ဝင်းငြိမ်း နှင့် စာရေးဆရာများအပိုင်း (၁၆)

ဝင်းငြိမ်း နှင့် စာရေးဆရာများအပိုင်း (၁၆)

နှလုံးသားဖြင့် စကားပြောခြင်း

           စာပေလောကထဲ ၀င်ရောက်လာပြီး နုလှသေးတဲ့ ကျွန်တော့် စာပေသက်တမ်းအတွင်းမှာ မဂ္ဂဇင်း အယ်ဒီတာ တွေ တာဝန်ပေးချက်အရ စတီရီယို အဆိုကျော်တွေ၊ တေးရေးသူတွေ၊ ရုပ်ရှင်မင်းသား မင်းသမီး တွေနဲ့ တွေ့ဆုံခဲ့ရပါတယ်။ ပေဖူးလွှာမဂ္ဂဇင်းမှာ တွေ့ဆုံပေးခြင်း၊ ကဏ္ဍ တာဝန်ယူရပြန်တော့ တစ်မူ ထူးခြားရ အောင် စာရေးဆရာ၊ ဆရာမတွေနဲ့ တွေ့ဆုံပေးရပြန်ပါတယ်။

အဲဒီလို တွေ့ဆုံခဲ့ရသမျှတွေထဲမှာ ဒီလ တင်ပြရမယ့် စာရေးဆရာကြီး ဦးသုခနဲ့ တွေ့ဆုံခဲ့ရတာတော့ ကျွန်တော့် အတွက် တစ်သက်တာ မမေ့နိုင်စရာ အတွေ့အကြုံ တစ်ရပ်ဖြစ်ခဲ့ရပါတယ်။ ဆရာ့ကို ကျွန်တော် က အကယ်ဒမီ ခြောက်ထပ်ကွမ်း ရထားတဲ့ ရုပ်ရှင် ဒါရိုက်တာတစ်ဦးအဖြစ်နဲ့ လေးစား ခဲ့ပါတယ်။ ဆရာနဲ့ တွေ့ဆုံရတော့မယ်ဆိုတော့ ဒီကဏ္ဍက စာရေးဆရာကို ဦးစားပေးရမယ့် အခန်းကဏ္ဍ ဖြစ်လေတော့ ဆရာ့ စာပေရေးရာတွေကိုလည်း မေးရမြန်းရ၊ ဆွေးနွေးရဦးမှာမို့ ဆရာ ရေးထားတဲ့ "ဗုဒ္ဓ၏ အကျော်ဇေယျ သမီးတော်များ"၊ " ရာမာခရစ်ရှနာ၏ သုတ္တန်ပုံပြင်များ"၊ "မင်္ဂလာသုတ်"၊ "မေတ္တသုတ်" စာအုပ်တွေ နဲ့ မဂ္ဂဇင်းကြီးငယ်တွေထဲက လက်လှမ်းမီသမျှ ဆရာ့စာတွေကို ဖတ်ခဲ့ပါတယ်။

ဆရာ့ကို သွားရောက် တွေ့ဆုံတဲ့နေရာမှာ ကျွန်တော်နဲ့အတူ တာဝန်ခံစာတည်း ဦးခင်မောင်မြင့်နဲ့ အုပ်ချုပ်ရေးမှူး ဦးဝင်းနိုင်တို့လည်း လိုက်ခဲ့ကြပါတယ်။ ကျွန်တော် မေးသမျှကို စိတ်ရှည်လက်ရှည် ဖြေကြား သွားတဲ့ နေရာမှာ မိခင်နဲ့ ပတ်သက်ပြီး ဆရာ ပြောပြသွားတာတွေဟာ ကျွန်တော်တို့ အသည်းနှလုံး မှာ ထိရောက်လှ ပါတယ်။ ကျွန်တော်ဆိုရင် ဆရာ့ နှလုံးသားထဲက ထွက်လာတဲ့ စကား တွေကို နားထောင်ရတဲ့ အချိန်မှာ မျက်ရည် ကျမိတဲ့အထိ ထိခိုက်ခံစားမိလိုက်ပါတယ်။

ဆရာကတော့ ပြောပါတယ်။ အခု သူ ပြောတဲ့ အကြောင်းအရာတွေဟာ ကြိမ်ဖန်များစွာ ဟောပြောပွဲတွေ မှာ မျက်ရည်စက်လက်နဲ့ ပြောခဲ့ဖူးပါပြီတဲ့။ ဒါပေမဲ့ ဟောပြောပွဲဆိုတာကလည်း တကူးတက တက်မှသာ နားထောင် နိုင်တာမျိုး။ ကိုယ် နားထောင်တဲ့ပွဲမှာ ဆရာက ဟောတာနဲ့ တိုက်ဆိုင်ဦးမှသာ ကြားဖူးမှာပါ။ ဒါကြောင့် ဆရာ ပြောသမျှကို ရေးသားဖော်ပြ မှတ်တမ်းတင်ပေးလိုက်ပါတယ်။ ဒီအတွက် ကျွန်တော် ၀မ်းသာ ဂုဏ်ယူမိပါကြောင်းနဲ့ သားသမီးတိုင်း အထူးသဖြင့် ဒီနေ့ခေတ် လူငယ်တိုင်း ဆရာ့သြ၀ါဒ စကား တွေ ကို လေ့လာမှတ်သား လိုက်နာသင့်တဲ့အကြောင်း တိုက်တွန်းလိုက်ချင်ပါတယ်။

" ဆရာ စာပေနယ်ထဲ ရောက်လာပုံကနေ စ ပြောလိုက်ရအောင် ဆရာ"
" စာပေလောကထဲကို စ ရောက်လာပုံကတော့ ကျွန်တော်က ကျိုက်လတ်မှာ အင်္ဂလိပ်အစိုးရကို သပိတ် မှောက်ပြီး အမျိုးသားကျောင်း ထောင်လာခဲ့တဲ့ (အခုတော့ ရှိသေးရဲ့လား မပြောတတ်ဘူး) ဆရာ ဦးအေးသောင် နဲ့ သရက်က ဦးခင်ညွန့်တို့ဆီမှာ ကျောင်းတက်တယ်။ ဒီဆရာတွေက မြန်မာစာ သင်ကြတယ်။ တော်လည်း တော်တယ်။ ကျွန်တော်က မြန်မာစာကို အင်္ဂလိပ်စာထက် ပိုကြိုက်တယ်။ အဲဒီ တော့ မြန်မာစာ ကို များများပိုဖတ်တယ်။ ကဗျာလင်္ကာလည်း ပါတယ်။ ဗုဒ္ဓ ပရိယတ္တိလည်း ပါတယ်။ ၀တ္ထု လည်း ပါတာပေါ့။ အဲဒီလို နေရင်းကနေ ၀တ္ထုရေးချင်စိတ်ပေါက်လာတယ်။ ဒါကြောင့် ကျောင်းက ထွက်လိုက် ပြီးနောက်တစ်နှစ်လောက်မှာ ၀တ္ထု စရေးပါတယ်။

ကံအားလျော်စွာပဲ က၀ိမျက်မှန်မဂ္ဂဇင်းက အဲဒီဝတ္ထုကို ရွေးပြီး ထည့်လိုက်တယ်။ "စံပယ်ပွင့်" ဆိုတဲ့ ၀တ္ထုပါ။ ၀တ္ထုရေးတာတော့ အဲဒီက စ ခဲ့တာပါ။ ကျောင်းမှာတော့ ခုနစ်တန်းလောက်က စပြီး အခု "သုခမှတ်စု" လို့ ဖြစ်လာမယ့် မှတ်စုစာအုပ်ကို ရေးခဲ့တာပဲ။ မှတ်စု ထုတ်ရတဲ့ ရည်ရွယ်ချက်ကတော့ အဲဒီမှာ ရေးထားပါ တယ်။ ကျွန်တော်က ဘယ်စာအုပ်ပဲ ဖတ်ဖတ် အကုန် စုမှတ်တာပဲ။ နောက်ကျတော့ လောဘကြီး လာပြီး ကျိုက်လက်စာကြည့်တိုက်က ကျမ်းကြီးကျမ်းခိုင်တွေပါ ဖတ်ပြီး မှတ်စု ထုတ် တော့တာပဲ။ ဒါကြောင့် မြန်မာစာနဲ့ ပတ်သက်တဲ့ မှတ်စုမှတ်ရာ တော်တော်များများ ကျွန်တော့်ဆီမှာ ရှိ နေတာပေါ့။

ကျွန်တော်က အဲဒါတွေ ရလာတဲ့အပြင် ကဗျာလင်္ကာလည်း ၀ါသနာပါတယ်။ ဂီတလည်း ၀ါသနာ ပါတယ်ဆို တော့ ဇာတ်လမ်းဖွဲ့တတ်လာတာပေါ့။ ဒါကြောင့် ၀တ္ထု စရေးတာပဲ။ "စံပယ်ပွင့်" ပါပြီး တဲ့နောက် ဆက်ရေး တော့ မပါတော့ဘူး။ ဒါက ကိုယ်ညံ့လို့ပေါ့။ အဲဒီတုန်းကတော့ ကျွန်တော် သက်သတ်လွတ် စားတဲ့ အကြောင်းတွေ ဘာတွေ ထည့်ရေးတာကိုး။ အဲဒီတုန်းက က၀ိမျက်မှန်မှာ အယ်ဒီတာ က ပါဠိဆရာ ဆရာဝလေ။ သူကတော့ ကြိုးစားပါဦးလို့ အားပေးပါတယ်"
" ဆရာ့ဝတ္ထု ပါလာတာ ဘယ်နှခုနစ်လောက်က ပါလဲ "

" ၁၉၂၈ ခုနှစ်ကပါ။ အဲဒီကနေ အဆက်ပြတ်သွားတယ်။ အဲဒီကနေ ကျွန်တော် စာရေးအလုပ်ကလေး ဘာ လေး လုပ်ရင်းကနေ ကဗျာ လင်္ကာတွေ၊ ဘာတွေတော့ ဆက်ရေးနေတာပဲ။ အရပ်ထဲမှာ မင်္ဂလာဆောင်တို့၊ ဘုရားထီးတင်တို့မှာ ရတုတွေ ဘာတွေရေး၊ ကိုယ်တိုင်ဝင်ဆိုတာတို့ ဘာ ညာတွေတော့ လုပ်နေတာ ပေါ့။ နောက် လေး ငါး ခြောက်နှစ်လောက်ကြာတော့ ရွှင်ပျော်ပျော်မဂ္ဂဇင်း ဆိုတာ ပေါ်လာတယ်။ တစ်မူးတန်။ ကိုဘိုးရတို့ ထုတ်တာ။ အဲဒီမဂ္ဂဇင်းက ၀တ္ထုအရွေးခံရရင် အစိတ်ပေးတယ်။ ပထမဆုံး အရွေးခံရတာ "မင်းကတော်" ၀တ္ထု။ ဒီဝတ္ထုကို ကျွန်တော် ဖတ်ကြည့်လိုက်တော့ ကြိုက်တယ်။ ဒီဝတ္ထုရေးတဲ့ သူကလည်း ကျွန်တော် က၀ိမျက်မှန်မှာ ရေးတုန်းက ရေးတဲ့လူ။ ကျွန်တော့် အနေနဲ့ သူ့ကို လူချင်း မတွေ့ဖူးပေမယ့် ရေးဖော်ရေးဖက်ချင်းအနေနဲ့ ရင်းနှီးနေတယ်။ သူ့နာမည်က "ရေနံချောင်း လှေသူကြီး မောင်စံခင်" တဲ့။

ဆိုတော့ ... က၀ိမျက်မှန်မှာ ရေးတဲ့လူချင်း သူ့ဝတ္ထုစွံတယ်ဆိုရင် ငါ့ဝတ္ထုလည်း စွံနိုင်အားရှိတယ်လို့ တွေးမိ တယ်။ ဒါနဲ့ "မိန်းမသား" ဆိုတဲ့ ၀တ္ထုရေးလိုက်တယ်။ စွံသွားတယ်။ နောက်ထပ် ရေးပါဦးဆိုလို့ "လင်တော် မောင်" ထပ်ရေးတယ် "
" အဲဒီတုန်းကတည်းက ကလောင်နာမည် "သုခ" ယူပြီးပြီးလား ဆရာ "
" မယူရသေးဘူး။ အဲဒီတုန်းက ကျိုက်လတ် အမျိုးသားကျောင်း မောင်သိန်းမောင်ဆိုပြီး ရေးတာ။ လင်တော်မောင် ရေးပြီးတော့ သူတို့ သိပ်ကြိုက်သွားပြီး နောက်တစ်ခါ ရေးရင် ကလောင်နာမည် ယူပါတော့ လို့ သူတို့က သိပ်ကြိုက်သွားပြီး နောက်တစ်ခါရေးရင် ကလောင်နာမည် ယူပါတော့လို့ သူတို့က ပြောကြတယ်။ ကျွန်တော် နောက်ထပ် "မိုက်မိတယ်" ဆိုတဲ့ ၀တ္ထု ထပ်ရေးတယ်။ ပြည့်တန်ဆာမလေး တစ်ယောက်ရဲ့ ၀န်ခံချက်ပေါ့လေ။ ကလောင်နာမည် စဉ်းစားကြည့်တော့ ရွှင်ပျော်ပျော်ရှိမှ သုခ ရှိမယ်။ သုခ ရှိမှ ရွှင်ပျော် ပျော်ဟာ ယထာဘူတာကျမယ်။ ယုတ္တိရှိမယ် ဆိုပြီး "သုခ" ဆိုတဲ့ ကလောင်နာမည် ယူလိုက်တာပဲ။

စာအဆုံးမှာကျတော့ ကျွန်တော် ရေးတဲ့ ၀တ္ထုဖတ်ပြီး ကိုယ် စိတ် နှစ်ပါး ချမ်းသာကြပါစေဆိုပြီး "သုခိ အတ္ထာနံ ပရိဟရန္တု" ဆိုတဲ့ စာတန်းလေးပါ ထိုးလိုက်ပါတယ်။ အဲဒီတော့ ၁၉၃၆ ခုနှစ်လောက် ရောက် လာပြီ ပေါ့။ အဲဒီလိုနဲ့ပဲ ကျွန်တော် စာပေနယ်ထဲ ရောက်ခဲ့တာပါ"
" ဆရာ က စာလည်း ရေးတယ်၊ ရုပ်ရှင်လည်း ရိုက်တယ်ဆိုတော့ ဒီလုပ်ငန်း နှစ်ခုမှာ ဘယ်ဟာကို ပိုပြီး စိတ်သန် ပါသလဲ "
" အရင်ကတော့ စာပေကို စိတ်သန်တယ်။ ဖြစ်ချင်တာကတော့ ဇာတ်ညွှန်းကောင်းကောင်း ရေးနိုင်တဲ့ စာရေးဆရာကြီး ဖြစ်ချင်တယ်။ ရှိတ်စပီးယားတို့ ရေးခဲ့တဲ့ ဗွီဒီယိုအင်န် ဂျူလီယက်လိုဟာမျိုး ရေးတတ်ချင် တယ်။ အားကျတယ်။ ဒါပေမဲ့ အခြေအနေအရ ကျွန်တော့် ဇာတ်ကို ရိုက်မယ့်လူ မရှိလို့ ကျွန်တော်က ရုပ်ရှင် ရိုက်ဖြစ်သွားတာပါ။ ရုပ်ရှင် ရိုက်ဖြစ်သွားတော့လည်း ရုပ်ရှင်ဘက်မှာ အားသန်သွားတာပဲ"

" ဘာရုပ်ရှင်ကစ ရိုက်ခဲ့တာလဲ ဆရာ"
" ကျွန်တော် ထင်တယ်၊ ဂုဏ်ရည်မတူ"
" ဘယ်နှခုနှစ်လောက်ကလဲ ဆရာ "
" စစ်မဖြစ်ခင်လောက်က ထင်တယ်။ ကျွန်တော် ကောင်းကောင်း မမှတ်မိတော့ဘူး။ ၁၉၃၉ ခုနှစ်မှာ "ချစ်သမျှ"ကို ကျွန်တော် ဇာတ်ညွှန်းရေးပေးတယ်။ အဲဒါနဲ့လည်း ဆက်သွယ်တယ်။ ရေးပေးတဲ့ ဇာတ်လမ်း ကို ကိုတင်မောင် က ရိုက်တယ်။ အမူအရာ၊ ဒိုင်ယာလော့တွေပါ ကျွန်တော် ရေးတာပဲ။ သူနဲ့က ခင်ခင် မင်မင် ရှိတော့ ကားရိုက်တဲ့နေရာမှာ ၀င်ပြီး စွက်ဖက်လို့ရတယ်။ အခု ရိုက်နေတဲ့ အချို့ဒါရိုက်တာဆိုရင် စွက်ဖက် လို့ ရချင်မှရမယ်။ ကျွန်တော်က ဇာတ်ညွှန်းရေးဆရာအနေနဲ့ ၀င်တာကလည်း တစ်ကြောင်းပေါ့လေ။ နောက်ပြီး စာပေနယ်မှာလည်း ထင်ရှားလာပြီကိုး။ အဲဒီတော့ ဒဂုန်မဂ္ဂဇင်းတို့ ဘာတို့မှာ ပင်တိုင်စာရေးဆရာဖြစ်နေပြီ။

ကျွန်တော်က စာရေးတဲ့နေရာမှာ မိန်းမသားတွေ ရဲ့ အပြုအမူတွေကို အတော်လေး အသေးစိတ် စဉ်းစား တတ်တယ် ဆိုပါတော့။ ကိုယ်ချင်းစာနာမှု့ကလေးတွေ၊ စိတ်ဝင်စားမှုကလေးတွေ အသေးစိတ် ရေးတတ် တယ်။ ဒါတွေကလည်း မထူးဆန်းပါဘူး။ ကျွန်တော်က အဖေနဲ့ မနေရဘဲ အမေနဲ့ နေရတာကိုး။ အမေ၊ အဒေါ်၊ ဘွားအေ တွေနဲ့ နေရတယ်။ ပြီးတော့ အမေက ဆေးလိပ်ခုံ ထောင်ထားတော့ ဆေးလိပ်သမတွေ အများကြီး ရှိတယ်။ အပျိုအရွယ်တွေကအစ၊ အသက်ကြီးတဲ့အထိ တစ်ခုလပ်တို့၊ မုဆိုးမတို့ အကုန်ပါတော့ အားလုံးလူ လေးဆယ်လောက် ရှိတယ်။ ငယ်ငယ်ကတည်းက သူတို့တစ်တွေ ပြောဆိုနေကြတာတွေ၊ အမူ အကျင့်ကလေးတွေက အစ မှတ်မိနေတယ်။

အဲဒီတော့ ကိုတင်မောင်က Toy Wife ဆိုတဲ့ ပြင်သစ် ရုပ်ရှင်ကားကို မြန်မာမှုပြုရေးပေးစမ်းပါဆိုတော့ ကျွန်တော် က အဲဒီမိန်းမသားတွေရဲ့ လှုပ်ရှားမှုတွေ အသေးစိတ်ပါအောင် "ချစ်သမျှ"ဆိုပြီး ရေးပေး လိုက်တယ်။ ပြင်သစ်ကားကို ကျွန်တော် မကြည့်လိုက်ရပါဘူး။ ကိုတင်မောင်က ဇာတ်လမ်းအကျဉ်းပဲ ပေးတာ။ အဲဒီ "ချစ်သမျှ"ကို ကိုတင်မောင် ရိုက်လိုက်တော့ ကျွန်တော်က အမူအရာ ပိုင်းက အစ ၀င်ပြီး စွက်ဖက် လို့ရတယ်။ ကိုတင်မောင်ကလည်း ခွင့်ပြုတယ်။ တချို့ ကျွန်တော် မမြင်သေးတဲ့ နေရာတွေ ကျတော့ ကိုတင်မောင်က ရှင်းပြတယ်။ တချို့ ကျွန်တော် အရှည်ကြီး ရေးထားတဲ့ နေရာတွေမှာ ကိုတင်မောင် က အကျဉ်းချုံးပြီး သုံးတယ်။ ဘာကြောင့် အကျဉ်းချုံးရတယ်ဆိုတာလည်း ပြောပြပါတယ်။ ဒါလေး တွေ သူ့ဆီက ပညာရပါတယ်။

ဒီလို ရုပ်ရှင်ရိုက်ရတော့ ကျွန်တော့်စိတ်ထဲမှာ စာပေထက် အသံရော အရုပ်နဲ့ပါ က်ိုယ် ပြောချင်တာ၊ ကိုယ် တင်ပြ လိုက်ရတာ ပိုပြီးထိရောက်တယ်လို့ တွေးမိပြီး ရုပ်ရှင်ဘက်ကို စိတ်သန်လာတာပါပဲ။ နောက် ကျွန်တော် ကိုယ်တိုင် ပါဝင်သရုပ်ဆောင်နိုင်ခွင့် ရလာတော့ "ချစ်မုန်းမာန်" ဆိုတဲ့ ကားမှာ ၀င်ပါတယ်။ ၀င်ပါတော့ ပိုသိလာတာပေါ့။ ကျွန်တော်က ဟိုတုန်းကတည်းက ဇာတ်တွေကို ၀ါသနာပါတယ်။ ကျိုက်လက် မှာ ကဖူးသမျှဆိုရင် "ဦးရှင်ကြီး" ဇာတ်မှာ ကျွန်တော် ဇာတ်ညွှန်း၊ သီချင်း ရေးတယ်။ ကိုယ်တိုင် ၀င်ကတယ်။ ကိုယ်တိုင် သီချင်းဆိုတယ်။ ဖိုးစိန်၊ စိန်ကတုံးဇာတ်တွေ ဆိုရင်လည်း ကျွန်တော့် အဖေက ကန်ထရိုက်ယူတော့ ဆယ်ရက်၊ ဆယ့်ငါးရက်လောက် လိုက်ကြည့်ပြီး ဇာတ်အထာတွေကို လေ့လာ တာပဲ။

ရုပ်ရှင်မှာ ကျွန်တော့်ကို ပြည့်စုံတယ်လို့ ပြောရင် စာပေတစ်ခုတည်းကြောင့်မဟုတ်ပါဘူး။ စာပေရယ်၊ ဂီတရယ်၊ ဇာတ်သဘင်ရယ်ကြောင့်ပါ။ အဲဒီသုံးမျိုး စုပေါင်းပြီး ရိုက်ခြင်းကြောင့်သာ ကျွန်တော့် ရုပ်ရှင်ကား တချို့ အောင်မြင်တာပါ။ ရုပ်ရှင်ဟာ သဘင်နဲ့ ကင်းလို့ မရပါဘူး။ အနောက်နိုင်ငံက ရိုက်တဲ့ ကားတွေမှာ လည်း သဘင်ပညာ ပါတာပဲ။ သဘင်ရဲ့ Dramatic Ideas တွေ ပါတာပဲ။
နောက်ကျတော့ ကျွန်တော် "ချစ်အဏုမြူ" ရိုက်တယ်။ အသံတိတ်ကားပါ။ အဲဒါက ကျွန်တော့် မူရင်းဝတ္ထု "ရှက်လွန်းလို့" ဆိုတဲ့ ၀တ္ထုကို ရိုက်တာပါ။ ကျွန်တော် ၀တ္ထုရေးတဲ့နေရာမှာ ရုပ်ရှင်ရိုက်ဖို့ ရည်ရွယ်ပြီး ရေးတဲ့ ၀တ္ထုတစ်ခုမှ မပါပါဘူး။ အမှတ်တမဲ့ ရေးထားတဲ့ ဟာလေးတွေထဲက ရုပ်ရှင်ရိုက်လို့ ကောင်းမယ့် ဟာလေး တွေကို ပြန်ရိုက်တာပဲရှိပါတယ်။ အခု တချို့စာရေးဆရာတွေက ရုပ်ရှင်ရိုက်ဖို့ ရည်ရွယ်ပြီး ၀တ္ထု ရေးတော့ အရသာပျက်ပါတယ်။ ကျွန်တော် ဒီလိုပဲ မြင်ပါတယ်။ အမှတ်တမဲ့ ရေးထားတာ တစ်ပုဒ်ကို ရုပ်ရှင်အဖြစ် ဖန်တီးယူရတာ ပိုကောင်းပါတယ်"

" ၀တ္ထုရေးတဲ့နေရာမှာ ဇာတ်ကောင်စရိုက် ဖန်တီးရတာနဲ့ ရုပ်ရှင်မှာ ဇာတ်ကောင်စရိုက် ဖန်တီးရတာ ဘယ် ဟာ က ပိုပြီးခက်ပါသလဲဆရာ "
" မနှိုင်းယှဉ်လောက်အောင်ပါဘဲ။ ကိုယ့်ဝတ္ထုထဲမှာက ဇာတ်ကောင်ကို ထင်သလို တန်ဆာဆင်လို့ရတယ်။ ထင်သလို စရိုက်မှန်အောင် လုပ်လို့ရတယ်။ ရုပ်ရှင် ရိုက်တော့မယ်ဆိုရင် ဇာတ်ကောင်စရိုက် မှန်အောင် ရွေးရတာ အများကြီး ခက်ခဲတယ်။ ကျွန်တော့် အတွေ့အကြုံအရ ပြောရရင် ဇာတ်လမ်းတစ်ခုကို ဖတ်ပြီး ဘယ်မှာ ဘယ်သူလဲ ဆိုတာကို စစ်ရင် တစ်ယောက်ပဲ တွေ့နိုင်တယ်။ နှစ်ယောက်ရှိရင် ဒါ မမှန်ဘူး။ ဒါကြောင့် ကျွန်တော် ရုပ်ရှင်ရိုက်တဲ့နေရာမှာ ဇာတ်ကောင် ရွေးရာမှာ မျက်နှာ မလိုက်ဘူး၊ ကိုယ့်တပည့်ပဲ ဆိုပြီး ဇွတ်အတင်းမထည့်ဘူး။

ဥပမာ - ကောလိပ်ဂျင်နေ၀င်း နဲ့မှ လိုက်ရင် ကောလိပ်ဂျင်နေ၀င်းပဲ ဖြစ်ရမယ်။ ဒါလည်း ကျွန်တော့် အတွေ့ အကြုံအရ မှန်ပါတယ်။ ဥပမာ - " ဘယ်သူပြိုင်လို့ လှပါတော့နိုင်" ထဲက အံ့ကျော်နေရာမှာ အံ့ကျော် မှပဲ ဖြစ်မယ်။ တစ်ခု ကျွန်တော်တို့ သတိထားရမှာက ကျွန်တော့် ရုပ်ရှင် ဇာတ်လမ်းသည် ရေမြွေ ကို သုံးရင် ပါးပျဉ်းထောင်ခိုင်းလို့ ဘယ်နည်းနဲ့မှ မရပါဘူး။
ကျွန်တော်တို့ ဒါရိုက်တာတွေက မင်းသမီး၊ မင်းသားတွေကို ကိုင်တွယ် သင်ပြပေးတယ် ဆိုပေမယ့်လည်း ကျွန်တော် တစ်ဦးတစ်ယောက်တည်းက သူတို့ကို ပုံလောင်းပေးလို့ မရပါဘူး။ သူ့ဗီဇအခံ ရှိထားပြီးမှ အဲဒီ အပေါ် မှာ ပုံလောင်းပေးရပါတယ်။ ဒါကြောင့် ဒါရိုက်တာကလည်း မင်းသား၊ မင်းသမီးရဲ့ အမူအရာ၊ မျက်နှာ စရိုက် အားလုံးကို အားကိုးရပါတယ်။ သူတို့ကလည်း ကျွန်တော်တို့ကို အားကိုးရတယ်။ ကျွန်တော် တို့ လုပ် တိုင်းဖြစ်တယ်လို့တော့ ကျွန်တော် လုံးဝမယူဆပါဘူး။ မြွေဟောက်ကို ရေမြွေဇာတ် ရိုက်ရင် လည်း သူ့ရဲ့ ပါးပျဉ်းထောင် နိုင်တဲ့ အရည်အချင်းကို ဖုံးဖိချိုးနှိမ်ထားရာ ရောက်ပါတယ်။ ဒါကြောင့် ကျွန်တော် ဇာတ်ကောင်ရွေးတဲ့နေရာမှာ ပြတ်သားတယ်၊ သံယောဇဉ် ပြတ်တယ်။ အမုန်းခံ တယ်။

တစ်ခါတလေ ရှိတတ်တာကတော့ လူတစ်ယောက်ကို တင်ချင်လို့ သူ့ကို ရွေးပြီး တမင်တကာ ဇာတ်လမ်း ဖွဲ့တာမျိုး။ ဒါလည်း ကျွန်တော့်ဘ၀ အတွေ့အကြုံ ရှိခဲ့ဖူးပါတယ်။ ဥပမာအားဖြင့် ဟိုခေတ်က မင်းသား အေးကြူ၊ ရုပ်ရည်က ချောတယ်၊ လူပုံက ပျော့စိစိနဲ့ မိန်းမလျာဂိုက် ပေါက်တယ်။ သူ့အစ်ကိုက ဒဂုန် မဂ္ဂဇင်း အယ်ဒီတာ လုပ်နေတော့ ကိုသုခ ရယ်၊ ဒီကောင့်ကို သုံးစမ်းပါ ဆိုတော့ သူ့ကို ရည်ရွယ်ပြီး "ရွှေဒေါင်းတောင်" ဇာတ်ကို ရေးခဲ့တယ်။ မိန်းမလျာတစ်ယောက်ကနေ သူရဲကောင်းတစ်ယောက် ပြောင်း သွား တဲ့ ဇာတ်လမ်းပဲ။ ဒါမျိုးကျတော့ လူကို ကြည့်ပြီး ရေးခဲ့တာပါ"
" ဆရာ ဇာတ်ကောင် ရွေးတာ နဲ့ ပတ်သက်ပြီး တစ်ခု မေးချင်ပါတယ်။ " ဘယ်သူပြိုင်လို့ လှပါတော့နိုင်" ဇာတ်ကား မှာ ထန်းသမားအဖြစ် သရုပ်ဆောင်သွားတဲ့ အံ့ကျော်ဟာ ဒီကား မရိုက်မီကဆိုရင် လူကြမ်း တစ်ဦး ပဲ၊ ဆရာက သူ့စရိုက်နဲ့ ပြောင်းပြန်ဖြစ်မယ့်နေရာကို ဘာဖြစ်လို့ ရွေးခဲ့တာလဲ"

" သူ့ကို ကျွန်တော် သင်ပြနိုင်လိမ့်မယ်လို့ ထင်လို့ပါ။ အထူးသဖြင့် အံ့ကျော်ကို ပြန်ကြည့်ရင် သိပါ လိမ့်မယ်။ သူ့ကို ကျွန်တော် လုပ်ထားတာက တစ်ခွန်းမှ စကားမပြောရဘူး။ မျက်နှာသေကြီးနဲ့ နေရုံပဲ။ ကောင်းသွား တယ်ဆိုတာက ဘေးက ဇာတ်ပို့ Supporters တွေဝိုင်းပို့ကြတာပါ။ အဲဒါ ဇာတ်သဘင် ရဲ့ အထာ သဘော ပါပဲ။ ဥပမာ - ဖိုးစိန်နဲ့ စိန်ကတုံးကိုကြည့်၊ စိန်ကတုံး က ဖိုးစိန်လောက် အသံ မကောင်း ဘူး။ ဖိုးစိန်က ဟစ်အော်ငိုနိုင်တယ်။ စိန်ကတုံးက မျက်နှာသေနဲ့ မှိုင်တွေချ နေတာ လောက်ပဲ ရှိတယ်။ ငိုချင်းဆိုပြန် တော့လည်း ခြောက်ပေါက်တို့ ဘာတို့နဲ့ မဆိုနိုင်ဘူး။ ပတ်တပိုးနဲ့ ငိုချင်း ဆိုတဲ့ မင်းသားမျိုး။

အဲဒါကို ဘယ်လို လုပ်ရသလဲဆိုတော့ သူ့အနားမှာ ရှိတဲ့ ဦးရွှေအ တို့၊ ဦးကျော်ရွဲ့ တို့၊ ဦးမန်းရိပ် တို့က ပို့ပေး ရတယ်။ စိန်ကတုံးက ဘာမှ မပြောရသေးခင်မှာဘဲ လူရွှင်တော်ကြီးတွေက သူ ဘယ်လောက် ဒုက္ခ ရောက်တဲ့ အကြောင်း၊ ဘယ်လောက် ဆင်းရဲတဲ့အကြောင်း ပျိုးပေးတာနဲ့ပဲ ပရိသတ်က တော်တော် လွမ်းနေပြီ။ အဲဒီအထာ တွေကို ကျွန်တော်တို့ သိရမယ်။
အံ့ကျော် ကိုယ်တိုင် ကောင်းတာတွေလည်း ပါပါတယ်။ ဘေးက မိန်းမကြီး တစ်ယောက်က "ဒီအရွယ်ကြီး ထိ အောင် ရှင်တောင် မပြုရသေးဘူးတဲ့တော် " ဆိုပြီး ငိုကာ ကိုက အံ့ကျော်ရဲ့ မျက်နှာသေနဲ့ မှိုတွေချ နေတာကို အထောက်အကူ သွားပြုတယ်။

မှိုင်တွေ ချနိုင်တဲ့ သူ့ရုပ်၊ ထန်းတက်နိုင်တဲ့ သူ့အရည် အချင်းရှိတော့ ကျွန်တော် သူ့ကို သုံးတာပေါ့၊ ထန်းလျက်တောင်း ထမ်းပြေးရတာတို့၊ မောမောပန်းပန်း စကားပြောရတာတို့၊ ဆရာမတွေ ကျေးဇူးဆပ်ဖို့ ထန်းလက်ကလေးတွေနဲ့ လုပ်ထားတဲ့ ပစ္စည်းကလေးတွေ ပေးရတာကို အမူအရာတွေက ဒါလောက် မခက်ပါဘူး။ သူ့အရည်အချင်းတော့ ပါတာပေါ့လေ။ ဒါကြောင့် ဇာတ်ကောင် ရွေးတဲ့နေရာမှာ ဖြစ်နိုင်တဲ့ အလားအလာ ရှိတယ်ဆိုရင် Supporters များများ ကလေးနဲ့ သူ့ကို ပို့ပေးလိုက်ရင် အောင်မြင်တာပါပဲ။ ဒါ ဇာတ်သဘင်ရဲ့ အထာပါပဲ "
" ဆရာက ဗုဒ္ဓရဲ့ တရားတော် အနှစ်သာရကို ဖတ်လို့ကောင်းအောင် သိုင်းဝိုင်းပြီး ရေးသွားတဲ့နေရာမှာ တချို့ အချက်အလက်ကလေးတွေက ဒီနေ့ ယဉ်ကျေးမှု သဘောမျိုး ၀င်နေသလားလို့ တွေးမိပါတယ်။ ဥပမာ - ပြည့်တန်ဆာမကလေး ၀တ္ထုမှာ ပြည့်တန်ဆာမကလေး သီရိမာနဲ့ သူဌေးကလေး နန္ဒရဲ့ ဇနီး ဥတ္တရ တို့တွေ့တဲ့ အခန်းမှာ လက်ချင်းဆွဲ နှုတ်ဆက်တာတို့၊ အချိုရည်ခွက်ချင်း toast လုပ်တာတို့ ဘာတို့ ထည့် ရေးတာတွေ့ရပါတယ်"

" ကျွန်တော်တို့ ထင်တာက toast လုပ်တာကို အခုခေတ် ယဉ်ကျေးမှုလို့ ထင်နေကြတာကိုး။ ရှေးပဝေသဏီ ဗုဒ္ဓခေတ်က အိန္ဒိယမှာကော ဒါမျိုးလေးတွေ မကျင့်သုံးဘူးလား။ မကျင့်သုံးပါဘူးလို့တော့ မပြောဝံ့ဘူး။ ဘာဖြစ်လို့လဲဆိုတော့ ယဉ်ကျေးမှုမှန်သမျှဟာ အသစ်ကနေ အဟောင်းဖြစ်သွားတာ။ အဟောင်းကနေ အသစ် ပြန်ဖြစ်လာတာပဲကိုး။ ဆိုကြပါစို့ ... ဖက်လှဲတကင်း နှုတ်ဆက်ရာမှာ ရင်ချင်းအပ် ပြီး နှုတ်ဆက်တာကို ဟောင်းတယ် ထင်ကြပြီး လက်ဆွဲ နှုတ်ဆက်တာကို ခေတ်မီတယ် ထင်ကြပေမယ့် တစ်ချိန် မှာ လက်ဆွဲနှုတ်ဆက်တာက ရိုးချင် ရိုးသွားနိုင်တယ်။ ရင်ချင်းအပ်တာက ဆန်းချင် ပြန်ဆန်း လာမှာပဲ။ ဒါလေးတွေ ကျွန်တော် ထည့်ရေးခဲ့တာက လှအောင် ရေးတာလည်း ပါတယ်။ ပြီးတော့ စကားပြော နိုင်စရာ အချက်အလက်ကလေးလည်း ဖြစ်ပေါ်နိုင်မယ်ဆိုရင် ကျွန်တော် toast လုပ်တန် လုပ်လိုက်ပါတယ်။ နောက် နန္ဒသူဌေးသားနဲ့ toast လုပ်ပြီး ပြောစရာအချက်တွေ ပေါ်ဖို့ပါ။

ဒီဝတ္ထုတွေ ရေးရတာ ကျွန်တော့်အတွက် အချိန်တော်တော် ယူရပါတယ်။ ရိုးစင်းတဲ့ ဇာတ်ကြောင်း တွေကိုပဲ ခေတ်ပေါ်အသိုင်းအ၀ိုင်းနဲ့ ဖွဲ့ရတယ်။ အပြစ် မဖြစ်အောင် ရေးရတယ်။ ရေးပြီးတော့လည်း ကျွန်တော့်ထက် တတ်သိနားလည်တဲ့ ဆရာတော်ကြီးများကို ပြရပါသေးတယ်။ ကျွန်တော် ရေးတာ အပြစ်ဖြစ်နေရင် ဆုံးမဖို့ လျှောက်ထားရတယ်။ ရေးတဲ့ပုံစံက (ကလေးကလား) နိုင်ကြောင်း ကျွန်တော် လျှောက်ထားတော့ ဆရာတော်တွေက (ကလေးတွေ) နားလည်အောင် ရေးတာမို့ (ကလေးကလား) နိုင်တာပဲလို့ မိန့်တော်မူကြ ပါတယ်။ ဒီဝတ္ထုတွေမှာ အချက်အလက်အားဖြင့် ယုတ္တိမကင်းလွတ်အောင် သတိထားရပါတယ်။ စောစောက ကိုဝင်းငြိမ်း ပြောတဲ့ ပြည့်တန်ဆာမလေးဝတ္ထုကိုပဲ ဥပမာပြရအောင်။

ဝတ္ထုအကြောင်းအရ ပြည့်တန်ဆာမလေးက နောင်မှာ ဗုဒ္ဓရဲ့ အကျော်ဇေယျသမီးတော်တစ်ပါး ဖြစ်လာမှာ ဆိုတော့ ပြည့်တန်ဆာ ဆိုတာနဲ့ တစ်ပြိုင်နက် စာဖတ်သူရဲ့ စိတ်ထဲမှာ လမ်းပေါ်က "ကြက်"လို့ မမြင်လိုက် ရအောင် ဘယ်လောက် ထည်ဝါတယ်ဆိုတာ သိုင်းဝိုင်းထားရတယ်။ ၀င်းနဲ့ ခြံနဲ့နေရတယ်။ ရှင်ဘုရင်က ခန့် ထားရတယ်။ အခြွေအရံ ငါးရာ ရထားတယ်။ ပေါင်းချုပ်ရထား စီးခွင့်ရတယ်။ ဘယ်လို အရည်အချင်း တွေနဲ့ ပြည့်စုံမှသာ ပြည့်တန်ဆာ အဖြစ် ခန့်ခွင့်ရှိတယ်ဆိုတာတွေ ဖော်ပြရတယ်။ ဆင်ခြင်မှု ပညာခံ ရင့်သန် လျက် ရှိကြောင်းလည်း ပြထားရပါတယ်။

ပြည့်တန်ဆာမလေးကို သူဌေးကတော် က ကိုယ်တိုင် လာငှားတယ်။ သူက ဗုဒ္ဓကို ဆွမ်း ကွမ်း ကပ်လှူချင် တော့ ဆယ့်ငါးရက်လောက် ယောက်ျားနားက ခွာချင်တယ်။ ယောက်ျားက အခွာမခံတော့ ခဏ လူစားထိုး တဲ့ သဘောပေါ့။ သူဌေးကလေး နန္ဒနဲ့တွေ့တော့ သီရိမာကလည်း နန္ဒကို စွဲသွားပြီး ဥတ္တရာကို ထောပတ်ပူ နဲ့ လောင်းသတ်ဖို့ ကြံတယ် မဟုတ်လား။ ကောင်းပြီ၊ အောက်မှာ ဆွမ်းချက်နေတုန်း အပေါ်ထပ် အိပ်ခန်း ထဲမှာ ဘယ်က ထောပတ်ပူ ရသလဲ ... ဒါ စဉ်းစားစရာ ဖြစ်လာမယ်။ ဒီအချက်ကို ၀င်လာအောင် ကျွန်တော် က နန္ဒသူဌေးကလေးနဲ့ သီရိမာစတွေ့တဲ့ နေရာမှာ သီရိမာက အရက်သောက်မယ့်အစား ရသာယန စာသင့်ကြောင်း တိုက်တွန်းပေးခိုင်းတယ်။ ရုပ်ရှင်သဘောနဲ့ ပြောရရင် ဒါ ကြိုပြတဲ့ အကွက် ပေါ့။ ကောင်းပြီ ... သီရိမာက ပြည့်တန်ဆာမကလေးပဲ။ သူ့စကားကို နန္ဒက ဘာကြောင့် နားထောင်သလဲ။ သီရိမာ ရဲ့ အဖေတူ အမေကွဲ အစ်ကိုက ဗုဒ္ဓရဲ့ သားတော် ဇီဝက လေ။ ဇီဝက နှမ က ဖော်ကျွေးမယ့်ဆေး ဆိုတော့ နန္ဒက စားချင်မှာပေါ့။ ဒီတော့ သီရိမာ "ရသာယန" ချက်တယ်။

မယားလုပ်တဲ့ ဥတ္တရာက ဗုဒ္ဓအတွက် ဆွမ်းချက်ချိန်မှာ သူတို့က ကာမဂုဏ်အားပေးမယ့် ဆေးချက်ရမှာ ဆိုတော့ အောက်မှာ ဆင်းချက်ရင် ရှက်စရာကြီး မဟုတ်လား။ ဒီတော့ သီရိမာက အပေါ်ထပ်မှာပဲ ချက်ပေး တယ်။ ဒါမှ ဇာတ်ကြောင်းအရ အပေါ်ထပ်ကနေ ထောပတ်ပူနဲ့ ဥတ္တရာအပေါ် လောင်းချနိုင်တဲ့ အခွင့်အရေး ရမှာပေါ့။ အဲဒီလို အကျိုးအကြောင်း ဆက်စပ်မှုလေးတွေ ခိုင်လုံအောင် ကိုယ်တိုင် အတွေးအခေါ် ဆင်ခြင်မှု လေးတွေနဲ့ လုပ်ရပါတယ်။ ဓမ္မပဒတို့၊ ထေရီအပဒါန်တို့ မှာတော့ မပါဘူးပေါ့။ အဓိကအချက် က ဘာလဲဆို တော့ ဗုဒ္ဓဟောမယ့် "အမျက်ကြီးသူကို အမျက်မရှိခြင်းဖြင့် အောင်နိုင်ရာ"ဆိုတဲ့ အချက်ပဲ မဟုတ်လား။ ဒီ အချက်မပျက်ဖို့ရာ အရေးကြီးပါတယ်။

သီရိမာ က နန္ဒကို တပ်မက်စိတ် ၀င်သွားတာတို့၊ ဥတ္တရာအပေါ်မှာ ၀န်တိုစိတ် ပေါ်လာတာတို့ကတော့ စောစော က ပြောခဲ့သလို မိန်းမတွေရဲ့ သဘောနဲ့ နှိုင်းချိန်ရေးတာတွေပါပဲ"
" ဆရာက ၀တ္ထရေးတဲ့နေရာတွေမှာ အဲဒီလို ၀တ္ထုတွေ ရေးတယ်။ ရုပ်ရှင်ရိုက်ရမှာလည်း" စကားပြောသော အသည်းနှလုံး" တို့၊ "တစ်ဦးက မေတ္တာ၊ တစ်ဦးက စေတနာ"ကို " အကာကအချစ် အနှစ်က မေတ္တာ" စသည်ဖြင့် မိဘမေတ္တာနဲ့ ပတ်သက်တာတွေ၊ စေတနာတရားနဲ့ ပတ်သက်တာတွေ ရိုက်တာ တော်တော် များပါတယ်။ ဒီကားတွေ ရိုက်တဲ့ ဆရာ့ရည်ရွယ်ချက်သိပါရစေ"
" ကျွန်တော် ငယ်ငယ်ကတည်းက ပရိယတ္တိကို လေးစား နှစ်လိုလာတာကို ဗုဒ္ဓရဲ့ အဆုံးအမကို ကြိုက်လို့ နာလိုလာတာကိုး၊ အဲဒီတော့ ကျွန်တော်တို့ဆီမှာ ဂါရ၀တရားနဲ့ နိဝါတ တရားမကင်းရင် အကောင်းဆုံး ပေါ့။ အထူးသဖြင့် "စကားပြောသော အသည်နှလုံး" တို့၊ ဘာတို့ဆိုရင် မိခင်မေတ္တာပေါ့။ ဒါနဲ့ ပတ်သက် လို့ ကျွန်တော့်မှာ ခံစားချက်တွေ အများကြီးရှိပါတယ်။

ကျွန်တော် လိမ္မာလို့ ငါလို လုပ်ကြပါလို့ ဟောနေတဲ့သူ မဟုတ်ပါဘူး။ ကျွန်တော် မိခင်မေတ္တာကို အများကြီး စော်ကားခဲ့သသူပါ။ မှားခဲ့တာတွေ အများကြီး ရှိပါတယ်။ အဲဒါတွေကို ကျွန်တော်က " အမေ စားရသော ထမင်းတစ်နပ်"တို့၊ ဘာတို့မှာ ရေးထားခဲ့ပါတယ်။ အမေ့မေတ္တာကို ကျွန်တော် ပစ်ပယ်ခဲ့တယ်။ မိန်းမ ရပြီး မိန်းမနောက်ကို လိုက်သွားတယ်။ ပြောရရင်တော့ အရှည်ကြီးပါပဲ။ ကျိုက်လက်ကနေ ဘုရင့်နောင် ဖောင်ဖျက်တိုက်တဲ့ နည်းမျိုးလို နာမည်ကျော် စာရေးဆရာ မဖြစ်သမျှ ကာလပတ်လုံး ကျိုက်လက်ကို ငါ မပြန်ဘူးဆိုပြီး ရန်ကုန် ထွက်ခဲ့တာ။ အမေက ကျိုက်လတ်မှာ ကျန်ရစ်ခဲ့တယ်။
နောက်ဆုံး ရန်ကုန်မှာ ကျွန်တော် သိပ်ဆင်းရဲနေတဲ့အချိန်၊ ကုန်းကြောင်းလျှောက်နေရတဲ့အချိန်၊ စာရေးဆရာပေမယ့် သူများအိမ်မှာ ကပ်နေရတဲ့အချိန်၊ တစ်ခါတစ်ရံမှာ ထမင်းငတ်တဲ့ အချိန်ပေါ့။ ကာလပေါ် ၀တ္ထုနဲ့ ပတ်သက်ပြီး ကျွန်တော့်မှာ အရညအချင်းရှိသင့်သလောက် ရှိပေမယ့် ငတ်တစ်လှည့် ပြတ်တစ်လှည့် ဖြစ်နေတယ်။ ဘာကြောင့် ဒီလို ဖြစ်ရတယ် ဆိုတာတော့ ကျွန်တော် မစဉ်းစားမိဘူး။ ညည်းပဲ ညည်းနေမိတယ်။

အဲဒီလို နေတဲ့အချိန်မှာ သီချင်းတစ်ပုဒ်က ကျွန်တော့်ကို တပ်လှန့်ပေးလိုက်ပါတယ်။ အဲဒီသီချင်းကတော့ ရွှေတိုင်ညွန့်ရဲ့ "မိဘမေတ္တာ"သီချင်းပဲ။ အဲဒီတုန်းက ဓာတ်ပြားခေတ်။ အဲဒီသီချင်းကို ည ကျွန်တော် လမ်း သွားရင်း ဆူပါပင်လမ်းထိပ်မှာ ကြားလိုက်ရတယ်။ ဒီသီချင်းကို ကျွန်တော် ဘာဖြစ်လို့ ကြိုက်သလဲဆိုတော့ ဒီသီချင်းရဲ့ အကြောင်းခြင်းရာ အကုန်လုံးကို သီချင်းရေးတဲ့ ကိုအုန်းဆိုင် (ရွှေတိုင်ညွန့်)ထက် ကျွန်တော်က ဖတ်ပြီးသား၊ သူ့အဖေ ဦးကြင်ခဲနဲ့ ကျွန်တော်နဲ့က ထီးတန်းက သဘာဝဓမ္မဆေးကျောင်းမှာ အတူတူ သင်တန်းတက်ခဲ့တယ်။ စာရေးဆရာဆိုတော့ စုံအောင် လေ့လာခဲ့တယ်။
အဲဒီမှာ သီချင်းစာသားတွေက ရှေးဇာတ်ဆရာကြီးတွေ ရေးပြီးသားဇာတ်တွေထဲက စာသားတွေကို ဖွဲ့ သွားတာ အများကြီးရှိတယ်။ ပတ်ပျိုးထဲက ရတုကို အသံလေး ထည့်ပြီး ဆိုသွားခြင်းကြောင့် ကျွန်တော့် အသည်းနှလုံး မှာ ပိုပြီး ထိခိုက်သွားတယ်။

ဆိုတာက "မကြည်အောင်"လေ။ အဲဒီတော့မှ အမေ့မေတ္တာကို ကျွန်တော် သွားပြီးသတိရတယ်။ အမေက ကျိုက်လတ် မှာ သိပ်ဆင်းရဲနေပြီ။
အမေ့ကို ပြန်ပြီး တွေ့ချင်ပေမယ့်လည်း ဒီအတိုင်း ပြန်မတွေ့ချင်ဘူး။ ဖြစ်ချင်တော့ ကျွန်တော်တို့ ထောင်ခဲ့တဲ့ ဒုလ္လဘရဟန်းခံအသင်းက အသင်းသား အဟောင်းတွေရော အသစ်တွေပါ ဒုလ္လဘမဲ ဖောက်တဲ့ အခါမှာ ကျွန်တော် မဲပေါက်တယ်။ ကျွန်တော့်ကိုလည်း ရဟန်းခံဖို့၊ ပြန်လာဖို့ရာ မှာတော့ ငါ ရဟန်းခံဖို့ ပြန် တာပဲ၊ ဘာဖြစ်လဲဆိုပြီးတော့ ကျိုက်လတ်ကို သွားတယ်။ ဒုလ္လဘရဟန်းခံပြီး မနက်မှာ ရဟန်း အပါးတစ်ရာ ဆွမ်းခံထွက်ကြတော့ အမေ့တဲရှေ့က ဖြတ်သွားရတယ်။ အမေက ရဟန်း တွေကြားမှာ ငါ့သား ဘယ်ဟာပါ လိမ့်လို့ တဲကလေး ရဲ့ လက်တန်းကို ကိုင်ပြီး ရှာနေရှာတယ်။ ကျွန်တော် ကတော့ အမေ့ကို မြင်ပြီပေါ့။ ရှာနေတဲ့ အမေ့မျက်လုံးတွေနဲ့ ကျွန်တော့် မျက်လုံးတွေလည်း ဆုံလိုက်မိရော၊ အခု ရုပ်ရှင်ထဲမှာ Close Up ပြရသလိုပဲ အမေ့မျက်နှာမှာ ရှက်စိတ်၊ အားငယ်စိတ်၊ ၀မ်းနည်းစိတ်၊ ၀မ်းသာစိတ် တွေကို တွေ့လိုက်ရတယ်။

အဲဒီမှာ ကျွန်တော် ဘာစဉ်းစားသလဲ ဆိုတော့ ငါ စာရေးဆရာဘ၀နဲ့ အောင်မြင်မှသာ အမေ့ကို ထမင်းကျွေး ရမယ်ဆိုရင် အမေ မသေခင် ထမင်းတစ်နပ်မှ ကျွေးလိုက်နိုင်ပါ့မလား၊ အခု ကြုံကြိုက် တုန်းမှာ ငါ့သပိတ်ထဲက ထမင်းကို ကျွေးရရင် ကောင်းမယ်လို့ စိတ်ကူးမိတာနဲ့ ကျောင်းပြန်ရောက်တော့ ဆရာတော် ကို လျှောက်တယ်။ တပည့်တော် ဒီဆွမ်းကို အမေ့ကို ကျွေးနိုင်ပါသလားပေါ့။ ဆရာတော်က သိပ်မွန်မြတ် တယ်။ ကျွေးနိုင်ပါတယ်လို့ ခွင့်ပြုလိုက်တာနဲ့ ကျွန်တော် တစ်ပါးတည်းပဲ အမေ့တဲကို ပြန်လာခဲ့ တယ်။ အမေက ကျွန်တော့်ကို မမျှော်လင့်ပါဘူး။ သူ့ဘာသာ ထမင်းတောင် ချက်နေပြီ။ အမေ က ကျွန်တော့်ဆွမ်းကို ပေးလှူတော့ ငိုတာပေါ့။ အမေက ပြောတယ်။ မောင်ပဉ္စင်းအတွက် အမေ ဆွမ်းလောင်း ချင်ပေမယ့် လောင်းနိုင်တဲ့အား အမေ့မှာ မရှိဘူးတဲ့။ တစ်ပါးတည်း လောင်းလို့ မဖြစ်တဲ့ အတွက် တစ်ပါးကို ဆွမ်းတစ်ဇွန်းစီ လောင်းဦးတော့ ဇွန်းတစ်ရာမှ မောင်ပဉ္စင်းဆီ တစ်ဇွန်းပဲရောက် မယ်။ အဲဒီတစ်ဇွန်း အတွက် အမေ ဇွန်းတစ်ရာ မချက်နိုင်ဘူးတဲ့။ မင်း ငယ်ငယ် အမေတို့ ချမ်းသာတုန်းက၊ ရှင်ပြုတုန်း က အကြီးအကျယ် ပြုပေးခဲ့ပြီတဲ့။ အဲဒီတုန်းကတော့ ကျွန်တော်ကလည်း ဘာမှ နားမလည် သေးတဲ့ အချိန်ဆိုတော့ ဆော့နေတာပေါ့။

ဒီတစ်ကြိမ် ရဟန်းခံရတော့ စာရေးဆရာလည်း ဖြစ်နေပြီဆိုတော့ သီလ၊ သမာဓိနဲ့လည်း ပြည့်စုံနေပြီ။ သဒ္ဓါကလည်း တကယ့်သဒ္ဓါတရား ရှိနေတဲ့အချိန်ဆိုတော့ ဒါယိကာမကြီးလည်း အသက်ရှည်မှာ မဟုတ်ဘူး။ မတော်လို့များ သေသွားရင် ကျုပ် ထမင်းကလေး တစ်နပ်တောင်ကျွေးလိုက်ရမှာ မဟုတ်ဘူး။ ကျွန်တော် စာရေးဆရာဘ၀နဲ့သာ ထမင်းကျွေးရမယ်ဆိုရင် ကျွေးနိုင်မှာ မဟုတ်ဘူး။ ဒီထမင်းကို အမေ စားပါ ဆိုပြီး သပိတ်ကို ထိုးအပ်ခဲ့တယ်။ ဒါ အမေ့ကို ကျွန်တော် ကျွေးနိုင်တဲ့ ထမင်းတစ်နပ်ပါ။ နောက် ကျွန်တော် ချောင်လည်လာပြီး အခြေအနေကလေးနဲ့ နေနိုင်လို့ အမေ့ကို သွားခေါ်တော့လည်း အမေက သူ့သမီး နဲ့ပဲ လိုက်နေတယ်။ ကျွန်တော့်ဆီ မလိုက်ဘူး။ နောက်ဆုံး လာခေါ်တော့ ဆိုလို့ သွားခေါ်တော့ အမေ့ မှာ အသည်းအသန် ဖြစ်နေပြီ။ အိမ်မှာ သုံးရက်ပဲ နေလိုက်ရပြီး ဆုံးသွားပါတယ်။ အမေ့ကို ကျွန်တော် ကျေနပ်လောက်အောင် ပြုစုခွင့် မရလိုက်ပါဘူး။ ဒါတွေကို ကျွန်တော် အနှစ်နှစ်ဆယ်အတွင်း အကြိမ် နှစ်ရာ ထက်မနည်း ဟောပြောခဲ့ပါပြီ။ ဟောတိုင်း မျက်ရည်ကျခဲ့ရပါတယ်။ အမေချင်း စာနာ တတ်တဲ့ ပရိသတ်တွေလည်း ငိုကြတာပဲ။

ကျွန်တော် သူတို့ကို လွမ်းအောင် တမင်ပြောတာ မဟုတ်ပါဘူး။ ကျွန်တော် ကိုယ်တိုင်က ခံစားချက် ရှိလို့ပါ။ ဟောပြောပွဲတွေ အပြီးမှာလည်း ကျွန်တော် အမြဲမှာပါတယ်။ သားတို့ သမီးတို့ ဒီဟောပြောပွဲက ပြန်ရင် အိမ် ရောက်တာနဲ့ တစ်ပြိုင်နက် အမေကို ရှိခိုးပြီးမှ အိပ်ကြပါ။ ငါ လိမ္မာလို့ ပြောနေတာ မဟုတ်ဘူး။ ငါ မိုက်ခဲ့သမျှ မင်းတို့ လိမ္မာရအောင် အရှက်မရှိ ပြန်ပြောနေတာပါလို့ အမြဲပြောပါတယ်။ တစ်ထောင် မှာ တစ်ယောက်လောက် နားလည်း သဘောပေါက်သွားရင်တောင် ကျွန်တော် ဟောရကျိုး နပ်ပါတယ်။

ကိုဝင်းငြိမ်း စဉ်းစားကြည့်ပါ။ အမေကို လုပ်ကျွေးနိုင်ဖို့ရာ အခြေအနေ တချို့လိုပါတယ်။ ကိုယ် လုပ်ကျွေးနိုင် တဲ့ အချိန်မှာ အမေက အသက်ရှင်လျက် ရှိရမယ်၊ ကိုယ်က စေတနာပါရမယ်၊ အမေ ကလည်း ကိုယ်နဲ့အတူ နေတာဖြစ်ရမယ်။ ကျွန်တော် ပြောတာက ထမင်းတစ်နပ် သွားကျွေးတာတို့၊ သီတင်းကျွတ် သွားကန်တော့ တာတို့ ပြောတာ မဟုတ်ဘူးနော်။ အမြဲတမ်း ကျွေးနိုင်ဖို့ ပြောတာ။ ကိုယ့်ဆီ လာနေပြန်တော့လည်း ကိုယ့်မိန်းမက လိမ္မာဦးမှ၊ ကိုယ်ကလည်း သဒ္ဓါတရား ရှိရမယ်၊ အမေကလည်း မှီခိုတဲ့ ဘ၀မျိုး ဖြစ်ရမယ်။ သူ့ ဆီမှာသာ ပိုက်ဆံရှိနေရင် သားသမီးကိုသာ သူက ပြန်ပေးမှာ။ သားသမီး ထမင်း သူက စားမှာ မဟုတ်ဘူး။ ဒါကြောင့် မှီခိုတဲ့ဘ၀မျိုး ဖြစ်ရမယ် ပြောတာ။ နောက်တစ်ခုက အသက်တော့ ရှင်ပါလျက် သတိမေ့နေတာ မျိုး၊ သူငယ်ပြန်နေတာမျိုး၊ အချိုမှန်း မသိ၊ အချဉ်မှန်းမသိ၊ ထမင်း စားပြီးပြီလား၊ မစားရသေးဘူးလားမှ မသိ။ အဲဒီအချိန်မျိုးမှ ပြုစုရပြန်တော့လည်း အလကားပဲ။ သေမှ ငိုယိုနေကြလို့လည်း အလကားပဲ။ ဒါကြောင့် အမေကို အသက်နှင့်ရှိတုန်း ကျွေးကြပါ။ ပြုစုကြပါ။ အမေ ကို လုပ်ကျွေးပြုစုတဲ့ သားသမီးဟာ ဆင်းရဲဒုက္ခမရောက်ပါဘူး။

ကျွန်တော် ဟာ အမေ့ကို ထမင်းတစ်နပ်သာ ကျွေးလိုက်နိုင်တဲ့သူပါ။ အမေ့မေတ္တာကို ကျွန်တော် ပစ်ပယ်ခဲ့ ပါတယ်။ ဒါကြောင့် ဒီကျေးဇူးတရားတွေကို လူငယ် လူရွယ်ကလေးတွေ သတိရကြစေဖို့ ကျွန်တော်လို နောင်တမရကြရအောင် ခုနက ကိုဝင်းငြိမ်း ပြောခဲ့တဲ့ ကားတွေကို ရိုက်ခဲ့တာပါ။ ကျွန်တော့်ကားတိုင်းမှာ မိခင်ရဲ့ မေတ္တာအကြောင်း အမြဲပါပါတယ်။ နည်းနည်းနဲ့ များများပဲ ကွာပါတယ်။ မိခင်နဲ့ ဆရာသမားကို အမြဲ သတိရတဲ့အတွက် ကျွန်တော် ဒီအခြေအနေကို ရောက်တယ်လို့လည်း ယုံပါတယ်။ ရုပ်ရှင်သက်တမ်း အနှစ် လေးဆယ်ရှိခဲ့ပါပြီ။ ကျွန်တော့် ဆရာသမား အေ၀မ်းကိုတင်မောင် ကို အကြိမ် လေးဆယ် ကန်တော့ပြီး ပါပြီ။ မနီလာ ရုပ်ရှင်ပွဲတော် သွားခါနီးတုန်းကလည်း ကျွန်တော် သွားကန်တော့ပါတယ်။ ပြန် လာတော့လည်း သွားကန်တော့ပါတယ်။ ယုတ်စွအဆုံး ကျွန်တော် "သုခ ရုပ်ရှင်" ထောင်တော့မယ် ဆိုတာ တောင် သွားကန် တော့ပြီး ဆရာ့ရဲ့ ခွင့်ပြုချက် တောင်းခဲ့ပါတယ်။

ခု လူငယ်တွေမှာ ပိုဆိုးလာတာက မိဘမေတ္တာဆိုတာ မရှိပါဘူး။ သွေးသားသောင်းကျန်းရာကနေ ရလာတဲ့ သန္ဓေသားကို သူတို့ စောင့်ရှောက်ရတာ တာဝန်ပဲလို့ ယူဆလာကြတယ်။ ဒါတွေကို ကျွန်တော် အပြတ်ချေချင်တယ်။ လူကို ထားလိုက်၊ တိရစ္ဆာန်ကို ပြန်ကြည့်၊ အကုန်ပါတယ်။ ခွေး၊ ၀က်၊ ကြက်၊ ငှက်၊ လိပ်ဆို ပိုတောင်ဆိုးသေးတယ်။ သူတို့ စောင့်ရှောက်တာကျတော့ ဘယ်လို ပြောမလဲ။ ဘယ်လို ဥပဒေ စည်းမျဉ်းကြောင့် စောင့်ရှောက်ကြတာလဲ။ တချို့ ပြောတာ ကြားဖူးပါတယ်။ ဒါ မျိုးဆက်ပြန့်ပွားမှုပဲပေါ့။ သစ်ပင်ပန်းမန်လည်း မျိုးဆက်ပြန့်ပွားကြတာပဲတဲ့။ ဒီလို ပြန့်ပွားတဲ့အတွက် ပန်းပွင့်ကလေးတွေက သစ်ပင်ကို ကျေးဇူးတင်ရမလားတဲ့။ သစ်ပင်က ပြန့်ပွားတယ်ဆိုတာက ရေ၊ မြေ၊ တော၊ တောင်၊ ဥတု သဘာဝလက် ကို အပ်ချလိုက်တာ။ သစ်ပင်ကြီးက ပန်းပွင့်ကလေးတွေအပေါ်မှာ ဘာမှ လုပ်မပေးဘူး။ တိရစ္ဆာန်နဲ့ လူကတော့ မိမိရင်သွေးကို ယုယပိုက်ထွေးထားတယ်။ ကာကွယ်စောင့်ရှောက်ထားတယ်။ သစ်ပင်ကတော့ သူ့အပင်ပေါက် ကလေးတွေကို နွားက စားစား၊ လူက နင်းနင်း ဘာမှ ကာကွယ် မပေးနိုင်ဘူး။ လူက မနေနိုင်ဘူး၊ ခွေးက မနေနိုင်ဘူး၊ ဒါလေးတွေကို ဒီနေ့ လူငယ်တွေ မြင်လာ အောင် ကျွန်တော်က စကားပြေနဲ့ ပြောမှ နားလည်နိုင်မယ်။ မာတာပိတုဂုဏော အနန္တောလို့ ပြောရင် နားလည်ချင် မှ လည်မယ်။ နောင်ကိုလည်း ကျွန်တော် မိဘမေတ္တာကို ဖွဲ့ဦးမှာပဲ။

အမေ့မေတ္တာကို စိတ်ကူးပြီး အမျိုးမျိုး တရားဟောပါတယ်။ ဥပမာ - နို့ချို တိုက်ကျွေးနေတဲ့ မိန်းမတစ်ယောက်ကို ကလေးကို ဆွဲဖယ်ပြီးတော့ နို့အုံကို ဓားနဲ့ လှီးကြည့်ပါ။ နို့မထွက်ပါဘူး၊ သွေးပဲ ထွက်လာပါလိမ့်မယ်။ ဘယ်အချိန်မှာ နို့ချို ဖြစ်သွားသလဲဆိုတော့ သားဇောကပ်တဲ့အချိန်မှာ သွေးစိမ်း ကနေ နို့ဖြစ်သွားတာပါ။ သုံးဆယ့်နှစ် ကောဋ္ဌာသမှာ "လောဟိတံ" "သွေး" ပါတယ်။ နို့ဆိုတာ မပါဘူး။ ကလေးတွေ နားလည်အောင် ဒီလို ပြောပြရတယ်။ နွားနို့ညှစ်တာတောင်မှ နွားကလေးကို ပြမှ နွားမကြီးက နို့ချပေးပါတယ်။

ဒါကြောင့် အမေ့မေတ္တာကို ပြနိုင်ဖို့ ဒီကားတွေကို ရိုက်ခဲ့တာပါ။ နောက်လည်း ဒါမျိုး ရိုက်ဦးမှာပါပဲ"
" ဆရာ ရိုက်သွားတဲ့" စကားပြောသော အသည်းနှလုံး" က နိုင်ငံခြား ရုပ်ရှင်ကားဖြစ်တဲ့ Madam X ကို မြန်မာမှုပြုတာလား ဆရာ "
" လုံးဝ မဟုတ်ပါဘူး။ မဒမ်အိတ်(စ်) မပြခင်ကတည်းက ဒီဇာတ်လမ်းကို ပြဇာတ်ကပြီးသွားပါပြီ။ မင်းသား ခင်မောင်မြင့် နဲ့ ကခဲ့တာပါ။ ဒီကိစ္စကို တစ်ခါတုန်းက ဆောင်းပါးရှင် တစ်ဦးက " စကားပြောသော အသည်း နှလုံး"ဟာ မဒမ်အိတ်(စ်)ကို မြန်မာမှုပြုတာလို့ ရေးတော့ ကျွန်တော့် တပည့်တွေက မခံမရပ် နိုင်ဖြစ်ပြီး ပြန် ရေးခဲ့ကြဖူးပါတယ်။ ကျွန်တော်ကတော့ ဘာမှ မပြောခဲ့ပါဘူး။ ထန်းသီးကြွေခိုက်၊ ကျီးနင်း လိုက်ဖြစ်သွား တာပါ။ ဇာတ်က ၀င်းဝင်းရုံမှာ ဆယ်နှစ်လောက် စောပြီး တင်ခဲ့တာပါ။

ဒီဇာတ်ကား ဖြစ်လာနိုင်ဖို့ နှစ်ပေါင်း နှစ်ဆယ်လောက် အမြုတေ စုပြီးမှ ဇာတ်လမ်း ဆောက်တည်ခဲ့ ရတာပါ။ ကျွန်တော် ဆိုလိုချင်တာကတော့ အမေဟာ ကိုယ်ကျင့်တရားပျက်သည်ဖြစ်စေ၊ ပညာမဲ့သည်ပဲဖြစ်စေ၊ မျိုးရိုး ညံ့သည်ပဲဖြစ်စေ အမေဟာ အမေပါပဲ။

တစ်ယောက်တည်းနဲ့တော့ ဘယ်လိုမှ မပြည့်စုံနိုင်ပါဘူး။ ပညတ်တော် ဆယ်ပါးရိုက်တဲ့ ဒါရိုက်ကြီး စီစီဒီမီးလား အောက်မှာ ဒါရိုက်တာပေါင်း ကိုးဆယ်ရှိတယ်လို့ ဖတ်ခဲ့ရဖူးတယ်။ ဒီမှာကတော့ ဇာတ်လမ်း လည်း ကျွန်တော်၊ တည်းဖြတ်တာလည်း ကျွန်တော် လုပ်နေရတယ်။ အရှေ့ဂျာမနီ သွားတုန်းက ကျွန်တော် တို့ လုပ်ရတာတွေကို ပြောပြတော့ သူတို့ အံ့သြကြတယ်။ " ခင်ဗျားမှာ ခေါင်းဘယ်နှလုံးရှိလဲ" လို့မေးကြပါ တယ်။ နောက်ဆုံး ပြောရရင်တော့ ကိုဝင်းငြိမ်းရေ ... ရုပ်ရှင်ရိုက်တာကို ကျွန်တော် တော်တော် စိတ်ကုန် သွားပါပြီ။ ဘာဖြစ်လို့လဲဆိုတော့ တစ်အချက် - ကိုယ့်အသက်အရွယ်ကြောင့် အပင်ပန်း မခံနိုင်တော့လို့ပါဘဲ။ မင်းသား၊ မင်းသမီးကသာ တစ်ယောက်ပြီး တစ်ယောက် ပြောင်း သွားမယ်။ ဒါရိုက်တာက တစ်နေကုန် ပြေး လွှားနေရတာပဲ။ ဥပမာအားဖြင့် အမြင့်ကလေးက တက်ပြီး လိုချင် တဲ့ မြင်ကွင်းကို ကျွန်တော် ကိုယ်တိုင်က တက်ပြီး မကြည့်ရရင် ကျေနပ်မှာ မဟုတ်ဘူး။ ဘုရားပေါ် တက်ရမယ်၊ တောင်ပေါ် တက်ရမယ်။ ဒါတွေကို အပင်ပန်းမခံနိုင်တော့ဘူး။
နောက်တစ်ခု ခုနက ပြောသလို Technically လည်း လောဘကြီးလာတယ်။ သူများဆီက မြင်ရလေ ကိုယ်က အားကျပြီး လိုချင်လာလေပဲ။ လိုချင်လာတော့ အရေးဆိုချင်လာတယ်။ ဒါကို ကြိုက်တဲ့လူ ရှိတယ်။ မကြိုက်တဲလူ ရှိတယ်။

နောက်ပြီးတော့ မင်းသမီး၊ မင်းသားတွေကို ကျွန်တော် ကြောက်လာတယ်။ သူတို့က ရက်နှစ်ဆယ်နဲ့ ကားပြီးသွား တာကို ကြိုက်တယ်။ ရက်နှစ်ဆယ်လောက်နဲ့ ငါးသောင်းရတော့ ကြိုက်တာပေါ့။ ဒီတော့ ဒီလိုကားမျိုး တွေပဲ ရိုက်လာကြတယ်။ စောစောပိုင်းကတည်းက သူတို့ အန္တရာယ်ကို ကြိုမြင်လို့ ကျွန်တော် ပြောခဲ့ ပါတယ်။ ယခု ကျွန်တော် မြင်သလိုဖြစ်ကုန်ပြီ။ ကားကောင်း မထွက်နိုင်တော့ဘူး။ မင်းသားက မောင်စိန် ဆိုရင် ကားတိုင်း မောင်စိန် ဖြစ်လာတယ်။ ဒီတော့ အရည်အချင်း မရှိတော့ဘူး။ ကြာတော့ မောင်စိန် ကိုယ်တိုင်လည်း ကားရိုက်ရမှာ ကြောက်လာတာပဲ။ ဒါပေမဲ့ ငွေတွေက လက်ခံ ထားပြီးပြီ ဆိုတော့ ရိုက်ပေးရမှာပဲ။ ရိုက်ရမှာ ကြောက်တော့ လှီးလွှဲနေတာပေါ့။ မအားသေးဘူး၊ အမေ သေလို့၊ ဖွားအေ သေလို့၊ ကျွန်တော့် ကျန်းမာရေး မကောင်းလို့၊ ဘာလို့ ညာလို့၊ အမျိုးမျိုး ပြောရတော့တာပေါ့။ ဒီတော့ ဇာတ် လိုက်မင်းသား၊ မင်းသမီးကို ပိုင်ပိုင်နိုင်နိုင် ရဖို့ မလွယ်ပါဘူး။

ဗမာပရိသတ်ကလည်း နာမည်ကြီး မင်းသား၊ မင်းသမီးကလွဲရင် လက်မခံချင်ဘူး။ ဒါရိုက်တာအနေနဲ့ ကျွန်တော် တို့က အသစ်တင်ရဲပေမယ့် ပရိုဂျူဆာက မတင်ရဲဘူး။ ရုံးမှာ ကြောက်ရတာကိုး။ အရင်တုန်းက အေ၀မ်းတို့၊ ဗြိတိသျှဘားမားတို့၊ ပဲရော့တို့က တစ်ကားရှုံး နောက်တစ်ကား တင်တာပဲ။ လေးကားလောက် ရှုံးလည်း ပဉ္စမမြောက်ကား အောင်မြင်သွားရင် အရင်းကျေတာကိုး။ အခုခေတ် ပရိုဂျူဆာက နှစ်ကား လောက် ရှုံးရင် ရှိသမျှ တိုက်ရော၊ မိန်းမ နားကပ်ပါ ပြုတ်တော့တာပဲ။ ဒီတော့ သူတို့ကိုလည်း အပြစ် မတင်ချင်ပါဘူး။

ကျွန်တော်တို့ဆီမှာကလည်း လူဦးရေ သုံးဆယ့်လေး ငါးသန်းလောက်မှာ အနုပညာထွန်းထွန်းပေါက်ပေါက် ရှိတာ သုံးဆယ့်လေး ငါးယောက် ရှိလို့လား၊ မရှိပါဘူး။ တစ်သန်းမှာ တစ်ယောက် မတော်ပါဘူး။ အဲဒီလို တစ်သန်းမှာ တစ်ယောက်လောက် ဖြစ်လာတဲ့ လူမျိုးက ကိုယ် ရပ်တည်နေတဲ့ နေရာကနေ လျှောကျမသွား အောင် ကြိုးစားဖို့ လိုပါတယ်။ ကျွန်တော်တို့ ရုပ်ရှင်လောကမှာ ကျိန်းသေရိုက်နိုင်တဲ့လူ ပြေးကြည့်ရင် လေးယောက်ထက် မပိုပါဘူး။ ဒါတောင် စူပါက နှစ်ယောက်လောက်ရှိတာ။ နောက်တစ်ယောက်က သိပ်သေချာတာ မဟုတ်ဘူး။ ရွက်ကြမ်းရေကျိုလောက်ပဲလို့ ပရိုဂျူဆာက မြင်ပါတယ်။ ဒီတော့ ပရိုဂျူဆာက မရိုက်ဝံ့တာ မဆန်းပါဘူး။ သူတို့ မရိုက်လို့ ဒါရိုက်တာက ကိုယ့်ဘာသာ ငွေထုတ် ရိုက်ပါလား ဆိုတော့လည်း မရိုက်နိုင်ပါဘူး။ ငွေလေးသိန်းလောက် ထုတ်ရမှာကိုး။ ရှုတင်ထမင်း စရိတ်တင်ကြည့်ပါ။ ဟိုတုန်းက တစ် ယောက်ကို သုံးမတ်၊ တစ်ကျပ်ကနေ အခု ခုနစ်ကျပ်ခွဲ ဖြစ်နေပြီ။

နောက်တစ်ခု ကျွန်တော် ပြောချင်တာက ကျွန်တော်က စာရေးဆရာ ဆိုတော့ စာပေကို မြတ်နိုးတယ်၊ စာမတတ်သူ ပပျောက်ရေးကို လိုလားတယ်။ "အ"သုံးလုံး သင်တန်းအတွက် ကျွန်တော့်ဘာသာ "ဘယ်သူ ပြိုင်လို့ လှပါတော့နိုင်" ကို ရိုက်ခဲ့တယ်။ သုံးသိန်းကုန်တယ်။ ဒါတောင် တင်တင်ညိုတို့၊ ဇော်ဝမ်းတို့ ပိုက်ဆံ မယူဘူး။ တခြားသူတွေလည်း တန်ရာတန်ကြေးထက် လျှော့ယူကြတယ်။ လူခြောက်ဆယ်၊ ခုနစ်ဆယ်နဲ့ ကျောက်ပန်းတောင်း မှာ ရက်နှစ်ဆယ်လောက် သွားရိုက်ခဲ့တယ်။ စရိတ်ကတော့ ကိုဝင်းငြိမ်း စဉ်းစားသာ ကြည့်တော့။

ဆင်ဆာကျပြီးတော့ ရန်ကုန်ရော နယ်ပါ ရုံမတင်ရသေးခင်မှာ ပညာရေးဌာနက "အ"သုံးလုံး လှုပ်ရှားမှု အောင်ပွဲ မှာ ပြဖို့ အလှူခံပါတယ်။ ဗလာပွဲပြမှာနော်။ အကယ်၍ ကျွန်တော်သာ စီးပွားရေးသမားဆိုရင် ဘယ် ပေးမလဲ။ ဒါပေမဲ့ ကျွန်တော်က စာရေးဆရာစိတ်ရှိတဲ့သူဆိုတော့ ပေးလိုက်ပါတယ်။ အဲဒီတော့ ကျွန်တော့် ၀င်ငွေမှာ အကုန်ထိခိုက်ပါတယ်။ ရန်ကုန်မြို့ကလွဲရင် ပိုက်ဆံ မရတော့ဘူး။ နယ် ကန်ထရိုက် တွေ ကပေးပြီးသား စရန်တွေတောင် ပြန်တောင်းကြတယ်။ သူတို့ဆီမှာ ဗလာပွဲ ပြပြီးပြီဆိုတော့ မပြချင်ကြ တော့ ဘူးပေါ့။

ဒီလို စီးပွားရေး ထိခိုက်ခဲ့ပေမယ့် တိုင်းပြည်အကျိုးပြုခဲ့ရတဲ့အတွက် ဒီနေ့ထက်ထိ ကျွန်တော် ၀မ်းသာ နေပါ တယ်။ ရုပ်ရှင်သည် ပြည်သူ့အတွက်လို့ ကြွေးကြော်နေကြတယ်။ ကျွန်တော်တော့ တတ်ထားတဲ့ ပညာနဲ့ ပြည်သူ့အတွက် လက်တွေ့ လုပ်ပြခဲ့ပါပြီ။ စာတတ်မြောက်ရေးအဖွဲ့က ဒီနေ့ထက်ထိ ဒီကား ပြနေဆဲပါ။ ထို့ အတူ ကျွန်တော်ကလည်း စာတတ်မြောက်မှုအတွက် ၀မ်းသာဂုဏ်ယူနေဆဲပါပဲ"
" ကျေးဇူးတင်ပါတယ်ဆရာ။ ခုလို ဆရာ့အဖိုးတန် အချိန်တွေထဲက တကူးတက ဖြေကြားပေးတဲ့အတွက် ရော မိဘမေတ္တာနဲ့ ပတ်သက်တဲ့ ဆရာ့နှလုံးသားက စကားတွေကိုပါ ကြားနာ မှတ်တမ်းတင်ခွင့် ရတဲ့အတွက်ပါ အထူးကျေးဇူးတင်ပါတယ်။ ဒီတွေ့ဆုံခန်းက အတွေ့အကြုံကိုလည်း ကျွန်တော့်တစ်သက် မှာ မေ့လို့ရမှာ မဟုတ်တော့တဲ့အကြောင်း ပြောခဲ့ပါရစေဆရာ"

ပေဖူးလွှာ မဂ္ဂဇင်း၊ အမှတ်-၂၄၊ မေလ၊ ၁၉၈၃ ခုနှစ်။

Credit:shwezinu.blogspot.com