ဝင်းငြိမ်း နှင့် စာရေးဆရာများ အပိုင်း (၂၄)

ဝင်းငြိမ်း နှင့် စာရေးဆရာများ အပိုင်း (၂၄)

ပန်းတိုင်းပွင့်ပါစေ
မောင်စွမ်းရည်

      ၀တ္ထုရှည်၊ ၀တ္ထုတို ရေးတဲ့ စာရေးဆရာ၊ ဆရာမတွေနဲ့ တွေ့ဆုံပေးနေရာက ဒီလ တွေ့ဆုံမေးချင်တဲ့သူက ကဗျာဆရာ၊ စာပေဝေဖန်ရေးဆရာဖြစ်တဲ့ ဆရာ လမောင်စွမ်းရည်" ပါပဲ။ ဆရာမောင်စွမ်းရည်နဲ့ တွေ့ဆုံ ရာမှာ ကျွန်တော် အဓိကထား ဖတ်ခဲ့တာတွေကတော့ လစဉ်ထုတ် သောင်းပြောင်းထွေလာ မဂ္ဂဇင်း ထဲက ဝေဖန်ရေး ဆောင်းပါးတွေနဲ့ ဆရာနဲ့ စာပေတိုက်ပွဲဝင်ခဲ့ကြတဲ့ တခြား စာရေးဆရာများရဲ့ ဆောင်းပါး တွေပါပဲ။

ဆရာ မောင်စွမ်းရည်က မန္တလေး ဇာတိပါ။ ၀ါသနာတူ သူငယ်ချင်းတွေ၊ ရဲဘော်တွေနဲ့အတူ စာပေ မွေ့လျော် ရေးသားရင်း စာပေလောကထဲ ရောက်လာခဲ့ပါတယ်။ မန္တလေးမြို့ အစိုးရ အထက်တန်း ကျောင်း အမှတ်(၁) နဲ့ မန္တလေးတက္ကသိုလ်မှာ ကလောင် စ သွေးခဲ့ပြီး မန္တလေးမြို့က စာပေပညာရှင်ကြီး များ ဖြစ်ကြတဲ့ လူထုဦးလှ၊ ဒေါ်အမာ၊ ဦးမောင်မောင်တင် (မဟာဝိဇ္ဇာ)၊ ဦးဆန်းထွန်း၊ ဒေါ်အုန်း စသူတို့က အားပေး ခဲ့ကြပါတယ်။ ဆရာဇော်ဂျီ၊ ဆရာမင်းသုဝဏ်တို့က ဖေးမခဲ့ကြပါတယ်။

စာပေဝေဖန်ရေးကိုတော့ ၁၉၆၄ ခုနှစ်လောက်ကတည်းက သူငယ်ချင်း မောင်မိုးသူက တိုက်တွန်း လှုံ့ဆော်မှု နဲ့ ရေးစမ်းခဲ့တယ်။ အင်္ဂလိပ်စာပေ၊ ဝေဖန်ရေးစာပေ၊ စာပေသမိုင်း။ နိုင်ငံရေးဗေဒ၊ ဒဿနိက ဗေဒ၊ သိပ္ပံပညာတို့ကို မျက်ခြည်မပြတ်ရုံ မဆိုစလောက် လိုက်ဖတ်ရင်း စာပေသမုဒ္ဒရာထဲက ရေတစ်စက် နဲ့ မျက်နှာသစ်လိုက်ပြီးတဲ့နောက် ဝေဖန်ရေးစာပေအတွက် ဆရာဇော်ဂျီနဲ့ ဒဂုန်တာရာတို့ကို ဆရာတင်ပြီး ရေးခဲ့ ပါတယ်တဲ့။ လူထုသတင်းစာ (မန္တလေး)နဲ့ အထက်မြန်မာနိုင်ငံ စာရေးဆရာအသင်းရဲ့ တာဝန် ပေးချက်ကြောင့် အဆက်မပြတ် ရေးဖြစ်လာခဲ့တယ်လို့ သိရပါတယ်။

ဆရာ နဲ့ ကျွန်တော် အဓိကထားပြီး ဆွေးနွေးခဲ့တဲ့ ဝေဖန်ရေး၊ ကဗျာနဲ့ ပတ်သက်တာတွေကို တင်ပြ ပေးလိုက် ပါတယ်။

" ဆရာ စာအုပ်တစ်အုပ်ကို ဝေဖန်တော့မယ်ဆိုရင် တစ်အုပ်ကိုပဲ ဖတ်သလား။ ဒီစာရေးဆရာရေးတဲ့ တခြား စာအုပ်တွေကိုပါ ဖတ်ပြီးမှ ဝေဖန်ပါသလား။ စာရေးဆရာ တစ်ယောက် စာရေးတဲ့ နေရာမှာ တစ်အုပ် က (၁၉၈၂ ခုနှစ်၊ ဇန်န၀ါရီလထုတ်၊ သောင်းပြောင်း)မှာ ရေးထားတာက ခြုံပြီးမှ ဝေဖန်တယ်လို့ ဆိုထား ပါတယ်။ သူနဲ့ အမျိုးအစားတူတဲ့ ၀တ္ထုတွေကို ဖတ်ပြီးမှ ဝေဖန်တယ်လို့ ဆိုထားပါတယ်။ ဒီတော့ ဆရာ့ "စာပေရှုခင်း" မှာ ဝေဖန်ထားတာတွေ အားလုံးဟာ ခြုံငုံထားတဲ့ သဘော ရှိပါသလား"

" ဟုတ်ကဲ့၊ ကိုဝင်းငြိမ်း ပြောတဲ့အတိုင်းပါပဲ။ အဲဒီသဘော ရှိပါတယ်။ ကိုဝင်းငြိမ်း သိထားတဲ့အတိုင်းပါပဲ"

" ဒီနေ့ စာပေလောကမှာ သိုင်းဘာသာပြန်တွေ လွှ့မ်းမိုးနေပါတယ်။ ကျွန်တော်တို့ ခေတ်စနစ်နဲ့ ကိုက်ညီမယ့် စာပေမျိုး ထွန်းကားအောင် ဘယ်လို ကြိုးပမ်းသင့်တယ်လို့ ဆရာထင်ပါသလဲ "

" ကိုဝင်းငြိမ်း က သိုင်းဘာသာပြန်တွေကို ခေတ်စနစ်နဲ့ မကိုက်ညီဘူးလို့ ဆိုချင်ပုံရပါတယ်။

ကျွန်တော့် အမြင်ကတော့ ဘယ်စာပဲဖြစ်ဖြစ်၊ ဘယ်ခေတ် ဘယ်စန်မှာပဲဖြစ်ဖြစ် သူ့ခေတ်နဲ့သူ ပေါ် ထွက်လာ တာ ဖြစ်တယ်လို့ ယူဆချင်ပါတယ်။ ခေတ်အလျောက် ပေါ်ထွက်လာတာကို တားဆီးတာထက် ဝေဖန်တာ ကောင်းမယ် ထင်ပါတယ်။ ထွက်ကြပါစေ။ သိုင်းဝတ္ထုတွေ များများ ထွက်ပေါ်ကြသလို တခြား စာကောင်း ပေကောင်းတွေလည်း များများထွက်ရင် ကောင်းမယ်။ ပန်းတိုင်းပွင့်ကြပါစေ ဆိုတာကို ကျွန်တော် သဘော ကျတယ်။ အရေအတွက်က အရည်အချင်းကို လွှမ်းမိုးအောင် လုပ်တတ်တဲ့ သဘာဝ ကို သိထားရမယ်ပေါ့ဗျာ။

အဆိပ်ပန်း ပါလာရင် ကျွန်တော်တို့ ဘာလုပ်ရမလဲ။ ဆိုင်းဘုတ် ဆွဲပေးထားပေါ့ဗျာ။ "သတိ အဆိပ်ပန်း" လို့ -

ခေတ်စနစ် နဲ့ ကိုက်ညီမယ့် စာပေမျိုး ထွန်းကားအောင် ဘယ်လို ကြိုးပမ်းသင့်သလဲတဲ့၊ ကိုဝင်းငြိမ်း ကြိုးပမ်း ဖို့လား၊ ကိုဝင်းငြိမ်းတို့ မဂ္ဂဇင်းက ကြိုးပမ်းဖို့လား၊ စာပေဝေဖန်ရေးသမားများ ကြိုးပမ်းဖို့လား၊ စာပေလုပ်သား အဖွဲ့က ကြိုးပမ်းဖို့လား စသည်ဖြင့်ပေါ့ဗျာ။ ခွဲခွဲခြားခြားတော့ မေးမထားဘူးကိုးဗျ။ ဘယ်သူ့  အတွက်လဲ၊ အားလုံးအတွက် ဖြေရမှာလား "

" အားလုံးအတွက် ဆိုလိုတာပါ "

" နောက်ပြီး ကိုဝင်းငြိမ်း ရဲ့ စာပေမှတ်ကျောက်က "ခေတ်စနစ်နဲ့ ကိုက်ညီရမယ်" ဆိုတာ ဖြစ်ပုံရတယ်။ ကျွန်တော့် စာပေမှတ်ကျောက် က "အများပြည်သူအကျိုးနဲ့ ကိုက်ညီရမယ်" ဖြစ်တယ်"

" နေဦး ဆရာ၊ ကျွန်တော့်ကို စာပေမှတ်ကျောက်တွေ ဘာတွေနဲ့ အကြီးအကျယ် ပြောလိုက်တော့ တော် တော် ကြက်သီးထ သွားတယ်။ ကျွန်တော် ဒီမေးခွန်းကို မေးတာက ၈၂ ဇန်န၀ါရီလထုတ်၊ သောင်းပြောင်း မှာ ဆရာက ခေတ်သစ်တစ်ခုကို တည်ထောင်တဲ့ဘက်မှာ အထူးသဖြင့် ဆိုရှယ်လစ်ခေတ်ကို တည်ထောင် တဲ့အခါမှာ လုပ်အားတန်ဖိုး ချစ်မြတ်နိုး ရမယ့်အစား ကိုယ့်လုပ်အား၊ ကိုယ့်အရည်အချင်းကို ယုံကြည်အားကိုး ဖို့ မတိုက်တွန်းဘဲ စာပေ၀ါဒ လက်ကိုင်ထားသူများ နည်းတူပဲ ဗေဒင်၊ ယတြာ၊ ကျိန်စာ၊ လက်စားချေဝတ္ထု များကို ပြည်သူလူထု တိုးတက်ရေးလမ်းမှ ဆီးနှင်းမြူတိမ် သူရိန်မီးခိုး မှိုင်းတစ်မျိုးအဖြစ် ဖွင့်ချ ရှုတ်ချသွားရမှာပဲ ဖြစ်ပါတယ်။ ကျွန်တော် ရှုတ်ချတဲ့ ၀တ္ထုတွေထဲမှာ သိုင်းဝတ္ထုတွေလည်း ပါတယ် ဆိုလို့ မေးလိုက်တာပါ။ ထားပါတော့ ဆရာ၊ စကားဆက်လိုက်ကြရအောင်"

" ကျွန်တော် ကြိုးပမ်းမှာကို ပြောရရင် ကျွန်တော့်အနေနဲ့ ပြည်သူကို အကျိုးပြုတဲ့ စာတွေကို ဖော်ထုတ် ချီးကျူးပြီး ပြည်သူကို အကျိုးမပြုတဲ့ စာတွေကို ဖွင့်ချတိုက်သွားရမယ်လို့ ခံယူထားပါတယ်။

ကိုဝင်းငြိမ်းတို့ မဂ္ဂဇင်း ဘယ်လို ကြိုးပမ်းရမလဲဆိုတာ အကြံပေးရရင် ရှည်မယ် ကိုဝင်းငြိမ်းရဲ့။ အတိုဆုံး အကြံပေးရရင် ခင်ဗျားတို့ မဂ္ဂဇင်းအလုပ်ကို ကျွန်တော့် လက်လွှဲပေးလိုက်ဗျာ။ ပြည်သူကို အကျိုးပြု မပြုတော့ မသိဘူး။ မကြာခင် ပြုတ်မှာ သေချာတယ်"

" ဒါတော့ သည်းခံပါ ဆရာရယ် "

" ကဲ ... ဒါက ရယ်စရာလို့ပဲ သဘောထားပါဗျာ။

အတည် ပြောရရင် ခင်ဗျားတို့ မဂ္ဂဇင်းမှာ အသုံးပြုနေတဲ့ စာမူတွေဟာ ခေတ်စနစ်နဲ့ ညီတယ်လို့ ယူဆလို့ ထည့်တာ ပဲလားလို့ ဆိုတဲ့ ပထမမေးခွန်းကို ခင်ဗျားတို့ ဘာသာ ခင်ဗျားတို့ အရင်ဖြေကြည့်ပါလို့ အကြံပေး ပါရစေ။

ဒုတိယမေးခွန်းတစ်ခု မေးချင်တာက ခု ... ခင်ဗျား တွေ့တဲ့ မောင်စွမ်းရည် အပါအ၀င်ပေါ့လေ။ မင်းသိင်္ခ၊ နွမ်ဂျာသိုင်း၊ ငြိမ်းကျော်၊ နတ်နွယ် အစရှိတဲ့ ခင်ဗျားတို့ မဂ္ဂဇင်းက တွေ့ဆုံဖော်ပြပေးခဲ့တဲ့ စာရေးဆရာ တွေကို စာဖတ်ပရိသတ်နဲ့ မိတ်ဆက်ပေးတာဟာ ခေတ်စနစ်နဲ့ ကိုက်ညီတယ်လို့ ခင်ဗျား ယူဆလို့ လား ဆိုတဲ့ အချက်ပဲ။ အဲဒါလေး အရင် "ကြိုးပမ်း" ဖြေကြည့်ပါဦးဗျာ "

" ဆရာ က တွေ့ဆုံခန်း လုပ်တဲ့လူကို ပြန်ပြီး မေးခွန်းထုတ်နေတော့ ၀င်းငြိမ်းက မောင်စွမ်းရည်ကို တွေ့ဆုံ ပေးနေရာက မောင်စွမ်းရည်က ၀င်းငြိမ်းကို တွေ့ဆုံပေးသလို ဖြစ်နေပြီ။ ဆရာ မေးခွန်းနှစ်ခု မေး သွားတဲ့ အထဲက ပထမမေးခွန်းကတော့ ကျွန်တော်နဲ့ မသက်ဆိုင်တဲ့အတွက် မဖြေတော့ပါဘူး။ ကျွန်တော် က ပေဖူးလွှာရဲ့ ဆောင်းပါးရှင်သာ ဖြစ်ပါတယ်။ စာတည်းအဖွဲ့ဝင် မဟုတ်ပါဘူး။ ဒီတော့ သူတို့ကိုယ်စား ကျွန်တော် ဖြေရရင် တရားမ၀င်ဘူးပေါ့။ တစ်ခုတော့ ရှိပါတယ် ဆရာ၊ တကယ်လို့ ဆရာသာ စာတည်းချုပ်၊ ဒါမှမဟုတ် စာတည်းအဖွဲ့ဝင် ဖြစ်ရင်တော့ ဘယ်လို ရွေးမလဲ ဆရာ၊ ဆရာစောစောက ပြော သလို ဆရာ့လက် အပ်လိုက်ပါပြီတဲ့။ ဒီမဂ္ဂဇင်း နောက်ထပ် နှစ်ပတ်လည် ထွက်စရာရှိမှာ မဟုတ် တော့ဘူး လို့ ထင် ပါတယ်။ ထားပါတော့ ဆရာ၊ ကျွန်တော့်ကဏ္ဍနဲ့ ပတ်သက်တာပဲ ပြောကြရအောင်။

ကျွန်တော် တွေ့ဆုံမိတ်ဆက်ပေးတာဟာ ခေတ်စနစ်နဲ့ ကိုက်ညီလို့လားလို့ ဆရာက မေးထားတယ်။ ဆရာ့ စကားနဲပဲ ပြန်ပြောရရင် သတို့ခေတ်မို့ သူတို့နဲ့ မိတ်ဆက်ပေးတာပဲဆရာ။ ခေတ်နဲ့ ညီတယ်လို့ ပြောရမှာ ပေါ့။ စာဖတ်ပရိသတ် အများစု စိတ်ဝင်စားတဲ့ သူကို ကျွန်တော်က တွေ့ဆုံပေးထားတယ်။ အခု ဆရာ့ကို တွေ့တာကလည်း စာဖတ်သူတွေ စိတ်ဝင်စားမှုရှိလို့ တွေ့တာပဲ။ တကယ်လို့ ဆရာသာ စာဖတ်သူ အများစု စိတ်မ၀င်စားတဲ့သူဆိုရင် ခုလို ကျွန်တော် တကူးတက လာတွေ့စရာ မလိုဘူး ထင်ပါတယ်"

" ကျေးဇူးတင်ပါတယ်ဗျာ"

" ဒါက ဆရာက ကျွန်တော့်ကို ကြိုးပမ်းဖြေကြည့်စမ်းပါ ဆိုလို့ ဖြေကြည့်တာပါ။ တကယ်တမ်း ကျွန်တော့် သဘော ပြောရရင် ဒီတွေ့ဆုံပေးခြင်းကဏ္ဍမှာ ကျွန်တော် ဖော်ပြပေးချင်တာက တွေ့ဆုံပေးခြင်း ခံရသူရဲ့ အာဘော် သက်သက်ပါ။ ကျွန်တော့်အာဘော် မပါချင်ဘူး။ ခု ဆရာက မေးနေပြန်တော့ မဖြေပြန်ရင် ကျွန်တော့် ဘက်က လိုသွားမယ်လေ။ ကဲ ... ဆက်လိုက်ကြရအောင် ဆရာ။

နောက်ထပ် ကျွန်တော် မေးချင်တဲ့ မေးခွန်းကတော့ "၀တ္ထု" အနိမ့်ဆုံး တာဝန်က ဘာဖြစ်ပြီး အမြင့်ဆုံး တာဝန်က ဘာဖြစ်သင့်ပါသလဲ ဆရာ"

" ၀တ္ထုရဲ့အနိမ့်ဆုံးတာဝန်က ဖျော်ဖြေဖို့ပါပဲ။ အမြင့်ဆုံး တာဝန်ကတော့ ပြည်သူလူထု အများစုကို အများဆုံး အကျိုးပြုဖို့ပါပဲ။ ၀တ္ထု ထုတ်ဝေသူကတော့ ပြည်သူလူထု အများစုထဲမှာ သူလည်း ပါချင်မှာပေါ့ လေ"

" ၀တ္ထုတိုလောကမှာ အမျိုးသမီး စာရေးဆရာတွေက ဦးဆောင်နေတာ တွေ့ရပါတယ်။ ဘာကြောင့်လို့ ဆရာ ယူဆပါသလဲ"

" ၀တ္ထုလောကမှာ အမျိုးသမီးတွေ ရေးတဲ့ ၀တ္ထုတွေ အထွက်များနေတယ်လို့သာ ပြောလို့ရပါမယ်။ ခု လောလောဆယ် မှာ ဘယ်အမျိုးသမီးမှ ၀တ္ထုလောကကို ရှေ့ဆောင်မှု မပေးနိုင်သေးပါဘူး။ မလွှမ်းမိုး နိုင်ပါ ဘူး။ အရင် အမျိုးသမီး ၀တ္ထုရေးဆရာတွေထက် အရေအတွက်ရော၊ ၀တ္ထုရေးသားမှု အရည်အချင်း ပါ သာလွန်လာပေမယ့် အမျိုးသားစာရေးဆရာတွေကို ကျော်လွှား လွှမ်းမိုးသွားဖို့ အလားအလာရှိတဲ့ အမျိုးသမီး တော့ မမြင်သေးပါဘူး။ တချို့ အမျိုးသားတွေထက် သာတာတော့ ရှိတာပေါ့ဗျာ။ ဥပမာ - ကျွန်တော် နဲ့ ကိုဝင်းငြိမ်း ထက် သာကြတယ်ဗျ။ ဒါထက် ခင်ဗျား ၀တ္ထုရေးဖူးရဲ့လား "

" ဒီက ပြန်ရင်တော့ စာတည်းချုပ်ကို ၀င်တွေ့ပြီး ပြောပြလိုက်ပါ့မယ်။ ဆရာ မောင်စွမ်းရည်ကို ၀င်းငြိမ်းနဲ့ တွေ့ဆုံပေးခြင်း တစ်ပုဒ်လောက် ရေးခိုင်းပေးပါလို့။ ဆရာက ကျွန်တော့်ကိုချည်း တန်ပြန်မေးခွန်းထုတ်နေ တာကိုး"

" ပဋိပုစ္ဆာဗျာ ကရဏလို့ ဆိုပါစို့ဗျာ။ မေးသူကို ပြန်မေးခြင်းဖြင့် ဖြေပြီးရာကျမလားလို့ပါ"

" ဆရာ စိတ်ကျေနပ်အောင် ဖြေရရင် ကျွန်တော် ၀တ္ထုမရေးဖူးပါဘူး။ ဒါပေမဲ့ ၀တ္ထုဖတ်တာကတော့ ကျွန်တော့် အသက် ဆယ်နှစ်သား မရှိတရှိလောက်ကတည်းက စဖတ်ခဲ့ပါတယ်။ ဒါကြောင့် ကျွန်တော့် ဘက် က ဆရာ့လို စာပေဝေဖန်ရေး လုပ်နိုင်တဲ့အဆင့် မရှိသည့်တိုင်အောင် စာပေအပေါ် သုံးသပ် နိုင်လောက် တဲ့ အထိတော့ ရှိတယ်လို့ ထင်ပါတယ်။ တစ်ယောက်ချင်းအပေါ် ဂရုတစိုက် ဖတ်ရတော့ ကျွန်တော် တွေ့ရမယ့် စာရေးဆရာရဲ့ရေးဟန်၊ ဦးတည်ချက်တို့ကို မိအောင် ဖမ်းရတဲ့ အလေ့အကျင့် ပိုရ လာပါတယ်။ ဒါဆို ဆရာ ကျေနပ်လောက်ပြီ ထင်ပါတယ်။ ကျွန်တော်က ဆရာ့ကို ဆက်မေးပါရစေ။

ညီမလေးက အချစ်ကို ကိုးကွယ်သတဲ့လားကို ဝေဖန်တုန်းက အချစ်ဝတ္ထုတွေနဲ့ ပတ်သက်ပြီး တော်တော် ရေးသွား ပါတယ်။ ကျွန်တော့် အမြင်မှာ ဒီနေ့ အချစ်ဝတ္ထု တချို့ဟာ အချစ်ကို ဖော်ကျူးတာထက် "ရာဂ" နိုးကြွအောင် ဖော်ဆောင်နေတာတွေက များတယ်လို့ ထင်ပါတယ်။ ဆရာ ဘယ်လိုမြင်ပါသလဲ "

" အချစ်ဝတ္ထုရေးဆရာထဲမှာ ရာဂ နိုးကြွအောင် ရေးသူ တစ်ဦးစ၊ နှစ်ဦးစပဲ ရှိပါတယ်။ ၀ါနုတဲ့ စာဖတ် ပရိသတ် ကို ဆွဲဆောင်ရာမှာ ဒီနည်းဟာ အလွယ်ဆုံးနဲ့ အောက်တန်းအကျဆုံး နည်းပေကိုးဗျ။

အဲဒီဝတ္ထုမျိုး တွေကို "ညစ်ညမ်း အချစ်ဝတ္ထု"၊ " ရာဂနှိုးဝတ္ထု" စသည်ဖြင့် ခေါ်ချင်သလို ခေါ်ပေတော့ဗျာ။ "အပြာဝတ္ထု" လို့တော့ဖြင့် မခေါ်နိုင်လောက်သေးဘူး ထင်တယ်။ " အပြာနုဝတ္ထု" လို့ ခေါ်ရင်လည်း ရမှာပဲဗျ။ ကိုဝင်းငြိမ်းအနေနဲ့ ဒါမျိုးတွေကို မကြိုက်ဘူးဆိုရင် သူတို့ကို အင်တာဗျူးလုပ်ပြီး ဆွေးနွေး ဝေဖန်ပါ လားလို့ အကြံပေးချင်ပါတယ်"

" ကျွန်တော့်ဘက်က ရှင်းပါတယ်။ ဒါမျိုး ရေးတဲ့သူမျိုး ကျွန်တော့်ကဏ္ဍမှာ အရင်ကလည်း မပါခဲ့ဘူး။ အခု လည်း မပါဘူး။ နောင်လည်း မပါစေရပါဘူး။ နောက်တစ်ခု ဆက်ရအောင် ဆရာ။ ၀တ္ထုသစ်ဆိုတာ ဘာလဲ ဆရာ။ ဆရာ့ ဝေဖန်ချက် ဆောင်းပါးတစ်ခုမှာ "ငါ" ၀တ္ထု 1st person အနေအထားနဲ့ ရေးတာကို ၀တ္ထုသစ် လို့ ဆိုလိုဟန်ရှိကြောင်း ရေးထားတာ တွေ့ရပါတယ်။ သိပ္ပံမောင်ဝတို့ ခေတ်ကလည်း 1st person နဲ့ ရေးခဲ့ တာတွေ ရှိဖူးတာပဲ မဟုတ်လား။ အခုမှ ဒီပုံစံကို ၀တ္ထုသစ်ဆိုရင် ဟုတ်နိုင်ပါ့မလား"

" ၀တ္ထုသစ်ဆိုတာ အတွေးသစ်၊ အရေးသစ်တဲ့ ၀တ္ထုကို ယေဘုယျအားဖြင့် ဆိုလိုပါတယ်။ 1st person (ပြောသူနာမ်စား) နဲ့ ရေးတိုင်းလည်း "အိုင် - နော်ဗယ်" ၀တ္ထုသစ်မခေါ်ပါဘူး။ သိပ္ပံမောင်ဝထက် စောတဲ့ ခေတ်တွေ ကတည်းက ပြောသူ နာမ်စားနဲ့ ရေးခဲ့တာတွေ အများကြီး ရှိပါတယ်။ ဥပမာ-ရွှေဥဒေါင်းက "ကျွန်ုပ် သည် တစ်နေ့သ၌ ... "လို့ အစချီပြီး ရေးခဲ့တာတွေ ရှိတာပေါ့။ ဒါပေမဲ့ ရှေးက ၀တ္ထုတွေမှာ အဖြစ် အပျက် (ဖြစ်စဉ်ဇာတ်လမ်း)ကို "ငါ"က ပြောတာ ဖြစ်တယ်။ ခုခေတ်မှာကျတော့ ဇာတ်လမ်း အဖြစ်အပျက် ပဓာန မဟုတ်ဘူး။ ခေတ်လူမှုရေးဘ၀နဲ့ ခေတ်ခံစားမှု၊ စိတ်အမူအရာကို ကိုယ်စားပြု ဖော်ကျူးနိုင်တဲ့ အရေးအဖွဲ့က ပဓာန ဖြစ်လာတယ်။ အဲသလို အဟောင်းနဲ့ မတူလို့ အသစ်လို့ ခေါ်တာပါပဲ"

" ကဗျာဘက် ဆက်လိုက်ကြရအောင်၊ "ကဗျာ"ဆိုတဲ့ ဝေါဟာရကို ဆရာ ဘယ်လို အဓိပ္ပာယ် ဖွင့်ဆိုမလဲ"

" ကဗျာဆိုတာ ဘာသာစကားရဲ့ အညွန့်အဖူး ဖြစ်တယ်။ ကဗျာဆရာတစ်ယောက်ရဲ့ အတွေ့အကြုံထဲက ရရှိလာတဲ့ ခံစားမှုတစ်ခုကို အကောင်းဆုံး စိတ်ကူး၊ အကောင်းဆုံး စကားလုံးတွေနဲ့ အကောင်းဆုံးအသံ ပေါ်ထွက်လာအောင် စီစဉ်ဖော်ကျူး ရေးဖွဲ့ထားတဲ့ စာပေပုံသဏ္ဍာန်တစ်မျိုးကို ကဗျာလို့ ခေါ်ပါတယ်။ ရှေး ကတော့ "ကဗျံဗန္ဓတီတိက၀ိ" တဲ့။ "က၀ိန်အယံကဗျာ"တဲ့။

" ဆရာ ကဗျာတစ်ပုဒ် စာတစ်ပုဒ်ကို ဝေဖန်ရာမှာ အကြောင်းအရာ အချက်အလက်ကို အဓိက ထား သလား၊ အရေးအသားကို အဓိကထားပါသလား "

" အကြောင်းအရာအရရော၊ အရေးအသားပါ နှစ်ခုလုံး အရေးထားပါတယ်။ " ဖန်ပြာခွက်နဲ့ ကျောက်စက်ရေ" လို့ ဆရာဇော်ဂျီ အမိန့်ရှိတာကို သဘောကျပါတယ်"

" ၁၉၇၀ ပြည့်နှစ်၊ နိုဝင်ဘာလက မန္တလေးက ထုတ်တဲ့ "စာပေလုပ်သား အင်အားသစ်" မှာ ဆရာက စာတမ်း တစ်စောင် ရေးထားတယ်။ ကဗျာကို လေ့လာရင် အလင်္ကာတွေကို ခွဲခွဲဖြုတ်ထုတ် လေ့လာတဲ့ အလုပ် ကို စွန့်လွှတ်စပြုလာပြီ။ ဒါဟာ ကဗျာလေ့လာရေး နည်းမှန်ဖြစ်ဖို့ လှုပ်ရှားလာတာပဲ ဖြစ်တယ်လို့ ဆို ထားပါတယ်။ ဒါပေမဲ့ တကယ် ဝေဖန်တဲ့နေရာမှာကျတော့ လုံးချင်းကောက်ပြီး ဝေဖန်တာ တွေ့ ရပါတယ်။ ဆရာ့ စာတမ်းနဲ့ လက်တွေ့ လေ့လာချက် မညီသလို ဖြစ်မနေဘူးလား"

" ကျွန်တော့စာတမ်းနဲ့ ကျွန်တော့် လေ့လာချက် မညီသလို ဖြစ်နေတယ်လို့ ပြောနိုင်တဲ့အခါ ရှိကောင်းရှိပါ လိမ့်မယ်။ ဒါပေမဲ့ ခု ခင်ဗျား ပြောတာဟာ ကျွန်တော့်စာကို ကောင်းကောင်းမဖတ်ဘဲ ပြောတဲ့လူတွေ၊ ဒါမှ မဟုတ် ကျွန်တော့်စာကို လက်တစ်လုံးခြား လမ်းလွှဲပြီး ကျွန်တော့် အလုပ်ကို မရှုဆိတ်တဲ့ စိတ်ဓာတ်နဲ့ အိုးမဲ သုတ် လိုသူတွေ ပြောတဲ့စကားကို ခင်ဗျား ကြားဖူးလို့ ဖြစ်မယ်။ နောက်ကြောင်း ရာဇ၀င်လေး ရှိခဲ့ လို့ပါ။ ခုကိစ္စ ကျွန်တော် ပြောရင် ပြောတဲ့အတိုင်း လုပ်ဖို့ ခဲယဉ်းတဲ့ကိစ္စလည်း မဟုတ်၊ မယုံကြည်ဘဲ ပြောတာ လည်း မဟုတ်ဘူးဗျ။ ဒါကို သူတို့ သိပါတယ်။

ဒီကိစ္စကို ခင်ဗျားက နမူနာထုတ်ပြမထားတော့ ကျွန်တော်ကပဲ နမူနာထုတ်ပြရဦးမယ်။ ကျွန်တော် တစ်ခါ က "ခွဲခွဲဖြုတ်ထုတ် ဝေဖန်တာတစ်ခု လုပ်ဖူးတယ် ဆိုပါတော့။ ဒါပေမဲ့ အဲဒါ ကဗျာရသ ဝေဖန်ပြတဲ့ နေရာ မှာ မဟုတ်ဘူးဗျ။

ကဗျာ ဆိုတာ ဘာသာစကားရဲ့ အညွန့်အဖူး ဖြစ်တယ်ရယ်လို့ စောစောက ပြောခဲ့ပါကောလား။ ဘာသာ စကား သုံးနှုန်း တာ မမှန်တဲ့ ကဗျာတစ်ပုဒ်ကို ကျုပ်ကတော့ ကဗျာကောင်း တစ်ပုဒ်အဖြစ် မခေါ်ချင် ဘူးလို့ "ချဲ" ခဲ့တဲ့ကိစ္စပါဗျာ။

ခင်ဗျား စဉ်းစားကြည့်ဗျာ။ အမျိုးသမီးတစ်ယောက်ရဲ့ အလှကို ဖွဲ့ရာမှာ ရှေးစာဆိုများက "တင့်တယ်စေမှု၊ သိကြားထုသို့"၊ "တင့်တယ်စေမှု၊ ပန်းပုထုသို့" ဆိုတာမျိုး ဖွဲ့ခဲ့တယ် မဟုတ်လား။ အဲဒါကို ခုခေတ် ကဗျာ ဆရာ အကျော် တစ်ဦးက "ပန်းပွတ်ထုသို့"လို့ ရေးစပ်ထားသဗျ။ "ပန်းဆယ်မျိုး" ဆိုတာ ခင်ဗျားလည်း သိပါ တယ်။ "ပန်းပွတ်" က "မထု" ရမူမဟုတ်လား။ နောက်တစ်ယောက်ကလည်း ပုရွက်ဆိတ်က ဆန်စေ့ ကို " ထမ်းယူပွေ့လျက်" လို့ ရေးစပ်ထားသဗျာ။ "ထမ်း" တယ် ဆိုတာက ပခုံးပေါ်မှာ၊ "ပွေ့" တယ်ဆိုတာက ကိုယ့်ရှေ့ဘက်မှာ။ "ထမ်း" တာနဲ့ "ပွေ့"တာ တစ်ပြိုင်တည်း လုပ်လို့မရဘူး မဟုတ်လားဗျာ။ အဲဒါဘာအလင်္ကာမှလဲ မဟုတ်ဘူး။

ဘယ်လိုမှလဲ အဓိပ္ပာယ် ထူးခြားပြောင်မြောက်မသွားဘူးဗျ။ ဒါဟာ "မှား" ရေးတာသက်သက်ပဲ ဆိုတဲ့ အကြောင်း "ခွဲခွဲဖြုတ်ထုတ်" ပြခဲ့တဲ့ကိစ္စပါ။ အလင်္ကာ ဝေဖန်ရေးတောင် မရောက်သေးဘူး။ ကဗျာ တောင်မှ ပီပီသသ မဖြစ်သေးဘူးလို့ ပြောတယ် ရှိပါသေးတယ်။ "အရွယ်ပျို"ကဆို တော့ "မဆိုစလောက်၊ မာန်စောင်မြောက်" ခဲ့တာကိုး။ အားမနာတတ်တဲ့ အရွယ်ကပေါ့။ ဒါပေမဲ့ ခုထိ ကျွန်တော် ပြောနိုင် တာကတော့ အဲ့ဒီကိစ္စတုန်းကလည်း ကျွန်တော်ဟာ "စာတမ်း"နဲ့ "လေ့လာချက်"၊ "အပြော"နဲ့ "အလုပ်" တခြားစီ မဖြစ်ခဲ့ဘူးဆိုတဲ့ အချက်ပဲ။

နောက်တစ်ချက် က သူတို့ ဘာပြောပြော ကိုယ် မှန်တယ်ထင်လို့၊ ယုံကြည်လို့ ဒီနေ့ထိလည်း "နောက်မတွန့်ဘူး" ဆိုတာကိုလည်း သိစေချင်ပါသဗျာ"

" ကာရန်မဲ့ကဗျာကို ဆရာ လက်ခံပါသလား "

" ဘာကဗျာဖြစ်ဖြစ် ကောင်းရင် လက်ခံပါတယ် "

" ခုတစ်လော ရှုမ၀မဂ္ဂဇင်းမှာ ဆရာမင်းသုဝဏ် ရေးနေတဲ့ ပုံပြင်ကလေးတွေကို ဆရာ ဖတ်မိမယ် ထင် ပါတယ်။ ဆရာကြီး ရေးနေတဲ့ ပုံစံဟာ ကာရန်မဲ့ကဗျာပုံစံမှာ အကျုံးဝင်သလား၊ ကာရန်မဲ့မှာ သတ်မှတ် ထားတဲ့ ပုံစံမျိုး ရှိပါသလား "

" ဆရာမင်းသုဝဏ်ရဲ့ စာအကြောင်း ဆရာမင်းသုဝဏ်ကိုပဲ မေးဖို့ ကောင်းတယ်ဗျ။ ကျွန်တော် ခုနေခါမှာ ခင်ဗျား တို့ကို အကြံပေးခွင့် ရှိနေတယ်လို့ အောက်မေ့လို့ အခွင့်အရေးယူပြီး အကြံပေးပါရစေ။ ဒီကိစ္စမျိုးမှာ ဆရာကြီးတွေကိုပဲ တိုက်ရိုက်ချဉ်းကပ် မေးဖို့ မကောင်းပါလား၊ ကျွန်တော်တို့လည်း ဆရာကြီး မင်းသုဝဏ် ရဲ့ အဖြေစကားကို ကြားချင်ပါတယ်။ ကျွန်တော်တို့ကတော့ ဆရာကြီးရဲ့ ကဗျာတပည့်၊ စာတပည့်တွေပါဗျာ။

ခင်ဗျား မေးလာလို့မှတော့ ကျုပ်က ဖြေလိုက်ရဦးမယ်။ ကဗျာ ဟုတ်၊ မဟုတ် ဆိုတာ ကာရန်မဲ့၊ ကာရန်ရှိ ဆိုတဲ့ အချက် နဲ့ သာ ဆုံးဖြတ်လို့ မရဘူး မဟုတ်လား။ ကဗျာ စိတ်ကူးကောင်း၊ မကောင်းနဲ့ ကဗျာ စိတ်ကူးကို ပေါ်လွင်အောင် ဖွဲ့ဆိုဖော်ကျူးနိုင်မှု ရှိ၊ မရှိ ဆိုတာကို အဓိကထား ကြည့်ရမှာပေါ့။

အမှန်ကတော့ ဆရာ ဒီလို လုပ်ထားတာတော့ ဒီဇာတ်ပုံပြင်လေးတွေကို ကလေးတွေ အဖြတ်၊ အရပ်မှန် အောင် လွယ်လွယ်နဲ့ ဖတ်နိုင်ဖို့ စီစဉ်ပေးတဲ့သဘောပဲ ဖြစ်မယ် ထင်ပါတယ်။

"ပုံစံ"အနေနဲ့ ခင်ဗျား မေးတာကို ကွက်ပြီး ဖြေရမယ်ဆိုရင် ဆရာ လုပ်ထားတာ "ကဗျာပုံစံ"လို့ ကျွန်တော် ဖြေချင် ပါတယ်။ ဆရာ့စာလည်း ကာရန် မပါပေမယ့် စကားပြောသံစဉ် အင်မတန်ကောင်းပါတယ်။ ခင်ဗျား အသံထုတ် ဖတ်ကြည့်ပါ။

ကဗျာစည်းကမ်း အတိအကျ ဆိုတာကတော့ ခုခေတ်မှာ မရှိတော့ပါဘူး။ ကာရန်မဲ့ ကဗျာနဲ့ ကာရန်ရှိ ကဗျာ မှာသာမက ဘယ်ကဗျာမှ တိကျတဲ့ သတ်မှတ်ချက်တွေ မရှိတော့ပါဘူး။ ကျွန်တော် လက်လှမ်းမီ သလောက် တွေ့ဖူးတဲ့ တခြားနိုင်ငံ၊ တခြားဘာသာစကားတွေ၊ ကဗျာတွေမှာလည်း ဒီလိုပါပဲ။ ကျွန်တော် တို့ မြန်မာကဗျာ ပုံစံမှာ ကျွန်တော်တို့ ဘာသာစကားရဲ့ သဘာဝကြောင့် ကာရန် အနေအထားကို အခြေပြုပြီး ကဗျာပုံစံများ သတ်မှတ်ထားခဲ့ကြတယ်။ အင်္ဂလိပ်ဘာသာစကား၊ ပါဠိဘာသာ စကား တို့မှာတော့ မတြာ (မီတာ) အနေအထားကို အခြေပြုပြီး ကဗျာပုံစံများကို သတ်မှတ်ခဲ့ကြတယ်။ ဘာနဲ့ပဲ သတ်မှတ်ခဲ့၊ သတ်မှတ်ခဲ့ ခေတ်ကဗျာ တွေမှာဆိုရင် စည်းကမ်း တိကျတင်းကျပ်မှု မရှိတော့ပါဘူး။ လေးချိုး၊ တေးထပ်၊ ဘောလယ်၊ တျာချင်း၊ ကာချင်း ဆိုတာတွေ မရှိတော့ပါဘူး။ ရှိသလောက်ကလည်း မလွှမ်းမိုး နိုင်တေည့ပါဘူး။

ခုခေတ် ကဗျာဆရာတွေ ဒါတွေ မရေးတတ်ကြတော့လို့လားလို့ မေးစရာ ရှိပါတယ်။ သင်ယူ လေ့ကျင့် လိုက် ရင် အလွယ်နဲ့ ရေးစပ်နိုင်ပါတယ်။ စပ်နည်း လေ့ကျင့်ရတာ ရသခံစားဖို့နဲ့ စိတ်ကူးကောင်းရဖို့ လေ့ကျင့် အား ထုတ်ရသလောက် အချိန်မယူရပါဘူး။ ဒါပေမဲ့ လေးချိုး ဆိုရင် ဆရာကြီး သခင် ကိုယ်တော်မှိုင်း ရဲ့ အသံကို မလွှမ်းမိုးနိုင်တော့ဘူး။ တေးထပ်ဆိုရင် ဦးပုညတို့၊ လယ်တီပဏ္ဍိတ ဦးမောင်ကြီး တို့က လက်ကုန်နှိုက် အသုံး ချခဲ့ကြပြီ။

နောက်ပြီး ခေတ် ရဲ့ ရင်ခုန်သံကလည်း အေးလေးငြိမ့်ညောင်းတဲ့အသံ မဟုတ်တော့ဘူး။ ဒီတော့ ရှေးက ပုံစံတွေ နဲ့ မဖြစ်တော့ဘူး။

ပုံစ့ စည်းကမ်း တိကျတင်းကျပ်မှု မရှိတော့ရင် ပုံသဏ္ဍာန်မှာ ဘာကို အခြေခံသလဲ။ ရှေးရိုးကဗျာ အစွဲသန်သန် နဲ့ ကြီးပြင်းလာတဲ့ ကဗျာဆရာတချို့က"အလင်္ကာသွား"၊ "အချိုးသွား"နဲ့ "မေတ္တာစာသွား" တို့ကို အခြေခံထားကြတယ်။ ကာရန် အစီအစဉ်မှာ အခုန်အကျော်၊ အထပ်အကွန့်တွေ သင့်သလို အသုံးချ သွားတယ်။ စာကြောင်း အတိုအရှည်၊ စာပုဒ် အတိုအရှည် လိုအပ်သလို အသုံးချသွားတယ်။ လက်တွေ့မှာ ဖြစ်လည်း ဖြစ်နေတယ်။ ရှေးရိုးကဗျာ အခြေခံနည်းသူများကတော့ ကာရန်မဲ့ကဗျာကို အသုံး ချလေ့ ရှိကြတယ်။ သူတို့အနေနဲ့ ဘာသာစကား ကျွမ်းကျင်နိုင်နင်းမှု နည်းနေသေးလို့ စကားပြောသံစဉ်ရဲ့ ခွန်အား ကို အသုံးမချတတ်တဲ့အတွက် ကြိုးစားကြသလောက် အောင်မြင်မှု မရှိသေးတာကို တွေ့ရ ပါတယ်။

ဒါ ကျွန်တော့်အမြင် ပြောတာပြပါ။ ဒီကိစ္စမျိုးတွေမှာ ဆရာဇော်ဂျီ၊ ဆရာမင်းသုဝဏ်၊ ဆရာတာရာတို့ရဲ့ အမြင်၊ မင်းယုဝေ၊ ဒေါင်းနွယ်ဆွေတို့ရဲ့ အမြင်တွေကိုလည်း လူငယ်ကဗျာသမားတွေ သိချင်ကြမှာပဲ။ ကျွန်တော် လည်း သိချင်တာပဲ။ ကိုဝင်းငြိမ်းက လူငယ်ထုကို ကိုယ်စားပြုပြီး မေးမြန်းဆွေးနွေးပေးရင် သိပ် ကောင်းမှာ ပေါ့ဗျာ။ ကျွန်တော် ခင်ဗျားကို ပြန်မေးတာတွေ၊ တောင်းဆိုတာတွေ များသွားပြန်ပြီ။ ဆောရီး ပါဗျာ"

" ဝေဖန်ရေးသမားတွေဟာ မကောင်းမြင်ဝါဒနဲ့ ကြည့်ကြတဲ့သူတွေလို အဝေဖန်ခံရတဲ့ အနုပညာရှင် တွေက ဆိုကြတယ်။ ဆရာ ဘယ်လို မြင်ပါသလဲ "

" တကယ်တော့ ဝေဖန်ရေးသမားရဲ့ တာဝန်ဟာ ကောင်းတာကိုလည်း ကောင်းတယ်၊ မကောင်းတာ ကိုလည်း မကောင်းဘူးလို့ အကျိုးအကြောင်းနဲ့ ပြောပြရတာပဲ မဟုတ်လား။ တချို့ ဝေဖန်သူ များက ကို့်အားနည်းချက်ကို ဖုံးကွယ်ချင်လို့ ဝေဖန်သူကို နာမည်နဲ့ တပ်ပေးဖို့ ကြိုးစားတတ်ကြတယ်။ အကျိုး အကြောင်းနဲ့ ပြန်ရှင်းနိုင်ရင် ရှင်းပေါ့၊ မရှင်းနိုင်ရင်တော့ စာဖတ်ပရိသတ်ကလည်း စာတတ်တဲ့ စာဖတ်ပရိသတ် ပဲဗျာ။ ဘယ်သူက ဘယ်လိုဆိုတာ သဘောပေါက်မှာပါ။ စာဖတ်ပရိသတ်ကို ယုံကြည် ပါတယ်"

" ဆရာက ၀တ္ထုတစ်ပုဒ်ကို ညံ့ကြောင်း ဝေဖန်လိုက်ပြီး နောက်တစ်လမှာ ၀တ္ထုကို ဖတ်ပြီး အနုပညာ အရသာ ခံစားရလွန်းလို့ အိပ်လို့တောင် မပျော်နိုင်ဘူးလို့ စာရေးဆရာမကြီး တစ်ယောက်က ရေးတယ်။ ဝေဖန်သူနဲ့ တခြားအနုပညာရှင်တစ်ယောက် အမြင်ချင်း ဒါလောက် ကွာဟမှု ရှိနိုင်ပါသလား"

" ဒါမျိုးလည်း ရှိနိုင်ပါတယ်။ ဖြစ်လည်း ဖြစ်တတ်ပါတယ်။ ဝေဖန်သူက ခံစားမှုကို အဓိကထားပြီး ဝေဖန် နေတာ မဟုတ်ပါဘူး။ စာပေသမိုင်း၊ စာပေသဘောတရား၊ နိုင်ငံရေး သဘောတရား စသည်တို့ကို အခြေပြုပြီး ဝေဖန်နေတာပါ။ စာဖတ်သူ ဆိုတာကတော့ အများအားဖြင့် ခံစားမှုကို အခြေခံပြီး ပြောလေ့ ရှိတာ မဟုတ်လား။

ဝေဖန်သူကလည်း ပြောဖို့လိုရင် ခံစားမှုကို ထည့်ပြောတတ်ပါတယ်။ ဒါပေမဲ့ ခံစားမှုဆိုတာကတော့ ပုဂ္ဂလိက ခံစားမှု ဓာတ်ခံ ကွာဟမှု ရှိသလောက် ခံစားမှု အနိမ့်အမြင့် ကွာခြားမှုလည်း ရှိနိုင်ပါတယ်။

ဝေဖန်သူချင်း မှာလည်း စာပေခံယူချက်၊ စာပေခံစားချက်ချင်း မတူရင် ၀တ္ထုတစ်ပုဒ် တည်းကိုပဲ ဝေဖန်ရာ မှာ အမြင်ချင်း မတူတတ်ကြပါဘူး "

" ဒီနေ့ မဂ္ဂဇင်း တွေမှာ ပါတဲ့ ကဗျာတွေအပေါ်မှာ ဆရာ ဘယ်လိုမြင်ပါသလဲ "

" ဒီနေ့ မဂ္ဂဇင်း ကဗျာတွေဟာ ပုံသဏ္ဍာန် စမ်းသပ်နေကြတယ်လို့ မြင်ပါတယ်။ အင်္ဂလိပ်ကဗျာကို ဘာသာပြန် တဲ့အခါ မောင်သာနိုးက တစ်ကြောင်းချင်း ယှဉ်ပြီး ပြန်ပြထားပါတယ်။ သူ အဆင်ပြေသလို စာလုံးများကို ဖြတ်တောက်ထားပါတယ်။ လူငယ် ကဗျာဆရာ အတော်များများဟာ နိုင်ငံခြားဘာသာပြန် ကဗျာ က စိတ်ကူးပုံကို သတိမပြု၊ အလင်္ကာသုံးပုံကို သတိမပြုမိတဲ့ စာကြောင်းစီစဉ်ပုံကို သွားပြီး အတုခိုး နေဟန် ရှိပါတယ်။ ဒါကြောင့် ကဗျာတွေဟာ ဘာသာပြန်ကဗျာနဲ့ တူနေတာက များပြီး ပြတ်တောက်ပြတ် တောက် စိမ်းဆတ်ဆတ် နဲ့ ဖတ်ရတာ အဆင်မပြေသေးဘဲ ရှိနေပါသေးတယ်။ တချို့ကတော့ မဆိုးပါဘူး။ စိတ်ကူး အားနည်း နေတယ်။ ခုနက ခင်ဗျား ကာရန်မဲ့ကဗျာကိစ္စ မေးတုန်းကလည်း ကျွန်တော် ပြောခဲ့ပါပြီ လေ။ အဲဒီအတိုင်းပါပဲ "

"နောက်ဆုံး မေးခွန်းတစ်ခုပေါ့ ဆရာ။ ဝေဖန်ရေးဆရာနဲ့ ကြုံတောင့်ကြုံခဲဆိုတော့ ကြုံတုန်းမှာပဲ မေး ပါရစေ။ ကျွန်တော်တို့ ပေဖူးလွှာ မဂ္ဂဇင်းအပေါ် အားမနာတမ်း ဝေဖန်ပေးပါဆရာ "

" အားနာပါတယ်ဗျာ "

ခင်ဗျားတို့ မဂ္ဂဇင်းဟာ ခုအခါမှာ အပြင်အဆင် အမွမ်းအမံဘက်ကဆိုရင် ထိပ်ဆုံးကပဲလို့ ကျော်ကြားနေပါ တယ်။ အရုပ်တွေလည်း လှပါပေရဲ့ဗျာ။ ခင်ဗျားတို့ မဂ္ဂဇင်းထွက်လာတယ် ဆိုရင်ပဲ တခြားမဂ္ဂဇင်း တွေလည်း ဘယ်သူပြိုင်လို့ လှပါတော့နိုင် ဆိုတာလို အလှချင်း ပြိုင်ကုန်ကြတာ တစ်ခုနဲ့ တစ်ခု ရွေးလို့တောင် မရအောင် တူကုန်ပြီ။ အဲဒီကုန်ကျစရိတ်တွေရဲ့ ငါးပုံ တစ်ပုံများ စာရေးဆရာတွေအတွက် စာမူခကို အကုန် ခံရဲ့လားလို့ သံသယရှိပါတယ်။ စာမူပေါ် ပြိုင်ဖို့ ကောင်းတယ်။ စာရေးခတွေလည်း အများ ပြိုင်ဖို့ ကောင်းတယ်။ ခုတော့ စာမူခဆိုတာ မဂ္ဂဇင်းထဲကို ထည့်တဲ့ ကြော်ငြာခနဲ့တင် ကျေမှာပါ။ ကြော်ငြာခ က တောင် ပိုမြတ်ဦးမယ်။ သမီးရှင်တစ်ယောက် ပြောသလို ငါ့သမီးက ကြီးလေ လှလေပဲဟေ့၊ စာမေးပွဲ တွေလည်း ကြီးလေ ကျလေပဲလို့ မှတ်ချက်ချရမလို ဖြစ်နေပြီ။

စာဖတ်ပရိသတ်အတွက် တီထွင်မှုတွေ ရှိတာလည်း ချီးကျူးစရာပဲ။ ဥပမာ-ခုလို စာရေးဆရာနဲ့ တွေ့ဆုံခန်း ဆိုတာမျိုးပေါ့ဗျာ။ ဒါပေမဲ့ ကျွန်တော် အပါအ၀င်ပေါ့လေ၊ လေးစားလောက်တဲ့ စာရေးဆရာ နည်းနေပါသေး တယ်။ စာမူတွေကလည်း စာပေသဘောအရ လေးစားလောက်တာတွေ သိပ်မပါသေးဘူး။ ဒါကြောင့် "အဆင်း" ဘက်က မလျှော့ချင်တောင် "အချင်း"ဘက်မှာ တစ်ထစ်လောက် တိုးပါဦးလို့ အကြံပေး ချင်ပါတယ်။ အားတော့ နာတယ်ဗျာ။ ကြုံခဲ့လို့ တစ်ကြောင်း၊ အကျိုးရှိရာရှိကြောင်းများ ဖြစ် မလား လို့ တစ်ကြောင်း အခွင့်အရေးယူပြီး ပြောလိုက်တာပါ။

မဂ္ဂဇင်း တော်တော်များများဟာ စာရေးဆရာကြီးတွေဆီကို စာမူလုက်တောင်းရမှာကျတော့ "သန" သွားမှာလို၊ သိမ်ငယ်သွားမှာလို ဖြစ်နေကြပြီး စာမူကောင်းတွေ လိုက်မတောင်းကြဘူး။ ၀မ်းနည်းစရာ ပဲဗျာ။ စာမူတန်ဖိုးအရ ပြောရရင် မြို့နယ်မဂ္ဂဇင်းတွေနဲ့ တက္ကသိုလ်မဂ္ဂဇင်းတွေကတောင် သာလွန် နေတယ်ထင်ပါရဲ့။ ခင်ဗျားတို့ မဂ္ဂဇင်းက အဲသလိုဘက်ကပါ ဦးဆောင်ပေးနိုင်စွမ်း ရှိလိမ့်မယ်လို့ မျှော်လင့် ပါတယ်။ ခင်ဗျားတို့ မဂ္ဂဇင်းကို ဦးဆောင်သူတွေက စာတတ် ပေတတ်ပဲဗျ။ စာပေတန်ဖိုးလည်း သိသူ တွေပဲဗျ။ ဖြစ်နိုင်ပါတယ်။ ခင်ဗျားတို့ မဂ္ဂဇင်းက အောင်မြင်လာပြီမို့ စာဖတ်ပရိသတ်ကို ခင်ဗျားတို့ လိုရာ ဆွဲဆောင် မြှင့်တင်နိုင်လောက်ပါပြီ"

" ကျေးဇူးတင်ပါတယ် ဆရာ။ မိတ်ဆွေကောင်းဆိုတာ မြှောက်ပင့်ပြောတာထက် အားနည်းချက်ကို ထောက် ပြတာဟာ မိတ်ဆွေကောင်း ပိုပြီးပီသပါတယ်။ ပေဖူးလွှာရဲ့ ဆောင်ပုဒ်က "မကောင်းသေးလျှင် ကောင်း အောင် ကြိုးစားမည်၊ ကောင်းလျှင် ပိုပြီးကောင်းအောင် ကြိုးစားမည်" လို့ ဆိုထားပါတယ်။ ကျွန်တော် တို့ ကြိုးစားနေကြဆဲပါ။

ဆရာ လည်း ပေဖူးလွှာ ပထမအကြိမ် ထုတ်တုန်းက ကြုံဖူးမှာပါ။ လွန်ခဲ့တဲ့ ၂၅ နှစ်လောက်က တစ်ကြိမ် ထွက်ခဲ့ရာမှာ "ရက်ရော" လွန်းအားကြီးခဲ့လို့ တစ်သိန်းခွဲလောက် အရှုံးနဲ့ ရင်ဆိုင်ပြီး ပြုတ်ခဲ့ရဖူးပါသတဲ့။ စာမူခ ကိစ္စ၊ စာမူ ရွေးချယ်တဲ့ အပိုင်းကိုတော့ စာတည်းအဖွဲ့နဲ့ပဲ သက်ဆိုင်လို့ ကျွန်တော် မပြောလိုပါဘူး။ ဒါပေမဲ့ တွေ့ဆုံခန်းကဏ္ဍ ကတော့ ကျွန်တော်နဲ့ တိုက်ရိုက်ပတ်သက်တာဆိုတော့ ပြောပါရစေ။

ဆရာက "ကျွန်တော် အပါအ၀င် လေးစားလောက်တဲ့သူ နည်းပါးသေးတယ်" လို့ ပြောသွားတယ်။ ဒီနေရာမှာ ကျွန်တော့်ကဏ္ဍရဲ့ "မူ"ကို ပြောဖို့ လိုလာမယ်။ တွေ့ဆုံပေးခြင်းကဏ္ဍအတွက် ကျွန်တော်တို့ စီစဉ် ရာမှာ ဆရာကြီးငယ်တို့ကို ၀ါစဉ်အလိုက် မဟုတ်ဘဲ စာတည်းအဖွဲ့ လုပ်ငန်း အဆင်ပြေသလို ကျွန်တော်လည်း စာဖတ်ရတာ အဆင်ပြေသလိုပေါ်မူတည်ပြီး တွေ့သွားတာပါ။ ခု ပေဖူးလွှာ ထွက်ခဲ့တဲ့ သက်တမ်း အတွင်းမှာ အမှတ်(၉) ကမှ စပြီး စာဖတ်သူများနဲ့ တွေ့ဆုံပေးခြင်းကို စခဲ့တယ်။ ဒီနေ့ခေတ် လူ ငယ်ကြိုက် စာရေးဆရာ ဆရာမတွေနဲ့ တွေ့ဆုံပေးခဲ့သလို သူတို့ခေတ်၊ သူတို့အခါက စာပေနဲ့ ပတ်သက်ပြီး ကျော်ကြားအောင်မြင်ခဲ့တဲ့ စာရေးဆရာကြီး၊ ဆရာမကြီးများနဲ့လည်း တွေ့ခဲ့ပါတယ်။

ဆရာ့အနေနဲ့ အားမရစရာအဖြစ် မြင်ခဲ့သလို ကျွန်တော် အပါအ၀င် စာတည်းအဖွဲ့ကလည်း ကြီးငယ်မဟူ အလျဉ်းသင့်သလို ဆောင်ရွက်သွားခြင်း ဖြစ်ပါတယ်။ ကျွန်တော်တို့ အားနည်းချက်ကို မှတ်သားထားသလို ကျွန်တော် တို့ စေတနာကိုလည်း ဆရာ သဘောပေါက် စေချင်ပါတယ်။ ကျေးဇူးပဲဆရာ။ ကျွန်တော့် ဘက်က မေးစရာ ကုန်ပါပြီ။ ဆရာ့ဘက်ကသာ ကျွန်တော့်ကို ဆက်ပြောစရာများရှိရင် ... "

" ဒီတွေ့ဆုံခန်း အစီအစဉ်ဟာ အလွန်အဖိုးတန်ပါတယ်။ အတွေ့အကြုံ ပိုများတဲ့ ဆရာကြီးတွေရဲ့ စကား တွေ ကြားရရင် ပိုများမကောင်းဘူးလားလို့ စာဖတ်ပရိသတ်ဘက်က စဉ်းစားပြီး ပြောလိုက်ခဲ့တာပါဗျာ။ မဂ္ဂဇင်းဘက်က ကြည့်ရင်လည်း တစ်မျိုးပေါ့။

ကဲ ... ကျွန်တော်ကတော့ ပြောရတာ အားမရသေးဘူးဗျာ။ ကိုဝင်းငြိမ်းရဲ့ အဖေနဲ့ ဦးလေးတွေက ကျွန်တော့် မိတ်ဆွေကြီးတွေလို့ သိထားရလို့ ခင်မင်ပြီးသားပါ။ ခုလို တွေ့ရတာလည်း အလွန် ၀မ်းသာ ပါတယ်။ ခင်ဗျားနဲ့ဆိုတော့ ပြောရဆိုရတာ သိပ်ပြီး အဟန့်အတား မဖြစ်တော့ဘူး၊ မစိမ်းတော့ဘူးပေါ့ဗျာ။ နောင်လည်း စာကိစ္စ၊ ပေကိစ္စတွေမှာ တွေ့ကြရဦးမှာပါ။ ကိုဝင်းငြိမ်း အောင်မြင်ပါစေ။ ပေဖူးလွှာလည်း စာပေ အကျိုး ဆတက်ထမ်းပိုး တိုးတက်ဆောင်ရွက်နိုင်ပါစေလို့ ဆုတောင်းပါတယ်။ ကျေးဇူးတင်ပါတယ်"

ပေဖူးလွှာ မဂ္ဂဇင်း၊ အမှတ်-၃၁၊ ဒီဇင်ဘာလ၊ ၁၉၈၃ ခုနှစ်။

Credit:shwezinu.blogspot.com