ဝင်းငြိမ်း နှင့် စာရေးဆရာများ အပိုင်း (၂)
အဲဒီတော့ အဲဒီအချိန်မှာပဲ အမျိုးသမီး စာရေးဆရာမတစ်ယောက် ဖြစ်တဲ့ ဂျာနယ်ကျော် မမလေး
ရေးတဲ့ ”သူမ”ဆိုတဲ့ ၀တ္တုကို ဖတ်လိုက်ရတယ်။ အဲဒီမှာ ဒီလိုပဲ ဘ၀အခက်အခဲ ပြဿနာ နဲ့
ရင်ဆိုင် နေရတဲ့ အမျိုးသမီးတစ်ယောက် ရှိတယ်လေ။ သက်သက်ဆိုတဲ့ မိန်းကလေးပေါ့။
ကိုဝင်းငြိမ်း လည်း ဖတ်ပြီးသား ဆို သိမှာပါ။ သူက သူ့အခက်အခဲ ဘဝ ပြဿနာကို
ဘယ်လိုဖြေရှင်း သလဲဆိုတော့ သူ ကိုယ်တိုင် အစွမ်းအစ နဲ့ သူ့ခွန်အား ကို
အားကိုးပြီးတော့ အိမ်တစ်အိမ်မှာ သူအိမ်စေ သွားလုပ်တယ်လေ။
လိုတဲ့ ငွေကြေးကို သူရှာတယ်။ နောက်ပြီး ဒီအိမ်မှာ သူနေထိုင်ပုံက အစ၊
ယောင်္ကျားတွေချည်း ရှိတဲ့အိမ် မှာ စည်းနဲ့ကမ်းနဲ့ နေထိုင်ပုံတွေကို စည်းကမ်းစနစ်က
အစ ဇာတ်ကောင်စရိုက် ပေါ်လွင်အောင် ပြ သွားသည်။ အဲဒီတော့ အခုနက ရေပန်းစားနေတဲ့
ဝတ္ထုတွေနဲ့၊ ဂျာနယ်ကျော်မမလေး ရဲ့ သူမ မှာ ထားတဲ့ စေတနာချင်း ကွာခြားတာကို
သွားတွေ့ရတယ်။ အခုနကလို ပြဿနာပေါ့။ မိန်းကလေးတွေ ပျက်စီး ရတယ်။ ဘာကြောင့်
ပျက်စီးရသလဲ။ ခေတ်နဲ့ စနစ် ပတ်ဝန်းကျင်က မကောင်းလို့၊ စီးပွားရေး မကောင်းလို့ ဆို
တဲ့ အကြောင်းပြချက် တွေဟာ မခိုင်လုံဘူး ဆိုတာသွားပြီး ကျွန်မအကဲခတ်မိတယ်လေ။
ဘာပဲဖြစ်ဖြစ် ကိုယ့်အစွမ်းအစ၊ ဥာဏ်အား ခွန်အားနဲ့ ဖြေရှင်းလို့ရှိရင်ရနိုင်ပါက
လားဆိုတာ သွားတွေ့ လာတယ်။ အဲဒီတော့ ကိုယ်ကိုယ်တိုင် စာရေးဆရာမ ဖြစ်လာချိန်မှာ
ဒီအကြောင်းကလေးတော့ ပြန်ရေးဦး မှပဲ ဆိုပြီးတော့ ခုနကလို ဥပမာကလေးတစ်ခု
ပေးလိုက်သည်။
ပတ်ဝန်းကျင်ကြောင့်ချည်း မဖြစ်နိုင်ဘူးလို့၊ ဥပမာဆိုပါတော့။ မြက် သိပ်ကြိုက်တဲ့
နွားတစ်ကောင်ဟာ သားရဲ တိရစ္ဆာန် ထူပြောတဲ့ နေရာမှာ သွားချထားပေမယ့် ဒီနွားဟာ မြက်ပဲ
စားမှာပဲ။ ပတ်ဝန်းကျင်မှာ မြက် ပေါ နေ တဲ့ နေရာမှာ ချထားကြည့်ပါ။ ဘယ်လောက်ပဲ
မြက်ခင်းက စိမ်းစိမ်း၊ခြင်္သေ့က မြက်မစားဘူး။ သူ့ဗီဇ ကိုက သားငါးကြိုက်တာကိုး။
အဲဒီသဘောပါပဲ။ ပတ်ဝန်းကျင် လှုံ့ဆော်မှု တစ်ခုတည်း နဲ့ မဖြစ် နိုင်ဘူး။
ဗီဇလှုံ့ဆော်မှု ပါရမယ်။
ဒါကြောင့် မိန်းကလေးတွေက ပျက်စီးတယ် ဆိုတာ ခုနက ပြောသလို
ခေတ်မကောင်းလို့ စနစ် မကောင်း လို့ ပတ်ဝန်းကျင်ကြောင့် ဆိုတာဟာ ဖြစ်နိုင်တာ
တစ်ပိုင်းပဲ ရှိတယ်။ တစ်ပိုင်းက သူ့ပင်ကိုဗီဇ ပဋိသန္ဓေ စိတ် လျော့ရဲတာတွေပါလာတယ်။
အဲဒါကြောင့် အဓိကကျတဲ့ စာရိတ္တပြုပြင်ရေးကိုလည်း လုပ်ဖို့ လိုတယ် ဆိုတာ ပြချင်လို့
အဲဒီဝတ္ထုကို ရေးလိုက်တာပါပဲ။
ဗီဇနဲ့ ပတ်ဝန်းကျင် ကျွန်မ တစ်ဖက်စွန်းမှာ စကားမဆုိုခဲ့ပါဘူး။
နှစ်ခုစလုံးဟာ တန်းတူ အရေးကြီး တယ် လို့ အဲဒီဝတ္တုမှာ ပြောခဲ့တာပါ။
ဝေဖန်ရေး နဲ့ ပတ်သက်လို့ ဘယ်လို သဘောရသလဲ။
’’ဝေဖန်ရေးနဲ့ ပတ်သက်လို့ကတော့ ရေးသူ ဖတ်သူ ဆွေးနွေးပွဲတွေမှာ မျက်နှာချင်း
ဆိုင်ပြီးတော့ကို ပြင်းပြင်း ထန်ထန် ဝေဖန်တာကိုလည်း ခံရဖူးတယ်။
အနယ်နယ်အရပ်ရပ်က စာနဲ့ပေနဲ့ ရေးပြီး ဝေဖန်တာ ကိုလည်း ခံဖူးတယ်။
တချို့ဝေဖန်ရေးကတော့ ခံစားရတဲ့ အတိုင်း မြင့်တယ်ဆိုတာက သမာသမတ် ကျကျ ပေါ့လေ။ သူတို့
ခံစားရတာကို ခံစားရတဲ့အတိုင်း၊ မှားတယ် ထင်တာကို မှားတယ် ထင်တယ်အတိုင်း
၊သပ်သပ်ရပ်ရပ် ဝေဖန်တာလည်း ရှိတယ်။’’
တချို့ကျတော့လည်း သက်သက်မဲ့ပေါ့လေ။ ပြောရပြီးရောပေါ့။ လူပုံအလယ်မှာ ထပြီး တော့
စာရေးသူကို ဝေဖန် လိုက်ရတယ်ဆိုရင်ပဲ သူများက စိတ်ဝင်စားသွားမယ်ပေါ့လေ၊ ကိုယ့်
ကျော်ကြားမှုကို ကိုယ်ရှာဖွေ တဲ့ ဝေဖန်ရေးမျိုး၊ ဒါလည်းရှိပါတယ်။ တချို့ကျတော့လည်း
သက် သက် ကဖျက်ယဖျက် ပြောရပြီးရော ဆိုတဲ့ ဝေဖန်ရေးမျိုးလည်း ရှိပါတယ်။
တကယ် ဝေဖန်ရေးရေးနေတဲ့ တချို့ဝေဖန်ရေး ဆောင်းပါးတွေတောင်မှ
သမာသမတ်မကျ တာ တွေ့နေရသေးတာပဲ။ ဒီဝေဖန်ရေးက အဆင့်အတန်းမြင့်သလား၊
သမာသမတ်ကျရဲ့လားဆို တာ ဆောင်းပါး တစ်ပုဒ် ကို ဖတ်လိုက်ရင် သိပါတယ်။
တချို့ဝေဖန်ရေးက စာပေပုံသဏ္ဍာန်အနေနဲ့ ကျကျနန ဆစ်ပိုင်းပြီးတော့ ဓမ္မဓိဋ္ဌာန်ကျကျ ဝေဖန်
တာတွေလည်းရှိပါတယ်။ အဲဒါမျိုးကျတော့လည်း အမြဲတမ်း လက်ခံပါတယ်’’’
’’မမ ရေးခဲ့တဲ့ ခေါက်ထီးကလေး မလုံ့တလုံကို ဂျပန်ဘာသာပြန်နေတယ်လို့ ကြားပါ တယ်၊
အဲဒါ ဘယ်က ဦးစီး ပြီး လုပ်တာပါလဲ’’
’’တိုယိုတာဖောင်ဒေးရှင်း က ဦးစီးပြီးတော့ ယူဂိုဆကာတက္ကသိုလ်က
ပါမောက္ခအိုနိုတိုလို ပေါ့၊ သူ ဦးစီး ပြီးတော့ မြန်မာစာရေးဆရာကြီးတွေနဲ့
တိုင်ပင်ပြီးတော့ ရွေးချယ်တယ်တဲ့၊ ဗမာဝတ္ထု ၁၂ အုပ် ရွေးလို့ ရတာကို ဂျပန်မှာ
ပြန်တင်ပြပြီးတော့ တိုယိုတာဖောင်ဒေးရှင်းက ရန်ပုံငွေယူပြီး တော့ ဘာသာပြန်တာပါ’’
’’တခြား ဘယ်စာရေးဆရာတွေ ပါသေးလဲ’’
’’မိုးမိုး(အင်းလျား)၊ မစန္ဒာ၊ မောင်သာရ၊ ဆရာမြသန်းတင့်၊ ဒေါ်ခင်ဆွေဦး၊
ဆရာမင်းကျော်၊ နောက် ပြီးတော့ သိန်းသန်းထွန်းပါတယ်။ စိန်စိန်လူထုဦးလှအားလုံး
၁၂ယာက် ၁၂အုပ်ပေါ့’’
’’ မမ စားပေဟောပြောပွဲ တော်တော်များများ သွားပြီးပြီပေါ့’’
"ဒီနေ့အထိ ပွဲပေါင်း ၂၀၀လောက် သွားပြီးပါပြီ"
"ဒါဆို စာပေဟောပြောပွဲ အတွေ့အကြုံကလေးတွေ နည်းနည်းလောက
ပြောပြပါဦး"
"စာပေဟောပြောပွဲ အတွေ့အကြုံကလေးတွေ နည်းနည်းလောက်
ပြောပြပါဦး"
စာပေဟောပြောပွဲ ဆိုတာကိုတော့ ဦးတည်ချက်အားဖြင့် ကောင်းပါတယ်။
ဒါပေမဲ့ ပရိသတ် အများ ကြားထဲ မှာ ပြောကြ ဆိုကြရတဲ့အခါ ကျတော့ တချို့မှာ
ဖျော်ဖြေရေးဆန်တဲ့ ဟောပြောပွဲတွေလည်း ရှိတယ်။ အဲဒီလိုပွဲမှာကျတော့ အနှစ်သာရပိုင်းက
သိပ်မကျန်တော့ဘူးပေါ့။
စာအကြောင်း ပေအကြောင်းချည်း ပြောနေတော့ ပရိသတ် စိတ်မ၀င်စားဘူး ဆိုတော့ ပရိသတ်
စိတ်ဝင်စား အောင် သီချင်းဆိုပြရ၊ အမူအရာလုပ်ပြရဆိုတဲ့ ဟောပြောပွဲမျိုးလည်း
ရှိတာပေါ့။ အဲဒီအခါ ကျတော့ စာပေဟောပြောပွဲရဲ့ အဓိကဦးတည်ချက် ပျောက်သွားရော။
စာပေ ဟောပြောပွဲမှာ ဦးတည်ချက် ထားသင့်တာက စာပေပြန့်ပွားရေးနဲ့ စာပေအဆင့်အတန်း
မြင့်မား ရေးကို ဦးတည်ချက် ထားသင့်တယ်လို့ ထင်ပါတယ်"
"ဒီနေ့ မြန်မာစာပေလောကမှာ ဘာသာပြန်စာပေက တစ်ခန်းတစ်ကဏ္ဍ ၀င်လာပါတယ်။ တချို့
ကလည်း တကယ့်ဂန္ထ၀င်မြောက်စာပေတွေကို ဘာသာပြန်ကြပြီး တချို့ကတော့လည်း ဟာရိုးရော်ဘင်
တို့ စာအုပ်မျိုး ကို အလုအယက် ပြန်ကြပြီး တချို့ကတော့လည်း
ဂျိမ်းဟက်ဒလီချော့စ်တို့လို ဟာမျိုး တွေပြန်နေကြတယ်။ ဒါတွေနဲ့ ပတ်သက်လို့ကော
ဘယ်လိုများ မြင်ပါသလဲ"
"ဘာသာပြန်စာပေအကြောင်း ပြောရင်းနဲ့ ဗမာစာပေနဲ့ ဆက်နွယ်ပြီးတော့လည်း ပြောစရာ
ရှိလာမယ် လို့ ထင် ပါတယ်။ ဘာသာပြန်စာပေမှာ ခုနက ပြောတဲ့ ဟာရိုးရော်ဘင် ပေးတာတွေ
သိပ်ကောင်းတယ်။ သို့သော် ပရိသတ်ဆီက သူ ဘာပြန်ယူမလဲ။ ဆိုလိုချင်တာက ပရိသတ်ကို သူ
ဘာပြောချင်သလဲ။ ဇွဲ့၊ လုံ့လ ၀ီရိယ နဲ့ ရုန်းကန်လှုပ်ရှားနိုင်ရင် တစ်နေ့မှာ
အောင်မြင်မှု ရနိုင်မယ်ဆိုပြီး ဖွဲ့ လုံ့လ ၀ီရိယ ရှိကြဖို့၊ အားတက် ဖို့ပေါ့လေ။
လူ့ဘ၀မှာ အားနဲ့မာန်နဲ့ ကြိုးစားကြဖို့ လှုံ့ဆော်ပေးတဲ့ စေတနာ ရှိတာလား၊
ဦးတည်ချက်ကို ကျွန်မတို့က ရှာယူရမယ်။ အဲဒီစေတနာလေးက ဟာရိုးရော်ဘင်မှာ ရှိတယ်လို့
ကျွန်မ မြင်တယ်။
ဘာဖြစ်လို့လဲဆိုတော့ သူ့ဇာတ်ကောင်တွေက ဘ၀မှာ အမြဲတမ်း ကြမ်းကြမ်းတမ်းတမ်းနဲ့
ရုန်းကန် လှုပ်ရှား ပြီးတော့မှ အောင်မြင်မှု ရသွားကြတာချည်းပဲ။ သို့သော်လည်း
တစ်ခါတစ်ခါမှာ သူ့ဝတ္ထု တွေက ပရိသတ် အကြိုက် လိုက်ပေးတာက များတယ်။ သူပြောလိုတဲ့
ဆိုလိုရင်း Theme ရောက်အောင် ပရိသတ် စိတ်ဝင်စား လာအောင် ဆွဲခေါ်ပြီး ပြောတဲ့
နေရာမှာ နည်းနည်း အညှီအဟောက်ဆန်တဲ့ အခန်းကလေး တွေတို့၊ အပစ်အခတ်ဆန်တဲ့
အခန်းကလေးတွေတို့၊ ခပ်သွက်သွက် အခန်းကလေးတွေ သုံးတာ များ သွားလေ့ ရှိတယ်။
ဒီလိုပဲ ဗမာဝတ္ထု တွေမှာလည်း အပေးများပြီး အယူနည်းတဲ့ ၀တ္ထုတွေလည်း တော်တော်များများ
ရှိပါ တယ်။ ဒါကတော့ ခွဲခြားပြီး ပြောနေဖို့ မလိုဘူးလေ။ ဘယ်လို အတန်းအစား၊
ဘယ်လိုဝတ္ထုမျိုးဆိုတာ ပရိသတ်တွေ သိကြပါတယ်။ ပြောချင်တာက ကျွန်မတို့ ဒီနေ့
မြန်မာစာပေလောကမှာ အချစ်ဝတ္ထု၊ ဘ၀ သရုပ်ဖော်ဝတ္ထု၊ အပစ်အခတ်ဝတ္ထု ရေးတဲ့သူတွေနဲ့
ဘ၀သရုပ်ဖော် ရေးပါတယ်လို့ ကြွေးကြော် သူတွေက ကြမ်းတစ်ပြေး တည်း
တောင်မထိုင်ချင်ဘူးလိုလို ဖြစ်နေကြတယ်။
ကျွန်မကိုလည်း ပရိသတ်က ဘ၀သရုပ်ဖော်ဝတ္ထု ရေးသူလို့ ယူဆထားကြတာပဲ။ သို့သော်
ကျွန်မကတော့ ဘ၀ သရုပ်ဖော် ဘယ်တော့မှ မကြွေးကြော်ဘူး။
ကျွန်မရေးတဲ့ ၀တ္ထုက ဘ၀သရုပ်ဖော် ဖြစ်ချင်ဖြစ်မယ်။ တစ်ချိန်မှာ ကြုံကြိုက်လို့
အပစ်အခတ် အကြောင်း နားလည်လာတဲ့ တစ်နေ့မှာ အပစ်အခတ်ဝတ္ထု ကျွန်မ ရေးချင်ရေးဦးမှာပဲ။
ဒါပေမဲ့ ဘယ်လို ၀တ္ထုပဲ ရေးရေး ရေးခဲ့တဲ့ ၀တ္ထုတွေဟာ စာဖတ်ပရိသတ်ရဲ့ တက်ကြွနေတဲ့
စိတ်ဓာတ်ကို ဆွံ့ပါးသွား အောင်၊ ကတိမ်းကပါး ဖြစ်သွားအောင်၊
ယိမ်းယိုင်တွေဝေသွားအောင် လှုံ့ဆော်မပေးဖို့ဘဲ လိုတယ်လို့ ကျွန်မ ကတော့ ထင်တယ်။
ကျွန်မ တို့ စာရေးတယ်ဆိုတဲ့ စေတနာဟာ စာဖတ်တဲ့ ပရိသတ်ရဲ့ စိတ်ကို
အစာကျွေးပေးတာပါပဲ။ ကိုယ်ခန္ဓာ ကျန်းမာသန်စွမ်းဖို့ အစာအစားဖို့ လိုအပ်သလို
စိတ်ဓာတ်ရွှင်လန်းတက်ကြစေဖို့ အစာကျွေး တဲ့ သဘော ပါပဲ။ အဲဒီတော့ ကျွန်မတို့
ကျွေးလိုက်တဲ့အစာက အဆိပ်အတောက် မဖြစ်စေဖို့၊ ခွန်အားကို တက်စေ ဖို့၊ လူ့ဘ၀ကို ပိုပြီး
ခင်တွယ်နိုင်တဲ့ ခွန်အား၊ သစ္စာတရားကို မြတ်နိုးတတ်တဲ့ ခွန်အား၊ အဲဒီလို ခွန်အား
တွေ စွဲမြဲစေဖို့ တိုးပွားလာစေဖို့ ကျွန်မတို့က စေတနာထားရပါတယ်။
အဲဒီလို စေတနာမျိုး ပါမယ်ဆိုရုင် ဘယ်လိုဝတ္ထုမျိုးပဲဖြစ်ဖြစ်၊ အပစ်အခတ်ပဲဖြစ်ဖြစ်၊
အချစ်ဝတ္ထုပဲ ဖြစ်ဖြစ်၊ အလွမ်းဝတ္ထု ပဲဖြစ်ဖြစ် ကျွန်မတို့ လက်ခံရမှာပဲ။ သူ့ကို
ကျွန်မတို့က ရွေးချယ်ရမှာပဲ။ ဘ၀ သရုပ်ဖော်လို့ တချို့ က ထင်နေကြတယ်။ အဲဒီတော့
ဘ၀သရုပ်ဖော် ဆိုပြီးတော့ ဆင်းရဲသား လူတန်းစားအကြောင်း၊ ငတ်တဲ့ ပြတ်တဲ့ အကြောင်းကို
ရေးမယ်ဆိုရင် ငတ်ရင်းပြတ်ရင်းနဲ့ ဆင်းရဲတွင်း မှာ ၀ဲလည်လှည့်နေမှာပဲ၊
ဆင်းရဲခြင်းဆိုတာ မြတ်နိုးစွာ ဖက်တွယ်အပ်တဲ့ တရားတော့ မဟုတ်ဘူးပေါ့၊ ကျွန်မ
အမြင်ကတော့ ဆင်းရဲတယ် ဆိုတာ စာနာအပ်တဲ့ အကြောင်းတရား၊ ဒီဆင်းရဲတဲ့အထဲကနေ ဘယ်လို
ရုန်းထွက်မယ် ဆိုတာ ကျွန်မတို့ စာရေးဆရာတွေက ၀ိုင်းစဉ်းစားပေးမယ်၊ ကျွန်မတို့
ကိုယ်တိုင် ဆင်းရဲရင် ဘယ်လို ရုန်းထွက်ကြမယ် ဆိုတာ ဦးဆောင် တွေးပြီးတော့
ခေါ်ယူသွားရမယ့် သဘောတွေ ရှိမယ်။
ဒီလိုမှ မဟုတ်ဘဲဆင်းရဲခြင်းဆိုတာ မြတ်နိုးခင်တွယ်အပ်တဲ့ ဂုဏ်ပုဒ်တစ်ရပ်လို
လှုံ့ဆော်ပေးတဲ့ စာပေ မျိုးကိုတော့ ကျွန်မ မလိုလားဘူး။ ဒါမျိုးကို ကျွန်မကတော့
ဘ၀သရုပ်ေ်ဖ်ာဝတ္ထုလို့လည်း မယူဆနိုင်ဘူး။ ဒါ ဘ၀ သရုပ်ဖော် လို့ ဟစ်ကြွေးနေတဲ့
ဝတ္ထုတွေနဲ့ ပတ်သက်ပြီးတော့ ပြောတာပါ။ အဲဒီတော့ ဘယ်လိုပဲ နာမည်တပ်တပ်
လူ့စိတ်ဓာတ်ကို ဆွံ့ပါးမသွားအောင်၊ တိမ်းပါးတွေဝေမသွားအောင်၊ အဆိပ် အတောက် လွင့်
သွားအောင် လုပ်ပေးမယ့် ၀တ္ထုမျိုးဆိုရင် ကျွန်မကတော့ လက်ခံမှာပဲ၊ နာမည်တွေ
တပ်နေဖို့ မလိုပါဘူး"
"ဒီနေ့ စာဖတ်ပရိသတ်ကို ကျွန်တော်တို့က သုံးပိုင်း ခွဲခြားမြင်ပါတယ်။
ပထမတစ်မျိုးက အပျော်ဖတ် သက်သက်၊ ဒုတိယကတော့ စာပေ၀ါသနာပါလို့နဲ့။
ဒီစာဖတ်ပရိတ်တွေအတွက် စာရေးသူတွေလည်း ခုခေတ် မှာ တော်တော်ကို များလာတာမို့
စာပေလောက ဖောင်းပွနေတယ်လို့တောင် ပြောကြပါတယ်။ အဲဒါကို မမ အနေနဲ့၊ စမ်းစမ်းနွဲ့
(သာယာဝတီ)ဆိုတဲ့ စာရေးဆရာမတစ်ယောက်အနေနဲ့ ဘယ်လိုများ ကုစား ပေးနိုင်မယ်လို့
ယူဆပါသလဲ"
ဒါကတော့ ကျွန်မထင်တာကတော့ ခုပရိတ်သက်တွေလည်းဘယ်ဟာစားကောင်း တယ်၊ညံ့ တယ် ဆိုတာ
တစ်စထက် တစ်စ ရွေးတက်လာကြပါပြီ ။ ခေတ်တိုင်း ခေတ်တိုင်းမှာ စာဖက်စ အရွယ် ဆိုတာလည်း
ရှိနေတယ် ဆိုတော့ အဲဒီစာဖက်စ အရွယ်တွေ ဖက်ဖို့အတွက် အပျော်ဖက်စာပေ ဆိုတာလည်း
ရှိရမှာပဲ။ အဒီတော့ဒီအပျော်ဖက်စာပေကနေ၄ အဆင့်မြင့်တက်လာနိုင်ဖို့ စာကြည့်တိုက်တွေ၊
ဋ္ဌာနဆိုင်ရာ အသီသီး မှာ ရှိတဲ့ စာပေနဲ့ ယဉ်ကျေးမှုအဖွဲ့တွေ ခုနက ပြောခဲ့တဲ့ စာပေဟောပြောပွဲတွေက
ဒါပဲရှိတာပဲ။ စာဖက်တဲ့ လူတွေက စာကောင်းကို ရွေးချယ်တတ်မှာပဲ စာပေဖောင်းပွမှုဟာ
လျော့နည်းသွားပါလိမ့်မယ်။
ကျွန်တော်တို့ ငယ်ငယ်တုန်းကဆိုရင် လုံးချင်း ၀တ္တု ကောင်းတွေဆို သောင်းနဲ့ချီ
ရိုက်ကြရတယ်။ ခုတော့ နှစ်ထောင်၊ သုံးထောင် ကုန်ဖို့အနိုင်နိုင် ဖြစ်နေကြတယ်အဲဒါ
ရုပ်ပြတွေကြောင့်လို ဝေဖန်ကြတယ်။ မမ ကတော့ ရုပ်ပြတွေအပေါ် ဘယ်လို မြင်သလဲ
ရုပ်ပြဇာတ်လမ်းကလည်း ဦတည်ချက်ကောင်းတဲ့ ဇာတ်လမ်း ဆိုရင် အင်မတန် ကောင်း တဲ့
ဇာတ်လမ်းဆိုရင်အင်မတန် ကောင်းပါတယ်။ တချို့ကြတော့လည်း ပြီးပြီးရော ပေါ့လေ။ ၀တ္တုမှာ
မအောင်မြင်တဲ့ ဇာတ်လမ်းတွေကို ရုပ်ပြဇာတ်လမ်း ဆွဲကြတော့ ရုပ်ပြတွေ ကပွကယ
ဖြစ်ကုန်တာပေါု့။ ကလေးတွေကလာ်း အရုပ်ကလေးတွေ လှတော့ ဖက်ကြတယ်။ အရုပ်မှာပါတဲ့
စာတွေက ကလေးတွေ ... အဲကလေးတွေတင် မဟုတ်ပါဘူးလေ။ လူကြီးတွေလည်းဖက်ကြတာပဲ။
ဒီဖက်တဲ့လူတွေအတွက် ဘယ်အတိုင်းတာအထိ အဆိတ်အတောက် ဖြစ်တယ်ဆိုတာကတော့ နောက်မှ
ဖြစ်လာတဲ့ ပြဿနာပေါ့။
ခုနက ဇာတ်လမ်းရွေးချယ်ဖို့ လိုတယ်ဆိုတဲ့ နေရမှာကျွန်မတို့ ဒီမြ၀တီတိုက်ကလည်း
ရုပ်ပြ ထွက်သွား သေးတာပဲ။ ရော်ဘင်ဆင်ခရူးဆိုး၊ သူရဲကောင်း သုံယောက် ဒါတွေကျတော့
ဖက်လို့လည်း ကောင်းတယ်။ ကလေးတွေ အတွက် အတုယူစရာ အားကြစရာ ကောင်းစေတယ်။
သတ္တိကောင်းစေတယ်။ စွန့်စားချင်တဲ့ စိတ် ရှိမယ်။ တော်ရုံတန်ရုံဘ၀အန္တယ်
လောကဓံကိုပေါ့လေ။ အခက်အခဲကို ဇွဲနဲ မာန်နဲ့ တွန်းလှန်ဖို့ စိတ်ကူးလေး ရလာမယ်။
အဲဒီဝတ္တု ဟာ ကျွန်မဘ၀အတွက်တော့ တော်တော်ကလေး အားပေးခဲ့ပါတယ်။ ဘာဖြစ်လို့လဲ ဆိုတော့
ကျွန်မ တို့ ငယ်ငယ်တုန်းကလည်း ကိုယ့်ဘ၀ ကိုယ် ရုန်းကန်နေရချိန် မိဘနဲ့ဝေးကွာ
နေရတဲ့ လေး ငါးနှစ်မှာ ကျွန်မကိုယ် ကျွန်မ ဒီလိုပဲ အားတင်းခဲ့တယ်။ အဲဒီတော့ မိဘနဲ့
ဝေးကွာနေပြီး ကိုယ့် စားဝတ်နေရေး ကို ကိုယ့်ဘာသာ ကိုယ်ဖန်တီးရတယ်။ တစ်ဖက်က
ကိုယ်ဝါသနာပါတာလေး ဖြစ်အောင် လည်း ကိုယ်ဘာသာကို ကြိုစားရတာပေါ့။ အဲဒီနေရာ မှာ
အခက်ခဲတွေကအများကြီးတွေ့ရတယ်။ အဲဒီတော့ ၀တ္တုတွေအနေနဲ့ ဖက်ခဲ့ရတဲ့
ရောဘင်ဆင်ခရူးဆိုကို ပြန်အားပေးတယ်။
ဒါကြောင့် လည်း ဒီနေ့ အသင့်တင့် အောင်မြင်တဲ့အထိ ဖြစ်ခဲ့ရတာပါ။ အဲဒီစာအုပ်ရဲ့
ကျေးဇူးပါတယ်လို့ ပြောချင်တယ်။ ဒါကြောင့် မြ၀တီက ရုပ်ပြထွက်လိုကတော့
သိပ်အားရှိတာပဲ။ ကလေးတွေကို ဖက်စေချင်တယ်။ အဲဒီလို ဦးတည်ချက်ကောင်းတဲ့ ရုပ်ပြတွေ
ထွက်စေချက်တယ်။ ဒီနေ့ ရုပ်ပြလောကမှာ ရွှေခေါင်းပြောင် လည်း
ကောင်းတာပဲ။သူအတိုင်းတာနဲ့သူ တစ်စုံတခုသော အတိုင်းတာပေါ့လေ။ နောက်ပြီးတော့
ပြာလောင်လည်း ကောင်းတာပဲ။ ဒီနေ့ လူနေမှုစရိုက်ကို ဖော်နိုင်တယ်။ အဲဒါအတွက် တော့
ကလေးတွေ ဖတ်တာလည်းအားပေးတယ်။ ကျွန်မ ကိုယ်တိုင်လည် ဖတ်တာပဲ။
မမ ၀တ္တုတစ်ပုဒ် မှာ ဆရာဦးသိန်းဖေမြင့် အမှာစာ ရေးပေးတော့ အထိန်းသိမ်း
ခံရဖူးတယ်လို့ တွေ့လိုက် ရတယ်။ ဒါဆို မဟူရာ အကျည်းထောင် က တင်ဘုန်းနွယ် ကိုမမ
အတွေ့အကြုံရ ဖန်တီးခဲ့တာပေါ့။
ဟုတ်ပါတယ်။ မဟူရာအကျည်းထောင်က အတွေ့အကြုံတွေကို ရေးခဲ့တာပေါ့။
ထောင်အတွေအ ကြုံနဲ့ ပက်သက်ပြီး ရေးစရာ အများကြီးရှိပါသေးတယ်။
ထောင်ထဲမှ၂၄ရက်နေခဲ့တာ ကျွန်မ အတွက် ၂၄ နှစ်စာ လောက် ထင်ရပါတယ်။
ဒီနေ့ အလျှိုအလျှို အပြိုင်အဆိုင် မဂ္ဂဇင်းတွေ ထွက်နေကြပါတယ်။ အဲ့ဒီမဂ္ဂဇင်းတွေနဲ့
ပက်သက်လို့ မမ ဘယ်လို များ မြင်ပါသလဲ။
မဂ္ဂဇင်းတော်တော်များများ ဖက်ဖြစ်ပါတယ်။ စာပေ မဂ္ဂဇင်းဆိုတာတော့ စာပေ ဦးတည်ချက်နဲ့
ပေါ့ ။ သို့သော်လည်း အခန်းကဏ္ဍ စုံစုံလင်လင်နဲ့ မှ လူတန်းစားပေါင်းစုံရဲ့
လက်ထဲရောက်ပြီး ကျယ်ပြန့်မှာပဲ။ ရုပ်ရှင် ၀ါသနာပါ တဲ့ သူက ရုပ်ရှင် ကဏ္ဍကို
လှန်ကြည့်ရင်းနဲ့ ဒီထဲက ၀တ္တုတစ်ပုဒ်ကို ဖက်မိရင် ဒီအထဲ က အယူအဆတစ်ခု
ခေါင်းထဲ ၀င်သွားရင် ကောင်းတာပဲ။ အဲ့ဒီတော့ မဂ္ဂဇင်းတွေမှာ ကဏ္ဍစုံပါတာကို
ပိုပြီးသဘောကျပါတယ်။ ကျွန်မတို့အခု နောက်ပိုင်း လူငယ်တွေ မှာ စာရေးချင်တဲ့ သူတွေ
ပိုပြီး များ လာပါတယ်။ အဲ့ဒီတော့ ကဗျာရော ၀တ္တုပါ ရေးတဲ့ မမအနေနဲ့ ဒီလူငယ်တွေကို
ဘယ်လိုများ အကြံ ပေးချင် သလဲ။
စာရေးဆရာ ဖြစ်ချင်တဲ့သူတွေကို အကြံပေးချင်တာကတော့ စာရေးဆရာ ဖြစချင်တာထက် စာရေးချင်
စိတ် ရှိရင် ရေးသာရေးပါ။ စာရေးချင်စိတ်နဲ့ ကြိုးစားခဲ့ရင် တစ်နေ့မှာ စာရေးဆရာ
ဖြစလာမှာပါပဲ။ ကျွန်မ တို့လည်း စာရေးဆရာ ဖြစ်ချင်တာထက် စာရေးခဲ့တာပါ။ စာမရေးရရင်
မနေနိုင်ဘူး။ စာမဖတ်ရရင် မနေ နိုင်ဘူ။ အဲဒါလောက် စာပေကို ခင်တွယ်တဲ့ စိတ်နဲ့
ရေးရင်း ဖတ်ရင်း မမျှော်လင့်ဘဲ ဖြစ်လာခဲ့ရတာပါ။ ဒီလို အောင်မြင် လိမ့်မယ်လို့လည်း
ထင်လည်းမထားခဲ့ပါ ဘူး။ အဲဒီလို ရေးချင်စိတ် ဖတ်ချင်စိတ်နဲ့သာ လာခဲ့ပါ။
စာပေလောကမှာ အောင်မြင်ရမှာပါပဲ။ တခြား အခတ်ခဲ ဥပမာ ထုတ်ဝေတဲ့ အခက်အခဲတို့ ဘာတို့
ဆိုတာ အလကားပါ။ အဓိက မဟုတ်ပါဘူး အဓိက ကတော့ စာရေးခင်ေစိတ်ပါပဲ။ ဒီစိတ်နဲ့သာ
လာခဲ့ရင် အောင်မြင်ရမှာပဲ။ မမအခု ၀တ္တု ရေးတဲ့အခါမှာ အကြောင်းအရာ ရှာတဲ့အပိုင်းမှာ
ဘယ်လိုများ ရှာသလဲ။
ဒီလိုပဲ သွားရင်း လာရင်းနဲ့ တွေ့တာပါပဲ။ တချို့က ၀တ္တုရေးတယ် ဆိုတာ စကားလုံးကလေး
တစ်လုံး ရလိုက်ရင် ရေးလို့ရတာပဲလို့ ပြေကြတယ်။ စာကြောင်းလေး တစ်ကြောင်း ရလိုက်ရင်
ဝတ္တု ဆက်ရေးလို့ ဖြစ်တာပဲ ဘာညာနဲ့ ပြောကြတယ်။ မမ ကတော့ အဲဒီလို မဖြစ်ဘူး။ ဘာကို
ပြောချင်သလဲ။ ပြောချင်တဲ့ အကြောင်း အရာ လေးတစ်ခု ရင်ထဲမှာ ရှိနေပြီ။
ဒီခံစားချက်ကို ထုတ်ပြောချင် စရာ Theme လေးတစ်ခု ရလာပြီ ဆိုရင် ဘယ်လို
ဇာတ်အိမ်ဇာတ်လမ်း ဖွဲ့မလဲ ၊ ဘယ်လိုဇာတ်ကောင် တွေ မွေးမလဲဆိုတာ စဉ်းစား
တယ်။Theme မရှိဘဲတော့ အတို ပဲ ဖြစ်ဖြစ် အရှည် ပဲ ဖြစ်ဖြစ် မရေးတတ်ဘူး။ ကျေးဇူးပဲ
မမ ကျွန်တော် မေးချင်တာတွေတော့ စုံသွားပါပြီ။ မမလိပ်စာက.... ရပါတယ်။
မပြည့်စုံသေးလို့
မေးချင်တာရှိသေးရင် နောက်တစ်ခေါက်ပေါ့ ကိုဝင်းငြိမ်း.............
ပေဖူးလွှာ မဂ္ဂဇင်း၊အမှတ် (၉)ဖေဖော်ဝါရီ၊၁၉၈၂
ပေဖူးလွှာ မဂ္ဂဇင်း၊အမှတ် (၉)ဖေဖော်ဝါရီ၊၁၉၈၂
ဆက်ရန်
Comments
Post a Comment