ဝင်းငြိမ်း နှင့် စာရေးဆရာများ အပိုင်း (၂၂)
အောင်ကျော်စည်နဲ့
ဆွေးနွေးတဲ့အတွက် "အဖတ်ပြဇာတ်" သဘောကို ကျုပ် ယုံကြည်လာတာဗျ။ သူက
စင်တင်ပြဇာတ်ဟာ သူ့ဘာသာသူ စင်ပေါ်မှာနေ၊ အဖတ် ပြဇာတ်ဟာ စာအုပ်ထဲမှာ နေတဲ့အတွက်
သီးခြား ဖြစ်ရမယ်။ အဲဒီသဘော ရှိတယ်။ အဖတ်ပြဇာတ် ဆိုရင်တော့ ပရိသတ်ကို အခုထက်များ
စည်းရုံး နိုင်ပြီး ပြဇာတ်ဖတ် ပရိသတ် အခုထက် တိုးပွားစေချင်တဲ့ စေတနာပါပဲလေ။
ကျုပ်လည်း ဘာလိုလိုနဲ့ ပြဇာတ် မရေးဖြစ်တာ အတော်ကြာသွားပြီဗျ။ အဲ ... ရေးဖူးသမျှ
စုစုပေါင်းဆိုရင် နှစ်ဆယ် တော့ ကျော်မလားဘဲ။
ရသစာပေမှာ ကဗျာ၊ ၀တ္ထုနဲ့ ပြဇာတ်ပဲ ရှိတာဗျ။ အခုတော့ ကဗျာနဲ့ ၀တ္ထုပဲ ကျန်နေပြီး
ပြဇာတ်က တိမ်မြုပ် နေတော့ နှမြောစရာပေါ့ဗျာ။ ကိုရင်တို့လို အောင်မြင်တဲ့
မဂ္ဂဇင်းတွေကမှ ပြဇာတ်ကို တစ်နှစ် အတွင်း လေးငါး ခြောက်ပုဒ်လောက် နေရာမပေးရင်
ဘယ်သူက နေရာပေးမှာလဲ။ ဒီလိုဆိုရင် ပြဇာတ်ဟာ ဒီလိုပဲ တစ်သက်လုံး သေနေရတော့မလား။
ပြဇာတ် ရေးကြတဲ့အခါမှာ မည်ကဲ့သို့ ပြင်ဆင်ထားစေ၊ မည်သူ ထွက်လာစေဆိုတာဟာ မဏိကတ်
ပြဇာတ်ခေတ်က ရေးပုံကြီးပဲ။ အဲဒီအချိန်တုန်းက ကပြဖို့အတွက် ရေးတဲ့ ဇာတ်ညွှန်းပဲ။
အဖတ်ပြဇာတ်မှာ အဲဒီလို ရေးတော့ ဘယ်လိုလုပ်ပြီး စာဖတ်သူ အာရုံငြိမှာလဲ။
တချို့ ပြဇာတ်များဆိုရင် လူများက စက်ဝိုင်းပုံ ရပ်နေစေ၊ ဒိုးပတ်ဝိုင်းက သင့်လျော်ရာ
တေးတစ်ပုဒ်ကို တီးမှုတ် နေစေတဲ့။ စာဖတ်သူမှာ ခံစားလို့ရမယ် မထင်ဘူးလေ။
အဖတ်ပြဇာတ် မထွန်းကားတာကတော့ -
တစ် - ပရိသတ် စုပြီးသားရှိတဲ့ မဂ္ဂဇင်းတွေက အားပေးမှု နည်းလို့ပါ။
နှစ် - ပြဇာတ်ကို သူများ ရေးသလို ငါလည်း ရေးတတ်တာပဲဆိုပြီး ထရေးကြပေမယ့် ပြဇာတ်
ရေးရမယ့် ဇာတ်လမ်း နဲ့ ပြဇာတ် မရေးရမယ့် ဇာတ်လမ်းတောင် ခွဲခြားမသိဘဲ ရေးကြလို့၊
တကယ် ရေးတတ်သူ နည်းပါး လို့ရယ်လို့ ပြောကြပါစို့။
သုံး - ရေးတတ်သူက ရေးပြန်တော့လည်း ပြဇာတ်ရဲ့ အညွန့်အတက်ကို ဖဲ့ပြီးမှ
ရေးနေကြရတဲ့အတွက်။
လေး - လေးအချက်ကတော့ ပရိသတ် စိတ်မ၀င်စားလို့ပါ "
" ဇာတ်သဘင်နဲ့ ပတ်သက်ပြီး နောက်ကွယ်က အဖြစ်အပျက်တွေကို သရုပ်ဖော်ထားတာ
တွေ့ရပါတြယ်။ ဒီနေ့ ဇာတ်သဘင် လောကအပေါ် ဆရာ ဘယ်လို မြင်ပါသလဲ "
" ဇာတ်သဘင်တွေရဲ့ ချို့ယွင်းချက်တွေကို ဖော်ပြပြီး ဖြစ်ကောင်းတာ။ ဖြစ်သင့်တာ
ကလေးတွေကို ဟာသ ၀တ္ထုတိုတွေ ကျုပ် ရေးပေမယ့် အမျိုးသား အနုပညာရပ်တစ်ခု မှန်မှန်
ကန်ကန် တိုးတက်ကြီးပွား စေချင်တဲ့ စေတနာပဲ ရှိတာပါ။ ဘယ်လို မြင်တယ်ဆိုတာအထိ
ပြောလောက်တဲ့လူ ဟုတ်မယ် မထင်ပါဘူး။
ဇာတ်သဘင် ဟာ ဖွဲ့ပုံပေါ် က ရဲတိုက်ပဲ။
ကိုရင် ကြည့်လေ၊ ဇာတ်တစ်ဖွဲ့မှာ စာပေနဲ့ အနီးဆုံး ပုဂ္ဂိုလ်ဟာ စာရေးဆရာပဲ။
အဲဒီစာရေးဆရာဟာ ဗုဒ္ဓ၀င် ကို မှန်မှန်ကန်ကန် မသိဘူးဆိုရင် ကိုရင် ယုံမလား။ အဲလေ ...
သူတောင်မှ အဟုတ် မဟုတ်ရင် ကျန် တဲ့ လူတွေ မဟုတ်တာ ပြောမနေနဲ့တော့။
ဇာတ်အဖွဲ့တစ်ဖွဲ့ ရုံဝင်ကနိုင်ဖို့အတွက် ရုံခလည်း ကြီးတယ်။ ရုံဆောက်စရာ
မြေဈေးလည်း ကြီးတယ်။ ပွဲကျ ပြန်တော့လည်း ဖျာနေရာ နေရာကောင်းတွေက ပိုက်ဆံမရရှာကြဘူး။
အဲဒီအခါမှာ ပွန်းပြတ် ပြတ်ကုန် တယ်လေ။ ပွန်းပြတ်ပြတ်ကုန်တော့ ဘယ်သူ ၀င်လာသလဲ၊
ငွေရှင်ပေါ့။ ငွေရှင်ဆိုတာက ထုံးစံ အတိုင်း ငွေ အတွက်ပဲ မြင်တဲ့ ကြည့်တဲ့အခါ
သူ့အိတ်ထဲ ရောက်နေတဲ့ အနုပညာသည်များမှာ မတော်တာ တွေ လုပ်ကြ ရတော့တယ်။ တချို့
ပညာသည်ကြီးတွေမှာ သိပေမယ့် မလွန်ဆန်နိုင်လို့ ငြိမ်နေကြရတယ်။
အချိန်မီ သတိရပြီး အမျိုးသားအနုပညာ မပျက်စီး မပပျောက်အောင် ကာယကံရှင်
သဘင်သည်တွေကိုယ် တိုင် ထိန်းနိုင်ရင် ထိန်း၊ မထိန်းနိုင်ရင် ရာစုတစ်စိတ်အတွင်းမှာ
တောင်ရှည်ပုဆိုးနဲ့ ခေါင်းပေါင်းဟာ ဇာတ်ခုံ ပေါ်က ပျောက်သွားနိုင်တယ် "
" ဇာတ်သမား တော်တော်များများက "ဝေဖန်ရေး"ကို အော့ကြောလန်ကြတယ်။
ကိုယ့်ကိုယ်ကိုယ်လည်း ဝေ ဖန်မှု မရှိကြဘူး။ ဆရာ ဘယ်လို မြင်ပါသလဲ "
" ဝေဖန်ရေးကို ဇာတ်သမားများသာ မဟုတ်ပါဘူး၊ ရုပ်ရှင်သမား၊ ဂီတသမားနဲ့
စာပေသမားလည်း အော့ ကြောလန်တာပါပဲ။ ကိုယ့်ကိုယ်ကိုယ် ဝေဖန်ရေး မလုပ်ကြတာမှာလည်း အတူတူပါပဲ။
ဘာကြောင့်လဲဆို တော့ အများအားဖြင့် တိမ်တိမ် ကလေးတွေပဲ။ ဘယ်လောက်အထိ တိမ်သလဲဆိုရင်
ခြေဖမိုးတောင် မမြုပ် ဘူး။
အနုပညာမှာ ရိုးဖြောင့်တဲ့ ဝေဖန်ရေးဟာ အလွန်လိုအပ်တာပေါ့။ ကျွမ်းကျင်ပြီး
တင်ပြတတ်တဲ့ ဝေဖန်ရေး သမားဆိုရင် ပိုပြီး အဖိုးတန်ပါတယ်။ အခုတော့ သူတစ်ပါး
ဝေဖန်တာလည်း မခံနိုင်၊ မိမိကိုယ်ကို ဝေဖန်ရေး လည်း မလုပ်ကြတော့ အနုတ်လက္ခဏာမျာပဲ
ကျောက်ချနေကြပါပကော "
" ဇာတ်တစ်ဖွဲ့ရဲ့ အရည်အချင်းကို ဘာနဲ့ အကဲဖြတ်ကြမလဲ။ မီးပစ္စည်းတွေနဲ့လား၊
ဆက်တင်တွေနဲ့လား၊ မင်းသမီး အား နဲ့လား၊ မင်းသား ချောတာနဲ့လား၊ ပြဇာတ် ကောင်းတာလား၊
နှစ်ပါးခွင် နိုင်နင်းမှုနဲ့လား "
" ဘယ်အနုပညာသည် ပဲ ဖြစ်ဖြစ် ထမင်းတစ်လုတ်အတွက် ပြည်သူကို
အဆိပ်မကျွေးသင့်ပါဘူး။ နယ်လှည့် ပြီး အဆိပ်တွေ ဖြန့်ဝေရာ မရောက်အောင်၊ အရပ်တကာ
လှည့်ပြီး မကောင်းမှု ကျူးလွန် နေကြတယ်လို့ အဆိုမခံရအောင် လုပ်ကြဖို့၊ သတိထားဖို့
ကောင်းတာပေါ့လေ။
ဇာတ်အဖွဲ့တစ်ဖွဲ့မှာ ဆက်တင်တွေ၊ မီးတွေဟာ အဓိက မဟုတ်ပေမယ့် မပါရင် မပြီးတဲ့
အခြေကို ရောက်နေ ပြီ။ အဆို၊ အက၊ အငိုနဲ့ ဇာတ်စီး ဇာတ်နင်းနိုင်ခြင်းဟာ
အစိတ်အနှစ်သာရပါ။ ပိုက်ဆံရတာ၊ မရ တာ နဲ့ တိုင်းတာရင်တော့ အမှန်ကို မရောက်ဘူးနော်။
ကျုပ် ပြောခဲ့ပြီပဲ။ ကျုပ်ဟာ ပိုက်ဆံရလို့ စာရေးတာ မဟုတ်ပါဘူးလို့။ စာရေးရင်း
ရေးရင်းနဲ့ သိလာ ခံယူ လာ တာက စာပေနဲ့ အလုပ်သမား၊ လယ်သမား၊ စာပေနဲ့ နိုင်ငံတော်
စာပေနဲ့ နယ်ချဲ့ဆန့်ကျင်ရေးပဲ။ ဒီတော့ ကိုယ့်စေတနာကို ကိုယ် ယုံကြည်တဲ့အတွက်
စေတနာနဲ့ ရေးတာပါပဲ။
အတိုချုပ်ရရင်တော့ အကွပ်မဲ့တဲ့ ကြမ်းထဲက အနိဌာရုံတွေ ရှင်းလင်းသွားဖို့
အရေးကြီးဆုံး အခြေခံက မျိုးချစ်စိတ်ပါပဲ။ မျိုးချစ်စိတ်လို့ ဆိုတာနဲ့ တစ်ပြိုင်နက်
သင့်လျော်လျောက်ပတ်တဲ့ အမျိုးသားယဉ်ကျေးမှုနဲ့ ခြေမြစ် ခိုင်မာ တဲ့ အမျိုးသား
ဓလေ့ထုံးတမ်းတွေကို ရှင်သန်အောင် အားထုတ်ဖို့ပါပဲ။
ကျုပ်က ကိုယ်တွေ့ဗျ။ ခြင်းယိုင်ခတ်ပညာထဲက ခြင်းပေါက်တွေကို အမေရိကန်ကလာတာ
မဟုတ်လားလို့ မေးတာ နားနဲ့ဆတ်ဆတ် ကြားရတယ်။ တစ်ထောင်မှာ တစ်ယောက်ပါလို့ ပြောပြော၊
သန်း ၃၀ မှာ တစ် ယောက်ပါ လို့ ဆင်ခြေတက်တက် ပြေးတဲ့အတွက် ထင်ကျန်ခဲ့တဲ့ ကန်ရာပဲဗျ။
အဲဒါကြောင့် အမျိုးသား ယဉ်ကျေးမှု ဆုတ်ယုတ်နေတာကို ခေတ်နဲ့အညီ တိုးတက်ခြင်းပဲ၊
ခေတ်သဘော ပဲလို့ မြင်မနေကြရင် အကွပ်မဲ့တဲ့ ကြမ်းထဲက အနုတ်လက္ခဏာတွေလျော့နည်း
ပပျောက် သွား ကောင်း ပါရဲ့"
" ဒီနေ့ မြန်မာစာပေလောကကို ဆရာ့ စာပေအတွေ့အကြုံအရ ဘယ်လို မြင်ပါသလဲ ဆရာ"
" စာပေအတွေ့အကြုံအရကတော့ ငွေလိုချင်လို့ စာရေးတာ မဟုတ်တဲ့လူဟာ ကြည်ညိုစရာ
အကောင်းဆုံး ပါပဲ။ ကျည်ဆန်တစ်တောင့်ဟာ လူတစ်ယောက်ကိုသာ သေစေပေမယ့် မကောင်းတဲ့စာဟာ
လူပေါင်း များစွာကို သေစေနိုင်တဲ့အတွက် ငါ့စာဟာ အဆိပ်မဖြစ်စေရဘူးဆိုတဲ့ သစ္စာတရား
ဦးထိပ် ထားတဲ့ လူကို ပိုပြီး ကြည်ညိုရပါတယ်။
စာပေကို မြတ်နိုးမှု၊ လေးစားမှု မရှိတဲ့လူဟာ ဘယ်လောက်ပဲ စာတွေ ရေးနေနေ စာပေသစ္စာ၊
စာပေရဲဘော် စိတ် အလွန်ခေါင်းပါးပြီး ဘ၀တူတွေကို ရန်သူ ထင်နေတဲ့အတွက်
ရွံစရာကောင်းပါတယ်။ အဲဒါကြောင့် အဲဒီလိုလူမျိုးနဲ့ ဆန့်ကျင်ဘက် လူဟာ ကြည်ညိုစရာ
အကောင်းဆုံးပါပဲ။
စာပေလောက အတွေ့အကြုံတွေ လျှောက်ပြောရရင်တော့ ဘာတစ်လုံးမှ မသိတဲ့ မဂ္ဂဇင်းအယ်ဒီတာတွေ
အကြောင်း ပါကုန်လို့ ဘယ်မဂ္ဂဇင်းကမှ ကျုပ်စာတွေ မသုံးဘဲ နေပါဦးမယ်။ ငွေသမားတွေ
ဝင်နှောက်တဲ့ အတွက် စာပေမှာလည်း ခွကျနေတာပါပဲ။ ကျုပ်တို့ ၀မ်းသာအားရ တလေးတစားနဲ့
ကြိုဆိုရတဲ့ ကလောင် သစ်တချို့၊ သူတစ်ပါး ရေးပေးတဲ့စာကို ကိုယ့်စာလုပ်ပြီး
ထုတ်လာကြတဲ့အထိ ငွေသမားဟာ နှောက် နေတာ ပါ။
ဘာသာပြန် လုံးချင်းတွေ ရောင်းရတယ် ကြားတော့ အလိုလေး အင်္ဂလိပ်စာရော မြန်မာစာပါ
ဘယ်ဟာမှ ကောင်းကောင်း တတ်ပုံမပေါ်တဲ့ လူတွေကပါ ထပြန်ကြတော့တာဆို။ ဟုတ်ပြီ။
ကောင်းကောင်းမွန်မွန် ဟုတ်ဟုတ်ဟတ်ဟတ် ပြန်ထားတဲ့ စာအုပ်တွေကော၊ ဘာတွေလဲ။
ဗိုက်အငှားနဲ့ ဓားထိုးခံ ဆိုတာလို သူတစ်ပါး ရဲ့ မကောင်းတဲ့ ယဉ်ကျေးမှုကို
စေတနာ့ဝန်ထမ်း ဖြန့်ချိပေးတာတွေ တွေ့ရတယ်။ စုံထောက် ၀တ္ထု အောက် နိမ့်ကျတဲ့
သိပ္ပံစွန့်စားခန်းတွေလည်း အများကြီးပဲ။ ဖတ်မိရင်တော့ လက်က မချနိုင်ဘူး။ ဖတ်လို့
လည်း ပြီးရော အိမ်လေးမှာစိုးလို့ လွှင့်ပစ်လိုက်ရတယ်။
ဒါပေမဲ့ ကိုရင်ရေ ... မဂ္ဂဇင်းတွေကတော့ တယ်အားရစရာကောင်းတာပဲ။ အတွင်းကလည်းလှ၊
အပြင်က လည်း လှ သိပ်လှတာပဲ။ လုံးချင်းတွေကလည်း လှတာပဲ "
" ဒါဆိုရင် ကျွန်တော်တို့ ပေဖူးလွှာမဂ္ဂဇင်းအပေါ် ဆရာ့အမြင် အားမနာတမ်း
ပြောပြစေချင်ပါတယ် "
" ပေဖူးလွှာမဂ္ဂဇင်းကို အပျော်ဖတ်ပါလို့ ပြောနေသံတွေ၊ ကျုပ်နဲ့ လာဆွေးနွေးတာတွေ
ကြားနေ တွေ့ နေပေ မယ့် ကျုပ်မှာ ကိုရင်တို့ ကိုယ်စား ချေပချင်ပေမယ့် ချေပစရာ
စကားရှာမတွေ့ဘူး။ ဟုတ်တယ် လေ၊ လေးနက်တဲ့ ဆောင်းပါး၊ ကောင်းလှချေရဲ့ ပြောနိုင်တဲ့
ဝတ္ထုက အားလုံးသော မဂ္ဂဇင်းတွေမှာ ရှားပါး ကုန်ပေါ့ကိုး။
နောက်မှ စဉ်းစားမိတာကတော့ နောက်က လိုက်လာရတဲ့ မဂ္ဂဇင်းတစ်စောင်ဟာ ရှေ့ကလူတွေကို အမီ
လိုက်ဖို့၊ ကျော်တက်ဖို့အတွက် အပြစ်ကင်းတဲ့နည်းနဲ့ ကြိုးစားဖို့ ဒီလမ်းပဲ
ရှိတာပဲလို့။ အခု စောင်ရေ ကလေး အတော်ရလာချိန်မှာ စာမူကောင်းကို ဦးစားပေးတဲ့
သဘောနဲ့ ကလောင်သစ်တွေကို များများ သုံး လာပြီလို့ ထင်ရတာပဲ။ ကဲ ... တော်ရောပေါ့
"
" ဆရာ့ေ၀၉ဖန်ချက်အတွက် ကျေးဇူးတင်ပါတယ် ဆရာ။ ကျွန်တော်တို့ မဂ္ဂဇင်းမှာ
ရွေးထားတဲ့ စာမူ တွေက သုံးနိုင်တဲ့ အင်အားထက် ရှစ်ဆလောက် ပိုပါတယ်။
ကလောင်သစ်တွေထဲမှာ တကယ် အရည်အသွေး ရှိတဲ့သူတွေလည်း အများကြီး ပါလာတာ တွေ့ရပါတယ်။
စာတည်းအဖွဲ့က စိတ်ကြိုက် တွေ့လို့ သုံးဖို့ ရည်ရွယ်ပြီး ရွေးထားသည့်တိုင်အောင်
အလှည့်ကျဖို့ရာ တော်တော်ကလေး စောင့်ရ ပါတယ်။ ပေဖူးလွှာက ကလောင်သစ်၊ ဟောင်း မရွေးဘဲ
နေရာပေး ကြိုဆိုပါတယ်။ ဥပမာဆိုရင် "မြနှောင်းညို" ကို ပေဖူးလွှာက
စင်တင်ခဲ့လို့ "အသည်းပန်းမှာ ဆူးတွေနဲ့ရယ်"ကို ရုပ်ရှင်လောက ကတောင်
တော်တော် စိတ်ဝင်စားတဲ့အထိ အောင်မြင်ခဲ့ပြီပဲ။ အဲဒီလိုပဲ လစဉ် ကလောင်သစ်တွေရဲ့
ဝတ္ထုတို၊ ၀တ္ထုရှည် တွေကို သုံးတဲ့ နေရာမှာလည်း အရည်အသွေး ပြည့်ဝတာတွေ
တွေ့ရပါလိမ့်မယ်။ နောင်လည်း ဒီထက် ပိုကောင်းအောင် ကျွန်တော်တို့
ကြိုးစားကြဦးမှာပါပဲ။
အပျော်ဖတ် ဆိုတာနဲ့ ပတ်သက်လို့ကတော့ ကျွန်တော်တို့ ကျေနပ်ပါတယ်။ ပေဖူးလွှာကို
ဖတ်ရတဲ့အတွက် စာချစ်သူရဲ့ ရင်ထဲမှာ ပျော်သွားမယ်၊ ကျေနပ်သွားမယ်ဆိုရင်
ကျွန်တော်တို့ ကြိုးပမ်းရကျိုးနပ်တာပဲ မဟုတ် လား ဆရာ။ တကယ်တော့ အပျော်ဖတ်အနေနဲ့
သာမန် ဖတ်တဲ့လူတစ်ယောက်ကသာ ပြောတာပါ။ " ကြည့် သောသူသည် မြင်၏"
ဆိုတာလိုပဲ တကယ် လေးလေးနက်နက် ဖတ်ကြည့်ရင် ရသ မြောက် တဲ့ စာတွေ အများကြီး ပါပါတယ်။
ပေဖူးလွှာ လူကြီး၊ လူလတ်၊ လူငယ်ကြိုက် အားလုံးဖြစ်အောင် စီစဉ် ထား တာပါ။ ဆရာ့
ဝေဖန်ချက်ကိုလည်း စာတည်းအဖွဲ့ကို တင်ပြပါမယ်။
ကျွန်တော့်အတွက် အချိန်ပေးခဲ့လို့ ဆရာ့ကိုလည်း ကျေးဇူးအထူးတင်ပါတယ် ဆရာ"
ပေဖူးလွှာ မဂ္ဂဇင်း၊ အမှတ်-၂၈၊ အောက်တိုဘာလ၊ ၁၉၈၃ ခုနှစ်။
Credit:shwezinu.blogspot.com
Comments
Post a Comment