ဝင်းငြိမ်း နှင့် စာရေးဆရာများ အပိုင်း (၂ဝ)
မြန်မာပြည်
မြောက်ပိုင်းသို့တစ်ခေါက်
နတ်နွယ်
နတ်နွယ်
"မြန်မာပြည်မြောက်ပိုင်း"၊ "တံခွန်တိုင်မောင်နှမများ" စတဲ့ ပင်ကိုရေးစာအုပ်တွေ၊ ဘာသာပြန် စာအုပ်ပေါင်း များစွာ နဲ့ စာချစ်သူများ ရင်းနှီးကျွမ်းဝင်ပြီးဖြစ်တဲ့ ဆရာနတ်နွယ်နဲ့ တွေ့ဆုံပေးဖို့ စီစဉ် ထားပါတယ်။
ဆရာ ရေးခဲ့တဲ့ ၀တ္ထုတွေထဲက "မြန်မာပြည်မြောက်ပိုင်း"ကို ဂန္ထ၀င်စာပေရယ်လို့ စာပေညာရှင်အများစုက သတ်မှတ် ကြတာမို့ ဆရာနဲ့ ပထမဆုံး ဆွေးနွေးမိတာက ဂန္ထ၀င် စာပေဆိုတဲ့ သတ်မှတ်ချက်နဲ့ ပတ်သက် လို့ ပါပဲ။
" မြန်မာပြည်မြောက်ပိုင်းကို ဂန္ထ၀င်စာပေရယ်လို့ စာပေပညာရှင်အများစုက
သတ်မှတ်ကြပါတယ်။ ဂန္ထ၀င် ၀တ္ထု ဆိုတာ ဘယ်လို အင်္ဂါရပ်တွေနဲ့ ညီရမယ်လို့ ဆရာ ယူဆပါသလဲ
"
" ဂန္ထ၀င်ဝတ္ထု ဆိုတာ ပါဠိနဲ့ တွဲထားတဲ့ စကားလုံးပဲ။ မြန်မာလို သက်သက် ပြောမယ် ဆိုရင်တော့ သမိုင်းဝင် ၀တ္ထုပေါ့။ စာပေသမိုင်းမှာ စာရင်းဝင်တဲ့ ၀တ္ထုတစ်ပုဒ်၊ ဒါမှမဟုတ် စာပေသမိုင်းမှာ တင်ကျန်ရစ် ခဲ့တဲ့ ၀တ္ထု တစ်ပုဒ်ပဲပေါ့။ ဒါနဲ့ ကိုဝင်းငြိမ်းရေ ... ဒီနေရာမှာ ကျွန်တော်တို့ ဝေါဟာရအကြောင်း နည်းနည်းတော့ ပြော ထားမှနဲ့တူတယ်။ ကျွန်တော်တို့ဟာ ၀တ္ထုတွေကို ခွဲခြားတဲ့နေရာမှာ ကာလအပိုင်းအခြားအရ "ဂန္ထ၀င်"နဲ့ "ခေတ်ပေါ်" လို့ ခွဲခြားလေ့ရှိပါတယ်။
အင်္ဂလိပ်လိုတော့ Classic နဲ့ Modern ပေါ့။ ဂန္ထ၀င် ဆိုတာကတော့ အတိတ်ကာလက ထွက်ခဲ့ပြီး ပျောက်ကွယ် တိမ်မြှုပ်မသွားဘဲ စာပေသမိုင်းမှာ တင်ကျန်ရစ်ခဲ့တဲ့ ၀တ္ထုတွေပဲ ပေါ့။ ခေတ်ပေါ် ဆိုတာကတော့ မျက်မှောက်ခေတ်မှာ ထွက်နေတဲ့ ၀တ္ထုတွေပေါ့။ အရင်တုန်းကတော့ ကာလပေါ် ဆိုတဲ့ စကားလုံး ကိုလည်း သုံးခဲ့ကြတယ်။ မျက်မှောက်ခေတ်မှာ ထွက်ပေါ်လာတဲ့ ခေတ်ပေါ် ၀တ္ထုတွေထဲမှာ တချို့ က မထင်မရှားနဲ့ ပျောက်ကွယ်သွားကြတယ်။ စံချိန်မမီလို့၊ ထူးထူးခြားခြား မရှိလို့၊ ပြည်သူလူထုက လက်မခံ လို့ပဲပေါ့။ တချို့ကတော့လည်း ပေါ်ပင်လိုက်ပြီး ရေးတာမို့ အများကြိုက်ဝတ္ထု ဖြစ် ရတယ်။ Best Sellerပေါ့။
ဒီနေရာမှာ ကျွန်တော် တစ်ခု ကြားဖြတ်ပြီး ပြောရဦးမယ်။ အများကြိုက်ဝတ္ထုတွေကို ကျွန်တော် ဆန့်ကျင် တိုက်ခိုက် နေတာ မဟုတ်ပါဘူး။ မြန်မာစာပေမှာပဲ ဖြစ်ဖြစ်၊ ကမ္ဘာ့စာပေမှာပဲဖြစ်ဖြစ် အများကြိုက် ၀တ္ထု တွေ ဟာဒီလိုပဲ ရှိနေကြမှာပဲ။ ဘာဖြစ်လို့လဲ ဆိုတော့ စာဖတ်ပရိသတ်မှာ အမျိုးမျိုး ရှိကြတယ် မဟုတ်လား။ စာဖတ်ပရိသတ် အများစုဟာ တဖတ်သက် နုကြသေးတယ်။ စာကို အပျော်ပဲ ဖတ်ချင် ကြတယ်။ ဒီတော့ အများကြိုက် စာပေဆိုတာ ရှိနေမှာပဲ။ ဒီကမှတစ်ဆင့် ရင့်ကျက်တဲ့ စာဖတ်သူတွေနဲ့ ရင့်ကျက်တဲ့ စာပေ ပေါ်ထွန်းလာရမှာပဲ။
အဲ ... စောစောက စကားကို ပြန်ဆက်ရအောင်။ ခေတ်ပေါ်ဝတ္ထုတွေမှာ တချို့ဟာ အဆင့်အတန်း မမီလို့ ထင်မရှားနဲ့ ပျောက်ကွယ်သွားရတယ်။ အချို့က အများကြိုက်ဝတ္ထုဖြစ်လာတယ်။ တချို့ကတော့ အဘက် ဘက် က ဒါမှမဟုတ် တစ်ခုခု တစ်နေရာရာမှာ အထူးတလည် ကောင်းမွန်တာကြောင့် စာဖတ်သူတွေ အထူး ဂရုပြုစရာ ဖြစ်လာတယ်။ စာပေဝေဖန်ရေး သမားတွေနဲ့ စာပေပညာရှင်တွေကလည်း ဝေဖန် အကဲဖြတ်လာ ကြတယ်။ အဲဒီအခါမှာ အဲဒီဝတ္ထုဟာ စာပေမှတ်တိုင်တစ်ခု ဖြစ်လာတယ်။ အချိန်ကာလ ကြာလာတဲ့ အခါမှာ စာပေသမိုင်းမှာ စာရင်းဝင်လာတယ်။ အဲဒီအခါ အဲဒီဝတ္ထုကို အသိအမှတ် ပြုကြရတယ်။ ဆိုလိုတဲ့ သဘောကတော့ ထူးခြားကောင်းမွန်တဲ့ ၀တ္ထုတစ်ပုဒ်ဟာ အချိန်ကာလ တစ်ခုကို ဖြတ်ကျော်နိုင် တဲ့ အခါမှာ စာပေသမိုင်းဝင် ဂန္ထ၀င်ဝတ္ထုတစ်ပုဒ် ဖြစ်သွားပါတယ်။ လောလောဆယ် မှာ တော့ သူ့ကို ခေတ်ပေါ်ဂန္ထ၀င် ၀တ္ထုလို့လည်း ခေါ်ကြပါတယ်။ Modern Classic ပေါ့။
ကောင်းပြီ ... ကိုဝင်းငြိမ်း မေးထားတဲ့ မေးခွန်းကို ဖြေကြည့်ရအောင်။ ဂန္ထ၀င်ဝတ္ထုဆိုတာ ဘယ်လို အင်္ဂါရပ် တွေ နဲ့ ညီရမယ် လို့ ဆရာ ယူဆပါသလဲလို့ မေးထားတယ်။
ကျွန်တော် စောစောက ပြောခဲ့တဲ့အထဲမှာ ပါပါတယ်။ ဂန္ထ၀င်ဝတ္ထုဆိုတာဟာ စာပေသမိုင်းမှာ တင်ကျန်ရစ် ခဲ့ လောက်အောင် ကောင်းမွန်တဲ့ ၀တ္ထုမျိုးကို ဆိုလိုပါတယ်။ အဲဒီလောက် ကောင်းမွန်ဖို့ ဆိုတာလည်း အဘက်ဘက် က ကောင်းမွန်မှ ဖြစ်ပါမယ်။ ဒါမှ မဟုတ် တစ်ခုခု တစ်နေရာရာမှာ ထူးခြား ကောင်းမွန် ရပါမယ်။
ထပ်ပြီး ပြောရမယ်ဆိုရင်တော့ ဒီဝတ္ထုဟာ ခိုင်မာတဲ့ ဦးတည်ချက်တစ်ခု ရှိရပါမယ်။ ကျွန်တော်တို့ဟာ ၀တ္ထု တစ်ပုဒ် ကို ဖတ်ပြီး စာရေးဆရာရဲ့ အယူအဆနဲ့ စာရေးဆရာရဲ့ ဆိုလိုရင်းကို ရှာရပါတယ်။ ၀တ္ထုတစ်ပုဒ် ကို ဖတ်ပြီး ဘာမှ နားမလည်ဘူး ဆိုရင် အဲဒီဝတ္ထုဟာ အလကားပါပဲ။ စာရေးဆရာက ဘာ ဆိုလိုချင် မှန်း မသိဘူးလို့ အပြောခံရရင် ဒီဝတ္ထုဘာမှ အဓိပ္ပာယ် မရှိတော့ဘူး။
နောက်တစ်ခုကတော့ ဒီဝတ္ထုဟာ ခေတ်တစ်ခု၊ စနစ်တစ်ခု၊ အယူအဆတစ်ခု ဒါမှမဟုတ် အကြောင်းအရာ တစ်ခုကို ပေါ်လွင်အောင် ဖော်ပြနိုင်ရပါမယ်။ ဒီနေရာမှာ ၀ါးတားတား၊ ဟိုနေရာမှာ ၀ါးတားတား ဆိုရင် အလကား ပါပဲ။
နောက်ပြီးတော့ အဲဒီဝတ္ထုဟာ အခြေပြုထားတဲ့ကာလ၊ ဒေသနဲ့ လုပ်ငန်းတွေဟာလည်း တိကျမှန်ကန်ရပါ မယ်။ ဒါမှ ၀တ္ထုဟာ အသက်ဝင်ပြီး လှုပ်ရှားနေပါလိမ့်မယ်။
ဒီနောက် မှာတော့ ၀တ္ထုရေးသားမှု အတတ်ပညာပိုင်းအရ ဇာတ်ဆောင်စရိုက် ပီပြင်ရမယ်။ ဇာတ်အိမ် တည် ဆောက်မှု ခိုင်ခံ့ရအောင် ရေးသားဖွဲ့ဆိုမှု အားကောင်းရမယ်ပေါ့။
ဒါလောက်ဆိုရင် တော်လောက်ပြီနဲ့ တူတယ် ကိုဝင်းငြိမ်း။ ဒါထက် များသွားရင် စာအုပ်ထဲက သဘော တရား တွေ ဖြစ်ကုန်လိမ့်မယ်။ အမှန်အတိုင်း ပြောရရင်တော့ ကျွန်တော်တို့ စာရေးဆရာတွေဟာ များသော အားဖြင့်တော့ ကိုယ့်ဝတ္ထု ကိုယ် ကောင်းအောင် ကြိုးစားပြီး ရေးကြတာချည်းပါပဲ။ ဒါပေမဲ့ ဘယ်သူမှ ကိုယ့် ၀တ္ထုကို ဂန္ထ၀င်ဝတ္ထုကြီး ဖြစ်အောင် ဘယ်နေရာမှာ ဘယ်လို အင်္ဂါ ရပ်တွေနဲ့ ညီညွှတ် အောင် ဆိုပြီး ဇယားချ မျဉ်းပိတ်ပြီး မရေးကြပါဘူး။ စာပေ အနုပညာမှာ ဒီလို လုပ်လို့လည်း မရပါဘူး။ အရေးအကြီးဆုံး ကတော့ စာရေးဆရာရဲ့ ရိုးသားမှုနဲ့ ကြိုးစားမှုပါပဲ"
" မြန်မာပြည်မြောက်ပိုင်း ကို ရေးဖို့ ဆရာ အချိန်ဘယ်လောက် ကြာအောင် ကြုးစားအားထုတ်ခဲ့ရပါသလဲ"
" ၁၉၅၆-၅၇ လောက် တုန်းက တော်လ်စတွိုင်းရဲ့ "စစ်နှင့် ငြိမ်းချမ်းရေး"ကို ကျွန်တော် ဖတ်ရတယ်။ တက္က သိုလ်ကျော့ရှင်း ဆီက ငှားဖတ်တာပဲ။ ရက်နှစ်ဆယ်တိတိ ဖတ်ရတယ်။ အဲဒီဝတ္ထုကြီးကို ဖတ်ပြီးတဲ့အခါမှာ ငါလည်း ဒီလို ၀တ္ထုကြီးမျိုး တစ်ပုဒ်လောက် ရေးကြည့်ရရင် ကောင်းမှာပဲလို့ စိတ်ကူးမိခဲ့ပါတယ်။ တစ်ခါ နောက်ပိုင်း မှာ "ဇော့တော့ယက်စကီး"ရဲ့ "ကာရာမတော့ ညီအစ်ကိုများ" စတဲ့ ကမ္ဘာ့ ဂန္ထ၀င်ဝတ္ထုကြီး တွေကို ဆက်ဖတ်ရတဲ့အခါမှာ သူတို့လိုပဲ ဇာတ်အိမ်ကြီးကြီး၊ ဇာတ်ကောင်များများနဲ့ အကြောင်းအရာကြီး တစ်ခု ကို ရေးချင်စိတ်တွေ ပိုပြီး ဖြစ်ပေါ်လာမိတယ်။ ဒါပေမဲ့ ဘာအကြောင်း ရေးမယ်လို့တော့ ခေါင်းထဲ မှာ တိတိကျကျ မရှိသေးဘူး။ အားကျမိတာပဲ ရှိတယ်။
ဒီလိုနဲ့ တစ်ခါ ၁၉၆၀ ပြည့်လောက်မှာ "မစ်ခေးရှိုလိုကော့"ရဲ့ "တငြိမ့်ငြိမ့်ဒွန်"ကို ဖတ်ရပြန်တယ်။ ဒီတစ်ခါ မှာတော့ ဘာအကြောင်း ရေးမယ်ဆိုတာ ခေါင်းထဲမှာ တိတိကျကျ ဆုံးဖြတ်မိတော့တယ်။ ဘာဖြစ်လို့လဲဆို တော့ "တငြိမ့်ငြိမ့်ဒွန်"ဟာ ကော့ဆက်လူမျိုး တွေ အကြောင်း ရေးထားတာ ဖြစ်တယ်။ ပထမကမ္ဘာစစ်ရဲ့ အောက်တိုဘာ တော်လှန်ရေး ကို အခြေပြုထားတယ်။ ကော့ဆက်လူမျိုးတွေဟာ သတ္တိရှိတယ်။ တိကျတယ်၊ ပြတ်သားတယ်။
ကြမ်းတမ်းတယ်၊ ရိုးသားတယ်။ သူတို့ရဲ့ စရိုက်တွေကို ဖတ်ရတာ ကြက်သီး တဖိမ့်ဖိမ့် ထရတယ်။ ဒီအခါမှာ ကျွန်တော် ကချင် တွေကို သတိရမိတယ်။
ကျွန်တော်က မြစ်ကြီးနား ဇာတိဖြစ်ပြီး ကချင်ပြည်နယ်မှာ ကြီးပြင်းခဲ့ရတယ်။ ကချင်လူမျိုးတွေရဲ့ စရိုက် ဟာ ရုရှားပြည် ကော့ဆက်တွေလိုပဲ သတ္တိရှိတယ်၊ ပြတ်သားတယ်၊ ကြမ်းတမ်းတယ်၊ ရိုးသားတယ်။ ဒါကြောင့် ကျွန်တော် မြန်မာပြည်မြောက်ပိုင်းကို ရေးမယ်လို့ ဆုံးဖြတ်လိုက်တယ်။ အဲဒီအချိန်မှာပဲ ပုံဂံစာအုပ်တိုက် က မြန်မာဝတ္ထုရှည်ကြီးတွေ ထုတ်ဖို့ အစီအစဉ် ရှိလာတယ်။ ပုဂံ နှစ်လည်စာအုပ်တွေ ထွက်ဖို့ ခွဲတမ်းချကြ တယ်။ ကျွန်တော်လည်း ၁၉၆၆ ခုနှစ် နှစ်လည်အတွက် တာဝန်ယူလိုက်ပြီး ရေးထားဖို့ ပြင်ဆင်ရတယ်။
ကချင်ပြည်နယ်ကို သွားပြီး ကွင်းဆင်းလေ့လာတာ ရှေ့မီ၊ နောက်မီ ပုဂ္ဂိုလ်ကြီးတွေကို တွေ့ဆုံ မေးမြန်းတာ၊ နိုင်ငံရေး၊ စီးပွားရေး၊ ယဉ်ကျေးမှု ဓလေ့ထုံးတမ်းနဲ့ ဆိုင်တဲ့ စာအုပ်တွေ စုဆောင်းရတာ၊ ဖတ်ရတာ၊ မှတ်စုထုတ်ရတာ၊ မြေပုံကြမ်းတွေ ရေးဆွဲရတာ စုစုပေါင်း ပြီးစီးပြင်းထန်ထန် ပြင်ဆင်ရတဲ့ အချိန် နှစ်နှစ်လောက် ရှိပါတယ်။ ဒါက ပထမတွဲအတွက်ပါ။ ဒုတိယတွဲအတွက် တစ်နှစ် ပြင်ဆင်ရပါတယ်"
" မြန်မာပြည်မြောက်ပိုင်းရဲ့ အစမှာ တော်လှန်ရေးကောင်စီလက်ထက် ငြိမ်းချမ်းရေး ဆွေးနွေးပွဲ ပျက်သွားတာ နဲ့ ဇာတ်လမ်းဖွင့်ထားပါတယ်။ ဆရာ အခု ရေးထားတဲ့ အပိုင်းနှစ်အထိက အင်္ဂလိပ် လက်ထက် မှာပဲ ရှိနေသေးတယ်။ ဆက်ရေးဖို့ ရည်ရွယ်ချက်ရှိပါသလား "
" ဆက်ရေးဖို့ ရှိပါတယ်။ ၀တ္ထုတစ်ပုဒ်ကို စမိရင်တော့ ဆုံးအောင် ဆက်ရေးရတော့မှာပေါ့။ အတွဲ ၃ ကို ကြေညာ ထားတာ ကြာပါပြီ။ ဆယ်ဖောင်လောက်လည်း ရေးပြီးနေပါပြီ။ အတွဲ ၁ ကို ၁၉၆၆ မှာ ထုတ်ပြီး အတွဲ ၂ ကို ၁၉၆၇ မှာ ထုတ်ခဲ့ပါတယ်။ အခုဆိုရင် ခါးပြတ်သွားတာ ၁၆ နှစ်တောင် ရှိသွားပြီ။ အတွဲ ၁ ထွက်ပြီး တဲ့ အချိန်တုန်းက ခင်ဗျား ၀တ္ထုကြီး ပြီးအောင် ဘယ်နှနှစ် ကြာမလဲလို့ မိတ်ဆွေတွေက မေးတော့ ကျွန်တော်က နောက်ခဲ့တယ်။ မစ်ခေးရှိုလိုကော့ဟာ "တောရိုင်းမြေ" ပထမတွဲကို ရေးပြီး ၁၅ နှစ်ကြာ မှ ဒုတိယတွဲ ကို ရေးတယ်လို့။ အခု အတွဲ ၂ ထွက်ပြီးတာ ၁၆ နှစ်ဆိုတော့ စံချိန်ကျိုးသွားပြီပေါ့။
အခုတော့ နောက်အတွဲတွေကို ဆက်ထုတ်ဖို့ အစီအစဉ် လုပ်နေပါပြီ။ ဒီလို ၀တ္ထုမျိုးကို ထုတ်ဖို့အတွက် ထုတ်ဝေသူ "လူမိုက်" တစ်ယောက်လည်း လိုအပ်တယ် မဟုတ်လား။ အခုတော့ "လူမိုက်" တစ်ယောက် တွေ့ ထားပါပြီ။ အဆင်သင့်ရင်တော့ နောက်အတွဲတွေနဲ့ ပထမ ထုတ်ပြီး အတွဲနှစ်တွဲကို တစ်ပြိုင်တည်း ထုတ်ဖို့ ရည်စူးထားပါတယ်။ အတွဲ ၁ကနေ ၅ အထိပေါ့။ "မြန်မာပြည်မြောက်ပိုင်း"ကို စ ရေးစဉ် ကတည်းက အကြမ်းဖျင်း ပိုင်းထားတဲ့ အတွဲတွေကတော့ အတွဲ ၁ မှာ ၁၈၈၄ ကနေ ၁၉၀၀ ပြည့်၊ အတွဲ ၂ မှာ ၁၉၀၁ ကနေ ၁၉၁၅၊ အတွဲ ၃ မှာ ၁၉၁၆ ကနေ ၁၉၄၂၊ အတွဲ ၄ မှာ ၁၉၄၂ ကနေ ၁၉၄၈၊ အတွဲ ၅ မှာ ၁၉၄၈ ကနေ ၁၉၆၃ ထိ ရေးဖို့ပါပဲ"
" ကျေးဇူးပါပဲ ဆရာ။ ဒါလောက် များပြားတဲ့ ဇာတ်ဆောင်တွေရဲ့ စရိုက်တွေကို ဆရာ ဘယ်လို ဖန်တီးယူ ပါသလဲ "
" ဒါကတော့ ထုံးစံအတိုင်းပါပဲ။ စာရေးဆရာတစ်ယောက်ဟာ ဇာတ်ဆောင်တစ်ယောက်ကို ဖန်တီးတဲ့ နေရာ မှာ သူ သိဖူး၊ မြင်ဖူး၊ ကြားဖူးတဲ့လူတွေ တစ်ယောက်နှစ်ယောက်၊ လေး ငါးယောက်ကို ပေါင်းပြီး ဖန်တီးကြ တာပါပဲ။ ဆရာတက်တိုးရဲ့ စကားနဲ့ ပြောရရင် "ဇာတ်ပေါင်းစုဇာတ်ဆောင်"ပေါ့
" မြန်မာပြည်မြောက်ပိုင်းမှာ အဓိကဇာတ်ဆောင် တော်တော်များများရဲ့ စရိုက်များ ပြောင်းပြန် ဖြစ်လောက် တဲ့ အထိ ပြောင်းသွားတာ တွေ့ရပါတယ်။ ဥပမာ-မောင်ရွှေဝါ၊ ရွှေနီ နန်းရင်၊ နန်းခင်၊ လဗျဂမ် ဒီဇာတ်ဆောင်တွေရဲ့ စရိုက် ဖန်တီးမှုနဲ့ ပတ်သက်ပြီး ဆရာ့မှာ သီးခြားရည်ရွယ်ချက်များ ရှိပါ သလား"
" သီးခြား ရည်ညွှန်းချက် မရှိပါဘူး။ လူတွေရဲ့ သဘာဝ၊ လူတွေရဲ့ ပြောင်းလဲတတ်မှု၊ ဒါမှမဟုတ် လောက ကြီးရဲ့ ပြောင်းလဲတတ်မှုကို ဖော်ပြတာပါပဲ။ ကိုဝင်းငြိမ်းလည်း တွေ့ဖူး၊ မြင်ဖူးနေမှာပါပဲ။ မနေ့က ဆိုးသွမ်း မိုက်မဲနေတဲ့ လူတစ်ယောက်ဟာ ဒီနေ့ အမြင်မှန်ရပြီး ကောင်းမွန်လိမ္မာသွားတာ။ မနေ့က သူတော်ကောင်း ယောင်ဆောင်နေတဲ့ လူတစ်ယောက်ဟာ ဒီနေ့ အရေခြုံကွာပြီး လူလိမ် လူကောက် တစ်ယောက်ဖြစ်သွားတာ တွေပေါ်မှာ လောကရဲ့ သဘာဝပါပဲ။ လူတွေဟာ သူတို့တွေ့ကြုံဖြတ်သန်းရတဲ့ အတွေ့ အကြုံ တွေပေါ်မှာ မူတည်ပြီး အယူအဆနဲ့ အပြုအမူတွေ ပြောင်းလဲ တတ်ပါတယ်။ ဘယ်သူမှ အကြောင်းမဲ့ ပြောင်းလဲသွားတယ်ရယ်လို့ မရှိပါဘူး။ မြန်မာပြည်မြောက်ပိုင်းက ဇာတ်ကောင် တွေ ဟာလည်း ဒီသဘောအတိုင်းပါပဲ"
" ဆရာ့ဝတ္ထုတွေထဲက တော်တော်စောစောပိုင်းက ရေးခဲ့တဲ့ "အပြာ"ဆိုတဲ့ ၀တ္ထုကို ကျွန်တော် ဖတ်မိပါ တယ်။ ဒီဝတ္ထုမှာ တက္ကသိုလ်ကျောင်းသား မောင်လှမြင့်ဟာ ကျောင်းမှ ရွှေစင်ဦး ရဲ့ အချစ်ကို မရတဲ့ အတွက် ကျောင်းမတက်၊ စာမေးပွဲ မဖြေ၊ တေပေလေလွင့်ပျက်စီးခဲ့ရတယ်။ အချစ်အတွက်နဲ့ ကျောင်းသား တစ်ယောက် ဒါလောက် ပျက်စီးရတာကို ဖွဲ့ဆိုပြရင် စာဖတ်ပရိသတ် လူငယ်တွေအတွက် မထိခိုက်စေနိုင်ဘူးလား ဆရာ"
" အပြာမှာ မောင်လှမြင့် ဟာ ရွှေစင်ဦး အတွက် လေလွင့်ရတာမှန်ပါတယ်။ မောင်လှမြင့်ရဲ့ မိုက်မဲ တွေဝေမှု တွေလည်း အများကြီး ဖော်ပြထားပါတယ်။ ဒါပေမဲ့ "အထိန်း"တွေ ရှိပါတယ်။ စိတ်ထား ဖြူစင် ပြည့်ဝတဲ့ မယဉ်နွယ်၊ အလုပ်သမား ခေါင်းဆောင် ကိုသန်းဟိန်း စသူတွေနဲ့ ထိန်းထားပါတယ်။ နောက်ဆုံး မှာ မောင်လှမြင့်ဟာ သူ့ရဲ့ အမှားတွေကို သိရှိပြီး ပြည်သူတွေဘက်က မားမားမတ်မတ် ရပ်တည် ခဲ့ပါတယ်။ ကျောင်းသား လူငယ်တွေအတွက် ဆင်ခြင်ဖွယ်ရာ ဖြစ်လိမ့်မယ်လို့ ယူဆပါတယ်။ ကိုဝင်းငြိမ်း ဝေဖန်မှု အတွက်လည်း ကျေးဇူးတင်ပါတယ်"
" ဆရာက ဘာသာပြန် တော်တော်များများ ရေးတာဆိုတော့ ဘာသာပြန်ဘက် ဆက်လိုက်ရအောင်။ ဘာသာပြန်ဖို့ စာအုပ် ရွေးရာမှာ ဘယ်လိုမူနဲ့ ရွေးပါသလဲ "
" ပထမဆုံး အချက်ကတော့ ကျွန်တော် ကြိုက်တဲ့စာအုပ် ဖြစ်ဖို့ပါပဲ။ စာအုပ်တစ်အုပ်ကို ကျွန်တော် မကြိုက်ဘဲ နဲ့ ဘယ်တော့မှ မပြန်ဘူး။ ရည်ရွယ်ချက်နဲ့ ဇာတ်လမ်းကို ကြိုက်ရုံတင် မဟုတ်ပါဘူး အရေးအသား ကိုပါ ကြိုက်မှ ပြန်ပါတယ်။ မူရင်းဆရာရဲ့ အရေးအသားကို မကြိုက်ရင် ဘာသာပြန်တဲ့ နေရာမှာ အများကြီး အခက်အခဲတွေ့ရပါတယ်။ နောက်တစ်ချက်ကတော့ ကိုယ် ဘာသာပြန် တဲ့ စာအုပ် ဟာ စာဖတ်သူတွေ ကို အဆိပ်အတောက် မဖြစ်စေဖို့ဘဲပေါ့။ အဆိပ်အတောက် မဖြစ်ဘူးဆိုတာနဲ့ တစ်ပြိုင်နက် အနည်း နဲ့ အများတော့ အကျိုးကျေးဇူး တစ်ခုခုတော့ ရှိရတော့မှာပဲ မဟုတ်လား။ အကျိုး ရှိလေ ပိုကောင်းလေ ဆိုတာတော့ အမှန်ပဲပေါ့ "
" ဆရာ ဘာသာပြန်တဲ့နေရာမှာ မူရင်းစာရေးဆရာရဲ့ အာဘော်ကို တိတိကျကျ ဘာသာပြန်ပါသလား။ ဒါမှ မဟုတ် ဆရာ့အာဘော် ထည့်လေ့ ရှိပါသလား။ ခြုံငုံပြီး ဘာသာပြန်ပါသလား "
" အမှန်အားဖြင့် ဘာသာပြန်တယ်ဆိုတာ ဘာသာပြန်တာပါပဲ ကိုဝင်းငြိမ်း။ ဘာသာစကား တစ်ခုနဲ့ ရေးထား တာကို တခြား ဘာသာစကားတစ်ခုကို ပြောင်းလဲတာပါပဲ။ ဘာသာစကား ဆိုတာကိုက လူတစ်ယောက် ရဲ့ အတွေးကို ဖော်ပြတဲ့ "ခြင်းရပ်" တစ်ခုဖြစ်ပါတယ်။ လူတစ်ယောက်က ပြောချင်တာ တစ်ခု ကို တခြားသူ တစ်ယောက် နားလည်အောင် ဆက်သွယ်ပေးရတဲ့ "ကြားခံပစ္စည်း"တစ်ခု ဖြစ် ပါတယ်။ ဒါကြောင့်မို့ ဘာသာ စကားတစ်ခုကနေ အခြား ဘာသာစကားတစ်ခုကို ကူးပြောင်းတဲ့နေရာမှာ မူလပြောဆိုသူ (မူရင်း စာရေးဆရာ)ရဲ့ ဆိုလိုရင်းကို တိကျ ပေါ်လွင်အောင် ဖော်ထုတ်ပေးဖို့ပဲ ဖြစ်ပါတယ်။
အဲဒီတော့ ဘာသာပြန်သူရဲ့ အာဘော်ပါအောင် ထည့်ပြီး ပြန်ဆိုဖို့ ဆိုတာလည်း ပေါ်စရာအကြောင်း မရှိတော့ ပါဘူး။ ခြုံငုံပြီး ဘာသာပြန်တယ်ဆိုတာလည်း ကျွန်တော် သိပ်နားမလည်ပါဘူး။ မူရင်းကို ခြုံငုံပြီး ပြန်ရေး တယ် ဆိုရင် ဘာသာပြန် မဟုတ်တော့ပါဘူး။
တိတိကျကျ ပြန်တယ်ဆိုတဲ့ စကားကလည်း မလိုအပ်ပါဘူး။ ဘာဖြစ်လို့လဲ ဆိုတော့ ကျွန်တော်တို့ ဘာသာ ပြန်တာ မူရင်းရေးသူရဲ့ ဆိုလိုချက်ကို ဘာသာပြန်တာပဲ။ ၀ါကျတွေ၊ ဒါဝတွေ၊ စကားလုံးတွေကို မူရင်း အတိုင်း မြန်မာအဓိပ္ပာယ်နဲ့ လှယ်ပြီး ဖော်ပြနေတာ မဟုတ်ပါဘူး။ ဘာသာစကား တစ်ခုနဲ့ တစ်ခု ဟာ ၀ါကျဖွဲ့ဟန်ချင်း ... နာမ်၊ နာမ်စား သုံးပုံချင်း မတူကြပါဘူး။
တစ်ခုတော့ ရှိတယ်ပေါ့။ ကျွန်တော်တို့ဟာ ဘာသာပြန်တဲ့နေရာမှာ ကိုယ့်အာဘော်ကို ထည့်မပြန်ပေမယ့် မူရင်း ပါတဲ့ အချို့အပိုဒ်တွေ၊ စာလုံးတွေဟာ မြန်မာ့ယဉ်ကျေးမှု၊ မြန်မာ့အဖွဲ့အစည်းတွေနဲ့ မကိုက်ညီ တာတွေ ပါခဲ့ရင်တော့ မလွှဲသာ မရှောင်သာ ချန်ထားခဲ့ရတာတွေ ရှိတာပေါ့။
ဒါက လွဲရင်တော့ ဘာသာပြန်တဲ့နေရာမှာ မူရင်းစာရေးဆရာရဲ့ အာဘော်နဲ့ ဆိုလိုရင်းကို တိကျ မှန်ကန်အောင် ပြန်ဆိုဖို့ လိုပါတယ်"
" ဒီနေ့ မြန်မာစာပေလောကမှာ ဘာသာပြန်စာအုပ်တွေ တော်တော်နေရာရ နေပါတယ်။ ပင်ကိုရေး တွေထက် အရောင်းသွက်နေတာကို ဆရာ ဘယ်လို မြင်ပါသလဲ"
" ဘာသာပြန်စာအုပ်တွေ ခေတ်ကောင်းနေတယ် ဆိုတာတော့ ကောင်းပါတယ်။ လိုအပ်ချက် တစ်ခုပဲ။ ဒါပေမဲ့ ပင်ကိုရေးတွေထက် အရောင်းသွက်နေတယ် ဆိုရင်တော့ မကောင်းဘူးပေါ့။ ဒါပေမဲ့ ဒီကိစ္စကို ကျွန်တော် တစ်ယောက်တည်း ပြောတာထက် ဘာသာပြန်စာအုပ်တွေက ဘယ်လို အမျိုးအစားတွေဖြစ်ပြီး ပင်ကိုရေး စာအုပ်တွေက ဘယ်လို အမျိုးအစားတွေဖြစ်တယ်၊ ဘယ်အမျိုးအစားတွေ ဘာကြောင့် အရောင်း သွက်ရတယ်ဆိုတာကို အားလုံးဝိုင်းပြီး သုံးသပ်ပြီးမှ အဖြေမှန်ထွက်လာလိမ့်မယ်လို့ ကျွန်တော် ထင်ပါတယ်"
" ၀တ္ထုဆိုတာ ၀ါဒဖြန့်ချိရေးပဲ။ စာရေးဆရာတစ်ယောက်ဟာ သူ့ရဲ့ အယူဝါဒ၊ သူ့ရဲ့ အတွေး၊ အမြင်၊ သူ့ရဲ့ အတွေ့အကြုံ ကို ၀ါဒဖြန့်နေတာပဲ"
" စာပေဝေဖန်ရေးကို ဆရာ ဘယ်လို မြင်ပါသလဲ "
" စာပေဝေဖန်ရေး ဆိုတာ မရှိမဖြစ် လိုအပ်ချက် တစ်ခုပဲ။ စာပေဝေဖန်ရေးဟာ စာပေလောကရဲ့ လမ်းပြမီး အိမ်ပဲ။ ဘယ်အချိန်မှာပဲ ဖြစ်ဖြစ် စာပေဝေဖန်ရေးကို ကျွန်တော်တို့ လက်ကမ်းကြိုဆိုရမှာပါပဲ။ ဒါပေမဲ့ တစ်ခု တော့ ရှိတယ်ပေါ့ ကိုဝင်းငြိမ်း။ ဓမ္မဓိဋ္ဌာန်ကျတဲ့ ဝေဖန်ရေးမျိုးတော့ လိုအပ်တယ်ပေါ့။ အပြုသဘော ပါရမယ်။ စေတနာသန့်ရမယ်ပေါ့။ ဝေဖန်ရေးဆရာရဲ့ အရည်အချင်းကလည်း ပြည့်ဝဖို့ လိုတယ်ပေါ့။ သေသေချာချာ ဆန်းစစ်ပြီးမှ ဝေဖန်တာမျိုးလည်း ဖြစ်ရမယ်ပေါ့။ ဝေဖန်ရေးနဲ့ ပတ်သက်လို့ ကျွန်တော် ဒါလောက်ပဲ ပြောချင်ပါတယ်။ ဘာဖြစ်လို့လဲဆိုတော့ ဝေဖန်ရေးသမားတွေ လက်တုံ့သွားမှာကို ကျွန်တော် မလိုလားပါဘူး။ စာရေးသူနဲ့ ဝေဖန်ရေးသမားကြားမှာ အဆုံးအဖြတ် ပေးမယ့် စာဖတ် ပရိသတ်ကြီး ရှိနေပါ တယ်"
" ဆရာ စာပေလောကထဲ ၀င်ရောက်လာခဲ့ပုံကို သိပါရစေ "
" အထက်တန်းကျောင်းမှာကတည်းက ကျောင်းစာစောင်တွေမှာ ၀တ္ထု၊ ကဗျာ၊ ဆောင်းပါးတွေ ရေးခဲ့ပါတယ်။ ပထမဆုံး ပုံနှိပ်စာမူကတော့ (၂၈-၆-၅၀)ထုတ် ဟံသာဝတီ သတင်းစာမှာ ပါတဲ့ "ကျောင်းသူမ" ကဗျာပါပဲ။ ပထမဆုံး ပုံနှိပ်လုံးချင်းကတော့ ၁၉၅၄ ခုနှစ်မှာ ထုတ်တဲ့ "မိုးထဲ လေထဲ" ၀တ္ထု ပဲ။ ကျွန်တော် စာပေလောကထဲ ရောက်လာပုံကို "မိမိနဲ့ မင်းကျော်၊ "မိမိနဲ့ ဒဂုန်တာရာ"၊ "မိမိနဲ့ မိုးမိုး (အင်းလျား) " စတဲ့ ဆောင်းပါးတွေမှာ ရေးသွားဖို့ ရှိပါတယ်။ လောလောဆယ်မှာတော့ "မိမိနဲ့ မင်းကျော်" ကို မိုးဝေ မှာ ရေးနေပါတယ်။
" ကျေးဇူးတင်ပါတယ် ဆရာ၊ ဆရာ့မှာ မဂ္ဂဇင်းတာဝန်က တစ်ဖက်၊ ဘာသာပြန်လုံးချင်း တစ်ဖက်နဲ့ အချိန် လုနေရတဲ့ကြားက တကူးတက အချိန်ပေး ဖြေဆိုပေးတဲ့အတွက် ပေဖူးလွှာရဲ့ စာတည်းအဖွဲ့ ကိုယ်စား မှတ်တမ်းတင်ခဲ့ပါရစေ"
ပေဖူးလွှာ မဂ္ဂဇင်း၊ အမှတ်-၂၈၊ စက်တင်ဘာလ၊ ၁၉၈၃ ခုနှစ်။
" ဂန္ထ၀င်ဝတ္ထု ဆိုတာ ပါဠိနဲ့ တွဲထားတဲ့ စကားလုံးပဲ။ မြန်မာလို သက်သက် ပြောမယ် ဆိုရင်တော့ သမိုင်းဝင် ၀တ္ထုပေါ့။ စာပေသမိုင်းမှာ စာရင်းဝင်တဲ့ ၀တ္ထုတစ်ပုဒ်၊ ဒါမှမဟုတ် စာပေသမိုင်းမှာ တင်ကျန်ရစ် ခဲ့တဲ့ ၀တ္ထု တစ်ပုဒ်ပဲပေါ့။ ဒါနဲ့ ကိုဝင်းငြိမ်းရေ ... ဒီနေရာမှာ ကျွန်တော်တို့ ဝေါဟာရအကြောင်း နည်းနည်းတော့ ပြော ထားမှနဲ့တူတယ်။ ကျွန်တော်တို့ဟာ ၀တ္ထုတွေကို ခွဲခြားတဲ့နေရာမှာ ကာလအပိုင်းအခြားအရ "ဂန္ထ၀င်"နဲ့ "ခေတ်ပေါ်" လို့ ခွဲခြားလေ့ရှိပါတယ်။
အင်္ဂလိပ်လိုတော့ Classic နဲ့ Modern ပေါ့။ ဂန္ထ၀င် ဆိုတာကတော့ အတိတ်ကာလက ထွက်ခဲ့ပြီး ပျောက်ကွယ် တိမ်မြှုပ်မသွားဘဲ စာပေသမိုင်းမှာ တင်ကျန်ရစ်ခဲ့တဲ့ ၀တ္ထုတွေပဲ ပေါ့။ ခေတ်ပေါ် ဆိုတာကတော့ မျက်မှောက်ခေတ်မှာ ထွက်နေတဲ့ ၀တ္ထုတွေပေါ့။ အရင်တုန်းကတော့ ကာလပေါ် ဆိုတဲ့ စကားလုံး ကိုလည်း သုံးခဲ့ကြတယ်။ မျက်မှောက်ခေတ်မှာ ထွက်ပေါ်လာတဲ့ ခေတ်ပေါ် ၀တ္ထုတွေထဲမှာ တချို့ က မထင်မရှားနဲ့ ပျောက်ကွယ်သွားကြတယ်။ စံချိန်မမီလို့၊ ထူးထူးခြားခြား မရှိလို့၊ ပြည်သူလူထုက လက်မခံ လို့ပဲပေါ့။ တချို့ကတော့လည်း ပေါ်ပင်လိုက်ပြီး ရေးတာမို့ အများကြိုက်ဝတ္ထု ဖြစ် ရတယ်။ Best Sellerပေါ့။
ဒီနေရာမှာ ကျွန်တော် တစ်ခု ကြားဖြတ်ပြီး ပြောရဦးမယ်။ အများကြိုက်ဝတ္ထုတွေကို ကျွန်တော် ဆန့်ကျင် တိုက်ခိုက် နေတာ မဟုတ်ပါဘူး။ မြန်မာစာပေမှာပဲ ဖြစ်ဖြစ်၊ ကမ္ဘာ့စာပေမှာပဲဖြစ်ဖြစ် အများကြိုက် ၀တ္ထု တွေ ဟာဒီလိုပဲ ရှိနေကြမှာပဲ။ ဘာဖြစ်လို့လဲ ဆိုတော့ စာဖတ်ပရိသတ်မှာ အမျိုးမျိုး ရှိကြတယ် မဟုတ်လား။ စာဖတ်ပရိသတ် အများစုဟာ တဖတ်သက် နုကြသေးတယ်။ စာကို အပျော်ပဲ ဖတ်ချင် ကြတယ်။ ဒီတော့ အများကြိုက် စာပေဆိုတာ ရှိနေမှာပဲ။ ဒီကမှတစ်ဆင့် ရင့်ကျက်တဲ့ စာဖတ်သူတွေနဲ့ ရင့်ကျက်တဲ့ စာပေ ပေါ်ထွန်းလာရမှာပဲ။
အဲ ... စောစောက စကားကို ပြန်ဆက်ရအောင်။ ခေတ်ပေါ်ဝတ္ထုတွေမှာ တချို့ဟာ အဆင့်အတန်း မမီလို့ ထင်မရှားနဲ့ ပျောက်ကွယ်သွားရတယ်။ အချို့က အများကြိုက်ဝတ္ထုဖြစ်လာတယ်။ တချို့ကတော့ အဘက် ဘက် က ဒါမှမဟုတ် တစ်ခုခု တစ်နေရာရာမှာ အထူးတလည် ကောင်းမွန်တာကြောင့် စာဖတ်သူတွေ အထူး ဂရုပြုစရာ ဖြစ်လာတယ်။ စာပေဝေဖန်ရေး သမားတွေနဲ့ စာပေပညာရှင်တွေကလည်း ဝေဖန် အကဲဖြတ်လာ ကြတယ်။ အဲဒီအခါမှာ အဲဒီဝတ္ထုဟာ စာပေမှတ်တိုင်တစ်ခု ဖြစ်လာတယ်။ အချိန်ကာလ ကြာလာတဲ့ အခါမှာ စာပေသမိုင်းမှာ စာရင်းဝင်လာတယ်။ အဲဒီအခါ အဲဒီဝတ္ထုကို အသိအမှတ် ပြုကြရတယ်။ ဆိုလိုတဲ့ သဘောကတော့ ထူးခြားကောင်းမွန်တဲ့ ၀တ္ထုတစ်ပုဒ်ဟာ အချိန်ကာလ တစ်ခုကို ဖြတ်ကျော်နိုင် တဲ့ အခါမှာ စာပေသမိုင်းဝင် ဂန္ထ၀င်ဝတ္ထုတစ်ပုဒ် ဖြစ်သွားပါတယ်။ လောလောဆယ် မှာ တော့ သူ့ကို ခေတ်ပေါ်ဂန္ထ၀င် ၀တ္ထုလို့လည်း ခေါ်ကြပါတယ်။ Modern Classic ပေါ့။
ကောင်းပြီ ... ကိုဝင်းငြိမ်း မေးထားတဲ့ မေးခွန်းကို ဖြေကြည့်ရအောင်။ ဂန္ထ၀င်ဝတ္ထုဆိုတာ ဘယ်လို အင်္ဂါရပ် တွေ နဲ့ ညီရမယ် လို့ ဆရာ ယူဆပါသလဲလို့ မေးထားတယ်။
ကျွန်တော် စောစောက ပြောခဲ့တဲ့အထဲမှာ ပါပါတယ်။ ဂန္ထ၀င်ဝတ္ထုဆိုတာဟာ စာပေသမိုင်းမှာ တင်ကျန်ရစ် ခဲ့ လောက်အောင် ကောင်းမွန်တဲ့ ၀တ္ထုမျိုးကို ဆိုလိုပါတယ်။ အဲဒီလောက် ကောင်းမွန်ဖို့ ဆိုတာလည်း အဘက်ဘက် က ကောင်းမွန်မှ ဖြစ်ပါမယ်။ ဒါမှ မဟုတ် တစ်ခုခု တစ်နေရာရာမှာ ထူးခြား ကောင်းမွန် ရပါမယ်။
ထပ်ပြီး ပြောရမယ်ဆိုရင်တော့ ဒီဝတ္ထုဟာ ခိုင်မာတဲ့ ဦးတည်ချက်တစ်ခု ရှိရပါမယ်။ ကျွန်တော်တို့ဟာ ၀တ္ထု တစ်ပုဒ် ကို ဖတ်ပြီး စာရေးဆရာရဲ့ အယူအဆနဲ့ စာရေးဆရာရဲ့ ဆိုလိုရင်းကို ရှာရပါတယ်။ ၀တ္ထုတစ်ပုဒ် ကို ဖတ်ပြီး ဘာမှ နားမလည်ဘူး ဆိုရင် အဲဒီဝတ္ထုဟာ အလကားပါပဲ။ စာရေးဆရာက ဘာ ဆိုလိုချင် မှန်း မသိဘူးလို့ အပြောခံရရင် ဒီဝတ္ထုဘာမှ အဓိပ္ပာယ် မရှိတော့ဘူး။
နောက်တစ်ခုကတော့ ဒီဝတ္ထုဟာ ခေတ်တစ်ခု၊ စနစ်တစ်ခု၊ အယူအဆတစ်ခု ဒါမှမဟုတ် အကြောင်းအရာ တစ်ခုကို ပေါ်လွင်အောင် ဖော်ပြနိုင်ရပါမယ်။ ဒီနေရာမှာ ၀ါးတားတား၊ ဟိုနေရာမှာ ၀ါးတားတား ဆိုရင် အလကား ပါပဲ။
နောက်ပြီးတော့ အဲဒီဝတ္ထုဟာ အခြေပြုထားတဲ့ကာလ၊ ဒေသနဲ့ လုပ်ငန်းတွေဟာလည်း တိကျမှန်ကန်ရပါ မယ်။ ဒါမှ ၀တ္ထုဟာ အသက်ဝင်ပြီး လှုပ်ရှားနေပါလိမ့်မယ်။
ဒီနောက် မှာတော့ ၀တ္ထုရေးသားမှု အတတ်ပညာပိုင်းအရ ဇာတ်ဆောင်စရိုက် ပီပြင်ရမယ်။ ဇာတ်အိမ် တည် ဆောက်မှု ခိုင်ခံ့ရအောင် ရေးသားဖွဲ့ဆိုမှု အားကောင်းရမယ်ပေါ့။
ဒါလောက်ဆိုရင် တော်လောက်ပြီနဲ့ တူတယ် ကိုဝင်းငြိမ်း။ ဒါထက် များသွားရင် စာအုပ်ထဲက သဘော တရား တွေ ဖြစ်ကုန်လိမ့်မယ်။ အမှန်အတိုင်း ပြောရရင်တော့ ကျွန်တော်တို့ စာရေးဆရာတွေဟာ များသော အားဖြင့်တော့ ကိုယ့်ဝတ္ထု ကိုယ် ကောင်းအောင် ကြိုးစားပြီး ရေးကြတာချည်းပါပဲ။ ဒါပေမဲ့ ဘယ်သူမှ ကိုယ့် ၀တ္ထုကို ဂန္ထ၀င်ဝတ္ထုကြီး ဖြစ်အောင် ဘယ်နေရာမှာ ဘယ်လို အင်္ဂါ ရပ်တွေနဲ့ ညီညွှတ် အောင် ဆိုပြီး ဇယားချ မျဉ်းပိတ်ပြီး မရေးကြပါဘူး။ စာပေ အနုပညာမှာ ဒီလို လုပ်လို့လည်း မရပါဘူး။ အရေးအကြီးဆုံး ကတော့ စာရေးဆရာရဲ့ ရိုးသားမှုနဲ့ ကြိုးစားမှုပါပဲ"
" မြန်မာပြည်မြောက်ပိုင်း ကို ရေးဖို့ ဆရာ အချိန်ဘယ်လောက် ကြာအောင် ကြုးစားအားထုတ်ခဲ့ရပါသလဲ"
" ၁၉၅၆-၅၇ လောက် တုန်းက တော်လ်စတွိုင်းရဲ့ "စစ်နှင့် ငြိမ်းချမ်းရေး"ကို ကျွန်တော် ဖတ်ရတယ်။ တက္က သိုလ်ကျော့ရှင်း ဆီက ငှားဖတ်တာပဲ။ ရက်နှစ်ဆယ်တိတိ ဖတ်ရတယ်။ အဲဒီဝတ္ထုကြီးကို ဖတ်ပြီးတဲ့အခါမှာ ငါလည်း ဒီလို ၀တ္ထုကြီးမျိုး တစ်ပုဒ်လောက် ရေးကြည့်ရရင် ကောင်းမှာပဲလို့ စိတ်ကူးမိခဲ့ပါတယ်။ တစ်ခါ နောက်ပိုင်း မှာ "ဇော့တော့ယက်စကီး"ရဲ့ "ကာရာမတော့ ညီအစ်ကိုများ" စတဲ့ ကမ္ဘာ့ ဂန္ထ၀င်ဝတ္ထုကြီး တွေကို ဆက်ဖတ်ရတဲ့အခါမှာ သူတို့လိုပဲ ဇာတ်အိမ်ကြီးကြီး၊ ဇာတ်ကောင်များများနဲ့ အကြောင်းအရာကြီး တစ်ခု ကို ရေးချင်စိတ်တွေ ပိုပြီး ဖြစ်ပေါ်လာမိတယ်။ ဒါပေမဲ့ ဘာအကြောင်း ရေးမယ်လို့တော့ ခေါင်းထဲ မှာ တိတိကျကျ မရှိသေးဘူး။ အားကျမိတာပဲ ရှိတယ်။
ဒီလိုနဲ့ တစ်ခါ ၁၉၆၀ ပြည့်လောက်မှာ "မစ်ခေးရှိုလိုကော့"ရဲ့ "တငြိမ့်ငြိမ့်ဒွန်"ကို ဖတ်ရပြန်တယ်။ ဒီတစ်ခါ မှာတော့ ဘာအကြောင်း ရေးမယ်ဆိုတာ ခေါင်းထဲမှာ တိတိကျကျ ဆုံးဖြတ်မိတော့တယ်။ ဘာဖြစ်လို့လဲဆို တော့ "တငြိမ့်ငြိမ့်ဒွန်"ဟာ ကော့ဆက်လူမျိုး တွေ အကြောင်း ရေးထားတာ ဖြစ်တယ်။ ပထမကမ္ဘာစစ်ရဲ့ အောက်တိုဘာ တော်လှန်ရေး ကို အခြေပြုထားတယ်။ ကော့ဆက်လူမျိုးတွေဟာ သတ္တိရှိတယ်။ တိကျတယ်၊ ပြတ်သားတယ်။
ကြမ်းတမ်းတယ်၊ ရိုးသားတယ်။ သူတို့ရဲ့ စရိုက်တွေကို ဖတ်ရတာ ကြက်သီး တဖိမ့်ဖိမ့် ထရတယ်။ ဒီအခါမှာ ကျွန်တော် ကချင် တွေကို သတိရမိတယ်။
ကျွန်တော်က မြစ်ကြီးနား ဇာတိဖြစ်ပြီး ကချင်ပြည်နယ်မှာ ကြီးပြင်းခဲ့ရတယ်။ ကချင်လူမျိုးတွေရဲ့ စရိုက် ဟာ ရုရှားပြည် ကော့ဆက်တွေလိုပဲ သတ္တိရှိတယ်၊ ပြတ်သားတယ်၊ ကြမ်းတမ်းတယ်၊ ရိုးသားတယ်။ ဒါကြောင့် ကျွန်တော် မြန်မာပြည်မြောက်ပိုင်းကို ရေးမယ်လို့ ဆုံးဖြတ်လိုက်တယ်။ အဲဒီအချိန်မှာပဲ ပုံဂံစာအုပ်တိုက် က မြန်မာဝတ္ထုရှည်ကြီးတွေ ထုတ်ဖို့ အစီအစဉ် ရှိလာတယ်။ ပုဂံ နှစ်လည်စာအုပ်တွေ ထွက်ဖို့ ခွဲတမ်းချကြ တယ်။ ကျွန်တော်လည်း ၁၉၆၆ ခုနှစ် နှစ်လည်အတွက် တာဝန်ယူလိုက်ပြီး ရေးထားဖို့ ပြင်ဆင်ရတယ်။
ကချင်ပြည်နယ်ကို သွားပြီး ကွင်းဆင်းလေ့လာတာ ရှေ့မီ၊ နောက်မီ ပုဂ္ဂိုလ်ကြီးတွေကို တွေ့ဆုံ မေးမြန်းတာ၊ နိုင်ငံရေး၊ စီးပွားရေး၊ ယဉ်ကျေးမှု ဓလေ့ထုံးတမ်းနဲ့ ဆိုင်တဲ့ စာအုပ်တွေ စုဆောင်းရတာ၊ ဖတ်ရတာ၊ မှတ်စုထုတ်ရတာ၊ မြေပုံကြမ်းတွေ ရေးဆွဲရတာ စုစုပေါင်း ပြီးစီးပြင်းထန်ထန် ပြင်ဆင်ရတဲ့ အချိန် နှစ်နှစ်လောက် ရှိပါတယ်။ ဒါက ပထမတွဲအတွက်ပါ။ ဒုတိယတွဲအတွက် တစ်နှစ် ပြင်ဆင်ရပါတယ်"
" မြန်မာပြည်မြောက်ပိုင်းရဲ့ အစမှာ တော်လှန်ရေးကောင်စီလက်ထက် ငြိမ်းချမ်းရေး ဆွေးနွေးပွဲ ပျက်သွားတာ နဲ့ ဇာတ်လမ်းဖွင့်ထားပါတယ်။ ဆရာ အခု ရေးထားတဲ့ အပိုင်းနှစ်အထိက အင်္ဂလိပ် လက်ထက် မှာပဲ ရှိနေသေးတယ်။ ဆက်ရေးဖို့ ရည်ရွယ်ချက်ရှိပါသလား "
" ဆက်ရေးဖို့ ရှိပါတယ်။ ၀တ္ထုတစ်ပုဒ်ကို စမိရင်တော့ ဆုံးအောင် ဆက်ရေးရတော့မှာပေါ့။ အတွဲ ၃ ကို ကြေညာ ထားတာ ကြာပါပြီ။ ဆယ်ဖောင်လောက်လည်း ရေးပြီးနေပါပြီ။ အတွဲ ၁ ကို ၁၉၆၆ မှာ ထုတ်ပြီး အတွဲ ၂ ကို ၁၉၆၇ မှာ ထုတ်ခဲ့ပါတယ်။ အခုဆိုရင် ခါးပြတ်သွားတာ ၁၆ နှစ်တောင် ရှိသွားပြီ။ အတွဲ ၁ ထွက်ပြီး တဲ့ အချိန်တုန်းက ခင်ဗျား ၀တ္ထုကြီး ပြီးအောင် ဘယ်နှနှစ် ကြာမလဲလို့ မိတ်ဆွေတွေက မေးတော့ ကျွန်တော်က နောက်ခဲ့တယ်။ မစ်ခေးရှိုလိုကော့ဟာ "တောရိုင်းမြေ" ပထမတွဲကို ရေးပြီး ၁၅ နှစ်ကြာ မှ ဒုတိယတွဲ ကို ရေးတယ်လို့။ အခု အတွဲ ၂ ထွက်ပြီးတာ ၁၆ နှစ်ဆိုတော့ စံချိန်ကျိုးသွားပြီပေါ့။
အခုတော့ နောက်အတွဲတွေကို ဆက်ထုတ်ဖို့ အစီအစဉ် လုပ်နေပါပြီ။ ဒီလို ၀တ္ထုမျိုးကို ထုတ်ဖို့အတွက် ထုတ်ဝေသူ "လူမိုက်" တစ်ယောက်လည်း လိုအပ်တယ် မဟုတ်လား။ အခုတော့ "လူမိုက်" တစ်ယောက် တွေ့ ထားပါပြီ။ အဆင်သင့်ရင်တော့ နောက်အတွဲတွေနဲ့ ပထမ ထုတ်ပြီး အတွဲနှစ်တွဲကို တစ်ပြိုင်တည်း ထုတ်ဖို့ ရည်စူးထားပါတယ်။ အတွဲ ၁ကနေ ၅ အထိပေါ့။ "မြန်မာပြည်မြောက်ပိုင်း"ကို စ ရေးစဉ် ကတည်းက အကြမ်းဖျင်း ပိုင်းထားတဲ့ အတွဲတွေကတော့ အတွဲ ၁ မှာ ၁၈၈၄ ကနေ ၁၉၀၀ ပြည့်၊ အတွဲ ၂ မှာ ၁၉၀၁ ကနေ ၁၉၁၅၊ အတွဲ ၃ မှာ ၁၉၁၆ ကနေ ၁၉၄၂၊ အတွဲ ၄ မှာ ၁၉၄၂ ကနေ ၁၉၄၈၊ အတွဲ ၅ မှာ ၁၉၄၈ ကနေ ၁၉၆၃ ထိ ရေးဖို့ပါပဲ"
" ကျေးဇူးပါပဲ ဆရာ။ ဒါလောက် များပြားတဲ့ ဇာတ်ဆောင်တွေရဲ့ စရိုက်တွေကို ဆရာ ဘယ်လို ဖန်တီးယူ ပါသလဲ "
" ဒါကတော့ ထုံးစံအတိုင်းပါပဲ။ စာရေးဆရာတစ်ယောက်ဟာ ဇာတ်ဆောင်တစ်ယောက်ကို ဖန်တီးတဲ့ နေရာ မှာ သူ သိဖူး၊ မြင်ဖူး၊ ကြားဖူးတဲ့လူတွေ တစ်ယောက်နှစ်ယောက်၊ လေး ငါးယောက်ကို ပေါင်းပြီး ဖန်တီးကြ တာပါပဲ။ ဆရာတက်တိုးရဲ့ စကားနဲ့ ပြောရရင် "ဇာတ်ပေါင်းစုဇာတ်ဆောင်"ပေါ့
" မြန်မာပြည်မြောက်ပိုင်းမှာ အဓိကဇာတ်ဆောင် တော်တော်များများရဲ့ စရိုက်များ ပြောင်းပြန် ဖြစ်လောက် တဲ့ အထိ ပြောင်းသွားတာ တွေ့ရပါတယ်။ ဥပမာ-မောင်ရွှေဝါ၊ ရွှေနီ နန်းရင်၊ နန်းခင်၊ လဗျဂမ် ဒီဇာတ်ဆောင်တွေရဲ့ စရိုက် ဖန်တီးမှုနဲ့ ပတ်သက်ပြီး ဆရာ့မှာ သီးခြားရည်ရွယ်ချက်များ ရှိပါ သလား"
" သီးခြား ရည်ညွှန်းချက် မရှိပါဘူး။ လူတွေရဲ့ သဘာဝ၊ လူတွေရဲ့ ပြောင်းလဲတတ်မှု၊ ဒါမှမဟုတ် လောက ကြီးရဲ့ ပြောင်းလဲတတ်မှုကို ဖော်ပြတာပါပဲ။ ကိုဝင်းငြိမ်းလည်း တွေ့ဖူး၊ မြင်ဖူးနေမှာပါပဲ။ မနေ့က ဆိုးသွမ်း မိုက်မဲနေတဲ့ လူတစ်ယောက်ဟာ ဒီနေ့ အမြင်မှန်ရပြီး ကောင်းမွန်လိမ္မာသွားတာ။ မနေ့က သူတော်ကောင်း ယောင်ဆောင်နေတဲ့ လူတစ်ယောက်ဟာ ဒီနေ့ အရေခြုံကွာပြီး လူလိမ် လူကောက် တစ်ယောက်ဖြစ်သွားတာ တွေပေါ်မှာ လောကရဲ့ သဘာဝပါပဲ။ လူတွေဟာ သူတို့တွေ့ကြုံဖြတ်သန်းရတဲ့ အတွေ့ အကြုံ တွေပေါ်မှာ မူတည်ပြီး အယူအဆနဲ့ အပြုအမူတွေ ပြောင်းလဲ တတ်ပါတယ်။ ဘယ်သူမှ အကြောင်းမဲ့ ပြောင်းလဲသွားတယ်ရယ်လို့ မရှိပါဘူး။ မြန်မာပြည်မြောက်ပိုင်းက ဇာတ်ကောင် တွေ ဟာလည်း ဒီသဘောအတိုင်းပါပဲ"
" ဆရာ့ဝတ္ထုတွေထဲက တော်တော်စောစောပိုင်းက ရေးခဲ့တဲ့ "အပြာ"ဆိုတဲ့ ၀တ္ထုကို ကျွန်တော် ဖတ်မိပါ တယ်။ ဒီဝတ္ထုမှာ တက္ကသိုလ်ကျောင်းသား မောင်လှမြင့်ဟာ ကျောင်းမှ ရွှေစင်ဦး ရဲ့ အချစ်ကို မရတဲ့ အတွက် ကျောင်းမတက်၊ စာမေးပွဲ မဖြေ၊ တေပေလေလွင့်ပျက်စီးခဲ့ရတယ်။ အချစ်အတွက်နဲ့ ကျောင်းသား တစ်ယောက် ဒါလောက် ပျက်စီးရတာကို ဖွဲ့ဆိုပြရင် စာဖတ်ပရိသတ် လူငယ်တွေအတွက် မထိခိုက်စေနိုင်ဘူးလား ဆရာ"
" အပြာမှာ မောင်လှမြင့် ဟာ ရွှေစင်ဦး အတွက် လေလွင့်ရတာမှန်ပါတယ်။ မောင်လှမြင့်ရဲ့ မိုက်မဲ တွေဝေမှု တွေလည်း အများကြီး ဖော်ပြထားပါတယ်။ ဒါပေမဲ့ "အထိန်း"တွေ ရှိပါတယ်။ စိတ်ထား ဖြူစင် ပြည့်ဝတဲ့ မယဉ်နွယ်၊ အလုပ်သမား ခေါင်းဆောင် ကိုသန်းဟိန်း စသူတွေနဲ့ ထိန်းထားပါတယ်။ နောက်ဆုံး မှာ မောင်လှမြင့်ဟာ သူ့ရဲ့ အမှားတွေကို သိရှိပြီး ပြည်သူတွေဘက်က မားမားမတ်မတ် ရပ်တည် ခဲ့ပါတယ်။ ကျောင်းသား လူငယ်တွေအတွက် ဆင်ခြင်ဖွယ်ရာ ဖြစ်လိမ့်မယ်လို့ ယူဆပါတယ်။ ကိုဝင်းငြိမ်း ဝေဖန်မှု အတွက်လည်း ကျေးဇူးတင်ပါတယ်"
" ဆရာက ဘာသာပြန် တော်တော်များများ ရေးတာဆိုတော့ ဘာသာပြန်ဘက် ဆက်လိုက်ရအောင်။ ဘာသာပြန်ဖို့ စာအုပ် ရွေးရာမှာ ဘယ်လိုမူနဲ့ ရွေးပါသလဲ "
" ပထမဆုံး အချက်ကတော့ ကျွန်တော် ကြိုက်တဲ့စာအုပ် ဖြစ်ဖို့ပါပဲ။ စာအုပ်တစ်အုပ်ကို ကျွန်တော် မကြိုက်ဘဲ နဲ့ ဘယ်တော့မှ မပြန်ဘူး။ ရည်ရွယ်ချက်နဲ့ ဇာတ်လမ်းကို ကြိုက်ရုံတင် မဟုတ်ပါဘူး အရေးအသား ကိုပါ ကြိုက်မှ ပြန်ပါတယ်။ မူရင်းဆရာရဲ့ အရေးအသားကို မကြိုက်ရင် ဘာသာပြန်တဲ့ နေရာမှာ အများကြီး အခက်အခဲတွေ့ရပါတယ်။ နောက်တစ်ချက်ကတော့ ကိုယ် ဘာသာပြန် တဲ့ စာအုပ် ဟာ စာဖတ်သူတွေ ကို အဆိပ်အတောက် မဖြစ်စေဖို့ဘဲပေါ့။ အဆိပ်အတောက် မဖြစ်ဘူးဆိုတာနဲ့ တစ်ပြိုင်နက် အနည်း နဲ့ အများတော့ အကျိုးကျေးဇူး တစ်ခုခုတော့ ရှိရတော့မှာပဲ မဟုတ်လား။ အကျိုး ရှိလေ ပိုကောင်းလေ ဆိုတာတော့ အမှန်ပဲပေါ့ "
" ဆရာ ဘာသာပြန်တဲ့နေရာမှာ မူရင်းစာရေးဆရာရဲ့ အာဘော်ကို တိတိကျကျ ဘာသာပြန်ပါသလား။ ဒါမှ မဟုတ် ဆရာ့အာဘော် ထည့်လေ့ ရှိပါသလား။ ခြုံငုံပြီး ဘာသာပြန်ပါသလား "
" အမှန်အားဖြင့် ဘာသာပြန်တယ်ဆိုတာ ဘာသာပြန်တာပါပဲ ကိုဝင်းငြိမ်း။ ဘာသာစကား တစ်ခုနဲ့ ရေးထား တာကို တခြား ဘာသာစကားတစ်ခုကို ပြောင်းလဲတာပါပဲ။ ဘာသာစကား ဆိုတာကိုက လူတစ်ယောက် ရဲ့ အတွေးကို ဖော်ပြတဲ့ "ခြင်းရပ်" တစ်ခုဖြစ်ပါတယ်။ လူတစ်ယောက်က ပြောချင်တာ တစ်ခု ကို တခြားသူ တစ်ယောက် နားလည်အောင် ဆက်သွယ်ပေးရတဲ့ "ကြားခံပစ္စည်း"တစ်ခု ဖြစ် ပါတယ်။ ဒါကြောင့်မို့ ဘာသာ စကားတစ်ခုကနေ အခြား ဘာသာစကားတစ်ခုကို ကူးပြောင်းတဲ့နေရာမှာ မူလပြောဆိုသူ (မူရင်း စာရေးဆရာ)ရဲ့ ဆိုလိုရင်းကို တိကျ ပေါ်လွင်အောင် ဖော်ထုတ်ပေးဖို့ပဲ ဖြစ်ပါတယ်။
အဲဒီတော့ ဘာသာပြန်သူရဲ့ အာဘော်ပါအောင် ထည့်ပြီး ပြန်ဆိုဖို့ ဆိုတာလည်း ပေါ်စရာအကြောင်း မရှိတော့ ပါဘူး။ ခြုံငုံပြီး ဘာသာပြန်တယ်ဆိုတာလည်း ကျွန်တော် သိပ်နားမလည်ပါဘူး။ မူရင်းကို ခြုံငုံပြီး ပြန်ရေး တယ် ဆိုရင် ဘာသာပြန် မဟုတ်တော့ပါဘူး။
တိတိကျကျ ပြန်တယ်ဆိုတဲ့ စကားကလည်း မလိုအပ်ပါဘူး။ ဘာဖြစ်လို့လဲ ဆိုတော့ ကျွန်တော်တို့ ဘာသာ ပြန်တာ မူရင်းရေးသူရဲ့ ဆိုလိုချက်ကို ဘာသာပြန်တာပဲ။ ၀ါကျတွေ၊ ဒါဝတွေ၊ စကားလုံးတွေကို မူရင်း အတိုင်း မြန်မာအဓိပ္ပာယ်နဲ့ လှယ်ပြီး ဖော်ပြနေတာ မဟုတ်ပါဘူး။ ဘာသာစကား တစ်ခုနဲ့ တစ်ခု ဟာ ၀ါကျဖွဲ့ဟန်ချင်း ... နာမ်၊ နာမ်စား သုံးပုံချင်း မတူကြပါဘူး။
တစ်ခုတော့ ရှိတယ်ပေါ့။ ကျွန်တော်တို့ဟာ ဘာသာပြန်တဲ့နေရာမှာ ကိုယ့်အာဘော်ကို ထည့်မပြန်ပေမယ့် မူရင်း ပါတဲ့ အချို့အပိုဒ်တွေ၊ စာလုံးတွေဟာ မြန်မာ့ယဉ်ကျေးမှု၊ မြန်မာ့အဖွဲ့အစည်းတွေနဲ့ မကိုက်ညီ တာတွေ ပါခဲ့ရင်တော့ မလွှဲသာ မရှောင်သာ ချန်ထားခဲ့ရတာတွေ ရှိတာပေါ့။
ဒါက လွဲရင်တော့ ဘာသာပြန်တဲ့နေရာမှာ မူရင်းစာရေးဆရာရဲ့ အာဘော်နဲ့ ဆိုလိုရင်းကို တိကျ မှန်ကန်အောင် ပြန်ဆိုဖို့ လိုပါတယ်"
" ဒီနေ့ မြန်မာစာပေလောကမှာ ဘာသာပြန်စာအုပ်တွေ တော်တော်နေရာရ နေပါတယ်။ ပင်ကိုရေး တွေထက် အရောင်းသွက်နေတာကို ဆရာ ဘယ်လို မြင်ပါသလဲ"
" ဘာသာပြန်စာအုပ်တွေ ခေတ်ကောင်းနေတယ် ဆိုတာတော့ ကောင်းပါတယ်။ လိုအပ်ချက် တစ်ခုပဲ။ ဒါပေမဲ့ ပင်ကိုရေးတွေထက် အရောင်းသွက်နေတယ် ဆိုရင်တော့ မကောင်းဘူးပေါ့။ ဒါပေမဲ့ ဒီကိစ္စကို ကျွန်တော် တစ်ယောက်တည်း ပြောတာထက် ဘာသာပြန်စာအုပ်တွေက ဘယ်လို အမျိုးအစားတွေဖြစ်ပြီး ပင်ကိုရေး စာအုပ်တွေက ဘယ်လို အမျိုးအစားတွေဖြစ်တယ်၊ ဘယ်အမျိုးအစားတွေ ဘာကြောင့် အရောင်း သွက်ရတယ်ဆိုတာကို အားလုံးဝိုင်းပြီး သုံးသပ်ပြီးမှ အဖြေမှန်ထွက်လာလိမ့်မယ်လို့ ကျွန်တော် ထင်ပါတယ်"
" ၀တ္ထုဆိုတာ ၀ါဒဖြန့်ချိရေးပဲ။ စာရေးဆရာတစ်ယောက်ဟာ သူ့ရဲ့ အယူဝါဒ၊ သူ့ရဲ့ အတွေး၊ အမြင်၊ သူ့ရဲ့ အတွေ့အကြုံ ကို ၀ါဒဖြန့်နေတာပဲ"
" စာပေဝေဖန်ရေးကို ဆရာ ဘယ်လို မြင်ပါသလဲ "
" စာပေဝေဖန်ရေး ဆိုတာ မရှိမဖြစ် လိုအပ်ချက် တစ်ခုပဲ။ စာပေဝေဖန်ရေးဟာ စာပေလောကရဲ့ လမ်းပြမီး အိမ်ပဲ။ ဘယ်အချိန်မှာပဲ ဖြစ်ဖြစ် စာပေဝေဖန်ရေးကို ကျွန်တော်တို့ လက်ကမ်းကြိုဆိုရမှာပါပဲ။ ဒါပေမဲ့ တစ်ခု တော့ ရှိတယ်ပေါ့ ကိုဝင်းငြိမ်း။ ဓမ္မဓိဋ္ဌာန်ကျတဲ့ ဝေဖန်ရေးမျိုးတော့ လိုအပ်တယ်ပေါ့။ အပြုသဘော ပါရမယ်။ စေတနာသန့်ရမယ်ပေါ့။ ဝေဖန်ရေးဆရာရဲ့ အရည်အချင်းကလည်း ပြည့်ဝဖို့ လိုတယ်ပေါ့။ သေသေချာချာ ဆန်းစစ်ပြီးမှ ဝေဖန်တာမျိုးလည်း ဖြစ်ရမယ်ပေါ့။ ဝေဖန်ရေးနဲ့ ပတ်သက်လို့ ကျွန်တော် ဒါလောက်ပဲ ပြောချင်ပါတယ်။ ဘာဖြစ်လို့လဲဆိုတော့ ဝေဖန်ရေးသမားတွေ လက်တုံ့သွားမှာကို ကျွန်တော် မလိုလားပါဘူး။ စာရေးသူနဲ့ ဝေဖန်ရေးသမားကြားမှာ အဆုံးအဖြတ် ပေးမယ့် စာဖတ် ပရိသတ်ကြီး ရှိနေပါ တယ်"
" ဆရာ စာပေလောကထဲ ၀င်ရောက်လာခဲ့ပုံကို သိပါရစေ "
" အထက်တန်းကျောင်းမှာကတည်းက ကျောင်းစာစောင်တွေမှာ ၀တ္ထု၊ ကဗျာ၊ ဆောင်းပါးတွေ ရေးခဲ့ပါတယ်။ ပထမဆုံး ပုံနှိပ်စာမူကတော့ (၂၈-၆-၅၀)ထုတ် ဟံသာဝတီ သတင်းစာမှာ ပါတဲ့ "ကျောင်းသူမ" ကဗျာပါပဲ။ ပထမဆုံး ပုံနှိပ်လုံးချင်းကတော့ ၁၉၅၄ ခုနှစ်မှာ ထုတ်တဲ့ "မိုးထဲ လေထဲ" ၀တ္ထု ပဲ။ ကျွန်တော် စာပေလောကထဲ ရောက်လာပုံကို "မိမိနဲ့ မင်းကျော်၊ "မိမိနဲ့ ဒဂုန်တာရာ"၊ "မိမိနဲ့ မိုးမိုး (အင်းလျား) " စတဲ့ ဆောင်းပါးတွေမှာ ရေးသွားဖို့ ရှိပါတယ်။ လောလောဆယ်မှာတော့ "မိမိနဲ့ မင်းကျော်" ကို မိုးဝေ မှာ ရေးနေပါတယ်။
" ကျေးဇူးတင်ပါတယ် ဆရာ၊ ဆရာ့မှာ မဂ္ဂဇင်းတာဝန်က တစ်ဖက်၊ ဘာသာပြန်လုံးချင်း တစ်ဖက်နဲ့ အချိန် လုနေရတဲ့ကြားက တကူးတက အချိန်ပေး ဖြေဆိုပေးတဲ့အတွက် ပေဖူးလွှာရဲ့ စာတည်းအဖွဲ့ ကိုယ်စား မှတ်တမ်းတင်ခဲ့ပါရစေ"
ပေဖူးလွှာ မဂ္ဂဇင်း၊ အမှတ်-၂၈၊ စက်တင်ဘာလ၊ ၁၉၈၃ ခုနှစ်။
Credit:shwezinu.blogspot.com
Comments
Post a Comment