ဝင်းငြိမ်း နှင့် စာရေးဆရာများ အပိုင်း (၃)

ဝင်းငြိမ်း နှင့် စာရေးဆရာများ အပိုင်း (၃)

ဝတ္ထုသည် အချစ်ဦး၊ သုတေသနသည် ငယ်ချစ်

ပေဖူးလွှာရဲ့ စာချစ်သူများအတွက် ဒီလ တွေ့ဆုံးပေးဖို့ရွေးချယ်ထားတဲ့သူကတော့-

နှလုံးသား မြို့ဟောင်း တူးဖော်ချက် နောက်ဆုံးအစီရင်ခံစာ
ပြောပြလိုက်ပါ့ ရှင်မွေ့လွန်းပွင့်ရယ်
မိုးစက်ပွင့်သို့ တမ်းချင်း
ခုတော့လည်း သူစိမ်းတွေလိုပါပဲလား
တမ်းတခြင်းများစွာဖြင့်

.....စတဲ့ လုံးချင်းဝတ္ထုတွေနဲ့ စာဖတ်သူတွေကြား ရေပန်းစားလာခဲ့တဲ့ စာရေးဆရာ 'ငြိမ်းကျော်' ပါပဲ ငြိမ်းကျော်ရဲ့ ၀တ္ထုတွေကို လေ့လာကြည့်ရင် အချစ်ဝတ္ထုတွေထဲက သီးခြားခွဲထွက်လာတဲ့ အိမ်ထောင်ရေး သရုပ်ဖော် အချစ်ဝတ္ထုတွေ ဖြစ်တာကို တွေ့ရပါမယ်။ ချစ်ကြိုက်ညားကွဲ ဆိုတဲ့ အချစ်ဇာတ်လမ်းတွေထက် အိမ်ထောင်စုတစ်ခုအတွင်း ကြုံဆုံကြရတဲ့ နှလုံးသားရေးရာ ပြဿနာ၊ ပတ်ဝန်းကျင်ကြောင့် လှိုင်းကယက် ထန်လာ တဲ့ အိမ်ထောင်ရေး အခြေအနေ စတဲ့ ဇာတ်လမ်းတွေ ရေးတာများတယ်။ နောက် ထူးခြားတဲ့ အချက်တစ်ခု က သူ့ဝတ္ထုတွေမှာ အနည်းနဲ့အများ ဆိုသလို သူ ၀ါသနာပါတဲ့ ရှေးဟောင်းသုတေသန လုပ်ငန်းရဲ့ ရိုးရာယဉ်ကျေးမှု သုတေသနပြုထားတာတွေ ကို အလျဉ်းသင့်သလို တင်ပြသွားတတ်ပါတယ်။

စာချစ်သူများအတွက် ဆရာငြိမ်းကျော်ရဲ့ အတွေးအခေါ်၊ အယူအဆတွေကို တင်ပြနိုင်ဖို့ ဆရာ နေထိုင်ရာ ပေါက်တော အင်းစိန်မှာ သွားရောက်တွေ့ဆုံမေးမြန်းခဲ့တာတွေကို ပြန်လည်တင်ပြ လိုက်ပါတယ်။
''ဆရာ့ဝတ္ထု တွေကို ကျွန်တော် လက်လှမ်းမီသလောက် ဖတ်ခဲ့ရာမှာ သီးခြားလမ်းခွဲထွက်လာတဲ့ အိမ်ထောင်စု အတွင်း ဖြစ်ပျက်တတ်တဲ့ နှလုံးသားရေးရာတွေကို တင်ပြတာတွေကို တွေ့ရပါတယ်။ အဲဒီတော့် ဆရာ့ဇာတ်ကောင်တွေမှာက ဆယ်ကျော်သက်ကလေးတွေလို လှုပ်လှုပ်ခတ်ခတ် နှလုံး သားတွေ ထက် ရင့်ကျက်တဲ့ နှလုံးသားနဲ့ အချစ်ပြဿနာတွေ ရင်ဆိုင်ကြရတယ်။ ဒီတော့ ဆရာ့ကို ကျွန်တော် စ မေးချင်တာက ဆရာ့ဇာတ်ကောင်တွေကို ဖန်တီးတဲ့ နေရာမှာ ဘယ်လိုပုံစံမျိုးတွေ ထားပြီး ဖန်တီး တတ်သလဲ ဆိုတာပါပဲ''

''ကျွန်တော် အချစ်ဝတ္ထုတွေ ရေးပါတယ်။ သို့သော်လည်း သမီးရည်းစား နှစ်ယောက်တွဲတော့ မ ဟုတ်ဘူး။ ချစ်သူ နှစ်ယောက်အကြောင်း ရေးတာပဲ။ ချစ်သူ နှစ်ယောက်အကြောင်း ရေးတော့မယ် ဆိုရင် သူတို့ နှစ်ယောက် တုံ့ပြန်ကြတဲ့ အိမ်ထောင်ရေးဆိုတဲ့ သဘောထား၊ အချစ်ရေးဆိုတဲ့ သ ဘောထားကို သူတို့ ကာယကံ၊ ၀စီကံ၊ မနောကံနဲ့ ဘယ်လိုတုံ့ပြန်မလဲ ဆိုတာကို စဉ်းစားရလိမ့် မယ်။ သူတို့ရဲ့ သဘောထား ဘယ်လိုရှိတယ်ဆိုတာ သိရလိမ့်မယ်။ အဲဒီတော့ ကိုယ့်ဝတ္ထုဟာ သမီးရည်းစားနှစ်ယောက်၊ ချစ်သူ နှစ်ယောက် အကြောင်းသက်သက်ကို အချစ်ဝတ္ထုလို့ ခေါ်မရဘူး ထင်ပါတယ်။ အလားတူပဲ အိမ်ထောင်ရေး မှာ လင်ပါမယ်၊ မယားပါမယ်၊ အဖေပါမယ်၊ အမေပါမယ်၊ အစ်ကိုပါမယ်၊ အစ်မပါမယ် စသည် ဖြင့် ပေါ့လေ။ မြန်မာ့ ၀တ္ထုမှာက ဒီလူ့အဖွဲ့အစည်း မပါလို့ မရဘူး။

ဆိုပါတော့။ မြန်မာလူ့အဖွဲ့အစည်းမှာ လင်မယားရန်ဖြစ်ရင် အိမ်နီးနားချင်းလာမယ်။ မဖိတ်ဘဲနဲ့ လာတဲ့ သူတွေ ပါလာမယ်။ စသဖြင့်ပေါ့လေ။ ကိုယ့်တို့ မြန်မာ့လူ့အဖွဲ့အစည်း ဖွဲ့စည်းပုံဟာ အရှေ့ တိုင်း မှာတော့ တော်တော်ဆန်းတယ်။ အဲဒီတော့ ကိုယ်တို့ ၀တ္ထုတွေမှာ တစ်ခန်းလောက်ပဲပါတဲ့ ဇာတ်ကောင်လည်း ပါချင်ပါလာတာပဲ။
အိမ်ထောင်ရေးကိစ္စဆိုတဲ့နေရာမှာ လင်မယားနှစ်ယောက်ရဲ့ စားဝတ်နေရေးတွေ၊ နေရေးထိုင်ရေး၊ စီးပွားရေးဆိုင်ရာ ရင်ဆိုင်နေရတဲ့ ကိစ္စတွေပါမယ်။ သားသမီးရေးနဲ့ လူမှုရေးကိစ္စတွေလည်း ပါလာ မှာပဲ။ သူက အိမ်ထောင်ရေးဆိုတာ ဘာလဲဆိုတာ တစ်ထောင့် တစ်နေရာစီကနေ ပြန်ရှင်းတာပဲ။ အချစ်ဆိုတာ ဘာလဲ ဆိုတာကို  ဘာသာပြန်မယ် ဆိုရင်တော့် လူ့အဖွဲ့အစည်းနဲ့ ဇာတ်ကောင်တွေ ကြုံနေရတဲ့ အနေအထား အလိုက် အဓိပ္ပါယ်ကို ရာနဲ့၊ ထောင်နဲ့၊ ကုဋေနဲ့ချီပြီး ဖော်ညွှန်းလိမ့်မယ်။ အလားတူပဲ အိမ်ထောင်ရေး ဆိုတာလည်း အနက်အဓိပ္ပါယ် အများကြီးထွက်ပါတယ်။

အဲဒီတော့ ဒီ အဓိပ္ပာယ်ဖွင့်တဲ့နေရာမှာ ဘယ်လို ဖွင့်ဆိုမယ်ဆိုတဲ့ ပြဿနာရှိတယ်။ ကောင်းတဲ့ဘက်ကို ဖွင့်မ လား။ မကောင်းတဲ့ဘက်ကို ဖွင့်မလား။ ကိုယ်ကတော့  ကောင်းတဲ့ဘက်ကို ဖွင့်လေ့ရှိတယ်။
အဲဒီတော့ ကိုယ့်ဝတ္တုတွေမှာ တချို့မင်းသမီးတွေက အပြင်မှာ ရှာမတွေ့နိုင်အောင် အင်မတန် သဘောကောင်း၊ မနောကောင်းတွေ တွေ့ရမယ်။ တချို့မင်းသားတွေ အင်မတန်သဘောကောင်း၊ မနောကောင်း နဲ့ရှိတောိ့ရှိတယ်၊ ရှားတယ် ဆိုတာမျိုးတွေ တွေ့ရမယ်။ ကိုယ့်ဇာတ်ကောင်တွေက တစ်ခါ တလေ အချစ်ရေးမှာ ဖြစ်ဖြစ်၊ အိမ်ထောင်ရေးမှာဖြစ်ဖြစ် အင်မတန် သည်းခံတတ်တယ်၊ ခွင့် လွတ်တတ် တယ်။

တစ်ခါတလေ တွေဝေတဲ့ ယောက်ျားလေးတွေပါတယ်။ တစ်ဖက်က ပြတ်သားတယ်။ တဖက်က မပြတ်သားဘူး။ လောကကြီးမှာ ပြတ်သားတာနဲ့ မပြတ်သားတာ ရန်ဖြစ်နေတာပဲ။ အဲဒီတော့ ပြတ်သားတဲ့ ဇာတ်ကောင်၊ မပြတ်သားတဲ့ ဇာတ်ကောင်တွေ ခွဲထုတ်လိုက်တယ်။
သို့သော် ကိုယ့်ဇာတ်ကောင်တွေက သူရဲကောင်းဇာတ်ကောင် Hero တွေ မဟုတ်ဘူး။ Ideal ဆိုတဲ့ စံ ဇာတ်ကောင်ပဲ ဖန်တီးတယ်။ စာပေဟောပြောပွဲတွေမှာလည်း ကိုယ့်အမြဲပြောပါတယ်။ ကျွန်တော့် ဇာတ်ကောင်တွေဟာ သူရဲကောင်းဇာတ်ကောင်တွေ မဟုတ်ဘူးလို့။ သို့သော် ဒီလို ဇာတ်ကောင် တွေဟာ အပြင်မှာ တကယ်ရှိနိုင်ပါ့မလားလို့ သံသယ၀င်နိုင်စရာတော့ ရှိတယ်။ ဒါပေမဲ့ အဲဒီလူမျိုးရှိ ရင်ကောင်းတယ်၊ မင်္ဂလာရှိတယ်၊ သာဓုခေါ်ထိုက်တယ် ဆိုတဲ့ ဇာတ်ကောင်မျိုး ကိုယ် ဖန်တီးတာ ပဲ။

အိမ်ထောင်ရေးဝတ္ထုမှာပဲဖြစ်ဖြစ်၊ အချစ်ဝတ္ထုမှာပဲဖြစ်ဖြစ် ကိုယ်ကျင့်တရားပျက်တဲ့လူပါတယ်။ ကိုယ် ကျင့်တရား ကောင်းတဲ့လူ ပါတယ်။ ပျက်တဲ့သူနဲ့ ကောင်းတဲ့လူ ဘယ်သူ့ကို အနိုင်ပေးမလဲဆိုတော့ ကိုယ် က ကောင်းတဲ့သူကို အနိုင်ပေးတယ်။ ပျက်တဲ့လူကို အရေးနိမ့်သွားအောင် တစ်နည်းတစ်ဖုံ အားဖြင့် အမြဲတမ်းကြံတယ်။ လောကကြီးမှာ လူကောင်းနဲ့လူဆိုး၊ လူကောင်းက အမြဲအနိုင်ရတာ ပဲ။ အဲဒါ ကိုယ့်ဇာတ်ကောင်တွေနဲ့ ပတ်သက်ပြီး အမြဲတမ်း ချုပ်ကိုင်ထားတဲ့ အခြေခံစံပဲ''

''ဆရာ ပြောတဲ့အတိုင်းဆိုရင် ကောင်းတဲ့လူကို အမြဲအနိုင်ပေးခဲ့တယ်လို့ ပြောတယ်။ ကောင်းပြီ ဆရာ၊ ကျွန်တော်တို့ 'နှလုံးသားမြို့ဟောင်း'ကို ပြန်ကြည့်ရအောင်၊ ဒီဝတ္ထုမှာ မင်းသား ၀င်းလှိုင်က အင်မတန် သ၀န်တိုတတ်တယ်။ ပထမ သူ့မိန်းမ 'မခင်အိ'နဲ့ ကွဲသွားပြီးနောက် ပွင့်ပွင့်လင်းလင်း နေတတ်ထိုင်တတ် ပြောတတ်တဲ့ 'ခိုင်'နဲ့ တွေ့တယ်။ ယူလိုက်တယ်။ ဒါပေမဲ့ နောက်ဆုံးမှာ ခိုင်ရဲ့ ပွင့်လင်းမှုဒဏ်ကို မခံနိုင် တော့ဘဲ ပစ်ပြေးသွားတယ်။ ကျွန်တော့အမြင်မှာ သ၀န်တိုတတ်တဲ့ ၀င်းလှိုင် နိုင်သွားတာပဲ။ ဆရာ့စကားနဲ့ ပြန်ပြောရရင် နိုင်တဲ့ ၀င်းလှိုင်က ကောင်းလို့လို့ ပြောမလား''
''၀င်းလှိုင်က ခိုင့်ကို ပစ်တာမဟုတ်ဘူး။ ခိုင့်အနား က ထွက်ပြေးရတာ။

ခိုင်က Modernism သမား  အင်မတန်ခေတ်မီတယ်။ ပွင့်လင်းတယ်။ သူ့အယူအဆက မှန်တော့မှန်တယ်။ ဥပမာ- သုံးဆယ့် တစ်ဘုံရှိသမျှ သတ္တ၀ါတွေ သေမျိုးချည်းပဲ။ ခင်ဗျားလည်းသေမှာပဲလို့ ပြောလိုက်ရင် ဒီစကားက မှန်တော့ မှန်တယ် ဒါပေမဲ့ အပြောခံရတဲ့သူက အပြောမခံချင်ဘူး။ အဲဒါဟာ ခိုင့်ရဲ့စရိုက်ပဲ။ ၀င်းလှိုင် ဘက်ကကျတော့ သေခါနီးလူမမာပဲဖြစ်ပါစေ။ ဟာ... မပူပါနဲ့ ခင်ဗျားမကြာခင် ကျန်းမား လာမှာပါ၊ အသားအရေတွေလည်း ကောင်းလာပြီပဲ။ ဇာတာထဲမှာလည်း အသက် ၁၂၀ ရှည်စေသော်ဝ်လို့ ပါသားပဲ လို့ စိတ်ဓာတ်ရေးရာ အားပေးတာမျိုးကိုမှ ကြိုက်တယ်။ ဒါမျိုးက လောက၀တ်အရ မဟုတ်ဘူးလား ဆိုတော့ ဟုတ်တယ်။ အမှန်တရားအရ ကြည့်ရင် ဟုတ်သလား ဆိုတော့ မဟုတ်ဘူး။

အဲဒီကြားထဲမှာ သဘောကျစရာ အကောင်းဆုံက မခင်အိ၊ မခင်အိက မာနထားတယ်။ ဒီဝတ္ထုက ဇာတ်ကောင် သုံးကောင်မှာ အယူအဆ သုံးမျိုးကို ကိုယ်စားပြုထားတယ်။ တစ်နည်းအားဖြင့် ပြော ရရင် လူတော်တော်များများ ဖတ်နိုင်တဲ့ Symbolism ကိုပြထားတယ်။ Symbolic Expression လုပ် ထားတယ်။ ၀င်းလှိုင်ဆိုရင် အစဉ်အလားသမား ဘာသာရေးဆိုင်ရာ စည်းကမ်းများ၊ အစဉ်အလာ တင်းကျပ်သော စည်းကမ်း များကို သိပ်ယုံကြည်တယ်။ ခိုင်ကတော့ ခေတ်ပေါ် ပုံသဏ္ဍာန်၊ ခေတ် ပေါ်အယူအဆအရ ခေတ်ပေါ် ၀ါဒီသမား။ ဒီအယူအဆကို ကိုယ်စားပြုတဲ့ သင်္ကေတ။ ဟိုတစ် ယောက် မခင်အိကတော့ မာနသမား။

သူတို့ သုံးယောက် ဖြစ်နေကြတာက ခေတ်ပေါ်နဲ့ရိုးရာ အစဉ်အလာသမား ကြားမှာ တစ်ခါတစ်ရံ မာနက ခေတ်ပေါ်ဘက်ကို ရောက်တယ်။ တစ်ခါတစ်ရံမှာ ရိုးရာဘက်ကို လိုက်တယ်။ အဲဒီ အတိုင်း ပဲ မခင်အိက ကြားထဲမှာကြားနေ။ ငိုစရာရှိလည်းမငိုဘူး။ ရှေ့မှာ ကျောင်းသားတွေ စာသင်နေရင်း က အိမ်သာထဲဝင်ပြီး မျက်ရည်ကျ။ ခရင်းပတ်ဖ် ရိုက်ပြီး ဟန်မပျက် မာနတစ်ခွဲသားနဲ့ ပြန်နေတဲ့ မိန်းမ၊ ဒီသဘော။

ဖတ်တဲံ ပရိသတ်က ဖတ်လိုက်တဲ့အခါကျတော့ ခိုင်နဲ့ အတူတူနေခဲ့တဲ့ အိမ်ကြီးပေါ်က ၀င်းလှိုင် ဆင်း လာပြီးတော့ အပြင်မှာ မြင်ကွင်းပြာပြာ ဘာညာတွေ့လိုက်ရတယ် ဆိုပြီးတော့ ကိုယ်ရေးထား တယ်။ ဗြုန်းခနဲ ကြည့်လိုက်ရင်တော့ ခိုင့်ကို ၀င်းလှိုင်က ထားပစ်ခဲ့တယ်လို့ ယူဆနိုင်စရာ ရှိတယ်။ အမှန်က ၀င်းလှိုင် ခိုင့်အပါး ကနေ ထွက်ပြေးခဲ့ရတာပါ''

''ဒါဆို ဆရာက ခိုင် မရှုံးပါဘူး။ ၀င်းလှိုင်သာ ရှုံးတာပါလို့ ဆိုလိုတာပေါ့။ အဲဒါက နှလုံးသားမြို့ ဟောင်း နဲ့ ပတ်သက်တာ လေးတွ။ နောက်တစ်အုပ် ကျွန်တော် ဆွေးနွေးချင်တာက 'ပြောပြလိုက်ပါ ရှင်မွေ့လွန်းပွင့်ရယ်'။ အဲဒီမှာ ဆရာ ရေးထားတာက မင်းသမီးဖြစ်တဲ့ 'မမင်းဝင်း'ဟာ သူအဖေ ကာနယ် ဦးမင်းစိန် သဘောတူတဲ့ အမျိုးသားတစ်ယောက်ကို အဖေ စိတ်တိုင်းကျ စေ့စပ်ကြောင်း လမ်းခဲ့တယ်။ အမျိုးသား က တစ်နေ့မှာ အကြမ်းဖက်ဖို့ ကြိုးစားရာကအစ သူနဲ့ ပြဿနာဖြစ်ပြီး စေ့စပ်တာ ပျက် သွားတယ်။ အဲဒီကအစ သူ့ဘ၀ဟာ ရှင်လျက်နဲ့သေသလို ဖြစ်သွားရတယ်။ နောက်... သူတို့မြို့ကို ဘူမိဗေဒ စာတမ်းတစ်စောင် ပြုစုဖို့ ရောက်လာတဲ့ မင်းသားနဲ့ တွေ့တော့ သူ့ဘ၀ ပြန်ပြီးစိုပြည်လာတယ်။ မင်းသားကိုလည်း ချစ်သွားတယ်။

ဒီနေရာမှာ မင်းသားက မမင်းဝင်းရဲ့ ရှင်လျက်နဲ့သေနေတဲ့ ဘ၀ကို ပြန်လည်စိုပြည်လာအောင် ကူညီတာ ပါဆိုပြီး လက်ထပ်တဲ့အဆင့်အထိ လိုက်လျောခဲ့တယ်။ နောက်တော့ရန်ကုန်ကို ပြန်ပြေး ခဲ့တယ်။ ဒီတော့ မိန်းကလေးရဲ့ဘ၀ကို ကူညီတာထက် ရေနစ်သူကို ၀ါးကူထိုးတာမျိုး အဓိပ္ပာယ် မသက်ရောက် သွားဘူးလား''

''အဲဒီဝတ္ထုဟာ တကယ်စိတ်ရောဂါနဲ့ စိတ်ဝေဒနာသည်တစ်ယောက် အကြောင်းရေးထားတဲ့ ၀တ္ထုပဲ။ စိတ်ပညာဝတ္ထုပဲ။ ဒါပေမဲ့ ဒီထဲမှာ စကီဇိုဖရီးနီးယား၊ ဘာနီးယား၊ ညာနီးယားဆိုတဲ့ စိတ်ပညာ အခေါ်အ၀ါ် ဝေါဟာရတွေ မပါဘူး။ အဲဒီထဲမှာ တစ်ခုပဲရှိတယ်။ ရှစ်တန်းကျောင်းသား ဇာတ်ရံက လေးတစ်ယောက်က ပြောလိုက်တာ တစ်ခုပဲပါတယ်။ 'မမက ဖီလင်အောက်သွားတာပါ'တဲ့။ ဖီလင် အောက်တယ်ဆိုတဲ့ အရပ်သားသုံး စကားလုံး တစ်ခုနဲ့ပဲ ဖမ်းပြီး ပြောထားတယ်။ မမင်းဝင်းရဲ့ အဖေ ကာနယ်မင်းစိန်က သူ့သမီးရဲ့ စိတ်အလိုကျမှုအတွက် ဒီကောင်လေး (မင်းသား) လိုက်လုပ်နေရ တယ်ဆိုတာ သိတယ်။ သူ့အစ်ကို လည်း မင်းနေရာ ငါသာဆိုရင် မလုပ်နိုင်ဘူးလို့ပြောတယ်။

အဘိုးကြီးကိုယ်တိုင်ကလည်း သိတယ်။ ငိုလို့လည်းမရ၊ ရယ်လို့လည်း မရနဲ့ သူ့သမီးဖြစ်နေတာ။ ဒါ သူတို့ စိတ်ရောဂါ အခေါ်အဝေါ်အရဆိုရင် စိတ်ကျနာ ဆိုလား ဘာဆိုလား ရှိတယ်။ ဒါကြောင့် ချောင်းတစ်ခုမှာ ပိတ်ဆို့ နေတဲ့ ဒိုက်ကရောတွေကို တောင်ကျရေနဲ့ ဝေါခနဲကျအောင် လုပ်လိုက် နိုင်ရင် ပြီးတာပဲလို့ သူကိုယ်တိုင် က လက်ခံတယ်။
နောက်တော့ ဒီမင်္ဂလာပွဲဟာလည်း အဘိုးကြီးကိုယ်တိုင် စီစဉ်ပြီး လုပ်ပေးတာပဲ။ ရပ်ကွက် ကောင်စီ ဘာညာ စတဲ့ သက်သေမပါဘူး။ သူ့အစ်ကိုကလည်း မလာဘူး။ ဒီမင်္ဂလာပွဲက ဝေဒနာကို ပွင့် ထွက်သွား အောင် လုပ်ပေးတဲ့ပွဲပဲ ဖြစ်တယ်။ မင်းသားမှာလည်း တစ်ဖက်က 'တင်တင်ဟန်' ခေါ်တဲ့ ကလေးမကလေး ရှိသေးတယ်။ ရည်းစားတော့ မဟုတ်ပါဘူး။ သူကကြိုက်တာပဲ ရှိသေးတယ်။ တင်တင်ဟန်က သူနဲ့ဆိုရင် ၀ါသနာလည်း တူတယ်။ ပညာရေးအတွက်၊ သူ့တက်လမ်းအတွက် အထောက်အကူပြုနိုင်တယ်။

ဒီနေရာမှာ ဗြဟ္မစိုရ်တရား လေးပါးကို ပြောဖို့လိုလိမ့်မယ်။ မေတ္တာ၊ ကရုဏာ၊ မုဒိတာ၊ ဥပေက္ခာ။ အခက်ဆုံး က နောက်ဆုံး ဥပေက္ခာပဲ။ မေတ္တာထားလို့ မရရင် ကရုဏာ၊ မုဒိတာ ထားလို့ရမယ်။ ကိုယ် မစားရ သော်လည်း သူစားနေရရင် ကိုယ်စားရသလို ကျေနပ်တယ်။ ၀မ်းမြောက်တယ်။ အဲဒီ တရားသုံးပါးနဲ့ အစွမ်းကုန် ကူညီပြီးတဲ့နောက်မှာ အခါးဆုံးဆေးဖြစ်တဲ့ ဥပေက္ခာကို တိုက်လိုက် တာပဲ။
ရထား ထွက်သွားတဲ့အချိန်မှာ ကောင်မလေးက အဖေကြီးကို ဖက်ပြီး ငိုလိုက်တယ်။ ဗြုန်းခနဲအား ဖြင့် ဒီဝတ္ထု ကို နားမလညနိုင်မှာစိုးလို့ တောင်သူအဘိုးကြီး လင်မယားကို ရထားပေါ်မှာ ထည့်ပေး ထားတယ်။ မင်းသား က လက်ထပ်စာချုပ် စာရွက်တွေကို ဆုတ်တယ်။ ပြီးတော့ စာရေးဆရာက ရေးတဲ့နေရာမှာ ရထားပြတင်း က လွှင့်ပစ်တယ်လို့ မရေးဘူး။ လေးထဲမှာလက်ကို ဖြန့်လိုက်တယ်။ စာရွက်စုတ် ကလေးတွေက သူ့ဘာသာ လွင့်သွားတယ်။

အဘိုးကြီး တောင်သူလင်မယားက နားမလည်ဘူး ဆိုတာပြချင်လို့။ ဒီတောင်သူအဘိုးကြီး လင်မယားက ရထားပေါ်ကျမှ တွေ့တာဆိုတော့ သူ လုပ်နေတာကို ဘာမှ နားလည်မှာမဟုတ်ဘူး။ အဲဒီလိုပဲ စာဖတ်သူက နားမလည်ဘူးဆိုရင်တော့ ရှေ့က စကားတွေကို ပြန်ဖတ်ဖို့ လိုလိမ့်မယ်။ သူ့ အစ်ကို ပြောတဲ့စကား၊ အဘိုးကြီး ပြောတဲ့စကား၊ ကံတွန်းပြောတဲ့စကား၊ ဒါတွေ တစ်လုံးချင်း စေ့ စေ့စပ်စပ် ဖတ်ရမယ်။
သူတို့ရဲ့ စကားတွေမှာ ဥပေက္ခာတရားနဲ့ သူနိုင်သရွေ့ လုပ်ဖို့ဆိုတာတေါ တွေ့ရမယ်။ ကြိုးကြာ ငှက်ဟာ သူ့တစ်ကိုယ်စာ အလေးချိန်ကို သယ်နိုင်ပြီး တခြား ငှက်တွေကတော့ တစ်ကိုယ်စာကို တောင် မသယ်နိုင်ဘူး။ သူ့အနေနဲ့ တစ်ကိုယ်စာ နိုင်သရွေ့ကို ထမ်းခဲ့ပြီးပြီ။ ဒီထက် ၀န်ပိုမထမ်း နိုင်တော့ဘူး။ ဒါကြောင့်လည်း ရန်ကုန်ကို ပြန်သွားရတာပဲ။ အဲဒီတော့ ဒီဝတ္တုကဗြဟ္မစိုတရား လေးပါးထဲက အခက်ခဲဆုံး တစ်ပါးဖြစ်တဲ့ ဥပေက္ခာတရားကို ဖွဲ့ဆိုထားတာပါပဲ။ တော်တော်လည်း အခံရဆိုးပါတယ်။

''အဲဒါက ရှင်မွေ့လွန်းပွင့်နဲ့ ပတ်သက်လို့ပေါ့ဆရာ။ နောက်တစ်အုပ် ရွေးရရင် ကျွန်တော် 'အပြာရောင် သစ်ခွပွင့် ရဲ့ သမိုင်းအစ' ကို ရွေးချင်ပါတယ်။ ဒီမှာ ဆရာ ရေးဟန်ကို တစ်မျိုးပြောင်း ထားတာ တွေ့ ရတယ်။ အပြန်အလှန် စကားပြောတချို့ကို စကားပြေထဲမှာ ရောရေးသွားတယ်''
''ဟုတ်ပါတယ်။ အပြန်အလှန် စကားပြောတချို့ကို ပုံစံပြောင်းရေးထားတယ်။ အတွေးနဲ့ စားရေး ဆရာက ရေးပြတဲ့ သည်။ ၏ စကားပြေနဲ့ အထဲထဲမှာ ထည့်တဲ့အခါ သိပ်ပြီးတော့ အရေးလည်း မကြီးဘူး။ သီးသန့် ကော်မာ အဖွင့် အပိတ်ကလေးတွေနဲ့ ရေးပြဖို့ မလိုအပ်တဲ့ဟာမျိုး။ သို့သော် သူက မပါရင်လည်း မဖြစ်ဘူးဆိုရင် စာထဲမှာထည့်ပြီးတော့ ရေးပြတဲ့ အတွေးတွေကို 'တယ်'နဲ့'လို့' ခွဲခြားပြီးရေးပြထားတယ်။ အထူးသဖြင့် နောက်ကြောင်းပြန် Flash back အတွက် သုံးထားပါတယ်''

''တမ်းတခြင်းများစွာဖြင့်- မှာ ဆရာရေးထားတဲ့ ယူဆချက်တစ်ခုပါတယ်။ ဘာလဲဆိုတော့ လူကြီး တွေမှာ ကြောင့်ကြခြင်း၊ လူငယ်တွေမှာ တောင့်တခြင်း ရှိတယ်။ ကြောင့်ကြခြင်းနဲ့ တောင့်တခြင်း ရှုိတယ်။ ကြောင့်ကြခြင်းနဲ့ တောင့်တခြင်းဟာ လူဆိုတာ ရှိနေသရွေ့ ဖြစ်နေဦးမှာပဲ။ ဒီနှစ်ခုကို သဟဇာတ ဖြစ်အောင် တိုင်းပြည်တစ်ပြည်ရဲ့ ကောင်းတဲ့ ခွန်အားဘက်ကို တွန်းပို့ပေးနိုင်ရင် အဲဒီ တိုင်းပြည် ကောင်းစားပြီ လို့ ဆိုထားတယ်။ နောက်တစ်မျိုးက-
အနုပညာရှင်ရယ်၊ အတတ်ပညာရှင်ရယ်၊ နိုင်ငံရေးပညာရှင်ရယ်။ ဒီသုံးပွင့်ဆိုင်အံလွဲနေရင် အကျိုး မဖြစ်ထွန်းဘူး။ ဒီသုံးပွင့်ဆိုင်ကို နေရာကောင်းကောင်း ချထားနိုင်ပြီဆိုရင် အကျိုးရှိပြီလို့ ဆိုထား ပါတယ်။ ဒီယူဆချက် ကို တိုင်းပြည်တစ်ပြည်၊ သို့မဟုတ် အိမ်ထောင်စုတစ်ခုအတွက် ဘယ်လို အသုံးချ နိုင်တယ်ဆိုတာ ရှင်းပြပါဦး''

''လုပ်လို့ရပါတယ်။ ဥပမာဆိုပါတော့။ မိသားစုမှာ သားသမီးဆိုတာက လိုချင်တာပဲ၊ တောင့်တတာ ပဲ။ အပျော်အပါးဆိုရင်လည်း ပျော်ချင်တာပဲ။ စကားများကြရင်လည်း ထစ်ခနဲဆို ရိုက်လိုက်ပြီ၊ နှက် လိုက်ပြီပဲ။ သူက မိမိရဲ့ အတ္တရော၊ မာနရောအပေါ်မှာ တောင့်တပြီး လိုတဲ့ဟာတွေကို ဖြည့်တာပဲ။ လူကြီးကျတော့ ချိန်ဆ တယ်။ လူငယ်ကလာစ ရင် ရိုက်မယ်။ ဒေါသကို ပြန်ပြီးတုံ့ပြန်တတ်တယ်။ လူကြီးကျတော့ မရိုက်ဘူး။ လူကြီးချင်းပြောဆို ဖြေရှင်းတယ်။ ဒီလိုလုပ်တယ်။

တိုင်းပြည်တစ်ပြည်ကို မကြည့်သေးဘဲ အိမ်ထောင်စုတစ်စုကိုပဲ အရင်ကြည့်မယ်ဆိုရင် မိသားစုမှာ ငွေတစ်ရာလောက်ပဲရှိတယ် ဆိုကြပါစို့။ လူငယ်က ကက်ဆက်လိုချင်တယ်။ သူ့တောင့်တချက်ကို လူကြီး က အလိုလိုက်ရရင် သူများဆီက ကြွေးမြီတင်မယ်။ ဒါလူကြီးက ကြောင့်ကြတာ။
အဲဒီတော့ လူကြီးက နေကြဦး၊ မင်းတို့လည်း စီးပွားရေးလေး ၀ိုင်းဝက်ကူညီကြဦး၊ ဒီတစ်နွေ ဒီတစ် မိုး ကြာပြီး စီးပွားရေးလေး ပြေလည်တော့ ၀ယ်ကြတာပေါ့လို့ ပြောမယ်။ အဲဒီနှစ်မှာ လူကြီးက လည်း မလိုက်လျော။ လူငယ်ကလည်း တောင့်တဆိုရင် ဒီမိသားစုမှာ သားသမီးဟာ ဆူရခက်၊ ဆုံးမရခက်နဲ့ အိမ်ထောင်စု စိတ်မချမ်းသားစရာ ဖြစ်နိုင်တယ်။

နော်ကတစ်ခုက နိုင်ငံရေးပညာရှင်ရယ်၊ အနုပညာရှင်ရယ်၊ အတတ်ပညာရှင်ရယ်၊ ဒီသုံးဦးက လူ ငယ်ထဲ ကလည်း ဖြစ်နိုင်တယ်။ လူကြီးထဲကလည်း ဖြစ်နိုင်တယ်။
ဘယ်လိုဖြစ်လာသလဲဆိုတော့ လူငယ်က တက်ကြွတယ်။ နိုင်ငံတကာ အရေးအခင်းကြည့်မယ် ဆိုရင် လူငယ် က ဟာ... ကျွန်တော်တို့ကို လာတိုက်ရင် ပစ်ချမှာပဲ၊ ကိုယ့်အမျိုးကိုတော့ အထိမခံ နိုင်ဘူး။ ဒါ လူငယ် စိတ်။
တစ်ဖက်ကလူကြီးကတော့ ဟ နေဦး၊ ဒါ ငါတို့ သံတမန်နည်းနဲ့ ဖြေရှင်းမယ်၊ ဒါမှမဟုတ် သည်းခံ နေမယ်၊ ဒီလိုဖြစ်မယ်၊ အကြောင့်ကြလွန်သွားရင်လည်း ဆုံးရှုံးမှု ရှိတတ်တာပေါ့ဗျာ။
ဒီလိုမှ မဟုတ်ဘဲ ဒါဟာ မတော်တဆ ဖြစ်တာလား၊ တမင်တကာ စော်ကားတာလား ဆိုတာကို လူကြီင်္းက ချင့်ချိန် နေတာကို လူငယ်က နားမလည်ဘဲနဲ့ ကျွန်တော်တို့ကိုတီးရင် ပြန်တီးရမှာပဲ ဆို ရင်လည်း အကျယ် အကျယ် မငြိမ်းဖွယ် ပြဿနာပေါ်မယ်။ ဒါကြောင့် ဒီနှစ်ခုဟာ မျှမျှတတ သဟဇာတ ဖြစ်ရမယ်။

အတတ်ပညာရှင်ကတော့ ကိစ္စမရှိပါဘူး။ ကိုယ်ဆိုရင် မီးရထားလမ်းတွေကို အရှေ့အနောက်၊ တောင် မြောက် ဒွေးလမ်းတင်မဟုတ်ဘူး။ ခြောက်လိုင်းလောက်တောင် လုပ်ချင်တယ်။ စက်မှုလက် မှု အလုပ်ရုံကြီး တွေ အကြီးအကျယ် လုပ်ပစ်ချင်တယ်။ ရေကာတာတွေ၊ ဆည်မြောင်းတွေ အများ ကြီး လုပ် ချင်တယ်။ သီးနှံတွေကို နှစ်ထပ်တို့ သုံးထပ်တို့ စိုက်ပစ်ချင်တယ်။

ဒါပေမဲ့ ပြဿနာက ငွေကြေးဟာ တည်တောက်မှုလုပ်ငန်း တစ်ခုတည်းအတွက် မဟုတ်ဘူး။ နိုင်ငံရေး၊ စီးပွားရေး၊ ကာကွယ်ရေး၊ လူမှုရေး စတဲ့ လုပ်ငန်းတွေမှာလည်း ခွဲဝေသုံးရသေးတယ်။ဒါ ကို နိုင်ငံရေး ပညာရှင် ကမှနားလည်တယ်။ ဆောက်မယ့် အတတ်ပညာရှင်ကတော့ ဆောက်ဖို့ပဲ သိတယ်။ ဗိသုကာ ပညာ ပြချင်တဲ့သူက အထပ်ပေါင်းတစ်ရာရှိတဲ့်အဆောက်အအုံ ဆောက်ပြချင် တာပဲ။ အင်ဂျင်နီယာကလည်း သံ မသုံးဘဲနဲ့ သစ်သားနဲ့ ၀ါးနဲ့ သုံးပြီး သူဆောက်နိုင်ကြောင်း လုပ်ပြချင်တာပဲ။ အကျိုးရှိအောင် စေတနာထား လုပ်ချင်ကြတာတွေပေါ့လေ။
သူတို့လိုပဲ Artist ကလည်း ထိုနည်းအတူပဲ တိုင်းပြည်အကျိုးစီးပွားအတွက် ပြောချင်တာတွေ ရှိ တာပဲ။ သို့သော် တစ်ခါတစ်လေကျတော့ နိုင်ငံတကာမူအရ ထားရတဲ့အချက်အလက်တွေ ရှိတော့ နေပါဦး၊ မပြောပါနဲ့ ဦး တားရတာပဲ၊ ဒါလည်း နိုင်ငံရေးပညာရှင်က ချိန်ဆရတာပဲ။

ဒီသုံးဦးဟာ မျှမျှတတ ရှိဖို့လိုတယ်။ အကြောင့်ကြလွန်သွားတဲံ အခါကျတော့လည်း စော်ကားခံရ တတ်တယ်။ အတောင့်တလွန်တဲ့အခါ ကျတော့လည်း အကျိုးနည်းတယ်။ ဒါကို ရေးခဲ့တာပဲ။ အဲဒီ သဘော ကိုပဲ ခုနက ကိုဝင်းငြိမ်း ပြောတဲ့ ရှင်မွေ့လွန်းထဲမှာ အလွန်အရေးကြီးတဲ့ အချက်တစ်ခု ပါသွားတယ်။

ဇာတ်လိုက်နဲ့ ဦးမင်းစိန်နဲ့ ပျူနိုင်ငံအကြောင်း၊ ဘာအကြောင်း စကားပြောကြတော့ ဦးမင်းစိန်က ပြောတယ်။ ငါတို့ဟာတဲ့ မြန်မာနိုင်ငံရဲ့ အစအဦး ဟိုး... ခရစ်တော် အပေါ်မီကတည်းက မြို့ပြ ပြည်ရွာ တည်ထောင် နေခဲ့ကြတယ်တဲ့။ အဲဒီကနေ ဒီဘက် အနော်ရထာခေတ်အထိ ကြည့်လိုက် ရင် တို့ကို အမြဲတမ်း ဒုက္ခပေးတဲ့သူတွေဟာ အရှေ့ဘက် သို့မဟုတ် အရှေ့မြောက်ဘက်က လာတာချည်းပဲ။ ဒါကြောင့် ဗိဿနိုးကြည့်ကြည့်၊ ဟန်လင်းကြည့်ကြည့် ၊ သရေခေတ္တရာ ကြည့် ကြည့် အပျက်အစီးတွေကို ကြည့်ရင် အရှေ့ဘက်၊ အရှေ့မြောက်ဘက်က လာတာချည်းပဲ။ အဲဒီ တော့ အဲဒီနေရာတွေဟာ ဒီလိုရန်သူ ၀င်တတ်တဲ့နယ် ဆိုတာ သိရတယ်လို့ ထည့်ပြောခဲ့တယ်။

အဲဒီတော့ အချစ်ဝတ္ထု ရေးတဲ့ကြားထဲမှာ ပြောချင်တဲ့ လူမှုရေးဆိုင်ရာ ကိစ္စတွေ၊ တစ်တိုင်းတစ် ပြည်လုံးနဲ့ဆိုင်တဲ့ နိုင်ငံရေး၊ ယဉ်ကျေးမှုကိစ္စတွေကို စာဖတ်သူ ဂရုပြုနိုင်ဖို့ ကိုယ်နည်းနည်း နည်း နည်း ထည့်ရေးခဲ့တယ်။ အခု ရေးပြီးတဲ့ အုပ်နှစ်ဆယ်၊ သုံးဆယ်ထဲမှာ ဒီကိစ္စမျိုးတွေ ပြန်စုလိုက်ရင် ကိုယ်ထင်တယ်။ စာမျက်နှာ ရှစ်ဆယ်လောက်ရမယ် ထင်တယ်''
''တမ်းတခြင်းများစွာဖြင့် ကိုပဲ ပြန်ဆက်ချင်ပါတယ်။ ဒီဝတ္ထုမှာ မိန်းကလေးက အိမ်အောက်ထပ်မှာ လွတ်လွတ်လပ်လပ် တစ်ယောက်တည်း အိပ်တယ်။ အဲဒါကို အခွင့်ကောင်းယူပြီး မင်းသားက ညညမှာ ခေါ်သွားတယ်။ မိန်းကလေးနဲ့ အတူအိပ်ပြီး မနက်လင်းအားကြီးမှ ပြန်ပို့တယ်။ ဒီလို ရေးပြထားတော့ လွတ်လပ်မှု အပြည့်အ၀ရထားတဲ့ ခေတ်မိန်းကလေးတွေအတွက် အတုယူ မှားစရာများ ဖြစ်မနေဘူးလား''

''ဘယ်သူပြောတဲ့စကားရယ်လို့တော့ ကိုယ်မမှတ်မိဘူး။ ဒါက လယ်တီဆရာတော်ကြီးပဲ ပြောသ လား။ မန်လည်ဆရာတော်ပဲပြောသလာူး မသိဘူး။ စကားတစ်ခွန်းရှိတယ်။ 'ရှုတတ်ရင် ဘာဝနာ-မရှုတတ်ရင် တဏှာ' လို့ ဆိုတယ်။ ဒီဟာက တရားဓမ္မကိစ္စတင်မဟုတ်ဘူး။ အနုပညာကိစ္စမှာ လည်း အလွန်အရေးကြီးပါတယ်။
အနုပညာသည်က ထုတ်လုပ်တဲ့ပုံစံ၊ ထုတ်လုပ်တဲ့ အတိုင်းအတာဟာ အရေးကြီးတယ်၊ ငါးပါးသီလ မှာ သူတစ်ပါပစ္စည်းမခိုးနဲ့လို့ ပါတယ်။ သူတစ်ပါးပစ္စည်း ခိုးခဲ့ရင် လောကမှာ ပြစ်ဒဏ်ခံရမယ်။ နောက်ဘ၀မှာ ငရဲ ကြမယ်။ ဒါပေမဲ့ ဒါကို အနုပညာပုံကြမ်းလောင်းတော့မယ် ဆိုရင် သူခိုးဆိုတာ ပါလာမယ်။ ခိုးခိုင်း ရမယ်။

ဒီလို ခိုးတဲ့အတွက် အပြစ်ဒဏ်ခံရမယ်။ စိတ်ဆင်းရဲစရာတွေ ကြုံရမယ်။ မကောင်းမှုကျူးလွန်ခဲ့ တဲ့ အတွက် မကောင်းမှုဒဏ် ခံရတာကို အနုပညာနဲ့ ဖော်ပြမယ်။ တစ်ဖက်ကနေ သင်ခန်းစာပေး တာပဲ။ အဲဒီအတွေ့အကြုံသင်ခန်းစာကနေ အနှစ်သာရကို ဆွဲထုန်ယူရမယ်။
ကောင်းသောသူနဲ့ မကောင်းသောသူ တိုက်ပွဲမှာ ဘယ်သူအနိုင်ရမလဲ ဆိုတာကြည့်ရင် ကောင်းသောသူက အနိုင်ရမှာပဲ။ ကောင်းသောသူကို အနိုင်ပေးရမှာ။ ငါ့ရာ့ငါးဆယ်နိပါတ်တော် ကို ပြန်ဖတ်မယ်။ ဇာတကတွေကို ပြန်ဖတ်မယ်။ တခြား သူတ္တန် ပိဋကတ်တွေကို ပြန်ဖတ်မယ်ဆိုရင် လည်း အဲဒီမှာ ဇာတ်ကြောင်းတွေ အားလုံးဟာ မကောင်းမှုကို ရှောင်ကြဉ်စေလိုတဲ့ ရည်ရွယ်ချက် တွေ တွေ့ရမယ်၊ မကောင်းမှုကို ရှောင်ကြဉ်စေလိုတာနဲ့အမျှ မကောင်းမှုဒဏ်တွေ ဘယ်လိုခံရ တတ်တယ်ဆိုတာ ပြရမယ်။

ခုနက ကိုဝင်းငြိမ်း ပြောတဲ့ ပြစ်မှုမျိုး ခင်မေဦးက ကျူးလွန်ခဲ့တယ်။ မကောင်းမှုကြောင့် သူ့တစ် သက်လုံး စိတ်ဆင်းရဲမှု ကြုံရတယ်။ နေရ ထိုင်ရတဲ့ဘ၀ မလုံခြုံဘူး။ ၀င်းနိုင်သော်က ဘယ်တော့ များလက်စားချေတော့မှာလဲလို့ သူ့မှာ တထိတ်ထိတ် ဖြစ်နေရတယ်။ ဒါ စောစောက ပြောတဲ့ မကောင်းမှုရဲ့ ပြစ်ဒဏ်တွေ ခံနေရတာပဲ။ ဒါတွေကို ပြဖို့အတွက် စောစောက မကောင်းမှုမျိုးကို ကျူးလွန်ခိုင်းလိုက်ရတာပဲ။

ဒါပေမဲ့ စာရေးဆရာက တင်ပြတဲ့နေရာမှာ ရာဇ၀တ်မှုသည် ကောင်းကျိုးမပြု၊ လက်စားချေခြင်း သည် မကောင်း၊ ကိုယ့်ကျင့်တရားပျက်ပြားခြင်းသည် မကောင်း၊ အချစ်ရေးသစ္စာဖောက်ခြင်း .... အိမ်ထောင်ရေးသစ္စာဖောက်ခြင်းသည် မကောင်းဆိုပြီး ၀တ္ထုကို အခန်းတစ်ရာ ရေးမယ်၊ စာမျက်နှာ တစ်ထောင်ရေးမယ်၊ ဒါပေမဲ့ အခန်းတစ်ကနေ ကိုးဆယ့်ကိုးအထိ မကောင်းမှု ကျူးလွန်ပုံတွေ၊ ကိုယ်ကျင့်တရား ပျက်ပြားပုံတွေကို ဖတ်တဲ့သူတွေ သွေးကြွအောင်၊ သဘောကျအောင်၊ နှစ်သက် အောင် ရေးပြီး အခန်းတစ်ရာ နောက်ဆုံး စာမျက်နှာကျတော့မှ ဤသို့ဖြင့် သူတ်ို့သည် နောင်တ တရားရကာ ပြုပြင် နေထိုင်သွားကြလေသတည်း ဆိုရင်တော့ တင်ပြမှု အချိုးအစားမှားတယ်။ တင် ပြမှုဆိုင်ရာ အချိုးအစား မမှားဖို့ အရေးကြီးပါတယ်''
'' ဆရာ အမျိုးသားစာပေဆု ရတာ ဘယ်နှခုနှစ်ကပါလဲ''

''၁၉၇၃ ခုနှစ်အတွက် ၇၄ ခုနှစ်မှာ ရတယ်။ ဒါပေမဲ့ ၇၄ မှာမကျင်းပဖြစ်လို့ လေ့လာခဲ့တယ်လို့ ကြားမိပါတယ်''
''ငွေတောင် အတွက် ရခဲ့တာနော်။ ဒီစာအုပ်အတွက် ဆရာ တော်တော်ကြာအောင် လေ့နာခဲ့တယ် လို့ကြားမိ ပါတယ်''
''ခြောက်နှစ်ကျော်ကျော် လေ့လာခဲ့ပါတယ်။ ရေးတာကလေးလလောက် ကြာခဲ့တယ်။ အဲဒါက လည်း ဒီ 'ငွေတောင်' ရေးဖို့အတွက် အကူအညီပေးတဲ့၊ ရရှိတဲ့အထောက်အတား တွေက အဓိကကတော့ ရန်ကုန် တက္ကသိုလ် စာကြည့်တိုက်၊ နောက်ရာနာခရစ်ရှနာ စာကြည့်တိုက်၊ နောက် ရန်ကုန် တက္ကသိုလ် ပါဠ်ိဌာန၊ မြန်မာနိုက်ငံ ရှေးဟောင်းသူတေသနဌာန စာကြည့်တိုက်တို့က ရခဲ့တာပါပဲ။ တချို့ ရှားပါးတာ တွေကတော့ ဂျာမနီ၊ အမေရိကနဲ့ ဂျပန်မှာရှိတဲ့ မိတ်ဆွေတွေက ဟိုကနေ မိုက္ကရိုဖလင်တွေနဲ့ ကူးပြီး ပို့ပေးကြပါတယ်။

အဓိက ပြောချင်တာကတော့ ကိုယ် ပြုစုတဲ့ 'ငွေတောင်' ဟာ တက္ကသိုလ် စာကြည့်တိုက်သာ မရှိရင်ဗမာပြည်မှာ ပြုစုလို့ရနိုင်စရာ မရှိဘူး။ခုနစ်ဆယ့်ငါး ရာခိုင်နှုန်းဟာ အဲဒီကရခဲ့တာ၊ ငွေတောင် ကို မရေးခင် ပညာပေးသာမှာ စာတမ်း တော်တော်များများ ရေးခဲ့သေးတယ်။
ငွေတောင် မှာက ဘာပြဿနာ ပေါ်သလဲဆိုတော့ အထောက်အထား ရှရတာပဲ၊ ခုတော့ ပြည့်စုံသွားပါပြီ။ ဒုတိယ အကြိမ် ထုတ်ဝေးရင် အထောက်အထား အပြည့်အစုံ ထည့်နိုင်ပြီ။ ပထမအကြိမ် ထုတ်တုန်းက တိဗက်မူ၊ တရုတ်မူတွေ မပြနိုင်ခဲ့ဘူး။ အခု ပြနိုင့်ပြီ။

သူတေသနကိစ္စနဲ့ ပတ်သက်လို့ ကိုယ်က တော်တော်များများ ပြောချင်တယ်။ ဘာလဲ ဆိုတော့ ကိုယ်တို့အလုပ်လုပ်တဲ့ အချိန်က လူငယ်တွေ၊ ကျောင်းသားတွေ၊ နည်းပြဆရာများများ တက်တက် ကြွကြွ စည်းစည်း လုံးလုံး လုပ်ကြတယ်။ အခုနောက်ပိုင်းမှာတော့ အသက်နှစ်ဆယ်နဲ့ သုံးဆယ်ကြား လူငယ် တွေမှာ သူတေသနကိစ္စ အပြောအဆို တော်တော်နည်းပါးသွားတာ တွေ့ရတယ်။ ဒါ ၀မ်းနည်းစရာ ကောင်းတဲ့ ကိစ္စပဲ။

နောက်တစ်ချက်က လူငယ်သူတေုသီမျုိးဆက် ပျောက်များ ပျောက်သွား မလားလို့ ကြောင့်ကြ မိတယ်။ သုတေုသန လုပ်ငန်းနဲ့ပတ်သက်လို့ ကျေးဇူးကြီးတာပြေရရင် တက္ကသိုလ် စာကြည့်တိုက် က၀န်းထမ်း တွေနဲ့ စာကြည့်တိုက်မှူးတွေဟာ ၀ါသနာအလျောက် ဒီအလုပ်ကို လုပ်နေကြတာ။ အသက်မွေးဝမ်းကျောင်းလုပ်ငန်းအနေနဲ့ လုပ်နေကြတာ မဟုတ်ဘူး၊ ခုလည်းတစ်ပြည်လုံးမှာ ပေပုရပိုက် ရှိတယ်လို့ ကြားတဲ့နေရာ သူတို့သွားရှာ၊ စုဆောင်း၊ အဲဒီလို လုပ်နေကြတာ။အဲဒီတော့ လူငယ်တွေအနေနဲ့ သုတေသနလုပ်ငန်းကို စိတ်ဝင်စားသင့်တယ်လို့ ကိုယ်ထင်တယ်''
''ခု ကျွန်တော်တို့ မြန်မာစာပေလောကမှာ ဘာသာပြန်၊ လျှို့ဝှက်သည်းဖို၊ အခုန်အပျံ၊ အကျော်အလွှား၊ အချစ်စသဖြင့်ပေါ့လေ။ လိုင်းပေါင်းစုံ ရှိပါတယ်။ အဲဒီတော့၊ မျက်မှောင်ခေတ် မြန်မာစာပေအပေါ် ဆရာ ဘယ်လိုများမြင်မိပါသလဲ''

''လွန်ခဲ့တဲ့ အနှစ်နှစ်ဆယ်၊ အစိတ်လောက်က ဆရာဇော်ဂျီ ရေးခဲ့တဲ့ ဆောင်းပါးတစ်ပုဒ်၊ ရသစာပေ နိဒါန်းထဲမှာ ပြန်ထည့်ထားပါတယ်။ အဲဒီ ဆောက်းပါးကိုပဲ ကိုးကားပြီး ပြန်ပြေရရင်၊ ကိုးကားချက် ပေါ့လေ...
    အပျော်ဖတ်စာပေမျိုးသည် မည်သည့် နိုင်ငံ၌မဆို ရှိမြဲ ဖြစ်ပါသည်။ ရှိလည်း
    ရှိထိုက်ပါသည်။ သို့ရာတွင် မျက်မှောကခေတ် မြန်မာစာပေတွင် အမျော်ဖတ်
    စာပေးမျိုးမှာရှိသင့်သည်ထက် ပိုကဲ၍ဘ၀အမြင် အသိစာပေမျိုးသည် ရှိသင့်သည်
    ထက် နည်းနေသေးသည်ဟု ထင်ပါသည်။

အဲဒီလို သုံးသပ်ထားတယ်။ အဲဒီသုံးသပ်ချက်အတိုင်းပဲ အပျော်ဖတ်စာပေမျိုးဟာ ခက်တာက အပျော်ဖတ်စာပေဆိုတဲ့ နေရာမှာသိုင်းဝတ္ထုတေ ဖတ်လို့ကောင်းပါတယ်။ ကိုယ်လည်း ဖတ်ပါတယ်။ ရုပ်ပြ တွေလည်း ဖတ်ပါတယ်။ အချစ်ဝတ္ထုလို့ နာမည်တပ်ပြီး သမီးရည်းစားဘွဲ့ ရေးတဲ့ဟာ တွေလည်း ဖတ်ပါတယ်။ ဒါပေမဲ့ ဘ၀နဲ့ အပျော်ဖတ်စာပေမှာ အလေးအနက် ပြတာနည်းတယ်။
နောက်တစ်ခု က လူ့ဘ၀ကြီးဟာ တန်ဖိုးရှိတယ်။ အများအတွက် မလုပ် လုပ်ပေးရမယ်။ စိတ်ကောင်း နှလုံးကောင်း ထားတတ်ရမယ်။ ဒါတွေဟာ လူတွေ ကျင့်ရမယ့် အကျင့်တရားပဲ ဖြစ်တယ်ဆိုတဲ့ အတွေး အခေါ် မျိုးကိုပြတဲ့ ၀တ္ထုက နည်းတယ်။ အပျော်ဖတ်စာကို နှိမ့်ချစရာ မလိုပါဘူး။ အပျော်ဖတ်တဲ့စာဟာ စာ ဖတ်တတ်ခါစ လူအတွက်အလိုအလျောက် ပေးထားတဲ့ ကျူရှင်ပဲ။ ဒါတွေတဖြည်းဖြည်းဖတ်ရင်း နောက်တိုး ဖတ်သွားဖို့ပဲရှိတယ်။ ကိုယ်ကတော့ဒီလိုပဲ မြင်တယ်။

ကိုယ်တို့မြန်မာစာပေလောကမှာ အပျော်ဖတ်စာပေက မျတားနေတယ်။ လူတွေရဲ့ စားဝတ်နေရေးနဲ့ ပတ်သက်တဲ့၊ အများနဲ့ ပတ်သက်တဲ့၊ ကိုယ်နဲ့ တစ်ရေတည်း၊ တစ်မြေတည်း ပေါ်မှာနေကြတဲ့သူလည်း နည်းပါတယ်။ ဖတ်တဲ့သူက အလေးအနက်ထားပြီး ဖတ်ရမယ့် စာမျိုးထက် ခပ်ပေါ့ပေါ့ ဖတ်လို့ရတဲ့ စာမျိုးကို ဖတ်တာ ပိုများတယ်။ ဒါကြောင့် ရေးတဲ့သူနဲ့ ဖတ်တဲ့သူ တိုင်တိုင်ပင်ပင် ညှိညှိနှိုင်းနှိုင်း လုပ်ကြရင် တော်တော်နိမ့်နေတဲ့ အပျော်ဖတ်စာပေဟာ မြင့်လာတဲ့ အပျော်ဖတ်စာပေ ဖြစ်လာနိုင်ပါလိမ့်မယ်။ ဘာသာပြန်တွေကလည်း ဂန္ထ၀င်လို့ လေးနက်တဲ့စာမျိုး အပြန် များလာရင် ကောင်းမယ်။ အပျော်ဖတ်စာဆိုတဲ့ နေရာမှာ အချစ်ဝတ္ထုရယ်၊ ဘာရယ် မခွဲပါဘူး။ တဂိုးကဗျာတွေဟာ လူမှာ ရှိတဲ့ ကောင်းသော မနသီကာရရဲ့ ဂုဏ်ကိုဖွဲတယ်။ ဒါပေမဲ့ ဖတ်ပြီး ပြီးရော လွှင်ပစ်ရမယ့်စာမျိုး များ လာရင်တော့ မကောင်းဘူး။ ဖတ်ပြီး တစ်စုံတစ်ရာ လေးလေးနက်နက် တွေးစရာ ရစေရမယ်''

''စာကောင်းတစ်ပုဒ်...၀တ္ထုဖြစ်ဖြစ်၊ ဆောင်းပါးပဲဖြစ်ဖြစ်ပေါ့ ဆရာ။ ဖန်တီးဖို့ ဘယ်လို ကြိုးစားရမလဲ ဆရာ''
''အဲဒီဟာက ၁၉၆၅ ခုနှစ်လောက်က ကျွန်တော်စာတွေ အလေ့အကျင့် လုပ်ပြီးရေးနေတဲ့အချိန်။ ကျွန်တော့်ဆရာ ဆရာဇော်ဂျီကို မေးမြန်းဖူးပါတယ်။ ဆရာ...ကျွန်တော် စာကောင်းကောင်း ရေးချင်တယ်လို့။ အဲဒီတော့ ဆရာက စာကောင်းရေးချင်ရင် စိတ်ကောင်းမွေးရမယ်လို့ ပြောတယ်။ ဒီတော့ကျွန်တော်က ဒီစကားဟာ အင်မတန် ဘာသာရေးဆန်ပါလား၊ ကိုယ်ကျင်းတရား ရေးဆန် ပါလားလို့ တွေးမိတယ်။ ကျွန်တော်ကောင်းကောင်းနားမလည် လို့ ဆရာ့ကို ပြန်မေးတယ်။

ဆရာ... ကျွန်တော် စိတ်ကောင်းမွေးရမယ်ဆိုတော့ ...ဆိုကြပါစို့ ဆရာရယ်။ ဒီနေ့ကျွန်တော်တို့ နိုင်ငံဟာ ဆိုရှယ်လစ်စနစ်နဲ့ ချီတက်ကြမယ်။ ဒါဟာ ကျွန်တော်တို့နိုင်ငံ လုပ်သားပြည်သူတွေနဲ့ ကိုက်ညီတယ်လို့ ရွေးထားတဲ့ စနစ်။ အရင်းရှင်က ကျွန်တော်တို့ကို လာတိုက်မယ်။ အဲဒီတော့ ကျွန်တော်က ငါ ဒီးအရင်းရှင်ကို ပြန်တိုက်ရင် သူသေမှာပဲ။ သူဒုက္ခရောက်မှာပဲဆိုပြီး သူ့အပေါ်ကို စိတ်ကောင်းနှလုံးကောင်းမွေးရမလားလို့ ကျွန်တော်ကမေးတယ်။

ဒီတော့ ဆရာက မင်းဟာတဲ့... ဘယ်သူရဲ အကျိုးစီးပွားကို လိုလားတဲ့စိတ်ရှိသလဲတဲ့။ ကျွန်တော်က ပြည်သူ တွေရဲ့အကျိုးစီးပွားကိုလိုလားတာပေါ့လို့၊ ဒါဆိုရင်မိမိအကျိုးလိုသူအတွက် ထားရမည့်စိတ်၊ အဲဒီ စိတ်ကို ကောင်းကောင်းထားရမယ်။ မိမိနဲ့တကွတစ်ရေတည်းတစ်မြေတည်း နေကြတဲ့ တိုင်းရင်းသားတွေ၊ ငါနဲ့ နေတဲ့ပြည်သူတွေ၊ ငါလည်းပါဝင်တဲ့ ဒီနိုင်ငံကြီးရဲ့အကျိုးစီပွားကို ထိခဲ့သည်ရှိသော် ငါ အလိုမရှိဘူး ဆိုတဲ့ စိတ်မင်းဖြစ်ပေါ်လာမယ်။ အဲဒီလိုဆိုတာနဲ့အမျှမိမိစိတ် နှလုံးသည် ကောင်းသော သူတွေဘက် ကိန်းဝပ်ပြီး ရေးတတ်လာလိမ့်မယ်။

တစ်ဦးချင်း ကျင့်စဉ်ကလည်း မကောင်းတဲ့စကား မပြောဘူး။ သူတစ်ပါးဒုက္ခရောက်အောင် မလုပ်ဘူး။ သူတစ်ပါးကိုခြေမထိုးဘူး။ သူတစ်ပါးမျက်ရည်ပေါက်ကြီးငယ် ကျမှအလိုလိုသန့်ရှင်း စင်ကြယ်လာလိမ့်မယ်။ အဲဒီလိုသန့်ရှင်းစင်ကြယ် ကြည်လင်နေတဲ့ အချိန်မှာမင်းရေးတဲ့စာ၊ မင်းဖန်းတီးတဲ့ ဇာတ်ကောင်များဟာ လောကထဲမှာ နေတတ်တဲ့ဇာတ်ကောင်တွေ၊လောကထဲမှာ နေရဲတဲ့ ဇာတ်ကောင်တွေ ဖြစ်လာလိမ့်မယ်။ အဲဒီလိုဆရာက ဆွေးနွေးခဲ့ဖူးတယ်။

စာကောင်းရေးချင်ရင် စိတ်နှလုံးကောင်း မွေးပါ ဆိုတာက ကိုယ်စိတ်ကောင်းထားတယ် ဆိုတဲ့ အတွက်ကြောင့် အသည်းနှလုံးဟာ ကြည်ကြည်လင်လင် ဖြစ်နေတဲ့အတွက် ရေးရတာ အလွန်  ကြည်ကြည် လင်လင် ရှိတယ်။ ကျန်းကျန်းမာမာ ပျော်ပျော်ရွှင်ရွှင်လည်းရှိတယ်။ မိမိ အလုပ်မှာ စိတ်ပျံ့လွင့်မှု လည်း မရှိဘူး။ အဲဒီလိုစာကောင်းရေးချင်ရင်စိတ်ကောင်းထားပါဆိုတာက ရံဖန်ရံခါ ၀တ္ထုရေးခါနီးမှ ထားခိုင်းတာမဟုတ်ဘူးလို့ ကိုယ်သဘောပေါက်တယ်။ မိမိခေါင်းပေါ်ကဆံပင်ဟာ ဘယ်တော့မှ ပျောက်သွားခြင်း မရှိဘူး။ မိမိမျက်လုံးဟာလည်း မိမိမျက်နှာပေါ်က ဘယ်တော့မှ ပျောက်သွားခြင်း မရှိဘူး။ တော်တော်ကြာပျောက်သွားလိုက်၊ တော်တော်ကြာ ပြန်ရောက်လာလိုက် မဟုတ်ဘူး။ အမြဲတစေ ရှိနေတာ။ အဲဒီလိုပဲ စိတ်ကောင်းမွေးပါ ဆိုတာဟာလည်း အမြဲတစေ မွေးဖို့လို အပ်ပါတယ်။ အမြဲတမ်းမွေးနိုင်အောင် ကျွန်တော်လေ့ကျင့်နေတုန်းပါပဲ။

ဒီလိုစိတ်ကောင်းမွေးခြင်းအားဖြင့် ကိုယ့်ဇာတ်ကောင်တွေ ဖန်တီးတဲ့နေရာမှာ ကိုယ့်ကိုယ်တွေ့ နည်းနည်း ပြောချင်တယ်။ ဘာလဲဆိုတော့ဝတ္ထုထဲမှာ ဇာတ်လိုက်ကို ဆန့်ကျင်ဖို့ အဆိုးဆိုတာ ပေါ်လာရတယ်။ အဲဒီဇာတ်ကောင် ကို လူဆိုးပဲလို့ကိုယ်ကမုန်းတယ်။ ဒါပေမဲ့သူဟာသူ့ရဲ့ အဆိုး အတိုင်း ကာယကံ၊ ၀စီကံ၊ မနောကံ နဲ့ ကတဲ့အခါမှာကိုယ်ကလူဆိုးကို 'လူဆိုး၏ မျက်ခွက်ကြီးကား' လို့မသုံးတော့ဘူး။ ဇာတ်လိုက် ကျမှ 'ဇာတ်လိုက်၏မျက်နှာကလေးကား...' လို့ မရေးတော့ဘူး။ ဒီနေရာမှာ ဒီဇာတ်ကောင်အားလုံးဟာ မိမိဖန်တီး တဲ့ မိမိသားသမီးများသာ ဖြစ်တယ်။

ဆိုးတဲ့လူကို ဆိုးသလို၊ ကောင်းတဲ့သူကို ကောင်းသလို ကြည့်ရ၊ ရှုရတယ်။ ဆိုးတဲ့လူကို ဆိုးတဲ့အကြောင်း ဧည့်သည် လာရင်ပြောလို့မရသလို ဒီအပေါ်မှာ ကိုယ်ကဆိုးခြင်း ကောင်းခြင်းကို ကြည့်ပြီးတော့ စာရေးဆရာ က ထည့်တဲ့ အာဃာတ အနည်းဆုံး လွတ်အောင်ကိုယ်ရှောင်တယ်။ ဒီနေရာမှာလည်း စာကောင်းရေးခြင်းနဲ့ ပတ်သတ်ပြီးဆရာဇော်ဂျီ့ စာတချို့ကိုကျွန်တော် ကိုးကား ချင်းတယ်။
ကျွန်တော်တို့ဆီမှာ ၀တ္ထုဆိုတာ ဖေတော့ မောင်တော့တွေ ဆိုပြီးနှိမ်ကြတယ်။ ၀တ္ထုဆိုတာဟာ လူငယ်လူရွယ်တွေကို ပျင်စီးစေတယ်လို့ ထင်ကြတယ်။ ကျွန်တော်တို့ငယ်ငယ်တုန်းကလည်း ၀တ္ထုဖတ်တာကို အတားခံခဲ့ရတယ်။ အဲဒါဟာ ဘာဖြစ်လို့လဲဆိုတော့ ၀တ္ထုထဲမှာ ညစ်ညမ်းတဲ့ အကြောင်းအရာတွေ၊ ဆိုးရွားတာကို အတုယူစိတ် ဖြစ်စေတဲ့ စာရေးဆရာရဲ့ တင်ြ့ပမှုတွေကြောင့် ၀တ္ထုအများစုမှာ ဒီဂုဏ်သိက္ခာကို ထိပါးသွားတယ်။ ဒါပေမဲ့စာကောင်းပေကောင်းရဲ့ ဂုဏ်သိက္ခာကို ထိပါးမခံနိုင်တဲ့ ၀တ္ထုတွေအများကြီးရှိပါတယ်။

ဥပမာ- စံပယ်ပင်လို ၀တ္ထုမျိုး၊ မှာတော်ပုံလိုဟာမျိုး။ သူက ၀တ္ထုရဲ့ ပကတိဂုဏ်ကို အထိမခံနိုင်းဘူး။ ၀တ္ထုဂုဏ်သိက္ခာကျစေတဲ့ -၀တ္ထုတွေကို ရေးတဲ့သူတွေက ဒီသမာအာဇီဝကျတဲ့ လုပ်ငန်းနဲ့ အသက်မွေးတော့မယ်။ မိမိတတ်ကျွမ်းတဲ့ အနုပညာနဲ့ ပြည်သူကို အလုပ်အကျွေးပြုတော့မယ် ဆိုတဲ့ ဆုံးဖြတ်ချက်ထက် ဘာမှလုပ်စရာအလုပ်အကိုင် မရှိတော့လို့ ကလေက၀ ဖြစ်ပြီးတော့ သေစာရှင်စာမျှလောက် ရေးတတ်ရင် ငါဟာစာရေးလို့ရတယ်ဆိုတဲ့ လူမျိုးဒီလောက ရောက်လာရင် သူဟာ ၀တ္ထုရေးတာကိုလည်း မကျွမ်းကျင်..  အစဉ်အလာကိုလည်းဆက်ခံရကောင်းမှန်း မသိတဲ့အခါ ကျတော့ သူတို့ ၀တ္ထုတွေဟာ ဖေတော့ မောင်တော့ ၀တ္ထုတွေလို့ ပြောစရာ ဖြစ်လာတာပေါ့၊ တကယ်တော့ ရသစာပေ ဟာ ဆရာဇော်ဂျီ စကား ကိုးကားပြေရရင်...

    မည်သည့် နိုင်ငံ၌ မဆို ကဗျာ၊ လင်္ကာ ၊ပြဇာတ်၊ ၀တ္ထု .. စသောအဖွဲ့များသည် အထက်တန်း ကျသော ယဉ်ကျေးမှု တစ်ခုဖြစ်ပါသည်။ တိုင်းသူပြည်သား လူအများ၏     သီလ     သမာဓိများ တိုးတက်မှု၊ ဆုတ်ယုတ်မှု သည် ထိုအဖွဲ့ မျိုး၏ အရည်အသွေးကို မှီနေသည်ဟု ယူဆအပ်ပါသည်။ ထိုအဖွဲ့တို့ သည် အရည်အသွေး ညံ့လျှင် နိုင်ငံ၏     သီလ၊ သမာဓိ၊     ပညာ ညံ့တတ်ပါသည်။ ထိုအဖွဲ့တို့၏ အရည်အသွေး ကောင်းလျှင် နိုင်ငံ၏ သီလ၊ သမာဓိ၊ ပညာ ကောင်းတတ်ပါသည်။
ဒီသဘော ပါပဲ။ ကျွန်တော်တို့ ဖတ်နေတဲ့အထဲက အယူအဆတွေ၊ လူမှုရေးဆိုင်ရာ အယူအဆ၊ စီးပွားရေး ဆိုင်ရာ အယူအဆ၊ လူမှုဆက်ဆံရေး နေ့စဉ် တစ်ဦးချင်း အယူအဆတွေ အားလုံးအပေါ် ကြည့်တဲ့ အခါမှာ အဲဒီဇာတ်ကောင်များရဲ့ လိုက်နာတဲ့ ကာယကံ၊ ၀စီကံ၊ မနောကံ၊ ကံသုံးပါးဟာ အောက်တန်း ကျရင် အဲဒီစာရေးဆရာရဲ့ အယူအဆဟာ အောက်တန်းကျတာပဲ။ သူတို့ရဲ့ အယူအဆ အတွေးအခေါ် ဟာ အဆင့်အတန်း မြင့်တယ်ဆိုရင် လက်ရှိ စာရေးဆရာတွေရဲ့ အတွေးအခေါ်ဟာ အဆင့်အတန်း မြင့်တာပဲ။ ဒါပါပဲ ''

''အခုနောက်ပိုင်းမှာ စာပေဘက်မှာရော၊ ရုပ်ရှင်ဘက်မှာရော ဂီတဘက်မှာပါ ဝေဖန်ရေးတွေ တော်တော် ခေတ်စား လာတယ်။ ဆရာ့အမြင်မှာ စာပေဝေဖန်ရေးကို ဘယ်လို သဘောရပါသလဲ''
''ဒီလုပ်ငန်း ဟာ တော်တော်ခက်တဲ့ လုပ်ငန်းပါ။ ဘာဖြစ်လို့လဲဆိုတော့ ၀တ္ထုရေးနေရတဲ့ စာရေးဆရာ ပင်လျှင် မိမိဝတ္ထုကို ပြန်ဝေဖန်ပါဆိုရင် တော်တော် အခက်အခဲတွေ့တယ်။ ဝေဖန်ရေးမှာ အခြေခံစည်းမျဉ်း တွေရှိတယ်။ နည်းနာတွေ ရှိတယ်။ အဲဒီလို စည်းကမ်းတွေ နည်းနာ တွေနဲ့ ဝေဖန်တယ် ဆိုတာက ပညာရပ်တစ်ခုပဲဖြစ်တယ်။ ကမ္ဘာ့တက္ကသိုလ်တွေမှာ စာပေဝေဖန်ရေးဆိုတာ ဘာသာရပ် တစ်ခုအနေနဲ့ကို ဖွင့်ထားတာ။ သူ့မှာ အလွန်ကျယ်ပြန့်တဲ့ အဆို အမိန့်တွေ၊ နည်းနာတွေရှိတယ်။ ဝေဖန်ရေး ဆရာတစ်ယောက် က ၀တ္ထုဝေဖန်တော့မယ်ဆိုရင် သူက မနက်ဖြန် ဝေဖန်မှာ၊ ဒီနေ့ ထဖတ်လို့ မရဘူး။ ကျွန်တော်တို့ဆီမှာ ၀တ္ထုစတင်ပေါ်ပေါက်တဲ့ ''

 မောင်ရင်မောင်၊ မမယ်မ ''
 က အစ ဒီနေ့ ၀တ္ထုတွေအထိ ၀တ္ထုတွေရဲ့ အဓိကလမ်းကြောင်းတွေ Trank တွေကို သိရမယ်။ စာပေ အယူအဆ သဘောထားတွေကို သိရမယ်။ မြန်မာလူမျိုးများက ၀တ္ထုဆိုတာ ပေါ်ပေါက်လာ ချိန်က စပြီးတော့ ဘယ်လိုယူဆတယ်ဆိုတာ သိရမယ်။
နိုင်ငံတကာမှာ ဘယ်လိုနည်းနာနဲ့ ဝေဖန်သလဲဆိုတော့ တချို့ကျတော့ စာရင်းဇယားဗေဒနဲ့ ဝေဖန် တယ်။ တချို့ကျတော့ ဘာသာဗေဒနည်းနဲ့ ဝေဖန်တယ်။ တချို့က ပုံသဏ္ဍာန်ကို လေ့လာတယ်။ တချို့က အထဲ ထဲက အကြောင်းအရာကို လေ့လာတယ်။ ဒီလို လေ့လာတဲ့နည်းတွေ ရှိတယ်ဆိုတာ သိရမယ်။ အဲဒီတော့ ဒီအလုပ်က တော်တော်ခက်ပါတယ်။ အချိန်လည်း သိပ်ယူရပါတယ်။ ပြီးတော့ ဝေဖန်ရေးဆရာဆိုတာ ကိုယ့်အတွက် မဝေဖန်ရဘူး၊ ဖတ်တဲ့သူအတွက်၊ ရေးတဲ့သူအတွက် ဒီနှစ် ယောက်အတွက်ပဲ ဝေဖန်ရမယ်။ ဖတ်တဲ့သူအတွက်ပဲ ဝေဖန်ရမယ်။ ဖတ်တဲ့သူအတွက်ကျတော့ လမ်းကြောင်း မီးမောင်းထိုးပြပေးရမယ်။

ဒီလှည်းကတော့ သွားနေပြီ။ သွားရင်း သွားရင်းနဲ့ တောနက်ထဲမှာ သူ လမ်းကြောင်းပျောက်နေပြီ။ တောင်ကုန်း တွေကြား ရောက်နေပြီဆိုတာ ရေးတဲ့လူကို လှမ်းပြီး သတိပေးရမယ်။ ခုနက ဖတ်တဲ့ လူကလည်း သြော် ... သူ ဒီလိုပြတဲ့အခါကျတော့ ဒီလိုမြင်ပါကလား။ ကျွန်တော်တို့ ခနက ပြောသလို ၀တ္ထုထဲမှာ မှားတတ်တဲ့ အချက်များကို စာရေးဆရာက ပြကွက်ကြိုက်လို့၊ ဇာတ်ကောင် စရိုက် ကြိုက်လို့ လုပ်လိုက်ပြီဆိုရင် တစ်ဖက်က ခေါင်းဘက်က ကြည့်ပြီး လုပ်လိုက်ပေမယ့် ဝေဖန်ရေး ဆရာကျတော့ ခေါင်းဘက်ကရော ပန်းဘက်ကပါ ကြည့်တတ်ရမယ်။
ခု ကျွန်တော်တို့ဆီမှာ လုပ်နေကြတဲ့ ဝေဖန်ရေးတွေနဲ့ ပတ်သက်ပြီး ဒီနေရာက ကြုံတုန်း စာနယ်ဇင်း သမားတွေကို တောင်းပန်ချင်ပါတယ်။ စာနယ်ဇင်းသမားတွေရော၊ သက်ဆိုင်ရာ အာဏာပိုင် အဖွဲ့အစည်း များက ပုဂ္ဂိုလ်တွေရော၊ စာပေလုပ်သား အဖွဲ့အစည်းများက ပုဂ္ဂိုလ်တွေရော၊ စာရေးဆရာတွေရော စာဖတ်သူ တွေကိုပါ ငါးဦးစလုံးကို တောင်းပန်ပါတယ်။ စာပေဝေဖန်ရေးအလုပ်ကို ၀ိုင်းဝန်းပြီး လုပ်ကြပါ။

အနည်းဆုံး ကျွန်တော်တို့ ၀တ္ထုဆိုတာ ဘာလဲဆိုတဲ့ အခြေခံကကြီး၊ ခကွေးစာအုပ်တော့ လိုအပ် ပါတယ်။ ၀တ္ထုရဲ့ သဘောတရားဟာ ဘာလဲဆိုတာပြောတဲ့ စာအုပ်တွေရှိပါတယ်။ ထွက်လာတဲ့ ၀တ္ထုတွေထဲ ဘယ်ဝတ္ထုတွေ၊ ဘယ်ဝတ္ထုတွေဟာဖြင့် ဘယ်ကဲ့သို့ ရှိတယ်ဆိုတဲ့ စာအုပ် ဝေဖန်ချက် လောက်တောင်မှ အင်မတန် နည်းပါးတဲ့ အဆင့် ရောက်နေတယ်။ ရသစာပေ စပြီး ဖတ်တဲ့ လူငယ်တွေအတွက် ဘယ်ဝတ္ထုကောင်းဟာ ဘယ်လို၊ ၀တ္ထုညံ့ဟာ ဘယ်လို၊ ပြဇာတ်ကောင်းဟာ ဘယ်လို၊ ပြဇာတ်ညံ့က ဘယ်လို၊ ကဗျာကောင်း ဟာ ဘယ်လို၊ ကဗျာညံ့ ဟာ ဘယ်လို ဆိုတာ ညွှန်ပြတဲ့၊ ဘယ်လိုဖတ်မလဲဆိုတာ ညွှန်ပြတဲ့ စာတွေ လိုပါတယ်။

ပြီးတော့မှ တစ်ခါ စာပေဝေဖန်ရေး ပညာရပ်နဲ့အညီ ဝေဖန်ထားတာတွေကို အရင်တုန်းက စာပေ၊ မဂ္ဂဇင်း၊ ဂျာနယ်တွေမှာ ဖတ်နိုင်ပါတယ်။ မြန်မာ့အလင်း ဂန္ထလောက ခေတ်ကနေ ဒီဘက် တောက် လျှောက်လွတ်လပ်ရေးရပြီး စာပေမဂ္ဂဇင်းတွေအထိ စာပေဝေဖန်ရေးနဲ့ပတ်သက်ပြီး ၀တ္ထုသဘော တရား ဆိုင်ရာ တွေ အငြင်းအခုံဖြစ်တယ်။
ညစ်ညစ်ညမ်းညမ်း ရေးထားတဲ့ ၀တ္ထုတွေကို စာရေးဆရာတွေကိုယ်တိုင်က ဘယ်ဝတ္ထုမှာ ဘယ်သူ ရေးထားတာဖြင့် ဘယ်လောက်အထိ ညစ်ညမ်းပါတယ်။ ဘယ်လောက်အထိ အကျိုးမပြုပါဘူး။ ဘယ်ဝတ္ထုကဖြင့် ဘယ်လောက်အထိ ကောင်းပါတယ်။ ဘယ်လောက်အထိ အကျိုးပြုပါတယ်ဆိုပြီး ၀တ္ထုညံ့ တွေကို ကြေးချွတ်တိုက်ခိုက်ပေးခဲ့တဲ့ စာပေဝေဖန်ရေးတွေ အများကြီး ပေါ်ခဲ့ပါတယ်။ အဲဒီ လို ဝေဖန်ရေး ပေါ်လာလို့ လွတ်လပ်ရေးမရခင်မှာဘဲ ညစ်ညမ်းတဲ့ ၀တ္ထုတွေ ကျဆုံးခဲ့တယ်။

အဲဒါက ဝေဖန်ရေးသမားနဲ့ ဝေဖန်ရေးစာပေ ထွန်းကားတဲ့အတွက်ဖြစ်တယ်။ ကျွန်တော်တို့ဆီမှာက ဝေဖန်သူများ အသင်းအဖွဲ့အစည်းရယ်လို့ ဖွဲ့စည်းထားလို့မဖြစ်နိုင်ဘူး။ ဒီအလုပ်က ကိုယ့်လုပ်အား ကို လှူရတာပဲ၊ စိတ်ကောင်းစေတနာနဲ့ ရေးတဲ့သူအတွက်ရော ဖတ်တဲ့သူအတွက်ပါ သူ့အချိန်ကို လှူရတယ်၊ သူများအတွက် လုပ်ရတဲ့ တကယ့် အလုပ်ပါ။ အတ္တလုံးဝ မပါဘူး။
ကျွန်တော်တို့ဆီမှာ အပျော်ဖတ်စာပေတွေ များနေတယ် ဘာညာဆိုပြီး ညည်းနေမယ့်အစား ဝေဖန်ရေးဆရာတွေက ဘယ်ဟာဖြင့် စာကောင်းပဲဆိုပြီး လက်ညှိုးးထိုးပြောလိုက်ရင် စာညံ့ဟာ အလိုလို ကျသွားမှာပဲ။ ဒီနည်းဟာ ကျွန်တော်တို့အတွက် အလိုအပ်ဆုံးဖြစ်တယ်။ စာကောင်း ထွန်းကားရေးကို ကျွန်တော်တို့ ဘယ်လောက်အော်ကျယ် အော်ကျယ်နဲ့ ပြောပြော ဝေဖန်ရေးထွန်းကားမှ အကျိုးရှိမယ်။ စာပေဝေဖန်ရေး ထွန်းကားရင် တစ်အချက် စာညံ့များ ပပျောက်သွားမယ်။ နှစ်အချက် စာကောင်းများကို အခု ကောင်းကောင်း သဘောမပေါက်သေးရင် ပိုပြီးသဘောပေါက်လာမယ်။ စာညံ့များကို ညံ့မှန်း မသိသေးရင် အဲဒီဝေဖန်ရေးက ဒီအချက် တွေကြောင့် စာညံ့ဖြစ်တယ်ဆိုတာ မီးမောင်းထိုးပေးနိုင်မယ်။

အဲဒါကြောင့် စာပေမဂ္ဂဇင်းတွေမှာ စာပေဝေဖန်ရေး ရေးမယ့်သူ တော်တော်များများ ပေါ်လာအောင် စနစ်တကျ ဝေဖန်ရေးကို ထည့်ပေးကြပါ။ ဒါဟာ အမျိုးသားစာပေအတွက် အထောက်အကူပြုတဲ့ လုပ်ငန်းတစ်ရပ်ဖြစ်ပါတယ်။ အမျိုးသားစာပေ အဓွန့်ရှည်ရေး၊ ကောင်းမွန်ရေး၊ တိုးတက်ရေး၊ အညံ့အလှေး များ မ၀င်ရေးအတွက် ကောင်းမွန်တဲ့ လုပ်ငန်းတစ်ခုဖြစ်တဲ့ အကြောင်း ပေဖူးလွှာက တစ်ဆင့် ကျွန်တော် ဗျိုးဟစ်လိုက်ရပါတယ်''

''ကျေးဇူးတင်ပါတယ် ဆရာ။ ဆရာ ဆန္ဒပြုတဲ့အတိုင်း ကျွန်တော်တို့ စာပေလောကမှာ စာကောင်း စာသန့် ပေါ်ထွန်းရေးကို ကျွန်တော်တို့ ပေဖူးလွှာမဂ္ဂဇင်းကလည်း တစ်တပ်တစ်အား ပါဝင် ကူညီကြပါ့မယ်လို့ အယ်ဒီတာအဖွဲ့ ကိုယ်စားဆရာနဲ့ တကွ စာချစ်သူများကိုပါ ကတိ ပြုခဲ့ပါတယ်။ သုတေုသန လုပ်ငန်းနဲ့ တကွ စာပေလောက အတွေ့အကြုံတွေကိုပါ ပြောပြခဲ့တဲ့ အတွက် ဆရာနဲ့ နောက်ထပ် ဆွေးနွေးချင် တာတွေ ရှိနေသေးပေမယ့် ချန်လှပ် ထားခဲ့ရပါတယ်။ အခွင့်အရေး ရလို့ နောက်တစ်ကြိမ်များ ပြန်ဆုံခွင့် ရမယ်ဆိုရင် ထပ်ပြီးဆွေးနွေးကြသေးတာပေါ့ ဆရာ''
''လာခဲ့ပါဗျာ။ စာချစ်သူအတွက် အကျိုးရှိမယ်ဆိုရင် ကျွန်တော်တို့က ရင်ဖွင့်ကြိုဆိုနေမှာပါပဲ''

ဆက်ရန်
Credit:Original Writer