

         (အမှန်အားဖြင့် ကာရန် မပါရင် ကဗျာ ဟုတ်ဘူးလို့လည်း မပြောရဲပါဘူး။ ဖတ်ဖူးတာလေး တစ်ခုကို သတိရလို့ ပြောပြပါရစေ။ အင်္ဂလိပ်ကဗျာလောမှာလည်း ကာရန်ရှိ ကာရန်မဲ့ ပြဿနာပေါ်နေတာပါပဲ။ သည်ရောဂါက သူတို့ဆီက ကူးလာတာပါ။ တစ်ခါတုန်းက အောက်(စ)ဖို့ဒ် တက္ကသိုလ်ကို ပညာတော်သင်ဆု ရ လို့ ပညာ လာသင်နေတဲ့ အမေရိကန် လူရည်ချွန်ကျောင်းသားတစ်ယောက်ဟာ "ရုဒ်ယာဒ် ကစ်ပလင်" (Rudyard Kipling) ဆီကို သွားလည်ပါတယ်။ စာပေဆွေးနွေးကြရင်း ကာရန်ရှိ ကာရန်မဲ့ ကဗျာ ပြဿနာအကြောင်းကို ရောက်သွားပါသတဲ့။) ကို ဆက်ဖတ်ရန်...

ကာရန်မဲ့ ကာရန်ရှိ ကဗျာနှစ်မျိုးရဲ့ ခြားနားချက်ကို သိပါရစေလို့ မေးသတဲ့။ သည်တော့ "ကစ်ပလင်"က အမေရိကန်ကဗျာထဲက ဘယ်ကဗျာကို မောင်ရင် ကြိုက်သလဲလို့ မေးတယ်။ "တိအက်စ် အီလီယော့(တ) " (T.S Eliot) ရဲ့ "သည် ဝေ့(စ်)လင်း(ဒ်) " (The Waste Land) ကို ကြိုက်ပါတယ်လို့ ဖြေပါတယ်။ ဒါဖြင့် အကြိုက် စာပိုဒ်ကလေးများကို ရွတ်ပြစမ်းပါလို့ ခိုင်းသတဲ့။ သည်တော့ လူရည်ချွန်ကျောင်းသားက မရွတ် နိုင်ပါဘူး ခင်ဗျာလို့ ဖြေသတဲ့။

ကျုပ် ကဗျာထဲမှာကော မောင်ရင် ကြိုက်တာများ ရှိပါသလား၊ ရှိပါတယ်။ ဘာတွေလဲ။ "မန္တလေး" (Mandalay) တို့၊ "ဂင်္ဂါဒင်" (Ginga Din) တို့ပါပဲ။ ကဲ ... မန္တလေးကို ရွတ်ပြစမ်းပါလို့ ကစ်ပလင်က ခိုင်းတော့ အထစ်အငေါ့မရှိ၊ လျှောက်ရွတ်တာပဲတဲ့။ ပြီးတော့ ဂင်္ဂါဒင်ကို ရွတ်ပြခိုင်းတော့လည်း စိတ်ပါ လက်ပါ အစအဆုံး ရွတ်ပြသတဲ့။ သည်တော့ ကစ်ပလင်က အဲဒါ ကာရန်မဲ့နဲ့ ကာရန်ရှိကဗျာတို့ရဲ့ ခြားနား ချက်တစ်ရပ်ပဲကွဲ့" လို့ ပြောလိုက်ပါသတဲ့။ "မဟာက၀ိရ၀ိန္ဒရာနတ်တဂိုး"ကြီးရဲ့ နိုဘယ်ဆုရတဲ့ ကဗျာ တွေဟာ ကာရန်မဲ့ ကဗျာတွေလို့ မှတ်မိဖူးပါတယ်၊ ဆင်ခြင်ကြပေါ့ခင်ဗျာ"
" ဆရာကြီးကကော ဘယ်လို ယူဆပါသလဲ ခင်ဗျာ "

ဆရာဇော်ဂျီ - "အကြောင်းအရာလည်း အဓိက၊ ပုံသဏ္ဍာန် အဓိကဖြစ်တယ်လို့ယူဆပါတယ်။ ဒါပေမဲ့ စာရေး ဆရာရဲ့ စေတနာကသာ သူ့စေတနာအလိုက် အကြောင်းအရာကိုလည်း ရှာတတ်တယ်။ ပုံသဏ္ဍာန်ကိုလည်း ရှာတတ်တဲ့အတွက် စေတနာသာ ပဓာနအကျဆုံးဖြစ်တယ်လို့ ဆိုချင်ပါတယ်"
" မြန်မာကဗျာတွေကို လေ့လာရတာ ခက်တယ်လို့ တချို့ ညည်းကြတာ ဆရာကြီးတို့ ကြားမိမယ် ထင်ပါတယ်။ အဲဒီလို မခက်ခဲရအောင် မြန်မာကဗျာတွေကို ဘယ်လို လေ့လာရမလဲ ဆရာ"
ဆရာဇော်ဂျီ - "မြန်မာကဗျာကို လေ့လာရာမှာ သင်ဆရာရဲ့ အကူအညီနဲ့ လေ့လာနိုင်ရင် အကောင်းဆုံးပါ။ ကိုယ်တိုင် လေ့လာမယ်ဆိုရင်တော့ ရှင်မဟာရဋ္ဌသာရရဲ့ ကိုးခန်းပျို့က ဟတ္ထိပါလ တောထွက်ခန်း ပုဒ်ရေ ၈၀ ကို လေ့လာပါ။ စကား ဖွဲ့စည်းပုံ၊ ၀ါကျထားသိုပုံ၊ ကာရန် သုံးထားပုံတို့ကို ဂရုစိုက်ပါ။ အလွတ်ကျက်တန်သရွေ့ ကျက်ပါ။ ကျက်တဲ့နေရာမှာ အသံထွက် ရွတ်ဆို လေ့ကျင့်ရင် ပိုကောင်းပါတယ်"

ဆရာမင်းသုဝဏ် - " ကဗျာဆိုရင် လွယ်တာလည်း ရှိပါတယ်။ ခက်တာလည်း ရှိပါတယ်။ ဒါကတော့ ဘာသာတိုင်းမျာပါပဲ။ ခက်တာကိုတော့ အထူးလေ့လာယူရပါတယ်။ ဂျပန်မှာ ဟိုက္ကူကဗျာဟာ အင်မတန် ခက်ပါတယ်။ အနောက်တိုင်းသားတွေက သူတို့ရဲ့ စရိုက်အတိုင်း ခေတ်အဆက်ဆက် ဟိုက္ကူကို လေ့လာတယ်။ ဖွင့်ဆို ရေးသားတယ်။ အခုတော့ ဂျပန်တွေတောင် အနောက်တိုင်းသားတွေရဲ့ အဖွင့် ကျမ်းတွေကို ကြည့်ပြီး အရသာခံစားနေကြရပါတယ်။ ဒါကြောင့် ဆရာတောင်မှ "ဟိုက္ကူကဗျာ မြည်းစရာ" စာအုပ်ကို ထုတ်နိုင်ခဲ့ပါတယ်။

မြန်မာကဗျာကို နားလည်ဖို့က ကဗျာရဲ့ နောက်ခံ မြန်မာ့ယဉ်ကျေးမှုကို နားလည်သိလိုပါတယ်။ အထက်က ဆရာ ပြောခဲ့သလို ရွှေယုန် နဲ့ ရွှေကျားကစပြီး ကြားဖူးနားဝလည်း ရှိရမယ်။ ကြိုက်တဲ့စိတ်လည်း ပေါ်ရမယ်။ ဒီလိုဆိုရင် မြန်မာကဗျာကို လေ့လာရတာ ခက်မယ်မဟုတ်ပါဘူး။ ခက်တယ်လို့လည်း ထင်တော့မယ် မဟုတ်ပါဘူး။ သည်တောင်ကို မောင်ဖြိုခဲ့မယ် မြင်းမိုရ်မို့လားလို့ ဖြစ်လာမှာပါပဲ "
" ကဗျာရေးတယ် ဆိုတာ ရင်ထဲက ခံစားချက်ကို ဖွင့်ချရုံသက်သက်ပဲလား ဆရာကဗျာမှာ ရည်ရွယ်ချက်တို့ တာဝန်တို့ ရှိပါသလား ခင်ဗျာ "

ဆရာမင်ုးဝဏ် - "ကဗျာမှာ ခံစားချက်ကို မျိုသိပ်မထားနိုင်လို့ မှုတ်ထုတ်လိုက်နေ၍ ကဗျာက တစ်မျိုး၊ ပန်းတိုင်တစ်ခုခုကို ဦးတည်ပြီး ရေးတဲ့ ကဗျာက တစ်မျိုး၊ အကြမ်းအားဖြစ်ကဗျာနှစ်မျိုးတွေ့ရပါတယ်။
ပထမ တစ်မျိုးက ရည်ရွယ်ချက် မည်မည်ရရ မရှိပါဘူး။ ဒုတိယတစ်မျိုးကတော့ ရှိတယ်လို့ ဆိုရပါမယ်။ ကဗျာရဲ့ တာဝန်ကိုတော့ဖြင့် ဆရာ မပြောတတ်ပါဘူး။ လက်တွေ့အကျိုးသက်ရောက်ပုံကို ကြည့်ပြီး ပြောရရင်တော့ ကဗျာဟာ မယဉ်ကျေးသူကို ယဉ်ကျေးအောင်ဆုံးမပါတယ်။ သည်တော့ ကဗျာ့တာဝန်ဟာ မယဉ်ကျေးသူကို ယဉ်ကျေးအောင် လုပ်ပေးမှုလို့ ဆိုရမယ် ထင်ပါတယ်"
ဆရာဇော်ဂျီ - "ကဗျာရဲ့ အစွမ်းကြောင့် ပရိသတ်မှာ ပေါ်ပေါက်တဲ့ အကျိုးအာနိသင် နှစ်သက်ခြင်းလည်း ရှိပါတယ်။ နှစ်သက်ခြင်းသက်သက်ကိုတော့ ယေဘုယျအားဖြင့် သဒ္ဒါလင်္ကာရ၊ အတ္ထာလင်္ကာရ အစိတ်အပိုင်း တို့က ရတတ်ပြီး၊ အာနိသင် နှစ်သက်ခြင်းကိုတော့ စာရေးဆရာရဲ့ စေတနာမှန် အခြေခံလည်း ရှိပြီးတော့ လေးနက်တဲ့ ဘ၀အကြောင်းအရာ အခြေခံလည်းရှိတဲ့ အစ၊ အလယ်၊ အဆုံး စာတစ်ပုဒ်လုံး မှ ရတတ်တယ်လို့ ဆရာယူဆတယ်။

ဒါကြောင့် ကဗျာ ရေးလိုသူတို့ဟာ မိမိရဲ့စာမှာ နှစ်သက်ခြင်းသက်သက် ပါအောင် သာမက အာနိသင် နှစ်သက်ငြ်း ပါလာအောင်လည်း အားထုတ်သင့်တယ်လို့ ထင်ပါတယ်။ ကဗျာ လေ့လာတဲ့သူဟာ စာတစ်ပုဒ် ကို လေ့လာရာမှာ နှစ်သက်ခြင်းသက်သက်ကိုသာမက အာနိသင် နှစ်သက်ခြင်း ရှိ မရှိကိုပါ သိအောင် အားထုတ်သင့်ပါတယ်။ ဒါမှလည်း ပရိသတ်က သူ့လောကကို သတိပြုတတ်မှု ရှိလာနိုင်ပြီး ဘ၀ အမောဖြေခွင့် ရလာတော့မပေါ့။ ကာမဂုဏ်အား နှစ်သက်ခြင်းထက် ရသအတွေ့အကြုံ နှစ်သက်ခြင်းက ယဉ်ကျေးမှုနဲ့ ပိုပြီးနီးစပ်တယ်လို့ ဆိုချင်ပါတယ်။ ရသအတွေ့အကြုံ နှစ်သက်ခြင်းသက်သက်ထက် ရသ အတွေ့အကြုံအာနိသင်နှစ်သက်ခြင်းက ယဉ်ကျေးမှုနဲ့ နောက်တစ်ဆင့် ပိုပြီး နီးစပ်တယ်လို့ ဆိုချင်ပါတယ်။ ဒါကြောင့် စာရေးလိုသူနဲ့ လေ့လာလိုသူတို့ဟာ အာနိသင် နှစ်သက်ခြင်း ပန်းတိုင်သို့ ရောက်အောင် အားထုတ်စေလိုခြင်းဖြစ်ပါတယ်။

ဒီလို ပြောလိုက်လို့ ကဗျာ့တာဝန်ဟာ ဗဟုသုတပေးဖို့၊ အဆုံးအမပေးဖို့ လို့တော့ မယူဆစေချင်ပါဘူး။ ဒီလို မယူဆသင့်ဘူးလို့လည်း ဆိုမိန့်ကြပါတယ်။ ဒါကိုလည်း ဆရာလက်ခံပါတယ်။ ဗဟုသုတ ပေးဖို့၊ အဆုံးအမ ပေးဖို့ ကဗျာ ရေးရင် ကဗျာမဖြစ်ဘဲ ကာရန် ဗဟုသုတစာသာ ဖြစ်ပါလိမ့်မယ်။ ဒီကဗျာမျိုးကို ဖတ်ရတာထက် ဗဟုသုတစာအုပ်၊ ဆုံးမသြ၀ါဒစာအုပ်တို့ကို ဖတ်လိုက်ရတာက ပိုကောင်းမယ် ထင်ပါတယ်။ တစ်ခါ ကဗျာလို့ ဆိုခဲ့တဲ့အတွက် ကဗျာသည် အကျိုးပြုတတ်သောအရာ မဟုတ်တော့ ဘူးလား လို့ မေးစရာ ရှိလာပြန်တယ်။

ကဗျာသည် အကျိုးပြုသင့်သည်လို့ ဆရာ ယုံကြည်ပါတယ်။ ဒါပေမဲ့ ပြုပုံချင်းမတူထိုက်လို့ ယူဆတဲ့အတွက် ဆိုခဲ့ခြင်းသာ ဖြစ်ပါတယ်။ အကျိုးပြုရာမှာ ကဗျာဟာ ပရိသတ်၌ နှစ်သက်ခြင်းကို ဖြစ်စေပြီး အဲဒီနှစ်သက်ခြင်းရဲ့ ဂယက်နဲ့ ဘ၀ကို အသိပေး အကျိုးပြုတတ်တယ် ဆိုတာကို သတိ ပြုသင့်ပါတယ်"
" ကဗျာ ရေးချင်တဲ့သူ တစ်ယောက်အနေနဲ့ ဘာတွေ လေ့လာလိုက်စားဖို့ လိုပါသလဲဆရာကြီး ခင်ဗျား "
ဆရာမင်းသုဝဏ် - "ကဗျာ ရေးချင်ရင် ကဗျာရေးနည်း စာအုပ်တွေ များများဖတ်ပါ။ ကဗျာတွေ များများ နှုတ်တက် ရဖို့လည်း လိုပါတယ်။ ဆရာ ရေးဖူးတဲ့ "ကဗျာရေးချင် စာစပ်သင်" ဆိုတဲ့ စာအုပ်ကလေး ကလည်း ကျေးဇူးပြုနိုင်ပါလိမ့်မယ်။ မပြတ်မလပ်ရေးဖို့ လိုပါတယ်။ တွေ့ကရာကို ရေးနိုင်ဖို့ လိုပါတယ်။ လမ်းဆုံးတော့ ရွာကို တွေ့ရမှာမုချပါပဲ "

" ကဗျာတစ်ပုဒ်ကို မွေးထုတ်ရာမှာ အကြောင်းအရာပိုင်းက စပြီး ရေးပုံထိ ဆရာကြီးတို့ရဲ့ ကဗျာတစ်ပုဒ်စီ ကို ဥပမာအဖြစ် ကဗျာ လေ့လာလိုက်စားတဲ့ လူငယ်တွေသိရအောင် ပြောပြစေချင်ပါတယ် ဆရာ။ ဥပမာ အားဖြင့် ဆရာကြီးဇော်ဂျီရဲ့ ထင်ရှားတဲ့ ကဗျာစုဖြစ်တဲ့ ဗေဒါလမ်း ကဗျာတွေထဲက တစ်ပုဒ်လောက် သိပါရစေ ဆရာကြီး"

ဆရာဇော်ဂျီ - "ဗေဒါလမ်း ကဗျာအားလုံးအတွက် ယေဘုယျ ဖြစ်ပေါ်လာပုံကို ဆရာ့အိမ်ကနေ ဆရာ့ အလုပ်ခွင်ဖြစ်တဲ့ တက္ကသိုလ်စာကြည့်တိုက် နေ့စဉ်နေ့တိုင်း ခြေကျင်သွားပြီး ခြေကျင်ပြန်လေ့ရှိပါတယ်။ ဒီလို နေ့စဉ် သွားလာနေရတာကို တွေးမိလာတယ်။ အလုပ်ခွင်မှာလည်း လူအမျိုးမျိုး၊ အဖြစ်အပျက် အမျိုးမျိုးနဲ့ ကြုံဆုံ ဆက်ဆံ တုံ့ပြန်နေရလို့ ခံစားမှုအမျိုးမျိုး ရနေခြင်းသာပါတကားလို့ တွေးမိလာတယ်။ အသွားနဲ့ အပြန် နှစ်ခုကြားမှာ အဖန်တလဲလဲ ကျင်လည်နေရခြင်းသာပါတကားလို့လည်း တွေးမိပါတယ်။ တစ်ခါ ဆရာ ငယ်ငယ်က သွားလာပျော်ရွှင်ခဲ့ဖးရာ ဖြစ်တဲ့ ဒီအတက်အကျ ရှိတဲ့ချောင်းကို  သတိရလာပြန်တယ်။ ဒီရေ အတက်အကျအလိုက် စုန်ဆန်နေတတ်တဲ့ ဗေဒါပင်၊ ဗေဒါပန်းတွေကိုလည်း သတိရ လာတယ်။ ကဗျာရေးချင်စိတ် ပေါက်လာတဲ့အခါ ဆရာ့အတွေ့အကြုံ၊ အဆက်အဆံ၊ အတုံ့အပြန် ရှိခဲ့ဖူးတာတွေကို ဒီချောင်းအမူအရာ၊ ဗေဒါပင် အမူအရာတွေနဲ့ တင်စားပြီး ဆရာမှန်မိတဲ့ ခံစားမှုအသိနဲ့ ဗေဒါလမ်း ကဗျာတွေကို ထုံ့ပိုင်းထုံ့ပိုင်း ရေးနိုင်ခဲ့တာပါပဲ။

ကိုဝင်းငြိမ်းက တစ်ပုဒ် ဥပမာ တောင်းထားတော့ ဗေဒါလမ်း အုပ်စုထဲက "နေလုံးရယ်နီ"ကို ဥပမာ ပေးချင်ပါတယ်။ ကဗျာက ဒီလိုပါ -

နေလုံးရယ်နီ
တိမ်ပန်းချီ နေသွေးနဲ့၊
နတ်ရေးသည်သို့။
ဒီ အကျ ပေမို့
အလှလတာပြင်က၊
ကျူရိုးရှင် လှေကလေးနဲ့
မျှော်ငေးလိုလို့။
သူ့ကိုယ်သူလျှင်၊ ဘာထင်လေမသိ။
ဘယ်ပြောင်းညာပြန် နဲ့
ဟိုငပျံလတာစွန်းမှာ၊
သူ့လွမ်းသံချည့်။
အိုအချင်း ကျူရိုးရှင်။
သူ့မူရာ သူ့အတင်း၊ မင်း ဆိုခဲ့စဉ်။
မင့်ကိုယ်လဲမင်းပင်လျှင်၊
ဘာထင်လို့လေလဲ။
မဗေဒါ စုန်ဆန်လမ်း မှာ၊ ပန်းခဲ့သည်ပဲ။

ဒီကဗျာ ဘယ်လို ဖြစ်လာတယ် ဆိုတာကို ဆရာ ပြောပြပါ့မယ်။ အဲသည်တုန်းက သတင်းစာတွေထဲမှာ ကမ္ဘာ့သတင်း၊ ဗမာ့သတင်းတွေကို ဂရုတစိုက် ဖတ်မိကြရင် စိတ်မောစရာ တော်တော်များများ တွေ့ကြ လိမ့်မယ်။ နိုင်ငံအုပ်စုတွေကလည်း အရေးကိစ္စတိုင်းလိုလိုမှာ ဘယ်သူ့ကိုမှ လူမထင်၊ ငါ့အတွက် ငါတကော ကောနေကြတယ်လို့ ဆရာ့စိတ်မှာ ထင်လာတယ်။ ဒါ ဆရာ့အထင် ပြောတာပါ။ အဲဒီအခါမှာ သူတို့ရဲ့ အမူအရာများကို တွေးကြည့်ပြီး ဆရာ စိတ်မောမိတယ်။ အဲဒီလို မောမိတာနဲ့အတူ အုပ်စုတွေဟာ သူတို့ ကိုယ်သူတို့ ဘယ်လိုများ ထင်နေကြပါလိမ့်ဆိုတဲ့ အသိလိုလို၊ အမြင်လိုလို ဖြစ်တဲ့ အမေး အတွေး တစ်ခုလည်း ဖြစ်ပါတယ်။ ဆရာ ထင်သလို ဟုတ်ချင်မှလည်း ဟုတ်လိမ့်မယ်။

အဲဒီ အတွေးနဲ့အတူ "သူ့ ကိုယ်သူလျှင်၊ ဘာထင်လေမသိ"ဆိုတဲ့ ကဗျာတိုလေးတစ်ကြောင်း ဆရာ့နားထဲ ရောက်လာတယ်။ ဆရာ့အဖို့မှာ အဲဒီအတွေးနဲ့ အဲဒီကဗျာတို့ကို ရလိုက်တာကအစ သူတို့ဟာ ဆရာ့စိတ်ကို အလုပ်ပေးကြတော့တာပဲ။ ဆရာ့စိတ်ဟာ အငြိမ်မနေနိုင်တော့ဘဲ ရုန်းကန်စပြုလာတော့တယ်။ ဒီကဗျာ မရေးခင်ကတည်းက ဆရာဟာ စိတ်ကူးပေါက်တိုင်း ဗေဒါလမ်းကဗျာများကို ထုံ့ပိုင်းထုံ့ပိုင်း ရေးလာခဲ့တာ ဆိုတော့ ဒီကမ္ဘာသတင်း၊ ဗမာ့သတင်းတွေကြောင့် ဖြစ်လာခဲ့တဲ့ ဆရာ့အတွေးနဲ့ ဆရာ့ကဗျာတို့ကိုလည်း ကိစ္စတိုင်းအတွက် အများက လက်ခံနိုင်အောင် ဗေဒါလမ်း ကဗျာစုမှာ ဆရာ ထည့်ချင်လာတယ်။ အဲဒီတော့ ရေးနေကျဖြစ်တဲ့ ဒီတက် ဒီကျမှာ စုန်တုံ့ ဆန်တုံ့ ပြုတတ်တဲ့ ဗေဒါပန်းနဲ့ လဟာပြင်ကို ဆရာ သတိရ လာတယ်။

ဒါပေမဲ့ "သူ့ကိုယ်သူလျှင် ဘာထင်လေမသိ" ဆိုတဲ့ အတွေးဟာ ဆရာ အရင်က စိတ်မောခဲ့တဲ့ သဘောအတိုင်း ဆရာ့ ကဗျာမှာ ထင်ပေါ်လာအောင် ဘယ်လို စီစဉ်ရမလဲ။ ဘယ်လို နေရာချရမလဲ။ ဆရာ့စိတ် ပိုပြီး လှုပ်ရှားလာတယ်။ ပိုပြီး ရုန်းကန်လာတယ်။ သွားရင်း၊ လာရင်း၊ လုပ်ရင်း၊ ကိုင်ရင်း မှာတောင် အခွင့်ရတဲ့ အခါတိုင်း လှုပ်ရှားရုန်းကန်တတ်ပါတယ်။ ထွက်ပေါက်ရှာနေတဲ့ သူလို ဖြစ်နေတယ်။ ဒီချောင်းဒေသမှာ ဆရာ သဘောကျဖူးခဲ့တဲ့ အမူအရာတို့ကို မျက်စိနဲ့ လိုက်ကြည့်တယ်။ အသံကို စိတ်နဲ့ လိုက်နားထောင်ကြည့်တယ်။
ကြိုက်တာကိုလည်း တွေ့ရတယ်၊ မကြိုက်တာကိုလည်း တွေ့ရတယ်။

အဲဒီလို ရုန်းကန်နေရင်း တစ်ခါတော့ လာတာပြင်မှာ ခုန်တက် ပေါက်တတ်တဲ့ ဓါးပျံနဲ့ အဆက်မပြတ် အော်တတ်တဲ့ ဘုတ်ငှက်ကို သတိရလာတယ်။ ငါးပျံနဲ့ ဘုတ်ငှက်တို့က ဘယ်သူ့ကိုမှ ဂရုမစိုက်ဘူး။ သူတို့အစွမ်းကိုသာ သူတို့ပြပြီး ငါတကော ကောနေကြဟန် ဖွဲ့လိုက်ရင် "သူ့ကိုယ်သူလျှင်၊ ဘာထင်လေ မသိ" ဆိုတဲ့ အတွေး ထင်ပေါ်လာမယ်လို့ ယူဆပြီး အဲဒီအတိုင်း ဖွဲ့ဖို့ ဆရာ ဆုံးဖြတ်လိုက်ပါတယ်။ ဒါပေမဲ့ ဆရာ့စိတ်ထဲမှာ အားမရ သလိုလို ဖြစ်နေသေးတယ်။ ကိုယ့်အစွမ်းကိုသာ ကိုယ်ပြနေကြတဲ့ ငါးပျံနဲ့ ဘုတ်ငှက်တို့ကို ဖွဲ့လိုက်ရုံနဲ့ ဆရာ့အတွေးဟာ ထင်ပေါ်လာကောင်းပါတယ်။ ဒါပေမဲ့ ကြွတက်လာအောင် ပြုနိုင်ဦးမှ ကောင်းမယ်။ တစ်ခုခုနဲ့ အားဖြည့်ပေးစရာ လိုနေသေးတယ်လို့ အထင်ရောက်လာတယ်။ လတာပြင်မှာ ငါးပျံ ဆော့ချင်တိုင်း ဆော့နေတာကို မြင်ကြည့်တယ်။ ဘုတ်ငှက် ဆူချင်တိုင်း ဆူနေတာကို ကြားကြည့်တယ်။ မျက်စိရှုပ်လာတယ်။ နားငြီးလာတယ်။ အဲဒီအခါမှာ ဆရာ ကြည်နူးခဲ့ဖူးတဲ့ ညနေ နေစောင်းချိန် နေလုံးနီနီ ကို သတိရလာတယ်။.

ဆက်ရန်

Credit:shwezinu.blogspot.com