တွေးမိတာလေးပါ
တွေးမိတာလေးပါ
နေရာအနှံ့ရောက်နေတဲ့
ကိုယ့်စာအုပ်လေးတွေ တွေ့ရတာ ဖီလင်က တစ်မျိုးပဲ။ ရယ်စရာ တစ်ခုပြောရဦးမယ်။
ကျွန်တော် မင်္ဂလာဆောင်ပြီး သုံးလလောက်ရောက်တော့ အသိတစ်ယောက် ရပ်ကွက်ထဲ သွားတယ်ဗျ။
အဲဒီမှာ သူတို့ရပ်ကွက်ထဲက အမှိုက်ပုံကို ဘာရယ်မဟုတ်ဘူးကြည့်လိုက်မိတယ်။
အရောင်တွဲစပ်လေးတစ်ခု မြင်လိုက်မိရော။
ဟာ ဒီလိုအရောင်တွဲလေး မြင်ဖူးပါတယ်
အောက်မေ့ပြီး အမှိုက်ပုံသွားကြည့်တယ်။ အမယ် ဖြစ်နေတာက ကိုယ့်မင်္ဂလာဆောင်
ယပ်တောင်ကိုး။ အမှိုက်ပုံရောက်နေပေမယ့် ကိုယ့်မင်္ဂလာဆောင်ရောက်တာ သေချာတယ်။
မရောက်တောင် လက်ဖွဲ့တော့ရောက်တယ်ဆိုတာသေချာတယ်။ (သူများအိမ်က ယပ်တောင် ယူသွားသူဆိုလည်း
မတတ်နိုင်ပါဘူးလေ)။ မင်္ဂလာယပ်တောင်ဆိုတော့ အသုံးကျတုန်းတော့ သုံးမှာပါ။
ပြဲသွားလို့သာ လွှင့်ပစ်လိုက်တာ မဟုတ်လား။ ဒါပေမယ့် ကိုယ့်ယပ်တောင်လေးဆိုတဲ့အသိနဲ့
စိတ်ထဲ နှမျောသလိုလို၊ ဘာလိုလို။ ခုလည်း ကျွန်တော့်တို့ အက်ဆေးချစ်သူတစ်စု
ထုတ်လိုက်တဲ့ အက်ဆေး ၂၀၁၇ လေး စာရေးစားပွဲပေါ်မှာ၊ တချို့ စာအုပ်စင်မှာ။
နောင်ကျရင်တော့ ဘယ်ရောက် သွားကြမှာပါလိမ့်။ အဟဲ တွေးမိတာလေးပါ သူငယ်ချင်းတို့...။
(PS:ခု ကျွန်တော့်ဆီမှာ ဆရာ
မောင်ပိုင်(လေးမျက်နှာ)ရဲ့ လက်မှတ်လေးနဲ့ တစ်အုပ်ရယ်၊ ကျွန်တော့်မဒီကို
ကျွန်တော်လက်ဆောင်ပေးထားတဲ့ တစ်အုပ်ရယ်ပဲ ရှိပါတယ်ခင်ဗျ။ ရာပြည့်မှာတော့ မှာလို့
ရတယ်လို့ သတင်းကောင်းလေး ပေးပါရစေ၊ ကျွန်တော့်ဆီတော့ မကျန်ဘူးဗျို့)
ချစ်ခြင်းများဖြင့်
သင့်ရဲ့
ရှဥ့်ညိုလေး
(၂.၁၂.၂၀၁၇ ည ၉း၀၈ မိနစ်)
Photo:Nyo Pyar Wine
Comments
Post a Comment