ဝင်းငြိမ်း နှင့် စာရေးဆရာများ အပိုင်း (၁၉)

ဝင်းငြိမ်း နှင့် စာရေးဆရာများ အပိုင်း (၁၉)

ပေဖူးလွှာ၏ သမီးပျို

       စာဖတ်သူများနှင့် တွေ့ဆုံပေးခြင်း ကဏ္ဍမှာ အစဉ်တစိုက် တွေ့ဆုံပေးလာသူတွေကတော့ လုံးချင်းဝတ္ထု တွေ ရေးနေကြတဲ့ စာရေးဆရာ၊ ဆရာမတွေပါ။ စာဖတ်ပရိသတ်တွေ က မကြာခဏဆိုသလို မဂ္ဂဇင်း တွေမှာ ၀တ္ထုတို ၀တ္ထုရှည်တွေ ရေးနေကြတဲ့ စာရေးဆရာမတွေနဲ့လည်း တစ်လှည့် တွေ့ဆုံပေးပါဦးလို့ ဆန္ဒပြု လာကြတာ တွေ့ရပါတယ်။ ဒါကြောင့် ပေဖူးလွှာရဲ့ စာချစ်သူများ ဆန္ဒကို ဖြည့်ဆည်းနိုင်ဖို့အတွက် ဒီလမှာ မဂ္ဂဇင်း ၀တ္ထုတို ၀တ္ထုရှည်တွေကို ရေးနေကြတဲ့ စာရေးဆရာမတွေထဲက ပေဖူးလွှာရဲ့ စင်တင် စာရေးဆရာမ တစ်ဦးဖြစ်လို့ ပေဖူးလွှာ၏ သမီးပျို လို့ခေါ်ဆိုနိုင်တဲ့ မြနှောင်းညို နဲ့ တွေ့ဆုံပေးဖို့ စီစဉ် ထားပါတယ်။

မြနှောင်းညို ရဲ့ ပထမဆုံး ၀တ္ထုတိုအဖြစ် ပေဖူးလွှာမှာ ဖော်ပြပေးခဲ့တာ ကျွန်တော်နဲ့အိုဂျီ၊ နောက် အသက် ပေးပြီး ချစ်တဲ့သူ ကစားစရာ အရုပ်ကလေး မဟုတ်ပေါင်၊ ၀တ္ထုရှည်တစ်ပုဒ်ဖြစ်တဲ့ ပစ်ခွာသူလည်း လွမ်း တတ်သည်၊ အခန်းဆက် ၀တ္ထုရှည်အဖြစ်နဲ့ ပရိသတ်များ အသည်းစွဲခဲ့ကြတဲ့ အသည်းစွဲခဲ့ကြတဲ့ အသည်း မှာ ဆူးတွေနဲ့ရယ်၊ဒီလ ဖော်ပြထားတဲ့ ရွှေမှုန် ငွေမှုန်ိကြဲပေမယ့် ၀တ္ထုရှည်တို့ပါပဲ။

ဆရာမမြနှောင်းညိုကို တွေ့ဆုံရန်အတွက် အောင်းဆန်းမြို့၊ညောင်တစ်ပင်လမ်းက နေအိမ်ကို ကျွန်တော် ရောက်သွားချိန် မှာ မြောက်ဥက္ကလာပဆေးရုံက ညတာဝန် ထမ်းဆောင်ပြီးပြန်ရောက်လာခါစ အိမ်မှု့ ကိစ္စ တွေ ထမ်းဆောင်နေဆဲမို့ ဆရာမရဲ့ သားအငယ်ဆုံးကလေးက ခဏထိုင်စောင့်ပါဦးလို့ လာပြောထား သောကြောင့် ဧည့်ခန်းထဲမှာ ကျွန်တော်စောင့်နေရပါတယ်။ ဆရာမရဲ့ ဧည့်ခန်းနံရံမှာ ပန်းချီကား သုံးခုနဲ့ ဓါတ်ပုံ ကလေး တစ်ပုံ ချိတ်ထားတာ တွေ့ရပါတယ်။ ပန်းချီကား သုံးခုထဲက တစ်ခုက ဆရာမရဲ့ ၀တ္ထုတို တစ်ပုဒ် ဖြစ်တဲ့ အသက်ပေးပြီး ချစ်တဲ့သူကို သရုပ်ဖော်ထားတဲ့ပုံပါပဲ။ အခန်းထောင့်က ဗီရိုကလေး တစ်ခု ထဲမှာတော့ တပ်မတော်အရာရှိ တစ်ဦးရဲ့ အသုံးအဆောင်ပစ္စည်း တချို့နဲ့ နိုင်ငံတော်က တာဝန် ပေးအပ်ခန့်လွှာ တစ်စောင်ကို တွေ့ရပါတယ်။ ခန့်အပ်လွှာရဲ့ ပိုင်ရှင်ကတော့ ဗိုလ်ဇော်ထွန်းညို ဆရာမ မြနှောင်းညို ရဲ့ ၀တ္ထုတိုကလေးမှာ ဖော်ပြခဲ့တဲ့ သူ့အချစ်ဆုံး မောင်ကလေးပေါ့။ ဒါကြောင့် ဆရာမ မြနှောင်းညို နဲ့ ကျွန်တော် ဆုံမိကြချိန်မှာ ပထမဆုံး မေးမိတာကတော့ ကျွန်တော်တို့ ပေဖူးလွှာမှာ ဖော်ပြ ခဲ့တဲ့ အသက်ပေးပြီး ချစ်တဲ့သူဟာ တကယ့် အဖြစ်အပျက်ပါလား ဆိုတဲ့ မေးခွန်းပါပဲ။

ဟုတ်ပါတယ်။ ညိုရေးခဲ့တဲ့ အသက်ပေးပြီး ချစ်တဲ့သူဟာ ဖြစ်ရပ်မှန်ပါ။ တစ်ဦးတည်းသာ ရှိတဲ့ အချစ်ဆုံး မောင်လေး ကျဆုံးသွားပြီးစ အချိန်က ရေးခဲ့တာပါ။ ညိုမောင်လေး အကြောင်းတွေကို ညိုရေးမယ်ဆိုရင် အများကြီး ရေးပြနိုင်ပေမယ့်လည်းသူ့ကို အကြောင်းပြုပြီး သူ့လိုတိုင်းပြည်အတွက် စွန့်ဝံ့သူတွေကို ဂုဏ်ပြု ချီးကျူးအနေနဲ့ ရေးခဲ့တာဖြစ်လို့ ညိုနှမြောရ၊ လွမ်းရတာထက် ပိုပြီးဘာမှ မရေးဖြစ်ခဲ့တော့ပါဘူး။

မောင်လေးစစ်တက္ကသိုလ် တက်နေတုန်းက နာမည်အတော်ရတဲ့ လူငယ်စာရေးဆရာမလေး တစ်ယောက် က မောင်လေး ကို သိလို့မဟုတ်ဘဲ တစ်ဆင့်စကား ကြားပြီးမောင်လေးရဲ့ ဂုဏ်သိက္ခာ ထိခိုက်အောင် စောင်းချိတ် ရေးဖူးပါတယ်။ အဲဒီတုန်းက ညိုမှာ ဆတ်ဆတ်ခါ နာကြည်းလိုက်ရတာ။ ဒါပေမဲ့ မောင်လေး ကတော့ အဲဒီစာရေးသူ သူ့ကိုတောင်းပန်လာလို့ ကျေအေးခွင့်လွှတ်လိုက်ပြီး သူတိုိ့ချင်း မိတ်ဆွေ ဖြစ်နေပါပြီတဲ့။ ညိုကလည်း ကျေနပ်လိုက်ပါတယ်လေ။

    ခုတော့လည်း မောင်လေးက သူ့မိတ်ဆွေမို့ သူလည်း ညိုတို့နဲ့အတူ နှမြောရစ်မယ်၊ ဂုဏ်ယူ ရစ်မယ်လို့ ညိုယုံကြည်ပါတယ်။ မောင်လေးရဲ့ မိတ်ဆွေဟာ ညိုမိတ်ဆွေပါပဲ။

    ဆောရီးဆရာမ.... ကျွန်တော် စိတ်မကောင်းစရာ မေးခွန်းက စပြီးမေးလိုက်မိသလို ဖြစ်သွား ပါတယ်။

    ရပါတယ်။ ဒါလည်းညို ၀တ္ထုတစ်ပုဒ် မဟုတ်လား။

ဆရာမ စာပေကို စိတ်ဝင်စားလာခဲ့တာနဲ့ စာပေလောကထဲ ၀င်ရောက်လာခဲ့ပုံကိုပြောကြရအောင်

စာအုပ်စာပေကို ချစ်တယ်။ မြတ်နိုိးတယ်။ စွဲလမ်းတတ်လာခဲ့တာကတော့ ညိုအသက်နဲ့ မတိမ်းမယိမ်း ကာလ ကြာမြင့်ခဲ့ပါပြီ။ စာရေးစာဖတ်တတ်ခါစကလေးဘ၀ ကတည်းက ဆော့တဲ့အချိန်က နည်းနည်း၊ စာဖတ် တဲ့ အချိန်ကများတယ်။ ပုံပြင်၊ ကာတွန်း ၀တ္ထုဘာပဲရရ ချောင်ကပ် ဖတ်နေတတ်တာပဲ။ အဲဒီ တုန်းကတော့ ညိုနားလည်တာလည်းရှိ၊ နားမလည်တာလည်းရှိတာပေါ့။ အရွယ်အလိုက် ခံစားတတ် သမျှနဲ့ပဲ၊ စာအုပ်တွေကို တန်ဖိုးထား တွယ်တာခဲ့တာပါ။

ခြောက်တန်း၊ ခုနစ်တန်းမှာတော့ ကဗျာလေးတွေ ရေးနေပါပြီ။ အများကြီးရေးဖြစ်ပေမယ့် နည်းနည်းပဲ ပို့ဖြစ်ပါတယ်။ ညိုဘာသာရေး၊ ညိုဘာသာဖတ်ပြီး ကျေနပ်နေလို့လား မသိပါဘူး။ မှတ်မှတ်ရရ ခုနစ်တန်း ရောက်တဲ့ နှစ် ရောက်တဲ့နှစ်က မော်လမြိုင် ဘုရင့်ရုံမှာ ကျင်းပတဲ့ စာဆိုတော်နေ့ ၀တ္ထုတိုပြိုင်ပွဲမှာ ညိုံ ဒုတိယဆု ရဖူးပါတယ်။ ညိုဝတ္ထုကလေး နာမည်က အပျံသင်းစံတဲ့။ သတမတန်းကျောင်းသူ ဆယ့်နှစ်နှစ် အရွယ် ညိုက ခံ့ခံ့ညားညားဖြစ်ချင်လွန်းလို့ ဇင်းမယ်ထဘီကြီးနဲ့ ရှိုးထုတ်သွားပြီး ပထမနဲ့ တတိယရသူ တကသိုလ်ကျောင်းသား နှစ်ဦးနဲ့အတူ ဆုရတာကိုပြန်တွေးမိတိုင်း သဘောကျလွန်းလို့ ပြုံးမိမြဲပါပဲ။

အဲဒီနှစ်တုန်းက မဂဇင်းတစ်အုပ်က ညိုပိုလိုက်တဲဝတ္ထု့ တိုတစ်ပုဒ်ကို ရွေးချယ်ကြောင်း စာပြန် လာတော့ ၀မ်းသာရ တာကို ပြန်တွေးမိတိုင်းပျော်နေမိပါတယ်။ တစ်ပုဒ်ထဲ ပို့ဖြစ်ပြီိးဖြစ်တဲ့ အဲဒီ တစ်ပုဒ် ကလည်း မဂ္ဂဇင်း မထုတ်ဝေဖြစ်ဘဲ ရပ်ဆိုင်းသွားလို့ ပုံနှပ်စာလုံးဖြင့် ပါလာခွင့်မရလိုက်ပါဘူး။

နောက်တော့လည်းစာပေနယ်ထဲ ၀င်ဖို့မကြိုးစားတော့ဘဲ အချိန်ကုန်မှန်မသိ ကုန်ဆုံးသွားခဲပါတယ်။

၁၉၇၈ ခုနှစ် ဖေဖော်ဝါရီလထုတ် ငွေတာရီမဂ္ဂဇင်းမှာ ချစ်ကြိုးနှစ်စ ဆိုတဲအမည်နဲ့ ၀တ္တုရှည်တစ်ပုဒ် ပါလာခဲ့ပါတယ်။ ဘာလို့ စာမူပို့ဖြစ်ခဲသလဲဆိုရင် တငင်ငင်တွယ်တာပေမယ့် ကုသိုလ်ကြမ္မာ မမီခဲ့တဲ့ ဆေးပညာ ကို သံယောဇဉ် အတင်းဖြတ်ပြီး စိတ်မပြတ်နိုင်တဲ့ စာပေနယ်ဆီပဲ လက်လှမ်းတော့မယ် စိတ်ကူး မိလို့ပါ။

အဲဒီနောက်မှာမမျော်လင့်တဲ့ အချိန်မှာ ဆေးပညာနယ်ထဲကို ပြန်လည်ခြေချခွင့်ရလာပြန်ပါရော။ စာပေနယ် နဲ့ လှမ်းဝေးသွားပြန်တာပေါ့။ ဒါပေမယ့် ညိုတစ်ယောက်တည်း ရေးလိုက်၊ ဆုတ်ဖြဲလိုက်နဲ့ တကယ်တော့ အလှမ်းဝေးတယ် မဟုတ်ပါဘူး။

အလုပ်လုပ်ဖို့အချိန်ရှိသေးတယ်သဘောထားပြီး ၁၉၈၁ ခုနှစ် နှစ်ဦးမှာ ရေးပြီးးသားစာမူတစ်ခုကို ပို့မယ် ဆုံးဖြတ် ဖြစ်သွားပါတယ်။ "ပြစ်ခွာသူလည်းလွမ်းတက်တယ်" စာမူပါ။ ရည်ရွယ်တုံးကတော အခြား မဂ္ဂဇင်းတိုက် ကိုသွားဖို့ပါပဲ။ တစ်ယောက်တည်း အဖြစ်မရှိလိုအဖော်ရှာရင်း မောင်ဝမ်းကွဲ မောင်မောင် ကျော်ဝင်းနဲ့ အမှတ်မထင် စကားစပ်မိပြီး သူက "မညို လျှောက်မသွားပါနဲ့၊ ကျွန်တော်ပို့ပေးမယ်၊ ပေဖူးလွှာ ပြန်ထုပ်တော့မယ်။ အဲဒီကိုပေးမလား"တဲ့။ ညိုကလည်း တစ်နေနေရာ ရောက်သွားရင်  ပြီးရော" ဆိုပြီး "သဘောပဲ"လို့ ပြောလိုက်ပါတယ်။]

အကြောင်း တိုက်ဆိုင်လာတော့ ပေဖူးလွှာက ညိုကို လိူက်လိူက်လှဲလှဲကြိုဆိုပါတယ်။ ညိုလည်း ပေဖူးလွှာ ဥယျာဉ် မှာသိမ်ပျော်သွားတာပေါ့။စာဖတ်သူတွေ ချစ်ချစ်ခင်ခင်အားပေးကြပြန်တော့ ဘယ်လောက် ကြည်နူး ချမ်းမြေရတယ်ဆိုတာ ညို ပြောမပြတက်အောင်ပါပဲ။ညို စာပေလောကထဲ ၀င်လာ တာဟာ တက်သိ နာလည်လွန်းလို့ မဟုတ်ပါဘူး။ စာတွေဖက်ပြီး ခံစားရသလို ခံစားရတာတွေကိုလည်း စာရေးချင် လွန်းလို့ပါ။ ဒါဆိုရင် ကိုဝင်းငြိမ်း မေးခွန်းအတွက် အဖြေလုံလောက်ပြီ ထင်ပါတယ်။

"အသည်းပန်းမှာ ဆူတွေနဲ့ရယ် ကို ဆရာမ အချိန်ဘယ်လောက်ကြာအောင် ဖန်တီးခဲရသလဲ။ ဇာတ်သိမ်းမှာ ဆု နဲ့ ကျော်ဆွေကို နဲ့ ပက်သက်ပြိး ပရိတ်သက် တော်တော်များများ မကျေမနပ် ဖြစ်သံကြား ရပါတယ်။"

" ဒီဝတ္ထုကို ရေးဖို့ ညို အချိန်ဘယ်လောက် ယူခဲ့ရတယ်ဆိုတာ ပြောဖို့ရာ ခက်ပါတယ်။ ဆုဟာ နှစ်အတော် ကြာကြာ မြွေအရေခွံ ပြောင်းသလို အသွင်ပြောင်းလာခဲ့တဲ့ ဇာတ်ကောင်ပါ။ ညို ဆယ်တန်းလောက်မှာ စပြီး ရေးတော့ ဆုဟာ ဒီလောက် မာနမကြီးသေးပါဘူး။ သူ့အားနည်းချက်၊ အားငယ်တတ်မှုတွေကိုလည်း ဒါလောက် မဖုံးကွယ်တတ်သေးပါဘူး။ လွန်ခဲ့တဲ့ လေး ငါးနှစ်တုန်းကတော့ တစ်ခေါက်ပြန် အချော သတ်ရင်း ဆု က ပိုပြီး ခေါင်းမာလာတယ်။ ဒါပေမဲ့ ကိုဆွေ့ ကို တော့ သူ့မာနထက် တန်ဖိုးထား စွဲလမ်းနေသေးတယ်။

၁၉၈၁ ခုနှစ် အောက်တိုဘာလမှာ ပေဖူးလွှာ စာတည်းအဖွဲ့ လက်ထဲ ထည့်နိုင်ဖို့ ညို သုံး လေးလ ကြိုတင်ပြီး ပြင်ဆင်အချောသတ်ပြန်တဲ့အခါမှာတော့ ဆုဟာ မာနအတွက် ကိုဆွေ့ အသည်းနှလုံးကိုရော၊ ဆု အသည်းနှလုံး ကိုပါ စတေးပစ်ဖို့ ၀န်မလေးတော့တဲ့ မိန်းကလေးတစ်ယောက် ဖြစ်သွားပါပြီ။း အဲဒီ ကြာမြင့် တဲ့ အချိန်တွေအတွင်း ညို့ဇာတ်ကောင်က ညို့ကို ဘယ်လောက် စိုးမိုးတယ်ဆိုတာ ဘယ်လို ပြောပြ ရမှန်းတောင် မသိတော့ပါဘူး။ ညီမ တွေကလည်း ဆုတို့၊ ကိုဆွေတို့၊ ကိုလတ်တို့တစ်တွေကို သက်ရှိ အသိ မိတ်ဆွေ သူငယ်ချင်းလို အောက်မေ့လာကြပြီး သူတို့အရေးကို ခေါင်းချင်းရိုက် ဆွေးနွေး တတ် လာတော့တာပဲ။

ဆုနဲ့ ကျော်ဆွေကို ဇာတ်သိမ်းခန်းအတွက် မကျေမနပ် ရေးလာတဲ့ ညို့ စာချစ်သူတွေဆီက စာတွေ တဖွဲဖွဲ ရောက်လာခဲ့ပါတယ်။ ကိုဆွေ က ချစ်မြဲ ချစ်နေသလို ဆုကလည်း ချစ်နေဆဲမို့ ကိုဆွေ့ဆီ ဆု ပြန်သွားချင် မယ်ဆိုတာ ညို သိပါတယ်။ ဒါပေမဲ့ ဆုဟာ မာနနဲ့ ရှင်သန်နေတဲ့ သာမန်လူသားတစ်ယောက်မို့ မာနတွေကို အပြီးတိုင် ခ၀ါချပစ်နိုင်လောက်အောင် တရားပြည့်ဝမှာ မဟုတ်ဘူးလို့ ညိုက ဆု နေရာကနေ ခံစားကြည့်မိ တယ်။ ကိုဆွေ့ဆီ ပြန်ဖို့ ဆု အားယူရဦးမယ်လို့ ညို ယူဆတယ်။ ဆု စဉ်းစားရဦးမယ်လေ။

ကိုဆွေ့ မိခင် ဟာ သားကို ချစ်လို့ ဆုကို လက်ခံမယ် ဆုံးဖြတ်ရပေမယ့် ဆု မျက်နှာကို မြင်ရင် ဆု ရက်စက် ခဲ့တာတွေကို ပြန်ပြီး သတိရဦးမလားလို့ ဆု စိတ်ပူနေဦးမှာ။ အဲဒီလိုသာဆိုရင် ဆုက ရွံ့လိုက်ချင်တတ်တာ မဟ်ုတ်လား။ ဒါတွေကို ပြေလည်အောင် တစ်ယောက်ယောက်က နားလည် သိတတ်စွာ ကြားဝင်ညှိနှိုင်းပေးဖို့ ဆိုတာကလည်း လက်တွေ့ဘ၀မှာ မလွယ်လှဘူးလေ။ ညို ရေးတဲ့ဝတ္ထု ဆိုပေမယ့် ဆု တို့က ဇာတ်ကောင်တွေနဲ့ မတူတော့ဘဲ လူတွေလို ဖြစ်နေပြီး ညို့မှာ လက်တွေ့ ဘ၀ ဆန်ဆန် ၀ိုင်းစဉ်းစား ပေးနေရလို့ပါ။ ဒါနဲ့ပဲ ဆုရဲ့ အချစ်ရေးဟာ "ဆုရေ"၊ "ကိုဆွေရေ" ဆိုပြီး ပြေးဖက်လိုက်ပြီး အလွယ်တကူ အဆုံးမသတ်လိုက်ရပါဘူး။ တခြား မပြေလည်မှုတွေ ပေါ်ပေါက် မလာရင်တော့ ဒါလောက် ချစ်တဲ့သူချင်း ပေါင်းဆုံမှာပါလို့ ညို ထင်တာပါပဲ။

အဲဒီဝတ္ထုမှာ ညို ပြောပြချင်တဲ့ အကြောင်းရပ်တစ်ခုကို ဘယ်သူမှ မဆွေးနွေးကြလို့ ညို့ကိုယ်ညို "အတော် ညံ့သေးတယ်" လို့ ၀မ်းနည်းလိုက်၊ "ငြီးငွေ့ကြမှာစိုးပြီး တင်ပြမှု နည်းသွားလို့ပါလေ "လို့ အားပေး လိုက် ဖြစ်ရတာလေးရှိပါတယ် "

ဘာများလဲ ဆရာမ "

" ဆရာဝန်တစ်ယောက် ဖြစ်လာအောင် အသေအလဲ ကြိုးစားခဲ့တဲ့ ဆုဟာ ဆရာဝန် တစ်ယောက်ရဲ့ ကျင့်ဝတ် နဲ့ မညီပါဘူးလို့ ကိုလတ် က စွပ်စွဲလိုက်တော့ ဆု ရင်မှာ ထိခိုက်ခံစားရတဲ့ အကွက်ကလေးကို ပြော တာပါ။ ဒါလေးကို ဘယ်သူမှ ဝေမျှ မခံစားလိုက်ရမှုထင်ပါရဲ့။ ညိုကတော့ ဆရာဝန် ပီသချင်သူမို့သာ သူ့ ချို့ယွင်းမှုကို သူ သိပြီး သူခံစားရတယ်လို့ ပြောပြချင်တာပါ။ ဆရာဝန်ဘွဲ့ရလာဖို့ မလွယ်ကူသလို၊ ဆရာဝန် ပီသဖို့ရာ ဆေးကုသမှုတစ်ခုတည်း တာဝန်ရှိတာ မဟုတ်ကြောင်း၊ လူနာတွေရဲ့ ရောဂါဝေဒနာ နဲ့ ဆက်နွယ်နေတဲ့ လူနာရဲ့ ဘ၀၊ လူမှုရေးကဏ္ဍဟာလည်း တစ်ခုအပါအ၀င် ဖြစ်ကြောင်း၊ တခြား ပြည့်စုံရမယ့် ရှိသင့်တဲ့ ကျင့်ဝတ်သိက္ခာ တာဝန်တွေအနက်က တစ်စွန်းတစ်စ ကောက်နုတ် တင်ပြလိုက်တာ တွေဟာ သိပ်မပီပြင်လိုက်ဘူး ထင်တယ်နော်။

( ၀င့်ဝင့်သော် ကိစ္စနဲ့ ပတ်သက်ပြီး ကိုလတ်က ဆုကို ပြောတဲ့နေရာ (ဇာတ်သိမ်းပိုင်း)ကို ဆရာမ ရည်ရွယ်တယ် ထင်ပါရဲ့။ ဆရာဝန်ရဲ့ ကျင့်ဝတ်သိက္ကခာဆိုတော့ သာမန် စာဖတ်ပရိသတ်ကတော့ ကိုလတ်ရဲ့ စကားကို သာမန်စကားတစ်ရပ်လို့ သဘောထားပြီးတာမို့ ဆရာမနဲ့ မဆွေးနွေးကြတာ ဖြစ်ပါလိမ့်မယ်၊ ဆရာဝန် စာဖတ်ပရိသတ်ကတော့ ဒီအချက်ကို သတိပြုမိကြမှာပါ။)

" ကျေးဇူးပါပဲ ဆရာမ။ ဒါလောက် ရှင်းပြလိုက်ရရင် ဆုအတွက် မကျေမနပ် ဖြစ်နေကြတဲ့ ဆရာမ ပရိသတ်တွေ ကျေနပ်တန်ကောင်းပါပြီ။

ဆရာမ ၀တ္ထုတိုတစ်ပုဒ်ဖြစ်တဲ့ "ကစားစရာ အရုပ်ကလေး မဟုတ်ပေါင်" ကို ဆွေးနွေးချင်ပါတယ် "

"ဟုတ်ကဲ့"

"ဆရာမက အဲဒီဝတ္ထုမှာ မင်းသမီး(စူး)က မင်းသား(၀င်းဆက်)ကို ကစားစရာ အရုပ်ကလေးလို သဘော ထားတယ်။ မိန်းကလေးတန်မဲ့ "ကိုကျော်နဲ့ သိပ်တူတာပဲ၊ ကိုကျော် ဆို တို့က သိပ်ချစ်တာ " ဘာညာနဲ့ သွားပြောတယ်။ ကောင်လေး စိတ်ကို လှုပ်ရှားလာအောင် လုပ်တယ်။ သူ တကယ်လည်း ချစ်တာ မဟုတ်ဘူး။ ဒီလို ကစားနည်းမျိုး မကစားသင့်ဘူးလို့ ဆရာမ ဆိုလိုချင်တာလား၊ ဒါမှမဟုတ် မိန်းကလေး တွေက ဒီလို ကစားရင် တစ်ဖက်က ယောက်ျားတွေ ဒီလို အရူးဖြစ်တတ်တယ်ဆိုတာ ပြချင်တာလား"

" အဲဒီဝတ္ထုမှာ အချစ်ကို ညိုက တန်ဆာပလာဆင်တဲ့သဘောနဲ့ ထည့်ရေးလိုက်တာပါ။ ညို ရေးချင်တာက ငွေကြေး ပြည့်စုံပိုလျှံသူတွေဟာ လိုချင်တာကို အနိုင်အထက် ငွေနဲ့ပိုင်းပြီး ယူနိုင်ကြတယ်။ လိုချင်သမျှ နယ်ချဲ့ကြတာများ အသည်းနှလုံးကိုတောင် ချမ်းသာမပေးဘူး၊ ကင်ဆာကျနေတာပဲလို့ အဲသလို ပြောချင်တာ။ စူးရဲ့ အဖေက ညဉ်တစ်မျိုး စူးရဲ့ညဉ်က တစ်မျိုး၊ ငွေရှင် ညဉ်ဆိုးပေါ့လေ။ တစ်ပိုင်းတစ်ဖြတ် ကွက်ပြီး တင်ပြတာပါ။ ညံ့လို့ပဲဖြစ်စေ၊ ကံမကောင်းလို့ပဲဖြစ်စေ၊ အခြေအနေ မပေးလို့ဘဲ ဖြစ်စေ ငွေကြေး ချို့တဲ့ရတဲ့ ဘ၀မှာတော့ ခံဘက်က များတာမို့ အသာစီးရတဲ့ လူတွေက သက်ညှာစေ လိုတဲ့ စေတနာဟာ ပေါ်လွင်ဘူးဆိုရင် ညို ညံ့လို့ပဲ ဖြစ်မှာပါ "

" ဆရာမ ငွေတာရီမှာ ရေးခဲ့တဲ့ "ချစ်ကြိုးနှစ်စ" မှာ ဂျက်စမင်းဝူး ဆိုတဲ့ ဆရာဝန်မလေးဟာ နိုင်ငံခြားကို ထွက် သွားတယ်။ ဒီလို ပညာတတ်တွေ မြန်မာနိုင်ငံက ထွက်ခွာသွားကြတဲ့ ကိစ္စအပေါ် ဆရာမ ဘယ်လို မြင် ပါသလဲ"

" ဂျက်စမင်းဝူးတစ်ယောက် မြန်မာနိုင်ငံကနေ ထွက်ခွာသွားတဲ့အခါမှာ အပေါင်းအသင်း သူငယ်ချင်း တွေက ဒေါက်တာထွန်းလင်း လိုက်မသွားဘူးလားလို့ မေးကြတဲ့အတွက် ဒေါက်တာထွန်းလင်းမှာ တအံ့တသြ နဲ့ ကျွန်တော်က ဗမာပဲ၊ ဘာလို့ လိုက်သွားရမှာလဲလို့၊ မေးခွန်း ပြန်ထုတ်မိတော့တယ်လို့ ညိုက ရေးသားခဲ့ပါ တယ်။ ဒေါက်တာထွန်းလင်းအနေနဲ့ လိုက်သွားသင့်၊ မသွားသင့်တောင်မှဘဲ စဉ်းစားစရာ မလိုခဲ့ပါဘူး။ သူဟာ ဗမာမို့ ဗမာပြည်ကို အဆို အကောင်း အားလုံးနဲ့အတူ ချစ်မယ့်သူ၊ ဗမာပြည်မှာ နေပြီး ဗမာပြည်မှာ သေမယ့်သူသပါ။ ဂျက်စမင်းဝူးကတော့ ဗမာ မဟုတ်မှ မဟုတ်ဘဲ။ ဒီတော့ သူ့ပညာရေးအတွက် မြန်မာနိုင်ငံက ငွေကြေးများစွာ ရင်းနှီးမြှုပ်နှံထားရပေမယ့်လည်း မြန်မာပြည် ကို ခွဲခွာသွားရက်နိုင်ပေတာပေါ့။

ညို့အမြင် ပြောရရင် ညိုဟာ မြန်မာတိုင်းရင်းသူတစ်ယောက်မို့ ဒေါက်တာ ထွန်းလင်းလိုပဲ မြန်မာပြည် မှာပဲ နေပြီး မြန်မာပြည်မှာပဲ သေချင်တာပါ။ နိုင်ငံခြား ထွက်သွားတယ်ဆိုရာမှာ ခေတ္တခဏ သွားရောက် တာမျိုး ကို ညို မဆိုလိုပါဘူး ဆိုတာကတော့ ရှင်းမှာပါနော် "

" ဆရာမရဲ့ "ရွှေမှုန် ငွေမှုန် ကြဲပေမယ့်" လက်ရေးစာမူကို ကြိုတင်ဖတ်ခွင့်ရခဲ့ပါတယ်။ ဒီလမှာပဲ ပေဖူးလွှာက ဖော်ပြမှာဆိုတော့ တစ်ဆက်တည်းပဲ ဆွေးနွေးသွားချင်ပါတယ်"

" ဟုတ်ကဲ့ "

" လက်ထပ်ခြင်းဆိုတာ တကယ်တော့ ခရီးမှတ်တိုင် တစ်ခုမျှသာပါ။ ကွန်းခိုစခန်းတစ်ခုမျှသာပါ။ အချစ်ရဲ့ ပန်းတိုင်ဟာ လက်ထပ်ပေါင်းဆုံခြင်းနဲ့ အဆုံးမသတ်ပါဘူးလို့ ဆရာမ ဆိုထားပါတယ်။ ချစ်သူနှစ်ဦးအတွက် အဓိက ရည်မှန်းချက် ပန်းတိုင်ဟာ လက်ထပ်ပေါင်းဆုံခြင်းပဲ မဟုတ်လား။ ဆရာမ ဘယ်လို ယူဆပါသလဲ"

" ချစ်ရင် လက်ထပ်ချင်တာ၊ ဘ၀ခရီးကို အတူတွဲ လျှောက်ချင်တာ အမှန်ပါပဲ။ အဲဒါကို ပန်းတိုင် မဟုတ်ပါ ဘူးဆိုတာ ညို ပြောတာ မဟုတ်ပါဘူး။ ညို့ ဇာတ်ကောင် ဒေါ်ဝင့်ဝါလင်းက ပြောတပါ။ ဒါ သူ့အမြင်ပေါ့။ လူ တစ်ယောက်ရဲ့ အတွေ့အကြုံနဲ့ ခံစားချက်အတိုင်း ထပ်တူကျဖို့ မလွယ်ပါဘူး။ ဆန့်ကျင်ဘက်တောင် ဖြစ်ချင် ဖြစ်နေနိုင်ပါသေးတယ်။

ခုတော့ ကိုဝင်ြးိမ်းက ညိ့ ယူဆချက်ကိုလည်း မေးလာတော့ ညို့မှာ "အချစ်ရဲ့ ရည်မှန်းချက်ပန်းတိုင်ဟာ ရာသက်ပန် ထာဝရချစ်ခြင်း"လို့ပဲ အဖြေပေးရတော့မှာပေါ့။ ပေါင်းဆုံသည်ဖြစ်စေ၊ ကွဲကွာသွားသည် ဖြစ်စေ သေတစ်ပန်သက်ဆုံး ချစ်သွားကြရင် ပိုပြီး ကြည်နူးစရာကောင်းမယ် ထင်တာပါပဲ"

" အိမ်ထောင်ရှင်မ ဆိုတာကို ဆရာမ ဘယ်လို အဓိပ္ပာယ် ဖွင့်ဆိုချင်ပါသလဲ။ မောင်တစ်ထမ်း မယ်တစ်ရွက် ဒိုးတူပေါင်းဖက် စီးပွားရှာနိုင်တဲ့သူလား။ ဒါမှမဟုတ် မယားဝတ္တရား ငါးပါးနဲ့အညီ သားကို သခင်၊ လင်ကို ဘုရားပြုစုတတ်တဲ့ မိန်းမျိုးလား"

" အိမ်ထောင်ပြုလိုက်ရင် အိမ်ထောင်ရှင်မ ဖြစ်သွားတာပဲလို့ ညို ဖြေရင် စကားကတ်တာ မဟုတ်ဘူးနော်။ အိမ်ထောင်ရှင်မ ပီသဖို့ရာ အရည်အချင်းတွေ တသီတန်းကြီး လိုချင်လည်း လိုမှာပေါ့။ ဥပမာ - လင်နဲ့ သားသမီးကို ပြုစုရမယ်။ လိုအပ်ရင် စီးပွားရှာရမယ်။ အေးအတူ ပူအမျှ ဝေမျှခံစားတတ်တဲ့ အဖော်လည်း ဖြစ်ရမယ်။ မမှန်ကန်တဲ့ နည်းလမ်းနဲ့ စီးပွားချမ်းသာ လာဘ်လာဘမျိုးကို အားမပေးတဲ့ မိန်းမမျိုးလည်း ဖြစ်သင့်ပါတယ်။ မယားဝတ္တရား ငါးပါးနဲ့ ညီသင့်တာကလည်း အမှန်ပါပဲ။ (လင်ကလည်း လင့်ဝတ္တရား ငါးပါးရဲ့ ညီမှ မယားကလည်း ပိုပြီး တာဝန်ကျေနိုင်မှာတော့ နားလည်မှု ရကြပြီးသားပေါ့နော်" အိမ်တွင်းမှု လုပ်၊ သိမ်းထုပ် သေချာ၊ မိစ္ဆာကြဉ်ရှောင်၊ လျော်အောင်ဖြန့်ချိ၊ ပျင်းရိမမူ၊ ၀တ်ငါးခု အိမ်သူ ကျင့်အပ်စွာ"ဆိုတာ အိမ်တွင်းမှုကို ကျွမ်းကျင်တတ်မြောက်ထားဖို့သာ ဖြစ်ပြီး အစအဆုံးကိုယ်တိုင် လုပ်သင့်ရင် လုပ်၊ စီမံခန့်ခွဲရုံပဲ တာဝန်ယူသင့်ရင် ယူနိုင်တယ်လို့ ခေတ်နဲ့လျော်ညီစွာ ညို ယူဆပါတယ်။

စီမံခန့်ခွဲတယ် ဆိုတာ ပညာပါ။ ကိုယ်တိုင်တတ်မှ အကွက်စေ့နိုင်တာ။ မီးဖိုထဲမှာချည်း ငရုတ်သီးထောင်း၊ ကြက်သွန်ဖြူ နွှာ ဖို့ အချိန်ရှိချင်မှ ရှိမှာမို့ ပြောတာ။ ပြီးတော့ မောင်တစ်ထမ်း မယ်တစ်ရွက်၊ ဒိုးတူ ပေါင်ဖက် ဆိုတာ ညို့အတွက်တော့ စီးပွားရှာတာ တစ်ခုတည်း မဟုတ်ဘဲ သာယာအောင်မြင်တဲ့ အိမ်ထောင် တည် ဆောက်ရာမှာရော တိုင်းပြည်နဲ့ လူမျိုးအတွက် အလုပ်လုပ်တဲ့ နေရာမှာပါ ကျရာနေရာ က တာဝန်ထမ်းကြ ဖို့ပါ။ သားကို သခင်၊ လင်ကို ဘုရား ဆိုတာကလည်း တင်စားပြီး ပြောကြတာလို့ပဲ ညို သဘောထား ပါတယ်။ ညိုသာဆိုရင်တော့ သားကို မိခင်မေတ္တာ အပြည့်အ၀ ပေးမယ်၊ လင်ကို အချစ်မြတ်နိုးဆုံး ပြုစုမယ်လေ။

နောက်ဆုံးတော့ အိမ်ထောင်သာယာရေးနဲ့ သားသမီးတွေရဲ့ လူနေမှု အဆင့်အတန်းရော စိတ်ဓာတ် ရေးရာပါ အမြင့်မားနိုင်ဆုံး မြှင့်တင်ပေးနိုင်ရေးအတွက် လက်တွဲဆောင်ရွက်သွားဖို့ အရေးကြီးတယ်လို့ ညို ယူဆတာပါပဲ။

ဒါပေမဲ့ တစ်ယောက်နဲ့ တစ်ယောက် ဘ၀အတွေ့အကြုံချင်း၊ ခံစားချက်ချင်း ထပ်တူကျဖို့တော့ မလွယ်ပါဘူး လို့ ညို ထပ်ပြောလိုက်ပါရစေဦးနော်။ ညို့အယူအဆတွေကို ကိုဝင်းငြိမ်း မေးလို့သာ ပြောရ ပေမယ့် နောက် တစ်ယောက်က သဘောကျချင်မှ ကျမှာ မဟုတ်လား"

" ဆရာမ ၀တ္ထုတိုနဲ့ ၀တ္ထုရှည် ရေးရတာ ဘယ်ဟာ ပိုပြီးသန်ပါသလဲ။ ၀တ္ထုတိုနဲ့ ၀တ္ထုရှည် ဘယ်လို ခွဲခြား ပါသလဲ "

" ၀တ္ထုတိုနဲ့ ၀တ္ထုရှည်မှာ ဘယ်ဟာကိုမှ ပိုပြီး အားသန်တယ်ရယ်လို့ မဟုတ်ပါဘူး။ အကြောင်းအရာလေး တစ်ခုကို ပြောချင်ရင် ဇာတ်ကွက်တစ်ခု ဆင်လိုက်ပြီး ၀တ္ထုတို ရေးမိတာပဲ။ လူတစ်ယောက်ရဲ့ ဘ၀တစ်ခု ကို ဖန်တီးပြီး သူက ခံစားလှုပ်ရှား ရုန်းကန်ပြသွားမှ ညို ပြောချင်တာ၊ ရေးချင်တာကလေးတွေ ပြည့်စုံမယ် ထင်ရင် ၀တ္ထုရှည် ရေးမိတာပဲ။

ဒါကြောင့်မို့ ညို့ ၀တ္ထုရှည်မှာ ဇာတ်ကောင်ရဲ့ ရုပ်ရည် စိတ်သဘောထား၊ အတွေးအခေါ်၊ အရည်အချင်း အသေးစိတ် ဂရုစိုက်ပါတယ်။ ညို သဘောကျတဲ့ လူတစ်ယောက်ယောက်ကို ပုံကြမ်း ကူးယူပြီးမှ ညို့ဘာသာ ဖြည့်တန်ဖြည့်၊ နုတ်တန်နုတ်နဲ့ ပုံဖော်ပြီး ဇာတ်ကောင် ဖန်တီးပါတယ်။ အကြောင်းအရာတွေ၊ အဖြစ်အပျက်တွေဟာ မူလ ပုံကြမ်းယူတဲ့ လူနဲ့ လုံးဝ မပတ်သက်တော့ဘဲ ဇာတ်ကောင်က သူ့ဘာသာ ကပြ သွားတော့တာပဲ။ ညို ရေးချင်တာနဲ့ လိုက်လျောတဲ့ ဇာတ်ကောင် ဖန်တီးပေမယ့် ရေးရင်း သူ့ဘာသာ တွေးချင် သလိုတွေး၊ ဖြစ်ချင်တာတွေ ဖြစ်ကုန်တော့တာပဲ။

ရိုးရိုးသားသား ၀န်ခံရရင် ညိုက ဘာရေးနည်းရေးဟန်ကိုမှ စနစ်တကျ လေ့လာထားတာ မဟုတ်ပါဘူး။ ညို ခံစားရတာလေးတွေကို ဝေမျှ နှီးနှောပြချင်တာပဲရှိတာပါ။ ဒီအင်္ကျီစလေးကို တို့ ကြိုက်တယ်လို့ ညိုက ပြော လိုက်တဲ့အခါမှာ ညို့ အဖော်က တို့လည်း ကြိုက်တယ်လို့ ပြောရင် ကျေနပ်ပျော်ရွှင်သွားမယ်။ ဒါကြီးက ကြောင်ပါတယ်ဟာလို့ ပြောလာရင် ဟုတ်သလားလို့ ပြန်စဉ်းစားမယ်။ ဒါမှမဟုတ် မကြားချင် ယောင်ဆောင် နေမယ်။ ဒါမှ မဟုတ်ရင်လည်း အင်း ... ကြောင်တယ်လို့ စိတ်ကူးပြောင်းသွားမယ်။ ဒါမှ မဟုတ်သေးရင် အို ... သူ ကြိုက်ကြိုက်၊ မကြိုက်ကြိုက် တို့ ကြိုက်ရင် ပြီးရောလို့ စိတ်ပိုင်းဖြတ်လိုက်မယ်။ ဒီလို သဘောမျိုးလေးတွေ ခပ်ဆင်ဆင်ပေါ့။

ဒါပေမဲ့ ညို ရေးလိုတဲ့ စာတွေဟာ ညို့စာဖတ်သူအတွက် အဆိပ်အတောက် ဖြစ်မှာတော့ ညို သိပ်စိုးရိမ်ပါ တယ်။ ညိုက အသိပညာတွေ ပိုလျှံနေသူ မဟုတ်လို့လည်း တော်တော်လေး သတိထားပါတယ်။

နောက်တစ်ခု ကတော့ ညို့အတွက်၊ သို့မဟုတ် အခြားတစ်ယောက်ယောက်အတွက် သိပ်အရေးကြီးတယ်။ ရေငုံနှုတ်ပိတ်နေလိုက်ရင် အန္တရာယ် ဖြစ်လောက်အောင် ထိခိုက်နစ်နာနိုင်တယ် ဆိုရင်သာ ညို ငြင်းခုံတတ် ပြီး ဒီလို မဟုတ်ဘဲနဲ့တော့ သူလည်း ပြောချင်ရာ ပြော၊ ညိုလည်း ထင်ချင်ရာ ထင်နေ တတ်ပါတယ်"

" ကျွန်တော် လေ့လာမိသလောက် ဆရာမရဲ့ အမျိုးသမီးဇာတ်ကောင်တွေဟာ အများအားဖြင့် မာန ရှိတယ်။ ခေါင်းမာတယ်။ ဘာကြောင့် ဒီစရိုက်မျိုး ဖန်တီးဖြစ်တာလဲ။ ဆရာမ ခံယူချက် ဘယ်လို ရှိပါသလဲ"

" ခေါင်းမာတယ်၊ မာနရှိတယ် ဆိုတာ "ဆု "(အသည်းပန်းမှာ ဆူးတွေနဲ့ရယ်)နဲ့ "နှင်းဝေေ၀" (ချစ်အကျိုး တော်ဆောင်)လား။ ပုံစံချင်းကတော့ မတူပါဘူး။ ချစ်အကျိုးတော်ဆောင် ၀တ္ထုတိုက အမှတ်-၂၊ ဆေးတက္ကသိုလ် ရဲ့ ၁၉၈၂-၈၃ နှစ်ပတ်လည်မဂ္ဂဇင်းမှာ ရေးခဲ့ပါတယ်။

ဆုက နေသေးသပ ချုံထဲက၊ ချိုသွေးသပ တမြမြ ဆိုသလို လောကကြီးကို မကျေမချမ်း ဖြစ်နေတဲ့ အနှိမ်ခံ ဘ၀က လူသားတစ်ဦး။ နှင်းဝေေ၀ကတော့ ပြီးပြည့်စုံတဲ့ဘ၀မှာ ပညာမာန တလူလူ လွှင့်နေတဲ့ လူသားတစ်ဦး။ ညိုက အဆိုး အကောင်း ဒွန်တွဲနေတဲ့ သာမန်လူသားတွေအဖြစ်ပဲ မြင်ပါတယ်။

ညို့အကြိုက် ဇာတ်ကောင်ပုံစံ ဆိုရင် ညိုက လူတော် လူကောင်းမှ ကြိုက်တာပါ။ တော်ရမယ်၊ နှိမ့်ချရမယ်၊ ရိုးသားဖြောင့်မတ်ရမယ်၊ ဘာညာပေါ့။ တစ်ထစ်လျှော့ပါ ဆိုရင်တော့ ညိုက လူတော်ထက် လူကောင်းကို ပိုနှစ်သက်ပါတယ် "

" ဆရာမ အခု ရေးပြီးသမျှ ၀တ္ထုတွေမှာ ဆေးကျောင်းနောက်ခံထား ရေးသွားတာတွေ တွေ့ရပါတယ်။ ဆရာမောင်သင်တို့လို၊ ဆရာ ဦးထွန်းရွှေတို့လို ဆေးပညာ အခြေခံတဲ့ ၀တ္ထုမျိုး ရေးဖို့ စိတ်ကူး ရှိပါသလား"

" အဲဒီ ဆရာတွေလို ဆေးပညာ အခြေခံတဲ့ ၀တ္ထုမျိုးတွေလည်း ညို ရေးတော့ ရေးချင်ပါတယ်။ ညိုက ဆေးပညာ ကိုလည်း စိတ်ဝင်စားတယ်။ ဆေးပညာနယ်က လူတွေကိုလည်း စိတ်ဝင်စားပါတယ်။ ညို့စိတ် ကို က အဲဒီ တစ်ဝိုက်မှာပဲ ဝေ့လည်နေသလိုပါပဲ "

" ဆေးကုနေချိန် စာရေးချင်စိတ် ပေါ်ဖူးသလား။ ရေးကော ရေးဖြစ်သလား "

" ဟုတ်ကဲ့။ တစ်ခါတလေ သိပ်ရေးချင်တာပဲ။ ရောဂါကို မှီပြီး ရေးချင်တယ်။ ဝေဒနာရှင်ကို မှီပြီး ရေးချင်တယ်။ ကုသပေးနေသူတွေကို မှီပြီး ရေးချင်တယ်။ တစ်နေ့တော့ ရေးမယ် တေးမှတ်ထားရင်း နောက်ကျရင် ရေးဖြစ်တာလည်း ရှိ၊ မေ့တာလည်း မေ့၊ ဖီလစ်မလာတော့တာလည်း ရှိမှာပေါ့"

" ဆရာမ အခု လုံးချင်းဝတ္ထု ရေးနေပြီလား "

" ဟုတ်ကဲ့ ... "ထာဝစဉ်ချစ်ခြင်းများစွာဖြင့်" ဆိုတဲ့ နာမည်နဲ့ လုံးချင်း တစ်ပုဒ် ရေးထားပါတယ်။ "အသည်း ပန်း"နဲ့တော့ မတူပါဘူး။ ညို့ဇာတ်ကောင်တွေက စံပြနမူနာပုံစံ မဟုတ်ဘဲ လူသားတွေနဲ့ တူအောင် ဖန်တီး ထားတာမို့ တစ်ခါမှာ လူတစ်မျိုး ဖြစ်နေမှာမို့ပါ။ အသည်းပန်းက "ဆု"တို့၊ "ကိုဆွေ" တို့ကို သဘောကျသူ တွေဟာ ဒီတစ်ခါ "ရှီနိုမီရာစံ"နဲ့ "စန္ဒီ"ကိုလည်း သဘောကျချင် ကျမယ်၊ သဘောမကျ ဘဲလည်း နေချင်နေ မယ်။ အရင်က သဘောမကျခဲ့တဲ့ စာဖတ်သူတွေလည်း ဒီတစ်ပုဒ်မှာ သဘောကျချင် ကျလာမယ်ပေါ့။ ခုလည်း မကြိုက်သေးပါဘူးဆိုရင် နောက်တစ်ပုဒ်ကျတော့ ညို မျှော်လင့်ရဦးမှာပေါ့။

" ထာဝစဉ် ချစ်ခြင်းများစွာဖြင့်" ရဲ့ ကျောရိုးကတော့ အချစ်စစ် အချစ်မှန်ဆိုတာ ထာဝစဉ် တည်တံ့ခိုင်မြဲ တယ်။ လက်ထပ်ပေါင်းဆုံခြင်း မရှိဘဲ ဘယ်လောက်ပဲ ဝေးကွာသွားရသော်လည်းပဲ အချစ်ဟာ မပျောက်ဆုံး ဘူး၊ မပျက်စီးဘူးဆိုတဲ့ ညို့ စိတ်ကူးကလေးပါ။ ဂျပန်စစ်အတွင်းမှာ ဖူးပွင့်ခဲ့တဲ့ အချစ် ဇာတ်လမ်းကလေးလို့ပဲ ဆိုပါတော့"

" ကျေးဇူးပါပဲ ဆရာမ။ ဆရာမ နားနေရမယ့် အချိန်ကလေးမှာ အချိန်ပေးပြီး ဆွေးနွေးခွင့်ပြုတဲ့အတွက် ပေဖူးလွှာ စာတည်းအဖွဲ့ရဲ့ ကိုယ်စားရော ဆုရဲ့ ပရိသတ် ကိုယ်စားပါ ကျေးဇူးတင်ကြောင်း မှတ်တမ်းတင်ခဲ့ ပါရစေ။ "ထာဝစဉ် ချစ်ခြင်းများစွာဖြင့်" နဲ့ နောက်ထွက်လာမယ့် ဆရာမ ၀တ္ထုတွေကို ကျွန်တော်တို့ စောင့် မျှော်နေကြပါဦးမယ် "

ပေဖူးလွှာ မဂ္ဂဇင်း၊ အမှတ်-၂၇၊ သြဂုတ်လ၊ ၁၉၈၃ ခုနှစ်။

Credit:shwezinu.blogspot.com