ဝင်းငြိမ်း နှင့် စာရေးဆရာများ အပိုင်း (၂၆)

ဝင်းငြိမ်း နှင့် စာရေးဆရာများ အပိုင်း (၂၆)

ယဉ်ကျေးမှုနှစ်ခု ပေါင်းကူးပေးသူ
ခင်မျိုးချစ်

                စာဖတ်သူများနှင့် တွေ့ဆုံပေးခြင်း ကဏ္ဍအတွက် ရွေးချယ်ထားသူကတော့ "စာရေးဆရာမကြီး ဒေါ်ခင်မျိုးချစ်" ပဲ ဖြစ်ပါတယ်။ ဆရာမကြီးက မြန်မာမှု၊ မြန်မာ့ဓလေ့တွေကို နိုင်ငံခြားသားတွေ နားလည် နိုင်အောင် အင်္ဂလိပ်ဘာသာနဲ့ ဆောင်းပါးတွေ၊ ၀တ္ထုတွေ ရေးပြီး သူတို့ ယဉ်ကျေးမှု၊ စာပေတွေကို မြန်မာ စာဖတ် ပရိသတ်တွေ နားလည်နိုင်အောင် မြန်မာစာပေနဲ့ တင်ပြပေးနေပါတယ်။ ဒါကြောင့်မို့ ကျွန်တော်က ဆရာမကြီး ကို "ယဉ်ကျေးမှုနှစ်ခု ပေါင်းကူးပေးသူ" လို့ပဲ တင်စားလိုက်ပါတယ်။

" ဆရာမကြီးရဲ့ စာရေးသက်က ဒီနှစ် ရွှေရတုနှစ်လို့ သိရပါတယ်။ ရွှေရတုနှစ်အထိ ရောက်လာခဲ့တဲ့ ဆရာမကြီး ရဲ့ စာပေလှုပ်ရှားမှုတွေကို လူငယ် စာဖတ်ပရိသတ်တွေ သိရအောင် ဆရာမကြီး ကျောင်း နေစဉ် ဘ၀ကစပြီး ပြောပြစေချင်ပါတယ် "
" မိဘက အစိုးရအလုပ်နဲ့မို့ နယ် ခဏခဏ ပြောင်းလို့ကျောင်းလည်း ပြောင်းရတယ်။ တစ်ခါ တစ်ခါလည်း ကျောင်း မနေရဘဲ ထွက်နေရတဲ့အခါတွေလည်း ရှိခဲ့တယ်။ အလယ်တန်း (ခုနစ်တန်း) အောင်ပြီးမှ ကျောင်း အတည်တကျ နေရတယ်။

မိတ္ထီလာမြို့ အမျိုးသား အထက်တန်းကျောင်းမှာ ရှစ်တန်း၊ ကိုးတန်း၊ ဆယ်တန်း တစ်ဆက်တည်း နေခဲ့ရတယ်။ အမျိုးသားကျောင်း ပညာရေးစနစ်ရဲ့ အကျိုးကျေးဇူးကို အပြည့်အ၀ ခံစားရတယ်။
တိုတိုပြောရရင် (၁) တိုင်းပြည်နဲ့ လူမျိုးကို ချစ်အောင် သင်ပေးခဲ့တယ်။ (၂) အင်္ဂလိပ်စာတော်အောင် လေ့ကျင့် ပေးခဲ့တယ်။ ဒီအကြောင်းလည်း ကြုံတိုင်း ပြောနေရတာပါပဲ။ အခု အင်္ဂလိပ် ဆောင်းပါး ၀တ္ထု တွေ ရေးနေတော့ ကိုလိုနီခေတ်က အလွန်အဆင့်အတန်း မြှင့်တယ်လို့ အသိအမှတ်ပြုထားတဲ့ ဂါဝန်ဝတ် ကျောင်းမှာ နေလို့ အင်္ဂလိပ်စာ တော်တာလား မကြာမကြာ အမေးခံရတယ်။ အဲဒီကျောင်းမျိုးကို အနား တောင် မသီခဲ့ဖူးပါဘူး။ ၁၉၂၀ ခုနှစ်၊ သပိတ်ကြီးက မွေးဖွားပေးတဲ့ အမျိုးသားကျောင်းမှာ ဟိုခေတ်က မျိုးချစ် စိတ် ထက်သန်လှတဲ့ အမာခံ သပိတ်မှောက် ကျောင်းသားဟောင်းများကိုယ်တိုင် သင်ကြားပို့ချ ပေးတာ ကို ခံယူခဲ့ရပါတယ်။

မျိုးချစ်စိတ် ထက်သန်အောင် သင်ကြားပေးရင်း အဓိက ကြိုးစားဖို့ကတော့ (အင်္ဂလိပ်စာတော်အောင်)ပဲ။ "မင်း တို့ အင်္ဂလိပ်ကို တိုက်ချင်ရင် ဦးဆုံး အင်္ဂလိပ်ကို နာအောင် ပြောတတ်အောင် လုပ်ကြဦး။ အင်္ဂလိပ်လို ပြောတတ်၊ ရေးတတ်မှ မင်းတို့ကို အင်္ဂလိပ်က နားလည်မှာ " အဲသလို ဆရာများက ပြော ပါတယ်။
အမျိုးသား ကျောင်းတေါမှာ အင်္ဂလိပ်စာသင်တဲ့ နည်းစနစ်ကတော့ တိုတို ပြောရရင် အင်္ဂလိပ်စာပေကို နှစ် သက်ပြီး အင်္ဂလိပ်စာကို နှစ်နှစ်သက်သက် ဖတ်တာဟာ အင်္ဂလိပ်ကို ချစ်ပြီး ကိုယ့်လူမျိုးကိုယ် မချစ်တာ မဟုတ်ဘူး ဆိုတာ အဲဒီကတည်းက နားလည်ခဲ့တယ်။ အဲဒီ အတိုင်းပဲ ခံယူခဲ့တာပဲ တစ်သက်လုံးပါပဲ။

အင်္ဂလိပ်စာနဲ့ တွဲလျက် မြန်မာစာကိုလည်း နှစ်သက်မြတ်နိုးအောင် သင်ပေးခဲ့တယ်။ အဲသလို စာပေကို မြတ်နိုး လို့ အခုလို စာပေလောကမှာ ခြေစုံရပ်နိုင်တာပါပဲ။
၁၉၃၂-၃၃ ခုနှစ် တက္ကသိုလ် ရောက်တဲ့နှစ်၊ ဆယ်တန်းတုန်းက အပို အင်္ဂလိပ်စာ (Additional English) ဘာသာရပ် အတွက် ပြဋ္ဌာန်းတဲ့ Sir Walter Scott ရေးတဲ့ Lay of the Last Minstrel ဆိုတဲ့ ကဗျာနှစ်ပုဒ် ကို မြန်မာကဗျာ ပုံသွင်းရေးခဲ့တယ်။
အဲဒီကဗျာကို ၁၉၃၂-၃၃ ခုနှစ် ၀သန္တာစာစောင် တက္ကသိုလ်မဂ္ဂဇင်းမှာ ပါခဲ့တယ်။ ကိုယ်ရေးတဲ့စာကို ပုံနှိပ် စာလုံး နဲ့ ပထမဦးဆုံး မြင်ဖူးတာပါပဲ။ ဒါကြောင့် စာရေးသက် နှစ်ပေါင်း ၅၀ ရှိလို့ ရွှေရတုနှစ်လို့ ခေါ် ရမှာပေါ့။
ကိုယ့် စာရေးဆရာဘ၀ က နှစ်ပိုင်း ရှိပါတယ်။ မြန်မာစာနဲ့ ရေးခဲ့တဲ့ အပိုင်းနဲ့ အင်္ဂလိပ်ဘာသာနဲ့ ရေးတဲ့ အပိုင်း ဖြစ်ပါတယ်။

စာရေးသက် နှစ်ပေါင်း ၅၀ ကျော်အတွင်းထဲမှာ အင်္ဂလိပ်လိုရော၊ မြန်မာလိုရော နှစ်မျိုး ရေးတာက နှစ်ပေါင်း ၃၀ လောက်ရှိပါတယ် "
" ဆရာမကြီး ရဲ့ စာရေးသက်တမ်းအတွင်းမှာ စာရေးဆရာတစ်ယောက် အဖြစ်နဲ့ ခံစားခဲ့ရတဲ့ ခံစားချက်ကို ပြေပြ စေချင်ပါတယ် "
" စာရေးဆရာတစ်ဦးရဲ့ ဘ၀အရသာကို ပြောရရင် ကိုယ်ရေးတဲ့စာကို ဖတ်ပြီး တစ်စုံတစ်ယောက် စိတ်ထဲ မှာ ထိတွေ့သွားတယ်ဆိုတဲ့ သတင်းစကားကို ကြားရတဲ့အခါ ရင်ထဲမှာဖြစ်တဲ့ ပီတိပါပဲ။
ကိုယ့်စာတစ်ပုဒ်ကို ဖတ်တဲ့သူတစ်ယောက် သို့မဟုတ် အများက ဒီစာကို ဖတ်ရတာ သူ့စိတ်ထဲမှာ ဘယ်လို ခံစား ရတယ်ဆိုတာကို နှုတ်နဲ့ဖြစ်စေ၊ စာရေးလို့ ဖြစ်စေ ပြောတဲ့အခါ ရှိတယ်။ လူသိနတ်ကြား ဂျာနယ်၊ မဂ္ဂဇင်း မှာ တရားဝင် ရေးသားတာကို ဖတ်ရတဲ့အခါလည်း ရှိတယ်။ အဲသလိုအခါမျိုးမှာ စာရေးရတဲ့သူမှာ စာရေး ရကျိုးနပ်ပြီ၊ စာရေးဆရာ ဖြစ်ရကျိုးနပ်ပြီလို့ ၀မ်းသာရပါတယ်။
သတင်းစာ၊ မဂ္ဂဇင်းတွေထဲမှာ ကိုယ်ရေးတဲ့ ဆောင်းပါး၊ ၀တ္ထုတွေကို Colourful Burma အမည်နဲ့ လုံးချင်း စာအုပ် ထုတ်ခဲ့တုန်း က ယူနက်စကို သတင်းစဉ်အတော်ပဲ ချီးမွမ်းထားခဲ့ပါတယ်။
A Practical and Poetic Guide to Burmese Culture (အလင်္ကာရသနဲ့ ပြည့်စုံပြီး လက်တွေ့အသုံးကျတဲ့ မြန်မာ့ ယဉ်ကျေးမှု လမ်းညွှန် စာအုပ်)ကို ဆိုပါတယ်။

နောက်ထပ် တစ်အုပ် ထပ်ထုတ်ပြန်တော့လည်း ယူနက်စကို သတင်းစဉ်ကပဲ ထင်ပြီး ဝေဖန်ပြန်ပါတယ်။
ဗုဒ္ဓဘာသာ မြန်မာမိသားစု နေပုံ၊ ထိုင်ပုံတွေကို သရုပ်ဖော်ထားတဲ့ အခန်းနဲ့ ပတ်သက်ပြီး အဲဒီအခန်း ဖတ်ရတာ ဧရာမကျမ်းဂန်ကြီးတွေ ဖတ်ရတာထက် ဗုဒ္ဓဘာသာ အကြောင်းကို ပိုနားလည်တယ်လို့ ဆိုပါ တယ်။ အင်္ဂလိပ်ဘာသာနဲ့ ဆောင်းပါး၊ ၀တ္ထု လုံးချင်းစာအုပ်တွေ ရေးနေတော့ မိတ္တဗလဘက်က အတော် ပဲ ပြည့်စုံလာခဲ့ရပါတယ်။
တစ်ခါမှ မမြင်ဖူးတဲ့ လူမျိုးခြားတွေဆီက စာတွေရတယ်။ မြန်မာပြည် အလည်အပတ်လာရင်း ကိုယ့်စာအုပ် ၀ယ် သွားပြီး စာအုပ်ပေါ်က လိပ်စာနဲ့ စာအုပ်ကို ဖတ်ပြီး သဘောကျကြောင်းတွေပေါ့။
မြန်မာပြည် မှာ အလုပ်အကိုင်နဲ့ နေကြတဲ့ လူမျိုးခြားတွေကလည်း စာ နဲ့ တစ်မျိုး ဖုန်းနဲ့ ဆက်ပြီး တစ်မျိုး မိတ်ဆွေဖွဲ့ကြ၊ အိမ်လာလည်ကြတယ်။

တစ်ခါက သတင်းစာကော်လံ ရေးတဲ့ သြစတြေးလျ အမျိုးသမီးတစ်ယောက်က လာမိတ်ဆွေဖွဲ့တယ်။ ပြီးတော့ ၁၉၇၀ ပြည့်နျစ်၊ နိုဝင်ဘာလ ဂါဒီယန်မဂ္ဂဇင်းမှာ တွေ့ဆုံရတဲ့အကြောင်း ဆောင်းပါးတစ်ပုဒ် ရေးပါ တယ်။ အဲဒီဆောင်းပါးမှာ မြန်မာ့ရိုးရာ ယဉ်ကျေးမှု ထုံးစံဓလေ့နဲ့ အနောက်တိုင်း ယဉ်ကျေးမှု နှစ်ခု ကို ပေါင်း ကူးတံတား လုပ်ပေးတဲ့သူလို့ ဆိုပါတယ်။ နိုင်ငံခြားသားတွေမှာ ခင်မျိုးချစ် ရေးတဲ့ ဆောင်းပါး၊ ၀တ္ထုတွေ ဖတ်ပြီး အလွန်ရှုပ်ထွေးနားလည်ဖို့ခက်တဲ့ မြန်မာ့ယဉ်ကျေးမှုကို နားလည်ရတယ်။ နှစ်သက် သဘောကျရတယ်လို့ ဆိုပါတယ်။
တစ်ခါတုန်းက ဂျာမနီပြည်ကနေပြီး မြန်မာပြည်ကို အလည်အပတ် ရောက်လာတဲ့ အမျိုးသမီးကြီး တစ်ဦးက လာပြီး မိတ်ဆွေဖွဲ့ပါတယ်။ မြန်မာပြည်နဲ့ လူမျိုးတွေအကြောင်း သိရ၊ နားလည်ရပါတယ်လို့ ပြောတယ်။ သူ ပြန်သွားတော့လည်း စာ မကြာမကြ ရေးပါတယ်။ တစ်ခါ သူ့စာထဲမှာ "အနော်ရထာ ၀တ္ထုဖတ်ပြီး ကတည်းက သူ့စိတ်ထဲမှာ မြန်မာ့မြေပေါ်မှာ သူရဲကောင်းတွေ၊ မိန်းမချော၊ မိန်းမလှတွေချည်း အာရုံ ထင်မြင်နေပါသတဲ့။

ဂျပန်ပြည်မှာ နေတဲ့ (ဥရောပတိုက်သား ထင်ပါရဲ့။ သူ့နာမည်ကတော့လည်း ဂျပန်မဆန်လှဘူး။) အဲဒီ လူတစ်ယောက် ဆီကလည်း စာရတယ်။ လူချင်း တစ်ခါမှ မတွေ့ဖူးပါဘူး။ မြန်မာပြည် ခဏ အလည်လာရင်း ကိုယ့်စာအုပ် ၀ယ်ဖတ်ပြီး စာရေးလိုက်တာပဲ။
မြန်မာပြည်အကြောင်း၊ မြန်မာလူမျိုးအကြောင်း သူ မေးချင်တာ၊ သိချင်တာတွေ အများကြီးပါပဲတဲ့။ အဖြေ ရှာဖို့ အခါအခွင့်ကလည်း မကြုံခဲ့ဘူး။ အခု ကိုယ့်စာအုပ် ဖတ်ရမှပဲ အဖြေတွေ တွေ့တော့တာပဲတဲ့။ ပြီးတော့ သိချင်တာတွေ အဖြေပေးတဲ့ သုတသက်သက် စာအုပ်မျိုး မဟုတ်ပါဘူးတဲ့။ အလွန်နှစ်သက်ဖွယ် ရာ ကောင်းတဲ့ ဒဏ္ဍာရီထဲမှာ ပါတဲ့ ဣစ္ဆာ ရတနာသေတ္တာသိုက်ကြီးလိုပါပဲတဲ့။ စာရေးတဲ့သူဟာ သူ့တိုင်းပြည် နဲ့ လူမျိုးကို တကယ်ကို ချစ်လို့ ဒီလို ရေးနိုင်တာပဲ။ အဲသလို ပြောထားပါတယ်။

အင်္ဂလိပ်လို ရေးတဲ့ ၀တ္ထု၊ ဆောင်းပါးတွေ အကြောင်းပြုပြီး တွေ့ရတဲ့ မမျှော်လင့်တဲ့ အတွေ့အကြုံတွေက ရှိ သေးတယ်။
လွန်ခဲ့တဲ့ နှစ်ပေါင်း ၂၀ ကျော် ၂၅ လောက်က ကမ္ဘာမှာ သတင်းကြီးအဖြစ်နဲ့ သတင်းစာတွေမှာ ပါခဲ့တဲ့ ကိစ္စ တစ်ခု ကို မီလိုက်သူတွေ မှတ်မိကြပါလိမ့်မယ်။
အင်္ဂလန်ပြည် အယ်လိဇဘက်ဘုရင်မရဲ့ ညီမ မာဂရက်မင်းသမီးရဲ့ အချစ်ဇာတ်လမ်းမှာ၊ အဓိက ဇာတ်ဆောင် က ဒုတိယကမ္ဘာစစ်အတွင်းက လေသူရဲ (ပီတာတောင်ဆင်) ဖြစ်တယ်။ ရွှေမင်းသမီးလေး မာဂရက် နဲ့ အချစ်ကိစ္စကို အကြောင်းအမျိုးမျိုးကြောင့် စွန့်လွှတ်ခဲ့ရတယ်။ အဲဒီနောက် စိတ်ပြေ လက်ပျောက် (လင်းရိုဗာ)ကားနဲ့ ဥရောပကနေပြီး ကုန်းလမ်းခရီးနဲ့ အပြည်ပြည် လှည့်ရင်း မြန်မာပြည် ရောက်လာ လို့ ရှမ်း ပြည်နယ်မှာ ငှက်ဖျားမိပြီး ကံကောင်းလို့ မသေတယ်။

သူက မြန်မာပြည်ကို သံယောဇဉ် ရှိတယ်။ သူ့မွေးရပ်ဌာနီ ကိုး။ သူ့အဖေက ကိုလိုနီခေတ်က မြန်မာပြည် ဘုရင်ခံ ရဲ့ အတွင်းဝန်အဖြစ် အမှုထမ်းခဲ့တယ်။
သူ ရေးတဲ့ ကုန်းကြောင်း ခရီးစဉ်အကြောင်း စာအုပ် ဖတ်ဖူးတယ်။ စာရေးကောင်းတယ်။ ဒါနဲ့ သူ့ကို စိတ်ဝင်စား မိတယ်။ ၁၉၇၅ ခုနှစ်လောက်မှာ (ပီတာ တောင်ဆင်) မြန်မာပြည် ပြန်ရောက်လာတယ်။ အဲဒီတုန်း က မြန်မာပြည်မှာ အမှုထမ်းနေတဲ့ ဗြိတိသျှလူမျိုး မိတ်ဆွေတစ်ဦးက ပီတာနဲ့ ကိုယ့်ကို မိတ်ဖွဲ့ ပေးလို့ အတော်ပဲ ခင်မင်သွားတယ်။ ကိုယ်ရေးတဲ့ စာအုပ်လေးတွေလည်း သူ့ လက်ဆောင်ပေးလိုက် ရတာပေါ့။ ၁၉၇၈ ခုနှစ်လောက်မှာ သူ့အတ္ထုပ္ပတ္တိ ကိုယ်တိုင် ရေးခဲ့တဲ့ဟာ အဲဒီစာအုပ် ကိုယ့်ဆီ ပို့ လိုက်တယ်။ စာအုပ်အတွင်းဘက် မျက်နှာဖုံးမှာ ဒီလို ရေးထားပါတယ်။

To Mya,
With my admiration for the Charming writing about Burma.
                            Peter Townsend.
သူက အစ်မကြီးကို ရင်းနှီးတဲ့ မိတ်ဆွေများလိုပဲ ငယ်နာမည် ခေါ်ပါတယ်။ မြန်မာပြည် အကြောင်း ရေးပုံ တွေ ချစ်စရာ၊ နှစ်လိုစရာ ကောင်းလွန်းလို့ ချီးမွမ်းလိုက်ပါသတဲ့။
စာရေးဆရာ အချင်းချင်း၊ အညမည ချီးကျူးစကားတွေ ပြောကြတာပေါ့လေ။
ပြီးတော့ လွန်ခဲ့တဲ့ နှစ်ပေါင်း ၃၀ လောက်ကတည်းက အမေရိကန်စာရေးဆရာကြီး Richard Armour ရဲ့ စာအုပ် တွေ၊ ဆောင်းပါးတွေ ဖတ်ပြီး သိပ်သဘောကျခဲ့တယ်။ ဒီပုဂ္ဂိုလ်ကြီးနဲ့ ဆက်သွယ်မိလိမ့်မယ်လို့ တစ်ခါမှ အိပ်မက်တောင် မမက်ဖူးပါဘူး။

၁၉၇၆ ခုနှစ် အမေရိကန်ပြည် လွတ်လပ်ရေး နှစ် ၂၀၀ ပြည့်ပြပွဲ ရန်ကုန်မြို့၊ အင်ဗွိုင်းဟောမှာ လုပ်တယ်။ ဒီတော့ ကိုယ်လည်း လက်ယားတာ နဲ့ ကလောင်တော့ပြီး အဲဒီစာရေးဆရာကြီး ရေးတဲ့ စာပြောင်တစ်ပုဒ် ရေးလိုက်တယ်။

အဲဒီ ဆောင်းပါးကို သတင်းစာထဲက ဖြတ်ပြီး သူ့ဆီကို မိတ်ဆွေတစ်ဦးက ပို့လိုက်တယ်။ အဲဒါနဲ့ အစပြုပြီး သူနဲ့ ဆက်မိပြီး စာချင်း ဆက်သွယ်မိတယ်။ ကိုယ်ကလည်း သူ့စာအုပ်တွေ သဘောကျခဲ့ပုံကို စာရေးလိုက် တယ်။ ကိုယ် ရေးတဲ့ စာအုပ်တွေလည်း သူ့ဆီပို့တယ်။ သူ့ဆီကလည်း သူ့စာအုပ်တွေ သူ လက်မှတ်ထိုးပြီး ပို့တယ်။
ကိုယ် နဲ့ သူနဲ့ ကြားမှာလည်း မြန်မာပြည်မှာ နေသွားလို့ ကိုယ်နဲ့ သိတဲ့ အမေရိကန် မိတ်ဆွေတွေ ရှိနေတယ်။ သူတို့တစ်တွေကလည်း တိုင်းပြည် ပြန်ရောက်တော့လည်း အဲဒီ စာရေးဆရာကြီးကို ခင်မျိုးချစ် အကြောင်း ဘယ်လိုများ ဟိမ၀န္တာ ချီးမွမ်းခန်းဖွဲ့ကြတယ် မသိပါဘူး။ သူ ပေးတဲ့ လက်ဆောင် စာအုပ်အတွင်းဖုံး မှာ ဒီလို ရေးထားပါတယ်။

To - Khin Myo Chit, who according to my friends has an everlasting youthfulness in her interests in all subjects and objects.
    With every good wish.
                        Richard Armour.
သူ ဆိုလိုတာကတော့ ကြားထဲက မိတ်ဆွေတွေ ပြောပြတဲ့အတိုင်းဆိုရင် ခင်မျိုးချစ်ဆိုတာ အမြဲစိတ်က နုပျို လန်းဆန်းနေတယ်။ တွေ့ရ မြင်ရသမျှ အ၀၀တွေကို အမြဲစိတ်ဝင်စားတယ်တဲ့။
ဒီစာရေးဆရာကြီး ဟာ နှစ်ပေါင်း ၄၀ ကျော်လောက် အမေရိကန်ပြည် (ဟားဗတ်)အစရှိတဲ့ တက္ကသိုလ်ကြီး တွေမှာ အင်္ဂလိပ်စာပေ၊ အမေရိကန်စာပေတွေ ပို့ချပေးခဲ့တဲ့ ပါမောက္ခကြီးတစ်ဦး ဖြစ် ပါတယ်။
အနားယူပြီးတဲ့နောက် လုံးချင်းစာအုပ်ပေါင်း ၅၀ ကျော် ရေးခဲ့တယ်။ ဆောင်းပါး။ ကဗျာတွေ ဆိုတာ ကတော့ ရေးခဲ့တာ ထောင်ကျော်နေပါပြီ။
သူ့ဆီက စာတစ်စောင်ထဲမှာ ကိုယ်ရေးတဲ့ " အနော်ရထာ " ၀တ္ထုနဲ့ ပတ်သက်ပြီး ခုလို ပြောပါတယ်။

I am amazed at your knowledge and use of English language Such a book as ANAWRAHTA Of BURMA is not only informative and imaginative but written in impeccable English.
                                    Richard Armour.
" ၀တ္ထုတစ်ပုဒ်အဖြစ်နဲ့ ရသရော သုတရော စုံလင်ရုံမက အင်္ဂလိပ်စာ အသုံးအနှုန်းအရေးအသားမှာလည်း အံ့သြ လောက်အောင် ပြောင်မြောက်ချောမွတ်လှပါသတဲ့" နှစ်ပေါင်း ၄၀ ကျော် အင်္ဂလိပ်စာဘာသာ စာပေ ပို့ချလာခဲ့တဲ့ ပါမောက္ခကြီးလည်း ဖြစ်၊ စာအုပ်ပေါင်း ၆၀ ကျော် ရေးခဲ့တဲ့ စာရေးဆရာကြီးက ခုလို ပြောလိုက် တဲ့ စကားဟာ ကိုယ့်အဖို့မှာတော့ အလွန်ကြီးကျယ်တဲ့ ဂုဏ်ထူးဆောင် အထိမ်းအမှတ် တစ်ခုလို့ ယူဆပါတယ်။

ယူနက်စကို သတင်းစဉ်မှာ ပါတဲ့ Colourful Burma စာအုပ်ကို ဝေဖန်တဲ့ ဆောင်းပါးဆိုရင် ဟောင်ကောင်မြို့ထုတ် နေ့စဉ် သတင်းစာကြီးတွေမှာ ပြန်ထည့်တဲ့အကြောင်း မိတ်ဆွေတွေဆီက သတင်းကြား ရပါတယ်။
ဒီဟာတွေဟာ စာရေးဆရာဘ၀ရဲ့ ကြည်နူးအားရစရာတွေ ဖြစ်ပါတယ်။ စာရေးဖော် ရေးဖက်တွေ စာဖတ်သူ တွေလည်း ကိုယ်နှင့်ထပ်တူ ၀မ်းသာမယ် ထင်လို့ ခုလို ကြုံတဲ့အခါ ပြောပြရတာပါ။
ကိုယ့်တိုင်းပြည် က လူပုဂ္ဂိုလ်တစ်ဦးကို အခုလို အပြင်အပက လူကြီးတွေက ချီးမွမ်းကြတယ်။ သတင်းစဉ် မှာ လည်း အလေးဂရုစိုက်ပြီး ရေးကြ ဝေဖန်ကြတယ် ဆိုတာကို ကိုယ့်တိုင်းပြည် ကိုယ့်လူမျိုးအတွက် ဂုဏ်ယူကြမှာပဲလို့လည်း ထင်ပါတယ်။

ကိုယ့်တိုင်းပြည်က ကိုယ့်လူမျိုး ဘောလုံးသင်း၊ ဂေါက်သီးအဖွဲ့တွေ နိုင်ငံခြားအားကစားကွင်း ၀င်ကစားလို့ အနိုင်ရတာ ကို ဂုဏ်ယူဝမ်းသာသလိုပဲပေါ့။
ခုလိုဆိုရင် ကိုယ် ရေးတဲ့ ၀တ္ထု၊ ဆောင်းပါးတွေ နိုင်ငံခြားစာအုပ်လောကမှာ ၀င်နိုင်တာက အတိုင်းအတာ အားဖြင့် များလှပါဘူး။ လမ်းစတွေ့ရုံ ခြေချမိရုံလောက်ပဲ ရှိပါသေးတယ်။ ရှေ့ဆက်ပြီး ကြိုးစားရဦးမှာပေါ့။

" 13 Carat Diamond" ၀တ္ထုတိုကို အမေရိကန်ပြည်ထုတ် Atlantic Monthly မဂ္ဂဇင်းမှာ မြန်မာပြည်အကြောင်း အထူးကဏ္ဍမှာ ပါခဲ့တယ်။ ပြီးတော့ အမေရိကန်ပြည် စာအုပ်တိုက် Bantam Classics စာစဉ်မှာ ထုတ်တဲ့ 50 Great Driental Stories လုံးချင်းစာအုပ်မှာ မြန်မာပြည်က ၀တ္ထုအဖြစ်နဲ့ ပါခဲ့ပါတယ်။
အရှေ့တောင် အာရှဝတ္ထုတိုပြိုင်ပွဲ ဆုရတဲ့ Her Infinite Variety ၀တ္ထုတိုကို Horizons (ဖိလစ်ပိုင် မနီလာ မြို့ထုတ်) မဂ္ဂဇင်းမှာ ပါပါတယ်။
ယူနီဆက်က ကြီးမှူးပြီး ကမ္ဘာ့ရိုးရာပုံပြင်တွေစု၊ ဂျပန်ပြည်မှာ ထုတ်ဝေတဲ့ လုံးချင်းစာအုပ်ထဲမှာလည်း The Four Puppets ပုံပြင် ပါခဲ့ပါတယ်။

ဟောင်ကောင်မှာ ထုတ်ဝေတဲ့ Asia Magazine ထဲမှာ ၀တ္ထုနှစ်ပုဒ်၊ ဆောင်းပါး နှစ်ပုဒ် ပါခဲ့ဖူးတယ်။ ဆောင်းပါး နှစ်ပုဒ်ကတော့ ကျိုက်ထီးရိုးဘုရားသမိုင်းနဲ့ မယ်လမုဘုရားသမိုင်းများ ဖြစ်ပါတယ်။
အမေရိကန်ပြည် ဗုဒ္ဓဘာသာသုတေသီဆရာကြီးတစ်ဦးဖြစ်တဲ့ စာရေးဆရာကြီး Winston King ရေးတဲ့ ထေရ၀ါဒ တရားအားထုတ်နည်း လုံးချင်းစာအုပ်ထဲမှာ ဂါဒီယန် မဂ္ဂဇင်းမှာ ကိုယ်ရေးခဲ့တဲ့ A Buddhist Pilgrim's Progress ဆိုတဲ့ ဆောင်းပါးကို ထည့်ပြီးထားပါတယ်။

Colourful Burma စာအုပ်ထဲမှာ ပါတဲ့ မြန်မာ့ကွမ်းဓလေ့ ဆောင်းပါးကိုလည်း ဗန်ကောက်မြို့ထုတ် ဆ၀ါဒီ မဂ္ဂဇင်းမှာ ပြန်ထည့်ခဲ့ပါတယ်။
မြန်မာဘာသာနဲ့ ရေးတဲ့အပိုင်းကတော့ အားလုံး သိပြီးမို့ အထူးမပြောတော့ပါဘူး "

" ဆရာမကြီးရဲ့ နာမည်ရင်းက ... "
" မခင်မြပါ "
" ကလောင်နာမည် ယူတော့မှ " ခင်မျိုးချစ် " လို့ ယူခဲ့တာနော် "
" ဟုတ်ပါတယ် "
" ဆရာမကြီး ရေးခဲ့တာတွေကို လက်လှမ်းမီသလောက်တော့ ကျွန်တော် ဖတ်ခဲ့ပါတယ်။ အခု မေးမယ့် မေးခွန်း က လူငယ်တစ်ယောက်အနေနဲ့ သိချင်တဲ့ စိတ်ဆန္ဒနဲ့ မေးမယ့် မေးခွန်းပါ။ ဆရာမကြီးကို စကား ကတ်ပြီး မေးတယ် မထင်စေချင်ပါဘူး "

" မေးပါ ... အစ်မကြီးကလည်း ပွင့်ပွင့်လင်းလင်း မေးတာကို သဘောကျပါတယ် "
ဆရာမကြီးရဲ့ တချို့ ဆောင်းပါးတွေမှာ အနောက်တိုင်း ပညာရှင်များရဲ့ အဆိုအမိန့်ကို မူရင်းအတိုင်းပဲ ဖော်ပြပြီး ဘာသာမပြန်ချင်ပါဘူး။ အရသာပျက်လွန်းလို့လို့ ရေးတတ်တာ တွေ့ရပါတယ်။ မြန်မာစာဟာ အနောက်တိုင်း စာပေကို ဘာသာပြန်လို့ မမီလောက်တဲ့ အဆင့်မှာ ရှိသလား၊ အနောက်တိုင်း အယူအဆ၊ အဆိုအမိန့် တချို့ကို ဘာသာပြန်ရင် အရသာပျက်နိုင်တယ်ဆိုရင် မြန်မာစာပေတွေမှာလည်း အနောက်တိုင်း စာပေနဲ့ ဘာသာပြန်လို့ မရနိုင်တာတွေ အများကြီး ရှိနိုင်ပါတယ်ဆိုရင် ဆရာမကြီး လက်ခံ နိုင် ပါလား "

" ဒီမေးခွန်း နှစ်ခုဟာ တစ်သဘောတည်းမို့ တစ်ခါတည်းပဲပေါင်းဖြေလိုက်မယ်။ ဘယ်စာပေက ဘယ် အဆင့် မှာ ရှိပြီး၊ ဘယ်လို ကြွယ်ဝတယ်၊ အားနည်းတယ်၊ နိမ့်တယ်၊ မြန်တယ်လို့ ပြောနိုင်လောက်အောင် လေ့လာ ဆည်းပူးထားတဲ့ သုတေသီပညာရှင် မဟုတ်လို့ ဘာမှ မပြောနိုင်ပါဘူး။ ဒါက သုတေသီ ပညာရှင် တို့ရဲ့ အရာ ဖြစ်တယ်။ ကိုယ့်အရာ မဟုတ်ပါဘူး။
တစ်ဘာသာ က တစ်ဘာသာကို ပြန်ရင် အရသာပျက်တယ်။ တစ်နည်းအားဖြင့် အလင်္ကာရသတွေ "ဦးက စပါး ပဲ့ ကို ပြောင်း၊ ပဲ့ က စပါး ဦး ကို ပြောင်း " ဆိုသလို လမ်းမှာ အဖိတ်အစဉ်တွေ များတယ်။ ဒါကြောင့် ဘာသာပြန် ထားတဲ့ စာဟာ ပန်းထိုးထားတာကို (မလှဘက်) ပြောင်းပြန်ဘက်ကနေပြီး ကြည့်ရသလို ပဲတဲ့။

ဒီတော့ ဘာသာပြန်ထားတဲ့ စာဆိုတာ မူရင်းအရသာတော့ ဘယ်တော့မှ မပြည့်စုံဘူး မမီနိုင်ဘူး၊ ပထမ တန်းစား မဟုတ်ဘဲ ဒုတိယတန်းစားသာ ဖြစ်နိုင်မယ် ဆိုတဲ့ အချက်ကို စာပေသမားတွေ လက်ခံထား ကြ တာပဲ။
ဟုတ်ပါတယ်။ အနောက်တိုင်းစာပေ အကိုးအကားတွေကို ဘာသာပြန် မပေးဘဲ မူရင်းအတိုင်း ထည့်ထည့် ပေးဖူး ပါတယ်။ အဲဒါက ရည်ရွယ်ချက် ရှိတယ်။ အင်္ဂလိပ်စာအဖြစ် အနည်းနဲ့ အများမဆို ရှိထားတဲ့ သူတွေကို အင်္ဂလိပ်စာ ပိုဖတ်တတ်၊ ပိုနားလည်စေချင်လို့ ဒီလို ထည့်ပေးတာပါ။ သူတစ်ပါး ဘာသာ ပြန်ပေးတာ ဖတ်ပြီး "၀ါးဖတ်တော် ကဆီနှစ်" ကိုချည်း လွယ်လွယ်စားနေရင် အင်္ဂလိပ်စာ တတ်နိုင်ဖို့ ဝေး လိမ့်မယ်။ ကိုယ့်စွမ်းစ ထုတ်ပြီး ဖတ်၊ နားလည် အရသာခံစေချင်လို့ပါပဲ။ ကိုယ်တိုင်လည်း ကိုယ့်ဆရာ သမားများက အဲဒီနည်းရဲ့ သင်ကြားပို့ချပေးခဲ့လို့ လက်ဆင့်ကမ်းလိုက်တာပါ။ စာဖတ်သူတွေကို ပထမ တန်းစား ပဲ ဖတ်စေချင်တယ်။ ဒုတိယတန်းစား စာမျိုး ဖြစ်နိုင်ရင် မပေးချင်ဘူး။

အခုတော့ ဒီလို လုပ်တာ ခုတ်ရာတခြား၊ ရှရာတခြား ဖြစ်နေတာလည်း အတော်အံ့သြမိပါတယ်။ ဒီလို ဖြစ် တတ်တယ် ဆိုတာလည်း (သုတ) တစ်ခု ပညာရတာပေါ့လေ။
ကိုဝင်းငြိမ်း က မေးပြန်တော့ ဖြေရမှာပေါ့။ ဘာသာတစ်ခုကနေပြီး ဘယ်ဘာသာပဲဖြစ်ဖြစ်ပြန်ဆိုရင် မူရင်း အတိုင်း မရနိုင်ဘူး။ အဖိတ်အစဉ်တွေ ရှိတယ်လို့လည်း ပြောပြီးပြီ။

Colourful Burma
Enlarged Edition

စာအုပ်စာမျက်နှာ ၇၂ မှာ "ညီနောင်" ဆိုတဲ့ စကားအသုံးအနှုန်းကို အင်္ဂလိပ်လို ပြန်လို့မဖြစ်တဲ့အကြောင်း ရေးထား ပါတယ်။ စာမျက်နှာ ၃၇၂ မှာ "ရွှေပြောင်ပြောင် တောင်ပေါ်ကဘုရား" ဆိုတဲ့ ကဗျာလေးကို မြန်မာ လို မူရင်းအတိုင်း ထည့်ပေးလိုက်တယ်။ အလှပျက်မှာစိုးလို့ ဘာသာပြန်မပေးဘဲ ဆိုလိုချက် လောက်ပဲ အဓိပ္ပာယ်ဖွင့်ပေးလိုက်တယ်။
အဲဒါတွေ ဖတ်ဖူးထားရင် ခု မေးတဲ့ မေးခွန်းတွေရဲ့ အဖြေကို သိပြီးသား ဖြစ်ရမှာပါ။ မေးနေစရာ မလိုဘူး လို့ ထင်ပါတယ် "

" ဟုတ်ကဲ့ ... ကျွန်တော်က မြန်မာမဂ္ဂဇင်းအတွက် မြန်မာစာရေးဆရာတွေနဲ့ တွေ့ဆုံပေးနေသူဆိုတော့ အင်္ဂလိပ် စာအုပ်ကိုတော့ အသေးစိတ် မဖတ်ခဲ့မိပါဘူး။ ကျေးဇူးတင်ပါတယ် ဆရာမကြီး။ ဆောင်းပါး တစ်ပုဒ် မှာ စုံထောက်စာပေနဲ့ ပတ်သက်ပြီး ဆရာမကြီးက အနောက်တိုင်းစုံထောက်ဝတ္ထုတွေ ကောင်းကြောင်း ရေးထားတာ တွေ့ရပါတယ်။ မြန်မာဝတ္ထုတွေထဲမှာလည်း စာရေးဆရာတချို့ ကိုယ့်တွေ့ စုံထောက် ၀တ္ထုတွေ ရေးကြတာ ရှိပါတယ်၊ ဒါလေးတွေလည်း ဖော်ထုတ်ပေးရင် ပိုအဆင်ပြေမယ် ထင် ပါတယ်"

" စုံထောက် ၀တ္ထုအကြောင်းပဲဖြစ်ဖြစ် စာပေရေးရာ၊ အနုပညာရေးရာနဲ့ ပတ်သက်ပြီး အနောက်တိုင်း ဘက်က ဖတ်ရှုမြင်တွေ့ ကြားနာဖူးတာတွေကို ရေးရင် မြန်မာဘက်မှာကော ဒါမျိုးတွေ မရှိ ဘူးလား၊ ရှိပါတယ်။ အဲဒါတွေ မထုတ်ဖော်ဘူးလား အစရှိသည်ဖြင့် ပြောကြတယ်။ ဘယ်သဘောနဲ့ ပြောကြ တာလဲ မသိပါဘူး။ အဲသလိုဆိုရင် မြန်မာစာကို မြတ်နိုးတယ်ဆိုတဲ့ သူတွေ ကိုယ့်ဆီ လာကြစမ်းပါ။ ဦးပုည တေးထပ်တွေ၊ ဇာတ်စကားတွေ၊ ကိုးခန်းပျို့ထဲက စာပုဒ်တွေ၊ ကိုယ်တော်မှိုင်း လေးချိုးတွေ ဘယ်လောက် များ နှုတ်အာရွရွ ရွတ်နိုင်ကြသလဲ။ ကိုယ်နဲ့ ပြိုင်ရွတ်ကြရအောင်။

ဆက်ရန်

Credit:shwezinu.blogspot.com