ဝင်းငြိမ်း နှင့် စာရေးဆရာများ အပိုင်း (၁၅)

ဝင်းငြိမ်း နှင့် စာရေးဆရာများ အပိုင်း (၁၅)

ပွင့် သို့မဟုတ်
ကမ္ဘာစစ် မီးတောက်မီးလျှံများကြားမှာ မြန်မာခရစ်ယာန်မလေး ပွင့်

မေတ္တာရှင်မလေး ပိုင်
တရုတ်အမျိုးသမီးကလေး ပိုး
မျိုးချစ်စိတ်ထက်သန်တဲ့ ကရင်မလေး ပုံ

တို့ကို ဖန်တီး မွေးထုတ်ခဲ့တဲ့ အမျိုးသားစာပေဆုရ စာရေးဆရာမ မလေးလုံ နဲ့ စာဖတ်ပရိသတ်များကို တွေ့ဆုံ ပေးရန် စာတည်းအဖွဲ့က ဆုံးဖြတ်ခဲ့ပါတယ်။ ဒီနေ့ ဆယ်ကျော်သက် စာဖတ်ပရိသတ်တွေနဲ့ အလှမ်းကွာဝေး နေသလို ရှိပေမယ့် လူလတ်ပိုင်း စာဖတ်ပရိသတ်တွေ စွဲလမ်းနှစ်ခြိုက်ခဲ့ကြတဲ့ စာရေးဆရာမ တစ်ဦးဖြစ်ပါတယ်။ တကယ်တော့ ဆရာမ မလေးလုံရဲ့ ကျန်းမာရေးက သာမန် လူတစ်ယောက် လို တင်း ပြည့်ကျပ်ပြည့် ကောင်းလှတာ မဟုတ်ခဲ့ပါဘူး။ ညာဘက် ကိုယ်တစ်ခြမ်း သေသွားတဲ့ ဝေဒနာသည်ဘ၀က နေပြီး လောကကို အနိုင်မခံ အရှုံးမပေးဘဲ ကြံ့ကြံ့ခံပြီး မိမိ ကျန်းမာရေး နဲ့ အမျိးသားစာပေဆု ရတဲ့အထိ ကြိုး ပမ်းနိုင်ခဲ့တဲ့ သူ့ဝီရိယက အံ့မခန်းလောက်စရာပါ။

စာဖတ်ပရိသတ်များ အတုယူစရာကောင်းလောက်တဲ့ သူ့ကြိုးစားမှုတွေနဲ့ စာပေနဲ့ ပတ်သက်တဲ့ သူ့အယူ အဆ တွေကို ကျွန်တော် တွေ့ဆုံမေးမြန်းခဲ့ရာမှာ ဆရာမ ပြောပြလိုက်တာတွေကတော့ ...

" ဆရာမ ကျန်းမာရေးအခြေအနေ မကောင်းတဲ့ကြားကနေ စာပေလောကထဲ ရောက်လာအောင် ဘယ်လို ကြိုးစား ခဲ့တယ် ဆိုတာကနေ စ ပြောကြရအောင် "
" ကျွန်မ စာပေနယ်ထဲ ရောက်လာတာကိုက ကျွန်မ ကျန်းမာရေးကြောင့်လို့ ပြောရပါလိမ့်မယ်။ ဘာဖြစ်လို့လဲ ဆိုတော့ ကျွန်မ ရှစ်နှစ်၊ ကိုးနှစ်လောက်ကတည်းက နှလုံးအားနည်းတဲ့ရောဂါ ရှိတယ်လေ။ ကလေး ဆိုတော့ ဘာရယ်တော့ မသိခဲ့ဘူးပေါ့။ အစ်ကို ကြားမှာ မွေးထားတဲ့ ပထမဆုံးသမီးဆိုတော့ အစ်ကိုတွေ နဲ့ အပြိုင်ဆော့တာပဲ။ ပြေးတယ်၊ စက်ဘီးစီးတယ်၊ ထွေပစ်တယ်။ အစ်ကိုတွေ ကစားသမျှအား လုံး လိုက်ကစားတာပဲ။ ဘတ်စကက် ဘော လည်း ကစားတာပဲ။ ဒီလို ကစားနေရင်းက တစ်ခါတစ်ခါ သိပ်မောတာပဲ။ ဒါပေမဲ့ တိတိကျကျ မပြောတတ်တော့ တစ်ခါတလေ မောလိုက်တာလို့ ညည်းရင် လူကြီး တွေက ၀ိုင်းရယ်ကြတယ်။ အဘွားကြီးလေး ကျနေတာပဲပေါ့။

ကျွန်မ ဆယ်နှစ်၊ ဆယ့်တစ်နှစ်လောက်မှာ ကျွန်မတို့ ပုသိမ်ကနေ ရန်ကုန်ပြောင်းလာကြတော့ ကျွန်မ နေမကောင်း တော်တော်ဖြစ်တာနဲ့ ဆရာဝန် ပြကြည့်တော့မှ နှလုံးအားနည်းတဲ့ရောဂါ ရှိတယ်ဆိုတာ သိရတယ်။ ဒီလိုပဲ ကျောင်းတက်လိုက်၊ နေမကောင်းရင် ဆေးရုံတက်လိုက်၊ နေကောင်းသွားတော့ ကျောင်း ပြန်တက်လိုက်နဲ့ သံသရာလည်နေတာ။ တစ်ခါမှာတော့ တော်တော်ကလေး နေမကောင်းလို့ ဆေးရုံ တက်ရ ပြီး ကျောင်းထွက်လိုက်ရတယ်။ ကျောင်းစာနဲ့ နှစ်နှစ်လောက် အဆက်ပြတ်သွားတယ်။ ကျွန်မ သူငယ်ချင်း တွေဆယ်တန်း ရောက်တဲ့နှစ်မှာ ကျွန်မလည်း ဆယ်တန်း ဖြေမယ်ဆိုပြီး ကျူရှင် တက်တယ်။ ဒါပေမဲ့ စာမေးပွဲ မဖြေလိုက်ရဘဲ ဆေးရုံပြန်တက်ရပြီး ဆေးရုံပေါ်မှာပဲ ကျွန်မ ညာဘက် ကိုယ်တစ်ခြမ်း သေသွားခဲ့ ရပါတယ်။

အဲဒါကြောင့် ကျွန်မ ဆယ်ကျော်သက်အရွယ်မှာပဲ ကျောင်းနဲ့လည်း စခန်းပြတ်သွားတယ်။ ဘာမှလဲ မလုပ် နိုင် တော့ဘူး။ ခေါင်းဖြီးတာကအစ လူကြီးတွေက လုပ်ပေးရတယ်။ ဘာအလုပ်မှ မရှိတော့ ကျွန်မ ၀တ္ထုတွေ၊ မဂ္ဂဇင်းတွေ ဖတ်လာတယ်။ စာဖတ်များလာတော့ ငါလည်း သူတို့လို ဇာတ်လမ်းလေးတွေ ရေးကြည့်ရင် ကောင်းမယ်ဆိုပြီး စိတ်ကူးရလာတယ်။ ကျောင်းနေတုန်းကတော့ အိမ်ကလည်း ပညတ် ထားတော့ ၀တ္ထု ဆိုတာ မဖတ်တတ်သလောက်ပါဘဲ။ ကျန်းမာရေး မကောင်းတော့မှ ဖေဖေက ၀တ္ထုတွေ၊ မဂ္ဂဇင်းတွေ အားလုံး ၀ယ်ပေးတာ။ အိမ်မှာက ကျွန်မအစ်ကို အကြီးဆုံးကလည်း စာဖတ်ဝါသနာပါတော့ သူ့မှာ အင်္ဂလိပ် ၀တ္ထုစာအုပ်တွေ အများကြီးရှိတယ်။ ဒါတွေလည်း ကျွန်မ နားမလည်တလည်နဲ့ ယူဖတ်တာပဲ။ နောက်တော့ အစ်ကိုကြီးကလည်း စာအုပ်ကောင်းတွေ ၀ယ်ပေးပါတယ်။ အဲဒီတော့ စာပေကို ပို စိတ်ဝင်စားလာတာပေါ့။

ကျွန်မ ဘယ်လောက်အထိ စာဖတ်ခဲ့သလဲဆိုရင် ၀တ္ထုတစ်ပုဒ်ကို ခါးလယ်ကဖြတ်ပြီး တစ်မျက်နှာလောက် ဖတ်လိုက်ရင် ဒါ ဘယ်စာရေးဆရာရဲ့ ၀တ္ထုဆိုတာ ပြောနိုင်တယ်။ စာရေးဆရာအားလုံးရဲ့ ဟန်တွေကို သိနေတာကိုး "
" အဲဒီတုန်းက ဆရာမ ဘယ်သူတွေ ရေးတာတွေ ဖတ်ခဲ့ပါသလဲ "
" စုံနေတာပါပဲ။ ဒေါ်ခင်နှင်းယု၊ ခင်ဆွေဦး၊ လင်းယုန်နီ၊ တက္ကသိုလ်ဘုန်းနိုင်၊ ဂျာနယ်ကျော်မမလေး ... အားလုံး ဖတ်တာပဲ။ အင်္ဂလိပ်ဝတ္ထုတွေထဲက ဆိုရင်လည်း Pearl S.Buck ကို တော်တော်ဖတ်ဖြစ်တယ်။ တချို့ စာဖတ်ပရိသတ်ကဆိုရင် ကျွန်မစာတွေက ပါးလ်စ်ဘတ်ခ်ရဲ့ စာတွေနဲ့ ဆင်တယ်လို့ ပြောကြတယ်။ ကျွန်မကလည်း ဒီစာရေးဆရာမကြီးကို သဘောကျတော့ ရောင်ပြန်ဟပ်တဲ့ သဘောလားတော့ မပြောတတ် ပါဘူး။ ဒက်ဖနီဒူးမေး လည်း ဖတ်ပါတယ်။

အဲဒီလို ဖတ်ရင်းကနေ စာရေးချင်လာတယ်။ အိမ်မှာက ကျွန်မတို့ မိသားစု ဆုံမိကြရင် ဖေဖေတို့၊ မေမေတို့ က သူတို့ အတွေ့အကြုံ ထူးထူးဆန်းဆန်းကလေးတွေ ပြောပြတတ်ကြတယ်။ အဲဒီလို ပြောပြတဲ့အထဲကပဲ ကျွန်မ ငွေတာရီမှာ ရေးခဲ့တဲ့ "ဂျန်တား" တို့၊ " ဘပုနောင်" ကို ဖြစ်လာခဲ့တာ။ ဒါတွေက လူတစ်ယောက်စီ ရဲ့ အကြောင်းတွေပဲ။ ကျွန်မ ငယ်ငယ်ကတည်းက သူများ ပြောပြတာဆိုရင် ပုံပြင်တွေလိုပဲ၊ ရင်ထဲမှာ မှတ် ထားတတ် တဲ့ အကျင့်ရှိတယ်။
စာစရေးတဲ့ အချိန်မှာတော့ ဒါတွေ မကိုင်နိုင်သေးပါဘူး။ အဲဒီအချိန်မှာ တိုင်းရင်းသား ဂျာနယ်ကလည်း အရှိန် တော်တော်ကောင်းနေတော့ အင်္ဂလိပ်ရုပ်ပြ၀တ္ထု All in Picture ကလေးတစ်ပုဒ်ကို မှီးပြီး တိုင်းရင်း မေကို ပို့လိုက်တယ် "

" နာမည်က ... "
" အချစ်နဲ့ တာဝန်ပါ။ ဒါ ပထမဆုံး ရေးတဲ့ ၀တ္ထုပေါ့။ ပို့ပို့ချင်းတော့ မပါသေးဘူး။ လေး ငါးခြောက်လောက် နေတော့ ပါလာတယ်။ အဲဒီတုန်းက ခက်တာက ကလောင်နာမည် ရွေးရမှန်းလည်း မသိသေးတော့ ကျွန်မ နာမည်ရင်းအတိုင်း " ခင်သိန်းဆွေ " ဆိုတဲ့ နာမည်နဲ့ပဲ ပို့လိုက်တာပဲ။ တိုက်က မဂ္ဂဇင်း လာပို့တော့မှ အိမ် သားတွေ သိကုန်ကြတယ်။ အဲဒီတော့မှ ကျွန်မ အစ်ကိုလေးက နာမည်ရင်းနဲ့ဆိုရင် သိသာလွန်းတယ်။ ကလောင် နာမည်ရွေးပါ ဆိုတော့မှ ကလောင်နာမည် ရွေးရမှန်း သိတယ်။ ဒါပေမဲ့ ဘာရွေးမှန်း မသိဘူး။ အဲဒီ အချိန်မှာက ကလောင်နာမည်တူတွေ သိပ်ပြဿနာတက်နေတယ်လေ။

ကလောင်နာမည် စဉ်းစားရတာပေါ့။ အိမ်မှာ ကျွန်မတို့ မောင်နှမတွေက အဆင့်ဆင့် ကိုကြီး၊ ကိုလေး၊ မကြီး၊ မလေး ခေါ်ကြတယ်။ မလေးအောက် ညီမလေးကိုတော့ အိမ်မှာ လုံမလေးလို့ ခေါ်ကြတယ်။ သူ့အောက် ညီမထွေး မကြေးမုံနဲ့ တခြားအငယ်တွေကတော့ သူ့ကို မမလုံလို့ ခေါ်ကြတယ်။ ဒါကြောင့် ကျွန်မ နာမည်ကို မလေး နဲ့ မလုံပေါင်းပြီး "မလေးလုံ" လို့ ယူလိုက်တယ်။ ဒါလည်း ယူသာယူ လိုက်ရတယ်။ သူများတွေများ ယူပြီးသားလားလို့ ကြောက်ကြောက်နဲ့ပဲ ပို့လိုက်ရတယ်။ အယ်ဒီတာ ကိုလည်း ဒီနာမည် ရှိများရှိနေသလား။ မရှိရင်တော့ ကျွန်မ ဒီနာမည် လိုချင်ပါတယ်ပေါ့။ နာမည်တူ မရှိလို့ ထင်ပါရဲ့။ သူတို့က လည်း သုံးလိုက်တာနဲ့ မလေးလုံ နာမည်နဲ့ ဒုတိယ၀တ္ထုသုံးလိုက်ကြတယ်။

ကျွန်မ စာရေးကတည်းက အတိုလေး သုံးပုဒ် ရေးပြီးရင် ၀တ္ထုရှည် စ ရေးမယ်ဆိုတဲ့ ရည်ရွယ်ချက်က ရှိတယ်။ " ပွင့် " ဇာတ်လမ်းက ကျွန်မ စာမရေးခင်ကတည်းက ရင်ထဲမှာ ရှိပြီးသားပဲ။ ကျွန်မတို့မှာက မွေး ကတည်းက ကမ္ဘာစစ်နဲ့စပြီး ထိတွေ့ခဲ့ရတယ်။ ပြီးတော့ ပြည်တွင်း ဆူပူသောင်းကျန်းမှုနဲ့ ဆက်ပြီးတွေ့ရပြန်တော့ ငြိမ်းချမ်းရေးဆိုတာ မထိမတွေ့ရသလောက် ဖြစ်နေတယ်။ ကျွန်မ ရင်ထဲမှာက ငြိမ်းချမ်း သင့်တင့်စေချင်တယ်၊ ညီညွတ်စေချင်တယ်၊ ချစ်ခင်စေချင်တယ်၊ ဒီစေတနာရှိတယ်။ တစ်ဦးနဲ့ တစ်ဦး အထင်လွဲတာမျိုး မရှိစေချင်ဘူး။ ဒီစေတနာနဲ့ "ပွင့်"ကို ရေးဖို့ ရည်ရွယ်ခဲ့တာပဲ။
ဒုတိယ၀တ္ထုတိုကျတော့ ကျွန်မ ကိုယ်ပိုင်ဇာတ်လမ်း ဖြစ်သွားပြီ။ ပြည်တွင်းဆူပူမှုကို အခြေခံပြီး ရေးတယ်။ နောက်တော့ ကျွန်မ ဆေးရုံပေါ်က အတွေ့အကြုံကလေးတွေ ကလေးတွေအခြေခံပြီး ဆက်ရေးပါတယ်။

တိုင်းရင်းမေမှာ အတိုသုံးပုဒ် ပါပြီးတာနဲ့ တစ်ပြိုင်နက် ကျွန်မ "ပွင့်"ကို စရေးတော့တာပဲ "
" ဒါဆို ဆရာမ ၀တ္ထုတိုသုံးပုဒ်ကနေ အမျိုးသားစာပေဆု ရမယ့် "ပွင့်"ကို တောက်လျှောက် လှမ်းကိုင် တာပဲ ပေါ့"
" ဟုတ်ပါတယ်။ အတိုဆိုတာတောင်မှ ငွေတာရီတို့လို မဂ္ဂဇင်းကြီးတွေမှာ ရေးတာမဟုတ်သေးပါဘူး။ တိုင်း ရင်းမေ ကနေ တောက်လျှောက်ကူးတာပါ။ ကျွန်မ "ပွင့်"ကို အကြာကြီး ရေးရတယ်။ ဘာဖြစ်လို့လဲဆို ကျွန်မ က ညာသန်ဆိုတော့ ဘယ်ဘက်နဲ့ စာမရေးတတ်ဘူး။ ဖြစ်တုန်းကဆို အခြေအနေက တော်တော် ဆိုး တာပဲ။ စကားတွေ ဘာတွေတောင် မပြောတတ်တော့ဘူး။ မေမေတို့က စာရွက်ပေးပြီး ဘာပြောချင် သလဲ ရေးပြဆိုတာတောင် ရေးလို့ မရတော့ဘူး။ စကားပြန်ပြောနိုင်ဖို့ကို ကလေးလို ပြန်သင်ရ တယ်။

အသက်ကလည်း ငယ်တော့ စိတ်တော့ မညစ်တတ်ဘူး။ စာပဲ ဖတ်တယ်။ စာရေးဖို့ ကြိုးစားတော့ ဘယ်ဘက် နဲ့ ကျောက်သင်ပုန်းကြီးပေါ်မှာ မြေဖြူနဲ့ အရေးကင့်ျရတယ်။ ရေးနိုင်ပြီဆိုတော့ ခဲတံကိုင်တာ ကျင့်၊ ပြီးတော့မှ ဖောင်တိန်နဲ့ရေးတာ ကျင့်ရတယ်။ ကျွန်မက သူများ ရေးပေးတာကိုလည်း မကြိုက်ဘူး။ ကိုယ်တိုင်ပဲ ရေးချင်တယ်။ သူငယ်ချင်းတွေ ဘာတွေဆီ စာရေးရင်းက နောက်တော့ ရေးတတ်သွားတယ်။ ဒါပေမဲ့ မြန်မာစာပဲ ရေးတတ်တယ်။ အင်္ဂလိပ်စာ မရေးတတ်ပြန်ဘူး။ မြန်မာစာက တစ်လုံးချင်း ရေးရတာ ဆိုတော့ လွယ်တယ်လေ။ အင်္ဂလိပ်စာကျတော့ ဆက်ဆက်ရေးရတာဆိုတော့ ခက်တယ်။ ညာဘက် လက်နဲ့ဆိုရင်တော့ နောက်ဆုတ် ရေးသွားရတာ လွယ်တာပေါ့။ ဘယ်လက်နဲ့ကျတော့ တော် တော်ခက် ပါတယ်။ လှလည်း မလှဘူး။ ကျွန်မ လုံးလုံးကို မရေးဘဲ ထားလိုက်တာ ခုမှ နည်းနည်းပြန်ရေး နေရတယ်။ တော်ကြာ လုံးလုံးမရေးတတ်မှာစိုးလို့ပေါ့လေ။

" ပွင့် "ကို ကျွန်မ သုံးခါ ရေးရတယ်။ တစ်နှစ်ကြာတယ်။ ကျွန်မ ရည်ရွယ်ချက်ကတော့ စစ်မုန်းတီးရေး၊ တိုင်းရင်းသား စည်းလုံးညီညွတ်ရေး၊ တစ်ယောက်နဲ့ တစ်ယောက် အထင်အမြင် လွဲမှားမှု ပပျောက်ရေး ပေါ့လေ။
ကျွန်မတို့က မြန်မာလူမျိုး ခရစ်ယာန်ဘာသာဝင်တွေပါ။ အများစု အမြင်မှာတော့ ခရစ်ယာန်ဆိုရင် မြန်မာလို့ မထင်ချင်ကြတော့ဘူး။ ကျွန်မတို့ မိသားစုအနေနဲ့ ခရစ်ယာန် ဘာသာကို ကိုးကွယ်တာတော့ မှန်ပါတယ်။ ဒါပေမဲ့ ကျွန်မတို့က မြန်မာတွေပဲ။ အဖေလည်း မြန်မာ၊ အမေလည်း မြန်မာပဲ။ မြန်မာ့ထုံးတမ်း ကို မပစ်ပယ် ပါဘူး။ မြန်မာ့ယဉ်ကျေးမှုကို ကျွန်မတို့ လက်ခံတယ်၊ လိုက်နာတယ်၊ ကျင့်သုံး တယ်၊ ခရစ်ယာန်ကို မြန်မာ မဟုတ်သလို တွက်ကြတယ်။ အဲဒါကိုတော့ မတွက်စေချင်ဘူး။ ကျွန်မ တို့ မိသားစုဆိုရင် တစ်ယောက်မှ အင်္ဂလိပ်နာမည် မရှိပါဘူး။ ဘာသာရေးနဲ့ လူမျိုးရေးကို တစ်ကဏ္ဍစီ ခွဲခြား မြင်ကြစေချင်တယ်။ ပွင့်ကို ရေးတဲ့ ရည်ရွယ်ချက်ထဲမှာ အဲဒါလည်း တစ်စိတ်တစ်ဒေသ ပါပါတယ်။

"ပွင့်"မှာ စစ်အတွင်းက အတွေ့အကြုံတော်တော်များများ ကျွန်မ ကြားသမျှ၊ မှတ်မိသမျှကိုကို ရေးထားပါ တယ်။ ဂျပန် ဆုတ်သွားတာ၊ အင်္ဂလိပ်တက်လာတာ၊ အဲဒီခေတ်မှာ လူတွေ တထိတ်ထိတ် နေခဲ့ကြရတာ တွေ တော်တော်များများ ရေးထားပါတယ်။ ဒါတွေ ရေးနိုင်ဖို့ စာတော်တော်များများ ဖတ်ရတာပေါ့။ ပထမ တစ်ကြိမ်မှာတော့ စိတ်ထဲမှာ ရှိသမျှ အကုန်ရေးချလိုက်တာပဲ။ ဒုတိယအကြိမ် အချောပြန်ကူးတဲ့အခါမှာ ရှည်တာတချို့ ကို ဖြတ်လိုက်တယ်။ တတိယအကြိမ် အချောကူးတဲ့အခါမှာတော့ လိုတာ၊ ပိုတာ တွေအားလုံး တည်းဖြတ်လိုက်ပါတယ်။ အဲဒီလို သုံးကြိမ် ကူးလိုက်ရလို့ ကောင်းသွားတယ် ထင်ပါရဲ့။

နောက်တစ်ဖန် စာအုပ်ထွက်ဖို့ကျတော့ အခက်အခဲ တွေ့ရပြန်တယ်။ ကျွန်မ အနေနဲ့ တိုင်းရင်းမေမှာ အတို လေး သုံးပုဒ်လောက်ပဲ ပါဖူးတဲ့သူဆိုတော့ လုံးချင်းလောက ၀င်တိုးဖို့ မလွယ်ဘူးလေ။ နာမည်ကြီး တွေပဲ ထုတ်ဝေသူတွေက ထုတ်ချင်ကြတာ မဟုတ်လား။ ကျွန်မအနေနဲ့ စာသာ ရေးနေတာ၊ ဘယ်မဂ္ဂဇင်း ဘယ်အယ်ဒီတာမှလဲ မသိဘူး။ ပုံနှိပ်တိုက်ဆိုတာလည်း မရောက်ဖူးတော့ ဘယ်ထုတ်ဝေသူနဲ့မှမသိပါဘူး။ စာမူကြီး ကိုသာ လက်ထဲမှာ တပိုက်ပိုက်နဲ့ပေါ့။ ကျွန်မတို့က အဲဒီတုန်းက အလုံမှာ နေကြတယ်။ အလုံကို မီး လောင်တော့ သူများတွေက အခြားပစ္စည်းတွေ ယူကြပေမယ့် ကျွန်မမှာတော့ စာမူကိုပဲ ပိုက်ထား မိတယ် လေ။

ကိုဝင်းငြိမ်းလည်း ဖတ်ပြီးသားပဲ။ "ပွင့်"မှာ ကျွန်မ ဘာသာရေးရော၊ လူမှုရေးရော၊ စေတနာ တော်တော် ပေါက်ပေါက်နဲ့ ရေးထားတာပါ။ ဒါမျိုးကို သူများ ရေးထားတာလည်း မတွေ့ဖူးတော့ ပရိသတ်မှ လက်ခံပါ့ မလားလို့ စိုးရိမ်မိတယ်လေ။ ကျွန်မကိုယ် ကျွန်မ စိတ်မချဘူး။ ခုနေ မိန်းကလေးတစ်ယောက် ဆိုရှယ် ကျတယ်ဆိုရင် ၀တ္ထုတွေ တော်တော်များများက ခရစ်ယာန်မလေးလို့ ရေးလိုက်ကြတာပဲ။ ဒါကို ကျွန်မက ကျွန်မတို့မှာ မြန်မာဆန်တဲ့သူ၊ မြန်မာ့ယဉ်ကျေးမှု မြတ်နိုးတဲ့သူတွေ ရှိပါတယ်ဆိုတာ ပြချင်တယ်။ မျိုးချစ်စိတ်ဓာတ် ရှိတယ်ဆိုတာ ကျွန်မ ထောင်ပြချင်တယ်။ ဒါတွေ ကျွန်မ ရေးထားပေမယ့် ပရိသတ်က လက်ခံပါ့မလားဆိုတာ သံသယရှိတော့ "ပွင့်"ကို ကျွန်မ ခေါက်ထားလိုက်ပြီး အသစ်တစ်ပုဒ် ရေးတယ်။

အင်္ဂလိပ်ဝတ္ထု ပါးပါးလေးတစ်ပုဒ်ကို အခြေခံပြီး ခရစ်ယာန်မိသားစု အိမ်ထောင်စုလေးတစ်ခုအကြောင်း "မေတ္တာအရင်းခံ"ဆိုပြီး ရေးလိုက်တယ်။ ရေးပြီးတဲ့အခါ ဒီဟာကို စမ်းထုတ်ကြည့်မယ်။ ဒါကို လက်ခံရင် "ပွင့်"ကိုလည်း လက်ခံမယ်ဆိုတာ သေချာတယ်လေ။ ဒါလည်း ထုတ်ဖို့ရာ အခက်အခဲ ရှိတယ်လေ။ ခက်တာက အဲဒီအချိန်မှာ ကျွန်မကလည်း အိမ်မှာ ဘယ်လို ဖြစ်နေသလဲဆိုတော့ လူမမာ တစ်ယောက်၊ ဘာမှမသိတဲ့ ကလေးတစ်ယောက်၊ စာရူးပေရူးတစ်ယောက်လို့ပဲ သလောထားကြတယ်။ ကျွန်မ စာရေး နေတာ ကို အိမ်က အလေးမထားကြဘူး။ ဖေဖေ့ကို ကျွန်မက စာအုပ်ထုတ်ချင်တယ်လို့ ပြောတော့ ဖေဖေ ကလည်း မဂ္ဂဇင်းတိုက် ပို့လိုက်ပါလားတဲ့။ မဂ္ဂဇင်းတိုက်ဆိုတာကလည်း နာမည်ကြီး ကလောင်ကိုသာ ဦးစားပေးတာ မဟုတ်လား။

ကျွန်မ ဘာလုပ်ရမှန်း မသိတာနဲ့ သူငယ်ချင်းတစ်ယောက်ကို ခေါ်ပြီး ကားနဲ့ လျှောက်တာပဲ။ အဲဒီတော့မှပဲ မဂ္ဂဇင်းတိုက်ဆိုတာ ရောက်ဖူးတော့တယ်။
ချိုတေးသံမဂ္ဂဇင်းမှာလည်း ကျွန်မက အတိုကလေးတွေ ရေးနေတော့ အဲဒီတိုက်နဲ့ ထုတ်ဖို့ အဆင်ပြေသွား တယ်။ ဒါပေမဲ့ သူတို့က ၀ယ်တာ မဟုတ်ဘူး။ ကျွန်မကလည်း ကိစ္စမရှိဘူး၊ စာအုပ်အဖြစ် လုပ်ပေးရင် ပြီးရော ကျွန်မ ပိုက်ဆံ နဲ့ပဲ ထုတ်မယ်ဆိုပြီး ဖေဖေ့ဆီက ပိုက်ဆံတောင်းပြီး စီစဉ်တော့တာပဲ"
" အဲဒါ ထွက်တော့ ဘယ်နှခုနှစ်လောက်ကလဲ "

" ၁၉၆၂ ခုနှစ်၊ ဇူလိုင်လပေါ့။ ကျွန်မ တိုင်းရင်းမေမှာ စာရေးတာက ၁၉၅၉ ဆိုတော့ သုံးနှစ်လောက်အကြာမှာ ထွက်တာပေါ့လေ။ ချိုတေးသံ ဦးထွန်းအောင်က အစစအကူအညီပေးပါတယ်။ အမှာစာ ခေါ်လိုက်တော့ တော်တော်လေး အခြေအနေ ကောင်းပါတယ်။ အဲဒီတုန်းက ပြားခြောက်ဆယ် ၀တ္ထုခေတ် ဆိုတော့ ကျွန်မ ၀တ္ထုက နှစ်ကျပ်တန် ဖြစ်နေတော့ တိုးဖို့ရာတော့ မလွယ်ဘူးလေ။ ဒါပေမဲ့ ငွေရှုံးပြီး နာမည်ထွက်သွားရင်လည်း အမြတ်ပဲ ဆိုပြီး ဇွတ်တိုးလုပ်တာပဲ။ အောင်မြင်ဖို့လည်း ဆုတောင်း ရတာ အမောပေါ့။ စာအုပ်က မမျှော်လင့်ဘဲ မြတ်သွားတယ်။ အဲဒီခေတ်တုန်းက စာအုပ်တစ်ထောင် ကုန်ရင်ကို မြတ်တာကိုး။ အဲဒီမှာ ကျွန်မလည်း အားတက်ပြီး "ပွင့်"ကို ဆက်ထုတ်တယ်။ အဲဒီမှာ အရင်းပြုတ်တာပဲ။ ဘာဖြစ်လို့လဲဆိုတော့ "ပွင့်"က ထူလည်း ထူတယ်လေ။ အခုဆိုရင် သုံးဆယ် တောင် ရောင်းလိမ့်မယ် ထင်တယ်။ အဲဒီတုန်းက နှစ်တွဲ ခွဲထုတ်တယ်။ ဦးထွန်းအောင်က ပြောတယ်။ မလေးလုံ ဖြတ် လိုက်ပါတဲ့။ ဒါပေမဲ့ ကျွန်မကလည်း မဖြတ်ဘူး၊ ကိုယ်ရေးတာတွေ အကုန်ပါချင်တယ်လေ။ စာအုပ်နှစ်ထောင် တော့ ကုန်တယ်။ ဒါပေမဲ့ ငွေရေးကြေးရေးက ရှုံးသွားပါတယ်။ ဒါပေမဲ့ ကျွန်မ ကျေနပ် တယ်။ ၀မ်းသာတယ်။ ဖတ်တဲ့လူတွေက အားပေးတယ်။ လက်ခံတယ်။ စာဖတ်ပရိသတ်တွေ အနေနဲ့ ကျွန်မ မြင်စေချင်တဲ့ အကြောင်းအချက်တွေ မြင်သွားတယ် "

" ပွင့်" အမျိုးသားစာပေဆု ရတယ်ဆိုတော့ ဆရာမ ရင်ထဲမှာ ဘယ်လို ခံစားရပါသလဲ"
" ကျွန်မ စေတနာအရသာ ရေးခဲ့တာပါ။ ဘာဆုမှ မမျှော်လင့်ခဲ့ပါဘူး။ အဲဒီအချိန်မှာ အမျိုးသား စာပေဆုဆိုတာ ပေါ်လာတယ်။ စာပေဆုနဲ့ ပတ်သက်ညပီး ချမှတ်ထားတဲ့ မူငါးချက်ကို ဖတ်ကြည့် လိုက်တော့ ကျွန်မ စာအုပ်က ဘောင်ဝင်နေတာ တွေ့ရတယ်။ ကျွန်မ တော်တော်အားရှိသွားတယ်။ အဲဒီအခါ မှ ဆုရရင် ကောင်းမှာပဲဆိုပြီး ဆုကို တော်တော် လိုချင်သွားတယ်။ လိုချင်တဲ့အကြောင်းက ဒီလိုပါ။ ဒီအချိန်မှာ "မေတ္တာအရင်းခံ"နဲ့ "ပွင့်" နှစ်တွဲပေါင်း သုံးအုပ် ထွက်ပြီးပေမယ့် အိမ်က ကျွန်မကို စာပေသမား ရယ်လို့ကို မသတ်မှတ်ဘူး။ စာရူးပေရူးပဲ။ အခြားစာပေသမားတွေက သွားကြ လာကြ၊ လေ့လာကြ၊ ဆွေးနွေးကြပေမယ့် ကျွန်မကတော့ တစ်ယောက်တည်းပဲ။ ကိုယ့်မိသားစုကမ္ဘာမှာ ကိုယ်တစ်ယောက် တည်းပဲပေါ့။ ကျွန်မအတွက် စာပေအပေါင်းအသင်းဆိုတာ စာအုပ်ပဲရှိတယ်။ စာရေးဆရာ ဆိုတာ ကျွန်မ နီးနီးကပ်ကပ်တောင် မတွေ့ဖူးပေမယ့် အိမ်ကတော့ ကျွန်မကို အမှတ် မတိုးသေးဘူး။ အဲဒီတော့ ကျွန်မကို တိုင်းပြည်က အသိအမှတ်ပြုတဲ့ ဆုပေးလိုက်ရင် အိမ်ကလည်း အသိအမှတ်ပြုရမှာပဲ ဆိုပြီး လိုချင်တာပါ။

နောက် ဆုကြေညာခါနီးတော့ ကျွန်မက နေမကောင်းဘူး။ ကျွန်မကို မြ၀တီမဂ္ဂဇင်းက ဦးအုန်းကျော်က ဖုန်း ဆက်တယ်။ မလေးလုံ "ပွင့်" ဆုရတယ်တဲ့။ သူလည်း ဦးကိုကိုနဲ့ တွဲရေးတဲ့ "ဤသစ်ဆုံ" ဆုရတယ်တဲ့။ အဲဒီ တုန်းက ဦးသုတတို့၊ ယုဝတီဂျင်းဖောမယ်၊ စောမုံညင်း၊ ဒေါ်ခင်ဆွေဦး၊ ဂျာန်ယကျော်မမလေးတို့ တော်တော် များများ ဆုရကြတယ်။ ကျွန်မ သိပ်ပျော်သွားတာပေါ့။ အဲဒီတုန်းကဆိုရင် ကျွန်မ စာအုပ်ကို ညီမ တွေကပဲ ဖတ်တယ်။ မေမေက ဖတ်တော့ ဖတ်တယ်။ ဒါပေမဲ့ သိပ်ကြာတယ်။ ဆုရတယ် ဆိုတော့လည်း ကျွန်မတို့ မိသားစု သိပ်ဝမ်းသာကြတာပေါ့။ အဲဒီအကြောင်းကလေးကိုတောင် တိုင်းရင်းမေ မှာ "ထားနှမ ကမ္ဘာ"ဆိုပြီး ရေးခဲ့ပါသေးတယ်"
" ပွင့် က တကယ့် အဖြစ်အပျက်တွေပဲလား "

" ဟုတ်ပါတယ်၊ တကယ့် အဖြစ်အပျက်တွေကို စုစည်း ရေးထားတာပါ။ ဇာတ်ကောင်တွေကိုပဲ ကျွန်မ ဖန်တီး ပေးရပါတယ်။ အချိတ်အဆက်ကလေးတွေတော့ လုပ်ပေးရတာပေါ့။ ကျန်တဲ့ ဖြစ်တာ ပျက်တာ အားလုံးဟာ တကယ့်အဖြစ်အပျက်တွေပါပဲ"
" ဆရာမ "ပွင့်" ဆုရပြီးတဲ့နောက် ဘာဆက်ရေးသေးလဲ "
" ပိုးကို ကျွန်မ ဆက်ရေးတယ်။ တရုတ်မလေးတစ်ယောက် အကြောင်းလေ။ အဲဒါလည်း တယ့်အဖြစ် အပျက်ပါပဲ။ ဒီတရုတ်မလေးရဲ့ ဇစ်မြစ်ကို မေမေတို့ကကို သိတာ။ ကျွန်မတို့ငယ်ငယ်က ပြောပြောပြတယ်။ တရုတ်ပြည် ပါသွားတာ။ တရုတ်မလေးကို မွေးစားတာ စသဖြင့်ပေါ့လေ။ ဒါတွေက စိတ်ထဲမှာ ရှိနေတယ်။ စာရေးတဲ့အခါကျတော့ ချရေးဖြစ်သွားတာပါပဲ"
" ဆရမ ... "ဘသက်ရှည် ရေးတဲ့အခါတုန်းကရော အခု ကျွန်တော်တို့ စကားပြောနေသလိုပဲ ဦးဖေမောင်တင် ပြောသမျှတွေကို တိပ်နဲ့ ဖမ်းပြီးမှ ပြန်စီရေးရမှာပေါ့ "

" ဟုတ်ပါတယ်။ တကယ်တော့ ကျွန်မ "ဘသက်ရှည်" ရေးဖြစ်တာ သိပ်ထူးဆန်းပါတယ်။ ကျွန်မတို့က ဦးဖေမောင်တင်နဲ့ ပတ်သက်တာ မဟုတ်ဘူး။ သိပ်အလှမ်းကွာပါတယ်။ ဆရာမင်းယုဝေက အသက် ၈၀ ပြည့်နှစ်မှာ ဆောင်းပါးတစ်ပုဒ် ရေးလိုက်တယ်။ ဦးဖေမောင်တင်ရဲ့ အဖေက ဘယ်သူ၊ အဘိုးက ဘယ်သူ စသဖြင့် ရေးလိုက်တော့ ကျွန်မ သိပ်စိတ်ဝင်စားသွားတယ်။ ဦးဖေမောင်တင် ဆိုတာ ငယ်ငယ်တုန်းကတော့ ဖတ်စာအုပ်ပေါ်လောက်မှာသာ နာမည် တွေ့ဖူးတာကိုး။ လူချင်းတော့ သိလည်း မသိဘူး။ ရင်းလည်း မရင်းနှီးပါဘူး။ ပုသိမ်မှာတုန်းကတော့ ဖေဖေနဲ့ ဦးဖေမောင်တင်ရဲ့ ညီအစ်ကိုဝမ်းကွဲတော်တဲ့ ဦးဖိုးသော်တာ နဲ့ကတော့ ရင်းနှီးတယ်။ ဒါပေမဲ့ သူ့ကို ဦးဖေမောင်တင်ရဲ့ ညီမှန်း မသိခဲ့ပါဘူး။

ဆရာမင်းယုဝေရဲ့ ဆောင်းပါး ဖတ်ပြီးတော့ တော်တော် စိတ်ဝင်စားသွားတယ်။ တကယ်တော့ ကျွန်မမှာ အတ္ထုပ္ပတ္တိတွေ ဘာတွေ ရေးဖို့ ရည်ရွယ်ချက် မရှိပါဘူး။ ၀တ္ထုပဲ ရေးနေတာပဲ။ ဆောင်းပါးတောင် နည်းနည်း ပါးပါးပဲ ရေးတာပဲ။ ဒါပေမဲ့ သူ့အကြောင်းကျတော့ ကျွန်မ သိပ်ရေးချင်လာတယ်။ ဘယ်လို ဆက်သွယ်ရမှန်း မသိ ဖြစ်နေတုန်းမှာ ကျွန်မတို့ ခရစ်ယာန်စာပေအသင်း ဟောပြောပွဲတစ်ခုကို ဦးဖေမောင်တင် လာမယ်ဆိုတာ ကြားလိုက်ရတော့ ကျွန်မ နေမကောင်းလျက်နဲ့ကို ရောက်အောင် သွားခဲ့ ပါတယ်။ ကျွန်မ သွားပြောတော့ သူကလည်း ရှောရှောရှူရှူပဲ ခွင့်ပြုခဲ့ပါတယ်။
အဲဒါတွေနဲ့ ကျွန်မ အစ်ကိုလေးရဲ့ အကူအညီနဲ့ပဲ သူ ပြောသမျှတွေကို သွားသွားပြီး သွင်းယူခဲ့တာ ရေးခါနီး မှာ ပြဿနာပေါ်တော့တာပဲ။ ဘာဖြစ်လို့လဲဆိုတော့ ကျွန်မက ၀တ္ထုရေးတဲ့လူပဲ။ အတ္ထုပ္ပတ္တိ ရေးနေကျ မ ဟုတ်ဘူးလေ။ အစကတည်းက ကျွန်မက ၀တ္ထုပုံစံနဲ့ ရေးဖို့ ရည်ရွယ်ထားတယ်။ ဘာဖြစ်လို့လဲ ဆိုတော့ အတ္ထုပ္ပတ္တိဆိုရင် ဖတ်တဲ့သူ သိပ်နည်းတယ်ဆိုတာ သိထားတယ်လေ။

စာရေးတယ်ဆိုတာ ကိုယ့်စာကို သူများ ဖတ်စေချင်လို့ ရေးတာပဲ။ ရေးပြီး မဖတ်ရင် အလကားပဲပေါ့။ အကျိုး ဘယ်ရှိပါ့မလဲ။ ကျွန်မ မရေးခင် မှာ "မိုင်ကယ်အိန်ဂျလို" အကြောင်း ၀တ္ထုပုံစံနဲ့ ရေးထားတာ ဖတ်လိုက် ရတော့ ကျွန်မ သိပ်သဘောကျတာပဲ။ စိတ်ဝင်စားတယ်လေ။ အတ္ထုပ္ပတ္တိကို ရိုးရိုးရေးတာထက် ခုလို ၀တ္ထုပုံစံနဲ့ ရေးလိုက် တော့ ဖတ်လို့ ကောင်းတာပေါ့။ ဒါကြောင့် ၀တ္ထုပုံစံနဲ့ပဲ ရေးမယ်ဆိုပြီး ဆုံးဖြတ် လိုက်တယ်။

အတ္ထုပ္ပတ္တိကို ၀တ္ထုဟန်နဲ့ ရေးတာနဲ့ ပတ်သက်ပြီး တချို့ အယူအဆ နည်းနည်းလွဲနေတာ ရှိတယ်။ ၀တ္ထုဟန် နဲ့ ရေးတော့ ၀တ္ထုလိုပဲ ဖန်တီးရေးတယ်လို့ ထင်နေကြတယ်။ တကယ်တော့ ကျွန်မ ဖန်တီးရေးတာ မပါပါဘူး။ ဦးဖေမောင်တင် ပြောသမျှတွေကိုပဲ ဖတ်ကောင်းအောင် စီပြီး ရေးခဲ့တာပါ။ အတ္ထုပ္ပတ္တိ ရေးတဲ့သူ တိုင်းဟာ ကာယကံရှင် ပြောတာကို ဖတ်ကောင်းအောင် ပြန်စီရတာချည်းပါပဲ။ အခု ကျွန်မ ပြောသမျှကိုလည်း ကိုဝင်းငြိမ်းက ကိုယ့်ဟန်နဲ့ကိုယ် ပြန်ရေးမှာပဲ မဟုတ်လား။ အကြောင်းအချက် ကတော့ အမှန်ပေါ့။

" ဘသက်ရှည်" မှာ ပထမအခန်းကလေးကိုပဲ ကျွန်မက စာမျက်နှာ တော်တော်ရအောင် ရေးထားတယ်။ ရိုးရိုးရေးမယ် ဆိုရင်တော့ ဦးဖေမောင်တင် ဘယ်နှခုနှစ်က မွေးတယ် ဘာညာဆိုပြီး သုံး လေး ငါး ကြောင်း လောက်နဲ့ ပြီးသွားမှာပေါ့။ အခုဟာက ဦးဖေမောင်တင်ကိုယ်တိုင်က သူ့အဖေ၊ အမေတွေ အကြောင်း အသေးစိတ် ပြောပြတော့ ကျွန်မ မျက်စိထဲမှာ ပေါ်လာတယ်။ သူ မွေးတဲ့အခန်း ရေးတဲ့ နေရာမှာ ကျွန်မက ပထမအချိန်နာရီကို သတိမထားမိလိုက်ဘဲ ညဘက် မွေးတယ်လို့ ရေးလိုက်တယ်။ ဘဘကို သွားပြလိုက် တော့ ဘဘက သူ ညမွေးတာမဟုတ်ဘူးတဲ့၊ ညနေဘက် မွေးတာတဲ့ ... ဆိုတော့ ကျွန်မ ပြန်လာပြီး တခြား စခန်းတွေသာ ဆက်ရေးနိုင်တယ်။ ဒီပထမအခန်းကို ရေးလို့ကို မရဘူး။ ကျွန်မ ပထမ ရေးထားတာက သိပ်စိတ်တိုင်းကျ ရေးထားတာ၊ ညဘက် လာသာတာ ဘယ်လိုပေါ့။ ဒါပေမဲ့ ဒါက မှားနေတယ် ဆိုတော့ သုံးလို့ မဖြစ်တော့ဘူး။ သူ ပြောလိုက်တာက ကဆုန်လပြည့်နေ့ ညဘက် ဆိုတာကိုး။

တစ်နှစ် ကဆုန်လပြည့်နေ့မှာတော့ တစ်နေ့လုံး မိုးက ရွာလိုက်၊ စဲသွားလိုက် ဖြစ်နေတော့ ကျွန်မလည်း ဘာမှ မလုပ်ဖြစ်တော့ဘူး။ အိပ်လိုက်၊ စာဖတ်လိုက်နဲ့ပဲ အချိန်ကုန် သွားတယ်။ ညနေဘက်မှာတော့ ကျွန်မတို့ အိမ်အပေါ်ထပ် ၀ရန်တာကနေ အပြင်ကို ကြည့်လိုက်တော့ မိုးကောင်းကင်တစ်ခုလုံး မိုးမှောင်ကျ နေရာကနေ ဟို မိုးကုတ်စက်ဝိုင်းတစ်ဖက်မှာ အလင်းရောင်ကလေးတစ်ခု ပေါ်လာတယ်။ မည်းနေတဲ့ မိုး သားတွေက ဟသွားပြီး နေရောင်ကလေး ထွက်လာတာ တွေ့လိုက်ရတော့ ကျွန်မ ကြည့်နေရင်း ထူးဆန်း လိုက်တာလို့ ... လှလည်း သိပ်လှတယ်လေ။ အဲဒီတော့မှ သတိရမိတယ်။ ဦးဖေမောင်တင် မွေးတာ ဒီနေ့ ဒီအချိန်ပဲ ဆိုပြီးတော့ အဲဒီနေ့က ဖြစ်ပျက်တာတွေကို အမှန်အတိုင်း ချရေး လိုက်တာပါပဲ။ ကျွန်မ ဖန်တီးရတာ တစ်ခုမှ မပါပါဘူး။ ၀တ္ထုအနေနဲ့ ဖန်တီးရတာမျိုး မဟုတ်ပါဘူး။
တချို့က ထင်ကြတယ်။ ၀တ္ထုဟန် ရေးတယ်ဆိုတော့ ၀တ္ထုလို စိတ်ကူးပြီး ရေးတယ်လို့ ထင်ကြတယ်။ စိတ်ကူးကတော့ ပါပါတယ်။ ဒါပေမဲ့ ယုတ္တိမတန်တာကို စိတ်ကူးပြီး ရေးတာ မဟုတ်ပါဘူး။ တကယ့်အဖြစ် တွေကို ကျွန်မ ယုံကြည်ချက်နဲ့ ဖန်တီးရေးလိုက်တာပါ။

ကျွန်မ ပြောချင်တာကတော့ အကြောင်းအရာတွေကို ရိုးရိုးစင်းစင်း လျှောက်ရေးမယ့်အစား တချို့ကို မြှုပ်ကွက်ကလေး လုပ်ထားပြီး ၀တ္တုဇာတ်လမ်းလို အချိတ်အဆက်အကွက်ပေါ်မှ ပြန်ဖော်ရတာမျိုးပါ။ ဖတ်သူကို စာပေရသ ခံစားစေလိုတဲ့ စေတနာပါ"
" အတ္ထုပ္ပတ္တိပုံစံနဲ့ ရေးမယ်ဆိုရင်ကော "

" မကောင်းနိုင်ဘူး ထင်တယ်။ ဒါကို လေ့လာချင်တဲ့သူလောက်ပဲ ဖတ်မယ်။ စာလေးဆိုရင် မဖတ်ချင်တဲ့သူ ကတော့ ကိုင်တောင် ကိုင်မယ် မထင်ဘူး။ တစ်ခါတုန်းက ကျွန်မဆီ လာတဲ့ ဧည့်သည်နဲ့ တခြားဧည့်သည် တစ်ယောက် ပါလာတယ်။ အဲဒီ အမျိုးသမီးက ဘာပြောသလဲဆိုရင် သူက ၀တ္ထုကလွဲရင် တခြား ဘာမှ မဖတ်ဘူးတဲ့။ ဒီဘသက်ရှည်ကိုလည်း ပုံနှိပ်တိုက်က ခင်လို့ တစ်တွဲ လက်ဆောင်ပေးထားတာ ကိုင်တောင် မကိုင်ဘူးတဲ့။ ၀တ္ထုတော့ အငှားဆိုင်က ငှားဖတ်တာ တစ်နေ့ကို လေး ငါး ခြောက်အုပ်တောင် ဖတ်သတဲ့။ တစ်နေ့တော့ အငှားဆိုင်မှာ စာအုပ်သစ် မရခဲ့ဘူး။ သူ့မှာ ဖတ်စရာကလည်း ကုန်နေတယ်။ ရေမချိုး၊ ထမင်းမစား ရသေးဘဲ စာအုပ်စင်နား ထိုင်လိုက်တော့ ဒီစာအုပ်ကြီး သွားတွေ့တာနဲ့ အပျင်းပြေဆိုပြီး ကောက်ကိုင်လိုက်တာ တစ်ခါတည်း စွဲသွားပြီး အကုန်ဖတ်ပြီးမှ ရေချိုး၊ ထမင်းစားနိုင်တယ်တဲ့။ ဒါ ၀တ္ထုက လွဲရင် ဘာစာမှ မဖတ်တဲ့သူက ပြောတယ်။

ဝတ္ထုကိုသာ ကြိုက်တဲ့သူက ၀တ္ထုပုံစံနဲ့ ရေးတဲ့ အတ္ထုပ္ပတ္တိကို စွဲသွားတာပေါ့။ တကယ်လို့ အတ္ထုပ္ပတ္တိ ပုံစံနဲ့သာ ရေးထားမယ်ဆိုရင် သူ ဘယ်ဖတ်ပါ့မလဲ။
နောက်ပြီးတော့ ပြောချင်တာ တစ်ခု ရှိသေးတယ်။ နောက်ဆုံး ဘဘ သေတဲ့အခန်းရေးတာကို တချို့က ပြောကြတယ်။ ဦးဖေမောင်တင်က သေပြီးမှ သူ ခံစားရတာတွေကို မလေးလုံကို ဘယ်လို ပြောပြလို့ ရေးနိုင် တာလဲတဲ့။ ကျွန်မ ဒီအခန်းကို ရေးနိုင်ဖို့က ဘဘ ကွယ်လွန်ခါနီး အနားမှာ ရှိကြတဲ့ ဘဘရဲ့ ဇနီး၊ သား၊ သမီးတွေကို မေးရတာပါ။ ဘယ်လို ခံစားရတယ်၊ မျက်နှာ ဘယ်လို ပြောင်းလဲလာတယ်။ ဘယ်အချိန် ဆိုတာတွေကို အသေးစိတ်မေးပြီး ရေးတာပါ။ ဘဘက သူ့အဖေကို သိပ်ပြီး လေးစား ချစ်ခင်တဲ့သူဆိုတော့ သူ့အဖေပြောခဲ့တဲ့ စကားတွေကိုလည်း သတိရမှာပဲ ဆိုပြီးတော့ ကျွန်မ အတွေးနဲ့ ထည့် ရေးတာလည်း ပါတာပေါ့။ ကျွန်မ ကိုယ်တိုင်လည်း ကျန်းမာရေး မကောင်းတဲ့သူဆိုတော့ ဝေဒနာ ခံစားရတဲ့ ပုံစံကိုတော့ ခံစားကြည့်လို့ရပါတယ်"

" ဆရာမ ရေးတဲ့ ဆရာကြီး ဦးဖေမောင်တင်ရဲ့ အတ္ထုပ္ပတ္တိဖတ်ရတော့ ဆရာကြီး အနေနဲ့ လူမျိုးခြားလက် ဆောင် ကနေ မြန်မာစာဌာနရယ်လို့ ဖြစ်လာအောင်၊ မြန်မာစာပေ ထွန်းကားလာအောင် ဘယ်လောက် ကြိုးစားခဲ့ရတယ်ဆိုတာ သိခွင့်ရလာပါတယ်။ လူမျိုးခြား လက်အောက်ကနေ ဒါလောက် ကြိုးစား ခဲ့ရပေမယ့် ဒီနေ့ လူငယ်တွေကျတော့ မြန်မာစာဆိုတာ အလေးထားစရာ မလိုဘူးလောက် ယူဆနေတယ်။ အခြေခံပညာအဆင့်မြင့်တန်း စာမေးပွဲ အောင်စာရင်းကို ကြည့်ရင် တခြားဘာသာရပ်မှာ ဂုဏ်ထူးရတဲ့သူ တွေ များသလောက် မြန်မာစာဂုဏ်ထူး ရတဲ့သူ သိပ်နည်းတာ တွေ့ရပါလိမ့်မယ်။ အဲဒီတော့ ဆရာမ အနေနဲ့ ခေတ်လူငယ်တွေ မြန်မာစာအပေါ် စိတ်ဝင်စားမှု နည်းတာနဲ့ ပတ်သက်ပြီး ဘယ်လို မြင်ပါသလဲ "

" ဒါလည်း ဟိုတုန်းက လူမျိုးခြားတွေ အုပ်ချုပ်သွားတာရဲ့ အရှိန်အ၀ါပဲလားလို့ ကျွန်မ ထင်မိပါတယ်။ ဟိုတုန်းက အင်္ဂလိပ်စာကိုသာ အဓိကထားပြီး မြန်မာစာကို တော်ရုံပဲ လုပ်ခဲ့တော့ မြန်မာစာကို အလေးမထား ခဲ့ကြဘူးပေါ့။ အဲဒီအရှိန်က ဒီနေ့ထိ လိုက်လာတယ်။ အခြားဘာသာရပ်မှာ ဂုဏ်ထူးရရင် ထူးချွန်ရင် အလုပ်အကိုင်အတွက် အထောက်အကူပြုပေမယ့် မြန်မာစာ ထူးချွန်သူကတော့ မြန်မာစာ ဌာနမှာ အလုပ်ရရုံလောက်ပဲရှိတော့ ကလေးတွေအနေနဲ့ သိပ်အလေးမထားကြတာလို့ ကျွန်မ ထင်တယ်။

အခု အချိန်မှာဆိုရင် နိုင်ငံတော်အစိုးရကလည်း မြန်မာစာနဲ့ ပတ်သက်ပြီး အားပေးနေပြီဆိုတာ ကလေးတွေ ရဲ့ ခေါင်းထဲ ရောက်အောင် ထည့်ပေးနိုင်ရင် သူတို့ စိတ်ဝင်စားလာကြလိမ့်မယ် ထင်ပါတယ်။ အာဏာပိုင် အဖွဲ့အစည်းကရော ဆရာ မိဘအသိုင်းအ၀ိုင်းကပါ မြန်မာစာကို တန်ဖိုးထားတတ်အောင် လုပ်ပေးမယ်ဆိုရင် မြန်မာစာ ထူျးွန်ရင် စိတ်ဝင်စားလာကြမယ် ထင်ပါတယ်။ မြန်မာစာကို ကိုယ့်မိခင်ဘာသာ စကားပဲဆိုပြီးပေါ့နေကြတာလည်း ပါပါတယ်"
" ဆရာမ " ဘသက်ရှည်" ပြီးတဲ့နောက် ဘာထွက်သေးလဲ "
" နေရယ် လရယ် ချစ်သူရယ် တစ်အုပ်ပဲ ထွက်ပါသေးတယ် "
" တော်တော်လေး အဆက်ပြတ်နေတယ်နော် "

" ဟုတ်ပါတယ်၊ ကျွန်မ ကျန်းမာရေးကြောင့်ရော တခြား လူမှုဝန်ထမ်းကိစ္စတွေကြောင့်ပါ မရေးဖြစ် တာပါဘဲ"
" ဆရာမအနေနဲ့ လုံးချင်းတွေရော၊ ၀တ္ထုတိုတွေပါ ရေးခဲ့တာ ခုဆို စာပေ သက်တမ်းနှစ်ဆယ့်လေး ငါးနှစ် လောက်ရှိနေပြီပဲ။ အဲဒီတော့ ဒီနေ့ ထုတ်ဝေနေကြတဲ့ မဂ္ဂဇင်းတွေနဲ့ ပတ်သက်ပြီး ဘယ်လို မြင်သလဲ သိပါ ရစေ"
" ခုတစ်လောတော့ အလုပ်များနေလို့ မဂ္ဂဇင်းတွေတောင် သိပ်မဖတ်ဖြစ်သလောက်ပါဘဲ။ ဖတ်မိ သလောက် အပေါ် ပြောရရင်တော့ မဂ္ဂဇင်းတွေအားလုံး အပြိုင်အဆိုင် ကြိုးစားကြပါတယ်။ သက်ဆိုင်ရာ က မဂ္ဂဇင်း အသစ်တွေ ချပေးတာလည်း ၀မ်းသာစရာ သတိထားမိပါတယ်။ မဂ္ဂဇင်းများလေ၊ စာရေးချင်သူ တွေအတွက် နေရာများများ ရလေမို့ ကောင်းပါတယ်။ အကျိုးအမြတ် ဆိုတာထက် စာကောင်း ပေကောင်းတွေ ထွက်အောင် ကြိုးစားနေတာတွေ့ရလို့ ၀မ်းသာပါတယ်။

တစ်ခုတော့ ၀မ်းနည်းစရာရှိတယ် ကိုဝင်းငြိမ်းရဲ့။ တခြား မဂ္ဂဇင်းတွေ အများကြီးရှိပေမယ့် အမျိုးသမီးနဲ့ ပတ်သက်တဲ့ မဂ္ဂဇင်းကြီးဆိုလို့ တိုင်းရင်းမေနဲ့ ယုဝတီဂျာနယ်လောက်ပဲရှိသေးတယ်။ ဒီလိုကွက်ကို ဖြည့်ဖို့ အတွက် ကျွန်မအနေနဲ့ အမျိုးသမီးမဂ္ဂဇင်း ထုတ်ဝေဖို့လျှောက်ထားသေးတယ်။ တကယ် လုပ်ရမယ်ဆိုရင် လူရော ငွေပါ ပင်ပန်းမယ်ဆိုတာ သိပါတယ်။ ဒါပေမဲ့ မဂ္ဂဇင်း လည်ပတ်နိုင်အောင် ဘက်စုံ စုစည်းထားပါ တယ်။ မျှော်လည်း မျှော်လင့်ထားပါတယ် "
" ဆရာမ ဖြည့်ချင်တာများ ရှိဦးမလားပဲ"
" ကျွန်မ စာရေးတဲ့ နေရာမှာ စေတနာ၊ ဝေဒနာ၊ အနစ်နာ ဆိုတဲ့ နာ သုံးမျိုးနဲ့ ရေးပါတယ်။ ရေးတဲ့အခါမှာ ဖတ်သူအတွက် အကျိုးမပြုဦးတောင် အဆိပ်အတောက်တော့ မဖြစ်စေရဘူးဆိုတဲ့ စေတနာထားပါတယ်။

ပြီးတော့ ဘသက်ရှည်နဲ့ ပတ်သက်ပြီး ပြောရဦးမယ်ဆိုရင် ဒီပုဂ္ဂိုလ်အကြောင်း၊ ရေးပြလိုက်ရတာဟာ လက်ရာ ကောင်း အဆင့်အတန်းမြင့်တဲ့ ပန်းချီကားကြီးတစ်ချပ် ဖုန်အလိမ်းလိမ်းနဲ့ ချောင်ထဲ ရောက် နေတာ ကို ကျွန်မက ဖုန်သုတ်၊ သန့်ရှင်း၊ အရောင်တင်ပြီးတော့ ဧည့်ခန်းထဲ ချိတ်ပေးလိုက်တဲ့ သဘော ပါပဲ။ ဧည့်ခန်း ထဲ ရောက်သွားတော့ လူတကာ မြင်ပြီးတော့ မေ့နေတဲ့လူက ပြန်သတိရ၊ မသိသေးတဲ့သူကို သိသွားစေ ချင်တဲ့သဘောပါပဲ။ တခြား ရည်ရွယ်ချက် မရှိပါဘူး။

အခု ရက်ပိုင်းကလေးမှာပဲ လန်ဒန်မြို့ School of Oriental and African Studies တက္ကသိုလ်က ဆရာမ Mrs. Anna Allott ဆိုတာ ကျွန်မကို လာတွေ့ပါတယ်။ တွေ့တဲ့အကြောင်းက သူ မြန်မာပြည်ကို မလာခင် "မြန်မာစာပေ မည်သို့ တိုးတက်ကြီးပွားလာကြောင်း " စာတမ်းတစ်စောင် ရေးဖို့ တာဝန်ကျတာ သူတို့ တက္ကသိုလ်စာကြည့်တိုက်က "ဘသက်ရှည်" နှစ်တွဲမှာ သူ လိုချင်တဲ့ အချက်အလက်တွေ အတော်များများ ရလို့ရယ်၊ သူ့အဖို့ သာမန်မျှ သိထားတဲ့ အတ္ထုပ္ပတ္တိရှင်ကို အခုမှ အင်မတန် ကြည်ညိုလေးစား ကျေးဇူး တင်သင့်ကြောင်း သိခွင့်ရလို့ရယ်ဆိုပြီး လာတွေ့တာတဲ့။ အဲဒီလို စာဖတ်သူတွေ ပေးတဲ့ဆုနဲ့ပဲ ကျေနပ်ဝမ်း သာလှပါပြီ။ ကျွန်မအနေနဲ့ တန်ဖိုးရှိတဲ့ ပန်းချီကားကောင်းကြီးကို ဧည့်ခန်းမှာ ကြိုးစား ချိတ်ပေးရကျိုးနပ် တယ်လို့ ဆိုနိုင်မယ် ထင်ပါတယ်ရှင် "

" ကျေးဇူးတင်ပါတယ် ဆရာမ။ "ဘသက်ရှည်"ကို ဖတ်ခွင့်ရလိုက်တာ ဆရာမ ပြောသလို လက်ရာကောင်း ပန်းချီကား၊ တန်ဖိုးမဖြတ်နိုင်တဲ့ ပန်းချီကားတစ်ချပ် ကိုယ့်ဧည့်ခန်းထဲ ရောက်လာသလိုပဲ ကျွန်တော့် စာအုပ် စင်မှာ တလေးတစား နေရာယူထားပါတယ်။ စာချစ်သူတိုင်းလည်း ကျွန်တော့်လိုပဲ ခံစားကြရမှာပါပဲ။ ဆရာမ ကျန်းမာရေး ကောင်းဖို့နဲ့ ခုလို အဖိုးတန်စာတွေ အဆက်မပြတ် ရေးနိုင်ဖို့ ဆုတောင်း ပါတယ်။ ပေဖူးလွှာရဲ့ တွေ့ဆုံခန်းကဏ္ဍအတွက် အချိန်ပေး ကူညီတဲ့အတွက်လည်း ကျွန်တော် တို့ စာတည်းအဖွဲ့က ကျေးဇူးအများကြီးတင်ပါတယ်"

ပေဖူးလွှာ မဂ္ဂဇင်း၊ အူမှတ်-၂၃၊ ဧပြီလ၊ ၁၉၈၃ ခုနှစ်။
ဆက်ရန်
Credit:shwezinu.blogspot.com