ဝင်းငြိမ်း နှင့် စာရေးဆရာများ အပိုင်း (၁၈)

ဝင်းငြိမ်း နှင့် စာရေးဆရာများ အပိုင်း (၁၈)

ရေနံ့သာမှသည်
မောင်သိန်းဆိုင်

        ကျွန်တော် ဒီလ တွေ့ဆုံပေးမယ့်သူကတော့ လျှို့ဝှက်သည်းဖို ၀တ္ထုတွေနဲ့ နာမည်ရလာပြီး ၁၉၇၂ ခုနှစ် လောက် က မြန်မာစာဖတ်ပရိသတ်တွေ အသည်းစွဲခဲ့တဲ့ ဂန္ထ၀င်မြောက် ၀တ္ထုရှည်ကြီး တစ်ပုဒ်ကို ရေးခဲ့တဲ့ စာရေးဆရာ မောင်သိန်းဆိုင်ပဲ ဖြစ်ပါတယ်။
မောင်သိန်းဆိုင် ဆိုတာနဲ့ တစ်ပြိုင်နက် "ရေနံ့သာခင်ခင်ကြီး" ၀တ္ထုရှည်ကြီးကို မလွဲမသွေ သတိရမိကြမှာ ပါပဲ။ "ရေနံ့သာ"နဲ့ မောင်သိန်းဆိုင်၊ မောင်သိန်းဆိုင်နဲ့ "ရေနံ့သာ"က ခွဲခွာလို့ မရစကောင်းတဲ့ အမည် ဖြစ်နေ ပါပြီ။ စာဖတ်ပရိသတ် ရင်ထဲမှာ "ရေနံ့သာ"ကိုသာ အစွဲကြီး စွဲနေကြပေမယ့် ဆရာ ရေးခဲ့တဲ့ ၀တ္ထုတွေ ထဲမှာ "ရေနံ့သာ" လောက် ဇာတ်အိမ်မကြီးဘဲ ရသမြောက်တဲ့ ၀တ္ထုကောင်းတွေ အများကြီး ရှိပါ သေးတယ်။ ဥပမာ-"ပဆစ်အိမ်"ဆို့၊ "အမေနဲ့ သမီးများ"စတဲ့ ၀တ္ထုတွေ အများကြီးပါပဲ။

ကျွန်တော်တို့ တွေ့ဆုံပေးခဲ့တဲ့ စာရေးဆရာတွေထဲမှာ မောင်သိန်းဆိုင်က စတုတ္ထမြောက် စာရေးဆရာရဲ့ သား စာရေးဆရာ ဖြစ်ပါတယ်။ (ဦးမန်းတင်ရဲ့သမီး မစန္ဒာ၊ ဦးသာမုရဲ့သား မင်းလူနဲ့ မောင်ဝဏ္ဏ၊ ဆရာကြီး မဟာဆွေရဲ့ သမီး ဒေါ်ခင်ဆွေဦးတို့နဲ့ တွေ့ဆုံပေးပြီး ဖြစ်ပါတယ်။) ဆရာ မောင်သိန်းဆိုင်ရဲ့ အဖေ က ကပ္ပိယစုံထောက်ကြီး ဦးဖြူသီးကို ပင်တိုင် ဇာတ်ဆောင်ထားပြီး အယောင်ဆောင်သမားတွေကို ဖော်ထုတ် ပေးတဲ့ ဇာတ်လမ်းတွေကို ရေးတဲ့ ဆရာ ဦးတင့်ဆန်း ဖြစ်ပါတယ်။ စာရေးဆရာ သားသမီးတိုင်း စာရေးဆရာ၊ စာရေးဆရာမ ဖြစ်လာကြတာ ဗီဇတစ်ခုတည်းကြောင့် ဟုတ်နိုင်ပါ့မလား တွေးမိရာက ဆရာ့ ကို ပထမဆုံး မေးခွန်းအဖြစ် မေးမိပါတယ်။

" ကျွန်တော်တော့ ဗီဇတွေ ပါရမီတွေကို သိပ်မယုံဘူး။ ကျွန်တော့် အဖေဟာ ကျေးလက်တောရွာက လယ် သမား သားသမီးကနေ စာရေးဆရာ ဖြစ်လာတာပါပဲ။ အဓိကကတော့ အာရုံစူးစိုက်မှု၊ စိတ်ပါဝင်စားမှုနဲ့ ကြိးစား အားထုတ်မှုတွေအပေါ်မှာ မူတည်ပြီး ဖြစ်လာတယ်လို့ ထင်ပါတယ် "
" ဆရာက စာရေးဆရာ၊ အယ်ဒီတာတစ်ယောက်ရဲ့သား ဖြစ်နေတော့ စာပေလောကထဲ တိုးဝင်ရာမှ တခြား စာပေ၀ါသနာရှင်တွေလောက်တော့ အခက်အခဲရှိမယ် မထင်ဘူး၊ ဟုတ်ပါသလား "
" ဟုတ်ကဲ့။ စာပေနဲ့ ယဉ်ပါးမှုတော့ တခြားသူတွေထက် ရှိလာတာပေါ့ဗျာ။ ဒါပေမဲ့ အဖေက အယ်ဒီတာ ဆိုပေမယ့် သူကလည်း အသေအချာ ဖတ်ပြီး ကြိုက်မှ ထည့်တာဗျ။ သူအယ်ဒီတာ မလုပ်တဲ့ တခြား မဂ္ဂဇင်း တိုက်တွေ ပို့တဲ့အခါ ကျတော့ တခြားသူတွေလိုပဲ စိစစ်ခံရတာပါပဲ။ ဒါ ကိုတင့်ဆန်းရဲ့ သားကလေး ပဲ ဆိုပြီး မျက်မှန်းတန်းမိတာတွေတော့ ရှိသပေါ့ဗျာ။

အထူးသဖြင့်ကတော့ စာရေးဆရာဆိုတာ ကိုယ်လုပ်မှ ကိုယ် ရတာ။ ကိုယ့်နာမည် ရပ်တည်နိုင်ရေးအတွက် ကိုယ့် ဘာသာ ရုန်းကန်ရတာဗျ။ ဘယ်သူမှ လာလုပ်ပေးလို့ ရတာမဟုတ်ဘူး။ ကိုယ်ဖြစ် ကိုယ်ခံ ဆိုတာ မျိုး။ ကိုယ့်ကိုယ်ကိုယ် ကိုယ့်ဘာသာပဲ အာမခံရတယ်။
ကိုယ့်စာကောင်းမှ ပရိသတ်က လက်ခံမယ်၊ ပရိသတ် လက်ခံမှ နာမည် အရှည်တည်တံ့မယ်။ အဲဒီတော့ စာကောင်း ပေကောင်း ရေးနိုင်အောင် ကိုယ့်ဘာသာ ကြိုးစားယူရတာပဲ။ ပတ်ဝန်းကျင်နဲ့ အသိုင်းအ၀ိုင်း ဆိုတာ မဖြစ်သင့်တာ မဖြစ်ရလေအောင် ကျားကန်ပေးတဲ့ သဘောလောက်ပဲရှိတာပါ။
နာမည်ကြီး လာတော့ ပိုဆိုးတယ်။ နာမည် မကျရေး၊ တည်တံ့နေရေးအတွက် ကျားကုတ်ကျားခဲ ကြိုးပမ်းရ တာ မိမိကိုယ်တိုင်ပါပဲ။ စာရေးဆရာအလုပ် ဆိုတာ ပုဂ္ဂလိက ဆန်တယ်လို့ ကျွန်တော်တော့် ယူဆ တယ်"

" ဆရာ ဘယ်အရွယ်လောက်မှာ စာစ ရေးဖြစ်တာလဲ "
" ၁၉၅၄ လောက်မှာပါ။ ငါးတန်းကျောင်းသားဘ၀။ ဒီတုန်းက ကျွန်တော့်အသက် ၁၃ နှစ်ပဲ ရှိပါ သေးတယ်။
အမှန်က ကျွန်တော် ဖြစ်ချင်တာ စာရေးဆရာ မဟုတ်ပါဘူး။ ပန်းချီဆရာ။ ကျွန်တော်တို့ သူငယ်ချင်း နှစ် ယောက် ရှိကြတယ်ဗျာ။ ကိုစံတိုးနဲ့ ကျွန်တော်ပေါ့။ တစ်မြို့တည်းသား၊ တစ်ကျောင်းတည်း အတူနေခဲ့ကြ သူတွေ။ သူက စာရေးဆရာ ဖြစ်ချင်တယ်။ တကယ်တမ်း ဖြစ်လာတော့ ကျွန်တော်က စာရေးဆရာ၊ သူက ပန်းချီ ဆရာ ဖြစ်လာတယ်။ ရယ်စရာကောင်းနေမလားတော့ မသိဘူး။ ကျွန်တော်က ပန်းချီဆရာ ဖြစ်ချင်လို့ ပန်းချီအကြောင်း လေ့လာရင်း ပန်းချီဆရာတစ်ယောက်လောက်နီးနီး ပန်းချီအကြောင်း တွေတော့ ပြောတတ် ပါရဲ့။ ပန်းချီဆရာတော့ ဖြစ်မလာဘူး။ ကိုစံတိုးလည်း စာရေးဆရာ ဖြစ်ချင်လွန်းလို့ စာပေ အကြောင်းကို ပြောနိုင်ပြီး လက်တွေ့ကျတော့ ပန်းချီဆရာ ဖြစ်လာတယ်။

ဒီတုန်းက ကျွန်တော် ပဲခူးမှာ ကျောင်းနေတယ်။ ကျောင်းပိတ်ရက်တွေမှာ အမေရှိတဲ့ ရန်ကုန်ကို လာလည်လေ့ ရှိတယ်။ အဖေက စုံထောက်မဂ္ဂဇင်း (ယခု မိုးဝေ)မှာ အယ်ဒီတာ လုပ်ရင်း စာရေးနေတယ်။ စုံထောက် မဂ္ဂဇင်းမှာ ဆရာမိုးဝေ၊ နတ်နွယ်၊ စောလင်း၊ စစ်ကိုင်း၊ အေးလွင်၊ မောင်သက်နောင်တို့ကို တွေ့ရ တယ်။ မြ၀တီလို၊ ရှုမ၀လို၊ သွေးသောက်လိုမဂ္ဂဇင်းတွေဘက် ရောက်တဲ့အခါမှာလည်း တခြား နာမည်ကြီး စာရေးဆရာတွေ တွေ့ရတတ်ပါရဲ့။

ဒါပေမဲ့ စာရေးဆရာအလုပ်ဟာ အားကျစရာ မဟုတ်ပါဘူး။ စာရေးဆရာ တော်တော်များများဟာ ဘိုင်ကျ နေတာ တွေ့ရတော့ ကျောင်းနေဆဲ လူငယ်တစ်ယောက်အဖို့ အားကျစရာ မဟုတ်ခဲ့ဘူးပေါ့ဗျာ။
ဒီလိုနဲ့ တစ်နေ့ အားအားရှိတာနဲ့ စုံထောက်မဂ္ဂဇင်းတိုက်မှာပဲ စက္ကူ အတိုအစ ကလေးတွေနဲ့ "လည်ဆွဲရတနာ" ကို ရေးပါတယ်။ ပြဇာတ်ပုံစံနဲ့ပါ။ အဖေက ဖတ်ကြည့်ပြီး မဆိုးဘူး၊ ၀တ္ထုပုံစံနဲ့ဆိ ပိုကောင်းမယ် ဆိုရာက ပြန်ရေးပြီး ပထမဆုံး ပုံနှိပ်စာလုံးအဖြစ် ဖော်ပြခံခဲ့ရတယ်။ ကျွန်တော့်အသက် ၁၃ နှစ်၊ ငါးတန်း ကျောင်းသား ဘ၀ပေါ့"
" ဆရာ့ နာမည် စရလာတာကတော့ "ခင်ပပမြိုင်" ထင်တယ် "

" ဟုတ်ပါတယ်။ ၁၉၆၄ ခုနှစ်မှာ "ခင်ပပမြိုင်" ထွက်တော့ နာမည် စရလာပါတယ်။ ဒီမတိုင်ခင် ပြားခြောက်ဆယ်တန် ခေတ်မှာ လုံးချင်း ရှစ်အုပ်လောက် ရေးသေးတယ်။ သိပ်မထင်ရှားခဲ့ဘူး။ "ခင်ပပမြိုင်" ကျမှ ပရိသတ်နဲ့ မျက်မှန်းတန်းမိလာတယ်။ ဆရာ ဦးကြီးမောင် (ငွေဥဒေါင်း)က ကြေးမုံမှာ ရေးသလို ပါပဲ။ မောင် သိန်းဆိုင်သည် " ခင်ပပမြိုင် " တစ်အုပ်တည်းဖြင့် စာပေနယ်မှာ ခြေချ၍ ရနိုင်ပေပြီ ဆိုသလို ပေါ့ဗျာ။ "ခင်ပပမြိုင်" နောက်ပိုင်းမှာတော့ ကျွန်တော် လုံးချင်းဝတ္ထုတွေ အဆက်မပြတ် ရေးခဲ့ပါတယ်။

လုံးချင်းဝတ္ထု စထုတ်ဖို့ အကြံပေးတာကတော့ မှတ်မှတ်ရရ ဆရာအောင်လင်းပါပဲ။ မဂ္ဂဇင်းတွေမှာ ၀တ္ထုတို ရှည်တွေ ပါနေပြီး ထိုက်သင့်သလောက် သူ လက်ခံတာ တွေ့ရတော့ ကိုယ့်ကိုယ်ပိုင်အင်အားနဲ့ ပရိသတ် ကို စမ်းသပ်ကြည့်သင့်တယ်။ လုံးချင်းဝတ္ထုထုတ်သင့်တယ်လို့ ဆရာအောင်လင်းက အကြံပေးတယ်။ ပထမဆုံး လုံးချင်းဝတ္ထု" အသည်းလွှာ မဟီဝယ်"ကို ထုတ်ဖြစ်အောင် ကူညီသူကတော့ ဆရာနတ်နွယ်ပါ။ ၁၃ နှစ်သား အရွယ်လောက်က စာစ ရေးတော့ ခပ်ကျဲကျဲ ရေးတာတောင် အခုတော့ စာများများ ရေးတဲ့ စာရေးဆရာ စာရင်းထဲ ပါနေပြီ ထင်ပါရဲ့ "

" ဆရာ ရေးခဲ့တဲ့ စာပေတွေကို ပြန်လေ့လာကြည့်ရင် ပထမပိုင်းမှာ လျှို့ဝှက်သည်းဖို ၀တ္ထုတွေ ရေး ခဲ့တယ်၊ အောင်မြင်ခဲ့တယ်။ နောက်ပိုင်းမှာကျတော့ အချစ်နဲ့ အိမ်ထောင်ရေး သရုပ်ဖော်ဘက် လိုင်းပြောင်း ရေးလာ တာတွေ့ရတယ်။ ဆရာ ဘာဖြစ်လို့ ပြောင်းရေးတာလဲ။ လျှို့ဝှက်သည်းဖို ရေးရတာ ငြီးငွေ့ လာလို့လား။ ဒါမှ မဟုတ် အသက်အရွယ်အရ ဒီလို ၀တ္ထုတွေ ရေးချင်လာလို့လား "
" လျှို့ဝှက်သည်းဖို ၀တ္ထုတွေ ရေးခဲ့မိတဲ့အတွက် နောင်တ မရမိဘူးဆိုတာ အရင် ပြောချင်ပါတယ်။ စာမျက်နှာ တစ်ထောင်ကျော် ရှိတဲ့ " ရေနံ့သာခင်ခင်ကြီး" လို ၀တ္ထုမျိုးကို အစကနေ အဆုံးအထိ စိတ်ဝင် တစား ဖတ်သွားလို့ရအောင် ရေးနိုင်တာ လျှို့ဝှက်သည်းဖို ၀တ္ထုတွေ ရေးခဲ့တဲ့ အတတ်ပညာ ကြောင့်လို့ထင်တယ်။ လျှို့ဝှက်သည်းဖို ၀တ္ထုတွေ ရေးရတာ ငြီးငွေ့တယ်လို့လည်း မရှိပါဘူး။ ကျွန်တော့် အဖို့ အကျိုးပေးတယ်လို့ ပြောရလိမ့်မယ် ထင်တယ်။ ကျွန်တော် နာမည်ရလာတာ ဒီဝတ္ထုတွေကြောင့်ပဲ။

စာပေ ဆွေးနွေးပွဲမှာ ကျွန်တော် ပြောသလိုပဲ ကျွန်တော်က စာအစုံ ရေးချင်တယ်။ လိုင်းတစ်လိုင်းတည်း သတ်မှတ်မထားချင်ဘူး။ အချစ်၊ အိမ်ထောင်ရေး၊ ဘ၀သရုပ်ဖော် အားလုံးကို ရေးချင်တယ်။
ဒါကြောင့် ကျွန်တော် ပင်တိုင်ဇာတ်ဆောင် ထားပြီးတော့တောင် မရေးခဲ့ဘူး။ များသောအားဖြင့် လျှို့ဝှက် သည်းဖိုလိုင်း မှာ ပင်တိုင်ဇာတ်ဆောင် ထားလေ့ထားထ ရှိကြတယ်။ ဆရာမိုးဝေ ဆိုရင် တင်မောင်ဆွေ၊ ဆရာရဲစိုး ဆိုရင်လည်း ကျော်ညွန့် စသည်ဖြင့်ပေါ့။ ကျွန်တော့်မှာ အဲဒီလို ပင်တိုင်ဇာတ်ဆောင်မရှိဘူး။

ပင်တိုင် ဇာတ်ဆောင် ထားတဲ့အတွက် စာရေးဆရာမှာ ဘောင်ကျဉ်းသွားတယ်။ ဒီဇာတ်ဆောင်ကို လူတွေ ငြီးငွေ့လာတဲ့နေ့မှာ ကလောင်လည်း သေသွားမှာပဲ။ ဒီအဖြစ်ကို ကျွန်တော် မလိုလားပါဘူး။ လွတ်လပ်ချင် တယ်။ ရေးချင်တဲ့ အကြောင်းအရာကို လွတ်လွတ်လပ်လပ် ရေးနိုင်ခွင့်ရအောင် လိုင်းသတ်သတ် မထားဘဲ ကျွန်တော် စာစုံ ရေးခဲ့တာပါ။
ပြောရရင်တော့ လျှို့ဝှက်ဖိုဆိုတာ ကျွန်တော့် ငယ်ချစ်ဗျ။ အသစ်တွေ ဘယ်လိုကောင်းကောင်း ငယ်ချစ် ကလေးကိုတော့ လက်မလွှတ်နိုင်ဘူး။ အသက်ထက်ဆုံး ရေးသွားမှာပါ "
" ဒီလိုဆိုရင် ဆရာ့ငယ်ချစ် လျှို့ဝှက်သည်းဖိုစာပေတွေဟာ အပျော်ဖတ်စာပေ တွေလို့ ဆိုကြတာနဲ့ ပတ်သက်ပြီး ဆရာ ဘယ်လို သဘောထားပါသလဲ"

" ၀တ္ထုဘာကြောင့် ဖတ်သလဲဆိုတာ မေ့ထားကြတဲ့ လူတချို့က ၀တ္ထုမှာ ဖြေဖျော်မှု (Entertainment) သဘော ပါတယ် ဆိုတာကို လျစ်လျူရှုချင်ကြတယ်။ ရုပ်ရှင် ဘာကြောင့် ကြည့်သလဲ၊ အမြဲတမ်း သင်ခန်းစာ တွေ ရနေဖို့လား၊ ဗဟုသုတတွေ ပွားများ နေဖို့လား၊ လောကကို သံဝေဂယူနေဖို့လား၊ မဟုတ်ပါဘူး။ စိတ် အပန်းဖြေဖို့၊ ပျော်ချင်လို့ ကြည့်ကြတာလည်း ပါတယ်။ ပျော်ရင်းပါးရင်းကနေ သင်ခန်းစာတွေ ရချင်ရလာ မယ်။ ဗဟုသုတတွေ ရချင်လာမယ်။ သံဝေဂယူချင်လည်း ယူမိလိမ့်မယ်။ အဓိက ကတော့ ဖြေဖျော်မှု (Entertainment) ကြောင့် ကြည့်ကြတာပဲ။ ဗဟုသုတရဖို့သက်သက် ဆိုပြီး သတင်းကား တွေချည်း ဘယ်သူမှ ထိုင်ကြည့်မနေပါဘူး။ ဇာတ်လမ်းပါတဲ့ကားတွေ ကြည့်ကြတာပဲ။

စာဖတ်တဲ့ နေရာမှာလည်း အမြဲတမ်း သင်ခန်းစာရဖို့လား၊ ဗဟုသုတ ရှိဖို့လား၊ တရားသံဝေဂ ယူဖို့ပဲလား။ ဒါဆို ဘာလို့ ၀တ္ထုဖတ်နေတော့မှာလဲ။ စွယ်စုံကျမ်းတွေ၊ ဗဟုသုတဟင်းလင်းအိုးလို စာအုပ်တွေ၊ နီတိကျမ်း တွေနဲ့ တရားစာအုပ်တွေ ရှိနေသားပဲ။ ၀တ္ထုဖတ်တယ်ဆိုတဲ့ နေရာမှာလည်း တစ်စိတ် တစ်ဒေသအားဖြင့် ပျော်လို့၊ ဖြေဖျော်မှု ရချင်လို့ဆိုတာ တွေ့လာရတယ်။ ဒါကြောင့် ၀တ္ထုမှာ ဖြေဖျော်မှု သဘောပါမှ ဖြစ်တဲ့ အတွက် အပျော်ဖတ်လို့ ပြောကြတာ ကိစ္စမရှိပါဘူး "
" ဆရာ ၀တ္ထု ရေးတဲ့နေရာမှာ ဇာတ်ကောင်စရိုက် အသားပေးတဲ့ ၀တ္ထုနဲ့ ဇာတ်လမ်း အသားပေးတဲ့ ၀တ္ထု ဘယ်ဟာကို ပိုပြီး သဘောကျပါသလဲ"

" ကျွန်တော်ကတော့ ဇာတ်ကောင်စရိုက်နဲ့ ဇာတ်လမ်းဆိုတာကို သိပ်အကွဲပြားကြီး ခြားမထားဘူး။ ဇာတ်ကောင် ဟာ လှုပ်ရင်းရှားရင်း ပြောရင်းဆိုရင်း ဇာတ်လမ်းကို ဖန်တီးသွားတယ်။ ဇာတ်ကောင်နဲ့ ဇာတ်လမ်း သဟဇာတမျှဖို့ လိုတယ်လို့ ထင်တယ်။ ဒါကြောင့် ဇာတ်ဆောင်နဲ့ ဇာတ်လမ်း မျှမျှတတရှိတဲ့ ၀တ္ထုမျိုး ကို ရေးဖို့ ပိုပြီးအားသန်တယ်လို့ ယေဘုယျ ပြောချင်ပါတယ် "
" ဆရာ ရေးတဲ့ ၀တ္ထုတွေထဲက နိုင်ငံခြားကားတွေကို မြန်မာမှုပြုထားတဲ့ "စောသီတာလှိုင်"နဲ့ "ပုဂံမြို့သူ" ၀တ္ထု တွေ ဘာဖြစ်လို့ ရေးဖြစ်သွားတာလဲ ဆရာ "
" စောသီတာလှိုင် (Dead Ringer) ကို ရေးဖြစ်တာကတော့ ဘက်တီဒေးဗစ်ဆိုတဲ့ နိုင်ငံခြားက ခေတ်ဟောင်း မင်းသမီးကြီးကို ကြည့်ဖူးချင်တာနဲ့ သွားကြည့်ရာက နှစ်ကိုယ်ခွဲ ဇာတ်လမ်းကို စွဲလွန်းတာ။ မင်းသမီးကြီး ရဲ့ သရုပ်ဆောင်မှုကို ကျေနပ်လွန်းတာကြောင့် ပြန်ရေးဖြစ်တာပါ။ ကိုဝင်းငြိမ်းလည်း ကြည့်လိုက် မိမယ်ထင်ပါတယ်။ အသက်ခြောက်ဆယ်ကျော် အရွယ်ကြီးနဲ့ အမြွှာညီအစ်မ ခပ်ပျံပျံက တစ် ယောက်၊ တည်တည်ကြည်ကြည်အဖြစ်နဲ့ တစ်ယောက် သရုပ်ဆောင်သွားတာ။

" ပုဂံမြို့သူ"ကို ရေးဖြစ်တာကတော့ ကျွန်တော် အညာဘက် ပုဂံ ဆိုပါတော့ဗျာ။ လေ့လာရေး သွားမယ်ဆိုပြီး သွားခါနီးမှာ ရွိုင်ရယ်ရုံမှာ ပြနေတဲ့ My Bolld Rund Cold ကို သွားကြည့်မိတယ်။ ပုဂံ ရောက်တော့ ရောက်လေရာမှာ အဲဒီဇာတ်ကားထဲက ဇာတ်ကွက်တွေကို ပြန်ပြီး မြင်ယောင်နေတယ်။ သိတဲ့ အတိုင်း အဲဒီကားကို အခြေခံထားတာက ပင်လယ်ကမ်း။ ကျွန်တော် ရောက်နေတာက အညာ။ ဒါနဲ့ အမြင့်ကြီး မဟုတ်တဲ့ နတ်သမီး တစ်ပါးက ဇာတ်ဆောင် မစောလတ်ကို ခုန်ချခိုင်းတာတို့ ဘာတို့ ဖြစ်သွား တယ်။
ခေါင်းထဲမှာ စွဲနေတယ်။ ဖျောက်လို့မရအောင် ဖြစ်နေတယ်ဆိုရင် အကောင်းဆုံးက ရေးထုတ်ပစ် လိုက်တာပါပဲ။ ဒီနည်းနဲ့ ဖျောက်ဖျက်ပစ်ရတတ်တယ်။ ဒီသဘောနဲ့ နိုင်ငံခြား ရုပ်ရှင်ကားတွေကို ပြန်ရေး ဖြစ်တာပါ"

" ဆရာရေးခဲ့တဲ့ "ရေနံ့သာခင်ခင်ကြီး" ကိုတော့ ဆရာ့ရဲ့ Master Piece အနေနဲ့ စာဖတ်ပရိသတ်က လက်ခံ ထားကြပါတယ်။ ခင်ခင်ကြီး ရေးတဲ့အချိန်မှာ ဆရာ အသက်ဘယ်လောက်ရှိပါပြီလဲ "
" ကျွန်တော့် အသက် သုံးဆယ်က ရေးခဲ့တာပါ "
" ခင်ခင်ကြီး ကို ဆရာ ဖန်တီးနိုင်ဖို့ အချိန်ဘယ်လောက် ယူခဲ့ရပါသလဲ "
" ဇာတ် စဉ်းစားချိန် တစ်နှစ်ခွဲ ကြာပြီး ချရေးတာ တစ်နှစ်ခွဲ ကြာခဲ့ပါတယ်။ ဒါကြောင့် ခင်ခင်ကြီးကို ဖန်တီးတာ သုံးနှစ်ကြာတယ် ပြောရမှာပေါ့ "
" ခင်ခင်ကြီး ကို မြန်မာစာပေလောကမှာ ဂန္ထ၀င်ဝတ္ထုအဖြစ် သတ်မှတ်ကြပါတယ်။ ခင်ခင်ကြီးကို ဆရာ ကြိုးပမ်း ခဲ့ပုံ သိပါရစေ "

" ၁၉၄၇ ခုနှစ်တုန်းက ဂန္ထ၀င်ဝတ္ထုတွေ ကြိုးစား ရေးကြရအောင် ဆိုပြီး ဆရာဒဂုန်တာရာတို့၊ ဆရာမြသန်း (မြသန်းတင့်)တို့၊ ကိုကျော်အောင်တို့၊ သေသွားတဲ့ ကိုကြည်လင်၊ ဆရာဗန်းမော်တင်အောင်တို့၊ ဂျာနယ် ကျော်မမလေးတို့ တိုင်ပင်ကြတယ်။ ဒါပေမဲ့ အခြေအနေ အမျိုးမျိုးကြောင့် မရေးဖြစ်ခဲ့ကြဘူး။ နောက်ပိုင်း မှာ အဲဒီအစွန်းအစကို ပြန်ပြီး ဖော်တဲ့အနေနဲ့ ပုဂံစာအုပ်တိုက်က ပြန်ဖော်ထုတ်တယ်။ အဲဒီအချိန်က ကိုကျော်အောင်ရဲ့ "အရေးကြီးပြီသွေးစည်းကြစို့၊" မင်းကျော်ရဲ့ "လှိုင်"၊ ငါတို့ခေတ်နဲ့ အပြိုင်၊ နတ်နွယ်ရဲ့ "မြန်မာပြည်မြောက်ပိုင်း"၊ မောင်နေ၀င်း ရဲ့ "ရေရိုင်း မြေရိုင်း"တို့ ထွက်လာတယ်။
အဲဒီအချိန်က ကျွန်တော် လျှို့ဝှက်သည်းဖို ၀တ္ထုလေးတွေ ရေးနေချိန်ပဲ ရှိသေးတယ်။ သူတို့ တိုင်ပင်ဆွေး နွေးကြတာတွေ၊ ရေးနေကြတာတွေ မြင်ပြီးတော့ ကျွန်တော်လည်း အားကျလာတယ်။ ဒါကြောင့် နောက်ခံ ကား ကျယ်ကျယ်ပြန့်ပြန့်၊ ဇာတ်လမ်းဇာတ်ကွက်ခံ့ခံ့ညားညား၊ ဇာတ်ကောင်စရိုက် ပီပီပြင်ပြင်နဲ့ ရေးဖွဲ့ရတဲ့ ၀တ္ထုအမျိုးအစား တစ်ပုဒ် ရေးမယ်လို့ ကြိုးစားရာကနေ ခင်ခင်ကြီးကို ရေးဖြစ်သွားတာပါပဲ။

ခင်ခင်ကြီးကို ရေးဖို့ရာ ရေနံချောင်းတို့၊ ဘာတို့ သွားပြီး လေ့လာ၊ မိတ်ဆွေတွေဆီက ရေနံချောင်းနဲ့ ပတ်သက် တဲ့ အချက်အလက်တွေ စုဆောင်းတာကိုက တစ်နှစ်ခွဲ ကြာသွားတယ်။ အချက်အလက် ပြည့်စုံ သွားပြီး ရေးတော့မယ်ဆိုတော့ ဇွဲ ပုံနှိပ်တိုက်က သူတို့ ထုတ်မယ်ဆိုလို့ ပုံနှိပ်စက်တွေ ကြားမှာပဲ ရေးရင်း၊ စီရင်း၊ ရိုက်ရင်းနဲ့ တစ်တွဲကို ခြောက်လလောက် ရေးလိုက်တယ်။ သုံးအုပ် ဆိုတော့ တစ်နှစ်ခွဲပေါ့ဗျာ "
" ရေနံ့သာခင်ခင်ကြီး မှာ ဇာတ်ကောင်စရိုက်ကို ဆရာ တော်တော်ဖော်သွားနိုင်ပါတယ်။ ခင်ခင်ကြီး၊ မောင်မောင်ဦး၊ ဦးကောင်းမိုး၊ ဦးအောင်ခန့်တို့ အပေါ်လွင်ဆုံးပါပဲ။ ဒါပေမဲ့ တချို့နေရာလေးတွေမှာ EXTREME ဖြစ်သလားလို့။ ဥပမာ ဆိုပါတော့ ဆရာရယ် ... ခင်ခင်ကြီးက အပျိုဖြစ်နေပြီပဲ။ ယောက်ျား တစ်ယောက်နဲ့ အိပ်ရင် ကိုယ်ဝန်ရှိလာနိုင်တယ်ဆိုတာ လုံးဝမသိတာမျိုး ရေးထားတယ်။ ဒါမျိုးကျတော့ ခင်ခင်ကြီး ဘက်က လွန်ရာရောက်မသွားဘူးလား "

" ခင်ခင်ကြီးဆိုတဲ့ နာမည်ကိုသာ တစ်ဖက်စွန်း ရောက်တတ်တဲ့ EXTREMAGE နာမည်မျိုးပါ။ ပြင်းထန်တတ် တဲ့သဘောရှိပါတယ်။ သူ့နာမည်ကိုတောင် "ခင်ခင်ကြီး" လို့ ခေါ်ရင် မကြိုက်ဘူး။ ရေနံ့သာ ခင်ခင်ကြီးလို့ ခေါ်ရပါတယ်။ အဲဒီတုန်းက ဦးသာယာဝတီမောင်မောင်တို့ ဘာတို့ ရှိတယ်။ ဒါကို သဘောကျပြီး ကျွန်တော်က ဒေါ်ရေနံ့သာခင်ခင်ကြီးလို့ ရေးခဲ့တာပဲ။ သူက အဓိကဇာတ်ဆောင် ဖြစ်တဲ့ အတွက် ကျွန်တော်က သူ့ကို ပြင်းထန်မှု ပေးထားခဲ့ပါတယ်။ ဇာတ်တစ်ဇာတ်လုံး သူက သယ်သွားမယ့်သူ ဆိုတော့ သူများထက်တော့ ပြင်းထန်ထားမှ ဖြစ်မယ်။ ဒါမှ သူ့နောက်ပိုင်းက ၀င်လာမယ့် ဇာတ်ဆောင်တွေရဲ့ လှုပ်ရှားမှုတွေက သူ့ကို ၀ိုင်းပြီးပို့သလို ဖြစ်သွားမယ်လေ။

ကျွန်တော် "ရေနံ့သာခင်ခင်ကြီး"ကို ရေးမယ်ဆိုတော့ "စစ်နဲ့ ငြိမ်းချမ်းရေး"ကို ခြောက်ခေါက် ဖတ်ပါတယ်။ တခြား ကမ္ဘာဂန္ထ၀င်ဝတ္ထုတွေလည်း ဖတ်ပါတယ်။ အဲဒီဝတ္ထုတွေမှာလည်း ဒီလို ပြင်းထန်တာလေးတွေ တွေ့ ရပါတယ်။ ဥပမာ - "စစ်နဲ့ ငြိမ်းချမ်းရေးထဲက "ပီယာ"ဆိုရင်လည်း EXTREMAGE ပဲ။ နပိုလီယံကို သွားပြီး သတ်ဖို့ ကြိုးစားတဲ့အထိ ဖန်တီးထားတယ်။ လူတွေနဲ့ ပေါင်းလို့မရဘူး။ သူ့စရိုက်က တစ်မျိုးကို ဖြစ်နေတယ်။

ခင်ခင်ကြီးကလည်း ဒီအတိုင်းပါပဲ။ နည်းနည်းလေးတော့ ပိုထားလိုက်တယ်။ တစ်ထားလိုက်တယ်။ ဒီလို ပိုထားလိုက်တဲ့ အတွက် သူ့ဘေးက ဇာတ်ဆောင်တွေရဲ့ လှုပ်ရှားမှုက ပိုပြီး ပေါ်လွင်လာပါတယ်။
ခင်ခင်ကြီး နဲ့ ပတ်သက်ပြီး ရှေ့ပိုင်းက ပြောခဲ့တဲ့ ဇာတ်လမ်းနဲ့ ဇာတ်ဆောင်စရိုက်ကို ဆက်ပြောချင်ပါတယ်။ ခင်ခင်ကြီးက သုံးအုပ်စလုံး တစ်ဆက်တည်း ရေးခဲ့ရတာလည်း မဟုတ်ဘူး။ တစ်အုပ်ပြီး တစ်အုပ် ရေးသွား ခဲ့ရတာ။ ဒီမှာ ကျွန်တော် အဓိကထားချင်တာက ခင်မောင်ညွန့်၊ မ၀င်းရီတို့၊ ဗိုလ်မှူးညိုထွန်း တို့ပါ။ ဗိုလ်မှူး ညိုထွန်းဆိုရင် လာတဲ့ ရေခံမြေခံ အခြေအနေကလည်း ကောင်းတယ်။ အလုပ်သမား လူတန်းစားက ပေါက် ဖွားခဲ့တယ်။ တော်လှန်တဲ့ စစ်လည်း ဆင်နွှဲခဲ့တယ်။ ဒီလို သူ့ကို နေရာတွေ အများကြီး ပေးထားတယ်။ မောင်မောင်ဦးကတော့ ဗီလိန်ပဲ။ ဒါပေမဲ့ ရေးရင်းကနေ ဘယ်လို ဖြစ်သွားသလဲ ဆိုတော့ ဗိုလ်မှူးညိုထွန်းတို့က မြုပ်သွားပြီး မောင်မောင်ဦးက ပေါ်လာတယ်။

မောင်မောင်ဦးကို လေ့လာကြည့်ရင် ရေခံ မြေခံ မကောင်းဘူး။ အဖေက တွင်းရိုး ဆိုပေမယ့် လောင်းကစားကြောင့် ပျက်စီးပြီး နည်းမျိုးစုံနဲ့ လူယုတ်မာဆိုတဲ့ အဆင့်ကို ရောက်နေတယ်။ မောင်မောင်ဦး ကိုယ်တိုင်ကလည်း ဘမျိုးဘိုးတူ ဆိုတာမျိုးလို ခပ်ပွေပွေ၊ ခပ်ရှုပ်ရှုပ်ဗီလိန်အဖြစ် ဖန်တီးထားတာပဲ။ "ပန်း သာမစာဥ" ထဲက ပန်းသာမောင်မောင်လို့ပေါ့။ ဒါပေမဲ့ ဘယ်လိုကနေ ဘယ်လို ဖြစ်သွားသလဲ မသိဘူး။ မောင်မောင်ဦးက ပရိသတ် သနားစရာ ဇာတ်ကောင် ဖြစ်သွားတယ်။ သူ့ကို ကျွန်တော် ဆွဲချလို့ မရတော့ ဘူး။ အဲဒါ ကျွန်တော် ဘောင်ချမထားတဲ့ ဇာတ်လမ်းထဲမှာ ဇာတ်ဆောင်ရဲ့ စရိုက် မှာ ဈာန်ဝင်စားသွားမှုပါပဲ။ ကိုယ်က တင်ချင်ပေမယ့်လည်း မြင်းကတ်သလို ကတ်နေတမျိုးကျတော့ ဘယ်လိုမှ တင်မရဘူး။ တောက် ပြောင်လာမယ့် ဇာတ်ကောင်ကျတော့လည်း ကိုယ်က နှိမ့်လို့ကို မရတော့ဘူး။ သူ့ဟာသူ ပြောချင်တာတွေ ပြောသွား၊ လုပ်ချင်တာတွေ လုပ်သွားတာကို ကိုယ်က ကလောင်ကိုင်ပြီး မှေးလိုက်သွားရုံပါပဲ။ 

ဇာတ်ဆောင်အင်အားက ဇာတ်မှာ အံဝင်ခွင်ကျ ဖြစ်လာတဲ့အခါမှာ သူ့ဇာတ်ကို သူဖန်တီးသွားတာပါပဲ။ ဒါကြောင့်လည်း ကျွန်တော်က ဇာတ်ဆောင်နဲ့ ဇာတ်လမ်းသမမျှတမှု ရှိသင့်တယ်လို့ ပြောခဲ့တာပါ”
''ရေနံ့သာခင်ခင်ကြီးကို ကက်ဆက်ဇာတ်လမ်း ဖန်တီးခွင့်ပြုထားတယ် ဆ်ိုတာ ဟုတ်ပါသလားဆရာ''
''လုပ်ဖိ်ု့ စီစဉ်တာ ကြာပါပြီ။ ကျွန်တော် လျာထားပေးတဲ့ ဇာတ်ကောင်တွေတောင် တချို့ ကွယ်လွန် ကုန်ကြပါပြီ။ ဥပမာဗျာ... ဦးကောင်းမိုး နေရာမှာ ဦးကျောက်လုံး၊ ဦးအောင်ခန့် နေရာမှာ ဗိုလ်ဗကို၊ ဒေါ်မြလေးက ဒေါ်မေနွဲ့၊ ဒေါ်သူဇာက ဒေါ်မေသစ်၊ မောင်မောင်ဦးက ကောလိပ်ဂျင်နေ၀င်း စသဖြင့်ပေါ့ဗျာ။ ဒီမှာ ကျွန်တော်တင်းထားတာ တစ်ခုကလည်း ရေနံ့သာခင်ခင်ကြီး နေရာမှာတော့ ၀ါဝါ၀င်းရွှေ က လွဲလို့ တခြားသူ သရုပ်ဆောင်ခွင့် မပေးနိုင်ဘူးလို့ ပြောထားတယ်။ ထွက်ရင်လည်း သုံးတွဲလောက် လုပ်ရမှာ ဆိုတော့ ကြိုးစာကြတုန်းပါပဲ''

''ခင်ခင်ကြီး ထွက်ပြီး တော်တော်ကြာတော့မှ ဆရာ 'စိန်ခြယ်ခြူးသန်း' ကို ရေးလိုက်တာ တွေ့ရတယ်။ ကျွန်တော့်အမြင်တော့ 'စိန်ခြယ်ခြူးသန်း' ဆက်ထွက်တဲ့အတွက် ခင်ခင်ကြီးမှာ ရပြီးသား Climax ကို ပြန်ကျသွားစေတယ်လို့ ထင်ပါတယ်။ ဆရာဘယ်လိုမြင်ပါသလဲ''
 ''သတိထားတေလျက်နဲ့ မှားခဲ့တဲ့ အမှားတစ်ခုပါပဲ။ ကျွန်တော်ကိုယ်တိုင်လည်း ဆက်တွဲကိစ္စတွေကို တော်တော်ရွံ့ခဲ့ပါတယ်။ ရှေ့က တစ်ခုခု အောင်မြင်ထားတာအပေါ်မှာ ခိုကပ်မှီ တွဲပြီး စားတာမျိုးပေါ့။ ဒီကိစ္စမျိုး ဆန့်ကျင်တဲ့အထဲမှာ ကျွန်တော်ပါခဲ့ပါတယ်။ ခင်ခင်ကြီး ထွက်ပြီးတဲ့ နောင်ပိုင်းမှာ သိပ်အားမရ ကြဘူးလို့ ပြောကြတယ်။ ဒါ အရှေ့တိုင်းအနုပညာ (Oriental Art) ပေါ့ဗျာ။ ကျွန်တော်တို့ အရှေ့တိုင်း မှာက ဇာတ်လမ်းတစ်ခုကို ပြီးပြည့်စုံတဲ့ ဇာတ်သိမ်းမျိုးကို လိုချင်ကြတယ်။

ခင်ခင်ကြီးမှာ ကျွန်တော်က သူ့သမီးကို လေဆိပ် သွားကြိုတာနဲ့ ဇာတ်ပြီးပြီဆိုပြီး ထားခဲ့တယ်။ နောက်ဆက်တွဲ မရေးဘူး။ သူများတွေ မှားခဲ့တာမျိုး မမှားစေရဘူး ဆိုပြီး တင်းခံနေရာကနေ တိုက်တွန်းကြ လွန်းတာနဲ့၊ နားပူနားဆာ လုပ်ကြလွန်းတာနဲ့ပဲ မှားလိုက်မိတဲ့ အမှားပါ။

'ရေနံ့သာခင်ခင်ကြီး' က ၁၉၇၀ သြဂုတ်မှာ ပြီးသွားပြီး စိန်ခြယ်က ၁၉၇၂မှ ရေးတာဆိုတော့ ခင်ခင်ကြီးနဲ့ ပတ်သတ်တဲ့ Mood လည်း မရှိတော့ဘူး။ ဒီလို ပြီးပြည့်စုံတဲ့ ဇာတ်သိမ်းမျိုးကို ကြိုက်တတ်တဲ့ ပရိသတ် အလိုကို လိုက်လိုက်မိတာပါ။ ပြေရရင်တော့ စိန်ခြယ်ကို ရေးမိတဲ့အတွက် နောင်တလည်း ရပါတယ်။ ဒါမျိုးက မလုပ်ကောင်းဘူး ဆိုတာလည်း သိပါတယ်''
''ကျေးဇူးတင်ပါတယ် ဆရာ။ အဲဒီနောက်ပိုင်းမှာ ကြော်ငြာတဲ့ 'ထိပ်တင်ထားထားထွေး' ကိုကော ဆရာ မရေးဖြစ်တော့ဘူးလား''
''ကျွန်တော့် ရည်မှန်းချက်က ဆယ်နှစ် တစ်ကြိမ် One Decade လောက်မှာ 'ရေနံ့သာခင်ခင်ကြီး'လို ၀တ္ထုမျုိး တစ်ပုဒ် တစ်ပုဒ် ရေးသွားမယ်လို့ စိတ်ကူးရှိပါတယ်။

'ရေနံ့သာခင်ခင်ကြီး' ရေးတုန်းက အသက်သုံးဆယ် ဆိုတော့ ကြားထဲမှာ 'ငရမန်'ဆိုတာ  ကြော်ငြာ လိုက်သေးတယ်။ 'ငရမန်'ကို အသက်လေးဆယ်မှာ ရေးမယ်။ ဒီကြားထဲမှာ 'ထိပ်တင်ထားထားထွေး'ကို ရေးမယ်ပေါ့။ ပထမတုန်းကတော့လည်း ခင်ခင်ကြီးလိုမျိုး စာအုပ်မျုိးတွေချည်း ဆက်တိုက် ရေးမယ်လို့ ကြိုးစားတာပေါ့ဗျာ။  မအောင်မြင်ဘူး။ ဘာကြောင့်လဲဆိုတော့ ဒီလိုစာအုပ်မျိုး ရေးမယ်ဆိုရင် စာမျက်နှာ ချည်းတစ်ထောင်ကျော်တယ်။ ဒီလို ရေးနိုင်ဖို့ အနည်းဆုံး သုံးနှစ်လောက် အချိန်ယူရမယ်လို့ ကျွန်တော် ယုံကြည်တယ်။

နောက်တစ်ခုက ဟာရိုးလ်ရော်ဘင် တုို့လည်း ဒီလိုပဲ သုံးနှစ်လောက် အချိန်ယူပြီိး ရတာပါပဲ။ ဒေါ်ခင်ဆွေဦးနဲ ကိုဝင်းငြိမ်း တွေ့ဆုံသွားက ပြောခဲ့သလိုပါပဲ။ ဒီလို စာအုပ်တစ်အုပ် ထွက်ပြီးရင် တစ်နှစ်ခွဲ လောက်ထိ ဂယက်ကရိုက်တယ်။ အဲဒီမှာ ကျွန်တော်တို့က ပရိသတ်အကြိုက်ဘယ်လို ရှိတယ်။ ဘာတွေ ချို့ယွင်းချက် ရှိတယ်ဆိုတာ လေ့လာရတယ်။ ဝေဖန်ကြတဲ့ အထဲက ကျွန်တော်တို့ အမှားတွေ တွေ့လာတာကို ပြင်ရမယ်။ အဲဒီလိုအချက်အလက် စုရင်း နောက်တစ်အုပ်အတွက် အစပျိုးတာက တစ်နှစ်ခွဲ လောက် ကြာနိုင်တယ်ဆိုတော့ သုံးနှစ်မှ ခင်ခင်ကြီးလို စာအုပ် တစ်အုပ် ထွက်နိုင်မယ်လို့ ကျွန်တော် ယူဆပါတယ်။

အဲဒီလို အချိန်ရနိုင်မယ် ဆိုရင်တော့ ကျွန်တော် မှန်းထားသလို ငရမန်းတို့၊ ထိပ်တင် ထားထားထွေးတို့လည်း ထွက်လာနိုင်လိမ့်မယ် ထင်ပါတယ်။ ခုချိန်ထိတော့ အချိန်ယူလို့ကို မရနိုင်သေးဘူး ကိုဝင်းငြိမ်းရေ့။ ကြော်ငြာထားတာပဲ ရှိတယ်။ ငရမန်နဲ့ ပတ်သက်လို့ကတော့ မှတ်မှတ်သားသား ပြောစရာ ရှိပါတယ်။  ကျွန်တော်က ငရမန်ကို ဟံသာဝတီ ခေတ်လောက် နောင်ခံထားပြီး ရေးမယ်ုစိတ်ကူး ထားတာ။  ဒီအတွက် အချက်အလက်တွေရှာ၊ စာအုပ်တွေ ဖတ်နဲ့ အကြီးအကျယ် ပြင်ဆင်ထားတာ။

တချို့တစ်ဝက်တောင် ရေးပြီးနေပါပြီး။ အဲဒီမှာ ဘာဖြစ်လာသလဲ ဆိုတော့ အခု ကွယ်လွန်သွားရှာပြီ ဖြစ်တဲ့ ဆရာမကြီး ဒေါ်ဒဂုန်ခင်ခင်လေးက ကျွန်တော့် 'ငရမန်' ကြော်ငြာကို ဖတ်ပြီး ဇွဲပုံနှိပ်တိုက်ပိုင်ရှင် ဦးထွန်းရှိန်ကို ပြောသတဲ့။ 'မောင်ထွန်းရှိန်... ဒီသူငယ် သိပ်ပြီးရဲတာပဲ'လို့ ၊ ပထမတော့ ဆရာမကြီး စကားကို ကျွန်တော် မတွက်တတ်ဘူး။ နောက်တော့ တွက်ကြည့်တယ်။ အသက် သုံးဆယ်အရွယ်မှာ လေ့လာထားမှု့ နဲ ရာဇ၀င်နောက်ခံတား ရေးမယ်ဆိုတော့ တစ်ဇွတ်ထိုးလုပ်တတ်ဆိုတဲ့ အဓိပ္ပယ်မျုိး သက်ရောက်တယ်လို့ အောက်မေ့တာပဲ။ အချက် အလက် မှားယွင်းသွားရင် မကောင်းတာတို့၊ ဘာတိုိ့ကို အဲဒီအရွယ် က မသိတတ်ခဲ့မေမယ့် လူကြီးက သိတတ်နေတော့ ပြောတာပေါ့။ အဲဒါနဲ့ပဲ 'ငရမန်'ကို ကျွန်တော် ခေါက်ထားလိုက်တော့တယ်။

'ထိပ်တင်ထားထားထွေး'ကိုတော့ မဖြစ်မနေ ရေးဖို့ စိတ်ကူးရှိပါတယ်။ သူနဲ့ပတ်သက်တဲ့ အချက်အလက် တွေလည်း စုပြီးဆောင်းပြီး ရှိပါတယ်။ 'ရေနံ့သာခင်ခင်ကြီး'ကို ကျွန်တော် Master Piece လို့ပြောကြတယ် မဟုန်လား။ 'ထိပ်တင်ထားထားထွေး' က 'ရေနံ့သာ'ကို မသာရင်တောင် မီမှ ဖြစ်မယ်လေ။ ချန်ပီယံ ဆိုတာ မျိုးက သူတင်ထားတဲ့ စံချိန်ကို အမြဲချိုးနိုင်မှ ကောင်းမယ်ဆိုတော့  ကျွန်တော် ကြိုစာနေဆဲပါပဲ''
''ဆရာ့ဝတ္ထု ဘယ်နှစ်ပုဒ် ရုပ်ရှင်ရိုက်ပြီးပါပြီ''

''ရှစ်ပုဒ်လောက် ရှိပါပြီ။ ပထမ ကိုကျော်ဆွေနဲ့ 'စိမ်း'၊ နောက် ဇော်ခင်နဲ့ 'ချစ်မိလေသောကြောင့်'၊ နောက် ဇော်ဝမ်းနဲ့ 'ပုစ္ဆာဆန်သော မိန်းကလေး'၊ နောက် မောင်ကိုဦးနဲ့ 'တံခါးခေါင်သံ'၊ နောက် 'ဒေါက်တာ ကောင်းမြတ်နဲ့ မြတ်သီတာ'(သူကတော့ ၀တ္ထု မဟုတ်ပါဘူး၊ ကျွန်တော့် ဇာတ်ညွှန်းသက်သက်ူပါ။)၊ တောက် ဦးသုခ ရိုက်တဲ့ 'စိတ်စေတသိက်'၊ နောက် အောင်မြင့်မြတ် ရိုက်တဲ့ 'အမေနဲ့ သမီးများ'၊ မောင်တင်ဦး ရိုက်တဲ့ 'လူစိမ်းတစ်ယောက်'၊ 'ပုဂံမြို့သူ'အားလုံး ဆယ်ကားလောက်တော့ ရှိမယ် ထင်ပါတယ်။

အဲဒီကားတွေထဲမှာ 'အမေနဲ့ သမီးများ'(မိန်းကလေးရှင်ရဲ့ ဆန္ဒ) ကတော့ စိတ်နဲ့ တွေ့ပါတယ်။ ကျန်တာ တွေ ကတော့ ပရိသတ်ဝေဖန်သလိုပါပဲ။ ၀တ္ထုမမီဘူးပေါ့။ ကျွန်တော်နားလည်တာကလည်း ရုပ်ရှင်အတတ်ပညာနဲ့ ခပ်ပေါ့ပေါ့လေးတွေးပြီး ရိုက်တာကွာပါတယ်။ မိန်ကလေးရှင်ရဲ့ ဆန္ဒကတော့ ကျွန်တော်ရဲ့ ''အမေနဲ့သမီးများ ''ကို လေးလေးစားစားနဲ့ အတတ်နိုင်ဆုံး ချဉ်းကပ်ပြီး ရိုက်တယ်လို့ ကျွန်တော် ထင်ပါတယ်။
    ''ရေနံ့သာခင်ခင်ကြီးလို ဂန္ထ၀င်တစ်ပုဒ် ရေးဖို့အားထုတ်ရတာနဲ့ သာမန်ဝတ္ထုတစ်ပုဒ် ရေးဖို့ အားထုတ်ရတာ ဘယ်လို ကွာခြားသလဲ ဆရာ''
    ''ရေနံ့သာလို ၀တ္ထုမျိုး ရေးနိုင်ခဲ့တာ စောစောက ကျွန်တော်ပြောခဲ့သလိုပါပဲ။ လျှို့ဝှက်သည်းဖို ရေးခဲ့တဲ့ အတတ်ပညာကလေးကလည်း ကျေးဇူးပြုပါတယ်။ classics  လို့ပြောတဲ့ ဂန္တ၀င်မှာ ၀တ္ထုရေးနည်း အတတ်ပညာ တော်တော်များများက စီးဝင်နေတယ်။ မြစ်တွေ၊ချောင်းတွေ ပေါင်းပြီးမှ ပင်လယ်သမုဒ္ဒရာထဲ စီးဝင်သလိုပါပဲ။ ကျွန်တော်တို့ ဂန္တ၀င်ဝတ္ထုတစ်ပုဒ် ရေးမယ်ဆိုရင် ဇာတ်အိမ်ခိုင်မာရမယ်။ ပါတဲ့ ဇာတ်ကောင်တွေရဲ့ စရိုက်ကို ပီပြင်အောင် ကြိုးစားရမယ်။ ဒါကြောင့် သူ့မှာက အတတ်ပညာတွေ အများကြီးပါနေတယ်။

    နောက်ခံကားအကြောင်း ရေးမယ်ဆိုရင် နောက်ခံကားကို ခြယ်မှုန်းတဲ့ အတတ်ပညာ၊ နောက်ပြီး ဇာတ်ထဲမှာ စာဖတ်သူ မျောပါသွားအောင် ရေးတဲ့ အတတ်ပညာ၊ ဒီလိုအတတ်ပညာတွေ အများကြီး ပါနေတာာကို ကိုယ်က ပိုင်ပိုင်နိုင်နိုင် ကိုင်နိုင်မှလည်း ဖြစ်မှာပါ။ ဒါကြောင့် ကျွန်တော်အနေနဲ့ ဒီနေ့ ဖြစ်လာတဲ့ လူငယ်စာရေးဆရာတွေကို တိုက်တွန်းချင်ပါတယ်။ လက်ရှိ ဖြစ်နေသလောက်ကလေးနဲ့ မတင်းတိမ်ကြပါနဲ့။ တစ်ဆင့်တက်ပြီး ရေးကြည့်ကြစေချင်တယ်။ စမ်းကြည့်ကြစေချင်တယ်။ အဲဒီ အတွက် လည်း အကျိုးမယုတ်ပါဘူး။ ကိုယ့်အတွက် မှတ်တိုင်တစ်ခုတော့ ကျန်ရစ်မှာပါပဲ။
    ''ရေနံ့သာခင်ခင်ကြီးက မဟာဝိဇ္ဇာတန်းမှာ ရည်ညွှန်းစာအုပ်အဖြစ် သတ်မှတ်ထားတယ်ဆိုတာ ဟုတ်လားဆရာ။''
    ''ဟုတ်ပါတယ်။ ကျွန်တော်စာပေဆွေးနွေးပွဲ စာအုပ်ကတော့ မြန်မာစာဌာနမှာရှိတဲ့ နိုင်ငံရပ်ခြားက တက္ကသိုလ်တွေမှာ ရည်ညွှန်းစာအုပ်အဖြစ် သတ်မှတ်ထားကြပါတယ်။''
    ''ကျေးဇူးပါပဲ ဆရာ ရေနံ့သာခင်ခင်ကြီးနဲ့ ပတ်သက်လို့ တ၀ကြီး ပြောလိုက်ရတဲ့အတွက်....''
    ကိုဝင်းငြိ်မ်းလိုပဲ ကျွန်တော့် စာဖတ်ပရိသတ်တွေက မောင်သိန်းဆိုင်ဆိုရင် ''ရေနံ့သာ'' ပါမှ ပြည့်စုံတယ် ထင်ကြတယ်။ ဒါနဲ့ ပတ်သက်လို့ ကျွန်တော် စဉ်းစားမိတာရှိပါတယ်။ လီယိုတော်စတွိုင်းဆိုရင် စစ်နဲ့ ငြိမ်းချမ်းရေး နဲ့ပဲ တွဲသိကြတယ်။ ဒါပေမဲ့ ဝေဖန်ရေးဆရာတွေ၊ အနုပညာသမားတွေက တော်လ်စတွိုင်း ရဲ့ အနုပညာရသ အမြောက်အမြားလို့ သတ်မှတ်ထားတဲ့ ၀တ္ထုက  အင်နာကရယ်နီနာ မှာဆိုရင် ဇာတ်ကောင်ချည်းပဲ ၁၇၅ယောက်ပါတယ်။ အဲဒီမှာ စာရေးတဲ့ အတတ်ပညာ အပြောင်မြောက်ဆုံးလိုိ့ ဆုိုကြတယ်။

ကျွန်တော် ကိုလည်း ရေနံ့သာ နဲ့တွဲသိကြတယ်။ ဒါပေမဲ့ ကျွန်တော်ကိုယ်ကိုိအားရ ကျေနပ်တာက ပဆစ်အိမ် ပါ။ ဒီမှာ ကျွန်တော့်စာရေးသားခြင်း အတတ်ပညာ အပြည့်အစုံဆုံးလို့ ခံစားမိပါတယ်။

ဆရာလေ့လာမိမလားတော့ မပြောတတ်ဘူး။ အခု ဒီဘက်ပိုင်းမှာ ဘက်ဆဲလာ ဖြစ်လာတဲ့ စာရေးဆရာ တွေဟာ ခဏပဲ ခံတယ်။ ပြန်ကျသွားတာ များတယ်။ ဘာဖြစ်လို့ပါလဲ...
ဒီနေ့တွေ့တဲ့ Best Sellerတွေကတော့ နှစ်နှစ်တောင် ဖျစ်ဖျစ်မြည်အောင် ကြိုးစားနေရတယ်။ ဒါက ဘာလဲဆိုတော့ တချို့လည်း အကြံအဖန်များတယ်ဗျာ၊ကြိုးစားအားထုတ်မှုမှာလည်း အလေးအနက် မရှိကြတော့ဘူး။  ဖြစ်ပြီးရော ဆိုတာမျိုးတာက များနေတယ်။ ပရိသတ်နဲ့ မကင်းကွာအောင် အရှည်နေမယ်ဆိုတဲ့ ဆန္ဒမျိုးက နည်းပြီးဖြစ်နေတဲ့အချိန်မှာ ဖြစ်သလို လုပ်လိုက်မယ် ဆိုတာမျိုးက များနေတယ်။ ဒါကြောင့် ရေရှည်မခံကြတာပါပဲ။ Beset seller  အဖြစ်က ကျသွားပြီးရင်လည်း ကုန်းကောက်စရာ မရှိတော့လောက်အောင် ဖြစ်သွားကြတာပဲ။

    ဆရာလိပ်စာကကော...
    အလွယ်ဆက်သွယ်ချင်တော့ ၁၇၈ -၃၃လမ်း၊ ရန်ကုန် ။ ဖုန်း၇၈၉၈၄ပါ။

    ကျေးဇူးတင်ပါတယ် ဆရာ။ ဒေါ်ရေနံ့သာခင်ခင်ကြီးရဲ့ ညီမ ဖြစ်လာမယ့် ထိပ်တင်ထားထားထွေး ကိုလည်း ကျွန်တော်တို့ မျှော်နေပါတယ်။ ဆရာ.... ရေးဖြစ်အောင် ကြိုးစားစေချင်ပါတယ်။

 

Credit:shwezinu.blogspot.com